الرسائل

1

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 22:17 08/06/2013  »

ممنون جدا لوقتك بالشرح الوافي والرد السريع
اخي اني في بداية كﻻمي وضحت انه اني متابع للمنتدى من فترة طويلة واني تابعت موظوعك من اليوم الاول الذي نزلتة عرفت بي بنفسك للمنتدى ليومنا هذا ﻻن شرحك رائع وواظح .. واني متابع الجمعية من فترة واعرف انت من المعلقين ..
شكرا جزيلا للكل
اتمنة هالنقاش ساعد الكثيرين مثل حالتنا علمود يعرفون حالتهم من خلال هذا الموظوع وتتوظح الفكرة الهم
اتمنة للكل ياربي السفر السريع والحياة الهادئة

اني اعتذر اخاف بالغت بالرد اتجاهك بس حكم  الظروف والتعليق شوية واحد ينفعل ، اعتذر مرة ثانية الك اخي سنكل مان 

2

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 15:58 08/06/2013  »

شكرا اخي سنكل مان للتوضيح
بس ردت اوضح انه من شهر العاشر يعني بيوم استلام الموافقة المبدئية ولحد شهر الثاني جان يجيني الايميل كالاتي


Dear Sir/Ma’am,

Thank you for your email.

We have checked your case and found it in processing.

We will contact you in the future for any progress.

Kindly be informed that if you would like to learn more about the current status of your case, you can visit the following website:

https://www.jordan.iom.int/refinfo/

This website is designed to provide information to applicants regarding the current status of their cases with IOM Amman RSC.

Kind Regards,

وصراحة مشفت الموقع بوقتها هل كانت مقابلة المحلفبن مكتلمة او لا .. بعد بفترة كامت تجي كليشة التعليق  ولحد اليوم هذا بالظبط
مﻻحظة صغيرة :الموظوع جان للكل مو شرط شخص يجاوب يعني ﻻتاخذ الموظوع وكانه انت ابو المنظمة وداتجاوبني بهالطريقة..

3

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 22:03 06/06/2013  »

وعليكم السلام

الله لايخليكم مؤجلين قيد الدراسة ﻻن حتبقون قلقين حيل وماتعرفون مصيركم .. انتو ابقو راقبو الموقع اذا بقت فعال ولم يتم الاتصال بالكفيل ولم تنزل المدينةولا المطار ويجيكم الايميل مال التعليق فانه معلقين قيد الدراسة ..
اتمنة تكونون تعليق لاجل الامنية ولا للدراسة
تمنياتي للكل السفر السريع

4

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 20:02 06/06/2013  »

ههههههههههه ﻻ ارجوك يمعود صحتك اهم شي ..
ههههههه حيل ظحكتني بشغلة ششتغلت وياهم هههههه ..اني ما اشتغلت  مترجم ولا اتعاملت وياهم مباشر .. قدمت عن طريقة شركة متعاملة وياهم ﻻن اني قوي كلش بربط الشبكات والصيانة وكذلك بالبرمجة فاشتغلت ويا شركة اجنبية بس مسؤولي عراقي ويصير كرايبي .هو الزكاني عن طريق مديرة وهكذا ..
اني جدا اشكرك لخفة دمك وتشجيعك الي ..
الله يحفظك الاهل ان شاء الله ويسهل امرك ويسفرك باقرب وقت

5

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 19:47 06/06/2013  »

هههه صحيح اخي او عمو اشو تاهت عليا صرت كتكوت بالنسبة الكم ..هههههه

صحيح صار تعاطف ويانا حيل ﻻن من توزعت الارقام بالكرفان احنا جنا خل نكول فد سابع او ثامن عائلة لكن من دخلنا للقاعة اول شخصين دخلنا اني واختي للمحلف  واتصوروا ماكعدنااشكد ما عالسريع كمنا نوقع كل شوية احنا والمترجم والمحلف ﻻن كام يكول بسرعة اسئلة الجزء الاول من المقابلة ومتاكد من جوابنا بالرفض بس هيجي يكولها الاسئلة

بالنسبة للفحص الطبي تكول جلسة اجتماعية صارت مو فحص انفتحت مواظيع عائلية يبوووووو اشكد هواية نصائح اجتينا منهم على امريكا 

اتمنالكم كل الخيرصدك ازحتوا عني فد هم كلش جبير وحيل جنت ظايج بهالسبب لكن تعليقاتكم زرعت الامل ييا وجدا اشكركم
اللهم يحفظكم ويرعاكم

6

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 19:36 06/06/2013  »

هههههههههههههههه رغم ضوجتي ظحكتني حيل اخي ولازم اسميك عمو اذا هيجي تعليقك هههه
على كولتك جانت المقابلة جدا مالها معنى واتخيل الكل من المترجمين والمحلف اتعاطفوا وباية وكانه  اني طفل مضيع اهلة ..
صدكني اني حيل انقهرت ﻻن اتعلقت ومجان الها داعي ... طبعا اني حللتها تحليل منطقي من سالني ركز حيل شوكت اتخرج وكتلة سنة التجي اعتقد هو حب يخليني اخلص كليتي ويشيل التعليق عليا لان متاكد امنيتي ماتطول اسبوع ﻻن نفر واحد اني بالكيس  وﻻ مسافر وﻻعسكرية وﻻحزب ولا اصلا تعيين بحياتي.
صدكني ماكو غير هاي الحالة انه كال حرامات اخاف يظوج من امريكا ويرجع وليش يترك كليتة واخر سنة خل اعوفة يتخرج وراها اخلي يسافر علمود يكسب الحالتين !! شدكول اخوية فراس؟
اخر ايميل وصلني منهم البارحة ونفس الكليشة  مال تعليق وقبل جم يوم الاتصال من المنظمة والحجيتلك بي يم موظوع الاخ هناك .

7

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 19:24 06/06/2013  »

نعم اخي موجودة ال تسع ارقام وبجانبها حرفي iz ورقم ملفي ...
شكرا اخي فراس على وقتك للرد على حالتي
اتمنالك كل الخير والسفر السريع

8

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 19:13 06/06/2013  »

بس حبيت اوظح انه ماعندي اي حرف بجانب الارقام التسعة بس ارقام بدون اي حرف ..

لشغلة الثانية اخي تحليلك صحيح ﻻن اتعجب المحلف شيسالني ﻻن جوازي مطاخة هوا يعني ابد ممسافر بي .. بعدين باوع العسكرية اني مملحك عليها . صفن هيجي شاف الحزب همين مملحك علي ..انسطر . اتخيل سالني عالدوام مال كليتي وشونا التدريس وكال احد بالقسم يعاملك باظطهاد كتلة نص ونص وكال خوما ظعيف بالمواد وشنو مواد التاخذها وظحك وكال هاهية .. وكذلك اختي هم اصغر مني هي ومطولت مثلي .. واصلا كتلك وكف يمنا المحلف وساعة يتمنالنة الموفقية ﻻن جنا واكفين يم الشخص العراقي الياخذ الطول والوزن واللون وكذلك وكفت يمنا هاي المترجمة اليطلع عمرها بل 60 الدائما بيدها ايباد وديتشاقون وجان  مبتسم كل الوقت وبالاخير اجا سلم علينا وكال اتمنالكم الموفقية وديروبالكم لنفسكم  .. وبالنسبة للتهديد نكدر نكول
خطرة جانت بالنسبة النا كبيتنا اتبهذلنا حيل بوقتها ﻻن ماعدنا اي شخص يحمينا وماعدنا بيت نروح الة

9

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 18:56 06/06/2013  »

نعم اخي اني وحدي بالكيس وخوش تحليل انه يرمز لعدد الافراد .. اني هم ماعندي هالحرف A كابتل .يم الارقام التسعة !!!

10

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 18:44 06/06/2013  »

ممنون اخي لسرعة اجابتك ..
لعد بالضبط نفس الحالة اني وويا .. مانكول غير الله كريم ..
ربي يسهل امرك ويسفرك باسرع وقت

11

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 18:30 06/06/2013  »

اخوية فراس الورد .
هسه جيكت ورقة المحلف وبالفعل موجودة هاي الارقام هي 9 ونفس ما اتفظلت وكلت انه الارقام فوك A File# وبس اكو رقم (1) بين نهاية اسمي وبين هاي التسع ارقام شنو معناها ؟؟

12

الهجرة و واللاجئين / رد: هل انا معلق ام مؤجل قيد الدراسة؟ ارجو المشاركة

« في: 17:43 06/06/2013  »

جدا مشكور لكﻻمك ولردك اخي وعزيزي Charles williams

طبعا  في البداية اتمنالك كل الخير ﻻن انتي خليتني بفد صورة لكن بشخص ثاني خطية صديقك .. واتمنالة ياربي يسهلون امرة ويسفروا باسرع وقت كون محتاج لهذا الشي

اخي العزيز بالنسبة لسؤالك .. اني اول ماوصل القرار اكيد قريتا وكايل انه تاخذ هاي الجملة من الايميل مالهم وتدزا وكانه تاكيد استﻻمو وبنفس اللحظة دزيتا ووصل الي اوتوماتيك ربلاي حسب الاصول
سؤالي الك اخي وعزيزي هل جان ويا ايميل صديقك قرار المحلف لو مجرد هذا الايميل  مال تاجيل مو اكو فرق بينهم ، اني اجتيني الورقة وباسمي الكامل ورقم ملفي ورقم ثالث وموقعة بنفس يوم المقابلة وماشر عالمربع

اني اشكرك على كﻻمك وانت حيل فدتني ﻻن اني اكيد ماستاهل السفر بكثر صديقك المسكين الحالتة هيجي .. صدكني ماعرف ليش هيجي ديدخلونا بمتاهات وافتراضات اصلا مالها داعي .

بالنسبة للفحص الطبي ال هو اصلا مدوخني حيل ﻻن نفس كﻻمك بالظبط فكرت انه كلت صار خلل بالفحص وبالفعل صدفت و صار هالشي قبل مانطلع ووصلنا للباب جان اكو شخص يصيحنا من جماعة الاي او ام مستشفى بغداد وجان يكول اكو مشكلة بالاشعة تعالوا عيدوا واحنا ونمشي جان يكول همزين شفتكم ﻻن جان اتاخرتوا  هواي اني ضحكت باستهزاء وكلت صدك يحجون ؟ وين جان ابو الاشعة من كال النا هاهية اخذو راحتكم ؟؟؟

اني دانتظر اعيد الفحص الطبي وخل نشوف شنو المشكلة وعلمود صدك ارزلهم اذا التحف غلطانين او مظيعين شي من الفحص .. ﻻن صدك عايشين قلق كل هاي الفترة ..

13

الهجرة و واللاجئين / رد: اليوم استلمت الدفرال لتر والنتيجة ؟؟؟؟

« في: 17:01 06/06/2013  »

اكيد اخي فراس متاكد اقسم بالله هيجي كالت .. وليش انفعل بالعكس اخي من داحجي وياها بكل برود واصلا بملل داكمل المكالمة ﻻن اعرف مراح تنطيني خبر يفرحني

والله كالت الاتاجمنت الاجاك وبي ورقة وماشر بمربع هذا اجراء روتيني وانت تحتاج موافقة لجنة المحلفين بامريكا يلا يتوافق عليك . وكالت انت شغلتك مو يم المحلف يم اللجنة التنطي بيك قرار هذا نص كﻻمها
اخي فراس اني من جنت اجاوبك اكولك تجيني كليشة التعليق ولو ترجع وتشوف موظوعي حتلكة انت طالب مني الايميل الدائما يجيني ومجاوبك ومشوفك الايميل الدائما يجيني ولحد هاليومين يجيني نفسة وﻻ حرف متغير وكانه رد الي ﻻن اني احجي 10 اسطر وهما يجاوبوني نفس الكليشة واحجي كلمتين ويجاوبوني همين بنفس الكليشة مال تعليق صارتلي امنية تجيني مال امنية حتى لو بالجذب همين افرح اذا وصلتني .

ﻻ اخي الها عﻻقة بموافقة المحلف ﻻن ابسط مثال قضيتي كدامك وكفيلي كال ولا فد يوم وصل مسكول مو مكالمة منهم علمود ملفي ..وحسب كﻻمها انه من تكتمل يتم الاتصال تنزل المدينة والمطار

14

الهجرة و واللاجئين / رد: معاملتي دوخة واريد ادوخكم وياية ممكن الدخول!! وشكرا

« في: 16:33 06/06/2013  »

Up
لتوضيح حالتي من بقية الاخوان وشكرا

15

الهجرة و واللاجئين / رد: اليوم استلمت الدفرال لتر والنتيجة ؟؟؟؟

« في: 16:30 06/06/2013  »

صدكني اخي العزيز فراس  اليوم صدك دخت وحيل ظجت ،

اليوم استلمت مكالمة وجانت الضربة القاضية  من الاي او ام .. قبل اسبوع بعد ما دمرتهم بالايميلات المكررة بنفس السؤال اتصلوا بيا وكالو بالحرف الواحد انت المحلف ممنطي بيك قرار  لحد هذه اللحظة وجان اني اتعجبت وكتلها باستغراب
والاتاجمنت البي قرار وتاشير؟ كالت هذا اجراء روتيني ومعلي بقرار لجنة المحلفين بامريكا . انت مشكلتك مو يم المحلف انت مشكلتك يم لجنة المحلفين بامريكا

كتلها والحل ؟ كالت تنتظر يجوز يوم يجوز شهر يجوز سنة ماعرف ..

كالت انت تابع الموقع ومن تشوف تتحول خانة المحلفين الى مكتمل وجان اقاطعها واكولها يخابرون الكفيل  وتنزل المدينة والمطار يلا اعرف انه تمت الموافقة جان تظحك بصوت خفيف وتكول  صحيح كﻻمك .

كتلها والتجييك الامني جان تكول اكو امنية لازم تكمل علمود يتاكدون ويوافقون عليك وراها تبدي امنية تختلف عن الامنية الاولى ولحد ماتكتمل تبدي اجراءات السفر طبيعيا

يعني صدك هسه ريحتني رغم انه كلام يقهر بس عالاقل عرفت حالتي شنو واني لي هسه مطابك عالسرة مال امنية على هذا الحجي منا لفد 3 سنوات اسافر واني من نهاية 2010  مقدم  .. الله كريم

اتمنى للكل السفر والحساة الامنة والتسهيل في معاملﻻتهم

16

الهجرة و واللاجئين / رد: اليوم استلمت الدفرال لتر والنتيجة ؟؟؟؟

« في: 01:00 06/06/2013  »

جدا اشكرك على سرعة ردك لكﻻمي اخي العزيز فراس
لكن اني حالتي مرة عرضتها للمنتدى وكنت اول المجيبين مشكورا لحالتي . والكتلك بيها انه اني من شهر الثامن 2012 ولحد هذه اللحظة مسويها مقابلة المحلفين ولم تتغير عندي من فعال الى مكتمل رغم استﻻمي القرار والتاشير على المربع
والشغلة الثانبة لحد هاللحظة لم يتم الاتصال بالكفيل وكلما ادزلهم ايميل يجاوبوني مثل ما كلت حظرتك نفس الكليشة تجيني ..
سؤالي الجدا مهم . يعني معقولة لحد هاللحظة اني مبادي التجييك الامني مالتي؟؟ زين شنو الدينتظرا المحلف علمود ينطي قرار بحالتي اذا امنيتي مبادية بعد؟؟

17

الهجرة و واللاجئين / رد: اليوم استلمت الدفرال لتر والنتيجة ؟؟؟؟

« في: 23:26 05/06/2013  »

اخوية الساموراي طبعا بالبداية اهنيك على استلام قرار المحلف واتمنالك السفر السريع ياربي ولكل الاخوان
اكو شغلة عبرت على استاذنا واخونا فراس وهي انه اذا بقت خانة المحلفين فعال كما هي حالتي ف انت من المعلقين قيد الدراسة رغم كوني مستلم قرار التاجل مع الورقة والتاشير على المربع الكلهم اجاهم .

اخيرا اتمنى للكل الحياة الامنة والتسهيل في معامﻻتهم

18

الهجرة و واللاجئين / رد: معاملتي دوخة واريد ادوخكم وياية ممكن الدخول!! وشكرا

« في: 22:36 22/05/2013  »

شكرا للمشاركة عيوني قسوة الحياة.. اني ليش ذكرت انه مقابلتنا ماطولت اكثر من 10 دقايق لان الوجبة الجانت موجودة كل واحد لايقل عن الساعة ((هذا المحظوظ ساعة)) اما الباقين فاكثر بكثير .. وصدكوني حيل انصدمت من هيجي تصرف من المحلف انه كدامك يظحك ويسلم علينا ويتمنالنة الحظ الجيد وهو ورانا ما انطى قرار وخلانا معلقين ..

زين اكو شي مدوخني انه الاخوان المعلقين اصلا ممستلمين قرار محلف ولا اجتيهم الموافقة المبدئية بس مو مثل حالتي انه بالظبط قبل ال60 يوم اجاني ايميل من الDHS بي قرار المحلف وبي ملف لاخ مال حياة العامة بامريكا .. وقريت الصورة مال قرار بي اسمي كلة وملفي ورقم الفايل وحتة بنفس يوم المقابلة مسوي موافقة مبدئية ومخلي صح بالمربع الاخوان كلها اجاهم هذا القرار .

خل اشوف الباقين والله كريم

19

الهجرة و واللاجئين / رد: معاملتي دوخة واريد ادوخكم وياية ممكن الدخول!! وشكرا

« في: 22:26 22/05/2013  »

ياورد  firas baghdadi اني جدا اشكر تفاعلك وردك الواظح والمبسط لمشكلتي ..
بالعكس اني جدا ما اهتم بهاي الرموز واصلا ممهتم للموقع اصلا لان حفظت شكلة والحمدالله الشغل ملهيني
اتمنى يكون كلامك صحيح انه اني مو مؤجل ولا معلق واني دانتظر الامنية لان اشوف الايميلات مال اخواننا الباقيين تختلف كليشتها عني!!
ثاني شغلة اني داز بعدد هاي الرموز ايميلات اشرحلهم الداتكولة ولا اكو اي اهتمام منهم اتصور مرة شرحتلهم القصة كلت اجرب بالعربي اجتيني هاي الكليشة وكلت اخاف مايعرفون عربي كلت خل ادزها بالانكيلزي وكذلك نفس الجواب وكلت خل اجرب اكتب كلمتين وادزها واجتيني نفس الكليشة وكلت خل اكتب بس هاي الجملة(خابروني على هالرقم) واجتيني نفس الكليشة وكانه رد الي ديجاوبني!! والموقع ولا ديتغير شي بي اصلا وهو نفسا .. زين شنو الحل ..
وبالنسبة لاختي كذلك تدزلهم ايميلات علمود الفحص وتجيلها نفس الكليشة وعلى هاي الحالة من شهر العاشر من سنة 2012

اني جدا ممنون لوقتك ولردك واتمنالك السفر السريع والحياة السعيدة يا اخي

20

الهجرة و واللاجئين / رد: معاملتي دوخة واريد ادوخكم وياية ممكن الدخول!! وشكرا

« في: 22:10 22/05/2013  »

شكرا جزيلا للرد الواظح قسوة الحياة .. بس يبقة السؤال المحير انه احنا طولت مقابلتنا حوالي 10 دقائق فقط لا اكثر عدا وقت الجزء الاول من مقابلة المحلفين ال هي سؤال جواب روتيني طولنا بيها حسب الاسئلة لكن الجزء الثاني من المقابلة اقل من 10 دقائق وطبعا الاسئلة ولا عبالك مال محلفين واصلا ورا المقابلة وكفنا يم ابو الياخذ معلومات الوزن والطول ولون العين وهالاشياء ووكف ويانا المحلف  واتمنالنا الحظ السعيد والبسمة ولا فاركتة ويانا و استبشرنا خير وكلنا يا الله راح ننقبل اشو انصدمنا بهالصار

اني اتمنى اشوف انه اكو احد مثلي لو مجرد تكهنات .

21

الهجرة و واللاجئين / رد: معاملتي دوخة واريد ادوخكم وياية ممكن الدخول!! وشكرا

« في: 22:02 22/05/2013  »

ممنون جدا للرد firas baghdadi ردا لسؤالك نعم احنا ربط قوي .. وهاي الراح تقراها هي الرموز الوصلتني من الاقدم للاحدث . يعني اول رمز قديم والاخير هو الاحدث .. وجواها هي الكليشة الثابتة

case status/NMN-IZ
case update/MSA/IZ
case update /MAS/IZ
case status/SNK/IZ
case update/MSA/IZ
case status/EHF/IZ
case status/JGR/IZ
والايميل الثابت هو

Dear Sir/Madam,

 

Thank you for your email.

 

For general case status inquiry, we encourage you to visit IOM website at https://www.jordan.iom.int/refinfo/ to receive an instant case status update.

 

Your case has been deferred by U.S. Citizenship and Immigration Services (USCIS). Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary. Your case will continue to be processed.  When there are updates on your case, and a final decision is made, you will be notified.

 

Kindly be informed that if you would like to learn more about the status of your case, you can visit the following website:

 

https://www.jordan.iom.int/refinfo/

 

This website is designed to provide information to applicants regarding the current status of their cases with IOM- RSC Middle East and North Africa.

 

Kind Regards,

 

IOM Info Center

22

الهجرة و واللاجئين / رد: معاملتي دوخة واريد ادوخكم وياية ممكن الدخول!! وشكرا

« في: 21:13 22/05/2013  »

اشكرك اخي عالرد الجميل .. وممنون لوقتك للرد .. اتمنى من الكل المشاركة علمود اعرف اخاف اكو تقصير مني وماعرف لان هاي من شهر الثامن من سنة 2012 ولا اكو اي تغيير في ملفي والان يقرة عندي حالة الملف بانتضار النتيجة بعد ان كانت معلقة ولا واحد اتصل بينا من المتتشفى علمود اخاف اكو مشكلة بالفحص الطبي لان ليش لعد رجع فعال ومالتي بقا مكتمنل ؟؟؟ ..
اتمنة للكل السفر السريع والحياة السعيدة في اي دولة .
تحياتي

23

الهجرة و واللاجئين / هل انا معلق ام مؤجل قيد الدراسة؟ ارجو المشاركة

« في: 18:25 22/05/2013  »

السلام عليكم جميعا
ياربي الكل بألف خير وربي يصبركم على هذا العذاب مال امنية ويسهل امركم ويسفركم بأقرب وقت
 
طبعا اني من المتابعين من فترة تتعدى السنة ونصف لهذا البيت الرائع قسم الهجرة.لكن الخلاني اشارك هو
معاملتي , لان صاير شي بيها غير طبيعي واتمنى منكم انتو اكيد عدكم خبرة انه تساعدوني
الشغلة هي شنو

 اني من بغداد
اول شي تقديم شهر ال 12 من سنة 2010
احنا كيسين اني صاحب القضية واختي وياية بكيس منفصل

المقابلة الاولى شهر ال 4 من سنة 21012
والفحص الطبي شهر ال6 من سنة 2012
ومقابلة المحلفين بشهر 8 من سنة 2012
والمصيبة هنا .. استلام الديفرال لتر شهر ال10 من سنة 2012

هسه تكولون ليش مصيبة !! المصيبة انه لحد هاللحظة انه مقابلة المحلفين مالتي فعال
وكلما اراسلهم يكولون انت المحلف ممنطي بيك قرار لي هسه وانت معلق ..

الايميل الاجاني البي اثنين اتاجمنت وحدة قرار والثانية مال الحياة العامة بامريكا شنو هاي دانلعب ؟؟
زين قرار المحلف بي رقم الملف مالتي وبي اسمي الكامل ومأشر بالمربع الكل مأشر عليها مال تجييك امني يعني هي الي الموافقة المبدئية
 
اريد مساعدتكم الله يخليكم
نجي للمصيبة الثانية وهي .. انه اني واختي مسوين فحص طبي سوة, المفاجأة شنو انه ورا مصار مكتمل الفحص مال اختي ورا 4 او 5 اشهر صار فعال !!ومالتي بقا مكتمل زين هاي شنو ؟؟
والنعرفة انه ابغداد كل سنة يصير اكسباير الفحص الطبي مو فترة 4 او 5 اشهر !!

زين المشكلة شنو ؟ ممكن تساعدوني ؟
واكون ممنون الكم