4
السلام عليكم
صدك عاشت ايد كل الاخوان الي جاوبو ام هاكوب ونور وكل الاخوان الي حجو الصراحة وحجو ضميرهم وبحيث مخلولنا شي نضيفه اكثر من هذا
بش شي واحد اضيفه هو انه اخوان ياريت الي متعجبة امريكا او يعتبرها بلد التشرد والضياع انه من البداية لايقدم عليها لانه بالاخير هو راح ينضر وهم ياخذ مكان غيره من الناس الي عدهم استعداد نفسي وذهني انه يتقبلون واقع الحياة ويعيشوها وتناسبهم لان اكو هواي ناس تتمنى تطلع من العراق مو لاسباب مادية او هربا من واقع الحال فقط وانما اهم الاسباب هو اختيار بلد يوفرلك الحياة الحرة الي مابيها التمييز والتخلف الي عدنا صحيح قد مانعيش عيشة رغيدة ولكن راحة البال لاتقدر بثمن وترا ماكو انسان تعب واشتغل ومشا بالطريق الصح وما وصل واكيد اغلب الفقراء الي بامريكا وما اكول كلهم حتى لا اضلم الزينيين همه ناس مع احترامي تافهين او متعاطين للمخدرات والسكر والخ من هاي الامور الي تقضي على حياة الانسان مو بس بامريكا وانما اي مكان اخر بالعالم (امشي عدل يحتار عدوك بيك وتوصل لاحسن مكان). فرجاءا اتمنى الي ماعنده استعداد خل يسحب اوراقه بسرعة حتى ينطي مجال لغيرة واني متاكدة اكو هواي مقدمين على امريكا واوربا وهواي كذلك راحو وصلو وهم ناس مايناسبهم السفر وافضل الهم يبقون ببلد عربي ينتضروف تحسن الضروف ويرجعون لان هذا مكانهم اصلا وما يناسبهم غيره.
مع تحياتي وتمنياتي للموفقية لكل الناس الطيبة
عرض المشاركات
