الرسائل

1

الهجرة و واللاجئين / رد: جماعة الSIV اللي ماطلبو منهم تجديد ال DS-260 ولا اعادة الفحص الطبي ولا عدم المحكوميه

« في: 22:01 29/05/2013  »

اخويه اني هم بس شويه اكو اختلاف اني مقابل بسنه 2011 شهر التاسع 2012 طلبو مني فحص طبي +عدم محكومية ولحد الان مطلبو مني لا املي DS-260  ولا حددولي موعد مقابله جديد , مثل مديصير ويه الاخويه البقية

2

الهجرة و واللاجئين / رد: جماعة SIV اللي اعادوا الفحص قبل سنه منو سافر؟؟

« في: 12:01 10/03/2013  »

اعادة فحص شهر التاسع 2012 ,
وكلشي ماكو

3

الهجرة و واللاجئين / رد: SIV منو بقه وشكد صارلك

« في: 06:44 25/02/2013  »

اني مقدم  SIV سنة 1945 , بعد انتهاء الحرب العالمية الثانية ,,وبعدني انتظر شباب خلي نروح نسوي فحص ونشوف النتيجة اخاف بينه ايدز لو فد شي يا الله اني كمت اشك بكلشي   هههههههههههههههه ..... !!!!!

4

الهجرة و واللاجئين / رد: مامعنى حاله السفر غير فعال

« في: 23:23 18/02/2013  »

كل مشكلة ماكو والسفر قريب جدا , احتمال واحد من ابسط الاسباب احتمال اكو احد وياكم ضغطه صاعد , فيأجلون السفر

5

الهجرة و واللاجئين / رد: هل يوجد موقع لمتابعة حالة الملف بالنسبة لل

« في: 23:10 18/02/2013  »

 بس ال SIV ممكن ,, بس ال IOM ما اتصور اكو ..

6

الهجرة و واللاجئين / رد: SIV 2011, 2010 اللعنه ماذا يجري ههههههههههههه

« في: 15:04 13/02/2013  »

ياخوان اكو فيسبوك مال الهجرة واللاجئين مشتركة بيه اشو حجيهم ميطمن
يعني siv يكواون للعدد معين ويرفضون البقية وهاي السنة راح ايبين كلشي
تدرون والله مليت طلعوها من عبنه
وiom مستمرين بالفيز يمكن افكر احول الملف مالتي iom شدكولون

انتي هم لا تصديكين شيكولون هاي شغلات محد يدري بيه يجوز همه الموضفين هم مو كله تعرف منو مؤهل للفيزا او لا , يعني همه السفارة مينطون فد جواب اكيد هذوله منين ديجيبون هاي الاخبار

7

الهجرة و واللاجئين / رد: SIV 2011, 2010 اللعنه ماذا يجري ههههههههههههه

« في: 15:00 13/02/2013  »

اكو فقرة ما ضفته
يكلك المراجعة الادراية تطول اسابيع معدودة زين صارت سنين معدودة وماكو شي

بالضبط اخوية اني اخر تحديث بشهر ال 12 وهم كالو SEVERAL WEEKS

8

الهجرة و واللاجئين / رد: SIV 2011, 2010 اللعنه ماذا يجري ههههههههههههه

« في: 04:46 13/02/2013  »

والله  اتمنه الي كلته مو صحيح بس شنسوي شايفين الواحد من يحاول يواسي نفسه هههههههههههه , والله يفرجه عل جميع انشالله

حلوه هاي مال يواسي نفسه هههههههههههه  لا ان شاء الله السفاره تواسينه هم بالفيزه يارب
تحياتي

اي والله شنسوي لعد , هو الفكر شون يصير اذا اني بالمقابلة خليت الهيدسيت حته احجي وياه السماعه تكطع ومتشتغل زين وكل شوية اكوله عيد تره مدا اسمعك وخصوصا اسئله امنية مو مال اكول (اي)  او (لا ) اتصور القسم كلي اكولك كول I  DO OR NOT ههههههههه

9

الهجرة و واللاجئين / رد: SIV 2011, 2010 اللعنه ماذا يجري ههههههههههههه

« في: 04:36 13/02/2013  »

مرحبا
اني مقدمة 2010 ومقابلة 2911 بشهر الواحد
والموقع الاجراءات الادارية وقبل شهر خابرونه من عمان وسئلو زوجي اسئلة عادية ولهسة سكته
ياريت انسوي صفحة للكيسات الباقية والي طلعت شكد ختى نغرف عشوائية الشغلة لو بالارقام ؟

والله يا monica  شكولج لا مو عشوائية الشغلة , بس اعتقد يوم من الايام موظفين السفارة كعدو يشربون وحركو اوراقنا وجوازاتنا وميعرفون شيكولونه هههههههههههههههه

بس احتمال هاي السنين الي احنه مقدمين بيه محددين  فد عدد يدخل للولايات , الله اعلم ما ادري

10

الهجرة و واللاجئين / رد: SIV 2011, 2010 اللعنه ماذا يجري ههههههههههههه

« في: 22:49 12/02/2013  »

والله  اتمنه الي كلته مو صحيح بس شنسوي شايفين الواحد من يحاول يواسي نفسه هههههههههههه , والله يفرجه عل جميع انشالله

11

الهجرة و واللاجئين / SIV 2011, 2010 اللعنه ماذا يجري ههههههههههههه

« في: 15:46 12/02/2013  »

اخوان الي مقابل 2010 2011 , دا احس شغلتنه حيل مكيسة تفضلو شوفو
هاي بعد مطبيت للموقع وشفت حالة الكيس مالتي ..

1 : يكولون هنا Your visa case is currently undergoing necessary administrative processing
حلو يعني اكو امل ..

2: بعدين يرجع يكولك اذا انت مقدم بسنة 2011 المروض تستلم الفيزا قبل 30 سبتمبر 2012 غير هذا راح تفقد اهلية الحصول على الفيزا

Immigrant Visas for "Diversity Visas" cannot be issued after September 30th of the year in which you were selected to apply for a Diversity Visa. For example, entrants into the Diversity Visa Program in Fall of 2011 were selected for Diversity Visa 2012 Program, and selectees MUST apply and receive their visa prior to September 30, 2012 otherwise they lose eligibility to receive a Diversity Immigrant Visa
هنا الامل صار 1% هههههههههه

3:  هنا يكولك انت حته اذا بعدك بل administrative processing ومستلمت الفيزا قبل 30 سبتمبر يعني بين قوسين راحت عليك , انتبه على اخر 4 كلمات
Diversity Visas" cannot be issued after September 30th of the year in which you were selected to apply for a Diversity Visa. For example, entrants into the Diversity Visa Program in Fall of 2011 were selected for Diversity Visa 2012 Program, and selectees MUST apply and receive their visa prior to September 30, 2012 otherwise they lose eligibility to receive a Diversity Immigrant Visa, regardless of additional administrative processing
هنا الامل ديزلو بالحبل ههههههههههههههه

4: هنا يرجع الامل مرة ثانية بس متعرف اذا العدد وصل للحد الاقصى لان مكاتبين راح يضيفوهم عل سنه الجاية
In addition, please note that some immigrant visas may not be able to be issued if the annual numerical limit for that category has been reached.
 

SIV رحمونا شوية ترة احنه الي قدمنا مو شوية والي راحو وطلعو مو احسن من عدنه ,

الله يساعدنه ويساعدكم لان حته الصبر مل من عدنه

12

الهجرة و واللاجئين / رد: هل توافقون الرأي جماعة SIV 2011

« في: 07:37 09/12/2012  »

والله يا  اخوية شمدريني دمرونه بهاي الاجراءات وكله كلااوات بكلاوات هاي عساس فيزا خاصه وهيج

13

الهجرة و واللاجئين / رد: الاناء ينضح مافيه!!!!! لكل الاخوه الرجاء الدخول

« في: 23:44 08/12/2012  »

صدك يا اخوية اني حالي حال الحيوان يجوز الحيوان ارحم مني منطقتي لحد الان ما اكدر اطبله واني شغلتي جانت mitt team يعني تدريب جيش عراقي وما شاء الله يومية اشوف واحد ومجنت اكدر اغير الوحده مالتي مشيت وياهم .. لو ادري ما مشتغل اشرفلي

14

الهجرة و واللاجئين / هل توافقون الرأي جماعة SIV 2011

« في: 23:14 08/12/2012  »

شلونكم اخوان

شباب اني سويت فد احصائية بسيطة ولكيت ان 95 % من الي مقابلين بسنه 2011 وتحديدا من شهر ال 3 الى شهر ال 10 او ال 11 بعدهم معالجة ادارية اضافية ومن هاي السوالف ودينتضرون الفيزا

وطبعا اكثريتنه متوقعين ان احنه مرفوضين , اني بصراحه ما اتوقع هذا الشي لأن اني اذكر هواية عالم من جنت بالتاجي جانو من يجيهم رفض ميطولون اما قبل المقابلة يرفضو اوو بعد المقابلة فترة قصيرة
اني اتوقع ان هذا التأخير من السفارة لسبب واحد وهو ان السفارة متريد الناس تقدم بعد اكو شخص يكول لعد ليش بعدهم يستقبلون وموقعهم مفتوح , هو صحيح بس همه ميكدرون بالوقت الحالي يكولون انسد البرنامج وماكوو تقديم بعد لان اكو بعد عالم ديشتغلون والجيش موجود , بس الي يكدرون يسوو هو يخلون العالم من تسمع ان اكو عالم وخصوصا سنه 2011 بعدهم ينتظرون يصير عدهم نوع من التردد بالنقديم واللجوء الى برامج اخرى .
مجرد رأي ......

15

الهجرة و واللاجئين / رد: عندي سكرينيينك ومحتاج مساعدتكم

« في: 23:07 04/12/2012  »

لا اخوية لا تخاف كوللهم جنت اواجه صعوبه بالترجمه ومعظم المصطلحات هي عسكرية فقررت ان ابطل واقوي انكليزيتي وارجع مره ثانية
وثانيا ابو السكرييننك ميهمه اللغه هو يريد معلومات صحيحه واجوبه مقنعه وانت حاول قدر الامكان ان ما تستعين بل DOD المترجم
اضحك اخذ وانطي بالحجي ولا ترتبك وتضل تفرك باصابيعك اذا سألك سؤال امني
وبالموفقية

16

الهجرة و واللاجئين / رد: نص الفيزا الجزء2

« في: 23:00 04/12/2012  »

ناردين

اعتقد هذه فكرة جيده واني اليوم هم اتصلت بأبن عمي الي هو الكفيل مالي وكلي راح اردلك خبر بخصوص اذا اكدر  اوكلك محامي
وانشالله اردلج خبر اذا انطاني الاوكي

17

الهجرة و واللاجئين / رد: سالفة دخت بيه SIV!! اهل الخبرة فدوة

« في: 22:42 04/12/2012  »

الله كريم اخوية ابو سارة وكل تأخير انشالله خير
والله يرحم بحالنه وتصير سوالف ونسمع اخباركم بامريكا يـــــــــــــــــــــــــــــــــا رب

18

الهجرة و واللاجئين / رد: سالفة دخت بيه SIV!! اهل الخبرة فدوة

« في: 16:23 04/12/2012  »

والله يا ابو سارة اني بصراحة جان عندي الوصل مال DHL  نقص فاعتقد التاخير ديصير من وراها لان همه كاتبين اذا اوراقك كامله بالمقابله يسرع المعاملة

19

الهجرة و واللاجئين / رد: SIV 2011 الله يخليكم شنو القصة

« في: 16:14 04/12/2012  »

شكرا مرجانة انشالله اموفقية والله يسمع منج

20

الهجرة و واللاجئين / رد: SIV 2011 الله يخليكم شنو القصة

« في: 01:44 04/12/2012  »

والله يا اخوية ما ادري السالفه دمرتني يعني الانتضار فد شي موت
اني هم جماعتي ورايا بهواية هسه يسمعون صوتك بامريكا
اهلي كلهم حيطلعون وابوية راح باع البيت يوم السفر يسلمه واني اشريلي سايبة اشتغل وانام بيه ههههههههههههه والله كريم

21

الهجرة و واللاجئين / رد: SIV 2011 الله يخليكم شنو القصة

« في: 00:59 04/12/2012  »

اعاده فحص وعدم ما طلبوة منك ؟

22

الهجرة و واللاجئين / رد: SIV 2011 الله يخليكم شنو القصة

« في: 00:48 04/12/2012  »

صدك اخوية ما اعرف شنو الموضوع مسوي اول مقابه وكايليله انت ليش رافض ال siv مع العلم الملف مالك بالبروسس فنصحوة ان يرجع لل siv ,ويكمل وياهم

للعلم هو من سحب جوازه مكاللهم بعد ما اريد siv  كللهم عندي سفر
فالظاهر سالفه السفر لوصته عليه لان همه ميقبلون احد يسافر وهو مقدم
فأنت اذا قررت قرار نهائي ان تسحب لا تروح سفرات سياحية

23

الهجرة و واللاجئين / رد: سالفة دخت بيه SIV!! اهل الخبرة فدوة

« في: 00:31 04/12/2012  »

هههههههههههههههههههههههه حلوة A.J 47

24

الهجرة و واللاجئين / رد: SIV 2011 الله يخليكم شنو القصة

« في: 00:29 04/12/2012  »

scotty
لا تسحب الجواز انتظر صدكني مو من صالحك اني صديقي سحبة وراح لل IOM ولوصه على روحه
خليه شوية انت صبرت صبرت بعد
واشكرك عل رد

25

الهجرة و واللاجئين / رد: محتاج مساعده ضروري

« في: 00:24 04/12/2012  »

صدك يا اخوية ما اعرف بموضوع كندا بس كل الي اكدرله
ادعيلك الك والاهلك بلكي الله يفرجه بوجهكم عن قريب يا رب

26

الهجرة و واللاجئين / رد: سالفة دخت بيه SIV!! اهل الخبرة فدوة

« في: 00:19 04/12/2012  »

اني عدت فحص ومنتظر والله يفرجه انشالله

اشكرك اخوية steven_siv على مرورك

27

الهجرة و واللاجئين / سالفة دخت بيه SIV!! اهل الخبرة فدوة

« في: 00:10 04/12/2012  »

السلام عليكم

شباب اكو سالفه دوختني
تذكرون بالخطوة الاولى من اندز اي ملفات او وثائق يجي automated reply من ال Iraq SIV Applications

وبالخطوة الثانية يكون ال automated reply من ال NVCSIV

المهم اني قابلت 2011 ولحد هسه ماكو شي
بس الغريب قبل شهر اجاني automated reply مرة من ال NVCSIV ومرة من  Iraq SIV Applications

واني كلشي مداز شنو الموضوع ؟؟؟؟؟

مع جزيل الشكر والتقدير

28

الهجرة و واللاجئين / رد: تأجيل سفر الوالد بسبب الفحص الطبي ( الضغط مرتفع )

« في: 23:46 03/12/2012  »

اخوية لا تخاف الشغلة كلش سهله نفس لبشي صار وية نسيبي كل الي عل والد يسويه قبل لا يروح يسوي فحص ثاني قبل السفر ان يشرب عصير برتقال نومي حامض وياكل موز حته يستعدل الضغط ماله وانشالله ماكو شي

29

الهجرة و واللاجئين / SIV 2011 الله يخليكم شنو القصة

« في: 23:28 03/12/2012  »

تحية طيبة ,


اخوان اني مقدم SIV  قابلت يوم 12 شهر السابع 2011     SINGLE CASE بعد ما انسحبت من ال IOM وية اهلي علساس الSIV اسرع ههههههه   المهم  فاتت سنه على مقابله ولا حس ولا خبر بعدين بشهر التاسع 2012 كولي عيد الفحص الطبي + العدم محكومية ,, المهم سويتهن كلهن ودزيتهن بالاضافة الى ال SQ1 letter ,

فوك القهر هسه اهلي كلهم راح يسافرون وابقه اني يومية مكابل الايميل عسى ولعلى ايميل شي صخام

سؤالي هو "" هل اعادة الفحص الطبي تبشر بخير "" ؟؟ يعني اكو امل

والله يفرجه على كل المنتظرين على اعصاب من جمر ونسمع اخبار حلوة