السلام عليكم
رمضان كريم ينعاد على كل العراقين بالصحه والسلامه يارب بكل مكان واحد من اصدقائي نصحني اسجل بالموقع اني متابع بي بس مو كلش
اولا
شغله السيارات مربحه بس يرادله مجازفه ويرادله اشويه واحد يعرف بقوانينه لن اقل غلطه منك بدون قصد تسجل عليك مخالفه بقصد ودوخه راس طويله كل واحد يكدر بامريكا يشحن خمس سيارت بالسنه يحقله بدون هويه ديلر
هويه ديلر تسمحلك بشحن سيارات بكميات اكبر تصل الى ال سياره بالسنه مالعهم علاقه بيك بس كل ولايه واله قوانينه بخصوص الهويه بس بصوره عامه يرادلك تئسيس شركه ومقر شركه وخبره بهذا المجال او شريك وياك عنده هويه ودخله شريك علمود تحصله بسهوله
السيارات اكو نوعين الغركان واكو المضروب وبكل الحالاات هيه التاتيل مالته سالفج او متضرر فا لازم تشتريه عن طريق وسيط
http://www.easyexport.us/ لن همه عدهم هويه ديلر ويكدرون يشترون بالنيابه عنك واكيد ياخذون عليه عموله بس اذا عدك الهويه متحتاجهم اول خطوه اسجل بالموقع وتحط تئمينات 400 بس هذا المبلغ يسمحلك ازايد لحد 4000 اذا تحط 800 ازايد لحد 8000 وبكيفك انت المبلغ مال تئمينات يرجع بعد شهرين اذا ردته همه ياخذون عمولتهم على سعر السياره يعني اذا اشتريت السياره 3000 تطلع كامله من المزاد 3400 اذا تشتري من ولايه نيوجرسي او نيوروك واصله للبصره الكونتيرنر ام السيارتين 1800 او 2000 حجم الكونتيرنر اربعين
طبعا اسعاري على الي ستخدمه اني بس انت من تستخدم صفحتهم وتريد ينطيك السعر التفصيلي الشغله يرادله ادز اكثر من سياره علمود تربح بيه يعني اقل شي اربع سيارات كل دفعه واذا تشتشريهن من هاي الولايتين تصل الى العراق من تاريخ الشراء بشهرين ضبط لميناء ام قصر
www.bidux.comهاي شركه الشحن متفقه ويه شركه المزادات وتكدر انت شوف شركت شحن غيره على الي يغعجبك
الي تحتاجه اسويلهم توكيل شراء هويتك وتحويل المبلغ واسم المستلم في العراق
طبعا انت مراح اشوف السيارات بس بالنت من تدخل حاويه يطكون الهن صور ويدزوه الك بالمناسبه ما عليك ضريبه تصدير وتكدر تتاكد وتتصل بالكمارك الامريكيه
بالعراق من توصل يرادلك مخلص سبع لن بالعراق كله ادك على صدره كمرك السياره الناصيه 900 دولار والعاليه توصل الى 1400 دولار
الغراكان اذا تشري انت وحظك اكو بي يوصل تصليحه ايكلف ورقتين واكو لا بالخمسين ورقه واكو اغسل ايدك منه
المضروب احسن بس الغركان هم كلش يرغبو بالعراق لن اكثريته جلد وفول مواصفات وسعر رخيص 2013 وبالباكيت
وشغله لغ لا تاخذ افلوس من عالم وتوعدهم بشحن وبعدين ايصير قدر وتكول معليه لن هواي عالم سوههههه احسن شي بفلوسك حتى الله يباركلك بيهن وكلمن على نيته يرزق اني صارلي فتره قليله من اشتغلت بيهن
اذا عدكم استفسار بخصوص اي نقطه حاضر بس اذا شغله احد يخلص بالكمارك لو غير لا والله حتى لا احد يجي ويكول منزل الموضوع بقصد الاستفاده الله شاهد اني منزله لغرض الفائده للجميع
واهم شي تعرف قوانين ولايتك والولايه الي تشتري بيه علمود تتلافى اي مشاكل لن مشاكل امريكا كلش هواي اذا متعرف قوانين شغلتك بالكامل
عرض المشاركات
