الرسائل

1

الهجرة و واللاجئين / رد: إستلمت الفيزا اليوم من DHL ميريديان - وياها مشكلة

« في: 04:38 22/05/2012  »

السلام عليكم اخي العزيز..
اني طبعا قريت الموضوع وردود الاخوه والاخوات واعتقد همه حلولهم تكفي لكن السالفه كلش ضوجتني وخلتني ان اوعدك باجر باذن الله امر على فرع الشركة الرئيسي في القاهرة واشرحلهم هذه الحاله لان صاير على طريقي لكن اريد منك اسم وعنوان مكتب هذا الموظف بالضبط حتى اقدم شكوه بي واله اخلي يفتح بسطيه مال جكاير.بس تدري هنا الشركات بالقاهرة مال اكسبريس يا اخي تعاملهم ويا الزبون وويا حاجتك بمنتهى الادب وهو يتوسل بيك لان دزيت عن طريقهم كذا مره لكن تعاملي على الاكثر مع تي ان تي.بس شنكول على بعض العراقيين من يصير باظافرهم طحين؟؟ تعرفون كلش زين شيسون بالناس الفقره..اني هذا الي اكدر اساعدك بي..ولاتنسه الاسم والعنوان..وتحياتي

2

الهجرة و واللاجئين / رد: شبيك لبيك استراليا بين ايديك !!

« في: 04:16 22/05/2012  »

السلام عليكم ورحمة الله وبركاته..
الى اخوتي الاعزاء الي مشتركين بالنقاش في هذا الموضوع الغريب بصراحه والدليل على غرابته عنوانه.اني بصراحه قريت الردود كلها بمنتهى الدقه والتفصيل والتركيز ولاحظت انه موضوع جاد جدا من طرف الاخ (فزعتكم) وكلامه منطقي 100% رح احجيلكم قصة بيت عمتي الي سافروا الى استراليا في سنة 1997 من بغداد بداية الرحلة كانت من بغداد الى عمان ومن عمان الى جكارتا اندونيسيا بتاشيرة دخول مزورة ومن اندونيسيا اتفقوا مع مهرب يوصلهم الى جزيرة كرسماس مقابل 2000 دولار لكل فرد وفعلا تم الاتفاق وتوكلوا لكن للاسف في بداية الرحله وبعدهم على المياه الاقليميه الاندونيسيه تعطل محرك المركب ورجعوا لاندونيسيا وبعده بفتره عادوا الكره مره ثانيه والله وفقهم وخلال 3 ايام وصلوا لجزيرة كرسماس وحاليا همه مواطنين استراليين اكيد وعايشين بسدني.ارجع للموضوع اعزائي زوار هذا الموضوع والمهتمين للامر استراليا والوصول الى استراليا ان بعد القارة الاستراليه عنه خله طريق الوصول الها صعب جدا سواء بطريقه مشروعه او غير مشروعه احنه نعرف كلش زين ان استراليا مو دولة افريقيه او اسيويه فقيره لا استراليا دوله غنيه وقوانينها صارمه جدا ولاننسه اصلهم انكليز وانتو تعرفون عقل الانكليز البريطانيين شكد قافل وعدهم جيش وقوة بحريه وخفر سواحل قوي جدا ومتطور جدا مقصد كلامي انه السفر الى استراليا عن طريق البحر موجود لكن خطر جدا لان مامعقوله ميكون خطر وانت تعبر المحيط بزورق خشبي مو؟ لكن موجود بس مجااااااااااازفه بحياتك ولو مو مثل قبل لان فعلا مثل ما ذكر الاخ فزعتكم بالفعل صارت اتفاقات بين حكومة استراليا وحكومة اندونيسيا لمنع الاتجار بالبشر وتهريبهم لكن تبقة الفلوس كلشي تسوي اني بصراحه رح اسال ولد عمتي الي في استراليا حتى يزودوني بمعلومات اكثر وادق عن هذا الموضوع ورح اطرحها هنا في هذا الموضوع.وقبل الختام احب اعلق على مقطع ذكره صاحب الموضوع مع احترامي واعتزازي (طلعوا تهريب من قبرص بلنج الى استراليا) ههههههه يا اخي على الاقل فكروا معقوله مرح يفوت بمياه دول العالم؟ يعني هو اول شي اكيد رح يطلع من قبرص ويدخل الى قناة السويس حتى على البحر الاحمر زين اسالك بالله شنو هي هيته لو فالتون؟ شلون رح يعبر على الاقل قناة السويس المصريه؟الدول تخليك تمر بمياها الاقليميه؟ انت ماسامع ابسط شي قوات خفر السواحل الايرانيه تلقي القبض على صيادين عراقين وحجز زورقهم بسبب دخولهم المياه الاقليميه الايرانيه.سامع هيج خبر اكيد وهاي مو بس ايران كل دول العالم لان يعتبر دخل لدولتهم بطريقه غير شرعيه تره حتى بالبحار اكو حدود دوله ..وفوك هذا كله انت تعرف المسافة شكد من قبرص لاستراليا؟ من مطار دبي الى مطار سدني بطيارة ايرباص a380 العملاقه الي لحد الان اكبر طائرة واسرع طائرة مسافرين في العالم توصل مدة الرحله الى 17 ساعه!!!اني هذا الموضوع شد انتباهي جدا واتمنى الي عنده معلومات مؤكده جدا وموثوقه ينزلها فقط لا نجيب كلام منا ومنا والناس تعبانه تره يا اخوان الله يخليكم والله العراقي تعب يعني فوكاها فوك الضيم والقهر والنوب واحد يجيب اخبار مو بمكانها ابد غايتنه في هذا المنتدى ان نساعد بعضنه حتى كل شخص بينه يوصل لمبتغاه ( ارحموا من في الارض يرحمكم من في السماء) طبعا اقدم شكري واحترامي الى صاحب الموضوع اولا والاخ فزعناكم ثانيا والى جميع المشتركين في هذا الموضوع.تقبلوا خالص تحياتي واحترامي اللامحدود اخوكم عــــــــــــــــــــدي

3

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 05:41 21/05/2012  »

  صباحكم أنوار
 بما .. انه النقاش  جاد .. فهذا دليل على انكم اثنينكم تحبون.. تساعدون الناس
 مشكورين..
بالنسبه   الي اني يمني   وفي  ومقيم بمصر..  ومقدم  على اليوان واجاني رفض .. وهالحين  دا احاول اسوي استئناف
 وفكرت... اروح  سفاره استراليا .. اسحب استماره واجرب حظي
 سؤالي  هل ماذكرتوه   ينطبق على كل الاجئين لو  معانديين العراقيين  فقط
 مع العلم ان مشكلتي مو  النظام  مع مسؤل وقبيلته
شاكر وممنون
لردودكم... الي  راح تنكتب

اهلا وسهلا بك عزيزي عمار من اليمن..
في الحقيقه انا صاحب هذا الموضوع وانا صحاب هذا النقاش الذي ان دل على شيء يدل على المعلومات المؤكده التي يحملها اخوننا في هذا المنتدى العراقي الاصيل الرائع.ان الهجره الى استراليا مثل ماذكر اخوتي سابقاً اعلاه هي تجربه مفعمه بالفشل وبنسبة 90% وذلك بسبب قوانيين الهجرة الصارمه لدى الحكومة الاستراليه ولكن انا شخصيا قد حاولت واتممت المعاملة وارسلتها الى كفيلي في استراليا\سدني وهو بدوره ملاء استمارة رقم (681) وانت رقم الاستمارة الخاصه بك وهي لجميع طلبات الهجرة هي(842) وهي خاصه بجميع الجنسيات وليس محدده لجنسيه معينه اما مايخص العناد مثل ماذكرت لايوجد شيء اسمه عناد لكن هناك من يقتنع بكلامك وسبب طلبك للهجره و هناك من لا يقتنع بذلك..ارجوا ان اكون اجبت بشكل وافي للاسئله التي طرحتها واهلا وسهلا بك بين اخوتك العراقيين..

4

الهجرة و واللاجئين / رد: أرجو مساعدتى للسفر إلي جنوب افريقيا

« في: 05:05 21/05/2012  »

لكن مافى هجرة لجنوب افريقيا من مصر لكن الظروف اللى نا عايشها هنا والمعيشة الصعبه بتخليني افكر الهجره لاى مكان لكن بشوف الأسهل لان استراليا كنت حاولت من قبل وكان نزل صديق لي من هناك وذهب معي للسفارة وقالي انه بيقدم زيارة لي وهو مسئول عن كل مصاريفي ومش ماوافقو برده اخدت رفض .

انت ليش متصلي عالنبي احسن
وليش انت تريد تهاجر
عشرة الاف دولار بمصر مبلغ كلش زين افتحلك بيه مشروع وعيش
وليش بالذات جنوب افريقيا ليش مو اوغندا مثلا
اوغندا تكدر تفتح بيهه سوبر ماركت ب5000$ و3000$ بيت والباقي تخليه طوارئ
او اطلع لتركيا ومناك لقبرص وبعدين لليونان (قابل اني اعلم المصريين شلون يطلعون تهريب؟؟؟

اما اذا كنت عراقي وحاب تتشاقه لايش لا اطلب هجره لوين ماتريد  (الناصرييه عماره  موصل تكريت)
بالمناسبه اكو واحد هم كدع صاحبك دخل للمنتدى  راح نسويها مقهى فراوله الكرخي

..
ثق واعتقد بالله متت ضحك يايمه موتتني على تعليقك هذا لك انت شنو كارثه والله ماضحكني تعليق ورد بالمنتدى غير هذا ههههههههه..الله عليك اخويه كلش حباب اني اخوك عدي وحاب اتعرف عليك هذا ايميلي.oday_albaghdady@yahoo.com والفيس بوك oday albaghdady ياريت لو تضيفني يمك مع اعتزازي بيك ...اخوك عدي من..بعدين اكلك من نتواصل على الايميل.

5

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 09:37 16/04/2012  »

اخواني الاعزاء السلام عليكم..
بما انه اني صاحب الموضوع والسؤال فاحب ان اقدم رأي في كلام كل من الاخوه(شمعه منورة) و (الن في بلاد العجائب) المحترمين طبعا كلنه نعرف انه سبب تواجدنا في المنتدى هو لطلب النصيحه والمعونه من الناس الي عدها علم وخبره واطلاع في امور الهجرة واللجوء واكيد كل شخص من ينزل موضوع وهو عبارة عن سؤال اكيد هو محتاج المعونه منكم والنصيحه اني طبعا من نزلت هذا الموضوع اني هم مو قليل خبره بخصوص اللجوء والهجرة وخصوصا استراليا لكن حبيت اعرف اكثر واتاكد من معلوماتي واني اؤكد لكم اخواني شمعه والن انه انتو الاثنين كلامكم صحيح ومابي تناقض بس الناس المساكين وهواي منهم ماعدهم  فكره عن استراليا وامور الهجره واللجوء فيها فاني من اكول انه الي ذكرتموه صحيح وفعلا اخي الن اكو فرق بين هجرة وبين لجوء مثل ماذكر اخ شمعه..فخلونه كلمن ينطي رايه وكلامه الي يحاول ان يكون نقاشي وياخذ وينطي بالحجي.واكيد اني فعلا بغاية الشكر والامتنان لحضراتكم لانه انتو بصراحه بمناقشتكم فدتوا جميع الاعضاء الي محتاجين سؤال بخصوص استراليا.واني مني الكم شخصيا اجمل تحياتي واعتزازي.واحترامي ايضا الى الاخ العزيز يوزر سيف على المداخله والراي الممتاز ونرجوا ان مياخذا الموضوع اتجاه التعصب والانفراد بالرأي..
تحياتي الى الجميع...عـــــــــدي

6

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 03:42 14/04/2012  »

اخي انشاءالله ميقصرون وياك الاعضاء وعذرا لاني لااملك عن استراليا سوى بعض الاصدقاء الذين انقطعت اخبارهم منذ فترة طويلة

اشكرك اخ ياسر طبعا الاخوه ماقصروا وميقصرون والله اني فعلا استفدت من اجابتهم المميزه ولاحظت فد شي انه كل الي ردو على الموضوع همه فعلا عدهم علم بي.تحياتي لحضرتك ونورت.

7

الهجرة و واللاجئين / رد: خير كلش حلو للمنتظرين

« في: 03:28 14/04/2012  »

يا الله يا الله
وينها سعوده خلي تجي تطكطك حرمل
ربي ييفرجها عليكم بفرج قريب ان شاء الله

((وينها سعوده خلي تجي تطكطك حرمل)) هههههههههههههههههههههههههههههه والله متت ضحك حبيبي جورج بوش تحياتي الك.[/size][/b]

8

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 02:57 13/04/2012  »

شمعه اخويه العزيز اعرف عوائل عديده راحت لاستراليا بال 2011 و بدايات ال 2012

فعلا ألن اني هم متاكد من هذا الكلام فعلا هواي عوائل طلعت اني اعرفهم سواء من سوريا او عمان لكن نشوف بقية الاخوه اذا عدهم اي معلومه يفيدونه بيها بهذا الموضوع وتحياتي الى الجميع...

9

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 14:38 12/04/2012  »

الى الاخ شمعه منورة فعلا انت شمعه منورة بطريق الخير وحب الخير اهديك فائق احترامي وتقديري على مداخلتك بالموضوع في الحقيقه كلامك اضيفه مع كلام الاخوه والاخوات الي علقوا على الموضوع سابقاً وهو فعلا كلام صحيح لكن احب اعلق على جملة (لم تقبل من سنة 2009 لحد الان لاامم ولا غير امم) زين مو اني عندي اقاربي عائلتين الاولى طلعوا قبل 3 اشهر والثانيه قبل شهر الى استراليا وهم مسجلين على اليو ان وطلعوا عن طريق اليو ان وهمه لا مرضه ولا اي سبب من الي ذكرته حضرتك بالعكس همه عوائل زين بعتقادك شنو السبب؟ وعلما طلعوا من سوريا لكن اني في مصر..تحياتي لحضرتك وربي يسهل امرك وينطيك العافيه.

10

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 01:27 12/04/2012  »

الاخت العزيزه كوكي2004 كلامج جدا منطقي وصريح وفعلا استراليا بلد صعب جدا لكن العيشه بيه عيشه راقيه نسبة الرفض بيه  كلش عاليه ومثل ماتفضلوا الاخوان بالتعليق عن الموضوع سابقا انه استراليا ترفض بنسبة كبيرة جدا بصراحه اني ابن عمتي وهو مواطن استرالي منذ 17 وهو صاحب املاك وعقارات وعنده محل مجوهرات وذهب واله طبعا مكانته في مدينة سدني وهو رح يكون كفيلي هل هذا الشيء يفيد برايج؟ هاي وحده اما بخصوص الامكانيه الماديه اذا كفيلي هو المتمكن وهو من يتكفل بمصاريفي وعيشتي هل هذا الشيء رح يساعد؟ وسؤالي الاخير كم تكلفة المحامي يعني شكد اتعابه؟وتقبلي مني اجمل تحياتي

11

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 01:19 12/04/2012  »

الاخ العزيز napulyy بصراحه كلش ضحكت على سالفة (ناس بطرانه) لان فعلا الي يطلعله كندا يرفضها هذا بطران هههههه.تحياتي الك

12

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 01:11 12/04/2012  »

الف تحية الك اخويه العزيز ابو رامي الحديثي على جوابك ورأيك بالموضوع ومداخلتك جدا مفيده ومشكور عليها.فعلاً استراليا بلد يعتبر مستعمره بريطانيه ولذلك شديدين جدا اني بصراحه مقدم على اليو ان لكن تدري لازم الواحد يطرق جميع الابواب وعسى ان تكون احد الابواب هي فاتحة الخير.تحياتي لحضرتك مره ثاني وجدا اشكرك على الكلام اللطيف

13

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 15:09 09/04/2012  »

عزيزي oday777  انصحك  حتى اذا  اجاك رفض لاسامح الله  قدم مرة ثاني لا تياس اكو ناس بعد الرفض اجاهم قبول  وانتة وضروفك  واتمنالكوم الموفقيه

[/size]
تسلم ياورد والله كلامك جدا مشجع شكرا على ردك ورايك الرائع..تحياتي

14

الهجرة و واللاجئين / رد: سؤال موجه الى اصحاب الخبره بخصوص استراليا..ارجوكم

« في: 05:00 09/04/2012  »

شكرا جزيلا على المعلومة القيمه ورح انتظر المزيد من الردود من قبل باقي الاعضاء المحترمين اذا كان لديهم علم او خبره بهذا الموضوع..مع شكري وتقديري

[/size][/b]

15

الهجرة و واللاجئين / سؤال موجه الى اصحاب الخبره بخصوص استراليا..ارجوكم

« في: 05:28 07/04/2012  »

السلام عليكم ورحمة الله..اقدم اعتزازي واحترامي الى جميع اعضاء منتدى عنكاوا اخوتي الاعزاء اني مقيم في القاهرة منذ اكثر من 5اشهر وقدمت على اليو ان وحصلت على البطاقة الصفراء وتحدد اول موعد مقابله لي بتاريخ 5/12/2012 وفي نفس الوقت قدمت على البرنامج الانساني للجوء الى استراليا عن طريق السفارة الاستراليه في القاهرة واكيد عن طريق ملئ استمارة رقم 842 وبالنسبة للكفيل استمارة رقم 681 لدي بيت عمتي مواطنين استراليين صار اكثر من 17 سنة وكملت كل الاجراءات وابن عمتي رح يتكفلني وترجمت الاوراق وكل المطلوب مني..سؤالي هنا الى اصحاب الخبره والمعرفه بهذا الموضوع ماذا بعد؟ يعني شنو الي رح يصير وهل فعلا هذا البرنامج صحيح وهل اكو احد طلع عن هذا الطريق؟ ارجوا الاجابه منكم ومني لكم فائق الشكر والتقدير وعذرا على طول الموضوع..تحياتي

16

الهجرة و واللاجئين / رد: أستراليا تقرر معاملة جميع طالبي اللجوء بطريقة واحدة بغض النظر عن الوسيلة التي وصلوا بها إلى البل

« في: 03:53 07/04/2012  »

السلام عليكم اخي جوسي البغدادي اني اخوك مقيم في القاهرة ومسجل في اليو ان من 5 اشهر وقدمت على البرنامج الانساني الاسترالي عن طريق السفارة الاستراليه في القاهرة طلباً للجوء انساني وكملت الاستمارة رقم 842 وعندي بيت عمتي مواطنين استراليين صارلهم اكثر من 17 سنة وابن عمتي رح يكفلني ضمن الاستمارة رقم 681 الي تخص الكفيل سؤالي..ممكن اعرف من حضرتك اي معلومات عن هذه الطريقه يعني شلون وليش وشوكت واي شي تعرفه عن هذا الموضوع ومني لك اجمل تحيه واعتزاز وعذرا على الاطاله..