الرسائل

1

الهجرة و واللاجئين / رد: استفسار حول فيزا شنكل

« في: 12:19 31/03/2014  »

حبي سعرها 10 الاف دولار وبدون بصمة وموجودة بعمان تحياتي الك

2

الهجرة و واللاجئين / رد: اليوم المدينة و المطارنازلات

« في: 10:58 20/03/2014  »

مبروك اختي وبالتوفيق وان شاء الله السفر . بس حبيت اسالج شكد ونزلت المدينة والمطار يعني بعد مقابلة المحلفين شكد طولت

3

الهجرة و واللاجئين / رد: الحصول على تاكيد عمل ولكن ؟؟؟ اخواني الخبراء .مساعدتكم

« في: 14:10 10/02/2014  »

السلام عليكم...
اخوان مثل متعرفون اني مكمل المقابلة الاولى قبل كم شهر,بس المشكلة المنظمة كالوا منقابلك الثانية الا نتاكد من عمل والدك,,
وقبل فترة اتصلت بية المنظمة وكالت الملف بتاعك مسكر(يعني مسدود),,اذا ترسلنا تاكيد عمل والدك تقابل المحلفين,
طبعا الشركة الامريكية الي جان يشتغل بيها والدي انقرضت,وما اكدر احصل على تاكيد عمل منهم,

بسنة 2005 اشتغلت وية شركة عراقية متعاقدة مع الجيش الامريكي,,وهاي الايام كدرت احصل منهة على تاكيد عمل وعنوان الظابط الامريكي الي حياكد عملي مع الشركة العراقية المتعاقدة مع الجيش الامريكي,,,بس المشكلة بالمقابلة الاولى من الموظفة سالتني عن الوظائف الي مشتغلهن وكتلهة اني مشتغل بوظيفتين  بس اني مذكرت انه شتغلت وية شركة عراقية بسنة 2005,,

اني اخاف المحلف يشك انه بيها تلاعب ويرفضني,لان يكلي ليش مذكرت بالمقابلة الاولى هاي المعلومة, وبسنة 2005 جان عمرك 18 سنة,
بس اني اكلة مجان عندي اي اثبات على عملي مع هذه الشركة والان حصلت عليه,

اذا ممكن تنصحوني شلون افهم المحلف انه شغلتي صحيحة,,
والشي الثاني حاليا عندي تاكيد العمل مع الشركة العراقية,,وعندي ايميل الضابط الامريكي,,,هل اتصل بالضابط واطلب منة تاكيد عملي,,,او ادز الطلب للمنظمة وهم يتصلون بيه ويتاكدون؟؟

اتمنى من الي عندة خبرة ينصحني بالاجراء الصحيح ,,,,مع التقدير

[ اخي العزيز اهم شي تجيب تاكيد عمل من اي جهة امريكية المهم عندك ريكمنديشن من جهة امريكية وبالنسبة للمحلف عادي كولة اني مشتغل وية الاميركان بعدة مكانات واذكر انت وين مشتغل واذا سالك ليش ماحجيت من البداية كولة مجنت محتاج تاكيد عمل من الشركة العراقية وصدقني امورك رح تمشي بسهولة وخليها على ربك وتوكل عليه

4

الهجرة و واللاجئين / رد: تحية طيبة حبايب مسسسسسسسسسسساعدة بخصوص الكيس نمبر

« في: 14:08 28/01/2014  »

تحية طيبة لكم أخواني

أليوم أستلمت ألكيس نمبر وألحمد لله بس أكو مشكلة وحبيت أشوف أرائكم وشلون أتصرف بالموضوع

-قدمت من كنت ببغداد بتأريخ 23/8/2013
-غادرت ألعراق ألى عمان 10/11/2013 ومستقر حاليا بعمان
-بعد أيام من وصولي ألى عمان راسلت أل iom  وكتلهم أني وصلت لعمان هذا الحجي كنت ممستلم كيس نمبر بعد
-بيوم 13/1/2014 اجاني ايميل من المنظمة يكول أنه استلمنا طلبك و نود أبلاغك أنه بمجرد ألأنتهاء من ادخال بياناتك ألشخصية في نظامنا سوف يتم تحديد رقم معاملة خاص بك . وجان عنوان ألأيميل case number / sam-jo .
-اليوم العصر اجاني أيميل عنوانة Notification of case number / FHB  يكول ألأيميل انه طلبك كامل وملفك ديسير بالعمل وألأجرائات وألأهم ( سوف تتم أجراء ألمقابلات في ((( بغداد ))) وأني هسة بعمان ورقم ألكيس أجاني كيس بغداد يعني ألرمز مالتة ((( IZ )))

اخوية العزيز  ارسل لهم ايميلات تؤكد انت موجود حاليا في عمان لان الجماعة يحتاج تاكد عليهم اكثر من مرة وتعال يوم 6| 2 علمود الاستفسارات مال اي او ام وهم احجي وية الموظف مباشرة وان شاء الله تتم مقابلاتك في عمان

5

الهجرة و واللاجئين / رد: مساعدة من اهل الخبرة حول تاكيد عمل مع القوات الامريكية

« في: 00:32 19/08/2013  »

السلام عليكم ورحمة الله وبركاته

اخي العزيز الغالي اولا اتمنى للجميع الموفقية والسفر في اقرب وقت
ثانيا بالنسبة للاوراق الي عند كرايبك كلها مارح تفيد غير تاكيد العمل اني صارت وياية والمشكلة كلنا نعرفها هية ان الجيش الامريكي انسحب واكثر ايملاتهم توقفت والباقين ميجاوبون بسبب تخوفهم او اي سبب اخر اني الحمد لله بعد فترة جاوب كابتن على رسالتي واكد عملي نصيحتيي استمر بارسال الرسائل الهم واذا عندك ارقامهم اتصل عليهم الا ان تحصل نتيجة وان شاء الله تنحل قضيتك باقرب وقت تحياتي الك ياغالي

6

الهجرة و واللاجئين / رد: واخيرا بعد صبر 7 اشهر في بغداد المقابلة الاولى بعد نقل الملف باسبوع لعمان

« في: 17:55 06/08/2013  »

مبروك اخي العزيز وان شاء الله السفر بس عندي سؤال مكالولك شوكت المحلفين تحياتي

7

الهجرة و واللاجئين / رد: الجمعيات الخيرية في عمان عاجل

« في: 19:26 20/06/2013  »

السلام عليكم

اختي العزيزة اولا عندج منظمة كير شارع الاستقلال خلف الاستقلال مول تاخذين وياج عقد ايجار بس لازم يكون بالهاشمي وتروحين على الباحثة الاجتماعية وتكوليلها ماعندي ادفع ايجار وان شاء الله رح تنطيج مال شهرين يعني حوالي 220 دينار لان ميصرفون اكثر وعندج منظمة سيدات جبل النصر صايرين بجبل النصر تودليهم ورقة اليو ان وهذولة ينطون 50 دينار للشخص وعندج الاي ار دي بس هذولة مساعداتهم تعبانة واي شي تحتاجين اني حاضر

8

الهجرة و واللاجئين / رد: التقديم على اي او ام مباشر ارجو القراءة

« في: 21:20 10/06/2013  »

اخوان للمعلومة اني مو بالعراق اني حاليا بالاردن وقدمت في شهر الرابع من الاردن تحياتي

9

الهجرة و واللاجئين / رد: التقديم على اي او ام مباشر ارجو القراءة

« في: 18:21 10/06/2013  »

اشكرك اخوية ابو شهاب بس المشكلة هية مدنعرف هو اني انقبلت او لا كل هذا من يجي الكيس نمبر والمشكلة الثانية هية مسالة التوقيت لحد هسة ماكو رد من iom مضبوط بوقت ارسال الكيس نمبر على كال حال اشكرك على المساعدة ياغالي

10

الهجرة و واللاجئين / رد: التقديم على اي او ام مباشر ارجو القراءة

« في: 14:41 10/06/2013  »

شكرا اختي وماقصرتي وبالنسبة لموضوع الكيس نمبر بالايميل اكو جماعة قالوا لي بالمقابلة واكو قالوا بالايميل والله حرت الله يصبرنا ويصبركم ويسهل امر الجميع ان شاء الله

11

الهجرة و واللاجئين / رد: التقديم على اي او ام مباشر ارجو القراءة

« في: 14:21 10/06/2013  »

شكرا اختي العزيزة بس حبيت اعرف الكيس نمبر ارسل الى بالايميل لو قابل وانطوه

12

الهجرة و واللاجئين / التقديم على اي او ام مباشر ارجو القراءة

« في: 14:05 10/06/2013  »

السلام عليكم اخواني ارجو منكم ومن اصحاب الخبرة الجواب على سؤالي اني اخوكم قدمت على اي او ام مباشر وقدمت كل اوراقي الخاصة بعملي مع القوات الامريكية وقدمت ريكومنديشن من كابتن امريكي ومن ايميل عسكري في شهر الرابع 2013 وكان جواب الاي او ام باستلام ملفي ومتابعة الملف ارجو منكم جواب كم يحتاجون مدة  الاي او ام لاعطائي الكيس نمبر ( رقم الملف ) علما ان صديقي قدم ونفس حالتي ونفس الجواب .. تقبلوا تحياتي وان شاء الله السفر للجميع

13

الهجرة و واللاجئين / رد: دعوة لاميركا اخواني اترجاكم انطوني جواب

« في: 06:07 09/12/2012  »

اخواني الاعزاء اني الي اقصدة فيزة زيارة طبعا مو سياحة لان اني اهلي اصلا هناك باميركا وهاية الامراة الامريكية سوت الدعوة لان هناك محد يكدر يسوي دعوة غير  امريكي الجنسية وطبعا اني ردت اروح على حسابي

14

الهجرة و واللاجئين / رد: دعوة لاميركا اخواني اترجاكم انطوني جواب

« في: 19:51 07/12/2012  »

شكرا حبايبي وصلت الفكرة بارك الله بيكم واتمنى السفر للجميع تحياتي الكم

15

الهجرة و واللاجئين / دعوة لاميركا اخواني اترجاكم انطوني جواب

« في: 23:40 06/12/2012  »

السلام عليكم اخواتي واخواني الاعزاء ارجوكم المساعدة بموضوعي ضروري جدا

اني حاليا بسوريا واهلي في اميركا وعن طريق اهلي اكو امراة امريكية الاصل والجنسية سوتلي دعوة لاميركا ورح تتكفلني بما يخص الموضوع الامني السؤال هو اذا رحت لعمان وقدمت الدعوة للسفارة الاميركية رح ينطوني فيزة لو لا ارجوكم انطوني جواب لان سالت هذا السؤال قبل وماكو جواب شافي وان شاء الله السفر لجميع المقدمين

16

الهجرة و واللاجئين / دعوة من اميركا وفيزا

« في: 08:25 22/11/2012  »

السلام عليكم خواتي واخواني عندي سؤال واتمنى الاجابة علية من الاعضاء المحترمين اني حاليا بسوريا والاهل باميركا وترتب موضوع  انو سيدة اميركية تسويلي دعوة وتتكفلني بيها بما يخص الموضوع الامني علما انو هية امريكية الاصل والجنسية سؤالي حاليا اذا اني سافرت الى عمان وقدمت هذه الدعوة الى السفارة الاميركية هل سيقومون باصدار الفيزة او احتمال متطلع ارجو منكم جواب وافي

تحياتي للجميع واتمنى السفر لجميع المقدمين والاجئين باذن الله

17

الهجرة و واللاجئين / رد: هام جدآ ولاية نيويورك

« في: 19:30 12/10/2012  »

اخوية العزيز السلام عليكم

بالنسبة لولاية نيويورك بيها شغلات زينة وشغلات مو زينة بالنسبة للزين مساعداتها كلش زينة خاصة للعوائل وتستمر لاكثر من خمس سنوات وبالنسبة للشغل بيها شغل لان ماكو ولاية مابيها شغل  واني دا احجيلك على بوفالو الي صايرة على حدود كندا طبعا هية من ضمن ولاية نيويورك والحلو بيها من تشتغل يكطعون المساعدات بس اذا بطلت من شغلك ترجع المساعدات وفوكاها يدفعولك كل الفواتير طبعا بغير ولاية ماكو هيج حجي  مال بيت واذا والدتك كبيرة بالعمر رئسا تقاعد والموزين الي بيها البرودة

18

الهجرة و واللاجئين / كروب SIV سؤال يرحم والديكم

« في: 21:01 11/09/2012  »

السلام عليكم
اخواني الاعزاء اني اريد اقدم على فيزة siv اريد اعرف طريقة التقديم لان اني دزيت ايميل لل IOM وجاوبوني ورة ستة ايام وما اعرف كلشي رحمة على والديكم فهموني واريد اعرف اني تشملني وعندي عقود باسمي  وهل تشمل عائلتي  واريد اعرف تصير من سوريا لو لا لان اني حاليا بسوريا اخواني  ما اوصيكم شرح مفصل حتى اتوكل على الله وادزها