الرسائل

1

الهجرة و واللاجئين / رد: اخر اخبار اللجوء في تركيا

« في: 18:43 29/11/2012  »

الاخ بشار
بالنسبة لتركيا اذا الواحد رفض امريكا او انرفض من امريكا فهو بكلا الحالتين مشتول اقل شي سنة ونص سنتين اذا مو اكثر وهذا الحجي بالنسبة للشباب حتى لو عندة كفيل بالنسبة للعوائل اذا عندة كفيل ميطول بعد الرفض اكثر من سنة ويتحول لاستراليا وهاي صارت هنا وية جماعة يمنا تقبل احترامي

2

الهجرة و واللاجئين / رد: اخر اخبار اللجوء في تركيا

« في: 20:58 28/11/2012  »

الاخ فراس ياسين المحترم
اعتقد الاخ بشار جاوبك على سؤالك وانطاك معلومات بالغة بالدقة يعني بالعراقي ( كفة و وفة ) بس اني ما اعرف اخوية بالضبط اذا قدمت من عمان تصير لو لا لان بصراحة ما اعرف اليو ان بعمان شنو من شي .
احب اشكر الاخ بشار لشرحه الوافي اللهم اجزيه كل خير على مساعدته لاخوانه و اطلب من اخوانا من ذوي الخبرة ان هم يشاركونا بآرائهم لان هذه الصفحة للكل وليس حكر على شخص معين ( غايتنا مساعدة اخواننا في كل مكان ) 

تقبلوا خالص احترامي
اخوكم صرخة غريب

3

الهجرة و واللاجئين / رد: تفاصيل رحلتي من تركيا الى امريكا

« في: 16:31 27/11/2012  »

الاخ نورس جوناثان
السلام عليكم والف الف الف مبروك على الطيران ويا رب تكون بلد الخير عليك لعائلتك ولكل العراقين الي وصلوا و الي بعدهم
بس استفسار انت كلت انك من استلمت الجكش مختمولك الكملك المعروف هنا بتركيا وللاخوة الي موجودين بتركيا ان الكملك هو الهوية البيضاء الي تنطيك اياه الامنيات ودفتر الاقامة الازرق الي يبقى وياك من تسافر بس الامنيات تنهي مفعولة بس اريد اعرف شنو قصدك بختم المغادرة على الكملك فارجو التوضيح انت يا كملك تقصد ( الابيض لو دفتر الاقامة الازرق)

4

اجتماعيات (ترحيب، تهاني و تعازي منتدى الهجرة) / رد: رحمة الله اكبررررررررررررررر من رحمة البشر

« في: 11:52 25/11/2012  »

الف مبروك اختي وان شاء الله تعيشون بسعادة

تقبلي مروري
اخوك صرخة غريب / تركيا

5

الهجرة و واللاجئين / رد: نصيحة للجميع بدون استثناء الكل تدخل

« في: 11:49 25/11/2012  »

مشكور اخوية على المعلومة والف مبروك على السفر وان شاء الله تتيسر امورك 

6

الهجرة و واللاجئين / رد: الكومبيوتر وامريكا لمن يعرف

« في: 11:46 25/11/2012  »

اخي العزيز
انت المعلومات الي عندك كلش كافية  اتريد برامج تعليمية لو اتريد مواقع تعليمية شوف انت شنو الي يريدوه بالشغل يمك واحنا هنا كلنا اخوان وان شاء الله منقصر

7

الهجرة و واللاجئين / رد: قررت ارجع للعراق واترك الحلم الامريكي .. مظطرا وليس مخيرا!

« في: 11:37 25/11/2012  »

الاخ ابو اندي المحترم
اني قريت موضوعك واللنك الي حاطة  لموضوعك السابق مع كل الردود بالموضوعين
اخي العزيز صحيح اني بعدني مطالع لامريكا بس نكول الله ارحم الراحمين والكل يطلع  ويشوف رب العالمين شكاتبله صحيح الحياة بامريكا صعبة مو سهلة هذا حسب ما نسمع بي من الاخوة الي بالمنتدى ومن الاخوان الي جانوا ويانة والله يسر امورهم وطلعوا انيط مثال صغير اكو عائلة طلعت من يمنا من تركيا تتكو من الاب والام واربع بنات ولد صغير واحنا مثل ما نعرف وانت واحد من عندنا يمكن اكثر خبرة من الي بعدنا دننتظر نطلع ان الحياة مو سهلة بس على هذا العدد من العائلة تعتبر كبيرة بالنسبة لعائلتك هناك الاب ديشتغل والبنت والام يعني بين قوسين ثلاثة بالعائلة ديشتغلون مع العلم ان الام يمكن حتى ابتدائية مامخلصة . بالنسبة لحالتك اخوية العزيز اذا متريد اتغير ولايتك لازم تتعاون وين العائلة الكريمة لمجارات الحياة بامريكا ومو شرط ان اتخلي بنتك تشتغل  تكدر تخلي زوجتك تشتغل بس بدوامين مختلفة يعني انت باليل وهي بالنهار حتى يكون واحد من عندكم موجود بالبيت يم الاطفال او اثنينكم تشتغلون بالنهار وخلي هي تشتغل ببارت تايم وما اعتقد ان من تشتغلون اثنينكم راح تاثر عليكم 200 $ مال حضانة الاطفال والله واعلم .
لان اخوية والله والله والله العراق هسة مينعاش بي نهائيا  لان اكو جماعة هنا اتاخروا وسقطوا لجوء ورجعوا للعراق يكولون جهنم الغربة ولا جنة العراق من توفر ( الامان و الكهرباء والماء والغاز ......الخ ) فاتحمل اخوية الكم السنة الي باقية واذا وورة متكملها اذا بعدك مامتكيف على الوضع تكدر تروح يم اختك بكندا وكندا زينة
وبالاخير اكلك اخوية فكر زين قبل ما تاخذ خطوة وتندم عليها

تقبل احترامي لشخصك الكريم

8

الهجرة و واللاجئين / رد: اخر اخبار اللجوء في تركيا

« في: 09:41 25/11/2012  »

الاخت لولي 70
تحية لك ولك العراقين  الي باوشاك وان شاء الله يدق الموبايل باقرب وقت امين يا رب بس هي الملفات الي جاية من سوريا يرادلها شوية صبر وان شاء الله خير

تقبلي تحياتي
اخوك صرخة غريب من تركيا

9

الهجرة و واللاجئين / رد: اخر اخبار اللجوء في تركيا

« في: 16:43 24/11/2012  »

الاخ احمد السوداني
الشكر لله اول شي وثانيا لا شكر على واجب اني الي اتمناه ان اكدر اساعد اخوتي و اخواتي العراقين بهذا المنتدى الرائع

اخوك صرخة غريب

10

الهجرة و واللاجئين / رد: اخر اخبار اللجوء في تركيا

« في: 16:38 24/11/2012  »

الاخوان اليكس اندريه واحمد مالك

اشكر مروركم وارجو ان تقبلوا احترامي واعتزازي بمروركم الكريم

اخوكم صرخة غريب

11

الهجرة و واللاجئين / رد: اخر اخبار اللجوء في تركيا

« في: 16:35 24/11/2012  »

الاخ Habab Kolesh
اشكرك على المرور واشكرك من كل قلبي على هاي المشاعر النبيلة وان شاء الله يسهل امر الجميع مو بس بتركيا بكل الدول ااااااامين يارب

اخوك صرخة غريب

12

الهجرة و واللاجئين / رد: اخر اخبار اللجوء في تركيا

« في: 16:31 24/11/2012  »

وعليكم السلام اخوية muhlis
اخي العزيز بالنسبة لفترة الانتظار ما معلومة اذا كنت انت من يرفض امريكا بالمقابلة لازم يكون عندك كفيل من اقارب الدرجة الاولى حتى تكدر تقنع موضف اليو ان ( عندك سبب قوي لرفض امريكا ) وانتظر رحمة الله ومثل ما كلت سابقا المسالة يرادلها صبر وحظ
وبالنسبة للتكاليف العيشة بتركيا طبعا تختلف من محافظة لمحافظة وانصحك ان تقرا موضوع استاذنا واخونا الكبير ابو عمر الي ارجو ان يتقبل تحياتي مؤلف ( كتاب 74 فقرة لتركيا) الي شارح بي كلشي بالتفصيل عن الحياة بتركيا وتلكاها بهذا الرابط

http://www.ankawa.com/forum/index.php/topic,575330.0.html

تقبل تحياتي واسف للتاخير

13

الهجرة و واللاجئين / رد: اخر اخبار اللجوء في تركيا

« في: 16:12 24/11/2012  »

الاخ frank martin
ويبارك بيك اخوية اول شي اكلك هلة بيك بتركيا مقدما وبالنسبة الك اخوية انت شوكت ناوي تطلع من العراق اذا بداية شهر ال12 تكدر تقدم لان هم بنهاية الشهر يلة يروحون للاعياد مال راس السنة يعني عندك من يوم 1 الى يوم 20 تقريبا اقصى حد وتوصل بالف سلامة

اخوك صرخة غريب

14

الهجرة و واللاجئين / رد: اخر اخبار اللجوء في تركيا

« في: 02:01 23/11/2012  »

الاخ hon تحية طيبة
ما وصلت المواعيد مال اليو ان ثلاث سنين هسة دينطون مواعيد صح متاخرة بس مو لهاي الدرجة يعني حاليا وصلت لشهر 10 بالسنة الجديدة وهذا الحجي اليوم اتصل بي صديق من انقرة سجل جديد الموعد مالتة 20/10/2013 واحتمال يتقرب او يتاجل
بالنسبة للمرفوضين من امريكا تعتمد على الحظ يمكن يتحوول الملف بشهرين او ثلاثة ويمكن يبقى سنتين او ثلاثة ما معلوم التحويل شوكت بس المهم يتحولون بس شوكت الله واعلم عندي صديق البارحة مرفوض من امريكا بشهر 7 / 2010
وقبل اسبوع وجماعة  اتحول الحمد لله انرفضوا بنفس المدة تقريبا هسة هم باستراليا مسألة حظ وصبر

تقبل تحياتي

15

الهجرة و واللاجئين / رد: اخر اخبار اللجوء في تركيا

« في: 01:45 23/11/2012  »

الاخ احمد السوداني السلام عليكم
 بالنسبة لاستراليا متتصل بالكفيل حتى لو دزولك الفورمات لانك راح تملي فورمات ثانية للكفيل غير الفورمات مالتك وبعد المقابلة والفحص اذا قبلتك استراليا ودزولك الفورمات الثالث يلة يتصلون بالكفيل والفورماتات هي
1- فورمات معلوماتك انت والعائلة و رقمة 842
2- فورمات معلومات عن الكفيل  و رقمة 681
3- فورمات الاخير ورقمة 80
وتلكاها على العنوان التاليhttp://www.immi.gov.au/ كل الي عليك تكتب رقم الفورمات بالبحث
ومن تستلم الفورمات باذن الله أي سؤال يوكف عندك او أي شي تحتاجة اني بالخدمة
تقبل تحياتي

16

الهجرة و واللاجئين / رد: اخر اخبار اللجوء في تركيا

« في: 17:06 22/11/2012  »

الاخ فراس السلام عليكم

هنا بتركيا استراليا دتاخذ لاجئين بس بصراحة ما اعرف اذا دتاخذ او راح تاخذ من عمان

تقبل احترامي

17

الهجرة و واللاجئين / رد: اخر اخبار اللجوء في تركيا

« في: 17:03 22/11/2012  »

الاخ سندباد هاجر بغداد السلام عليكم
عادي اخوية هنا بتركيا (سنة ونص) اكو عائلتين يمنا هنا من بداية 2011 اجو من سوريا واحد ورة سنة ونص انطوا استيطان والثاني بعدة بالانتطار
بس يرادلها صبر تركيا
تقبل مروري

18

الهجرة و واللاجئين / رد: اخر اخبار اللجوء في تركيا

« في: 16:56 22/11/2012  »

الاخ احمد السوداني
اتصلت بهذا الشخص وقال لي اذا كان مكتوب بالتحديث ( تم توصية وتأييد الترشيح لدولة أعادة الأستيطان ) هذا يعني ان اليو ان قدمت ملفك الى استراليا ولكن لحد الان لم يصل الرد من استراليا فتنزل هذه العبارة الى ان يصل الرد وبعده ينكتب تم تحويل الملف الى دولة الاستطان

تقبل تحياتي واسف على التاخير بالرد

19

الهجرة و واللاجئين / رد: موضوع مهم جدا , أرجو الدخول من جميع الاعضاء

« في: 05:58 21/11/2012  »

الاخ جار الانتظار

اول شي ان شاء الله انتظارك ميطول اكثر
ثاني شي المنظمة سواء ببغداد او باي دولة ثانية اجيك بالادلة الجنائية على البصمات ويشوفوك محكوم او عليكم حكم غيابي بس في حالتك اخوية العزيز انت اذا تكدر اتجيب برادة ذمة من قاضي التحقيق وانك بريء ومثل ما نصحوك بعض الاخوة ان تحجي كلشي للمحلف مع الاوراق الي راح تجيبها لان حسب القانون الامريكي القديم ان سالفة عوجة بس بعد التعديل الي صار بسنة 2010 الصادر من وزارة الامن القومي الامريكي انك اذا محكوم باقل من 5 سنوات تعتبر قضية صغيرة مثل قضيتك هاي اذا محكوم بس انت الحمد لله ما محكوم وتكدر تتطلع على القانون الامريكي اذا انكليزيتك زينة بموقع وزارة الامن القومي الامريكي وهذا الرابط مال وزارة الامن القومي الامريكي اكتب بالبحث قانون اللجوء والهجرة
http://www.dhs.gov/

20

الهجرة و واللاجئين / رد: سؤال بخصوص الكفيل

« في: 05:36 21/11/2012  »

الاخ كوريف العراق

يستطيع اذا هو يريد واذا هو ميريد ايكلك ميصير

21

الهجرة و واللاجئين / رد: اخر اخبار اللجوء في تركيا

« في: 05:30 21/11/2012  »

الاخوة القداماء بالمنتدى اني اشكر مروركم وتحيتكم اليه وان شاء الله اكون عند حسن ظنكم

الاخ احمد السوداني تحية طيبة
هاي الحالة صارت وية واحد من جماعتنا القدماء الي جانوا هنا والله سهل امرة بعد 3 سنوات ونص
بس ولو ما متاكد من الجواب بس اعتقد ان استراليا قابلتك بإذن الله بس الي عليك تستلم الفورمات و تشوفلك واحد يكون مالي فورمات قبل لاستراليا حتى ايركز على كم سؤال مهم بالفورما كلها حتى لا تصير أي خربطة بالفورم و يرفض الملف واذا عندك كفيل باستراليا كلة خلي يستعد لان راح يصير عندة شغل بالملف مالتك .وان شاء الله يسهل امرك وتطلع
بس اطلب منك تنطي مجال خلي اخابر هذا الشخص واردلك الجواب الاكيد 100/100 ان شاء الله تلكة الجواب باجر بعون الله

22

الهجرة و واللاجئين / رد: اخر اخبار اللجوء في تركيا

« في: 04:14 20/11/2012  »

تحياتي لكل الاخوة وان شاء الله السفر لكل العراقيين

اخي العزيز firefox بالنسبة لمقابلة المحلفين جانت قبل من شهرين الى ثلاثة الى هذا الوفد الاخير لانه اجة متاخر وما اعرف شنو السبب وصلوا المحلفين هاي المرة يوم 15 / 10 وهذا الخبر اكيد من ال ICMC يعني جان ما باقي غير 10 ايام على العيد فبدأ الاتصالات من بداية شهر ال11 وتستمر لحد يوم 20 / 12 لان وراها يروحون لعطلة راس السنة فاذا انت مقابل بشهر العاشر ان شاء الله يتصلون بيك على الوفد الي وراه ومن الله التوفيق

23

الهجرة و واللاجئين / رد: ارجو المساعدة من الاخوان الموجودين في تركيا ضروي جدا

« في: 04:03 20/11/2012  »

اخي العزيز
تروح للاوتغار ما اسطنبول وتسال على شركة اسمها جزيرة نوح او شركة ديار بكر هذني الانين يطلعن للعراق بس ما اعرف من اسطنبول يوصلن لبغداد لو لا

تقبل مروري

24

الهجرة و واللاجئين / رد: استفسار عاجل حول اكسباير البصمات

« في: 15:28 19/11/2012  »

اخوية ابة طيبة العراقي
موضوع البصمات يختلف من بلد لاخر اني مقدم من تركيا وماكوهيج شي هنا بس احنا عدنا اكسباير للفحص الطبي كل 6 اشهر يعني من تسوي الفحص خلال ال6 اشهر اذا الله ما سهل امرك واجاك طيران اتصير الفحوصات اكسباير وتبقى على الشحن الى ان يدزون عليك مرة ثانية لاعادة الفحوصات

25

الهجرة و واللاجئين / رد: اريد اخذ رايكم ..بس موتكولون بطرانة

« في: 15:20 19/11/2012  »

الاخت سيناريو السلام عليكم
مثل ما كالولج الاخوان ان هسة أي تغير بالملف راح تبقين فترة ما معلومة بس الي اعرفة اني من شخص عايش هناك باريزونا ان جو اريزونا مثل جو العراق بالضبط بس متوفر بيها العمل والمساعدات وايجاراتها رخيصة يعني ارخص من مشيغان انت روحي هناك وكملي فترة المساعدات واذا شفتي نفسج بعدج ما مقتنعة بيها تكدرين تحولين لاي ولاية تريديها
تقبلي مروري

26

الهجرة و واللاجئين / اخر اخبار اللجوء في تركيا

« في: 15:07 19/11/2012  »

السلام عليكم اخواني وخواتي بهذا المنتدى الرائع
ارجو ان تقبلوني صديق جديد بالمنتدى اخوكم صرخة غريب من احد اللاجئين في تركيا من 2010 ولحد الان والله كريم والعافية درجات
بس اهم اخبار تركيا حاليا ان اليو ان تنطي مواعيد المقابلات الاولى على نص سنة 2013 والله كريم ويصبر الناس
ثانيا المتحولين على امريكا ومنتظرين محلفين الحمد لله وصلوا وبدأوا يقابلون والي منتظر فحوصات وطيران هذا اله الله والله ارحم الراحمين
اما المرفوضين من امريكا وصارلهم فترة تجازوت السنتين هسة بدأت اليو ان تحولهم الى استراليا وكندا وان شاء الله الخير جاي لان حسب ما سمعنا ان لازم يطلعون الملفاتهم متاخرة بس نكول اللهم يسر امور كل اللاجئين في كل الدول ولاي استفسار عن اللجوء في تركيا اني بالخدمة (طبعا بعد اذن الاخوان الي اقدم مني بالمنتدى والي اتشرف بان اتعرف عليهم )

تقبلوا تحياتي اخوكم صرخة غريب