اخوان انا من المتابعين للمنتدى منذ فترة طويلة واتمنى للجميع ان تنتهي معاناتهم بالسفر القريب بعون الله وهذا وبعد سنين من الغربة خارج بلدي اعود لاجد لابلد لدي لاوطن وهذه نقلة سريعة لما رايته وعايشته وبعض التصرفات في الشارع العراقي مع احترامي للبعض :
1- تقفيص سائق التاكسي على الزبون حيث عند استقلالي احدى التكاسي لعمل مشوار معين كروة التكسي تكلف 3 الاف عراقي عندما اصل الى المكان المحدد اعطي السائق 5 الاف فلايقوم بارجاع الباقي لي بحجة انه لايوجد لديه خرده وهم معاجبة الافندي وهذا ماتعرضت له اكثر من مرة انا وغيري من الناس وهذا ياخوان صاير موديل.
2- صديقتي مصابة بامراض مزمنة تذهب شهريا للمركز الصحي لاستلام ادوية الامراض المزمنة مثل دواء الضغط والسكر والقلب والشرايين اول ماتدخل ام الباصات تكولها نقديني فلوس بعدين اختملج على استلام الادوية طيب هو الي جاي ياخذ ادوية من المركز الصحي لو غني وعنده اماكنية مكان شاف هاي الشكولات كان اشترى ادوية تجارية من خارج المركز والسلام عليكم كل موظف عنده راتب ويريد رشوة من المساكين
واكمللكم القصة بعدين صديقتي ورة ماختمت التصريح مال (الفيزة )اقصد استلام الادوية راحت للصيدلية الطبيب كاتبلها باكيتين مال ضغط وسعر الباكيت بره بحدود 30 الف بعدين تتفاجىء ينطوها باكيت واحد وهي المسكينة حياتها متوقفه عليه ومن تكولها للصيدلانية لعد الباكيت الاخر وين؟ تعرفون شنو جاوبتها والله راح تضحكون
جاوبتها احنه ننطيج بس باكيت واحد والاخر عليج تشتريه من برة!!! لعد انتوا اهل المركز الصحي ليش العالم فاتحين عدكم دفاتر صحية حتى يشترون الادوية من بره لاحول ولاقوة الا بالله
3- الموظفين الي خاليهم ب iom هنا ونعم الاخلاق الى درجة انت تتصل ميجاوبون لا ويسدون التلفون بوجهك وكل واحد حاسب نفسه اوباما
زين همه مو موظفين وعدهم رواتب يعني قابل ببلاش ديشتغلون والله مادري
4- ياعيني على النماذج الي دتجي من خارج العراق وهمه مو عراقيين يدخلون يسوون معاملة تقاعد وهو عمره مشايف العراق ولامشتغل بيه بعدين يسافر وراتبه كل شهر يتحول اله وفوك الراتب بوسه والله يعين اولاد البلد المهضومة حقوقهم والي عدهم خدمة فعلية ويريدون يرجعون لوظائفهم ومحد معبرهم
واخيرا لاعمم كلامي على الكل مع احترامي للطيبين حبيت انقل صورة انفجاعي بهذا الوضع المزري فكنت جدا متلهفة للعودة الى احضان بلدي الدافئة لكن ياريت ماجيت ومشافت عيوني الي شفته وماكول غير حسبي الله ونعم الوكيل
عرض المشاركات
