الرسائل

1

الهجرة و واللاجئين / رد: مــــاذا تــعــرف عــن أمـــريكــــــا.......نســـــافــر أم لا نســـــافر

« في: 01:52 12/06/2013  »

السلام عليكم اخواني واخواتي اني عايشة بامريكا صارلي سنة واحمد الله سبحانه وتعالى خلصني من العراق..... اول ماجيت تفاجات من التغيير وين ماامشي اقارن بين بلدي وامريكا .... اصعد بالباص اتعجب على النظافة والترتيب والدقة بالمواعيد  واحلى   شي تبريد بالصيف وتدفاة بالشتا وكل واحد محترم نفسة ومعليه بغيرة  ..... تراجع دوائرهم اتعجب عليهم اشون منظمين واشون يتعاملون مع المراجع واتذكر دوائرنا واشون كانو يتعاملون مع المراجع من الشباك وباسلوب تعبان ...... حتى لو بالبد\اية المنظمة متختار منطقة زينة للسكن تختار منطقة تحت الوسط واعلى من الرديئ بس ماء حار وكهرباء مستمرة وتبريد مركزي بالصيف يخبل ...... نجي على المدارس للاولاد ارتاحيت من الاشتراكات ودوختها  والتعليم ارقى شي وبلاش ...... تعامل الناس بديع بحالهم وهمة يبدون بالسلام مع ابتسامة  ........ بالبداية رح تتعبون وتصيرون كابة لكن كل هذا يزول بالتدريج وتبدي اموركم تترتب شوية شوية ....... واذا يكولون ماكو شغل فهذا غير صحيح اكو شغل وخصوصا للشباب وحتى الكبار بالعمر المنظمة تلكيلهم شغل يناسبهم صح شغلهم طويل ومتعب بس واحد باله مرتاح من يرجع البيته يلكي كهرباء موجودة واولادي جايين من المدرسة والشوارع مابيها سيطرات وانفجارات  ......  واللاجىء من يجي راسا يخلوا بمدارس لتعلم اللغة الانكليزية وينطون راتب بسيط مع بطاقات الباص ..... اخواني انصحكم نصيحة لتفكرون ولاتقارنون ..... اصبرو وانتظرو حتى تخلصون من العراق لاتفكرون من تجون لامريكا شرح يصير اتركوها على رب العباد .... التوفيق من عنده عيشو حياتكم وحاولو تبداون تدرسون لغة كل كلمة تتعلموها حتفيدكم من تجون ان شاء الله ..... اختكم بلسم

2

دردشة منتدى الهجرة واللاجئين / رد: لماذا قررت رئاسة الوزراء العراقية الغاء البطاقة التموينية ؟ تريد تعرف ادخل وشوف

« في: 22:20 07/11/2012  »

لاحول ولا قوة الا بالله يعني اريد اسمع فد يوم اجتمعوا حتى يفيدون الشعب المظلوم كلها لوبس عرك على المناصب لو قرارات ضد الشعب المكرود موتونة موت بطيء ودمرو شبابنا كل واحد ياخذ سنين من عمرنا بالقهر واجة دور اطفالنا وهكذا تستمر الايام بالعراق العظيم .

3

الهجرة و واللاجئين / رد: السفر مستمر في عمان والاعداد تبشر بخير

« في: 08:12 06/11/2012  »

الف مبروك اخوية وانشاء الله توصل بالسلامة وادعيلنا الله يفرجها علينا .

4

الهجرة و واللاجئين / رد: تصديق اوراق المدارس

« في: 13:52 05/11/2012  »

اشكرك اخوية وبارك الله بيك وعاشت ايدك على هذي المعلومات .جزاك الله كل خير

5

اجتماعيات (ترحيب، تهاني و تعازي منتدى الهجرة) / رد: *** واخيرا" فارس العراق يمتطي صهوة البويينغ***

« في: 22:28 04/11/2012  »

الف مبروك لفارس العراق يستاهل كل خير كان ميبخل بمعلوماته لاخوانة بالمنتدى ربي يوفقة بحياته الجديدة ونتمنى يضل في تواصل معانة وينقلنا اخبارة وطبيعة الحياة في امريكا لاتنسى اخوانك واخواتك بالمنتدى واتمنالك كل السعادة بحياتك الجديدة اخوية فارس.اختك بلسم

6

مواضيع الحياة العامة في بلاد المهجر (امريكا) / رد: ارجوا نصحي

« في: 06:50 04/11/2012  »

تسمحولي اخوتي انو اتشارك معاكم بهذا الموضوع وهو التردد من الهجرة لاصحاب الوضائف والشهادات  اني نفس الشي كنت مثل الاخ المهندس المتردد بس اني طبيبة وعندي وضيفة وراتب محترم وكنت رافضة شغلت السفر بس بعدين وعلى غفلة صارت عندي ظروف جبرتني اترك وضيفتي واترك بيتي واتهجول اني واطفالي واسافر لاقرب بلد بس حتى احمي نفسي وعائلتي من الموت والخطف  وهساع انتظر الفرج بالهجرة الى امريكا ماعندي غير هذا الحل فانت يااخي يامهندس شمعرفك انتو انت وبشغلك يطلعلك واحد حاقد  يغدر بيك ويهدد ك و  يهجولك هذاك الوقت رح تنجبر تسافر قصدي مدام جتك هذي الفرصة لاتضيعها الخاطر اولادك ولنفسك اذا تركتها رح تتندم بالمستقبل اذا لاسامح الله تتعرض الى ضرف سيء قصد الكلام اني نفس راي الاخ sniper اطلع احسن الك ولعائلتك رح تتعب صح بالبداية ولاتنسى انت عندك خبرة واني حسب مسمعت من ناس اعرفهم مهندسين عادلو الشهادة ويكولون الامتحان كلش سهل والمادة مركزة وبسيطة بالعراق الدراسة اصعب فتوكل على الله واستخير ,وانشاء الله البي خير اتشوفة انت واطفالك .ارجو من الاخ sniper الطبيب يساعدني بعض الاجوبة لانه عندي اسئلة كثيرة اريد اسالو عليها من ناحية معادلة الشهادة والشغل للاطباء بامريكا بعثتلك رسالة على الخاص من بعد اذنك .اختك بلسم

7

الهجرة و واللاجئين / رد: تفاصيل الايام الاولى في امريكا + مفاهيم خاطئة ( الحلقة الثانية )

« في: 06:00 02/11/2012  »

اشكرك اخوية على ردك بصراحة طمنتني الله يوفقك ويرزقك اني اعرف انو لازم اني اعادل الشهادة بس مشوارها صعب وتحتاج دراسة وتفرغ واني عندي اطفال ويحتاجون رعايتي بس قريت بعض المواضيع بالمنتدى انو اكو دورات سونر او مختبر يقبلون بيها بدون معادلة الشهادة المهم يكون المتقدم خريج كلية طب وتستمر لمدة 9 اشهر ينطون بيها سرتفكيت واقدر اشتغل صح اكو مثل هذا الشي لو اني غلطانة.واحب اسالك ولو ضوجتك باسلتي اكو طريق سهل علية بالدراسة والشغل بحيث احصل وضيفة بنفس مكان دراستي اريد اعرف منك اسهل طريقة للشغل والدراسة بنفس الوقت الله يرضى عنك انشاء الله .اختك بلسم

8

الهجرة و واللاجئين / رد: تفاصيل الايام الاولى في امريكا + مفاهيم خاطئة ( الحلقة الثانية )

« في: 15:13 31/10/2012  »

الف مبروك اخوية على سلامة وصولك انت والعائلة واتمنالك بداية حياة جديدة كلها امان وسعادة
اخوية الطيار اني اختك رح اجي لولايتكم  بس بكرينز بورو قريبة من اخوية وعندي 3 اطفال واني طبيبة اخوية من النوع المتشائم
خوفني من الولاية يكول مابيها شغل اني اعرف انه مرح اشتغل بشهادتي بالبداية بس على الاقل اقدر احصل وضيفة بسيطة
في المجال الطبي لو برايك مااحصل زين شنو نوع الاعمال المتوفرة بولايتك اللي تفيد وضعي اني المسؤولة الوحيدة لاطفالي
ومسؤولة على والدتي ايضا مع العلم عندي مشاكل صحية بحيث مااستطيع ان اعمل لفتراة طويلة وخايفة خاف صحيح ماالكي شغل
واتبهدل اني واولاديي اني شايلة هم الايجار والفواتير .اختك محتارة ماكدر اغير الولاية لانه اريد ابقى جنب اخوية تعبت من الغربة واذا صح هذي الولاية
مابيهاشغل المنظمة تساعدني الى ان الكي شغل لو اشون؟ارجو من اخواني واخواتي بالمنتدى ان لايبخلون علية بالرد اني محتارة وخايفة.اشكرك اخوية الطيار على هذي معلوماتك والله يوفقك. اختك بلسم المحتارة