الرسائل

1

الهجرة و واللاجئين / رد: منو صايرة بي تاجيل مقابلة اولى

« في: 16:39 19/01/2014  »

لا والله محد اتصل اليوم ولا حس ولا خبر بس الولد الاردني الخابرني يوم الجمعة كال انتو الكم الاولوية بتحديد موعد جديد للمقابلة,,,انشالله الله يسهل والحمد لله على كل حال

2

الهجرة و واللاجئين / رد: منو صايرة بي تاجيل مقابلة اولى

« في: 21:19 18/01/2014  »

اخواني الاعزاء اليوم اتصلت بنفس الرقم اللي دك علية البارحة ومثل ما كلت رقم اسيا انفتح خط الانسر مشين يكلي السفارة الامريكية في بغداد وللغة العربية اضغط واحد ومن هاي السوالف,,,المهم اني ارتاحيت من عرفت الرقم تابع بالفعل للسفارة الامريكية في بغداد والاتصال اللي جاني كان حقيقي وليس خباثة من احد,,,واني جدا شاكر الكم اخواني الاعزاء على ارائكم وتوصياتكم الاكثر من رائعة وانشالله يوم اللي يحددولي الموعد الجديد بالقريب العاجل وانشالله ابشركم...دعواتكم اخواني والله يسهل على الجميع

3

الهجرة و واللاجئين / رد: منو صايرة بي تاجيل مقابلة اولى

« في: 20:41 17/01/2014  »

اخواني الاعزاء اشكركم على ردودكم الكريمة...اني البارحة اجاني تلفون من عمان يعني رقم الكود مالتة اردن وشخص اردني اكدلي على المقابلة يوم الاحد بس اليوم الظهر اجاني تلفون من رقم اسيا هم شخص اردني يكلي تاجلت المقابلة مالتك الاحد الى اشعار اخر بسبب عطلة رسمية بس هو يعرف اسمي واسم والدتي بالكيس الثاني والرقم اللي اتصل بي يشبه الرقم الدازي بالورقة مال الدخول بس بي اختلاف اخر كم رقم فاني صدكت الموضوع بس هسة من قريت تعليقاتكم اشو قلبي لعب وبصراحة ما اعرف شلون اتصرف اروح واتوكل على الله واشوف الوضع لو لا بس اني اريد اعرف اكو احد مارة بي هيج حالة سابقا لو لا

4

الهجرة و واللاجئين / منو صايرة بي تاجيل مقابلة اولى

« في: 15:27 17/01/2014  »

السلام عليكم اخواني
اني كان عندي موعد مقابلة اولى يوم الاحد القادم 19-1 والبارحة اتصلو بية من عمان للتاكيد على موعد حضوري يوم الاحد مع افراد عائلتي وحسب الاصول, بس اليوم اجاني تلفون من رقم اسيا وواحد اردني يكلي مقابلتك تاجلت الى اشعار اخر كتلة ليش يكلي عطلة رسمية, اكو هيج شي اخوتي وشوكت راح يحددولي موعد ثاني يعني هو اني بالعشرة والصلوات يلة حددولي موعد مقابلة,,رايكم اخواني الله يرضى عليكم

5

الهجرة و واللاجئين / رد: اسئلة مهمة اخواني ارجو المساعدة

« في: 09:00 02/01/2014  »

اشكركم اخواني على اجاباتكم زين بخصوص البصمات شنو رايكم؟

6

الهجرة و واللاجئين / اسئلة مهمة اخواني ارجو المساعدة

« في: 08:18 02/01/2014  »

السلام عليكم اخواني الطيبين
الحقيقة عندي عدة استفسارات احب ان تساعدوني بيهة قبل المقابلة الاولى
هواية سمعت كلام انه المقابلة الاولى ياخذون بس اقوالك عن حياتك وسيرة دراستك وعملك بس اني سؤالي هنا
1.اذا واحد عندة خوالة او عمامة ضباط كبار في وقت صدام او في مناصب حساسة في الدولة في ذلك الوقت لازم يذكرهم لو ممكن يخفي هاي المعلومات خوفا من المجهول واشدد على القول اعمام او اخوال لا غير.
2.بالنسبة لسؤال هل ماخذين بصماتك سابقا في خارج العراق, اني بالحقيقة قدمت على فيزا اني ووالدتي الى السويد بدعوة من اخوية المقيم هناك وراجعنة السفارة السويدية في عمان واخذو بصماتنة العشرة لغرض الحصول على الفيزا بس الطلب مالتنة انرفض لاسباب تتعلق بالسويد واخاف نسافر ومنرجع ومن هاي السوالف, فسؤالي هنا هل اذكر هاي الحقيقة عن البصمات او ما اذكرهة اصلا اخاف يتعلق الملف مالتي ويعتقدون انه اني مقدم لجوء مو فيزا؟
3.اخواني بالنسبة للفحص الطبي اذا شخص مصاب بالتهاب الكبد الفيروسي فئة بي ينمنع من السفر ويرفض الملف مالتة لو الفحص الطبي مجرد اجراء روتيني وهل اكو حالات انرفضت بسبب الفحص الطبي؟
ارجوكم اخوان ساعدوني بهاي الاسئلة الله يرضة عليكم واني جدا شاكر جهودكم