مواضيع

1

الهجرة و واللاجئين / ولاية فرجينيا (مهم جدا)

« في: 03:33 14/02/2013  »

السلام عليكم

بالبدايه احب اسلم على كل اعضاء المنتدى العزيز الغايبين والحاضرين والي الجميع فادو الناس ومستمرين بهذا الشي احب الفت انتباه الاخوان الي بامريكا وبولايه فرجينيا بالتحديد الى وجود كروب بالفيس بوك بأسم (العراقيين في فرجينيا ) الي يحب يدور عليه ويستفاد منه وبالمره الناس الي بولايه فرجينيا تستفاد الجدد والقدماء مع جزيل الشكر

واسف على الاطاله

اخوكم الدفان

2

الهجرة و واللاجئين / منع الدخول الى الاردن وموضوع الغرامات

« في: 14:42 22/08/2012  »

اخواني العين كاويين عيدكم مبارك وكل عام وانت بالف خير وعساكم من عواده اخوان عندي سؤالين واتمنى من الاخوان واصحاب الخبره يجاوبوني حتى تعم الفائده عالجميع ايضا
السؤال الاول
اذا شخص بعمان متجاوز وعليه غرامات هوايه ويريد يرجع للعراق بدون دفع الغرامات كم مده المنع واذا حول ملفه من اي او ام عمان الى بغداد وبعدين طلعله سفر بغداد يسافر عادي اقصد من يطير ترانزيت الى عمان اوكي ماكو مشكله يدخل لو لا

السؤال الثاني
هل هناك اخبار فيما اذا احد سمع بعفو عن غرامات التجاوز للعراقيين بمناسبة العيد لو لا


وشكرا الكم مقدما

3

الهجرة و واللاجئين / منو بقه مسافر من جماعة IZ-112$$$ عمان

« في: 23:01 11/08/2012  »

اخوان حبيت انزل هذا الموضوع حتى نكدر ولو بشكل بسيطه نحصى اعداد الي بعدهم ما مسافرين من جماعه iz-112 عمان


وشكرا

4

الهجرة و واللاجئين / جمعيه اصحاب الملفات الي تبدي iz112### عمان

« في: 14:19 01/07/2012  »

اخوان حبيت اسوي هاي الجمعيه حتى نكدر نعرف منو باقي منو مسافر بلكي يساعدنا هذا الشي بالتحليل ومعرفه وضع ملفاتنا طبعا للعلم اغلب الي ملفاتهم تبدي بهذا الرقم هم من المقدمين سنة 2009 واني اول واحد راح ابدي
سنه التقديم شهر الخامس 2009
نقل الملف الى عمان شهر السادس 2011 ولحد اليوم انتظار امنيه وشكرا

5

الهجرة و واللاجئين / شقه للايجار

« في: 22:01 29/06/2012  »

اخوان ارجو المساعده كاعد ادور عالشقه مفروشه غرفه وصاله بسعر مناسب وماكو ارجو من الي يعرف يساعدني وجزاه الله كل خير يا رب

6

الهجرة و واللاجئين / رمز جديد MSI ارجو الدخول

« في: 13:26 29/06/2012  »

السلام عليكم
اخواني واخواتي العين كاويين اصحاب الخبره وينكم قبل كم يوم دزيت ايميل استفسر عن حالة الملف مالتي وكالمعتاد اجاني الرد تجييكات امنيه بس الغريب انوا اول مره يجي هيج رمز مع العلم انو اني جايتني هوايه رموز بالايميل قبل وهي المتعارف عليها سابقا بس هذا الرمز اول مره اشوفه بالرد مالتهم
الرمز MSI

اصحاب الخبره افيدوني جزاكم الله خيرا مقدما

7

الهجرة و واللاجئين / مهم جدا ارجو الدخول

« في: 11:39 09/06/2012  »

السلام عليكم
اخواتي واخواتي اعضاء المنتدى المحترمين ارجو منكم المساعده واني اعرف بيكم ان شاء الله ما راح تقصرون احب احجيلكم قصتي وارجو مساعدتي
اني من جماعه بغداد ومكمل كلشي سنه 2011 شهر الخامس واستلمت المحلفين وكانت الموافقه المبدئيه بس بعدها بفتره قليله صار عندي ظرف كلش طارئ اظطرني انو اخذ عائلتي واسافر الى عمان طبعا بعد وصولي الى عمان بعشرة ايام طلبت نقل الملف الى الاردن وبالفعل تم ذلد واليوم يصيرلي اكثر من سنه اني بعمان وكلشي ماكو كل ما اخابرهم او استفسر منهم يكولولي تجييكات امنيه واليوم بالتحديد صار 3 اشهر الفحص الطبي اكسباير ولحد الان ماكو شي
اني بصراحه تعبت ووضعي المعيشي كلش تعب واكلني الدين والقهر ووضعي يصعب ع الكافر بصراحه والله ع ما اقول شهيد فحبيت احجي موضوعي هذا واسال اذا رجعت البغداد شنو راح يصير
وهل اكدر ارجعانقل ملفي الى بغداد
وهل يحتمل ان يكون سبب التاخير هذا لانوا نقلت ملفي الى عمان
واني اشكركم مقدما وبارك الله بيكم
بالمناسبه اني من جماعه iom

8

الهجرة و واللاجئين / مصيبه لو لا رجاءا طمنوني (الكفيل)

« في: 18:10 26/04/2012  »

السلام عليكم
اخواني واخواتي العين كاويين اسف صارلي فتره بدون مشاركات بس الكل تعرف عمان والعيشه وتركض والعشه خباز والحمد لله اني حبيت احد يطمني ويكولي بالشغله الي راح اطرحها الان
اني اول مقابله الي بالاي او ام انطيتهم اسم كفيل وبعدين بمقابله المحلفين لغيت الكفيل وخليتها عليهم وهذا يوم وذاك يوم كل بالي انوا اني الملف مالتي بدون كفيل ليش مو قبل كم يوم كلت خلي ادز ايميل استفسر عالولايه مالتي واجاني الرد الصاعق انو مبقين الكفيل مالتي الي انطيت اسم وما مكنسليه واكيد الولايه نفسها الي هو عايش بيها طبعا اني تخبلت من قريت الايميل اكيد راح تسالوني ليش ما خابرته اني رفضته لانوا وره اول مقابله غير رقم تليفونه وما جان عندي اي وسيله اتصال بي غير رقم موبايله طبعا مع العلم انو اني صارلي سنه تخت انتظر امنيه ولحد لان ماكو شي النوب طلعتلي هاي السالفه
اني وديت ايميل كتلهم الغووووووووو واريدكم انتوا تختارولي الولايه وبعدني انتظر الرد
ارجوكم احد يخدمني بهذا الموضوع ويطمني هذا الشي راح ياثر عالملف مالتي لو لا وهل هذا التاخير بسببه لو لا مع العلم انوا اني من جماعه بغداد وحولت ملفي العمان صار اكثر من سنه وشكرا الكم مقدما

9

الهجرة و واللاجئين / مهم جماعه عمان الباحثه الاجتماعيه (ارجو الدخول)

« في: 20:57 11/03/2012  »

السلام عليكم
اخواني اخواتي الاعزاء العين كاويين او شي احب اسلم عليكم وانشاء الله كل شي تمام ولا اعرف انو الدنيا ما تخله من المصايب وخصوصا مصيبتنا الكبرى ( الهجره ) بس نكول الحمد لله على كل حال
اليوم جنت بالمفوضيه رحت استفسر عن الراتب لانوا حالي حال هوايه ناس اليوم شفتهم مكطوع عنهم الراتب بالمناسبه اني رحت استفسر لانوا لحد لان ما شدولي راتب عالعموم الاوضاع وللاسف ما تبشر بخير هوايه ناس مكطوع الراتب منهم شنو الفلم ما ادري بس سمعت الناس تحجي تكول صارت الحصه الاكبر للسوريين بالوقت الحالي بس نكول الله كريم
ما اريد ابتعد عن الموضوع الاصلي والي هو انو شفت اعلان جديد يكول تم تحديد يوم السبت والثلاثاء والخميس فقط من كل اسبوع لمقابله الباحثه الاجتماعيه وتعال شوفوا اليوم الناس صايره كتل على ابو الحلاوه لحد ساعه عشره وصل الرقم فوك 120 الله يكون بعون الجميع
اسف عالاطاله وعلى هذا الخبر بس حبيت ابلغ نصيحه الي يريد يروح يطلع من الغبشه احسله

شكرا جزيلا واتمنى انوا تكونون استفدتوا من نقل الخبر
تحياتي الدفان

10

الهجرة و واللاجئين / الكفيل ارجو ألمساعده

« في: 20:09 06/03/2012  »

السلام عليكم
إخواني أخواتي اني جديد عالمنتدى وارجو مساعدتكم عندي سؤال اني بعدوي انتظر الامنيه وكفيل ماكو بدون زحمه اذا حصلت كفيل هسه هل راح يساعده بتسريع السفر لو هو والماكو سوه

اسف عالاطاله وشكرا جزيلا مقدما
بالمناسبه اني جماعه عمان