مواضيع

1

الهجرة و واللاجئين / SIV يمعودين اشو خليتوهه سكته

« في: 10:56 14/09/2013  »

حبايب يمعودين اشو ساكتين محد عرف منكم البرنامج تمدد لو لا خبر منا منا اخوكم تره مصركع لان كم يوم بقه شوفنه يمعودين اهل الخبره شنو اللقطه تره ممعقوله ينغلق والله هوايه ممقدمين شوفولنه حل

ممنون حبايب

الله يوفق الجميع يا رب

2

الهجرة و واللاجئين / SIV+IOM+UNHCR+OSF=والله كريم

« في: 09:49 11/09/2013  »

حبايب السلام عليكم سبق وان اخذت نصيحة بعض الاخوان ان اقدم باسرع وقت لبرنامج SIV رغم انو البرنامج باقيله ايام واني محبط
قررت ادرس الوضع بالاردن وشلون اني وين انطي وجي شفت ناس نايمه ملفاتهم من 2007 بال UN وشفت ناس نايمه ملفاتهم ثلاث سنوات بال IOM ,وناس بنتظار الفيزه والاجرائات SIV  هم سنتين وثلاث سنوات وناس تقديم مباشر للستراليا OSF  وهم متوقفه بهاي الفتره بسبب الاجرائات الاداريه وباقي السفارات محد نطاني نجده ؟؟؟؟؟؟؟؟؟؟؟ زين

وفعلآ بديت وقدمت SIV وداشتغل بيهه ورحت ههههههه اليوم لل UN ولزمت سره وبكل مهزله واستخفاف بمصير عوائل ومهددين وحجيت ابن الاوادم نطاني 5\3\2014 رجعتله كتله اخي عفوآ انت اكيد غلطان بالارقام موعد هذه بتاريخ بعد سبع اشهر شلون مدافتهم ارجوك فهمني كال شو بحكي معاك عربي ,, كتله الي امامك عراقي ومهندس واعرف ثلاث لغات مو جاي من وره الصحراء يصرخ ويكولي هاي مواعيدنه كانت بعدي بنيه عراقيه كالتلي اخي لعد شعبالك هذوله هيج مواعيدهم

يمعودين حبايب اخوانه القدامه هذه وضع عباره عن ضحك على الذقون اني شنو اضل اذب فلوسي ايجارات واكل واكوم اكدي وذوله لاحس ولاخبر و100$=70 دينار
والعراقيين اشوفهم هنا دايخيين بزمانهم ديملون حياتهم بالسنيين الجاره حبايب تره دخت والله اشو عبالك فلم وضحك ممصدك

اسف دوختكم بس الي والله منثول

3

الهجرة و واللاجئين / أخواني وخواتي دخيلكم SIV

« في: 08:21 05/09/2013  »

شباب شلونكم اخوكم أحمد بزعت روحي وقررت اهج بسبب التهديدات وسوء الاوضاع ؟
عبالي اقدم من بغداد بس بعد مالي عيشه بلدي للاسف وطالع للاردن
سوالي هو هل البرنامج SIV  مفتوح بعده لان اني مشتغل ثلاث سنوات مع الجيش الامريكي . وكل جماعتي طلعوا واني بقيت لخاطر الحجيه والحجيه انطتكم عمره . والدنيه سوده بعيني صارت

سوالي اكو بعد SIV
وشكد بعد اكو ناس مقدمين ينتظرون اقصد شكد طول المعامله ممكن مساعدتكم

شكرآ حبايب