الرسائل

1

اجتماعيات (ترحيب، تهاني و تعازي منتدى الهجرة) / رد: وفاة والدة الاخ الغالي ( عبادي )

« في: 01:01 15/01/2013  »

الى رحمة الله. اللهم اسكنها فسيهح جناتك.

2

الهجرة و واللاجئين / رد: الغاء الفيزا في المطار SIV

« في: 17:42 11/09/2012  »

و الله عمي الله يكون بعونك. اني هم سووا نفس الشي بيه بس قبل يومين من سفري و لحد هسه ما اعرف السبب.

الله يكون بعونه.

3

الهجرة و واللاجئين / رد: هل المرفوض اس اي في ياثر على الاي او ام

« في: 20:22 31/08/2012  »

و الله الرفض امني بس ما اعرف شنو السبب ميكولون.

بالنسبة للان في سي. دزولي رسالة كاتبيلي انه الرفض اجة من COM Desgnee و منكدر ناقش اسبابه. و بنهاية الايميل كاتبين قدم على الاي او ام.

Thank you for your interest in the Special Immigrant Visa Chief of Mission Approval (SIVCOM) Program.

The decision to deny your Chief of Mission (COM) application was made by the U.S. Embassy’s COM designee.  Therefore, the National Visa Center (NVC) is unable to discuss the specific reasons why this application was denied.

 

USRAP PROGRAM:

You may also be eligible for resettlement in the United States under the United States Refugee Admission Program (USRAP). Information regarding this program, including information on how to apply, can be found at http://iraq.usembassy.gov/about-us/refugees.html .

4

الهجرة و واللاجئين / هل المرفوض اس اي في ياثر على الاي او ام

« في: 18:56 31/08/2012  »

السلام اخوان,

طبعا اني كاتب موضوع سابق عن رفض فيزتي بعد اصدارها و اني هسة بعدني اجالش وية الاس اي في.
طبعا سبب رفض الاس اي في لحد الان ما اعرفه.

على اية حال. هل المرفوض اس اي في لاسباب غير معروفة ينرفض بالاي او ام ايضا.

ارجو من اصحاب الخبرة الاجابة,
شكرا

5

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 14:54 13/06/2012  »

اختي الدكتورة مارلا.
بالنسبة للتوصية. اني حصلت وحدة يوم 20-5 من شخص بالسفارة من استقاليت و مذكور بالتوصية ولائي و عملي القيم للولايات المتحدة.
بس اللي اتوقعه و الثغرة الوحيدة الحالية بعد دراسة مكثفة لوضعي ما كو غير انهم رافضين الsecurity certification بعد استقالتي. لان احتمال الجماعة اني مبطل و بعدهم حاطيني بالسيستم مال الvetting. و هذا شيء غير عادل طبعا.

اني ما متاكد من هذا السبب و لكن هذا الشي الوحيد الي ممكن اتوقعه.

6

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 01:56 13/06/2012  »

You may file a motion with USCIS even if you do not have any appeal rights.  You may also file a motion regarding a decision made on an appeal.[/color
thanks [/color]

اخي كلمه motion
لها بنودها وتفاصيلها بحد ذاتها بحر , ان اصررت على محاوله فسوف اساعدك اخي وان توقفت هنا فهذا كل ماستطيع عمله لك وعذرا من تقصير

تحياتي
اختك
د.مارلا

الاخت دكتورة مارلا.طبعا اني ارسلت الى جماعة الthelistproject.org عن قضيتي و انتضر اتصال منهم لان طلبوا تلفوني. بس اني حقيقة اليوم الصبح راح اخذ بنصيحتك و ارسل بريد لل uscis. motion to reopen و ارفق وياه توصياتي و خصوصا اخر توصية من استقاليت. شكرا على جهودج الطيبة

7

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 01:19 13/06/2012  »

الاخت مارلا.
و الله تعبتي هواي وياي و اني هذا الشي اقدره كلش و ما انساه.


طبعا شوفوا رد السفارة للايمل اللي رسلته الهم للاستفسار على قضيتي و اللي خلاني افور باعصابي:

We receive classified information from many sources, whenever such
information is made available to us, and not just at one specific point
of the SIV application process.  As soon as we received the classified
information that concerned you, and determined that it's derogatory
nature meant that you were no longer deemed to have provided "faithful
and valuable service", we revoked your Chief of Mission approval.  While
we regret the inconvenience you suffered, the interests of U.S. national
security necessarily outweigh your travel plans in such matters.

We have reviewed your entire case, including the classified derogatory
information, and our decision to revoke your Chief of Mission approval
is unchanged.

الايميل اجاني من RIDPA-baghdad@state.gov.

هو اني محصل توصية من عدهم باخر يوم عمل يمهم و تاليهة يكولون ما اعطيت خدمة قيمة و مخلصة للولايات المتحدة.
اني متاكد انه جايتهم معلومة خطأ بس ما اعرف الطريقة اللي استطيع اثبت بيهة هذا الخطأ الحاصل.
لازم اعرف شنو المعلومة علمود اكدر اوضحلهم بس كاتبين انه المعلومة سرية.


ما عندي غير الله

8

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 18:03 12/06/2012  »

السلام عليكم,

اخوان حسب ما توصلت الة بالنسبة لقضيتي هي ان المشكلة ما الهة اي علاقة بالUSCIS و ان الi-360 تم رفضها بسبب الCOM فقط و ما ممكن احصل موافقة i-360 بدون موافقة الCOM.

اللي سمعت من قضايا بعض الاخوة اللي مروا بحالة مشابهة بمنتدى اهلنة الكوم كام يسوون review جديد للقرارات مالتهم و انه واحد من الاخوة اللي انرفضوا اجا قبول حديثا و انه الشخص يجب ان يقدم اس اي في من جديد.

شكرا لكل الاخوان اللي تعبوا نفسهم وياي. طبعا اني هسة هم راح اقدم اس اي في من جديد و الله كريم.

اخوكم hrdhkr

9

الهجرة و واللاجئين / رد: الغاء سفر

« في: 21:09 09/06/2012  »

اي عادي اذا رادت تنسحب من الكيس تكدرون تدزولهم ايميل ان تسحبوهة بس رح  يسالوكم ليش و ما ليش لازم تنطوهم سبب مقنع و الا يجوز ميقبلون

10

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 02:39 09/06/2012  »

الاخت مارلا.
ما اعرف شلون اشكرك على جهودك الطيبة.
راح احاول ارسل الفورمة بالdhl الى uscis باقرب وقت ممكن. بالاضافة اروح للسفارة علمود يشخطون على الفيزة مرفوض.

و الله تعبتي و ياي و اني هذا الشي ما انساه من عضو بعنكاوة يقدم مساعدة و يطول خلك وية شخص ميعرفة و ما الة مصلحة وياه.
شكرا

11

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 02:13 09/06/2012  »

اخوان اني نزلت موضع عن رفض فيزتي اس اي في بعد شهر من اصدارها.

We regret to inform that your COM Approval has been revoked:
Security Checks revealed derogatory information.
و الورقة موقعة بيوم 31/05/2012

   
تاثير كاشف الكذب على الفيزا اس اي في. ارجوكم جواب
« في: 15:01 26/04/2012 »

السلام عليكم.
اني اعمل لدى الحكومة الامريكية في العراق. اضطريت ادخل الى فحص كاشف الكذب كاجراء سنوي و لكني فشلت في الاختبار بدون سبب و انا متاكد اني لم اكذب اي كذبة صغيرة و لكن هذا حظي في الحياة.
انا مقدم اس اي في و في مراحلي الاخيرة حيث انهم طلبوا مني فحص طبي بالفترة الاخيرة من اجل اصدار الفيزة.

    اخويه العزيز جنابك بيوم 26/4 كنت تتسائل تخاف يرفضوك وماكنت مستلم اي شي يعني مامستلم فيزا والرفض اجاك ب 31/5 وتكول صار شهر مستلم فيزا وبعدين قبل السفر بيومين انرفضت ---- بغض النظر عن اي امر يعني لو المنظمه اعطتك موعد بعد الفيزا باسبوعين او ثلاثه كما حصل لكثير من اصدقائنا كان سافرت ودخلت امريكا ؟؟؟؟ مو لو مو مو ------ اخي العزيز فعلا انت مرفوض ومسحوب منك الجيف اوف مشن لكنك لم تستلم الفيزا ورحمه لوالديك الجو حار ودين دينه مستلك واعصابنه طايح حظهه يعني مو مال نصب وضحك ويوميه كل واحد عنده مشاركتين وثلاثه لو يكول استلمت فيزا لو يكول انرفضت

اخوية عالشحنن. اتفهم كيف هيج مواضيع تضوج الناس.
اني نزلت هذا الموضوع و بعد فترة قليلة استلمت الفيزة يوم 7-5-2012. و دزيتهة للاي او ام راسا. حددولي موعد سفر يوم 6-6-2012. اجاني الرفض او بالادق كلولي بالرفض يوم 3-6-2012. بس الرفض مال الجيف اوف مشن موقع يوم 31-05-2012.
علمود اكون ادق

12

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 16:19 08/06/2012  »

يمعود تره بوكتنه طن هوه ليش اجاك رفض شنو انت مسوي سكرينكك بوكت و رافضيك خلال عملك   بس لو جيف مختار تاريخ بعيد للسفر

اخوية اني مسوي سكرينينك قبل متجي الفيزة. اجتني الفيزة و استقاليت من منصبي و اجاني رفض الفيزة بعد اسبوعين من استقالتي مع العلم انه استقالتي كانت مشرفة حتى المسؤول من خابرتة كان ما متوقع الخبر بس ما كدر يسوي شي.
شنو السالفة ميكولون.
يعني يجي واحد و يتهمك بشي ميكلك شنو. هي هاي حقوق الانسان.

انا لله و انا اليه راجعون

13

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 14:32 08/06/2012  »

الاخت مارلا. ما اعرف شلون اشكر جهودك الطيبة.

اني راح ارسل الفورمة بالبريد الى uscis  على هذا الاعنوان
USCIS
Attn:  290B
1820 E. Skyharbor Circle S
Suite 100
Phoenix, AZ 85034

بالبريد الالكتروني اللي اجاني من السفارة الامريكية مكتوب the decision is final and may not be appealed.
شنو اعتقادج قصدهم بهذا الشي و لو زحمتك وياي.

مرة اخرى اشكر جهودك الطيبة.

الاخ الكريم

يحق لك استئناف لمدة 15 يوم وهو مذكور في التعليمات المرفقه والتي تخص تعطيل فيزا راي شخصي ولست اعلم ان اليو اس  سي اي اس هي مسووله عن اخذ القرارت متعلقه بتعطيل فيزا وبالتالي هي تقوم بتوزيع مهام هذا حسب فهمي قد يكون صائب او خطاء لكن الذي فهمته انه هي جهه مخوله بقرار (تعطيل فيزا).... بعض النضر عن  جيف او مشن ...وبالتالي استرحماك سيكون موجه لهم والا لماذكرت اس اي في في طلب الترحم او استئناف الخاص بالتعطيل في المرفق وايضا اعفاء طالبي استئناف حصرا من اس اي في من الرسوم ؟؟؟؟؟ اقراء صفحه 3




مرفق استمارة التي حسب اعتقادي ماتحتاجه ؟؟

14

الهجرة و واللاجئين / رد: رفض فيزة اس اي في مالتي بعد شهر من اصدارها. و سؤال عن كيفية الشكوة

« في: 14:52 07/06/2012  »

اخي اني الرفض اجاني بعد شهر من اصدار الفيزة.

بداية هذا أمر فعلا مؤسف ومخيب للامال كان الله في عونك......الفيزا ليست حق واجب الحصول عليه
وانما منحه من البلد المانح مع مطلق الحريه في منحها لمن يشاؤون وفق الضوابط والمحددات التي
يضعونها هم....الامر الاخر منذ بداية المعامله يتم تحذيرك من بيع الممتلكات او الاستقاله من العمل
واخيرا السبب واضح تم ابطال الفيزا بناء على سحب COM لاسباب امنيه(غالبا تأتي من الوحده العسكريه
الامريكيه التي عملت معها).......لك ان تفعل ماتراه مناسبا ولكني اعتقد وللاسف ان الامر انتهى وعليك
مواجهة الامر الواقع عوضا عن التعب والمزيد من الخسائر بدون طائل........

حبيبي  هذا التحذير يكول  لا تبيع اي ملكيه الى ان تصدر الفيزا !
                                                                                                    صالح الفحام

15

الهجرة و واللاجئين / رد: رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 13:01 07/06/2012  »

اخوان شكرا جزيلا على تعاطفكم مع قضيتي.
بالنسبة الية ال fsn ما الهة علاقة لان اني تعينت قبل القرار. بالاضافة خلال مقابلة الاس اي في العام خلوني اوقع ورقة انه استقيل من تجيني الفيزة.

16

الهجرة و واللاجئين / رد: رفض فيزة اس اي في مالتي بعد شهر من اصدارها. و سؤال عن كيفية الشكوة

« في: 23:44 06/06/2012  »

الاخ الكريم

تحيه طيبه

اعتذر منك لجوابي بسرعه اعرف وضعك واقدره لكن ارجو منك السماح لي لاجابه على اسئلتك نهار سيبت فهو عطله و لمعرفتي باحد محامي الهجرة ان استطعت الحصول على جواب فساكتبه لك وساعلمك بالنيتجه بكل احوال اعتذر منك لعدم قدرتي على اجابه وايضا لحاجتي لوقت لمعرفه الجواب الصحيح .... اتمنى عل كل من يعرف جواب ان يساعدك تحياتي

dr.marla ما اعرف شلون اعبر عن شكري.
و الله تسوون فضل ما انساه.

17

الهجرة و واللاجئين / رد: رفض فيزة اس اي في مالتي بعد شهر من اصدارها. و سؤال عن كيفية الشكوة

« في: 23:31 06/06/2012  »

شكرا dr.marla.

بالنسبة للرفض مكتوب انه جاي من Chief of Mission Desginee
هل هذا يعني ان uscis هي الرافضة الPetition لو مجرد تصرف من السفارة الامريكية.

شكرا

18

الهجرة و واللاجئين / رد: رفض فيزة اس اي في مالتي بعد شهر من اصدارها. و سؤال عن كيفية الشكوة

« في: 23:22 06/06/2012  »

اخوية العزيز. اني استقالتي جانت بنص الشهر الخامس. و اخر يوم بالشغل حصلت من المشرف العمل توصية من اقوى التوصيات اللي محصلة خلال مسيرة عملي بالحكومة الامريكية. بس اكو مشكلة هية قبل اصدار الفيزة بشهر. اي بداية الشهر الرابع اني رسبت بجهاز كشف الكذب مما سبب بوضعي بمقابلات اضافية و مشت بسلامة.

ما اتصور ان للكاشف علاقة لان اني اشتغلت شهرين وراه و عندي باجي و اطب و اطلع الى ان استقاليت.

شكرا على الردود

19

الهجرة و واللاجئين / رد: رفض فيزة اس اي في مالتي بعد شهر من اصدارها. و سؤال عن كيفية الشكوة

« في: 23:03 06/06/2012  »

حبي ان اشتغلت وية الجيش 3 سنين و بعدين وية الخارجية الامريكية FSN الى الشهر الخامس 2012

20

الهجرة و واللاجئين / رفض فيزة اس اي في مالتي بعد شهر من اصدارها و قبل يومين من السفر. و كيفية الشكوة

« في: 22:49 06/06/2012  »

السلام عليكم،

اخوان اني نزلت موضع عن رفض فيزتي اس اي في بعد شهر من اصدارها. على كل حال ما اريد اطب بتفاصيل غير ان اكول انه تم ظلمي و ان القرار خاطئ و مجحف.
اخوان كيف ممكن ان اشتكي عليهم او اعين محامي او اذا ممكن استانف علما ان بالرفض بمكتوب:
On 7/Aug/2010, you were granted Chief of Mission (COM) Approval to access the Special Immigrant Visa (SIV) Program.
We regret to inform that your COM Approval has been revoked:
Security Checks revealed derogatory information.
و الورقة موقعة بيوم 31/05/2012

اخوان يعني و الله ظلم. اني كيف ممكن اشتكي خصوصا ان الرفض اجاني قبل يومين من الطيران اللي حددوليا الاي او ام.
كيف من الممكن الشخص يطلب تعويض خصصوصا انه اني اظطروني ان استقيل من عملي و ابيع و اطي من غراضي و اهيئ نفسي معنويا و ماديا للسفر تاليهة يجوني قبل يومين من سفري و يطوني رفض خصوصا ان نوع الفيزا هو فيزة هجرة مو فيزة عادية.
على الاقل يكلولي شنو سبب الرفض حتى اكدر اوضح و اثبتلهم انه قرارهم كان خاطئ.
تصرف غير اخلاقي من حكومة بهل الوزن ان تجيك و ترفض فيزتك  بلة متكلك السبب. و الله لو تشوفون توصياتي الى يوم استقالتي وحدة اقوة من اللخ.

انا لله و انا اليه راجعون.

21

الهجرة و واللاجئين / حالة يمكن حتى اهل الخبرة ما مارة بيهم

« في: 22:13 04/06/2012  »

السلام عليكم,
اخوان, اني مقبول اس اي في و صدرت فيزتي قبل شهر و حددولي موعد سفر بعد يومين المفروض اطير و لكن تم الاتصال بي قبل يوم و خبروني الاي اوم عمان ان عندي مشكلة بالفيزة و السفر انلغة.
على كلن اني استعلمت من السفارة و حسب ما كدرت افتهمة من عندهم بشكل غير رسمي عن طريق التلفون ان فيزتي انرفضت بسبب الجيف اوف مشن انرفض.
اللي صار اليوم ان اجاني ايميل من iraqSIVapplication@state.gov :

Dear XXX

Thank you for your interest in the Special Immigrant Visa Chief of
Mission Approval (SIVCOM) Program.

Attached is the Chief of Mission (COM) decision letter for your COM
application. Please note that all decisions are final and the decision
may not be appealed.

Sincerely,
Noah
SIV Unit
National Visa Center
Serco Inc
Support Contractor
Email: IraqSIVApplication@state.gov
Web: http://iraq.usembassy.gov/special_immigrant_visas.html

و المرفق بالرسالة هو الموافقة مال الجيف اوف مشن نفسهة القديمة اللي جايتني بال 2010.

شنو الفلم ما اعرف. طبعا اني داز ايميل للسفارة و لحد الان ما اجاني رد سوى هذا الايميل.

و الله دخنة.

22

الهجرة و واللاجئين / رد: انظروا ما حصل بي

« في: 12:27 04/06/2012  »

وحدث العاقل بما لا يعقل

حبيت هذا التعليق

23

الهجرة و واللاجئين / رد: انظروا ما حصل بي

« في: 08:28 04/06/2012  »

نعم, انا مار بمرحلة البوليكراف و رسبت بي من قبل شهرين و اضطريت ادخل مقابلات اضافية بس ما رسبت بالفحص الامني و بالمناسبة اكو جماعة راسبين مرتين و بالثالثة عبروا. اني على الاقل مرة وحدة.
اذا اكو علاقة بالكاشف الكذب كان من المفروض طردي من العمل من قبل شهرين. او اعطائي رفض من ذاك الوكت.

السلام عليكم.
اني اعمل لدى الحكومة الامريكية في العراق. اضطريت ادخل الى فحص كاشف الكذب كاجراء سنوي و لكني فشلت في الاختبار بدون سبب و انا متاكد اني لم اكذب اي كذبة صغيرة و لكن هذا حظي في الحياة.
انا مقدم اس اي في و في مراحلي الاخيرة حيث انهم طلبوا مني فحص طبي بالفترة الاخيرة من اجل اصدار الفيزة. فهل عدكم اي خبر اذا كان لكاشف الكذب اي اثر على قضيتي و ان كاشف الكذب ممكن اي يؤدي الى الغاء الفيزة؟

شكرا على هذا المنتدى الرائع الذي ساعد الكثيرين في قضاياهم.

هذا اقتباس لمشاركة انت منزلها قبل هاي ............ ممكن تفهمنا شنو الفلم ؟؟؟؟؟؟؟؟؟ ترى الناس ما ناقصة حبيط معنويات

24

الهجرة و واللاجئين / رد: انظروا ما حصل بي

« في: 16:01 03/06/2012  »

يعني ما صايرة. الشخص يعطوه فيزة و بعد شهر يكلولة انلغة سفرك. ميكولون هذا الشخص عاف شغلة و باع غراضة علمود سفره. ميحطون بنظر الاعتبار معنى ان اشخص هيأ نفسة لحياة جديدة بغير بلد. ما اعرف. على كلن اني ارسلتلهم ايميل. بس متاكد راح ياخذ وكت للرد بسبب كثرة الايميلات الي تجيهم.

25

الهجرة و واللاجئين / انظروا ما حصل بي

« في: 15:04 03/06/2012  »

السلام عليكم,

انا شخص عمل للحكومة الامريكية في العراق من 5 سنوات. متقدم على الاس اي في منذ 2009. تم اصدار فيزتي بداية الشهر الماضي.
بعد ان حصلت على الفيزة قدمت على استقالة من عملي لدى الخارجية الامريكية و تمت استقالتي الشهر الماضي قبل اسبوعين تقريبا بدون اي مشكلة و حصلت على توصية و نهاية خدمة مشرفة. تم تحديد موعد سفر لي  و كنت سوف اسافر الى امريكا بعد يومين و قد هيأت نفسي و قمت بتوديع اصدقائي و اقاربي للسفر بعد يومين . تم اليوم الاتصال بي من الاي او ام عمان و قالوا لي ان تم لغي حجز الطائرة و ان لدي مشكلة في الفيزة (فيزتي انلغت). اتصلت بالسفارة الامريكية و لكن لم يستطيعوا اعطائي سبب معين لانهم لا يقومون بالرد عن طريق الهاتف.
تركت عملي و التزاماتي و ودعت اقاربي. هل هذه طريقة صحيحة للحكومة الامريكية في مجازات من عمل لهم كل هذه السنين و عنده توصيات كثيرة.

انا لله و انا اليه راجعون.

26

الهجرة و واللاجئين / تاثير كاشف الكذب على الفيزا اس اي في. ارجوكم جواب

« في: 16:01 26/04/2012  »

السلام عليكم.
اني اعمل لدى الحكومة الامريكية في العراق. اضطريت ادخل الى فحص كاشف الكذب كاجراء سنوي و لكني فشلت في الاختبار بدون سبب و انا متاكد اني لم اكذب اي كذبة صغيرة و لكن هذا حظي في الحياة.
انا مقدم اس اي في و في مراحلي الاخيرة حيث انهم طلبوا مني فحص طبي بالفترة الاخيرة من اجل اصدار الفيزة. فهل عدكم اي خبر اذا كان لكاشف الكذب اي اثر على قضيتي و ان كاشف الكذب ممكن اي يؤدي الى الغاء الفيزة؟

شكرا على هذا المنتدى الرائع الذي ساعد الكثيرين في قضاياهم.