الرسائل

1

اجتماعيات (ترحيب، تهاني و تعازي منتدى الهجرة) / رد: عاااااااااااااااااااااااااااااااااااااااااااااا الكل يدعيلي بالروحة بلا ردة ==**

« في: 12:02 13/02/2013  »

صدوك  انته ابن عمي وصدوك أنته مو كونك ابن ابن عمي كصديق عزيز وطبعا ايعز علية فراقك بس اريد اكولك روحة بلا ردة الردة علة شنو على منع التجوال لو علة البشر التعبان لو على كثرة السيارات البدون معنى لو على القانون الماكو لو على الفوضى لو على التقيد  لو على الزبايل ألي بكل مكان لو على الكهرباء المطفية وجاينة الصيف لو لو لو لو هنه هواية بس أنكول حسبيه الله ونعم الوكيل بهذا العراق ألي خسر من أحلى واحسن الشباب جان المفروض يخدمون بلدهم من اطباء او مهندسين او غيرة بس أكول أذا هوة الوطن زبالة عذاب حبي لاتنساني بالدعاء علمود أجي وراك

2

الهجرة و واللاجئين / رد: المفاجأة الوعدتهة الكم واكولكم منو ألي سافر الامريكا اليوم أدخلو واتفاجئو

« في: 18:04 10/02/2013  »

اخواني وخواتي شكرا على مباركاتكم وانشالله يوم ألي اتباركولي وانشالله السفر للجميع

3

الهجرة و واللاجئين / المفاجأة الوعدتهة الكم واكولكم منو ألي سافر الامريكا اليوم أدخلو واتفاجئو

« في: 12:49 10/02/2013  »

وأخيرا انفتحت الجبسة تعرفون منو (    عذاب    )       كلللللللللللللللللللللللللللللووووووووش وياية هلاهل كللللللللللللللللللللللللللللللللللللللللللللللوووووووووووووووووووووووش       يمعودين والله اتمنيتة يطلع قبلي وصار التمني لأن والله أنقهر علية من جماعة الطابوكة الذهبية بالمناسبة اني من جماعة الطابوكة الفضية بعدني مو ذهبية    صارلي سنة وخمس اشهر        المهم جنتو متوقعين عذاب يالله باركولة واريد هلاهل من عدكم   

4

الهجرة و واللاجئين / رد: اليوم وصلت أبن عمي للمطار 10 / 2 / 2013 وتعرفون اشلكيت

« في: 12:39 10/02/2013  »

شكرا أم اديان على دعائج ألي اني وعائلتي بس اريد الردود بعد واني موجود على الابتوب حتة اكول منو

5

الهجرة و واللاجئين / اليوم وصلت أبن عمي للمطار 10 / 2 / 2013 وتعرفون اشلكيت

« في: 12:32 10/02/2013  »

أخواني وخواتي اني وعدتكم أكللكم منو أبن عمي ألي طلعلة موعد وطار وهسة هوة حاليا بالطريق الألمانية لأن وصل عمان وخابرني تعرفون وصلته للمطار الساعة خمسة ونص الفجر هاي أول مرة أعرف بالخمسة ونص لأن أخي قبله وصلته بالتسعة الصبح على كل من وصلت أبن عمي للمطار وانشالله ني وراه أتفاجأت بالكيسات الرايحة طبعا حركة مو طبيعية يمكن بس الي شفته مية وخمسين عائلة من وديت أخي قبل سنة حوالي ما جانو بهالعدد يعني أكو حركة كولش قوية أريد تدخلون هسة علي وأدكولون منو ألي طلع اليوم وانفتحت جبستة وانتم السابقون ونحن الاحقون

6

الهجرة و واللاجئين / رد: أخوان الحديدة حامية المواعيد السفر

« في: 05:57 09/02/2013  »

شكرا أخواني وخواتي على ردود افعالكم بالنسبة السؤال اخونة لا اني أحجي بالنسبة احنة من جماعة بغداد لو تدرون ابن عمي من اجاة موعد سفر طبعا عن طريق رسالة بالموبايل تعرفون اشسوة  بقة صافن على الرسالة نص ساعة ميحجي كلت بس لا شخط الولد  انشالله اكولكم بيه بعد ما ايطير واحب ابشر جماعة الطابوكة الذهبية خلي ايوزنون جنطهم لأن متحضرين ايصفون الكيسات وسلامي الكم

7

الهجرة و واللاجئين / أخوان الحديدة حامية المواعيد السفر

« في: 15:19 08/02/2013  »

شكرا أخواني وخواتي طبعا الحديدة حامية المواعيد السفر دا تجي مواعيد هليام بكثرة مو طبيعية اني رحت اكسباير فحص يمكن اني وكم عائلة فحص والباقين كولهم حباية طيارة  طبعا بالمناسبة اكو شخص عزيز عليكم وهوة طبعا ايصير ابن عمي طلعلة موعد الثنين ايطير واني اكولكم بأسمة نعملهة مفاجئة طبعا هوة من جماعة الطابوكة الذهبية لا والحلوة اني وراه بنفس الولاية لأن اني وياه نفس الكفيل 

8

الهجرة و واللاجئين / كلما اتاخر اكثر تلعب نفسي اكثر

« في: 08:01 09/12/2012  »

اخواني وخواتي الاعضاء الكرام السلام عليكم صارلي فترة ملتهي بمشاغل الحياة واشتاقيتلكم احتفلت بعيد ميلادي الاول في iom وصرت اكسباير بالنسبة للفحص ما ادري كلما اتاخر اكثر تلعب نفسي من امريكا اكثر عندكم نفس الاحساس ورجاء ممكن ادزولي رابط الدردشة سمعت فاتحين روم للدردشة يمكن محتاجين واحد ايصبر عالثاني وسلامي الكم جميعا

9

الهجرة و واللاجئين / رد: حاير والله لا ايحير عبدة واريد النصيحة شباب

« في: 13:16 07/10/2012  »

اخواني واخواتي السادة الاعضاء الكرام شكرا على ارائكم البيهة نوع من النصيحة الجميلة ورب الجلالة لو ما الحالات الامنية جان جبت الكول واحد هدية على نصايحكم الجميلة وبالنسبة الاخوية الغالي الاخير الي قضيته نفس قضيتي والي ايكول اني موضف وزوجتي موضفة وحاير احب اكولة تبقى نادم طول حياتك اذا متروح واذا اتروح هماتين خاف تندم المشكلة واحد من ايقدم ايصير بيه نوع من حب المغامرة وايريد ايعوف كولشي وايروح واحب اضيفلك شي اخي انه اني اريد اخلص من العراق بس مشكلتي زوجتي والمشكلة اني احبهة وما اكدر اغصبهة بس انته يمكن انته الي متردد من الموضوع وارجع واكول البيه خير ايجيبة رب العالمين وشكرا لكم جميعا

10

الهجرة و واللاجئين / رد: حاير والله لا ايحير عبدة واريد النصيحة شباب

« في: 11:10 03/10/2012  »

شكرا على دخولك اخوية الغالي وتعليقك بالنسبة الجواب على سؤالك نعم قريبة من بيتنه رابع فرع بس مو هاي القضية القضية الاهم انه هيه ربه بيت يعني مو موضفة ولا طالبة والا عندهة اي التزام الغريب متكدر اتفارك اهلهة هواية ناس كلولي اذا زوجتك معارضة ترة اتأذيك باميركا ومتخليك اتشوف دربك هذا ولك مني جزيل الشكر اخوية الغالي

11

الهجرة و واللاجئين / رد: حاير والله لا ايحير عبدة واريد النصيحة شباب

« في: 09:32 03/10/2012  »

شكرا الاعضاء الكرام الله يشهد رجعتولي الأمل وكول كلام تكتبوه خليت زوجتي تقراه والله كريم اني مؤمن بشي أنه البيه خير ايجيبة رب العالمين واكو فد مسأله لاحضتهة من خلال تجربتي ب iom انه ألي ما راغبهة مية بالمية تطلعلة والي ذابح روحة على هاي السفرية ما تطلعلة أتصورو اخر مرة اتصلت بيه موضفة الي بعمان طبعا الرقم دولي مثل لما تعرفون وما نكدر نتصل بيه المهم من اتصلت اني عرفت موضفة عمان قبل ما افتح الخط وكلت هذا موعد ما بيه اي مجال لأن اني مكمل كولشي من زمان وحته دورة تثقيفية من فتحت الخط تعرفون كالت أنته سيد فلان كلتلهة اتفضلي كالت في حالة أنه غيرت رقم موبايلك بلغنة لأن نعرف أنه انت مهدد على هذا الرقم لكي لا نفقدك لأننا سوف نتصل بك في اقرب وقت كولتلهة الله ايخليج اريد اعرف اني مصيري بالقضية وين وصلت كالت قضيتك بالتشييك الامني بس احنه انوصل صوتك باقرب وقت تحياتي للاعضاء الكرام وشكرا لكم

12

الهجرة و واللاجئين / رد: حاير والله لا ايحير عبدة واريد النصيحة شباب

« في: 20:53 02/10/2012  »

اخواني واعزائي شكرا على النصائح وشكرا على تعليقاتكم كلامكم معي نابع عن مافي قلوبكم الله يشهد احس اهلي دا يتكلمون معي شكرا الكم   
للطرافة اليوم اجيت من الدوام وجان اعمل تمثلية وبنفس الوقت اختبار  وجدت زوجتي بالغرفة وجان اعمل حالي الموبايل ايدوك علية على اساس منضمة iom رديت عليهم على اساس اتكلمت مع الموضفة الي في عمان وقلت الهة اتفضلي كلتلهة اي اني فلان وسكتت شوية وجان اطير من الفرح وصرت اكمز زوجتي اتباوع علي واعيونهة اشلون السمجة المزوهرة كلت الصاحبة المنضمة اشوكت انشالله موعدنة للطيارة على اساس كالتلي 21 / 10 / 2011  كلتلهة اوك قبل بيوم نجي الابن البيطار علمود حباية مال الطيارة والحليب مال الطيارة للاطفال سديت الموبايل واني اضحك وفرحان بس تمثيل مضبوط ما خليتهة اتشك  ابنفس اللحضة اتصلت على اساس بابن عمي لان هوة هماتين امقدم وعلى اساس بشرته كتلة اي اشكد الوزن الي يطلبوه للاغراض وهكذا المهم سديت الموبايل وردت اشوف ردت فعل زوجتي في حالة اذا  صارت صدوك السالفة طبعا بقت زوجتي ساكته وصافنة لمدة ربع ساعة متحجي  وبعدهة كامت تبجي  كلتلهة يابة ما عجبج نرجع جان ادكولي شيرجعنة واحنه عبر القارات كلتلهة افلوس وموجودة وطيارة وموجودة وما شالله حدود العراق والتربانة مفتوحة اربع اويالة 24 ساعة وايكولون بس تعالو بعد اشتردين والله شباب قناعتهة صعبة ممكن  تعليقاتكم للقناعة علمود اخليهة تقراها بلكي الله يهديهة المهم كلتلهة يابة جذب مو موعد جذبت عليج جان راسن يرجع اللون بوجهة تحياتي الكم اسف عالاطالة 

13

الهجرة و واللاجئين / رد: حاير والله لا ايحير عبدة واريد النصيحة شباب

« في: 10:54 02/10/2012  »

شكرا اخوية الغالي عالملاحضة وشكرا للأعضاء على ارائهم المتعددة مختصر الكلام أنا أندم بالحالتين مثل ما كال ابن عمي أذا تروح خاف تتندم واذا متروح هماتين تتندم والله العضيم شباب اني صارلي حوالي سنة من 2011 بالي مو صافي اكول اذا طلعت اروح لو لا وبناتي شنو مستقبلهن واني شنو مستقبلي وهكذا لحضات اشوف الشارع العراقي واكول احنه عايشين بالكوة بنص التراب والزبايل والبشر الي ما يرحم والقانون الي بيه محسوبية ومنسوبية بس تطلع اروح ولحضة اشوف حجي زوجتي اشلون من تسمع طاري السفر تبجي وانقهر عليهة والله اني حاير المشكلة بالي ابد ما صافي واني اسوق تجيني افكار واني انام واني اكول واني امشي  حته واني اسولف علة غير موضوع ويه شخص هماتين تجي علة بالي اروح لو لا حته راح اتصير بيه حالة نفسية وشكرا الكم وياريد الي ماشية امورة عدل هناك يذكر علمود شوية تشجيع بالمناسبة اني اخواني كولهم باميركا والمشكلة ايكولون الشغل ضعيف احنه عزابية وعدنه بالشقة روميت ومملحكين عالايجار انته عندك عائلة يعني لازم اتحسب شقتك وحدك والايجار تدفعة كولة

14

الهجرة و واللاجئين / رد: فحص طبي غدا

« في: 23:04 01/10/2012  »

أخوية العزيز الي يتصلون بيك على الفحص الطبي مو موضفين iom هذولة عراقيين يعملون بمستشفى ابن البيطار وما الهم اي علاقة بالمنضمة مجرد ايدزلوهم  ارقام الموبايلات يتصلون بيهم على موعد فحص وايدزون نتيجة الفحص للمنضمة فأنت بشرك او بشرتك هذا الكلام مو منطقي
وتحياتي اخوية العزيز

15

الهجرة و واللاجئين / حاير والله لا ايحير عبدة واريد النصيحة شباب

« في: 22:32 01/10/2012  »

بالبداية شباب السلام عليكم أنا عضو جديد أرجو منكم قبولي صديق دائم لكم  انا قدمت على منضمة iom في سنة 2011 عندما قدمت على هذه المنضمة كنت متردد لعدة اسباب اذكرها بعد اكمال قصتي بعد شهر من تقديمي أرسلو لي الكيس نمبر طبعا رسلولياه عن طريق رسالة عالايميل الخاص بي وبنفس الوقت أتصلو بي من عمان الموضفة التي أتفائل بصوتها وقالت هذا الكيس الخاص بك
بعدها بشهر واحد فقط أتصلو بي وحددو المقابلة الاولى وعندما فتحت ايميلي وجدت هناك تحديد لموعدين المقابلة الاولى وبعدها باسبوع المقابلة الثانية ومرفق مع المقابلة الثانية استمارة طويلة جدا معلومات عندما ثهبت للمقابلة الاولى كانو لطفاء معي وبعدها باسبوع على المحلف الامريكي بعد المقابلة الثانية بشهر اتصلو بي للفحص الطبي وبعدها بشهرين وصلت اوراقي للكفيل هذه العملية كولها في 6 اشهر أنها سريعة اليس كذلك ولكني متردد من الأسف لأسباب اولها زوجتي رافضة الموضوع من البداية وأنا لأني موضف حكومي وتعرفون الموضف في العراق ماذا اصبح فأنا حاير في امري أذهب أخاف اتندم ما أذهب أخاف اتندم والله لا ايحير عبدة علما أن عائلتي متكونة من 4 أشخاص أنا وزوجتي وأثنان من الاطفال والنصيحة شباب لمصلحتي   وانشالله السفر العاجل للجميع
اخوكم غراب البين