الرسائل

1

الهجرة و واللاجئين / رد: الرجوع الى امريكا

« في: 08:00 04/08/2013  »

تحية طيبة اخواني اني بصراحة بموقف صعب جدا الله يبعدة عن الجميع اخوية العزيز hameer  ممكن مساعدتك بمعرفة بالضبط ما هو العنوان الذي قمت بمراسلته للسفارة الامريكية في بغداد لانني فتحت الموقع وهنالك العديد من العناوين ارجو مساعدتي بأسرع وقت حيث انني الان قد تأكدت بأن زوجتي قد استلمت الجواز ولا تريد ارساله لي وتريد ان تفعل اي شيء لتمنعني من الرجوع لامريكا لمجرد اذيتي وتريد ان تمنع اطفالي عني وهذا اكثر ما يفطر فؤادي والله يشهد على معاناتي وليس بيدي شيء افعله ارجو ممن لديه اي طريقة او وسيلة قانونية لمساعدتي يدلني بها وادعو الله اني يوفقه وينور له طريقه ويبعدكم عن المصائب ان شاء الله.

2

الهجرة و واللاجئين / استفسار قانوني بشأن الترفل دوكيومنت

« في: 14:31 01/07/2013  »

اخواني واخواتي المحترمين...

ارجو مساعدتي بأي معلومة او طريقة تخص عملية استرجاعي للترفل دوكيومنت اكيد هواية منكم قرة قصتي وادري دوختكم وياية بس اني اريد استفسر عن شي ممستوعبة عقلي يعني اذا اني زوجتي مناوية ادزليا ورة مكمل وراحلهة بالبريد للبيت او خلي نكول ضاع بالطريق موصل يعني خلص بعد لازم انسة رجعتي ولازم بعد ما اشوف اطفالي؟ هواية من الطيبين يكلولي راسل الجهة الي اصدرت الجواز بأمريكا بس اني ما اعتقد اكدر اراسلهم واني بالعراق يعني راح يسمعوني ويطلعولي واحد ثاني؟ لو شسوي اني خابرت السفارة الامريكية ببغداد ومنطوني وجه كلتلهم اريد موعد مقابلة وشرحتلهم كل حالتي كلولي كلشي منكدر نسويلك هذا  طبعا كلام الموظف الي طلعلي بعد الانسر مشين. زين خابرت المنظمة الي كانت مسئولة عن قضيتي بأمريكا كلولي كلشي منكدر نساعدك لان انت طلعت بلة متخبرنة طبعا اعرف هاي كلهة اغلاط مني بس اني هسة عندي واقع حال اتمنى اسمع من اي شخص يكدر يفيدني او عندة رأي قانوني لان ممعقولة لازم انسة عائلتي واعيش وحدي الله يسهل امر اي واحد عندة معلومة تفيدني ويكدر يساعدني بيهة

3

الهجرة و واللاجئين / رد: الرجوع الى امريكا

« في: 10:57 30/06/2013  »

اشكركم اخواني على هاي الردود الجميلة والمساعدة الانسانية اني ولو دوختكم بس سبحان الله صدك الواحد يسمع شغلات غريبة بالحياة وميتوقع يوكع بيهة اني عندي خبرين واحد جان زين بس الي ورا هو الي طفة فرحتي اول شي الحمد الله طلعلي الترفل دوكيومنت واندز على عنواني وصار يم مرتي بس اني بهاي الفترة صارت عندي شوية مشاكل وية مرتي ومشاحنات واطورت واكو بعض ضعفاء النفوس من اقاربهة ديقرة براسهة ويشجعهة علطلاق اني عفت المشاكل وصارلي فترة هديت الوضع  على امل من ارجع يتصلح الوضع لان اني عندي اطفال بس الصدمة والي متوقعتة يصير هو ان تساومني الان بأن اطلقهة غيابي من العراق قبل ما اجي يلة ادزلي الترفل دوكيومنت ومصرة على ان يكون طلاقهة من العراق والا مدزلي الجواز وفوكاهة تهدد بأن تسعة تسويلي منع من دخول امريكا بمساعدة محامي ارجو مساعدتي قدر المستطاع بأي معلومة وهل هي تستطيع فعلا تسوي شي وتمنع دخولي امريكا وهل اكو طريقة لاستعادة الترفل دوكيومنت منهة والله يا ناس ما ادري منين دتجيني هلمصايب والله الدنية ضلمة بعيني ومدا اعرف شسوي.

4

الهجرة و واللاجئين / الرجوع الى امريكا

« في: 14:49 26/06/2013  »

اني شخص قدمت على هجرة لامريكا وطلعتلي عن طريق IOM في عمان وبعد مرحت صارتلي حالة طارئة ابوية احتاج عملية ومحد موجود يعينه سويت اجراء سريع وقدمت على الترفل دوكيومنت بس طول ويا دوب كدرت ابقة الى حد مأخذو بصمات الاصابع والصورة وعلى اساس اول ميطلع زوجتي ادزليا بالبريد السريع لان ما عندي غير حل اريد ارجع قبل وقت العملية ارعف هذا الي سويتة مجازفة جبيرة واعرف شي غلط بس شسوي هذا ابوية ووضعة صعب اني بقيت 3 اشهر بأمريكا وعندي I94 , SSN ,وكذلك driver license ومن طلعت رجعت بالجواز العراقي لعمان علساس يسوي العملية هناك بس مكدر يجي فأضطريت اسافر لبغداد والحمد الله سوة العملية بنص الشهر الخامس واني هسة دا انتظر الترفل دوكيومنت ومن دا اتابعة علموقع كلش ديمشي بطيء وبصراحة كلش خايف واني راح يصيرلي شهرين من رجعت ومدا اعرف شسوي او المن اخاطب او اراسل واني بأمريكا عفت مرتي واطفالي والله اليشهد هسة ميت من الحسرة عليهم واكيد الي سويتة غلط وتورطت بي بس شسوي اخذتني الحمية موقفي صعب وبس ردت ارجع لان مكدرت افكر من حسيت ابوية محتاجني يا ريت يا اهل المروة والشهامة الي عندة معلومة او اي شي يكدر يساعدني او يدليني عليه الله يجازي كل خير واني انتظر منكم اي فائدة لان ضاقت بية ومدا اعرف افكر او وين اتجه