2
يعني حتى هذا المنتدى الراقي هم داشوف هاي المشاحنات كافي يمعودين كافي وين ما اتروح يعني اذا دخلت الى منتدى سني يكلك الشيعة كذا وكذا واذا دخلت منتدى شيعي يكلك السنة كذا وكذا والكردي يسب العربي والعربي يسب اليزيدي واليزيدي يسب التركماني كافي يمعودين وراح يجي يوم ما اكو اي حجة نتعارك على مودها ويكلك المسيحي ترى انسان ( اليندرتال) هذا جدي بالأصل والكردي يكلك لا هذا جدي لأن كان ساكن بالجبال والعربي يكلك لا هذا جدي لأن لو ما هوا أني منين جيت يعني يوميا" لازم نلكاالنا مشكلة جديدة حتى نتعارك عليها
والله ملينا بدل ما دتناقشون بأمور مقيتة واكررها مرة ثانية أمور مقيتة لا الله يقبلها ولا أنبيائه يرضوها شوفوا حالنا شون صار فكرو كلكم بطريقة تتعايشون بيها ولا تغذون هذا الفكر ( معا" أو ضد) هذا لا راح يخدمكم ولا يخدم أي شخص الا الي له مصلحة بقتل ابناء هذا الشعب المسكين وصدقوني ما أكو قاتل بهذا البلد قاتل من أجل دينه لا والله العظيم الكل تاخذ فلوس على كل بريء قتل غدر بالله عليكم أكو واحد شريف يعني يرضى بقتل مطران كان كل كلامه ( محبة وسلام) ولا اساتذة الجامعات الي يقتلون يوميا"والأطباء وذوي الشهادات هم راح انكول هذا انقتل كونه مسيحي أو مسلم أو كردي القتل يا اخوان بالجملة بالعراق وتسمع بالاخبار يكول الك ( قلت اعمال العنف بالعراق لنسبة 40% وبذلك يكون مجموع العراقيين الذين قتلو خلال شهر أب 850 فقط ) ياسلام قلت والمقتولين بس 850 ونعم التقليل بدل ما ادورون احصائيات حول ابناء الطوائف المقتولين ( المغدورين ) شوفوا منو أله مصلحة بهذا كله منو يريد يقسم البلد على اساس ( عرقي وطائفي) وبعدين ذاك الوقت احجو الي تردوه وكافي الله يرضى عليكم كلكل بدون استثناء كافي شوفو حل لمشاكلكم الي هي مشاكل العراقيين كلهم مغضوب عليهم بالداخل مشردين بالخارج وارجوا ان يغلق الموضوع وكل المواضيع التي على هذا النوع واعتذر من الجميع اذا بدر مني أي خطأ بدون قصد
عرض المشاركات
