الرسائل

1

الهجرة و واللاجئين / رد: كروب انتضار مواعيد السفر في مصر

« في: 02:32 05/05/2012  »

اخواني الاعزاء السلام عليكم ورحمه الله
اني مقيم بمصر واقامتي على الامم المتحده .. اريد استفسر اذا الكيس مالتنه تحول توطين لل IOM اكدر بعدهه الغي ملفي الي باليو ان حتى اطلع اقامه دراسيه لان محتاج ان اسافر لمكان غير العراق . لو رح يكون بيهه مشاكل ؟؟ اكو احد سواهه او سمع احد سوه هل شي ؟؟
 شكرا لوقتكم اعزائي

2

الهجرة و واللاجئين / رد: كروب انتضار مواعيد السفر في مصر

« في: 10:56 13/02/2012  »

اشكرج ام ريم ويا رب تتسهل علينه وعليكم

اخي pati  هوه احنه من رحنه لسانت اندرو المحامي الامريكي هوه الي سدهه بوجهنه . وانت تدري كلهم محاميين جدد . فانت وحظك يوكعلك واحد يحب يساعد لو احد فاهي مثل الي الله دزلنياه.. وما ادري بخصوص اميرة، هسه دنخابر على قسم التوطين وعداوه عدهم ويه التلفون محد ديرد، تحياتي الك وشكرا لردك

3

الهجرة و واللاجئين / رد: كروب انتضار مواعيد السفر في مصر

« في: 22:54 12/02/2012  »

اخواني الاعزاء

السلام عليكم ورحمة الله .. اني جديد عندكم بالمنتدى .. اقبلوا صداقتي ، واريد استفيد من خبرتكم بمجال تسيير المعاملة الى الوصول للاي او ام .. اني مسجل كلاجيء باليو ان الي بمصر
و مشكلتي انو معاملتي بعدهه عند اليو ان . والكيس الاساسيه الي حولونه على التوطين كانت مرض والدي . والوالد كان محتاج عملية باسرع وقت . فالموضوع طول وكان لازم نسوي العملية ، فاغلقنا الملف باليو ان وسوينه اقامه دراسية وسافر الوالد وسوة العلملية وصحته هسه الحمدلله بخير، ( باليوم الي دنغلق الملف بي الموظف مال يو ان كال اكو توصيه بتوطينكم فحرامات تغلقون الملف، فسألناه اذا موضوع التوطين ممكن يطول اكثر من سنه او لا؟ لان حالة الوالد متستحمل، فكال هوه يطول . لكن اذا اغلقتوا الملف ومن رجعتوا من السفر فتحتوا الملف رح تكون التوصية بالتوطين موجودة )

هسه واحنه دنخابر اليو ان محد دينطينا خبر او غالبا محد يرد (يطلع سوداني لا نفتهمه ولا يفتهمنه) . ورحنه على الكنيسه مال سانت اندروز . يقولون انو التوصيه بالتوطين تروح اذا اغلقتوا الملف وخصوصا انتو حالتكم معتمده على مرض والوالد فماكو داعي للتوطين .. ارجوا المساعده بافكار او الوسيله الي نحجي بيهه ويه اليو ان، خصوصا هسه مديستقبلون مراجعين على التوطين بس بالتلفون، حتى نعرف حالتنه او نصائحكم لان كلكم مقيمين بمصر ودتشوفون البلد حالهه لوين رايح واحنه شباب بمقتبل عمرنه نريد نشوف دربنه مو مال نضل نراوح بمكاننه ومنعرف وين نروح ..
مروتكم اخوان،  تحياتي للجميع