الرسائل

1

الهجرة و واللاجئين / رد: اتصال من السفاره بعد الفحص الطبي يبلغ بصدور الموافقه للزوج فقط !!!!

« في: 00:37 03/05/2012  »

اخي العزيز
اني مقابل يوم 14/2/2011 خابروني كلولي فيزتك كاملة وفيزة جهالك كامة فيزة زوجتك مكاملة نفس الشي سئلتهم كالو منعرف ايجوز شهر يجوز اكثر فكتله انطيني مجال افكر كالي الك يومين كتله ميخالف ودز النه رسالة على الانكوايري فقررت ان استلم الفيز مالتي ومال الجهال واسافر استلمت الفيز يوم 13/11/2011 وانتظرت الى ان بقى 25 يوم على الاكسباير سافرت يوم 5/2/2012 والفيزة تخلص يوم 9/2/2012 يعني تقريباً ثلاثة اشهر منتظر الفيزة مال زوجتي والى هسة ماكو شي واحنا اليوم 5/2/2012 بس لو اعرف زوجاتنا شمسوين ادري همة جانو يشتغلون لو احنا جنا نشتغل وهسة يمكن ارجع لأنه الجهال متخبلين على امهم يردون بس ايشوفوها صار تقريباً اربع اشهور مشايفين امهم بس لو اعرف الي ايأخر ويبعد ام عن اطفالها شكال لنفسه واني اللي اعرفه همه اهل الانسانية يعني كلب اذا اتمرض يكرم الله يبجون عليه وهسة اني بموقف ما انحسد عليه طبعاً مااكدر اشتغل ولا اتحرك ونسأل الله الفرج على الجميع وبلكي الله ايحنون على زوجاتنه ويصدرولهن فيز لأن وصلنا لمرحلة اليأس والرجوع الى نقطة الصفر

2

مواضيع الحياة العامة في بلاد المهجر (امريكا) / رد: التبريد في اميركا

« في: 05:07 25/04/2012  »

اختي العزيزة
روحي لول مارت واشتري التبريد الي اتريده وبهل حالة اكو ضمان بالجهاز من تشتري فأي خلل ترجعي مين مشتريتيه وتاخذين غيره او ترجعين افلوسج وهيج شغلات لتشتريها اون لاين لأن احتمال يجيج غير اللي طلبتيه

3

الهجرة و واللاجئين / رد: اني محتارة ونادمة

« في: 04:30 21/04/2012  »

أختي العزيزة سوسن السلام عليكم ورحمة الله وبركاته
بالنسبة للتخوف مالتج فما اضن اله داعي بس مرات السفارة تقدر هيج وتتغاضى عنها اني يالنسبة اليه من قابلت هم كنت خايف ابلغهم اني موضف بوزارة الدفاع لكن خليتها على الله وكتلهم والحمد لله اجتني الفيزا بشهر 11 2011 علما اني قابلت يوم 14/2/2011 وهم مستلمت فيز كاملة استلمت فيزتي وفيزة جهالي وزوجتي لحد الان مصادرلها فيزا علماً هي لاموظفة ولاهم يحزنون واخوج موظف ومبقى وظيفة مشتغل بيها وطلعتلي الفيزا اما زوجتي فكلشي ماكو الى هل اللحظة وحتى اعادة فحص ماكو فليضل بالج ان شاء تجيج وتجي لزوجتي وللجميع ان شاء الله واسأل الله ان يسهل امر الجميع بصدور فيزهم وميضل واحد ينتظر لأن والله الانتظار قاتل بمعنى الكلمة . تحياتي

4

الهجرة و واللاجئين / رد: سؤال مستعجل الى الكل لقد حددولي موعد سفر ولكن؟

« في: 20:46 12/04/2012  »

اختي سافري وتوكلي على الله لأن اني رجعو ابني سنة ليوره علمود يكدر يتواصل وية المدرسين والطلاب وتقوى اللغة الانكليزية مالته يعني اول وتالي يرجع سنه ليوره
تحياتي الى اختي العزيزة

5

الهجرة و واللاجئين / رد: اصدااااااااااااااااااااااار فيزة siv ولكن

« في: 20:39 12/04/2012  »

والله يااخي زين سويت وكتله انتظر لأن اني خابروني وكلولي الفيز كاملة باقية بس مال زوجتك انصدرلك فيزه كتله صدر واستلمت الفيز مالتي ومال الجهال بشهر 11 2011 وانتظرت الى ان تقريباً وصلت الفيز اكسباير ومطالعة فيزة زوجتي بعدها سافرت اني والجهال وصالي شهرين وشوية بامريكا وبعدها مطالعة الفيزة مال زوجتي يعني بين قوسين جان طيحان حظ حشاك لو قابل لأنه متكدر تشتغل اولاً اثنين وين متروح تاخذهم وياك لو رايح تشتري جكاير تاخذهم وياك واذا اتعوفهم ياخذوهم منك ويعتبروك مو كد المسؤولية تجاه اطفالك فأنتظر احسلك وليصير بيك مثل مصار بيه هاي صارلي خمس اشهر انتظر فيزتها والى هسة كلشي ماكو . تحياتي

6

الهجرة و واللاجئين / رد: بشرى سارة لكلا الجنسين siv , iom

« في: 19:07 10/04/2012  »

الله يسمع منك ويكون الخبر صحيح استلمت فيز بشهر الحادي عشر السنة الماضية بس الفيز مكانت كاملة فيزة زوجتي كانت بعدها مصادرة وانتظرت الى ان وصلت الفيز اكسباير تقريباً فسافرت اني والجهال وصارلي شهرين بأمريكا منتظر فيزة زوجتي بلكي الله وتطلع وية وجبة يوم 29 لأن غلطت وطلعت بدون زوجتي لا اكدر اشتغل ولا اكدر اتحرك بدون الجهال وعدا هذ الشيء يومية يسألوني اشوكت تجي ماما وليش مجتي ويانه وتعال يومية اقشمرهم بحجاية على امل تطلع الفيزا مال امهم ياجماعة نصيحة للعنده عائلة وتجي الفيز نقص ليوافق على اصدارها لأن يتعذب اهواية ويصبح مثل حالي يتأمل اشوكت تجي زوجته علمود يكدر يتحرك ويشتغل