الرسائل

1

الهجرة و واللاجئين / رد: طلب ورجاء من جماعة بغداد

« في: 20:00 31/10/2012  »

والله خوش موضوع وكم مرة طلبنا من جماعة عمان ان يتكلمون نيابة عنا احنا اهل بغداد ويشوفون شنو اللي صار معنا ومرايدين منهم غير استفسار بسيط لان ببغداد مالنا مكان نستفسر منه غير بس الايميل اللي لا يودي ولا يجيب

2

الهجرة و واللاجئين / رد: بعد انقطاع عن الكتابة لاكثر من تسعة اشهر قصتي في امريكا

« في: 10:39 06/10/2012  »

اخوية العزيز الله يوفقك ويحفظ لك عائلتك ويطلعك من هاي المحنة وانت قوي وما تحتاج احد..من يتوكل على الله فهو حسبه..وهنا بالعراق هم الناس صايرة ما ادري اشلونها والجو ايضا ملوث فمو عبالك انت انحست بامريكا..لعد شتكولون احد معارفنا سوة عملية للجيوب الانفية باربيل وصار عنده تلوث من وراء العملية اللي اصلا عملية مو خطرة وقبل يويمن توفى..يعني هم نقول نحس ومادري شنو...هو العناية الالهية واشوية الواحد يصير حريص والتوكل الاول والاخير على للذي خلقك فهو يشفيك..واللذي يطعمك ويسقيك..وانت اقرا ايات الشفاء والله ما تحتاج نصيحة من احد ولا يعوزك على احد

3

اجتماعيات (ترحيب، تهاني و تعازي منتدى الهجرة) / رد: باركووووووووووووووووووووووووولي بسرعه &

« في: 18:16 02/10/2012  »

مبروك اخي على الخبر
سؤال بلا زحمة:هل امنيتك بالانتظار لو مكتملة لان قريت مرتين :مرة الدفير لتر لم تحصل عليها ومرة الامنية بالانتظار واخر رد لك تقول الامنية مكتملة كلها بيوم واحد حصلت عليها؟

4

اجتماعيات (ترحيب، تهاني و تعازي منتدى الهجرة) / رد: اخبار ملفي الحلوه \ على عناد العواذل واليكرهون

« في: 13:32 28/09/2012  »

مبروك اخوية
اني لو منك ابو الصمون اشتري منه الصمون كله واسوي له مدالية...واتذكر بعد منو اليوم صبحت بوجهها بلكي نسويها احنا ايضا

5

اجتماعيات (ترحيب، تهاني و تعازي منتدى الهجرة) / رد: عاجل عضو جانت نايمة علية طابوكة راح يطير

« في: 13:11 28/09/2012  »

ههههه خرررررررررررررررررررب متت من الضحك...والله عمي العراقيين بعد بهم نفس ويضحكون
بس احب اضيف انو العضو  المذكور من بجه هواية وكام يكدي دعاء الناس ما خله حتى بيبيته اللي ربته وماتت من وراءة(يمكن فكرها) هم كامت تندعي له وخله طوب الارض يبجون عليه....والحقيقة هو عينه ما تنكسر على الناس اللي تريد تسافر وكاعد لهم على الدرب ما ادري هيج نماذج اشلون تتوفق

6

الهجرة و واللاجئين / رد: صديقي كولش قلقني

« في: 16:29 22/09/2012  »

اخي العزيز
احجي لك عن معرفة بعائلة اقرابءنا هم اثنان بنات وابوهم مشتري لهم شقة بالاردن لان يحبون يطلعون ويطبون ويلبسون على راحتهم والوضع بالعراق ما يخلي الواحد يتصرف ابدا مثل ما يريدون ..الحاصل انو قدموا على اليو ان وحصلوا لجؤ لامريكا بسبب وضعيتهم الخطرة بسبب ابوهم مدللهم بس مزوج 2 زوجات ومداير بال لبناته لان امهم ميته من زمان ..واعطوهم لجوء بمدة قايسية ما طولوا اقل من سنه وهم كل يوم رايحين جايين لعمان المهم حصلوا على كرين كارد..واخوهم اللي من امهم واحد جدا فاشل هم سووا له لجوؤ وحصله واعتبره ونسه لامريكا وسفر ببلاش اخذ المساعدات وتذكرة ببلاش وهذا معظم العراقيين حشا الزينين يسووها

7

الهجرة و واللاجئين / رد: سؤال للفائده العامه

« في: 12:44 14/09/2012  »

السلام عليكم وجمعة مباركة

اخي اني سويت فحص طبي وراها بشهرين اتصلوا بكفيلي فما اعتقد لها علاقة

8

الهجرة و واللاجئين / رد: موعد سفري يوم 25\9

« في: 12:28 14/09/2012  »

الله يوصلك بالف سلامة والموفقية بحياتك الجديدة وكل خطوة سلامة وامن

9

الهجرة و واللاجئين / رد: استفسار

« في: 20:15 13/09/2012  »

ان شاء الله الاردن بكل الاحوال احسن...ويارب تشوفين الخير ويسهل امرك

استغرب من اخ سهم على هيج اجوبته واعرف واحد هنا ببغداد نفس اخلاقه ونفس العشيرة بس اسمه غيث التميمي والله عبالك مسوية منية على العراقيين وصاير عراقي مثلهم ونص اهله كانو ضباط ومستفادين سابقا وهسة مسوين نفسهم متاذيين وبكل وكت يلعبون على الحبلين يا اخي همزين مالله خلقك من اول بامريكا كان اي قانون يفيد الانسانية نسفته..الله اكبر عليك

10

الهجرة و واللاجئين / رد: جماعة بغداد تعالوا نسوي مثل مسوو جماعة عمان

« في: 19:46 31/08/2012  »

والله فكرة حلوة واتمنى اكون وياكم ولكوني متهجر من منطقة الى اخرى وبالكوة اراوي نفسي للناس اخاف يصطادونا اذا مو الارهابين فمن نقاط التفتيش والله الوضع ببغداد ابد مو زين ومن كنا نروح مقابلة عباللك رايحين لوادي الرعب ومن كنا نطلع نلتفت ورانا وابو التاكسي اللي ياخذنا من ساحة النسور يظل يباوع علينا عبالك كلهم مخابرات ايام زمان,وثانيا الاي او ام بغداد ماعندهم معلومات الا من الابي اللي هم اهل عمان

11

الهجرة و واللاجئين / رد: بشارة خير اخوان ان شاء الله

« في: 13:16 09/08/2012  »

الله يبشرك بالخير هاي انت بطل واصيل حتى تتعب علمود الشعب ان شاء الله تكون منصور دوم

12

الهجرة و واللاجئين / رد: اليوم اتصلو بي IOM لمعرفت العنوان

« في: 13:13 09/08/2012  »

اخي يمكن علمود الدورة التثقيفية اذا كنت من بغداد او من المحافظات لان اهل بغداد يعزموهم على الدورة التثقيفية...هذا ما اعرف عنه والله اعلم

13

الهجرة و واللاجئين / رد: موعد سفر

« في: 16:52 08/08/2012  »

الحمد لله على السلامة اختي..متابعة قصتج من بدايتها وفرجت والله من سافرتي واخذتي القرار الصعب لكن ان شاء الله يكون قرار حكيم وبداية خير عليج واهلج يلحكون بك باقرب وقت لان كلنا عندنا عوائل ويمكن يفروقن كيساتنا وواحد يوصل قبل الاخر فانتي صرتي القدوة هسة بهيج حالة وبلكي تحجينا على الاخبار الحلوة بعد ما يلم الشمل مع اهلك

14

الهجرة و واللاجئين / رد: ذليت الاي او ام :D:D

« في: 17:06 05/08/2012  »

حلوة والله هاي بس ممكن انت يحبوك هواي علمود هيج عليك ذابين نفسهم شو احنا ماحد رايد ارقامنا..بخت

15

الهجرة و واللاجئين / رد: IZ-123

« في: 13:07 03/08/2012  »

جمعة مباركة على الجميع..يارب يسهل على الجميع بلكي نتواصل بجاه هذا الشهر الفضيل وهذه الساعة المباركة

16

الهجرة و واللاجئين / IZ-123

« في: 09:05 03/08/2012  »

السلام عليكم اخواني الاعزاء

 اذا ممكن جماعة اللي تبدي ارقامها IZ-123 مقدمين من بغداد شنو اخبار الكيس

17

الهجرة و واللاجئين / رد: ارجو مساعده الطيبين

« في: 19:30 30/07/2012  »

السلام عليكم اخوية

 اخي اذا هم مخابريك من الاردن اشلون يقولون ملفك بالعراق شو هو كل شىء بيدهم اني من يخابروني هم من الاردن
0096265625080

واخر مرة خابروني قبل 3 اشهر على هذا الرقم
0096265625419

18

الهجرة و واللاجئين / رد: أسعار تذاكر الطيران من امريكا الى عمان..اصحاب الخبرة رجاءا !!!

« في: 14:08 30/07/2012  »

السلام عليكم اخي

بالنسبة للرحلات الملكية الاردنية من منطقتك لعمان تكلف فوق الالف دولار ومن عمان لبغداد تجي باي وسيلة او على الخطوط الجوية العراقية تكون ارخص وهذا اللنك بي اسعار الرحلات على الخطوط الملكية الاردنية

http://flyrj.rj.com/Action.aspx

19

الهجرة و واللاجئين / رد: تفاصيل وصولي من بغداد الى فلوريدا من الالف للياء

« في: 22:19 29/07/2012  »

الحمد لله على سلامتك اخي الله يوفقكويحرسك انت واهلك وينجحك ببلدك الجديد..سؤال بلا زحمة بالنسبة للذهب او المصوغات الذهبية سالوكم كم وزنها وهل اذا عرفوا انو الشالي اكثر من المسموح راح يسوي مشكلة ويا المنظمة كان يعرفون انو احنا عندنا ذهب وما راح يساعدونا..لان بصراجة اني وياي اهلي وعندهم كم قلقولة ذهب  معتزين بها و يريدون ياخذوها معهم وماعندنا احد نثق به نعوف يمه الذهب
ولان اعرف بامريكا الذهب ما مرغوب يمهم ..اللي شايل اكثر من المسموح بي شكد ياخون عليه ويحاسبون لو لا؟

20

الهجرة و واللاجئين / رد: اخوان واخيرا تحقق الحلم وانا الان في الولايات المتحدة الامريكية

« في: 17:49 29/07/2012  »

الف مبروك الوصول..اشلونه الصيام هناك هل صحيح الافطار الساعة 9 مساءا

21

الهجرة و واللاجئين / رد: ســـبعة رحلات طـيـــــران للشهر الثامــن لحــد الآن والبقيــة تـأتــي

« في: 17:34 29/07/2012  »

الله يوفق الجميع بس بلا زحمة اخي هذه المواعيد كلها من لبنان ..لو من الاردن ..قصدي هذوله اللي كيساتهم اهل لبنان لو اهل الاردن لو من العراق

22

الهجرة و واللاجئين / رد: ثاني يوم بعد وصولي الي مدينه اوستن

« في: 17:18 29/07/2012  »

الله يوفقك يا طيب اني هواي اقرا مواضيعك وكلها متفاؤلة الله يحفظك وما تنسه تعطينا يومياتك اللي راح تكون مفيدة النا بالمستقبل..اي ان تكتب قصة حياتك اليومية وتكون ان شاء الله من المؤلفين الناجحين وبامريكا تبيع كتبك واني اول واحد اشتري حتى لو يكون بالف

23

الهجرة و واللاجئين / رد: الحمد لله استلمت قرار المحلف ... الدفرال لتر ...

« في: 17:01 29/07/2012  »

الف مبروك اخوية صاحب الموضوع

بالنسبة لحالتك احنا اقرباءنا استلموا 3 من كيساتهم رسالة المحلفين المشروطة وبقى كيس واحد منهم ما مستلم ورسلوا رسالة للمنظمة وراءه اسبوعين اجتي لاخوهم صاحب الكيس المتبقى النتيجة وهم كانت موافقة محلف مشروطة...ورقمهم يبدي ب123 والله يفتحها بوجهك وجه الجميع بجاه هذا الشهر الفضيل

24

الهجرة و واللاجئين / رد: اخر الاخبار

« في: 16:55 29/07/2012  »

يالله هم يجيني السرة واسافر ها السنة؟!!!

25

الهجرة و واللاجئين / رد: شكر خاص لمنظمة ورعايتها لعوائل اللاجئين ... لافود ستامب ولامساعدات

« في: 16:43 29/07/2012  »

الله يكون بعونك اخي وخصوصا اني على اساس اروح لهذه المنطقة همزين نورتنا...ارجوا من الاخوة يفهمونا ليش سياتل زينة اني سمعت انها من المناطق الباردة والغالية