الرسائل

1

الهجرة و واللاجئين / رد: الامنية اكسباير و الفحص اكسباير

« في: 11:50 02/02/2014  »

اي والله اخي هو شبقة للعمر الله كريم بس المشكلة يصير. عندك حالة من الحزن وعدم استقرار صعبة لان المشكلة ماكو شي جديد اني حالتي كانما كل سنة اني هستوني مقدم يعني من 2009 الى 2014 بس اعادة فحص واكسباير والامنية الاولى خلصت بشهر 10 سنة 2013 وهسة اكو جديدة فعالة والكفيل مرتين وقع اوراقي وكلشي كامل لحد هل لحظة مدا افتهم شنو المشكلة او ليش هذا التاجيل والتاخير مع العلم اخوية هو الكفيل وطالع علة siv واني بتقريري خطر مو بس تقديم عادي يعني عندي اولوية المفروض،،  هسة بس لو ينطوني موعد ثقافية مثلا او أنطوني موعد سفر اني مستعد اصبر وانتظر حتة لو سنتين بعد يعني علة الاقل اكول اكو فد تقدم واستمرارية حتة لو بطيئة بس المشكلة دخلت بدوامة من التاجيلات والاكسباير والاعادت مدا استوعبها،،،  مع الاسف احنة العراقيين متعذبين بكلشي حتة الافغان والصومالين اجرائاتهم نوعا ما اسرع شوية،،،  ما اعرف يودون افغان الي هم زبالة البشر واحنة نبقة صافنين،،،،  لله درك يا عراق حرامات والف وسفة دجلة الخير صار مو للشعب وحرامات تراب اهلنة للغريب والحنة صارت بعرسان العجم

2

الهجرة و واللاجئين / رد: الامنية اكسباير و الفحص اكسباير

« في: 03:48 01/02/2014  »

اشكرك اخي الغالي لرفع المعنويات والله يبارك بالجميع وان شاء الله نخلص مع الاسف نكول نخلص صار امر واقع بلدنا لا يطاق ولا عيشة تراد بالتوفيق لك وللجميع وتحياتي لكل المشرفين والمسؤولين والاعضاء الاعزاء

3

الهجرة و واللاجئين / رد: الفحص والامنية

« في: 03:13 01/02/2014  »

السلام عليكم اخي!!  اخي اني عندي صولات وجولات بالفحص وبعادته والحمد لله هده السنة حققت رابع فحص على التوالي كل سنة فحص،  ، الفحص الطبي مالة علاقة ولو 1 % مع الامنية والسبب لان الاوقات والظروف متفاوتة بعدين هي بالعقل الفحص الطبي يشمل الوزن والطول وفحص الدم وفحص البصر + اشعة بالاضافة الى اسئلة الطبيب الروتينية عن التدخين او الجروح او الحروق او الامراض الجنسية او العلامات الفارقة او الضغط والسكر.........  الى اخره. المقصود بالفحص هو شيئ واحد فقط هو معلومات تفصيلية عن وصفك وحياتك + للتأكد من انه انت مؤهل للسفر وهل تحتاج عناية خاصة اثناء السفر او عند الوصول للبلد الجديد لانه هذه المعلومات عن صحتك بيهة ملف اذا مثلا عندك لا سامح الله مرض معين علمود يصرفولك دواء او احتمال مجرد يتكفلون باجراء الفحص او تكون نص التكاليف عليك والنصف الباقي على حساب المنظمة في امريكا وهكدا وهي حسابات وتختلف من شخص لاخر ومن منظمة لاخرى ومن ولاية لاخرى حسب القوانين الطبية والاقتصادية،،  تحياتي لك

4

الهجرة و واللاجئين / الامنية اكسباير و الفحص اكسباير

« في: 02:21 01/02/2014  »

السلام عليكم اخواني،  تحية طيبة للقائمين على المنتدى المفيد والجميل..

اخوان احجيلكم قصتي مع Iom الموضوع كالتالي احنة عائلة قدمنة بسنة 2009،، بعد 7 اشهر المقابلة الاولى بعدين سنة المحلفين،  ما اطول عليكم انتظار وروتين وفحص الى ان الاهل سافرو بشهر 1 بسنة 2013 ،، اما مشكلتي اني كل سنة اعيد الفحص الطبي الى يومنا الحاظر والمجموع 4 مرات اعادة فحص وايظا الامنية خلصت صارت اكسباير وهسة جديدة،، مع العلم من يوم التقديم الى قبل فترة 4 اشهر سمعت اكو شي اسمه ربط وهو نوعين قوي وضعيف المشكلة بالتقديم المقابلة الاولى والمقابلة الثانية او اذا كان اتصال محد كلي او سالني علة مسالة الربط كل الي صار بالمقابلة الاولى وقعت علة عدة اوراق من ظمنها التزامي بالالتحاق بصفوف القوات المسلحة الامريكية فقط في حالة الاستنفار والتعبئة يعني مو جبرا او التزام مجرد اثبات وجود،،  يشبه قرار التجنيد العسكري بالدولة العراقية السابقة بالفقرة المتعلقة ب صحة موقفك من الخدمة العسكرية!!!!!!!  اخوان هل هذا التعليق او التاجيل و اعادة الفحوصات والامنية امر طبيعي برايكم او اكو شي غلط،،  تحياتي للجميع وعذرا للاطالة.