عرض المشاركات
1
الهجرة و واللاجئين / رد: حديث مع صديق في امريكا ونضرته السوداويه
« في: 10:32 07/06/2013 »
حلو واحد يشرحلنه الصعوبات اللي بامريكا واني ضد اي شخص يتعارك او يقلل من احترام الشخص الديحجي عن الصعوبات اللي واجهته بامريكا بس بنفس الوقت اكو ناس تشكي من اشياءات غريبة يعني كلش استغرب من يكولون احنه متضايقين من العنصرية مو بس استغرب وانما اضحك ليش شنو العراق الجنت عايشه بي مو نفسه اللي همه عايشين بي؟؟؟ احنه عشنه العنصرية بحد ذاتها والمحجبات حته بالعراق اتشوف اللي يحجي عليهم وينتقدهم ويسمعهم حجي سواء لاعتراضهم عله مبدا الحجاب او عله طريقة الحجاب واني محجبة وسمعت اشكال الوان تعليقات بالعراق اما الديانة فحدث ولا حرج واعتقد الكل يعرف العنصرية اللي بالعراق عالاقل بامريكا محد يذبحك لان انت من طائفة معينة ولا يطلعك من بيتك ولا ياخذ خاوة لان انت من غير طائفته مع احترامي الشديد للكل خلي نحجي عن اشياء اهم من العنصرية لان اكيد اللي موجودة بامريكا مستحيل تقارن بالعراق وله جان كلنه قدمنا لجوء للعراق خلي نسمع اراءهم بالشغل وشنو مشاكلهم وحاجز اللغة اللي الكثيرين خايفيين منه (واكيد العنصرية بالشغل موجودة حته بالعراق محد بيكم قدم عله شغل ومن اسمه مقبلو؟؟؟) اني اشوف مو هيه من الاسباب اللي البعض ينصحنه بترك اللجوء عليها ......وشكرا
