3
تحياتي اخوان
اني صارلي اربع سنوات في امريكا
انصدمت اول ما وصلت الى امريكا امشي بالشارع والناس اتسلم عليه وبدون سبب عبالي الناس مشبهين علية لو كلهم يعرفوني بعدين اكتشفت بانهم مجتمع قمة في الاخلاق والتواضع والاخلاص بالعمل وحب مساعدة الاخرين ,,,صادفتني مشاكل وصعوبات كثيرة في بداية وجودي في امريكا وكانو الامريكان احن واكثر مساعدة من جماعتنة العراقيين واقربائي خصوصا ,,,وتمرضت زوجتي ودخلت مستشفى لاكثر من شهر وتعلمت منهم الحنية ومساعدة الاخرين وشفت هواية امريكان يشتغلون بدون راتب لاعمال تطوعية لمساعدة جمعيات خيرية وقبل فترة اتطوعت لمدة يومين نلم فلوس بالترفكلايت لجمعية سرطان الثدي وكنت كلش فرحان واهجم عل سيارات هجم عبالك دينطوني ورقة بالساعة واكو هواية امريكان متطوعين يلمون فلوس للجمعيات الخيرية الي تدفع فلوس طائرات الاجئيين القادمين الى امريكا وقسم يلمون فلوس لمساعدة صندوق الغذاء العالمي وتعلمت منهم الكثير واني صارلي اكثر من سنتين اعمل وادرس اكتشفت بانه اني كنت بالسابق وقبل ما اجي الى امريكا مريض نفسيا وحاقد ومصلحجي واخاف من العين والحسد ومتخلف عقليا يعني منغولي الا شوية ,,,ولحدالان ماشفت او صادفت امريكان ديتعاركون هو اكيد اكو سلبيات,,كل مجتمع وبية اشكال الوان بس اني ما صادفت مع احترامي لوجهات نظر الاخرين والاختلاف بالرأي لايفسد للود قضية
عرض المشاركات
