عرض المشاركات
1
الهجرة و واللاجئين / رد: كولورادو Colorado
« في: 08:18 22/12/2012 »الاخ العزيز
ولاية كولورادو مكان ممتاز للعيش خصوصا اذا كان لديك عائلة او للطلاب.. جوها صحيح متقلب قليلا يعني مثلا بيوم بساعتين تغيم وتمطر وتصحى ... لكن عموما اني انصحك بمدينة دنفر العاصمة لان فورت كولنز تبعد ساعة ونص عن دنفر وهي كلها خمس شوارع بس دنفر كبيرة جدا وفرص العمل اكثر بكثير من غير مدينة بكولورادو .. فورت كولنز يسكنوها غالبية بيض و اني ولا فد مرة شايف بيها اسود وهذا يعني ان المنطقة مبيها هواية مشاكل بس بشكل عام ناس كولورادو يعتبرون ناس متعلمين ودخلهم عالي مقارنة بباقي الولايات وهم يعتبرون ناس ودودين مقارنة باللي عايشين بالساحل الشرقي ( نيويورك وجماعتها) فورت كولنز بيها جامعة كبيرة وكثير من الطلبة العرب يدرسون هناك لكن الجالية العربية قليلة هناك بعكس دنفر.. العراقيين بدنفر هواية ما شاء الله وعدنا 4 او 5 محلات عراقية حتى صمون حجري وخبز عراقي حار هم اكواسعار الايجارات مناسبة ولبانزين مناسب مقارنة ببعض الولايات ومتوسط الدخل بين 9 الى 10 دولار بالساعة ( شغل بدون شهادة) اني صارلي 3 سنوات بيها والحمد لله كلشي ماشي تمام .. بقى شي اخير احب ان اذكره ان كولورادو ودنفر بالخصوص ترتفع عن سطح البحر بمسافة ميل .. بعض الناس يصير عدهم وجع راس اول فترة يعيشون هنا على ما يتعودون بس بشكل عام الجو هنا نظيف ونقي جدا والجبال قريبة جدا وهي رائعة خلال الصيف الي يمتد من شهر الخامس لحد العاشر
ممنون اخي .. و نشكرك على كل هذي المعلومات
و يا ريت لو تحكيلنا اكثر عن Denver .. اذا يصير عندك وقت.. و اذا تقدر تحكيلنا عن بداياتك فيها.. و شلون الواحد يرتب اموره من البداية و شنو الخطوات الصحيحة حتى ما يضيع وقته و امواله ، لانه مكان جديد و عالم جديد للمهاجر او اللاجئ..
و شنو برايك الخطوات الخاطئه او المطبات التي يقع فيها من يصل جديدا الى هذه الولاية الجميلة..
تحياتي لك و للجميع و تمنياتي بالتوفيق
