عرض المشاركات
1
الهجرة و واللاجئين / يا عالم اكو هيج شي!!
« في: 00:02 28/09/2013 »
تعودنا بالعراق ان نلكي مشكلة بكل شي .. من كل الدوائر والموظفين وحتى بالمناطق .. مرات حتى ويا الذبان نتعارك .. الا ان توصل الى حد الشركات الامريكية يصير عدهم اللي عدنة ؟؟؟؟ هذا الشي مو معقول.
اني كنت اشتغل مترجم حالي حال كل المترجمين الي اشتغلوا ويا الجيش.
اول شي اشتغلت ويا L3 Com وراها اجوي GLS و استقاليت لأسباب معينة بس لا بلاك لست ولا مشاكل ولا هم يحزنون والدليل من ردت ارجع اشتغل ب2009 قابلت وكلشي سويت بس اللوكيشنات جانت تعبانة.
محصلت على اثبات عمل منهم VOE وهذا ينحسب على غبائي وعدم درايتي ان بيوم من الأيام رح اتهدد وممكن اقدم على لجوء.
اتصلت مؤخرا ب GLS كلولي بعد مننطي اي شي وارجع لـ L3 ورجعت لكن L3 اعتذروا كالوا ب2008 العقد راح لGLS ووياه راح الRecords كلها يمهم بس ساعدوني وجماعة بالمنتدى هنا همين ساعدوني الله يكثر من امثالهم السيد ميثهم والسيد جيسون آي زي وكلولي حاول ويا Engility وفعلا حاولت.
ولاحظت ان اكثر من شخص بالمنتدى حصل على الVOE منهم بشكل طبيعي بعد ما يجيكون المعلومات ويا الRecords الي عدهم ويزودوه باللي يحتاجه
مشكلتي ان اليوم جاوبوني جماعة Engility ان مااااكو ريكورد عني يمهم!!!!!!!! يعني لا GLS ولا L3 ولا Engility؟؟؟؟؟
زين لعد اني يم منو اشتغلت ؟؟؟ يم الكصاب براس الشارع ؟؟؟ زين الباجات والاسايمنت لتر الي انطونياها بيومها شنو جانت كلك ؟؟؟؟؟؟؟ والمعسكر والمشنات والبوابات والدنيا كلها الي جنت بيها شجانت حلم دا احلم بي ؟؟؟
ما اعرف جان بية انفصام بالشخصية ودا احلم اني مترجم.
مع الأسف راح شغلي كله وما اكدر اقدم على اللجوء. فوكاها اني وعائلتي كلمن هسة بصفحة. وكل امكانية ماعندي اطلع حتى لغير محافظة لأن اذا اعوف شغلي هسة ... خلوها سكتة
ما اعرف شأكول بس ردت اتنفس بالمنتدى لأن ضاك نفسي.
شكرا واتمنى للكل السفر وتحقيق المبتغى
ريوماري
اني كنت اشتغل مترجم حالي حال كل المترجمين الي اشتغلوا ويا الجيش.
اول شي اشتغلت ويا L3 Com وراها اجوي GLS و استقاليت لأسباب معينة بس لا بلاك لست ولا مشاكل ولا هم يحزنون والدليل من ردت ارجع اشتغل ب2009 قابلت وكلشي سويت بس اللوكيشنات جانت تعبانة.
محصلت على اثبات عمل منهم VOE وهذا ينحسب على غبائي وعدم درايتي ان بيوم من الأيام رح اتهدد وممكن اقدم على لجوء.
اتصلت مؤخرا ب GLS كلولي بعد مننطي اي شي وارجع لـ L3 ورجعت لكن L3 اعتذروا كالوا ب2008 العقد راح لGLS ووياه راح الRecords كلها يمهم بس ساعدوني وجماعة بالمنتدى هنا همين ساعدوني الله يكثر من امثالهم السيد ميثهم والسيد جيسون آي زي وكلولي حاول ويا Engility وفعلا حاولت.
ولاحظت ان اكثر من شخص بالمنتدى حصل على الVOE منهم بشكل طبيعي بعد ما يجيكون المعلومات ويا الRecords الي عدهم ويزودوه باللي يحتاجه
مشكلتي ان اليوم جاوبوني جماعة Engility ان مااااكو ريكورد عني يمهم!!!!!!!! يعني لا GLS ولا L3 ولا Engility؟؟؟؟؟
زين لعد اني يم منو اشتغلت ؟؟؟ يم الكصاب براس الشارع ؟؟؟ زين الباجات والاسايمنت لتر الي انطونياها بيومها شنو جانت كلك ؟؟؟؟؟؟؟ والمعسكر والمشنات والبوابات والدنيا كلها الي جنت بيها شجانت حلم دا احلم بي ؟؟؟
ما اعرف جان بية انفصام بالشخصية ودا احلم اني مترجم.
مع الأسف راح شغلي كله وما اكدر اقدم على اللجوء. فوكاها اني وعائلتي كلمن هسة بصفحة. وكل امكانية ماعندي اطلع حتى لغير محافظة لأن اذا اعوف شغلي هسة ... خلوها سكتة
ما اعرف شأكول بس ردت اتنفس بالمنتدى لأن ضاك نفسي.
شكرا واتمنى للكل السفر وتحقيق المبتغى
ريوماري
