اخويه الفانوس السحري نفس الحاله حدثت معنا احنا الملف باسم زوجي واليوم ارسل ايميل بلضبط نفس الايميل مالتك يخيروا بين اصدار الفيزا له وحده او الانتظار مع الزوجه الي هيه اني طبعا والله ماعرف بس اي واحد حدثت معاه هاي الحاله رجاءا رجاءا يدخل ويشاركنا
ويبلغنا كم من الوقت انتظر اجراءات الزوجه تخلص
بس ماعرف ليش داحس هاي لعبه جديده من الاعيب السفاره
للتحايل على الناس حسبي الله ونعم الوكيل

الله يشفيها ويعافيها ويرجعلكم ياها احسن مما كانت بجاه محمد وال بيته الطيبين الطاهرين وتقوم بلسلامه يارب

اختي اني اتحدث الموقع مالتي يوم امس بدون ما اراسلهم 2\5 وتفاجئت

اي صحيح اخويه اني هم اتحدث البارحه واتحدث اليوم بدون مراسله وماعرف بلكي بيها خير بس الي استغربت من عده اليوم جمعه واتحدث الملف بتاريخ اليوم مو على اساس اليوم عطله بلسفاره ماعرف الله يسهل امرك و تسافر قريب

اختي العزيزة اني نفس حالتج صارتلي بشهر الواحد الفات هم خلال اسبوع صارت 3 تحديثات على الملف وبدون ما ارسل اي انكوايري واتذكر واحد من ايام التحديث كان يوم الجمعه جانت التحديثات يوم 11-1 ويوم 13-1 ويوم 14-1 ويوم 25-1 اللي كان يوم جمعه ووراها لاحس ولا نفس بس نكول انشالله خير

تحياتي

الله كريم الله يسهل امرك اخويه ويفرجها عليك وعلى الجميع بجاه هذا يوم الجمعه واشكر ردك

مرحبا اخواتي واخواني اكو حاله غريبه حدثت بلملف كما تعرفون انه احنا من نراسل السفاره يحدث تحديث تلقائي بلموقع المخصص لمعرفه حاله الملف ولاكن لاول مره في شهر الرابع تحدث حاله تحديث وبدون مراسله في بدايه شهر الرابع وايضا يوم امس بتاريخ 2-5 حدث تحديث اخر واليوم هم فتحت الملف ووجدت تحديث اخر بتاريخ 3-5 والشي الي حيرني اليوم جمعه والسفاره عدهم عطله فشنو هاي الحاله وشنو معناها وارجوا من جميع الاخوه من الاس اي في الذين قروا موضوعي مباشره تجييك حاله الملف ويشوفون اذا حصل اليوم تحديث بملفاتهم او لا
مع جزيل الشكر
ام مصطفى

السلام عليكم احنا اس اي في  تم تحديث الملف بدون مراسله مره وحده فقط بدايه شهر الرابع
وكلشي ماكو الى هسى  مقابله جانت بدايه 2012 يعني كملنا سنه من المقابله ودننتظر وتعبنا ولعبت نفسنا واصلا يمكن راح نصرف نظر والله
اختك ام مصطفى

اشكرك اخويه الاخيضر على هذا الشرح الوافي جزاك الله خير الجزاء تحياتي لك
بلنسبه لاجور الموافقه هل تكون نفس الشي بلنسبه للاطفال 5 سنوات واقل
لو تختلف لانهم اطفال؟
وشكرا جزيلا مره اخرى
اختك ام مصطفى

السلام عليكم عدي فد سؤال احنا مقدمين على برنامج الاس اي في واحنا تحت التشيك الاداري ملفنا وخلصنا سنه من المقابله
سؤالي  اريد اسافر للاردن لمده اسبوعين ونرجع يصير عادي لو اكو مشاكل لان احنا سحنا جوازاتنا وعدنا شغله لازم نسافر لعمان ضروري مابيها اشكال على اصدار الفيزا؟
سؤالي الثاني شون اقدم للفيزا لللاردن عن طريق السفاره لازم اروح لو على الحدود ينطونا ياها وشكد تكلف الفيزا للاردن؟
وشكرا جزيلا للجميع

السلام عليكم صحيح احنا هم الملف مالتنا صار عليه ابديت بتاريخ 9-4 بدون اي استفسار يعني اول مره يصير تحديث على الملف بدون مراسلت السفاره بلكي بيها خير يارب

احنا هم بعدنا دننتظر صار سنه على المقابله والكوم من 2011 وبعدنا كلشي ماكو

عيوني احنا راجعين من اليمن من 2010 يصير نقدم عليها لو خلص؟

السلام عليكم هل صحيح العاملين بلشركات الامنيه التابعه للسفاره ومقدمين على السفر عن طريق الاس اي في يتاخر سفرهم ؟ ارجوا الي عده معلومه يجاوبني؟ واذا صحيح ليش؟ واذا ترك الشغل هل يحدث تسريع بلمف السفر؟
شكرا مقدما ؟

شلونهم الشباب

اخر اخباري

اني حاليا اشتغل بفندق اجلي امواعين
واشتريت سيارة 

هذا الشهر انتهى الماتش غراند يعني الشهر الجاي راح يصير الايجار عليه

اخويه الاسد مبروك على السياره شايف كل الخير والشغل الله كريم باجر يتغير الحال بس اهم شي تبقى وماتياس والله يوفقك ويسهل امرك وتحقق جميع امانيك
تقبل تحياتي اختك ام مصطفى

السلام عليكم اخواتي واخواني جماعه الاس اي في شلونكم صار فتره لا اعلق ولا اكتب اي شي لان المعنويات صفر صايره من وره الانتظار بس اليوم سمعت خبر حلو وحبيت اشاركم بي وافرحكم اشويه بلكي يرجع الامل بداخلنا بعد ماتغلب الياس علينا واصبحت معنوياتنا هابطه اليوم اكو بنيه اعرفها تشتغل بلسفاره كالت صار يومين بدت معاملات الاس اي في لصدور الفيز بلتحرك يعني بدو يحركون معاملات الاس اي في ويصدرون فيز البارحه 17 كيس وكلت يالله بلكي الايام الجايه تنزاح الطابوكه وتطلعلنا الفيزا يارب كولوا امييييييييييييين
بس حبيت افرحكم مثل مافرحت وارفع من معنوياتكم وانشاءالله نسمع الايام الجايه من اعضاء عينكاوا يوميه فيز طالعه يارب
وهذا خبر سمعته ويارب يكون بدايه خير ووتنفك الجبسه ههههههههههههههههه

ام مصطفى

السلام عليكم اعزائي بس حبيت استفسر من جماعه الاس اي في اكو احد اس اي في وخابروا الاي او ام ومن يخابروا اكو شي وراها ايصير يعني مثلا يصير تحريك بلملف لو ماكو اي شي
وشكرا على ردودكم مسبقا
ام مصطفى

اشكرك اخي العزيز sparky على ردك شرفتني بمرورك الكريم

اخواني واخواتي خبراء ال siv عندي سؤال بخصوص موقع معرفه حاله الملف اكو تاريخ يسموه تاريخ التحديث شنو هذا وماذا يعني بلضبط وشنو الغايه من عده؟ قبل اسبوع اتواصلت ويه السفاره لاسترجاع اوراق رسميه طلبوها من عدي ودزيتها في شهر 12-2012 ورجعوها بل دي اتش ال وراها جيكت الموقع بنفس يوم الارسال وجدت اكو تحديث بنفس التاريخ
بس حبيت اعرف ماذا يعني وهل التحديث يسرع من عمليه اصدار الفيزا مثلا ؟
ارجو الرد اعزائي ؟

اخي صاحب الموضوع
اني عايش بكاليفورنيا
وكرايبي عايشة باريزونا صارلها 20 سنة
واريد اكولك حقيقة وهي النا الافضل ان نبدا بولاية صغيرة مو ولاية كبيرة مثل كاليفورنيا
اريزونا جوها حلو ومال حارة وتكتل كتل وماعرف شنو هذا حجي مع احترامي ميوكل خبز لان اول شي انتة مو بالعراق كهرباء ماكو
واللي يكولك صحراوية ومابيها خضار يجذب
واللي يكولك عنصرية اني اكولة مو اكثر من عنصرية الموجودة بالعراق حاليا
واللي يكولك الشغل اكثر من كاليفورنيا هوة ميعرف اي شي عن امريكا
اصعب ولاية لايجاد فرصة عمل مغسل للمواعين هية كاليفورنيا مو موظف ها
احجي بعد لو لا
نصيحة من اخوك روح لايرزونا مليار مرة احسن الك من عدنا وشون ماكالوا الاخوة كلمن وظروفه لاتبني مستقبلك على واحد
اخي كاليفورنيا غالية نار مقارنة باريزونا
والشغل منافسة قوية جدا
تريد تتاكد من كلامي
سوي جرد وشوف نسبة كم واحد من 10 يشتغل باريزونا من يوصل نفس الشي بكاليفورنيا


اخوك ستيفن

اني وياك اخويه وكلامك منطقي 100 بل 100 وبرايي التوفيق من الله اولا واجتهاد الانسان ثانيا باي مكان بلعالم
الله يسهل امرك وتحصل على شغل باقرب وقت
اختك ام مصطفى

هلوووووو حبيبتي اشو ماكووو؟
اني ويه كلام اختي جورجيا كل واحد وظروفه واني هم عدي كفيلي بفنكس ويمدح بيها اهواي واذا جان بلنسبه للشغل اعتقد امريكا بكل ولاياتها تعاني من مشكله قله فرص العمل والتوفيق من الله سبحانه وتعالى ولكل مجتهد نصيب
وهذا رايي بصراحه
اختج ام مصطفى

السلام عليكم اخواتي واخواني ملاحظين بلنسبه لجماعه ال اس اي في مادنسمع صار فتره عن اصدار الفيز شنو القصه يوميه افتح اكول بلكي احد مبشرنا بطلوع الفيزا وماكوووووووووووووووو نهائي هاي ليش شنو رجعت الملفات راح تنام ؟ الظاهر هيج بصراحه بديت افقد الامل
الله يسهل للجميع
اختكم ام مصطفى

اشكرك اخويه العزيز على هاي الكلامات الطيبه وانشاءالله يجعلها في ميزان حسناتك
اختك ام مصطفى

صحيح اني هم من شيكه على حاله الملف مالتنا واحنا اس اي في طبعا طلع نفس الحجي هذا وكلشي مافتهمت من عده

اخر ايميل وصلي اليوم من السفارة و كالة بعد لاضوجنا و اذا اتريد تابع الفيزة ادخل على اللنك https://ceac.state.gov/CEAC وانت تعرف الحالة للكيس.
وشكرا

صحيح اني هم دخلت هسى على هذا اللنك وشفت انو احنا بلمراجعه الاداريه احنا 5 عددنا وكلها نفس الشي بس اكو شي قريته فوق تحديث للحاله في شهر 12 من سنه 2012 واستغربت شنو هاي ليش هذا التحديث صار بهذا التاريخ وكلشي مافتهمت من عده وسديته الي يعرف ارجو يجاوبني  وشكرا

السلام عليكم اني هم وياك اخويه ابو ساره وبلكي تجيب نتيجه لان احنا هم siv ودننتظر وكلشي ماكوووووووووووووووو حياتنا صارت جحيم والله من الانتظار كلشي مانكدر نسوي نقول ها خاف اليوم وخاف باجر الله يفرجها علينا وعلى الجميع
اختك ام مصطفى

عفوا اخي الكريم اني جاوبتك بصيفه انثى وبعدين انتبهت انك رجل اسفه جدا
وانشاءالله السفر القريب

والله ياختي يجوز انو خير وبد يتحرك ملفكم بس انتي تقولين انتوا اس اي في شلون شفتي حاله الملف مالتكم لان احنا جماعه الاس اي في مانقدر نشوفه مثل الاي او ام
اخثك ام مصطفى

الف الحمدالله على سلامتك وانشاء الله يكون هذا التاريخ خير عليك
اختك ام مصطفى

الله يكون بعونك اخي ويسهل امرك وتكون سنه 2013 سنه خير عليك وتسافر باذن الله والله هم يبكي وهم يضحك اللهم لا اعتراض
اختك ام مصطفى

اخويه العزيز نتمنالك الموفقيه والنجاح بحياتك وكل شي ببدايته صعب يكون وشوقتنا ان نعرف النهايه السعيده بلكي تكون صدك سعيده وانشاء الله تكون 2013 سنه خير وتحقيق الاماني الك وللجميع
اختك ام مصطفى

اهلا بيك اخويه العزيز بين عائله عينكاوا وحياك الله ونرحب بيك اشد الترحيب
اختك ام مصطفى

صباح الخير على عيونكم الحلوه وينكم ياجماعتي الغاليين شنو سافرتوا هههههههههه طبعا مستحييييييل
بلله جماعه امريكا مانكدر نعتب عليهم لان اكيييد مشغولين والله يساعدهم بس الي بعدهم مامسافرين وينكم هاي ليش هيج اتخليتوا عن الكروب اخاف كلكم حولتوا لغير ولايه هههههههههههه

هلووو ام مصطفى الوردة ... عيني اتخلى عن روحي وما اتخلى عن اريزونا ههههههههههههه
والله ام مصطفى موجودين بس الانتظار يضوووج ... واحنه نتأمل اخوانه اللي بأريزونا يكتبونه من الواقع حتى لو بس صور حية حتى شوية يرفعون معنوياتنه ....
تحياتي الج والى جميع اعضاء الكروب واتمنالكم الموفقية والسفر القررررررررررررريب

هلا بيك اخويه العزيز برنسو المتالق دائما وابدا والله صدك حجيت الانتظار مو بس يضوج وانما يقتل الله يساعدنا كلنا على هذا الانتظار الي نتامل مايطول اكثر
تحياتي الك والله يسهل عليك انشاءالله 2013 سنه خير عليك وعلى جميع الكروب وبدايه 2013 كلنا نكون باريزونا اميييين يارب

صباح الخير على عيونكم الحلوه وينكم ياجماعتي الغاليين شنو سافرتوا هههههههههه طبعا مستحييييييل
بلله جماعه امريكا مانكدر نعتب عليهم لان اكيييد مشغولين والله يساعدهم بس الي بعدهم مامسافرين وينكم هاي ليش هيج اتخليتوا عن الكروب اخاف كلكم حولتوا لغير ولايه هههههههههههه

اخويه القبطان ليش انته اشكد صارلك مقدم وهسى ياله اجاك رفض يعني عدك شيف اوف مشن لو لا
ولا تياس قدك للسفاره مايثبت انك متجاوز السنه والله يسهلك
اختك ام مصطفى

لاحوله ولاقوه الا بلله انا لله وان اليه راجعون الف رحمه ونور على روحه والله يصبر اهله ويارب تكون خاتمه الاحزان امييييييييين يارب

والله ياخي الفاضل صالح ولوماراح اسميك اخي راح اقولك استاذي لان اني داتعلم من عدك اهواي اشياء اكيد راح تفيدنا في يوم من الايام مهما كانت صغيره وبسيطه بس مفيده جدا وارجو منك ان تستمر بهذا العطاء والله يجعله في ميزان حسناتك ويجزيك عليه خير الجزاء

اختك ام مصطفى

شوفي اختي سيناريو االسفر ثم السفر ثم لسفر الزواج ميطير واذا كان حب او زواج تقليدي رووووووووووووووووووووحي سافري واذا مسافرتي تندمين صدكي من توصلين عود قرري ترتبطين بهذا الشخص او لا وسوي لم شمل اسهل منها ماكوووووووو نصيحه لوجه الله تندمين وخاصاا ذا ازوجتي واهلك مو يمك لان الزواج موشي سهل

طبعا اني ويه الاخت تيولب وهذا افضل قرار لان اني مجربه هاي الحاله متزوجه وعدي اطفال 3 باعمار صغيره ومتقاربه واهلي بعيدين عني ويوميه ابجي اقول لو اهلي جانوا يمي ماجان هذا حالي لان تره وجود اهل البنيه اكرر اهل البنيه مو غير احد مهم جدا لان اهل الولد ماتمون عليهم مثل اهلج وخصوصا اذا جانت اكو خلافات وحساسيات المهم هذا احسن قرار برايي الشخصي

السلام عليكم اخواتي واخواني الاعزاء شلونكم اخباركم اشو ماكو هههههههههههههه
مختفيييين ليش اخاف سافرتوووووووووووا هههههههههه
الله يسهل على الجميع

على خير حبيبتي وانشاءالله بهالايام يخابروج على موعد السفر وتخلصين امييين يارب
الله يسهل عليج
اختج ام مصطفى

بارك الله بيك اخويه العزيز وكثر من امثالك
اختك ام مصطفى

السلام عليكم ...اليوم الصبح اتصلو على فحص طبي واجلنا على يوم الخميس (عكب باجر ) عاااادي مو ؟؟؟
لان احنا محافظات ومامتهيئين خابرو فجأة
الملف حاليا فعال
والتشيك الامني بالانتظار
والله كريم

حبيبتي ام مريم الورده فرحتلج اهوايه انشاالله السفر قريب جدا
واعتقد عادي
المهم كملوا بسرعه وروحوا علمود تكوليلنا شلونه اريزونا
بلمناسبه جهالج اشكد اعمارهم ههههههههههه؟
اختج ام مصطفى

الف مبروك وحمدالله على سلامتك اخويه روان الله يحفظك ماشاءالله
بلتوفيق بحياتك الجديده
اختك ام مصطفى

اشكرك اخويه الفرج2
وشكر الك موصول اخويه ابوحنين الطائي
اتمنالكم الموفقيه والنجاح بحياتكم الجديده

مشكورين اخواني فقير وحباب وbang يعني ماقدر مثل الاخوان بل iom الا بهاي الطريقه مو ؟ الله كريم من الله الفرج

تحياتي وشكري الجزيل الك اخي العزيز جورج على الاجابه السريعه اسال من الله ان يجعلها في ميزان حسناتك
وينور دربك ويسهل امرك بقدر نيتك مثل مادتساعدونا وتدلونا على الطريق الصحيح
اختك ام مصطفى

السلام عليكم جمعه مباركه للجميع
حبيت اسال شلون الواحد يعرف حاله الملف مالته مع العلم احنا siv
مع جزيل الشكر

مبروك حبيبتي الله يفتحها بوجهكم اكثر واكثر

السلام عليكم
قريت في بعض الردود معلومات خاطئة وتخص العمل في ولاية اريزونا
اني راح احجي على منطقة فينكس حصرا لان بصراحه ما اعرف عن البقية
نصيحتي لكل لاجئ او مهاجر اول شغلة تسويها لبداية صحيحه في امريكا بعد استلام السوشل هي اجازة السوق لان هي مفتاح اعتبارك شخص امريكي بغض النظر عن اوراقك( على اعتبارك لاجئ او مهاجر بأعتبار وجودك شرعي في امريكا )
ثاني شغلة بالنسبة للي عدهم لغه انكليزية على الاقل مفهومة مو شرط الا قوية التقديم على شغل سكيورتي
وهذا الشغل مكوم ويومية عليه طلب اكثر من اليوم الي قبلة ودليل الاثيات ادخلوا يومية على هذا الرابط وشوفوا بعينكم شكد اكو شغل سكيورتي
http://phoenix.craigslist.org/sec/
بالمناسبة حتى يكون كلامي واضح كل هاي الخطوات الي تكلمت عنها راح تستفاد منها هواية
اول شي بداية صحيحه لفهم الواقع الامريكي
ثاني شي راج تندل مناطق
ثالث شي بداية مؤقتة لحد ما تستقر امورك وتبدي تدفع بلاتك بشكل سهل
رابع شي تقلل نسبة احتياجك للمنظمة واعتمادك على نفسك
جورج

عليكم السلام اخويه جورج ونشكرك جدا على هاي المعلومات والله يسهل طريقك
ممكن سؤال بلنسبه للسيكورتي شكد ينطو بلساعه مثلا وهل هيه بارت تايم لو فل تايم
وحبيت اعرف شنو الفرق بين الفل والبارت تايم ؟
ولو كثره عليك باسلتي بس احنا متعشمين بيكم خير
والك جزيل الشكروالامتنان

مبروك الف مبوووووووووك اخويه بلتوفيق انشاءالله

زين برايكم شنو سبب هالتأخير هل هو رفض ويستحون يحجون والله لعبت نفسي وحياتي واقفة لااكدر اتزوج ولا اكدر ابدي اي شي علمود هالكَشرة الفيزة...

والله شكولك ماعرف كلنا نفس الحاله كلشي مانقدر نسوي
بلمناسبه اخويه فقير وحباب شنو هاي تريد تبين انته مامتزوج وتريد تتزوج اخاف دتدور على عروسه هههههههههههه
ماعدي مانع ادورلك على وحده ههههههههه
تقبل مروري تره داتشاقى حبيت الطف الجو اشويه لان ملينا من الانتظارررررررررررررررررررررررررررررر
اختك ام مصطفى

والللللللله اني افرح كلما اشوف شخص جديد يدخل للمنتدى::::اهلا وسهلا ::::تحياتي للكرووووووووب الراقي

طبعا كلنا نفرح اخويه عمر المترجم وانشاءالله يوم سفرك

السلام عليكم ..ممكن تقبلوني صديقة جديدة وياكم وجهتي فينكس واحتمال عن قريب لان حالة الملف عندي فعال
وان شاء الله مااقصر بالمعلومات مثل اخوتنا بالكروب ماقصرو
 

هلا بيج حبيبتي وشنو صديقه جديده انتي صديقه فديمه ههههههههههههه
وهم زين غيرتي رايج ابقي ويانا يامعوده بلكي نتشاوف اهناك على الاقل اكو بنيه ويايه ههههههههههه داتشاقى وياج
اختج ام مصطفى

ام مصطفى والله اتمنى نتعرف ونلتقي  هناك وان شاء الله من نوصل ونستقر نطلع جهالنا نلعبهم بالمراجيح سوه 

حبيبتي اكيييييد انشاءالله بس الظاهر انتي حتطلعين قبلي تمنياتي الج بلسفر القريب والموفقيه

شكرا ادعولي الله يفرجهه عليه لان ظروفي جدا صعبه

شكرا على هذا الخبر المفرح
 والله يفرجها عليك وعلى الجميع باذن الله
السفر القريب الك

اختي العزيزه ام مصطفى حولت قبل شهرين وكفيلي وقع اوراقي بس ملفي مديصير فعال تبا له

الله كريم تصفى وماتبقى هيج كلنا ننتظر الفرج

السلام عليكم للجميع احنا قدمنا 2011 بس مقابلتنا جانت بل 2012 ماعرف يصير اشارك وياكم
ولحد هسى بلانتضار والله كريم

حي الله الاريزونين 

هلا بيج اختي العزيزه جورجيا ها حولتي لاريزونا لو بعدج

السلام عليكم ..ممكن تقبلوني صديقة جديدة وياكم وجهتي فينكس واحتمال عن قريب لان حالة الملف عندي فعال
وان شاء الله مااقصر بالمعلومات مثل اخوتنا بالكروب ماقصرو
 

هلا بيج حبيبتي وشنو صديقه جديده انتي صديقه فديمه ههههههههههههه
وهم زين غيرتي رايج ابقي ويانا يامعوده بلكي نتشاوف اهناك على الاقل اكو بنيه ويايه ههههههههههه داتشاقى وياج
اختج ام مصطفى

مبروووك اخويه ايهم وانشاءالله الفر القريب
تحياتي الك

يعني رب العزة والجلالة اذا رزقك بطفل يعتبر نعمة ورزق يحمد الرب عليه طول العمر هاي من ناحية .

اما من ناحية اخرى اذا اجاك طفل وانت مقدم اي او ام تعتبر الطامة الكبرى !!

يعني ما اعرف يتقصدون ياخرون الكيسات الي تضيف طفل لو شنو الفلم ؟

المهم رزقت بطفلة بمنتصف شهر السادس كملت اوراقهة والجنسية والجواز بشهر الثامن وانضافت عندي بالموقع وصار الكيس اربع اشخاص بس المشكلة بعد ما كنت مكمل كلشي حته الدورة التثقيفية وكنت باواخر الامنية فبعد اضافة الطفل اصبح مقابلة المحلف غير فعال والفحص الطبي غير فعال من شهر الثامن ولحد الان .

للعلم اني من جماعة شهر الواحد 2010 والحبل عالجرار ورقم الكيس 115xxx .

اخوان الي حالتة مقاربة وصار عندة تطور يبشرنة .

مرحبا اخويه العزيز الظاهر وللاسف الشديد ولاده طفل تاخر اهوايه من الملف لان احنا اجنتنا طفله بشهر السادس وبين ماكملنا الاجراءات مالتها ياله شهر العاشر واحنا sivوتقديم من بغداد وقابلنا بشهر ل11 لا ضافه الطفله وشنو احنا بنهايه السادس خابرونا على موافقه اصدار الفيزا وكالو مبروك بس عدكم طفل كلنالهم اي قالو كملوا اوراقها ودزوها علمود الاضافه والى يومنا هذا بلانتظار وشنو يوميه شغله جديده يريدون من عدنا يعني يدورون اسوالف عتق وكانه بيدنا هستونا من جديد والحبل على الجرار واسفه على الاطاله بس حبيت اوضحلك
تقبل مروري اختك ام مصطفى


تحياتي

مشكوررررررررررررررررر اخويه العزيز برينسو على هاي الصور الجميله جدا حتى الصحراء مالتهم حلوه هههههههههههههه وطبعا الف مبروك على مبدع الهجره اخويه برنسو تستاهل كل الخيرررررررررررر
اختك ام مطصفى

مرحبا اعزائي اشو ماكو لا تعليق لا شي وينكمممممممممم

لا عادي حصل خيررررررررر
الموفقيه للجميع بس اعتقد انت سافرت مو بيا ولايه واشكد صارلك ؟

اخويه العزيز الفرج2 اشكرك مره اخرى على ردك وثانيا اني مو اخوك اني اختك ههههههههههههه وثالثا والاهم الف مبروك على مبدع الهجره وتستاهل كل الخير
اختك ام مصطفى

اشكركم اخواني الفرج2 واسطنبولي على ردودكم بس اكو شغله للتوضيح اني بنهايه شهر 6 خابروني على الموافقه لايصدار الفيزا بس لان جانت عدنا ولاده طفله فكان لازم نكمل اوراقها واضافتها للكيس نمبر وفعلا هذا الي صار وقابلنا لاضافه الطفله ببدايه هذا الشهر فشنو معناه هذا وطبعا رادوا من عدي تغيير جوازات وجناسي اولادي لمحل ولادتهم الاصلي لان اصلا مولودين خارج العراق وفعلا سويتها ودزيتها بلدي اتش ال وباقيه انتظر فهل ممكن انتظاري يطووول؟ مع العلم اني جايتني الموافقه\
وشكرا

السلام عليكم اعزائي ممكن اعرف شنو معنى الملف بعده بعمليه المراجعه الاداريه يعني بعد شكد ويصدرولنا الفيزا لو ماكو سقف زمني معين مفتوحه الشغله ؟؟؟؟؟؟؟؟؟؟؟؟
وهاي مثل مادزولي ياها بلانجليزي
Your case is still undergoing administrative processing 
ولكم جزيل الشكر

بالبداية اود ان اقدم تحية طيبة لكل اعضاء هذا الكروب وارجوا منكم قبول عضويتي معكم انا من جماعة 26\3\2011 ولحد الان بأنتظار الامنية ومن ظمن ولايتنا انشاء الله الاريزونا مدينةتوكسان وليس لدي اي معلومات عنها وخصوصا لم اجد احدا من اعضاء الكروب في هذه المدينة وارجو منكم تزويدي بأي معلومات عنها كما اخص بالشكر للأخ الاسد على جمع الاشخاص الرائعين بهذا الكروب وأسال الله بالموفقية لكل من وصل وصل لهذه الولاية وامنياتي بالسفر العاجل لكل من ينتظر الذهاب اليها علما اني عائلة من 7 أفراد   

اخي العزيز اني سامعه عن هاي المدينه انها زينه وحلوه ومره قريت تقرير عنها بلانترنت وبلصور واذا كدرت انزلك الرابط راح انزله مالت الموضوع وتعتبر مدينه شوارعها واسعه والناس كل واحد بحاله والاكل رخيص واللبس هم اني لو مو كفيلي بفينكس جنت احب اروحلها لان حسيتها حتى احلى من فينكس طبعا هذا رايي الشخصي والله يوفقك
اختك ام مصطفى

اخي العزيز شوف هذا الرابط ممكن يفيدك وعدي بعد روابط ممكن ادزلك ياها
http://www.startimes.com/f.aspx?t=17205370

   اختي واخي ,,

                    اذا قرأت موضوعا يخص شأن من الشؤون التي تود الاستفسار عنها او توضيحها بخصوص الهجره , وقمت في ردك بسؤال توجهت به لصاحب الموضوع ,,  فيستحسن ان تبعث له رسالة تنبيه على الخاص للمرور على سؤالك في ردك على موضوعه لانه قد لا ينتبه لسؤالك لكثرة المواضيع والردود كما حدث معي ووجدت سؤالا عن الفيزه من احد الاخوه في احد ردوده , بالصدفه .  

فعلا كلامك صحيح ميه بلميه وانشاءالله راح نعمل بي
اشكرك اخويه
اختك ام مصطفى

السلام عليكم هل توقيع الكفيل يختلف عن الاتصال بالكفيل ؟من ناحية قرب السفر؟ارجو الرد

مرحبا اختي العزيزه اتصور توقيع الاوراق خطوه من خطوات السفر بس الاتصال مو فد شي مهم وهيه للتاكد فقط
هاي من ناحيه رايي الشخصي
وتحياتي الج اختي وانشاءالله السفر القريب بس ابقي ويانا باريزونا لا تروحين غير ولايه بلكي نلتقي اهناك هههههههههههه
حبيبتي تمنياتي كل الخير والتوفيق الج ولعائلتج تقبلي مروري
اختج ام مصطفى

السلام عليكم اشلون الاخوة والاصدقاء طبعا اني اسف لان من وصلت يوم 6-11 -1012 ولليوم بعدني اراوح بمكاني انتظر السوشيل سيكيورتي والمدينة كلش حلوة وهي توكويلا قريبة على تاكوما وسياتل ورينتون بس المشكلة بعدني لانت ولا رخصة سوق ولا كلشي والمشكلة المنطقة بيها امطار يومية ومابيها عراقيين بس مليانة من اخوانا الصوماليين اكثر من الامريكان لذلك اعذروني لان قليل التواصل وياكم واي احد من الاخوان عنده معلومات عن المنطقة ياريت ايفيدني بيها

اخي العزيز الف حمدالله على وصولك بلسلامه وانشاءالله مدينه وولايه خير عليك بس للاسف ماعدي معلومات يمكن باقي الاعضاء ممكن يفيدوك
تقبل تحياتي الك
اختك ام مصطفى

حيييييل انت واصل قبل 1000 سنة 1012.

والله ضحكتيني بس ماشاءالله شون انتبهتي قوه ملاحظه
لعد من هيج بيها صوماليين اهوايه ههههههههههههههه
تحياتي الج اختي العزيزه
اختج ام مصطفى

مرحبا جميعاً
انا حبيت اشارككم بالتطورات معي.. الحمد لله تم تحديد موعد سفر لي نهاية الشهر الحالي وارسلوا لي ايميل رسمي بذلك..
ان شاء الله السفر القريب للجميع دون استثناء من البرنامجين IOM & SIV
علماً أنه انا على برنامج SIV.
شكرا ودعائي للكل بأخبار مطمئنة يا رب.

الف مبروك اخويه العزيز بس حبيت اعرف انته شوكت تقديمك واشوكت استلمت الفيزا وشوكت جان موعد مقابلتك وانت عائله لو عازب والف الف مبروك مره ثانيه والله يوفقك وينور طريقك اميييييييييين

السلام عليكم جميعاً ....

احب اخبركم بعد انقضاء اقل من شهر وقعنا اوراق الماجنت كرانت واللي يطول من 4--6 بالزايد وخلال لازم واحد يلكه شغل ويقبل باي عمل يقدم اله من قبل المنظمة

التوفيق للجميع ان شاء الله

اهلا بيك اخويه والحمدالله على سلامه الوصول وانشاء الله ولايه خير عليكم وتلقى شغل بلقريب العاجل الله يسهل امرك اخي
اختك ام مصطفى

السلام عليكم اخوان
مبروك عليكم الكروب الجديد
واني من سكنة شمال فينكس ولاية اريزونا
واي شي تحتاجون من معلومات اني حاضر
اخوكم جورج

اهلا بيك اخي العزيز بينتنا واي معلومه تحس انها ممكن تفيدنا ياريت ماتبخل علينا بيها مهما كانت بسيطه بلنسبه الك يجوز مهمه النا
والله يوفقك اختك ام مصطفى

بالبداية اود ان اقدم تحية طيبة لكل اعضاء هذا الكروب وارجوا منكم قبول عضويتي معكم انا من جماعة 26\3\2011 ولحد الان بأنتظار الامنية ومن ظمن ولايتنا انشاء الله الاريزونا مدينةتوكسان وليس لدي اي معلومات عنها وخصوصا لم اجد احدا من اعضاء الكروب في هذه المدينة وارجو منكم تزويدي بأي معلومات عنها كما اخص بالشكر للأخ الاسد على جمع الاشخاص الرائعين بهذا الكروب وأسال الله بالموفقية لكل من وصل وصل لهذه الولاية وامنياتي بالسفر العاجل لكل من ينتظر الذهاب اليها علما اني عائلة من 7 أفراد   

اخي العزيز اني سامعه عن هاي المدينه انها زينه وحلوه ومره قريت تقرير عنها بلانترنت وبلصور واذا كدرت انزلك الرابط راح انزله مالت الموضوع وتعتبر مدينه شوارعها واسعه والناس كل واحد بحاله والاكل رخيص واللبس هم اني لو مو كفيلي بفينكس جنت احب اروحلها لان حسيتها حتى احلى من فينكس طبعا هذا رايي الشخصي والله يوفقك
اختك ام مصطفى

لسلام عليكم اخواني واخواتي شلونكم انشاءالله كلكم زينين واحب اشكرك اخي ابو سرمد على معلوماتك القيمه ووقتك الي دتنطينا ياه
حبيت اسالك بلنسبه للدراسه وخصوصا اكو مايسمى بلكولج الي مدتها سنتين وهيه شبيها بلمعهد عدنا اهنا بلعراق وشكد تكلفتها ياريت اذا عدك معلومات عنها تحجيلنا بيها واني سمعت حتى الي عده بكالاريوس لايقول لان مايقبلوا بلكولج وشنو شروطها للقبول ولو تعبناك وراح نتعبك ويانه والك جزيل الشكر
اختك ام مصطفى

اخويه العزيز اني هم صارلي نفس الشي مع اولادي بشهر العاشر اجاني ايميل بتصحيح جناسي وجوازات اطفالي الى محل ولادتهم الاصلي لان انتوا تعرفون حسب النظام العراقي السابق انوا اي شخص ينولد خارج العراق يكتبوله محل ولادته بلجنسيه نفس محل ولاده الاب وبلتالي الجواز نفس الشي فقبل شكم شهر وعلى حظنا انلغى هذا القرار واصبح محل الولاده الاصلي يكتبوا بلجنسيه وبلجواز المهم سحبنا الجوازات واضطرينا انو نبدلها اولا من الجنسيه وبعدها بلجوازات وماحجيلك شنو الي صار بينا طلعوا عينا بلمعاملات مالتها الله لا يشوف احد وبلجوازات سين وجيم وليش تبدلوها الجوازات وهيه ساريه المفعول المهم هذا الي صار ويانه بس طبيعي جدا يبدلوها فانت لازم تروح تبدل الجنسيه والشهاده اولا وراها تروح تبدل الجواز والله يكون بعونك ويساعدك بس انصحك اذا عدك عرف وياه رشاوي طبعا تكون العمليه اسهل بهوايه واسرع مع الاسف الشديد واسفه على الاطاله
اختك ام مصطفى

شكرا الك اخت ام مصطفى على اجابتك و الله فرحتيني لانه كنت خايف الجواز ميتبدل انشاء الله راح احاول ابدل المستمسكات و لو هيه صعبه بس شسوي انشاء الله السفر القريب اخت ام مصطفى

اخويه دريم اس اي في اذا سالوك بلجوازات ليش تريد تبدل جوازك وهوه بعده ساري المفعول كوللها طلبوا من عدي بلسفاره ابدله واغير محل ولادتي عادي جدا تره واتصور كامت تجيهم اهوايه حالات من هاي مالت  تغيير محل الولاده وبلتوفيق اخويه
اختك ام مصطفى

اخويه العزيز اني هم صارلي نفس الشي مع اولادي بشهر العاشر اجاني ايميل بتصحيح جناسي وجوازات اطفالي الى محل ولادتهم الاصلي لان انتوا تعرفون حسب النظام العراقي السابق انوا اي شخص ينولد خارج العراق يكتبوله محل ولادته بلجنسيه نفس محل ولاده الاب وبلتالي الجواز نفس الشي فقبل شكم شهر وعلى حظنا انلغى هذا القرار واصبح محل الولاده الاصلي يكتبوا بلجنسيه وبلجواز المهم سحبنا الجوازات واضطرينا انو نبدلها اولا من الجنسيه وبعدها بلجوازات وماحجيلك شنو الي صار بينا طلعوا عينا بلمعاملات مالتها الله لا يشوف احد وبلجوازات سين وجيم وليش تبدلوها الجوازات وهيه ساريه المفعول المهم هذا الي صار ويانه بس طبيعي جدا يبدلوها فانت لازم تروح تبدل الجنسيه والشهاده اولا وراها تروح تبدل الجواز والله يكون بعونك ويساعدك بس انصحك اذا عدك عرف وياه رشاوي طبعا تكون العمليه اسهل بهوايه واسرع مع الاسف الشديد واسفه على الاطاله
اختك ام مصطفى

اخويه العزيز الاسد الجامح اول شي احب اشكرك على جوابك عن موضوع المساعدات لان تعرف هذا الموضوع جدا مهم بلنسبه للاجيء يريد يعرفه والله ينور طريقك ويوفقك
ثاني شي عدي سؤال بخصوص المنظمات اني سمعت المنظمات وبنفس الولايه كل واحد وحظه اكو منظمات كلش ممتازه واكو منظمات تعبانه وسيئه جدا يعني شلون واحد يعرف المنظمه الي خلو بيها زينه لو لا وهل صحيح هذا الحجي ارجو اذا عدك معلومات بخصوص هالموضوع انك تشاركنا بي حتى نستوفي موضوع المساعدات ونتحول الى غير موضوع يخص اريزونا
والك من كل قلبي جزيل الشكر والامتنان على مساعدتك النا
تره احنا على الله وثم عليك
اختك ام مصطفى

مرحبا اختي العزيزه سيناريو اني كفيلي بفينكس اريزونا صارله 3 سنوات او اكثر ويقول جدا حلوه بس جان يقول عيبها الوحيد الحر وتعرفين الكهرباء اهناك 24 ساعه فمو مهم الحر وين ماتروحين تبريد وغير هذا اني اشوف الواحد بلبدايه يروح لولايه مقاربه بجوها للعراق افضل ما راسا يروح لمكان مثلج حتى يبدي يتعود اشويه اشويه بس شلون ماتكون اكيد افضل واحسن من العراق بمليووون مره والتوفيق بلعمل من الله اولا واجتهاد الشخص ثانيا والله يسهل للجميع مبتغاهم
اختج ام مصطفى

الله يصبرك اخويه بس انته ليش ماتروح على موقع السفاره وتدخل على الكونتكت اس ويطلعلك شنو نوع الهجره تختار الاس اي في وتمليء الحقول وتجي على السؤال اكو من ضمن الاسئله حاله الملف تختارها وتكتبلهم بلملاحظات وين وصلت وموعد مقابلتك وتسوي سبميت وراها بكم يوم اعلى شي اسبوع ويجاوبوك يعني المقصد من كلامي حاول تحرك ملفك والله يسهل امرك واذا تريد تسحب الجواز اكتبلهم بنفس الطريقه بس اطلب موعد مقابله او طريقه الدخول للسفاره الغرض منها سحب الجواز وهم تاخذلك شكم يوم ويجاوبوك والخير فيما يختاره الله
الله يوفقك اخي ويسهل كل امورك اميييييييييين يارب
اختك ام مصطفى

مرحبا اعزائي شلونكم خوش هاي طلع الاعضاء كلها رايحه لاريزونا هههههههههههه يارب يزيد ويبارك
وبلكي جمعه خير وكلنا نلتقي اهناك اميييييييييييين يارب مرحبا بيكم كلكم
اختكم ام مصطفى

اشكرك اخويه انته بروحي صدكني الله يحفظك وانشاءالله السفر القريب

السلام عليكم اخواني واخواتي حبيت اسال وباختصار بلنسبه لل اس اي في الموافقه على اصدار الفيزا يوجد بيها اكسباير لو مفتوحه علما انه الاكسباير للفيزا على الجواز هيه 3 اشهر وشكرا للجميع
اختكم ام مصطفى

صباح الخير عليك اخي وعلى الاعضاء جميعا اني وجهتي باذن الله فينكس اريزونا وسبحان الله البارحه جنت افكر اسوي جروب ولايه اريزونا واليوم شفته موجود بلمنتدى والاحلى من هذا انه الشخص كان بامركا وداخل اريزونا فينكس عموما مشكور اخي العزيز ونتمنى تعم الفائده للجميع ونتمنى انك تنزللنا دائما كل ماهو جديد ابتداءا من نظام المساعدات والك جزيل الشكر والامتنان والله يسهل امرك ويوفقك ومن تحجيلنا احجي على شكلين اذا جان الشخص اعزب او عائله واشكرك مره ثانيه واسفه على الاطاله
اختك ام مصطفى

.the peace.
ابو هفال ... ORCA
دمروني كلش..maryan ..البلدروز
 لورنس العرب2...العقيـــد...كباشي
القرش. ... .. salwa_lolo..... هنوة
.برنسو...سوسن كليانه..ضـاع الوطن
roea .... white_rabbit .. ورد  ✿AnGie✿
goodsniper ..كمال الشاطىء...★AbN BaGhDaD★
شجرة الدر....الشائع..... ابوتريكة...... ابو خالد. ..asood2000
GSMsysten.......ياراااااااااااا.ســـــــــرى .ريم عبد....عمي كيل.. .جورجيا....
الفريدو .ناردين ..candyman..............john85.......حمادة عزو@
رولا1..........أبن خير.........كاتم جروحى... .. NOOR 2 ....... حلو الكلام     
دانةزيونة    ~احمد~.ام سوسو..... windtalker........اوتافيا.....  ذاكر ابو فابيان
......دلوعة2........... .غزالة البصرة.... محبكم .. ..اليسا2......... mayada2009
.ملكة الورد.....Avatar....... الاماني الضالة.... اسامة الهاشمي...نورالمصطفى..زعلانة
المهاجر 2009........ ..... ......baird70.....ملك الراب....عاشقة هيفا.........السومري.
 أ.ج.ت ......nuhra  .....  soni. ..... salah-eng........  .. الاميره نيسان.....بدر العراقي
...Sound of Soul...
majson ... ابن السماوه
ام ميومي
sony.sony
the_princess
hannan.s family
المهاجر2... ميريام المهاجره
النــــــــــــــاسك .....مصطفى محمد
....زهرة الصبار..... المنتظره ... sky net
IRaQI JEALOUS
niron223297
IBRAHEEM 2009
...امرأة بلا عنوان... Ali leo...
....ماللك الاحزان.....
مــــــاجــــــــــــــلان
.يحجي ضميره.... Iron_man
.اينشتاين العراقي
دنيا1988.....SASY
max582 .... sabah077
أبن زيونة...الاسد الجامح.. درة
 كاسـ الحنون ـبر.. echo 9...
kim possible....علي السلطاني.....alazawi
سميراميس1960.....GOO GOO.... ...بت بطوطة..... alugily
مهاجرين بلا حدود......سماره........omaha.Mazen Al-Baghdadi.اربد
 الفهد السباح baghdad65.. BAHARIA......** يدكو **.. عاشقة اسمر
rawa11 .dina sam..زهرة القرنفل..المتميز العراقي....ali osama...ماللك الاحزان...AbU.SaRa.....Captain
dodo@

السلام عليكم اخواني واخواتي
احنا طبعا على الاس اي في واني رحت بلاسبوع الي بعد العيد مقابله اضافه طفل للكيس نمبر مع العلم احنا الموافقه على اصدار الفيزا اجتا من شهر السادس نهايه السادس تقريبا ومن رحنا حلفتنا الموظفه علمود اضافه اوراق الطفله وبعدين كامت تطلعلنا اسوالف عتك يعني انتو الاولاد موالديهم مو بغداد ليش كاتبين بمحل ولادتهم بغداد كلنالها هذا القانون العراقي كالت روحو غيروا لان اتغير القانون هسى غيروا الهويات والجوازات وراها طبعا ترجمه جديده هم المهم حاولنا نفهمها ليش هسى تكولون ليش من قبل فتره هسى ياله سالنها احنا موافقه جيتنا كالت مااشوف اي شي الا تكملون الاوراق ياله ادخل على السيستم واشوف دوختكم طبعا بس ردت اوضح الحاله هسى سؤالي هو اذا جتي الموافقه من نهايه السادس شكد المده مالتها وهل بيها اكسباير وتنتهي ولازم موافقه جديده لان احنا مادكولنا فيزا بلجوازات بعدنا مجرد الموافقه على اصدار الفيزا وكالولنا كملوا اضافه الطفله ارجو الي يعرف الاجابه يجاوبني والكم جزيل الشكر
اختكم ام مصطفى

العراق بغداد

الله يبارك بيك اخويه ويكثر من امثالك ويوفقك لانك تستاهل كل خير  
احنا نفرح من نشوف ناس امثالك تحاول تقدم المساعده حتى للمايعرفهم
وارجع اكول الله يبارك بيك وبعائلتك والك جزيل الشكر على هذا الموقف العظيم

السلام  عليكم اخويه والله ياريت تنطينا عناوين وارقام للتقديم لان زوجي اصلا شغله مترجم وهسى لا شغل ولا عمل منتظرين السفر على الاقل بلكي واحد يستفاد هاي الفتره بين ما تجي رحمه الله والك جزيل الشكر 
اختك ام مصطفى

اخواني اشكركم على رودودكم الي ريحتني نوعا ما واني الي سالني على هذا الشي السفاره بلايميل رسلولي ايميلي يقولون شلون شهاده الميلاد مالت الجهال تقره الولاده بلاردن وشلون مكتوب بلهويات والجوازات مالتهم بغداد حتى اني استغربت ليش مايدرون اكو هيج قرار بلعراق شنو اول حاله تمر عليهم مستحيل وليش هسى ياله سالوني هالسؤال لعد وين جانوا من سويت مقابله اول مره لو بس يريدون يحصلون شي حتى ياخرونا وخلص
وتعرفون اي تاخير راح يعرقل الامور وياخرها واصلا الجوازات مو يمي يمهم بلسفاره سلمتها بلمقابله واخاف لا يقولون اغيرها لان تعرفون تاخذ وقت المهم ندعي من الله يسهل بيوم المقابله ومايضلون يدققون بامور اتصورها مو مهمه لان شنو حجه وخلص
وشكرا مره ثانيه لاخواني
rawaan
gsm
توتو اموري
محمد اكرم
Mohammed altaee
 

موضوعج هذا دمرني  لوتعرفين شكد صرفت فلوي ومارهمت وللاسف محد صدك بحيث صديقي لمن اسولفه يتعجب ايكلي عادي لحد ما انغلق ملف اوربا وتحولت على امريكا للاسف المهم كلمن يكول انو الملف ماياثر اني اوكف بوجه واكله لالالالالا والف لا لانو متعطل سنين بسبب هاي الحاله لحد ماالله يعبره علينه
ابو يوسف عمان

اخويه يعني شنو تقصد مافتهمت كلامك يعني اكو مشاكل ممكن اصادفها ليش انته ماكلتلهم عدنا بلعراق هيج قانون وشنو ماصدكوا بيك والله شكولك بس غير الله يسهل علينا ولو طلعت روحنا وتعبنا والله

اخواني اشكركم على رودودكم الي ريحتني نوعا ما واني الي سالني على هذا الشي السفاره بلايميل رسلولي ايميلي يقولون شلون شهاده الميلاد مالت الجهال تقره الولاده بلاردن وشلون مكتوب بلهويات والجوازات مالتهم بغداد حتى اني استغربت ليش مايدرون اكو هيج قرار بلعراق شنو اول حاله تمر عليهم مستحيل وليش هسى ياله سالوني هالسؤال لعد وين جانوا من سويت مقابله اول مره لو بس يريدون يحصلون شي حتى ياخرونا وخلص
وتعرفون اي تاخير راح يعرقل الامور وياخرها واصلا الجوازات مو يمي يمهم بلسفاره سلمتها بلمقابله واخاف لا يقولون اغيرها لان تعرفون تاخذ وقت المهم ندعي من الله يسهل بيوم المقابله ومايضلون يدققون بامور اتصورها مو مهمه لان شنو حجه وخلص
وشكرا مره ثانيه لاخواني
rawaan
gsm
توتو اموري
محمد اكرم
Mohammed altaee
 

مرحبا اخواني عفيه اني السفاره والله راح اتخبلنا يعني بس اريد اسال سؤال الكل يعرف الي يجيه طفل خارج العراق يعني مثلا الاردن اواي بلد ثاتي ويريد يطلعله جنسيه يحولون ولادته الى بغداد اعتقد الكل يدرون بهاي الشغله اني عندي اولاد اثنين مولودين بلاردن ومن اجيت الى بغداد اطلعلهم جناسي كتبوا محل الولاده بغداد مع العلم عدهم شهادات ميلاد مو مال العراق ومن طلبوها صدقتها وديتها ويه الاوراق هسى يقولوللي شلون هيج مكتوب بلجنسيه بغداد وهمه ما مولودين ببغداد روحي صحيحيها بس اريد اعرف شلون اصححها وهيه قرار موجود عدنا ولازم همين اصلح الجوازات واصلا الجوازات سلمتها للسفاره بيوم المقابله والله راح نتخبل شنسوي عدي مقابله الاسبوع وره العيد لاضافه طفل وتوقيع الاوراق ماعرف اكوللهم احنا هيج قرار عدنا بلعراق يفتهمون يصدكون ماعرف عفيه الي مرت بي هيج حاله خلي يفيدني لان تعبنا نسد باب وتنفتحلنا مليون باب وتعبت من المعاملات والركض مالتها وتروح لاي مكان ياجلوك وتعرفون الدوائر العراقيه كلش زين مايحتاج اشرحلكم لان كلكم مجربين عفيه جاوبوووووووووووووووني لان صدك تعبت واسفه دوختكم ويايه
اختكم ام مصطفى

صحيح كلامك اخويه اني اليوم فحصت بعياده اور همين اعاده فحص ب 310دولار وتخفيض 10 دولار مكلف نفسه ههههههههههه يعني دفعت 300دولار واستلمت الفحص

كل عام وانته والجميع بالف الف الف خييييييييييييير وانشاء الله تحقيق الاماني واولها امنيه السفر والاستقرار باذن الله وينولنا وينول الجميع حج بيت الله قولووووا امييييييييييييييييين
اختكم ام مصطفى

اشكرك اخويه برنسو على الرد بس على ياه ايميل ادز يعني اذا تعرف ايميل السفاره علمود ادزلهم الاوراق واكون ممنونه
اختك ام مصطفى

السلام عليكم اعزائي ارجوكم عدي فد سؤال اريد ادز صوره جواز وصوره بيان ولاده لابنتي علمود يضيفوها على الكيس نمبر مالتنا لان هيه مولوده جديده وتواصلت ويه السفاره على الموقع مالت السفاره الي بي حقول نمليها بس شلون اسوي اتاتش منت للصور مال الجواز والبيان علما سويت على الايميل مالت السفاره ريبلي الظاهر ماواصللهم لان جاوبوني بانه ماوصلهم شي ارجو الرد سريعا جدا ويجزاكم الله الف خير
اختكم ام مصطفى

اخي العزيز نصيحتي تبقى وتنتظر زوجتك وتروحون سوه لكثير من الاسباب اولها الطريق مو سهل من بغداد الى امريكا طريق طويل ومتعب وماتصور هيه راح تقدر وحدها وثانيا اذا رحتوا كعائله راح يكون افضل من ناحيه المساعدات وبعدين انته راح تروح الى غربه ومو اي غربه شي غريب ومجتمع جديد من كل نواحيه يختلف اختلاف جذري عن مجتمعنا من تكون وحدك اتصور راح تتخطى هاي الامور بصعوبه بس اذا زوجتك وابنك وياك اعتقد نوعا ما راح يحسسوك بلقليل بعدم الغربه ويبقى الاختيار الك وهذه مجرد نصيحه تاخذ بيها او لا وتمنياتي الك بلتوفيق والاختيار الصائب
اختك ام مصطفى

مرحبا اعزائي شنو ماكو احد عده اي معلومات عن المساعدات للاخوان الي بامريكا اريزونا وكالفورنيا وشيكاغو وينكممممممممممممم جاوبونا وجزاكم الله الف خير رجاء

السلام عليكم اعزائي بلمنتدى عندي سؤال بخصوص المساعدات التي تقدم للعوائل بدايه الوصول لامريكا من ناحيه الكاش والفودستامب والمديكير ارجو الي عنده معلومات اكيده عن هذا الموضوع يشاركنا بلنسبه سمعت انه المساعدات بصوره عامه تستمر 8 اشهر للبالغين والاطفال اشكد تبقى وشكد الكاش وشوكت تنقطع المساعدات بهذه الولايه اذا ماشتغل الشخص لان اني حسب ماعرفت يختلف من ولايه الى اخرى ارجو المشاركه من الجميع خصوصا لاخوانا السبوقنا في فينكس اريزونا

السلام عليكم اخي العزيز ابن الحله مشكور على هذا المجهود وبارك الله بيك بس عدي مشكله
وهي من كملت وفتحت حساب gmail مايطلعلي كول يطلع مثل كامرا و الكول نهائيا ماكو ماعرف ليش وشنو المشكله رجاء تجاوبني يجوز بعد مايشتغل هسى علما اني ببغداد  ولك جزيل الشكر والامتنان

مرحبا اخي العزيز بلنسبه لشغلتك بيها شبه من شغلتنا واحنا بشهر 6 خابرونا السفاره يباركولنا على الفيزا لان احنا عباره عن عائله وطفلين وجنت هستوني جايبه بنتي يعني بدايه شهر سته ولدت ونهايه شهر سته خابرونا السفاره واخبرونا انو احنا ننتظر مولود فبلغناهم نعم والحمدالله ايجانا بنت فقال حاولو كملوا معاملاتها بسرعه وراسلونا لتحديد موعد مقابله لاستلام اوراق الطفله وتعرف المعاملات ودوائر الدوله يعني بنتي صار عمرها 4 اشهر هسى ياله كملنا معاملاتها المطلوبه وبشق الانفس
المهم قبل 10 ايام ارسلنا للسفاره نريد موعد مقابله للطفله
جابوني البارحه بانه يريدون صوره من جوازها وبيان الولاده ياله يدزولنا موعد مقابله ودزيتها راسا وننتظر رحمه الله يعني علشحن طبعا دوختك بقصتي
فحسب اعتقادي الشخصي انو الفيزا تبدي تنحسبلك 3 اشهر الاكسباير من يصدرولك ياها بلجواز يعني من يوم استلامك الفيزا بلجواز ياله تنحسب ال 3 اشهر غير هذا الشي ماينحسب اي شي وبعدين همه يدرون كلش زين انت دتنتظر فيزه زوجتك يعني مايلغون فيزنك بكيفهم لان من يجيكون ملفك راح يشوفون انك تنظر ونفس الشي ويانه لان احنا ننتظر تخلص اوراق الطفله واضافتها للكيس نمبر حتى نستلم الفيز مالتنا بلجوازات
ونصيحه الك انك تنتظر زوجتك وتسافرون سوه لان اكيد سامع على بهذله السفر وطول الطريق من بغداد الى امريكا فنصيحه انتظر زوجتك وابنك ولو تسافرون سوه لو تبقون سوه هاي نصيحه من مجرب المهم اتمنالك التوفيق بقرارك الي راح تتخذه واتمنى يكون صائب واتمنى تكون فكرتي البسيطه وصلتك وبلتوفيق
اختك ام مصطفى

مرحبا اخ برنسو احنا هم وجهتنا الى اريزونا فينكس انشاءالله لوجود صديق اهناك بس معلوماتي عنها قليله جدا وخليت موضوع عن ولايه اريزونا واجاني شكم جواب هم جانت متناقضه مثل الاجابات الي قريتها اهنا بموضوعك واحنا اكثر شي نريد اخواننا الي باريزونا وامريكا يجاوبونا اكثر وياريت كل الي عده معلومات ومتاكد من عدها يشاركنا يعني الى هسى السلبيات الي عرفتها عن هاي الولايه انو جوها حار وهاي ماتهني لان ماطول كهرباء ماتنقطع عادي فاني حابه نجمع اكبر قدر من المعلومات الدقيقه حتى لو نبقى على هاي الولايه لو نغيرها للافضل من هسى لان احنا عائله وعدي 3 جهال وحابه اشكرك اخ برنسو على هالموضوع وشكرا

مساءالخير بلنسبه الكم انت وزوجتك كل واحد 170 دولار يعني ثيناتكم 340دولار وابنك 75دولار شكد صار 415 دولار وهاي هيه ينطون الك ولزوجتك ظرفين وابنك ظرف واحد الظرفين الكبار الي هيه عباره عن الاشعه ماتاخذها وياك للسفاره تاخذها من تريد تسافر بس الاظرف الثلاثه المتبقه تاخذها وياك من تروح للمقابله او تدزها للسفاره المهم راح يفهموك على هاي التفاصيل بلعياده وبلتوفيق

مرحبا اخويه بلنسبه للفحص الطبي اني جنت البارحه يمهم
هيه عياده اومار او يسموها مدى اور بلكراده وتخابرهم عى هذا الرقم تحجز 07814744196 او 07703420131 وتحدد وياهم يوم يناسبكبله ماعدا الجمعه والسبت مايداومون وياخذون على الشحص البالغ 170 دولار والغير بالغ 75دولار والطفل لازم تجيبله دفتر اللقحات ضروري جدا
وتستلم الفحص بنفس اليوم وره ماتكمل وبلتوفيق

صباخ الخير للجميع
احنا جماعه الاس اي في ممكن اعرف شلون اشوف حاله الملف مالتي مثل الجماعه وللجميع جزيل الشكر

الحمدالله على سلامتك ومبروك وصولك الى الولايات المتحده الامريكيه الف مبروك

الف الحمدالله على سلامتك اخويا بس ماكلتلنا انت بيا ولايه رحت وحجيلنا اشويه عنها وشكرا

اني اشكرك جدا lord Baghdad على اجابتي بس شنو المعلومات بعد الي كلت تعرفها وحسب مافتهمت من الكلام اكو ولايات افضل باي ولايه تنصحني علما انو وضعنا زوجي يجيد اللغه الانجليزيه وهاي شغلته فقط واني حاليا ربه بيت لان عندي اطفال صغار فارجو مساعدتك ولو يمكن اثقل عليك بكثره اسالتي ولك وللمنتدى الجميل جزيل الشكر والامتنان

السلام عليكم اخواني واخواتي اني جديده بلمنتدى ولاكن متابعه من قبل فتره واقرا اغلب مواضيع الهجره والاجئين سؤالي عن ولايه اريزونا وبلتحديد فينكس علما نحن عائله اب والام و3 اطفال اعمارهم 4 سنوات وسنتين و4 اشهر فهل هي جيده من ناحيه سكن كعائله وفرص العمل هل متوفره واخترنا هذه الولايه لوجود صديق هناك على الاقل يدلنا على الطريق في البدايه لان كما تعرفون راح نروح لمجتمع غريب وجديد ومختلف
وماعرف احد باي ولايه اخرى ونحن مقدمين على siv وطلعتلنا الفيزا بس منتظره اكمل اوراق اضافه طفل للكيس ونقابل للطفل فارجو من الاخوان الذين عدهم خبره هل تنصحوني بهذه الولايه لو اغير من هسى افضل ارجو المساعده من اصحاب الخبره رجاءاااااااااااااااااااااااا ولكم جزيل الشكر

صباح الخير اخوانا الاعزاء اني جديده بلمنتدى بس قريت موضوعك وحبيت اشارك لان احنا هم siv بس هاي شغله غريبه ليش انت زوجتك مو وياك بنفس الكيس نمبر ليش انطوك موعد وهيه لاء يعني ممكن تصير هيج حاله وشلون اذا صارت
لان اني وزوجي و3 اطفال صعبه اذا يفصلونا وبلنسبه لموضوعك اعتقد انك تراسل السفاره وتسالهم واكيد راح يجاوبوك

مرحبا احوان اني جديده بلمنتدى اتمنى تقبلوني وياكم
احنا قابلنا وجان عدنا طفل بلطريق وره المقبله ب4 اشهر تقريبا اتصلو علينا من السفاره بشهر السادس بلغونا الفيزا طلعت مع العلم احنا siv وكانت ولاده الطفل ايضا بشهر 6 يعني يعد الولاده باسبوعين طلعت الفيزا وسالونا عن الطفل وسالوا لازم نحددموعد نجي للسفاره لتسليم الجوازات وتكمله الاوراق بس المشكله انتو تعرفون احناعلمود تطلع هويه للطفل اشكد اتطول الى هاي اللحظه دننتظر فسؤالي هل ه1ا التاخير ياثر على صدور الفيزا لو شلون ارجو ان تفيدوني ولكم جزيل الشكر
تحياتي للجميع

الف الف مبروك والحمدالله علسلامه بلتوفيق

السلام عليكم اني جديده بلمنتدى بس متابعه للمنتدى من قبل فتره وحبيت اشارك وياكم واليوم اشتركت  واتمنى ان تقبلون وياكم تحياتي للجميع