الرسائل

1

الهجرة و واللاجئين / رد: مابين الهجرة الى امريكا وبين تركها

« في: 16:47 18/10/2008  »

هلو اخواني وخواتي
اني لاجئة جديدة وصلت لامريكا قبل اشهر قليلة ونصيحة الكم اكول اللي ماعندة لغة وميكدر يشتغل لايجي لامريكا  لان الحياة كلش صعبة بيهة ويرادلهة صبر كلش واحنة العراقين خلصان صبرنة
والسلام

2

مواضيع الحياة العامة في بلاد المهجر (امريكا) / رد: حقائق عن اللاجئين العراقين في امريكا

« في: 00:35 17/10/2008  »

اخواني ماكو شي اسمه هذي مسيحي وهذا مسلم امريكا تره اصلا مايعترفون بهذي الاشياء اتجاوزوهه من زمان ولو امريكا مثل ماتكول الاخت ام بارق جان صارت انكس من العراق لان بيهه مليون دين وقوميه جان ناس كتلو ب ناس......الكنائس هنا مفتوحهه وحتى دروس تعليم لغه بيهه ومحد يسئل انت شنو دينك او قوميتك اني لل امانه احجي حتى تصير الصوره واضحهه لل اخوان الي يتابعون

3

مواضيع الحياة العامة في بلاد المهجر (امريكا) / رد: ماهي حقوق اللاجيء العراقي في امريكا؟؟

« في: 22:47 16/10/2008  »

مرحبا وسلام للجميع........
اني لاجئ جديد ب امريكا اجيت من سوريا صار 6 اشهر واسكن ب ولاية ميشغان... نصيحتي لكل لاجئ مقبول على امريكا اولا يحاول يسجل دورات انكليزي ب سوريا او الاردن حتى لا يواجه صعوبه هنا لان رح تحتاج الانكليزي بشكل كبير وثانيا ان يحاول يدخل دورات تعليم سياقه اذا مايعرف يسوق حتى يحصل على اجازة السياقه ب سرعه لان السياقه هنا اهم شي اهم حتى من اللغه لان ماكو وسائل نقل حكومه كل قليل مو مثلنه كيات وكوسترات وعبريه ونفرات هنا ماكو شويه قليله........ سلامي للجميع

4

مواضيع الحياة العامة في بلاد المهجر (امريكا) / رد: حقائق عن اللاجئين العراقين في امريكا

« في: 22:25 16/10/2008  »

اخواني اني لاجئ جديد ب امريكا صارلي 6 اشهر و 90% من الي كالته الاخت ام بارق ماشفته لحد هسه ماعرف يجوز اني اعمى

5

الهجرة و واللاجئين / رد: مابين الهجرة الى امريكا وبين تركها

« في: 08:05 16/10/2008  »

هلووووو مرحبا تحيه وسلام لكل عراقي و عربي بهذا المنتدى الجميل
اخواني اني عراقي لاجئ ب امريكا اجيت من سوريا قبل 6 اشهر واسكن حاليا ب ولاية ميشغان مدينة وارن... طبعا كل الي الكلام الي قريته بي صحه يعني هوايه اكو ناس يجون هنا يعانون ومايكدرون ب سهوله يعيشون لان الحياة هنا ماتشبه الحياة ب الدول العربيه يعني اول مشكله رح تواجهه انت هيه اللغه و النقل اذا حليت مشكلة اللغه وانت شاطر وكدرت تطلع اجازة سياقه رح تسهل هوايه امور عليك ورح تكدر تلكه شغل بس اخواني مهما تكون امريكا صعبه ف هيه مو مثل دول الانتضار(سوريا او الاردن) الي شفنه الويل بيهن صدكوني الحياة هنا صحيح مو سهله بس الي يتعب يحصل نتيجه ويعيش ب سعاده........سلامي وتحياتي الكم واذا تحتاجون سؤال ف اني ب الخدمه