عرض المشاركات
1
الهجرة و واللاجئين / رد: يا لاجئيـــــن عمــــــــــــــان 2014 تعالوا الجمعية (:
« في: 09:36 19/06/2014 »
الاخت كوكي 2004
شكرا جزيلا على الرد الوافي وان شاء الله التوفيق للجميع
شكرا جزيلا على الرد الوافي وان شاء الله التوفيق للجميع
السلام عليكم أخي العزيزتحياتي للجميع [/size]
بالنسبة لطريقة السفر من العراق الى الأردن
لازم تقدم على فيزا من مكاتب السفر والسياحة واذا ببغداد التقديم من شركة ( باصات جت ) الي مقرها بكراج العلاوي تنطيهم نسخة من جوازات سفر العائلة و وره كم يوم تتصل بيهم او يتصلون بيك ويكلولك تعال أستلم نسخة من الفيزا ..
أما طريقة التقديم على ال UN
أذا حضرتك متزوج خلي ابالك لازم تاخذ العائلة وياك للأردن ( لأن ماممكن رح ينظرون بأي قضية أو ملف الا أذا كانت العائلة كلها موجودة على الأراضي الأردنية وهاي بالنسبة للمرأة ايضآ )
المهم توصل لعمان وتنزل بأي فندق بوسط البلد لأن هذا المنطقة شوية رخيصة ومناسبة للييروح لعمان أول مرة و وره يومين تاخذ تاكسي وتكوله اريد اروح لل ( UN مفوضية اللاجئين بمنطقة خلدا ) كلهم يندلون المكان
تاخذ جوازات العائلة كلها وتروح وحدك بس لازم من الصبح لأن موظف المواعيد ينتهي شغله الساعة بل 10 الصبح يعني بعد مينطون مواعيد
طبعآ رح ينطوك موعد مقابلة ( وبيوم المقابلة لازم يحضر كل أفراد العائلة ) أنت بهذه الحالة لازم تكون محضر القصة الي بسببها غادرت العراق واذا عندك اي أثباتات ( لمحاولات خطف أو قتل لاسامح الله من الأهل او الأقرباء الدرجة الأولى يكون أفضل ) واذا ماعندك عادي مو مشكلة
أما بالنسبة للعيشة أو السكن بعمان طبعآ الكل يعرف أنه عمان بيها مناطق شرقية ومناطق غربية
المناطق الشرقية نوعآ ما رخيصة لو نقارنها بالغربية يعني الأيجارات تتراوح مابين 200 الى 250 بالشهر وهذا يعتمد على نظافة البيت او الشقة وعلى الحجم ايضآ
أما المناطق الغربية فحدث ولا حرج .. يعني الأيجارات تبدي من 350 أو 400 وأنت صاعد طبعآ الأيجارات بالدينار الأردني مو بالدولار يعني كل ( 100 دولار يساوي 70 دينار و800 فلس
ويا أخي اذا ناوي تطلع من العراق وتروح للأردن حتى تقدم على UN معناها تنسى شي أسمه العراق يعني مو تجي تسجل بمفوضية اللاجئين و وره شهرين تلاثة تسويلك روحه للعراق لا أخي ميصير لأنه وببساطة الي ( متعرض للتهديد ماممكن يفكر او يكدر يرجع للبلد الي اتهدد بي ) يعني لو التقديم على ال UN لو الرجعه للعراق
هذا مختصر مفيد وشتحتاج وشيخطر ابالك من اسألة أو استفسارات آني حاضرة وتدلل
وخلي الأسئلة هنا بالجمعية مو عالخاص حتى الأخوة والأخوات يستفادون من المعلومات
تحياتي للجميع
أختكم كوكي
