مشكور ابو قمر
واول شي كثير من الناس معتقده البيع بالكيلو مثل العراق والدول العربيه


او اكو شي مهم جدا موضوع الخبز والصمون الملاحظ شحه في هاي المادتين شحه من حيث النوعيه كمنتج عراقي
وهنا بعمان دائما ينطرح هذا الموضوع الحيوي والمهم

مدينة الي رصديقي موضوع الخبز العراقي او العربي راح يعتمد على المدينة الي متوجه الها اذا بيها نسبة عرب جيدة راح تلكاه متوفر لكن ايضا راح يكون غالي يعني الخبز العراقي راح تلكه مثلا 3 كرص بدولارين طبعا حسب المدينة .. الخبز اللبناني هو الاكثر انتشار وممكن تاخذ الكيس بيه 5 كرص بدولار ... ايضا الخبز اللبناني موجود في امريكا ويباع تحت اسم بيتا بريد peta وراح تلكاه يقسم الخبز بالولمرت بس شوية اثخن وسعره مناسب ...
موضوع الخبز راح يختلف كثيرا من توصل امريكا راح يقل كثير استهلاكك للخبز يوم بعد يوم بالذات اذا تبدي تعلم نفسك وتعلم اطفالك على التوست الي هو رخيص نسبيا وعلى بعض انواع الصمون على فكرة هناك اكثر من 25 نوع للصمون فقط وهناك اكثر من 60 نوع معجنات راح تلكه نكهات واطعام مختلفة .. بعض الناس يتقبلها ويبدي يتعلم عليها  وبعض الناس من النوع التقليدي ميحب ايجرب اي شي جديد .. لكن بكل الاحوال وهي نصيحة من توصل امريكا حاول تقلل من الاكل العربي التقليلدي لانك راح تعيش في هذا المجتمع مو يوم ويومين ... طبعا بعض العوائل مشترية تنور وبعضها يخبز على شواية الهمبركر يعني الخيارات كثيرة المهم توصلون بالسلامة ..

تحياتي
أبو قمر

[لك الشكر اخي ابو قمر ... وبعد اذن الاخ " وديع " واذا كانت مشاركتي اخذت الموضوع لاتجاه اخر اني على استعداد لحذفه عن طيب خاطر لكن حبيت اعرف وجهات النضر فيه لا اكثر ولا اقل .. و اكرر شكري لكم]

لك الشكر اخي ابو قمر ... وبعد اذن الاخ " وديع " واذا كانت مشاركتي اخذت الموضوع لاتجاه اخر اني على استعداد لحذفه عن طيب خاطر
لكن حبيت اعرف وجهات النضر فيه لا اكثر ولا اقل .. و اكرر شكري لكم

لا صديقي بالعكس برائيي ان مشاركتك مو بعيدة عن الموضوع انت دتسئل لانك دتشوف ان المحلات العربية دتبيع اللحم بضعف سعره كونه يطلق عليه حلال .. والموضوع جدا مستفز واستغلالي ... فاكيد من حقك تسئل لكن انا دائما من طبعي لا احب ان افتي في اشياء ليست من اختصاصي فانطيتك رائيي وممكن تبحث على النت عن فتاوي العلماء او ممكن تسئل عالم بالعكس الحرص على الدين واجب لانه الرابط الاهم بين الانسان والخالق ... تحياتي ياطيب وشعندك اسئلة اسئل بصراحة اليوم صار عندي واهس للكتابة ...

ابو قمر

بارك الله بيك وديع وعاشت أيدك على هالموضوع الحلو والمفيد
وبدربك فد هوت دوك ولتنسه الخردل وكوب جاي وياها  والله دتشهينه كلما نشوف هالمحل المتنقل الحلو

أذا ممكن عندي سؤال لأخويه أبو قمر وباقي الأخوه والأخوات ألي بأمريكا
شلون أسعار السمك وشنو الأنواع الموجودة ويانوع أطيب من كل الأنواع تقريبآ
تحياتي ياطيبين وبارك الله بيكم

اختي العزيزة السمك الطازج هنا يعتمد على الولاية في المحالات الاسيوية راح تلكيه جدا رخيص وبانواع مختلفة اذا ما قورن باسعار العراق او الوطن العربي والانواع اغلبها انواع بحريه ...
اما الفيلية فيكون شوية غالي ويباع في الاسواق العامة للامريكا مقل الولمرت .. بشكل عام الامريكان مياكلون السمك كثير واذا اكلوه ياكلوه على شكل فيليه .. اما الاسيويين من فيتناميين وشرق اسيويين فذولا ادمان سمك حتى تشريب سمك يسوون ولمن تدخلين محلاتهم راح تلكين عشرات الانواع من السمك وباسعار جدا مناسبة ...

تقبلي تحياتي
أبو قمر

[اخواني و الله عندي سؤال مهم جدا .. لان صار بي نقاش كثير اني واقارب لي في كندا انه عند سؤالهم املم مسجد فانكوفر وهو نيجيري .. عن انه هل يستطيعون اكل سندويجات اللي فيه لحم مثل همبركر لو دجاج كنتاكي لانهم تعبو من اكل اصابع السمك و الخضروات كونهم من الطلبه و اغلب المطاعم لاتقدم اللحوم الحلال .. فكان جوابه انهم يستطيعون ذلك للعدم وحود مايمنع .. هذا شئ و الاخر الكثير من اقاربي يقولون انهم يشترون لحوم " الغير مذبوح على طريقه اسلاميه " هذا بالتحديد تسميته لانه اللحم ليس حرام عموما .. لان اسعار اللحوم "" الحلال "" غاليه جدا ؟؟؟ اريد التفصيل ولكم الشكر لان الموضوع تناقشت فيه كثيرا طبعا انا من اصحاب انه اما على الطريقة الاسلاميه او يستعيضون عنه بشئ ااخر]

اخواني و الله عندي سؤال مهم جدا .. لان صار بي نقاش كثير اني واقارب لي في كندا
انه عند سؤالهم املم مسجد فانكوفر وهو نيجيري .. عن انه هل يستطيعون اكل سندويجات اللي فيه لحم مثل همبركر لو دجاج كنتاكي لانهم تعبو من اكل اصابع السمك و الخضروات كونهم من الطلبه و اغلب المطاعم لاتقدم اللحوم الحلال .. فكان جوابه انهم يستطيعون ذلك للعدم وحود مايمنع .. هذا شئ و الاخر الكثير من اقاربي يقولون انهم يشترون لحوم " الغير مذبوح على طريقه اسلاميه " هذا بالتحديد تسميته لانه اللحم ليس حرام عموما .. لان اسعار اللحوم "" الحلال "" غاليه جدا ؟؟؟ اريد التفصيل ولكم الشكر لان الموضوع تناقشت فيه كثيرا
طبعا انا من اصحاب انه اما على الطريقة الاسلاميه او يستعيضون عنه بشئ ااخر

صديقي ابو شمس سؤالك بعيد عن اختصاصنا ... الموضوع ديني بحت اختلف فيه الكثير من العلماء ... المحرم بالنص واضح جدا الميتة والدم ولحم الخنزير وما اهل لغير الله والمتردية والمنخنقة وما الى ذلك ... مفهوم الذبح الاسلامي هو قطع الرقبة مع التسمية التي هي سنة ... اذن حسب اكثر العلماء المشكلة ليست بالتسميه المشكله في الذبح ولهذا السول لم يحرم علينا اكل طعام اصحاب الكتاب  ...
عموما العلماء اختلفوا منهم من قال لا يجوز ومنهم من قال ممكن تسمي على الطعام والاجتهادات كثيرة في هذا المجال لانه لايوجد نص محدد يحرم هذه الحالة ... هنا كثير من الناس يذهبون الى القاعدة الفقهية استفتي قلبك ... ويبقى الموضوع كله هو علاقة بينك وبين رب العالمين ..
انا لا احب ان اتكلم او افتي في هذا الموضوع فانا لست مفتيا ولا اتصور ان انسان عادي ممكن ان يفتي لك ممكن ان تستشير علماء الدين واخذ ارائهم واستفتي قلبك واتوكل على الله في الخيار الذي تختاره ...

تحياتي يا طيب

أبو قمر

اتفق معاك اخي ابو قمره كليا فعلا اول ما يوصل اللاجيء عنده اولويات اهم من شراء غساله ونوعها بس جبناها على اسئله وديع واخت ملاك ندعيلهم بالوصول الى امريكا واي شي يستفسروه احنا حاضرين حضرتك ماتقصر بالمواضيع الكبيره والصعبه واحنا علينا الشغلات الناعمه اللي تخص الحياة العاديه
تحياتي واحترامي

ولو اختي انتم الخير والبركة ....
اخونا وديع حاول تكتب كل اسئلتك عن الاسعار هنا بهذا الموضوع وانشاء الله مراح نقصر وياك كلنا الي موجودين في هذا البلد المحترم ...

تحياتي
أبو قمر

الله كريم هذا كه كلام الا انروح ونشوف بعينا يلة ايبين الصدك من الجذب

اختي العزيزة ما اتصور الموضوع بيه كذب او صدك .. الجميع صادق لكن كل واحد ينطي وجهت نضره حسب ضروفة وشخصيته والمدينة الي عايش بيها ... وهذه الصفات تختلف بين البشر ولهذا من المستحيل ان توصلين الى جواب واحد ...

ببساطة اكو ناس اكبر ما تفكر فيه هو ان تاكل واتئمن على اطفالها وتنام مرتاحة , واكو ناس طموحها اكبر تريد الامان وتريد تبني مستقبل ويكون الها بيت وملك يستند عليه , واكو من يطمح يصير عنده شهادة قوية ويكون اله مركز مرموق بالمجتمع والطموح يختلف اضافة الى ان القابليات تختلف وتقبل الانسان للمجتمع الجديد وتعلقه بالمجتمع القديم يختلف ايضا من شخص الى اخر .. يعني اكو ناس لو تعيش في نعيم في امرسكا تبقى ناقمة وتبقى عقلها وتفكيرها بالحياة القديمة الي كانت عايشتها ... اذن اختي صدكيني ماكو اي واحد كذاب الجميع صادكين لكن الشخصيات والقابليات والظروف تختلف من شخص الى اخر ... تقبلي تحياتي

أبو قمر

انا هنا احاول ان ابين للاخوان ان امريكا فيها خيارات واسعار مختلفة وغير طبيعية ... يعني ممكن اتئثث بيتك ب 1000 دولار وممكن اتئثثه ب 100000 دولار ... واحيانا تجد نفس الضمان لنفس الجهاز لكن بفرق سعر كبير بين محل واخر ... ايضا ممكن تتسوق من الانترنت باسعار توصل الى 50 بالمية من اسعار السوق وبنفس الضمان وغالبا ميكون سعر الشحن مدفوع من قبل البائع ...
ايضا موقع كريكليس ممكن تجد فيه اسعار جدا راقية وخيالية لاجهزة ومواد جديدة او مستعملة .. المهم لتتسرع في الشراء زور اكثر من محل جيك الانترنت وشوف احتياجك شنو ولمن توصل الى قرار اختار الي يناسبك واشتريه ...

تحياتي
أبو قمر

عزيزي ابو قمر صح كان اكو ارخص بس الحجم هوايه اصغر يعني مانكدر نغسل بيه اللحاف والكبيره تكدر تحط كميه اكبر من الملابس اختصارا للوقت واقتصادا بصرف الكهرباء اني حتى من اشغل النشافه اغسل وجبتين وانشفهن سوا لانه النشافه هي اكثر ماتصرف كهرباء اني محاسبه وكلشي احسب حسابه هههههههه
تحياتي

اتفق وياج اختي العزيزة .. الخيارات كثيرة وكل انسان يختار ما يناسبة .. انا فقط اطرح خيارات اكثر ... بعض الاجئين الجدد ممكن ميكون عنده امكانية جيدة فممكن يشتري مستعمل نظيف يمشي نفسه بيه ومن الله يسهل عليه ممكن يشتري فول اوبشن .. انا متفق معك الاسعار تختلف بحسب الماركة والحجم والمواصفات ولهذا الاسعار تختلف ... ايضا ممكن قبل لتشتري تترقب العروض احيانا تنزل عروض خصومات توصل الى 40 بالمية من السعر بالذات ايام الكرسمس والثانكس كيفنك ...
تحياتي اختي المحترمة ..

أبو قمر

الف شكر اخويه العزيز ابوقمر يعني اللي افتهمته هسه موعد السفر يتحدده منظمة الهجرة في الاردن وليس منظمة الهجرة العالمية في امريكا
الله كريم ربنا ايحنن الهجرة بعمان علينا

صديقي هي المنظمة الي بالاردن فرع من منظمة الهجرة العالمية ... وحسب الكادر والاختصاصات ممكن هما يقوموم بالحجز ... لكن البروسيجر واضح يكمل ملفك وتجي الموافقة الامنية ومن ثم تجي موافقة وجاهزية المنظمة الي تستقبلك .. ثم يرسل الملف كامل لكي يختم بعد الختم توضع على جدولة السفر ويشترولك التكتات ...

ابو قمر

وهذا رابط لغسالة ونشافة مستعملة معروضة للبيع من قبل صاحبها طالب عليها 280 دولار يعني ممكن تاخذيهن 250 دولار ..

http://dallas.craigslist.org/ndf/app/2869043331.html

تحياتي
أبو قمر

غساله ونشافه ب900 دولار ؟؟؟
هنا صارت الغساله بورقه

اختي ملك اختنا تحجي على نوع معين الغسالة والنشافة الجديدة حسب المواصفات والماركة تبدي من 275 للغسالة والنشافة و  275للمجففه طبعا المجففة مموجودة يمنا فكرتها مثل الاوتي تنطي حرارة حتى تجفف الملابس بصورة كاملة ...
طبعا اختنا اشترت جديدة ممكن تشترين مستعمله بضمان 3 اشهر اخو الجديد ب 250 او 300 دولار القطعتين ...

تحياتي
أبو قمر

صديقي بشكل عام ... الي يقوم بحجز التكتات الك هم منظمة الهجرة العالمية لكن موعد السفر يتم تاكيده بعد وصول موافقة المنظمة الخاصة باستقبالك بانها جاهزة لاستقبالك ومن يوصل هذا الاعلام لمنظمة الهجرة العالمية راح تقوم بوضعك على جدول السفر وتقوم بشراء التكتات الخاصة بيك ... طبعا هذا الاجراء يتم بعد متصدر الفيزة مالتك ...
هذا الكلام اخذته من موظف بمنظمة الهجرة العالمية في مصر ... الاس اي في شوية تختلف بس معندي معلومات دقيقة عنها ..

تقبل تحياتي
أبو قمر

اخويه العزيز ابو قمر جدا شاكر جوابك بس اتحملني سؤال للتأكيد يعني الهجرة بعمان ماالها دخل بتحديد موعد السفر واني بعمان؟؟؟

لا صديقي هي الي راح تقوم بشراء التكتات ووضعك على جدولة السفر .. لكن قبل هذا لازم تجيها موافقة المنظمة الي راح تستقبلك وانها مستعدة الان لاستقبالك بهذه الحالة ملفك يكون كامل يرسل الملف الكامل لامريكا من اجل الختم النهائي والي يسمى بختم المحلف وبمجرد ميختم الملف المنظمة راح تقوم بوضعك على جدولة السفر وتشتريلك التكتات واتبلغ المنظمة الي راح تستقبلك بموعد وصولك ومن ثم يتصلون بيك حتى تجي توقع الورقة الصفرة مالت القرض وينطوك خط الرحلة وموعد السفر هذا بالضبط الي صار وياي ....

تحياتي
أبو قمر

صديقي بشكل عام ... الي يقوم بحجز التكتات الك هم منظمة الهجرة العالمية لكن موعد السفر يتم تاكيده بعد وصول موافقة المنظمة الخاصة باستقبالك بانها جاهزة لاستقبالك ومن يوصل هذا الاعلام لمنظمة الهجرة العالمية راح تقوم بوضعك على جدول السفر وتقوم بشراء التكتات الخاصة بيك ... طبعا هذا الاجراء يتم بعد متصدر الفيزة مالتك ...
هذا الكلام اخذته من موظف بمنظمة الهجرة العالمية في مصر ... الاس اي في شوية تختلف بس معندي معلومات دقيقة عنها ..

تقبل تحياتي
أبو قمر

صديقي العزيز صاحب الموضوع هذا الموقع بيه الاسعار اليومية بشكل تقريبي للخضراوات والفواكه ..

http://www.todaymarket.com/us_pric.htm

تحياتي
أبو قمر

صديقي الف الف مبرووك ... فرصة رائعة وانت تستاهل كل خير ... صديقي الاختصاصين راح ينطوك خبرة لا بأس بها وانت استخير نفسك وشوف شنو الي تحبه حتى تكدر تبدع بيه .. الف مبروك يا طيب تستاهل كل خير ..

أبو قمر

صديقي الفريدو الورد ... هو عنده تلفون ؟؟؟
ممكن ادزلي تلفونه عالخاص اني احجي وياه واحاول اساعده وممكن احجي ويا منظمته .. هو مبيها مجال يغير هسه لان اكيد سوى اورينتيشن ووقع فلازم يخلص فترة مساعداته ...
واذا معنده تلفون راسلني عالخاص انطيك تلفوني خلي يحاول يخابرني ويصير خير ...
شكرا لصديقي مودي عالمساهمة ودائما سباق بعمل الخير ..

أبو قمر

حبيبي مو تدلل :

هنا نتعامل بالباوند والباوند تقريبا 450 غرام يعني كول نص كيلو .. اسعار الخضار والفواكه يختلف من ولاية الى اخرى ومن محل الى اخر  ... يمي بتكساس فورت وورث دالاس

الطماطة احصلها من بعض الاسواق   78 سنت للباوند
الخيار الامريكي ينباع بالوحدة الوحدة 50 سنت والخيار العربي الي يجي من كاليفورنيا الباوند 1.20 دولار
الباذنجان بالوحدة الباذنجانيا وزن تقريبا نص كيلو  1.10 دولار
الكرفس 4 بدولار
البتيته جدا رخيصة 5 باوند باقل من دولارين
الفواكه
التفاح 5 باوند 2.5 دولار
الموز 46 سنت للباوند
البرتقال حاليا 5 باوند ب 1.50
الانناس 1.5 دولار الحبة
الكيوي 5 حبات بدولار
العرموط طبعا انواع والوان بس تقريبا الباوند بدولار
الرقي هالفتره شوية غالي لكن سعره بشكل عام 4.5 للركية طبعا بدون وزن انت تختار الحجم الي تحبه
البطيخ الوحدة بدولار اقل شوية

اللحوم  راح احجي على اللحوم بالاسواق العامة :
لحم شرح بدون عظم 2.58 دولار للباوند طبعا بقري
لحم مثروم حسب نسبة السمن بس تكدر تكول الباوند 2.5 دولار
الدجاج سعر الباوند 89 سنت , صدر دجاج 1.69 دولار , فخذ دجاج 93 سنت
طبعا هذه افضل الاسعار بالسوق العامة اما المحلات العربية الي تعتبر لحمها حلال راح تضيف مو اقل من 1.5 دولار او 2 دولار على سعر الباوند ايضا هما يبيعون لحم الغنم الباوند بالعضم 6.25 دولار ..

طبعا هذه الاسعار وفق مدينة فورت وورث وضواحيها ..

تحياتي
أبو قمر

تحية طيبة لأصدقائي الطيبين ... طبعا يمكن اكثركم استغرب وديسئل شنو الفائدة من رفع الموضوع ؟؟؟
بصراحة حبيت ابينلكم شي مهم واني اعرف اغلبكم منتظر وقلق وخايف من الرفض و و و  اشياء كثيرة ... هذا الموضوع كتب قبل 3 سنوات لمن استلمت نتيجة المحلف اغلب اذا مو جميع الاعضاء كانوا منتظرين الموافقة الامنية وحالهم مثل حالكم ... اغلب او جميع هؤلاء الاعضاء هم حاليا في امريكا واغلبهم شغلتهم الحياة .... كل هذا العدد سافر واستقر واصبحت هذه المواضيع ذكرى فقط ... اتمنى ان تكون الفكرة قد ساعدتكم في رفع المعنويات والقوة على الصبر ودائما اتأكدوا من شيء مهم ان الله لا ينسى عبده ...

تحياتي
أبو قمر

نفس المواضيع تعاد من سنين الازمة الاقتصادية والوضع في امريكا .. قبل 3 سنين قبل ان اسافر الى امريكا جاوبت على هذا السؤال ولا زلت مصر لاني وجدت النتيجة امامي ... الحمد لله بعد 3 سنين لي في امريكا وصلت لمستوى يحلم ان يصله اي مواطن في الوطن العربي ولازلت اطمح للكثير .. لو كنت ترددت وجعلتني هكذا مواضيع اغير ارائي وافقد الثقة في نفسي لكنت الان اعاني الخوف الذي يعانيه السوريين الان من ظلم حكامهم وانشد معهم انشودة الموت ولا المذلة لان لم يبقى طريق الى الكرامة سوى الموت.. الحمد لله على كل شيء الحمد لله اني اصبحت انسان حر انسان لي كرامة والحمد لله لكل ما اعطاني في بلد الازمة الاقتصادية ...

تحياتي أبو قمر 2012

الحمد لله والشكر  ... شكرا لكل من كتب تهنئة رغم ان السنين مرت بسرعة البرق رغم ان جميع من هنائني اختفى او شغلته الحياة لكني ابقى ممتن للجميع ... وتمر السنين وانا باقي هنا احيي ردودكم ومشاعركم الطيبة اتمنى اطمنونا عنكم يارب تكونون بخير ..

أبو قمر

كان اكو برنامج كنت احبه جدا اسمه حدث في مثل هذا اليوم ... 3 سنوات مرت بسرعة البرق .. هذا الموضوع كتبته لمن وصلت الى بودابست في مثل هذا اليوم سنة 2009 ... رفعت الموضوع للذكرى وللتشجيع لكل من ينتظر خلي يؤمن بان الفرج يكون على لحظة ..

تحياتي
أبو قمر

كان اكو برنامج كنت احبه جدا اسمه حدث في مثل هذا اليوم ... 3 سنوات مرت بسرعة البرق .. هذا الموضوع كتبته لمن وصلت الى بودابست في مثل هذا اليوم سنة 2009 ... رفعت الموضوع للذكرى وللتشجيع لكل من ينتظر خلي يؤمن بان الفرج يكون على لحظة ..

تحياتي
أبو قمر

ام الهنا اختنا العزيزة دائما الغائب الحاضر  ... بصراحة موضوع الكفيل جدا مزعج بالذات بعد التاخير الي ديصير بالمعاملات فالكفيل ايضا معذور انا لو كنت صاحب الخيار الاول ماكنت ذكرت اسم كفيل ومن اوصل لامريكا اغير الولاية بنفس اليوم مراح اخسر غير ايجار شهر وتكت طيارة وبعض مصاريف الاثاث البسيط ....
حاليا الي اعرفه ان تغيير الكقيل راح يئخر الملف 3 اشهر اضافية ... ولهذا دعواتي الك بأن يجي موعد سفرك قبل سفر اخوك وتوصلين وتستقرين وتبدين تنقلين الصورة للبلد الجديد ...

أبو قمر

amman76  مهندسنا الطيب شكرا لمرورك وكلماتك الطيبة وانا معكم ايضا في عملية اعادة ارشفة مواضيع المنتدى كاملة .. تحياتي الك يا طيب وشكرا لمرورك الكريم ..


مس لارا  اختنا المحترمة شكرا لمشاعرك الطيبة وكلماتك الجميلة ويارب التوفيق رفيقك اينما تكوني .. تقبلي تحيياتي ...

دارين العراقيه  شكرا اختي الطيبة وانا معكم بكل اقتراح يقدم الافضل للجميع وانا مع ارشفة جميع مواضيع المنتدى حتى تكون سهل الوصول الها من قبل جميع من يحتاج المعلومات .. تقبلي تحياتي اختي العزيزة ..

usaforever  تحياتي صديقي العزيز وشكرا لمرورك الطيب ويارب الموفقية الك دائما وابدا ...

مودي العراقي الوردة دائما اتفائل بمشاركاتك وكلماتك الطيبة .. صديقي اني اتفق وياك وويا اي فكرة تقدم المساعدة ... تنظيم ارشيف المنتدى اصبح ضرورة ملحة لدينا كنز لكن لانعرف كيف ان نستغله انا اتكلم عن جميع المواضيع والمعلومات التي ذكرت في المنتدى من جميع الاعضاء كلها يجب ان ترتب وتصنف حسب محتوياتها مثل المكتبات العامة ... فالسائل ميحتاج ان يضيع وقت وجهد في البحث الوصول للمعلومة سيكون افضل اضافة الى التنوع وغني المعلومات لانها ستكون صادرة من اكثر من شخص ومن اكثر من تجربة ...
تحياتي يا طيب ودعواتي الك بالسفر القريب ..

أبو قمر

عاشت الايادي صديقي العزيز ابو قمر ....
ياجماعة والله  المفروض نفكر جديا بشغلة (ارشفة مواضيع ابو قمر ) وجمعها وترتيبها وتنقحها وتنظيمها في (موسوعة قمرية ) أخرى شاملة وكاملة وقابلة للتحديث والتجديد طبعا ... بسبب استمرار هذا الرجل المثابر بالعطاء والتعب المتواصل .

مشرفنا الطيب ... شرفت الموضوع بمرورك وكلماتك المحترمة ... طبعا انبح صوتي واني ادعوا الادارة لعملية ارشفت الكنز الموجود في هذا المنتدى انا ما اتكلم عن مواضيع ابو قمر بالعكس يمكن مواضيع ابو قمر الاكثر حظا فكثير من الاعضاء ديجموعها ويخزنوها .. لكن انا اتكلم عن كل ابداعات الاعضاء نبحث عنها ننفض عنها التراب وانرشفها ... انا اعلم انك مشغول واني انا مشغول ايضا لكن هناك الكثير من الاعضاء يتبرعون لهذه الخدمة الي محتاجيه الضوء الاخضر من الادارة ووضع الخطوط العريضة وانا عليه المتبرعين ...
ولو اعرف ومتاكد ان مراح اي تعليق من الادارة بس انكوول كثر الدك يفك الحديد ... طبعا اني ما اعني المشرفين بالادراة لان المشرفين هم مثلنا وهو اصدقائنا ومتاكد هم ويانا بالافكار لكن اقصد المدير العام ...
عموما فرحت كثيرا لمن لكيت تعليقك في موضوعي ودائما ادعيلك بالموفقية ودا انتظر منك الاخبار الحلوة الي دا احسها قريبة باذن الله شكرا مرى اخرى صديقي العزيز ..

أبو قمر

ابن الحله  صديقي الطيب دائما منور الموضوع بمرورك الكريم يارب يبارك بيك ويسهل امرك ...

amy44  اختنا الطيبة يارب تكونين بخير انت وعائلتك الكريمة اسعدني مرورك شكرا لكلماتك الطيبة .. تقبلي تحياتي ..


Dr.navsani  دكتولانا المحترم الطيب .. الشكر والامتنان لدعواتك الطيبة ومرورك العطر ويارب يسهل امرك ويبارك بحضرتك وبعائلتك الكريمة ... تقبل تحياتي صديقي العزيز ...

كاتلوني الى الابد  صديقي المحترم شكرا لمرورك وكلماتك الطيبة والي ندعي من الله ان ما يحرمنا منها .. تقبل تحياتي صديقي العزيز ..

أبو قمر

lyoo  صديقي الطيب شكرا لكلماتك يا غالي ويارب يسهل امرك ونسمع اخبار حلوة منك  بالقريب العاجل انشاء الله ..

mr.sad  شكرا صديقي الطيب لكل كلمة كتبتها ويارب يبارك بيك ويسهل امرك ونسمع اخبار حلوة عنك ... تقبل تحياتي ..

cool050  شكرا لمروركم الكريم وكلماتكم الطيبة ويارب يسهل امركم دائما سباقين بالردود والكلمات الجميلة ... تحياتي ..

jack black  صديقي الطيب تعطر الموضوع بمروركم الكريم ويارب الموفقية والسفر القريب ... تحياتي ..

usaforever  شكرا لمروركم الكريم وكلماتكم الطيبة ويارب ميحرمنا من تعليقاتكم الجميلة ... تقبلوا تحياتي ...

فارس العراق 90  المحترم شكرا لدعواتك الطيبة ومرورك الجميل ويارب الموفقية ترافق اينما تكون ... تحياتي

أبو قمر

صديقي بصراحة اني اصلا كنت ناسي الموضوع والمحلف مسئلني ... واني كالعادة ما اجاوب اذا ما اسئل وجوابي دائما على كد السؤال .. يعني اذا سئلت ممكن تكول اخذت مني مرة للتجييك ولتذكر موضوع الواير الي بالسيارة وانهم احتجزوك ماكو داعي للتفاصيل ممكن اتكله بسيطرة تفتيش اخذوا بصمات كل الي كانوا بالسيطرة واني منضمنهم ببتجييك وخلاص اذا سئلك واذا مسئلك فلتفتح الموضوع ...

تحياتي يا طيب ...
أبو قمر

durar  صديقي العزيز انشاء الله الفرحة متفاركك ابد .. والامنية مسئلة وقت لا اكثر  ولا اقل وكلها تصير سوالفك من توصل لبر الامان كلنا مرينا بالايام الي دتمر بيها بس الصبر والثقة برب العالمين وصلتنا لبر الامان ... يارب الامنية تصدر اليوم قبل بكرا وتسافر وتستقر ونسمع اخبارك الحلوة دائما ....

ZIAD-ABO ALHASAN  صديقي المحترم تحية طيبة لكلماتك ومرورك لكريم يارب يبارك بيك وبعائلتك الكريمة .. تقبل تحياتي ..

شنايزر  الغالي اتعودت ان اقرا مشاركاتك بكل مواضيعي وكلي شكر وامتنان لهذا التواصل صديقي العزيز ودائما ادعيلك بالموفقية دائما وابدا .... تقبل تحياتي

عماربغدادي  الورد شكرا صديقي لمرورك وكلماتك الطيبة يا طيب ويارب يسهل امرك ويوفقك ونسمع اخبار حلوة منك بالقريب العاجل أنشاء الله ...

نداوي79  اكيد اختي العزيزة اطفالنا هم املنا اقلها نحقق من خلالهم احلام كنا نحلم بيها وجعلتها الظروف احلام مستحيلة .. شكرا لمرورك اختي الكريمة وشكرا لكل كلمة طيبة كتبتها ...

تحياتي
أبو قمر

صديقي العزيز اخذ البصمات للاشتباه ما يئثر نهائيا مادام انت مو مذنب ... نص الشعب العراقي ماخذين بصماته .. اني من الناس كنت دا ادرس في مقهى عام واجوي لمو كل من بالمقهى واني من ضمنهم واخذوا بصماتي وحققوا وياي وبعدها طلبوا مني ان اساعدهم بالترجمة للبقية لان العدد كان كبير وبعدها اعتذروا من اغلبنا وطلعنا بنفس اليوم ... واني هسه في امريكا صارلي 3 سنوات ..
عملية التبصيم هي اجراءات امنية لمقارنة بصماتك ببصمات المطلوبين وبعد ميبين عدم مطابقتها والتاكد بأنك غير مذنب حتى بصماتك تنحذف من السستم وان بقيت فتبقى للتدوين فقط  ...

تحياتي ويارب الموفقية ...

أبو قمر

ايوه كده يوديع  انت الاجمل صديقي العزيز شكرا لمرورك يا طيب ...

assaad2011  صديقي المحترم شكرا للكلمات الطيبة دائما ويارب يوفقك ويسهل امرك ونسمع اخبار حلوة منك بالقريب العاجل ....

amman76  انت الأروع مهندسنا العزيز .. يارب الفائدة دائما تعم للجميع .. شكرا لكلماتك الطيبة ومرورك الكريم ....

روزة اليرموك   شكرا اختي المحترمة لمرورك الطيب وكلماتك الجميلة ويارب يسهل امرك ويبارك بحضرتك وعائلتك الكريمة ...


تحياتي
أبو قمر

يعني شلون اخي ابو قمر
اذا احنه حاسباتنا منصبه تنصيب مو اصلي للوندوز واذا مسكونه شنو اللي رايح يصير فينا
وفي عدنا برامج منسوخه مثلا بالحاسبه الي جاي نستخدمها حاليا او ننسخ بالنيرو الي منصبينه او مخلين اقراص وناسخينها بالبيت اذا اجو وشافو عدنا شنو حزتها راح نسوي
ارجو الاجابه يالطيب

صديقي ليو النسخ الموجودة في السوك تختلف لكن اغلبها منزوع الكود يعني لايمكن الوصول اليها من قبل الشركة الام ... يعني من الصعب ان يكتشفوك وبشكل عام في امريكا محد يجي يفتح كمبيوترك ويفتش عن هذه الاشياء الى اذا يكون عنده اذن وقرار من المحكمة ... بعض ما موجود من السوك والي هو غير كامل الكراد هذا الخطر بالذات اذا يكون الايف ابديت مالته شغال يعني يتصل بالشركة لاجل التحديثات ...
عموما حتى لانخرج من الموضوع ونجعل الموضوع ياخذ منحنى تقني ... اي برنامج ممكن ان تعرفه انه مكرك حاول ان توقف الايف ابديت وخلي البرنامج يشتغل لوكال بدون اي اتصال بالخارج وبدون اي تحديثات فقط للضمان .. وارجع وان ااكد الي عنده المقدرة ممكن يشتري هاي البرامج بصورة قانونية ويخرج من دائرة القلق ..

تحياتي ليو الوردة ويارب تقابل بسرعة وينطوك موعد السفر بيوم المقابلة طبعا هاي مصايرة قبل بس انشاء الله رب العالمين يسهل امرك ....  تحياتي

أبو قمر

تسلم ابو قمر الغالي على موضوعك الرائع واني مسوية فولدر بمواضيعك اللي راح استفاد منها هواية من اوصل لامريكا الله يوفقك ويكافئك خير

ممكن تدزلي لينك الجزء الاول من ماذا لو لانه مدااشوفه يمي

وجنت اريد اسال سؤال بالنسبة لغراض الكمبيوتر شنو تنصحنا نجيب ويانا بالبداية يعني احنا عدنا هاردات هواية بيها شغلنا كله وسيديات هواية منكدر نستغنى عنها وهمين نريد ناخذ ويانا الماذر بورد لانه ماخذين فد شي كلش زين وقوي والرامات هل راح نشوف مشكلة بالمطار لو خليناها ويانا بالهاند باك خصوصا الهاردات ... والسيديات وباقي الاشياء تتوزع بالجنط لو تصيرلنا مشكلة اذا تعرف ياريت تنصحنا شنو نسوي بهذا الموضوع وشكرا على اجابتك مقدما اخي العزيز والله يوفقك انت والعائلة ويخليك النا ....

اختك ننوسة

اختي المحترمة شكرا لمرورك اولا ... وهذا رابط الجزء الاول ثانيا :
http://www.ankawa.com/forum/index.php/topic,561630.0.html
بالنسبة لسؤالك اختي العزيزة ... الهاردات والسيديات جدا عادي تتوزع على الجنط الكبيرة .. انا جلبت معي كمية لابئس بها من السيديات الشخصية وايضا الاكسترنل هارد درايف وما واجهت اي مشاكل لان هذه معلوماتك الخاصة وحابة تجلبيها معك ... بس وزعوها على الجنط الكبيرة وانشاء الله مراح تواجهون اي مشاكل ...
بالنسبة للمذر بورد اذا كان مستعمل ممكن يعتبر مقتنيات شخصية وايضا ممكن وضعه بالجنط الكبيرة بس اكو احتمال يتعرض للتلف بسبب النقل ... رائيي الخاص مهما كانت نوعية المذر بورد فهنا راح تجدين ماهو افضل منه جودة ومواصفات .. ممكن شوية اسعار قطع غيار الكمبيوتر اغلى شويه وطبعا ممكن تشتريها اون لاين وتكون مقاربة لاسعار وطننا العربي لكن الجودة راح تكون اعلى بكثييييير .. ولهذا رائيي الشخصي اي ديسك توب تملكوه ممكن تبيعوه وتحولوه الى فلوس ومن تجون هنا تشترون ما يناسبكم مجرد نزلوا المعلومات على اكسترنال هارد درايف .. طبعا الابتوب ممكن تجلبوها وياكم وكل شخص من حقه يصعد وياه لابتوب للطيارة ماعدى حقيبة اليد ...
ااتمنى ان يكون جوابي فادكم ويارب الموفقية والسفر القريب ...
أبو قمر

اخي ابو قمر جهد كبير قد بذلته في كتاباتك لكن صدقني الفائد التي نأخذها من كتابتك لا تقدر بثمن .... بارك الله فيك اخي وشكرا جزيلا لكل ما تقدمه من فائدة لاخوتك في العراق وفي المهجر .


اخوك ابو ميثم 

أبو ميثم المحترم وصديقي العزيز اني اسف عبرتك حتى اجاوب على الاسئلة بس بكل الاحوال مراح انسى ان ارد على حضرتك وعلى كلماتك الطيبة ... دائما اترقب مشاركاتك ولو بكلمة واحدة دومك سباق بالمشاركة والردود يارب ميحرمنا منك ومن اخلاقك وكلامك الطيب تحياتي لحضرتك ولعائلتك الكريمة ....

أبو قمر

مشكور اخي العزيز على جهودك الطيبه تجاه اخوانك واخواتك جعلها الله في ميزان حسناتك
اخي بالنسبه لبرامج الكومبيوتر انت تعرف انها محميه وفيها حقوق نشر والبرامج اللي رح نجيبها
ويانه كلها فيك يعني تعتبر مسروقه في نضر القانون الامريكي ممكن توضحلنه كيف يمكننا استعمالها بدون مسائلة
قانونية جزاك الله خير جزاء تحياتي

صديقي العزيز اتفق معك 100 بالمئة ان البرامج المكركة غير قانونية وحاليا انا كل ما استخدمه من برامج رجستر واصلية .. لكن اول ما توصل مراح تملك الامكانية للشراء ولهذا هذا الموضوع راح يكون موضوع وقتي الى ان تتعدل الامور وبعدها تشتري كلشي رجستر وقانوني الالتزام بالقانون شيء مهم وضروري رغم ان حاليا اغلب شعوب العالم تستخدم الكراك بروكرامس  ....
بشكل عام انظمة التشغيل ادا كانت مكركة او تحمل سريل نمبر فماكو اشكال فيها والافضل ان تقوم بايقاف التحديث التلقائي للنظام ولجميع البرامج المكركة ... فقط الانتباه الى عدم تحديث البرامج غير مضمونة الكراك ... وارجع وااوكد الي عنده الامكانية وممكن يشتري اكيد افضل واريح وماكو احسن من الالتزام بالقوانين ..
تحياتي يا طيب وشكرا لمرورك الكريم صديقي العزيز ..

أبو قمر

شكرا اخوي العزيز ابو قمر على هذا العطاء المتواصل لاخوتك في هذا المنتدى - لتوضيح كل مايخص حياتنا
في المستقبل اذا شاء الله ان تكون حياتنا المستقبلية في امريكا
اخي سؤالي لك وارجو منك الاجابة عليه لان هذا الشي اقلقني بصراحة ولم يجيبني علية غيرك
هو بخصوص الموضوع الذي انزله الاخ - هوم فرونت - بان السفر متوقف حاليا بولاية تكساس لل اي او ام
هل هذا الكلام صحيح او غبر صحيح

اختي العزيزة ...
انا جاوبت اخونا العزيز بموضوعه .. بصراحة احنا الاسبوع الي فات وصلت عائلة الى دالاس والعائلة على الاي او ام .. تحياتي وشكرا لمرورك الكريم ..

أبو قمر

عفوا صديقي الكريم ...احتمال الجواب كان اجتهادي من موظف عربي او عراقي بالمنظمة ...
المنظمة مالها علاقة ومالها علم بالي راح يجي اس اي في او اي او ام وهذا الكلام مو من فراغ من كلامي مع مدير احدة هذه المنظمات ... عموما الاسبوع الماضي وصلت عائلة الى دالاس على برنامج الاي او ام وهم من قراء منتدى عين كاوى ...
ولهذا الي اتوقعه ان جواب اجتهادي او يكون جواب مقتصر على المنظمة نفسها لان الي يتحكم بالسفر مو المنظمة مو هي الي تقرر الي يتحكم بالسفر هي الاي او ام بعد وصول الفيز .. المنظمة فقط تبلغ بالاعداد التي سوف تستلمها بشكل دوري كل اسبوعين ..

تحياتي ويارب السفر للجميع ..

أبو قمر

تقوى الله شكرا اختي العزيزة لكلماتك الطيبة ومرورك الكريم ...يارب يبارك بحضرتك ويسهل امرك ..

abo shams الغالي شكرا لمرورك يا طيب يا رب يسهل امرك ويبارك بحضرتك وعائلتك الكريمة ...

الريم 2000  اختي زينب شكرا لكلماتك الطيبة ومرورك الجميل يارب يسها امرك اينما تكوني ...

أم مهند اختنا الغالية الحمد لله اطمنا عنك يارب يسهل امرك اختي العزيزة وتحققين انت وعائلتك كل ما تحلمون بيه يا رب ...


تحياتي
أبو قمر

اختنا ام الهنا عنصر مهم وفعال في هذه العائلة الكريمة ... واختفائها واكيد معذورة لكنه اكيد خسارة للجميع ... يارب دتئما تكون متواصلة ويارب يسهل امرها ويقرب سفرها كما هي دائما سباقة بتسهيل امور كل من يحتاج لسؤال او معلومة ... بارك الله في اختنا الكريمة ام الهنا وفي اختنا الغالية صاحبة الموضوع لتفقدها لاهل بيتنا الكرام ....

أبو قمر

طبعا الشكر الجزيل لكل التعليقات والمشاركات .. وبصراحة هذا العدد جعل من المستحيل الرد على الجميع بالوقت الذي املكه ..
تحياتي لكل من كتب حرف او شارك بمشاركة او حتى اطلع على الموضوع ... يارب يسهل امر الجميع دائما وابدا ...

أبو قمر

عندي سؤال للاخوه الاعظاء والاخوات
ماذا لو ..... لم يكن ابو قمر موجودأ في منتدى عنكاوا؟؟


جزاك الله خير الجزاء يا اخونا الغالي ابوقمر

صديقي الغالي بما ان اكثر من مرة دا اخطء بالردود واعبر اسمك .. فاليوم كلت ارد على تعليقك الطيب بشكل منفرد .. سبق وان اعتذرت منك واعتذر منك مرى اخرى اذا نسيت في يوم من الايام الرد او التحية لتعليقكم الطيب ...
صديقي جواب سؤالك المنتدى مليء بالطيبين الي ساهموا ويساهمون ببث المعلومات الراقية الي تفيد الجميع وابو قمر اصغرهم وصدكني اذا لم يكن هنا ابو قمر فهناك الكثير ممن يعوض مكان ابو قمر لكن السؤال الصعب الاجابة عليه ...

ماذا لو لم يكن هناك منتدى عين كاوة للهجرة ؟

تحياتي يا طيب ويارب السلامة دائما ترافقك انت وعائلتك لغاية ماتوصل الى بر الامان .. شكرا مرة اخرى لكل كلمة كتبتها والي ادل على معدن الانسان الطيب الخلوق ...

أبو قمر 

ميمي2010  شكرا لدعواتك الطيبة ويارب ما يحرمنا من هالدعوات الطيبة ويارب يسهل امرك ويوفقك دائما وابدا اختي العزيزة ...

ورد الشام  اختي المحترمة شكرا لمرورك ودعواتك الطيبة ويارب الموفقية الك ولعائلتك الكريمة دائما وابدا ..

gustavo  صديقي الطيب شكرا لمداخلتك ومرورك .. اكيد طبعا اي معلومة تكسبها راح تساعدك في مواجهة اي صعوبة في المستقبل المعلومات في هذا المجتمع اغلى من الذهب .. تحياتي ويارب السفر القريب ...

star_2000  اختي الطيبة دائما سباقة بالردود والكلمات الطيبة الي متقل عن طيبة واخلاق شخصكم الكريم يارب موفقة دائما وابدا ..

مودي العراقي  صديقي الوردة الطيب المحترم ... دائما اتفائل بتواجدك وبكلماتك ودائما ادعيلك بالموفقية والسفر القريب .. انت انسان طيب ومحترم وتستاهل كل خير .. شكرا لكل كلمة كتبتها ...


تحياتي
أبو قمر

ولايهمك صديقي ...
على فكرة الماستر كثير ارخص من البكلوريوس ومبلغ 15000 مبلغ جدا قليل بالحاسابات الامريكية يعني دخل اقل من سنة للعامل البسيط .. واذا قسمنا المبلغ على 2 سنة .. راح يطلع 7500 بالسنة فاذا انت اعزب ومعندك عائلة ممكن تشتغل بارت تايم وادبرها ومتحتاج للفايننشيل ايد .. وايضا بالسنة الثانية من الماجستير ممكن تتعين مساعد مدرس بارت تايم بنفس القسم مالتك وهنا راح اطلع اجورك ومصاريفك ..

تحياتي
أبو قمر

السلام عليكم

بالتوفيق اخي العزيز

اريد اسال : شنو المطلوب من شخص عنده بكلوريوس ويريد يكمل ماجستير من يوصل انشالله يعني شنو الاوراق المطلوبه واللازم ناخذها ويانه لغرض التسجيل ؟؟؟؟



شكرا جزيلا




المهندس

صديقي المهندس المحترم الي تحتاجه حتى تكون مؤهل ان تاخذ الماجستير في جامعات حكومية محترمة التالي :
شهادة التخرج مع وثيقة الدرجات باللغة الانكليزية مصدقة من الخارجية تحتاج الى معادلتها بنضام الجي بي اي قد تقوم الجامعة بعمل ذلك الشيء او ترسلها الى مواقع المعادلة ...
اجتياز امتحان ال جي ار اي  للاختصاصات العلمية والجي مات للاختصاصات الانسانية وهناك درجة معينة للقبول ...
اجتياز امتحان التوفل
قيمة معينة لمعدل التخرج الخاص ميك بعد تحويله من النظام المئوية الى تظام ال GPA طبعا تختلف من جامعة الى اخرى بس دائما ما يطلب معدل من 2.5 وانت صاعد .. طبعا بعض الجامعات قد تساعدك بالتغاضي عن ال GPA اذا كانت درجتك بالجي ار اي عالية
هذه الاشياء الاساسية الي تحتاجها ... طبعا تكاليف الدراسة ممكن تدفعها نقد من جيبك او ممكن تقدم على فايننشيل ايد راح يساعدك بدفع نسبة جيدة من المصاريف اذا وافقوا عليك او ممكن تاخذ قرض دراسي من البنك .. الماجستير تكلفته تحتلف من جامعة الى اخرى حسب اذا كانت الجامعة حكومية واذا كنت انت مقيم بالولاية لمدة تتجاوز السنة راح يكون الك تخفيض جيد ..
طبعا اكو جامعات اهليه اون لاين الماجستير راح يكلف ضعف تكلفته بالجامعات الحكومية لاكن هذه الجامعات راح تتغاضه عن كثير من امور التقديم يعني بعضهم حتى ميطلب منك جي ار اي او GPA عالي بس طبعا سمعة هذه الجامعات مو مثل سمعة الجامعات الحكومية الرسمية او الغير حكومية الرسمية الي تكون الدراسة فيها بصورة مباشرة مو اون لاين ...

اتمني ان اكون ساعدتك باجابتي وممكن ادور بالارشيف راح تلكه تفاصيل رائعة ومحترمة لاعضاء مخضرمين بالمنتدى ...

أبو قمر

هلا هلا اخويه ابو قمر الورد كيف الحال انشالله تكون بالف خير

اشكرك جدا جدا ياطيب وانته السباق لكل عمل فيه فائده لأخوانك يا اصيل

اريد اطمع اكثر بمعلوماتك واسالك شكد تقريبا يكلف الماجستير بالنسبه (للجامعات العلميه والجامعات الانسانيه ) اعرف وحسب ما تفضلت حضرتك انها تختلف من جامعه لاخرى ولكن هل يمكن ان تعطيني مثال تقريبي ؟؟؟.... وبالنسبه للفايننشيل شكد المبلغ تقريبا ؟؟؟ او هل هو محدد بمبلغ معين ؟؟؟؟



ارجوا ان لا اكون قد اثقلت عليك

تقبل مروري اخي العزيز




المهندس

صديقي المحترم حياك الله ... ماكو ثقل انت تامرني أمر .. بس الارقام مراح تكون دقيقة كل جامعة والها اسعارها وكل اختصاص واله عدد مراد معينة ... يعني بعض الاختصاصات العلمية الماجستير قد تحتاج الى 14 مادة واكو اقل او اكثر ...
عموما راح انطيك مثال جامعة UTA هاي هنا في تكساس ماجستير علوم الحاسبات او الايتي قد يحتاج حوالي 15000 دولار وحسب المواد .. يعني ممكن تكول الماجستير في الجامعات الحكومية الي تكون ارخص يتراوح بين 13000 الى 20000 .. نجي للفايننشيل ايد طبعا راح تعتمد على وقت التقديم وعدد الي مقدمين وهل انت ابرووف ام لا .. لان بصراحة الفايننشيا ايد حيل صعد ويا جماعة الماجستير لكن فالنفرض انهم وافقوا فما اتصور ان يدفعولك اكثر من 40 بالمية ... طبعا ااكد مرة ثانية الموضوع يختلف من ولاية الى اخرى وايضا من مدينة الى اخرى ...
تحياتي
أبو قمر

صديقي العزيز ..
الموضوع لا يقدم ولا يئخر ... اذا دفعت انت او هم دفعوا ماكو اي تعجيل بالسفر بس بشكل عام انت ويا الاي او ام راح تسافر ويا مجموعة فراح يكون حجزكم موحد فالمنظمة مراح تنتظر تجيك الاسعار وادزلك السعر وانت ادزلهم الفلوس مراح يمشي الحال وايضا مراح يمشي الحال ان تحجز وحدك واتسافر لان انت فيزة اي او ام وتحتاج الى دعم اثناء السفر وفي الاستقبال والدخول لامريكا ولهذا هما حتى يحلون هذا الاشكال يدفعون من المبلغ ومن توصل انت ادفعه اقساط او ادفعه كامل مفرقت وياهم ومثل مذكرت لحضرتك هو مبيه اي نوع من انواع الفائدة  .. بعدين هو قرض بدون فائدة من توصل ادفعه كامل ماكو اي اشكال بس طبعا بعد متخلص برامج مساعداتك ..
يارب الموفقية الك والسفر القريب ...

أبو قمر

 طبعا اليوم حبيت ان اكمل لكم سلسلة ماذا لو  الي ابتديناها بالموضوع السابق ولاقت استحسان واقبال رائع من قبل الكثير من  الاعضاء واليوم محضرلكم كم سؤال واجابته اتمنى  ان يفيدكم وانتم في المهجر او انت مقبلين على المهجر ..
ماذا لو اتصلوا بيه على موعد سفر وليس لدي الوقت الكافي للتجهيز للسفر ماهو اهم ما يمكن اخذه معي  ؟؟؟
يمكن هذا السؤال طرح في المنتدى كثيرا وتمت الاجابة عليه بشكل تفصيلي ولكن هنا ساحاول ان اجب عليه باختصار الاشياء الضرورية لاخذها معك مرتبه حسب الاهمية كالتالي :
1-   ادوية انتيبايوتك  ادوية التهابات من كبسول التهابات حبوب فلو اوت  شراب التهابات للاطفال هذه الادوية لاتصرف في امريكا الى بوصفة طبيب مع التأكد من وجود النشرة الطبية مع كل دواء والتاكد من ان انتهاء الصلاحية يكون بعد مدى طويلة سنتين او اكثر حتى يبقى معك اكبر وقت ممكن اذا لم تحتاجه في وقتها ... ايضا بالامكان جلب بعض ادوية المسكنات للاسنان وخافض حرارة والحبوب الخاصة بالاسهال والمغص وقطرات المطهرة للعين هذا النوع من الادوية متوفر بالصيدليات في امريكا يمكن شرائه بدون وصفة لكن الافضل ان يكون تحت يدك للفترة الاولى في حالة حدوث اي طارء .. ايضا جلب الادوية الخاصة بالامراض المزمنه جلب كمية لا تقل عن 3 اشهر فقط في حالة تاخر الحصول على المدكيت او موعد زيارة الطبيب .. ايضا نتاكد ان نجلب دفتر اللقاحات الخاص بالاطفال .
2-   برامج الكمبيوتر من نظم تشغيل وبرامج النظام والي هنا في امريكا يجب شراء نسخ اصلية منها والي تكون اكيد غالية خاصة على الاجء بالفترة الاولى من وصوله
3-   بالنسبة للملابس اسعار الملابس بشكل عام مقارب مع ان الجودة هنا افضل اذن ماكو داعي نشتري مناك نجيب الي عدنا واذا ردنا نشتري نشتري منا افضل لكن هناك انواع من الملابس تكون متوفرة في بلداننا باسعار ارخص وانسب  وهي تكون كالتالي :
1-   الحجاب للمرأة المحجبة جلب كمية جيدة من الحجابات لاحتمال عدم توفر هذا النوع من الملابس في بعض المدن الامريكية اذا عند توفرها تكون اسعارها اغلى نسبيا من اسعارها في بلداننا
2-   الملابس الثخينة من جاكيتات  وقماصل بالذات اذا كنت متجه لولايات الشمال اسعار هكذا انواع من الملابس اغلى هنا مما هي عليه في بلداننا
3-   الملابس الداخلية والجواريب والاحذية الجلدية
باقي انواع الملابس متوفرة هنا وباسعار مقاربة وبجودة اعلى ...
هنا ذكرنا الامور المهمة الي تحتاجها طبعا من الامور البديهيه انك تتأكد من انك جايب وياك شهادات التخرج باللغة الانكليزية مصدقة من الخارجية شهادات الخبرة الي تملكها ان وجدت , المتعلقات الدينية من قرأن او انجيل عربي او سرياني  او سجادات صلاة هذه الامور قد يكون صعد ايجادها في بعض المدن الامريكية ....
طيب ماهي الاشياء الغير ضرورية وماكو داعي نجيبها ويانا لانها متوفرة وبنفس الاسعار وافضل جودة
الماكولات بكافة انواعها وجودها في الحقائب مضر جدا وهي متوفرة هنا , مساحيق الغسيل والشامبوات  متوفرة هنا وباسعار ارخص من وطننا العربي , مواعين الطبخ من جداري وطاوات للاسف كثير من العوائل يجيبها وياه والحقيقة انها متوفره هنا بانواع جيدة وباسعار مناسبة جدا ممكن تزور محلات روز او الولمرت وراح تلكاها بجودة جيدة وباسعار مناسبة , ملابس اضافية واغطية وجاراجف  والي ايضا متوفره هنا صحيح شوية اغلى لكن جودتها اعلى بكثير طبعا من الممكن جلب بعض اغطية المنام وتبديلها بالاغطية الموضوعة في المنزل الجديد من باب التاكد من النظافة  , العطور بكافة انواعها  طبعا اولا هي ممنوع حملها بحقائب اليد وغير محبب وضعها بالحقائب الكبيرة رغم ان الكثير من العراقيين جلبها بالحقائب الكبيرة بدون اي مشاكل مع هذا العطور هنا اسعارها مناسبة وبماركات اصلية ومحترمة وتعتمد على المحلات افضل محلات تبيع العطول باسعار مناسبة هي روز ومارشال  ..

ماذا لو استوقفني شرطي  واصدر لي مخالفة سير ؟؟؟
هنا راح احاول ان اوضح انواع مخالفات السير وكيفية علاجها .. للاسف الكثير من العرب والعراقيين يتصور ان اذا استلم مخالفة سير وراح دفعها انتهى الموضوع وينسى ان المخالفة بعد دفعها راح تروح للدرايفر ريكورد مالته وتخصم منه نقاط بحسب نوع المخالفة وتبقى بالهستري مالته كسائق اذا لم يعالج الموضوع بصورة صحيحة  ..
بشكل عام مخالفات السير ممكن تقسم الى نوعين موفينك فايوليشن وهي المخالفات الي يصدرها الك الشرطي بشكل مباشر والي هي كثيرة منها , زيادة السرعة عن الحدد المقرر بمقدار يتجاوز ال 4 مايل  بالخط السريع او الشوارع العادية او السكول زون  مناطق المدارس والي تكون بيها المخالفة اكبر بكثير من الشوارع العادية , عدم ربط حزام الامان , عدم جلوس الطفل على الكار سيت او الكرسي الخاص بالاطفال او عدم ربط الاحزمة الخاصة بالكرسي , عدم  التوقف الكامل  في اشارة الستوب ساين , عدم فتح الاشارة الضوئية قبل تغيير الاين او الاستدارة , التوقف في المناطق الغير مسموح الوقوف فيها وغيرها الكثير من المخالفات هذا النوع من المخالفات راح يكون متعلق بدائرة السير والمدينة الي حصلت المخالفة فيها طبعا اسعار المخالفات تختلف من مدينة الى اخرى لكل مدينة الها جدولها الخاص المختلف عن غيرها ..
عند حصولك للمخالفة فهناك فترة 14 يوم او 21  او شهر حسب قانون المدينة  فترة زمنية للمراجعة وحل موضوع المخالفة طبعا المراجعة يكون في محكمة المدينة وراح يكون موجود عنوانها ورقم تلفونها على المخالفة ممكن ان تتصل وتعرف مقدار المخالفة لان الشرطي مينطيك المبلغ الا لبعض المخالفات الخاصة .. السؤال ماهي افضل الخيارات لحل المشكلة بدون ان تسجل بالدرايفر ريبورت  وهنا راح اذكرها بصورة مرتبه من الافضل والانسب الى الاقل :
1-   الذهاب الى المحكمة وطلب عمل Defensive Driving Cours  وهو درس ممكن اخذه عن طريق الانترنت او عن طريق الذهاب الى الشركة الي تقدم هذه الدروس التكلفة مراح تتجاوز 25 او 30 دولار وهناك الكثير من الشركات الي تقدم هذه الدروس هذا الدرس عيارة عن 7 او 8 ساعات بعدها اتجاوب على اسئلة من ضمن الدرس وتاخذ شهادة سرتفكيت هذه الشهادة ترجها للمحكمة والمحكمة راح تخصم ما يقارب ال50 بالمية من قيمة المخالفة والمخالفة سوف لن تذهب الى الدرايفر ريكورد او الي بالعربي انسمية ملفك كسائق اضافة انك راح تستلم نسخة ثانية من الشهادة  ممكن تقدمها لشركة الاشورنو والي راح تخفضلك شوية من قيمة الاشورنز مالتك طبعا مو كل الشركات تنطي هذا النوع من الخصم , هنا اريد ان تحط ابالك انك ممكن تستخدم هذه الطريقة مرة واحدة بالسنة فقط  يعني لازم يكون بين كورس  وكورس مدة لاتقل عن سنة  .
2-   الذهاب للمحكمة وطلب عمل بروبيشن والي معناه انك انك تدفع المخالفة كاملة والمحكمة تنطيك فترة 3 اشهر فترة بروبيشن يعني ينطوك 3 اشهر على ان لاتاخذ اي نوع من انواع مخالفات السير ضمن المدينة الي حصلت فيها مخالفتك الاولى .. هنا بعد نهاية الثلاث اشهر وعدم حصولك على مخالفة سوف تمسح المخالفة ولن تذهب الى الدرايفر ريكورد الخاص فيك
3-   الذهاب الى محامي خاص بالترافيك تيكت ممكن تبحث على الانترنت عن محامي قريب عليك .. هنا المحامي راح ياخذ منك من 30 الى 50 دولار حسب المحامي والاسعار في المدينة او الولاية , المحامي راح يذهب للمحكمة عنك ويحاول ان يقدم اسباب مقنعة  امام القاضي قد تؤدي الى الغاء المخالفة بالذات في حالة عدم حضور الشرطي للمحكمة اما اذا حضر الشرطي للمحكمة  فاكثر ما يكدر يعمله المحامي ان يطلب ان ياخذلك بروبيشن الي ذكرناه بالنقطة الثانية وهنا راح تدفع التكت كاملة اضافة لاتعاب المحامي لكن يبقى عندك فرصة ان لايحضر الشرطي يوم الجلسة وبهذه الحالة القاشي يحكم بالغاء المخالفة , طبعا المحامي راح ينطيك وقت اكثر للاجراءات قد يصل الى 3 شهور
طبعا انت ممكن اذا كنت شايف ان اخذت المخالفة بطريقة تعسفية او الشرطي لم يكن موفق باعطائك المخالفة وكانت لغتك الانكليزية جيدة ممكن تطلب جلسة محكمة حتى تشوف القاضي وتشرحله الامر اذا لغتك زينة متحتاج محامي ابدا لكن يبقى اذا حضر الشرطي فانت بكل الاحوال راح تكون كيلتي وراح تدفع المخالفة وممكن تطلب تقسيطها ..
هنا لايفوتني ان اذكر ان مخالفات السرعة فوق 20 مايل عن الحد المقرر في بعض الولايات قد تعرضك الى الاعتقال والمحاكمة وقد تحتاج الى ان تاخذ محاضرات خاصة في الاصلاحيات ولهذا دائما حاول ان تلتزم بالقوانين حتى دائما تكون في السليم .
النوع الاخر من المخالفات هو مخالفات الترافك لايت والوقوف في الباركات دون دفع الرسوم هذا النوع من المخالفات يتعلق في المدينة وماله اي علاقة بداشرة السير .. راح تجيك المخالفة بالبريد بيها صورة سيارتك وشلون ضربت الاشارة وبيها الموقع الالكتروني الي ممكن تدخل واتشوف الفديو الي مصوريك لمن ضربت الاشارة , طبعا هنا مبيها مجال عندك فترة 21 يوم اكثر او اقل حسب المدينة للدفع ممكن تدفعها اون لاين او ترسللهم مني اوردر , في حالة عدم دفعك لهذا النوع من التكت فالمدينة راح تحولك الى كولكشن كومبني وراح يزيد الغرامة عليك هاي الكولكشن كومبني راح ترسل ريبورت للكردت ريبورت مالتك انك عندك فاتورة مدافعها وراح تئثر على تاريخك المالي في امريكا اذن هذا النوع من انواع الغرامات يعامل كمعاملة فواتير اليوتلتي مثل المي والكهرباء ..

ماذا لو فعل ابنك او ابنتك خطأ معين وحاولت عقابه ؟؟؟
طبعا هذا الموضوع جدا مهم وطرح كثيرا في المنتدى واختلفت الأراء فيه .. لكن شئنا او ابينا فيجب علينا استخدام اسلوب تربية حديث لتربية اطفالنا ... اسلوب الضرب و الاهانة هو اسلوب خاطء في كل مكان بالذات في امريكا لانه سوف يضعك بمواجهة القانون ... طيب هسه كلكم تكولون شلون لعد تعاقب ابنك او تربيه ..
انا استخدم اسلوب ناجح ومجرب جدا .. طبعا اكيد لازم تزرع الثقة والمحبة بينك وبين ابنك او بنتك وتكون العلاقة علاقة احترام .. في حالة حدوث خطا من الطفل او شي يجب ان تحكي ويا الطفل وتفهمه شنو الغلط الي سواه وليش هذا غلط لان الطفل دائما ميعرف شنو غلط وشنو صح بعدها لابد من استخدام اسلوب العقاب والثواب وهو الاسلوب الاهم في التربية فاذا ردت تعاقبه  ممكن ان تحرمه من شي يحبه يعني اذا كان عنده لعبة يحبها ممكن تاخذها منه لفترة معينة عقوبة اله ممكن اذا هو متعود ان يروح للمكتبه وياك او للسينما ممكن تحرمه من هذا الشيء لمرة ممكن اذا هو متعود يشوف افلام كارتون معين ممكن تحرمة من هذا الشيء والى اخره حرمانه من شي يحبه راح يئثر فيه اكثر من الضرب مع التاكيد من انك انت ووالدته زعلانين منه ولاتنسى ان الموضوع يجب ان ينتهي باعتذار وندم منه ولازم تقبل اعتذاره وتفتح وياه صفحة جديدة ... مسئلة الثواب ايضا مسئلة مهمة جدا يعني من يسوي شي جيد ممكن تكافئه بلعبة بثوب بسيدي افلام كارتون شوف شنو هو الشي الي يحبه .. وهذا الشي ايضا ممكن تستخدمه ليتعلم تعاليم دينك يعني تحفضه سورة معينة واتكله اذا حفضتها راخ اجيبلك شيء معين هو يحبه  وهكذا ..
الاهم من هذا كله ان يجب ان تكون انت ووالدته متفقين باسلوب التربية ومتفقين على النمط والا فراح تضيعون الطفل من اديكم وهذا الشي شفته بعدد كبير من العوائل العراقية الاب يستخدم اسلوب والام تستخدم اسلوب مختلف كليا والاب يكله معليك بامك والام تكله معليك بابوك والطفل صاير كونفيوزنك بيناتهم ميعرف تبع منو وشلون يتصرف وبعض فترة الطفل راح يبدي يستغل هذا الشيء للحصول على ما يرغب فيه لان الشي الي راح يعارض بيه والده راح يروح لامه ويحصله وبالعكس ... اذن التربية ليست سهلة ابدا لكن يجب ان ننسى اسلوب القوة والعنف المتوارث لدى عوائل كثيرة للاسف ونحاول ان نضغ مكانه اسلوب الاحترام  والثواب والعقاب ...
طبعا عدنا كثير من ماذا لو بس الموضوع صار طويل , انشاء الله نكمل في الموضوع القادم , ياريت الي عنده اسئلة يكتبها حتى نجاوب عليها بصورة مفصلة بالموضوع القادم ختاما جعواتي للجميع بالتوفيق والي ينتظر السفر يسافر باقرب وقت انشاء الله ولي مسافر يستقر ويبني مستقبله بأذن الله ..
تحياتي
أبو قمر

السلام عليكم

بالتوفيق اخي العزيز

اريد اسال : شنو المطلوب من شخص عنده بكلوريوس ويريد يكمل ماجستير من يوصل انشالله يعني شنو الاوراق المطلوبه واللازم ناخذها ويانه لغرض التسجيل ؟؟؟؟



شكرا جزيلا




المهندس

صديقي المهندس المحترم الي تحتاجه حتى تكون مؤهل ان تاخذ الماجستير في جامعات حكومية محترمة التالي :
شهادة التخرج مع وثيقة الدرجات باللغة الانكليزية مصدقة من الخارجية تحتاج الى معادلتها بنضام الجي بي اي قد تقوم الجامعة بعمل ذلك الشيء او ترسلها الى مواقع المعادلة ...
اجتياز امتحان ال جي ار اي  للاختصاصات العلمية والجي مات للاختصاصات الانسانية وهناك درجة معينة للقبول ...
اجتياز امتحان التوفل
قيمة معينة لمعدل التخرج الخاص ميك بعد تحويله من النظام المئوية الى تظام ال GPA طبعا تختلف من جامعة الى اخرى بس دائما ما يطلب معدل من 2.5 وانت صاعد .. طبعا بعض الجامعات قد تساعدك بالتغاضي عن ال GPA اذا كانت درجتك بالجي ار اي عالية
هذه الاشياء الاساسية الي تحتاجها ... طبعا تكاليف الدراسة ممكن تدفعها نقد من جيبك او ممكن تقدم على فايننشيل ايد راح يساعدك بدفع نسبة جيدة من المصاريف اذا وافقوا عليك او ممكن تاخذ قرض دراسي من البنك .. الماجستير تكلفته تحتلف من جامعة الى اخرى حسب اذا كانت الجامعة حكومية واذا كنت انت مقيم بالولاية لمدة تتجاوز السنة راح يكون الك تخفيض جيد ..
طبعا اكو جامعات اهليه اون لاين الماجستير راح يكلف ضعف تكلفته بالجامعات الحكومية لاكن هذه الجامعات راح تتغاضه عن كثير من امور التقديم يعني بعضهم حتى ميطلب منك جي ار اي او GPA عالي بس طبعا سمعة هذه الجامعات مو مثل سمعة الجامعات الحكومية الرسمية او الغير حكومية الرسمية الي تكون الدراسة فيها بصورة مباشرة مو اون لاين ...

اتمني ان اكون ساعدتك باجابتي وممكن ادور بالارشيف راح تلكه تفاصيل رائعة ومحترمة لاعضاء مخضرمين بالمنتدى ...

أبو قمر

صديقي العزيز ..
الكاش الي دتاخذه مساعده فدرالية لو مساعدة من الولاية ؟؟؟
طبعا كل ولاية الها  قوانينها الي اعرفه ان المساعدات الفدرالية مالها علاقة لانك تدرس او لا في بعض الولايات يعني في كاليفورنيا مثلا اكو ناس تدرس ولا تزال تاخذ الولفر ...
وهنا اوضحلك ان كل ولاية الها قوانينها الخاصة ... بالحل ببساطة تتصل بدائرة المساعدات او الكيس ووركر الخاص بملفك وتكله ان انت مفكر تدرس حتى تكون عندك فرصة اكبر في ايجاد العمل وسؤالك هل الكاش سوف يستمر في حالة الدراسة وطبعا هو جوابه او جواب الدائرة راح يكون واضح ودقيق ...
تحياتي وانشاء الله موفق بالدراسة وبالحياة يارب ..

أبو قمر

صديقي كلام اخوية فالكون صحيح ماكو اي ربط بين الموضوعي فيزة الزوج او الزوجة او الكرين كارت للزوج او الزوجة ماله علاقة مقدم لجوء او لا ..

هناك طريقتين الاولى يصجرولك فيزة وتسافر وتوصل لامريكا تمشي بمعاملة الكرين كارت ... او تمشي بمعاملة الكرين كارت من السفارة بالبلد الي انت بيه وكلها على بعضها مطول اكثر من 6 اشهر ..

تحياتي
أبو قمر

السلام عليكم شباب عنكاوة

البارحة جنت دا احجي وية الكفيل مالتي والي هو مقيم بفرجينيا دا اسال على احوال العراقيين الواصلين بالجديد وعن الاعمال المتوفرة اول ما يوصل اللاجيء والوضع بصورة عامة وكانت الاجابة كالاتي :
اول ما يوصل اللاجيء يمر بمرحلة الصدمة لمدة شهرين 3 كل حسب منطلق تفكيره وتبدأ الاحلام الوردية والافكار الي كان متصورهة عن امريكا تتلاشى وخلال هاي الفترة يلتهي بالمعاملات والسوشيال والفود ستامب ومن هالسوالف وبعد ما ايحصل على السوشيال يبدي ايفكر ايدور على عمل وهسة بالوقت الحالي الاعمال المتوفرة للاجيء الجديد ولغته مو كلش زينة شغلتين او 3 اما بالمطعم او كاشير او بيبي ستر وهاي تقريبا الراتب مالتهة 7$ بالساعة اما بالنسبة للول مارت حسب ما افتهمت الراتب مو فد شي وما بيه تامين صحي بس مو كلش متاكدة بهالخصوص ياريت الي متاكد ينورنا زين الايجارات هناك شقة 3 غرف نوم وهول ومطبخ وحمام ايجارهة 1675$ ماعدا الماء والكهرباء زين هاي شلون راح تدبر في حالة خلصت المساعدات وانت داتشتغل براتب قليل والله حيرة يعني احنا جنا كلش مصرين على السفر بس هذا الكلام مقلق ويخلي الواحد ايعيد التفكير بيه مرة واثنين وتلاثة بس بنفس الوقت هاي فرصة ما متاحة لاي واحد واني اكول هية شدتهة اول سنة وبعدين اكيد تفرج ماطول عدنا العزيمة على تغيير نمط حياتنا بس الحظ او الظروف هاي مانكدر نتحكم بيهة احنا .
والكفيل ايكلي الحياة بامريكا كلش غالية وصعبة .
حبيت اشاركم بهذا الموضوع حتى اسمع ارائكم ونتناقش ما هي سبل تخطي المرحلة الاولى باقل الخسائر النفسية والمادية من حياة اللاجيء  لان بصراحة رغم كل هاي الظروف واحنا مصرين على السفر وياريت نسمع اراء الاعضاء المتواجدين في امريكا حاليا ويحجولنا عن الي عانوا منه واشلون اتخطوا هاي المرحلة الصعبة واستقروا .



اختكم
الملاك الحائر

اختي ملاك تحياتي واحترامي ...
الي اتصورة كفيلتك من النوع الي يسمع ويسولف لان اكثر من تفاصيل دكرتها بيها مبالغة وقسم منها غير صحيح وهنا راح اناقش الكلام واوضحلك الصورة ..

نجي للفقرة الاولى :

وهسة بالوقت الحالي الاعمال المتوفرة للاجيء الجديد ولغته مو كلش زينة شغلتين او 3 اما بالمطعم او كاشير او بيبي ستر وهاي تقريبا الراتب مالتهة 7$ بالساعة

ماكو عمل محدد في امريكا ولا يمكن تحديد الاعمال بنوعها امريكا بها تنوع كبير في الاعمال البسيطة راح تعتمد على المدينة الي راح تسكنيها ولهذا حصر الموضوع بثلاث وظائف هذا ليس نضرة عامة لكنها نضرة خاصة او حاله خاصة بالكفيل نفسه يعني احتمال هي ملكت غير ذني الاعمال لكن مو معناتها امريكا مبيها غير ذني الاعمال .. راح اضيف مجموعة اعمال اخرى موجودة ايضا وهي نموذج فقط
عامل في سوبر ماركت ضخم او بسيط , عامل في فندق او هاوس كيبينك , عامل في شركة اوبريتر والشركات تختلف قد تكون انتاج اجهزة الكترونية او كهربائية او انتاج اغذية , موظف في المكتبة العامة موظف في منظمة انسانية , سائق في منظمة او في شركة , موظف في محل باشكاله المختلفة , مدرس مساعد اذا كانت لغتك جيدة او مترجم في منظمة والكثير الكثير من انواع العمل تختلف من مدينة الى اخرى ...
بالنسبة للراتب فاكو حد معين للسعر في كل ولاية لايمكن ان تتجاوزه .. وللاسف ايضا كلامها غير دقيق لان اقل سعر للساعة في ولاية فيرجينيا الي تسمح بيه الولاية 7.25 والي ميسمح لاي شركة او تنزل تحته الا اذا كنت تعمل ويا عرب او بالكاش ودائما ما تعطي الشركات 50 سنت اعلى من المينمم ويج الي هو اقل سعر للساعة حتى تحصل خصومات ضريبية اكثر من الدولة .. وهذا الموقع الرسمي الي بيه اقل سعر للساعة في كل الولايات ..

http://www.dol.gov/whd/state/tipped.htm

الفقرة الثانية الغير صحيحية :
اما بالنسبة للول مارت حسب ما افتهمت الراتب مو فد شي وما بيه تامين صحي
انا زوجتي في تعمل في الولمرت الراتب يبدي حسب الليفل وحسب الولاية يعني في تكساس اقل شي يبدي بيه 8.15 بالساعة وكل سنة 50 سنت زيادة ... التامين الصحي موجود لكن تدفع جزء من الراتب بالشهر واكيد ارخص بكثير من ما تشتريه من بره العمل .. يعني مثلا تامين الاسنان الي هو منفصل عن التامين العام زوجتي تدفع عليه 9 دولارات كل اسبوعين يعني 18 دولار بالشهر وهذا شي رائع جدا لان سعر التامين خارج العمل لايقل عن 250 دولار بالشهر .. اذن الولمرت بيه تامين صحي وبيه اجايز سنوية لكن اكو كثير شركات افضل منه كثير بالبنفت ...

الفقرة الاخرى :

 شقة 3 غرف نوم وهول ومطبخ وحمام ايجارهة 1675$ ماعدا الماء والكهرباء 

طبعا صديقتك جابتلك اغلى شي يعني اغلى سعر ممكن تلكيه ... انا عندي اصدقاء في فرجينيا مئجرين غرفتين وصاله ب 720 دولار وبمنطقة جدا محترمة ...وذكرولي ممكن تحصل ب 650 دولار بس المنطقة نص ونص ... الاسعار الي جابها من المناطق الخيالية الي مضظر ة ان تسكنين بيها .. وعلى العموم الايجارات هنا في تكساس مثلا ممكن تحصلين غرفتين وصالة ب 600 دولار في مناطق جيدة ...

ولهذا اختي نصيحة هسه وللمستقبل لمن توصلين دائما اطلب النصيحة من اصحاب الاختصاص اولا او الناس الناجحين او الناس الي متفاعلين بالمجتمع ويعرفون خفاياه .. تحياتي ويارب الموفقية دائما ..

أبو قمر

اختي شموسه 123  شكرا لمرورك الطيب دائما من اوائل الردود والتعليقات يارب يبارك بحضرتك ويسهل امرك ...

amman76  صديقي المهندس المحترم شرا لدعواتك ياطيب دائما محترم برودك واخلاقك ... تقبل تحياتي صديقي العزيز ..

تقوى الله اختنا الطيبة المحترمة .. دائما ما تعطرين مواضيعي بمرورك الطيب يارب يحفظ ويبارك بذريتك يارب ...

sahar38 شكرا لكل كلمة طيبة والي تدل ان خلفها انسان محترم وطيب ... عودتنا دائما على المشاركات والردود الجميلة يارب يسهل امرك ويوفقك ..

**Sally**   الوردة شرا لمرورك الطيب وكلماتك الجميلة يارب الموفقية الك دائما وابدا ...

ZIAD-ABO ALHASAN  صديقي الطيب المحترم انشاء الله تكون بخير وانشاء الله خف الثلج شوية يمكم .. تحياتي الك ياطيب وشكرا لكل كلمة كتبتها دائما محترم باخلاقك وردودك يارب يبارك بحضرتك وعائلتك الكريمة ...


تحياتي
أبو قمر


 

ابو قمر ما أكول غير الله يحفظك النه بحق محمد وال محمد

اخوك ضرار

اخي ضرار المحترم شكرا لدعواتك الطيبة يا طيب ... ويارب يوفقك ويسهل امرك ...

تحياتي
أبو قمر

اني سبق وكلت ما نعرف اشلون انجازيك  يا اصيل
بس اكيد احسن شي ندعي لك الله يوفقك ويبارك فيك وبعائلتك ويفتحه عليك ويجعلك من عباده الفائزين بالدنيا والاخرة يا الله اجمعين.

صديقي احنا اهل واخوة ... وصدكني من راح توصل راح تفيد اخوتك اكثر من ابو قمر بهواية ... كل انسان اله رسالة بحياته لازم يئديها والانسان الي بليه رساله مراح تكون لحياته قيمة ... واهم رسالة لاي انسان هي مساعدة ابناء جلدته .. ومثل ما اني دا اكتب هسه فيا ما قريت بهذا المكان سابقا ....
تحياتي يا طيب على اخلاقك وكلماتك المحترمة ... والكلمات دائما تدل على صاحبها ويارب موفق ونسمع اخبار حلوة منك باقرب وقت ..

تحياتي
أبو قمر

ممنون منك ابو قمر الورده واشكرك على هذا التغير
اخوك ابن الحله

أبن ولايتي الطيب .. شكرا لمرورك يا طيب ... ويارب نسمع اخبار حلوة منك عن قريب وانشاء الله تكون دائما بخير وعافية انت واهلك الطيبين .. تحياتي
أبو قمر

مبدع مبدع مبدع وراح تبقى أن شاء الله ربي يجزيك على كل حرف كتبته الف خير  وأنا اتأمل كل الخير من ألي كتبته وربي يجازيك عن هل الخبر الحلو  أحسن جزآئه ويارب تبقى دوم قمر المنتدى

شكرا يا طيب على كل كلمة طيبة كتبتها ويارب نسمع اخبار حلوة عن سفرك ووصولك الى بر الامان .. شكرا مرة اخرى يا طيب ويارب يبارك بيك ..

أبو قمر

عراقي أصيل


ما كول أكثر

صديقي الغالي انت الأأصل .. شكرا لمرورك الطيب ولكلمتك الجميله ويارب موفق دائما ...

تحياتي
أبو قمر

عاشت ايدك ابو قمر الورد ...

معلومات مفيده جدا للله يبارك فيك  ويجعله الله في ميزان حسناتك

ابو شمس الورد تسلم لمرورك يا طيب وشكرا لدعواتك الطيبة يارب يبارك بيك ويسهل امرك ...

أبو قمر

صديقي الغالي ابو قمر الورد مشتاقيين المواظيعك يارب الله ينطيك علة كد نيتك امييين ويخلي العائله الكريمه


اخوكم عماربغدادي

عمار الوردة شكرا لمشاركتك ودعواتك الطيبة ويارب التوفيق دائما رفيقك ... تحياتي

أبو قمر

صدك نسيت ان اذكرلك ان بالنسبة للسكري .. منا لافل من سنتين راح ينزل علاج جديد بعد متصادق عليه الجهات المعنية في امريكا ... راح يغني بنتك عن استخدام الابر ... هو عبارة عن خلاية جذعيه تقوم بعمل البنكرياس تحقن تحت الجلد وميحتاج بعدها المريض بالسكري من النوع الاول الي متوقف عنده البنكرياس بشكل كامل الى اي حقن بالانسلوين لان هذه الخلاية راح تعمل عمل البنكرياس .. العلاج حاليا تحت التجربة واثبت نجاحه فقط يردون يتاكدون اذا كان اله اعرض جانبيه .. فانشاء الله باقل من سنتين راح ينزل العلاج بالاسواق ..

تحياتي
أبو قمر

الف الف مبروك لبنتنا الغالية ومو غريبة النجاح لابنة تملك والدة بطيبتك واخلاقك واحترامك ... وهذه هديه من الله سبحانه وتعالى لصبرك على الابتلاء ...
الف مبروك لبنتنا الغالية ويارب تشوفيها باعلى المراتب ولتخافين اذا وصلت هنا وكانت متميزة راح تحصل سكولر شيب محترم من جامعات محترمة بس بعد متاخذ درجتها هاي يمنا راح تلكين ان مستقبلها راح يكون افضل وافضل ..

تحياتي والف مبروك مرة اخرى ..

أبو قمر

الله ايبشرك بالخير وتسلم على المعلومات القيمة التي تنير درب المسافرين بدل من ان يذهب وهو مغمظ يارب كل الموفقية والرزق لك ولعائلتك الكريمة

طبعا اولا اعتذر منك ومن الجميع بسبب الاخطار الاملائية كون الكيبورت انكليزي والنظام ماك فبعض الاحرف بغير مكانها المعتاد ؟؟

صديقي كاتلوني المحترم شكرا لمرورك يا طيب ودائما من اول المشاركات .. يارب يوفقك ويسهل امرك ويارب يقترب برشلونه من الصدارة اكثر ...


تحياتي يا طيب
أبو قمر

الاستاذ والصديق ابو الاقمار
شكرا لشخصكم الكريم على مواضيعك الحلوة
وجميع اعضاء المنتدى يكنون لك كل الاحترام والتقدير
بس اعتقد نوبات ايصير سوء الفهم من اي طرف فهذا اكيد
غير مقصود لانننا والكل يعلم الكتابة مو مثل الكلامة مباشرة
يعني قصدي الكلام فيس تو فيس يختلف على الكتابة مما
يجرنا احيانا لسوء فهم غير مقصود..تقبل ملاحظة اخوك..وتقبل مروري مع الاحترام

[/pre]

السلام عليكم
الحمدلله رب العالمين، والصلاة والسلام على أشرف المرسلين سيدنا محمد وعلى آله وصحبه أجمعين، أما بعد

اتفق معك تماما وبارك الله فيك لمشاركتك وتوضيح بطريقة رائعة فالواحد منا يقول كلمة بنية ولايلقي لها بالا قد ترفعه في الجنة درجات.
اخوكم

صديقي الطيب المحترم .. شرفت الموضوع بمرورك وتعليقك الجميل .. يارب موفق دائما وابدا ...

ابو قمر

الاستاذ والصديق ابو الاقمار
شكرا لشخصكم الكريم على مواضيعك الحلوة
وجميع اعضاء المنتدى يكنون لك كل الاحترام والتقدير
بس اعتقد نوبات ايصير سوء الفهم من اي طرف فهذا اكيد
غير مقصود لانننا والكل يعلم الكتابة مو مثل الكلامة مباشرة
يعني قصدي الكلام فيس تو فيس يختلف على الكتابة مما
يجرنا احيانا لسوء فهم غير مقصود..تقبل ملاحظة اخوك..وتقبل مروري مع الاحترام

[/pre]

مودي الورد اتفق ويا صديقي العزيز بكلامك .. وصدكني مراح يكون اي سوء تفاهم لاني بحياتي لم ولن اخطء باتجاه اي انسان او اتصرف بشكل شخصي ... كلنا اهل وكلنا اصدقاء في بيت واحد والحوار واجب وضروري كي يغني المعلومات ... شكرا يا طيب يمرورك ويارب يسهل امرك ونسمع اخبار حلوه منك ..

تحياتي
أبو قمر

الف شكر اخويه ابو قمر المحترم وبارك الله بيك وين متروح ربي يوفقك

اختي شموسة الطيبة .. شكرا لدعواتك وكلماتك المحترمة ويارب يوفقك ويسهل امرك دائما سباقة بالردود والتعليقات ..

تحياتي
أبو قمر

بارك الله بيك اخي ابو قمر وعاشت ايدك على الموضوع المفيد

ليو الوردة شكرا لمرورك صديقي الكريم وصلتني رسالتك وانشاء الله راح ادزلك الرد بوقت قريب جدا .. تحياتي يا طيب وتهون لتضوج وخلي معنوياتك مرتفعة ... شكرا لكل كلمة كتبتها ..

أبو قمر

عاشت الايادي اخونا الغالي ابو قمر دومك سباق للخير

شكرا لكلماتك الطيبة ويارب يوفقكم ويسهل امركم دائما وابدا ..

أبو قمر

صباح الخيرات ..
حبيت اليوم ان نغير شوية من اسلوب كتابتي للمواضيع بصراحة دا الاحظ ان المنتدى في الايام الاخيرة مشدود جدا والاعصاب مشدودة بيه رغم وجود الكثير من الاخبار السعيدة  ..
اولا احب ان أأكد المعلومات الي ذكرها بعض الاخوان عن عملية اصدار الفيز ومواعيد السفر , واحد اصدقائي الي يعمل قريب من هذا المجال وهو امريكي اكدلي ان حركة السفر بدت تكون اسرع من السابق من بعد منتصف الشهر الاولى وان هذه الزيادة في مواعيد السفر سوف تستمر اذا واريد تحطون خطين تحت كلمة اذا لم يحدث اي طارىء يغير من الخطة الموضوعة طبعا هذه ترجمة حرفية والمفروض راح نشوف مواعيد سفر افضل واكثر للجانبين الاس اي في وال اي او ام ما عدى الجانب السوري بسبب الاوضاع الي هناك وهذه الزيادة راح تستمر الى فترة الصيف .. بشكل عام اعداد هذه السنة راح تكون افضل بكثير هذا الكلام منقول عن الرجل وبالفعل تم الطلب لبعض المنظمات بزيادة الكوادر او التقليل من الاجازات السنوية خلال الفترة القادمة لكون الكثير من هذه المنظمات استغنت عن كثير من الموظفين في الفترة السابقة بسبب ركود عمليات السفر .. طبعا هذا الكلام لجميع الولاية ولولاية تكساس ايضا .. فانشاء الله الايام القادمة و الاحصائيات راح تكون مرتفعة عن السنة الفاتت اذا وأأكد على كلمة اذا لم يحدث اي امور غير طبيعية او طارئه ... يارب الجميع يسافر والجميع يوصل الى بر الامان ...
اليوم قررت ان انزل موضوعي بشكل مختلف راح احاول ان اناقش ظروف يمر فيها الانسان في بلاد المهجر وكيفية الطريقة الاسلم لتجاوزها وراح استخدم عبارة السؤال ماذا لو ؟؟؟
ماذا لو انتهت فترة برنامج المساعدات الخاصة باللاجىء آر سي آي   أو الماج كراند ولم يوفق في ايجاد عمل او حصل على عمل بارت تايم(دوام جزئي ) بمرتب قليل ؟؟
بهذه الحالة بشكل عام لديك خيارين يعتمدان على الفترة الاولى التي قضيتها ... اذا كنت تشعر بأن المدينة التي تسكن فيها غالية من ناحية الايجار و فرص العمل فيها ضعيفة و لاتقدم مساعدات ولاية ... هنا يفضل ان تفكر جديا بعملية تغيير الولاية او المدينة .. خسائر التغيير سوف تكون االتالي :: اجور نقل من المدينة او الولاية الى المدينة الاخرى وتختلف بحسب البعد بين الولايتين او المدينتين اذا كانت قريبة فبامكانك نقل آثاثك معك بعربة سحب تربط بسيارتك اذا كانت سيارتك نوع فان( VAN) او
sport utility vehicles   - SUV  مختصر   -اس يو في ممكن تاجيرها من شركة اسمها  يوهل معروفة في امريكا ... اماذا كانت المسافة بعيدة فالافضل الانتقال بدون نقل الاثاث فقط الاشياء الضرورية وهنا سوف تحتاج الى اثاث بسيط في مدينتك الجديدة ممكن ايجاده بشكل مجاني غن طريق المنظمات الانسانية او الكنائس او الجوامع في بعض الولايات او باسعار شبه مجانيه في محلات الكود ويل او البازارات المكسيكية في ولايات الجنوب او الغرب او عن طريق موقع الكريكليس(craigslist ايضا راح تحتاج لخسارة بعض الوقت للتعلم على المدينة الجديدة او الولاية الجديدة من جميع النواحي وايضا تحتاج وقت اخر لاصدار بطاقة الفود ستامب او المساعدات الفدرارية او مساعدات الولاية والمدي كيت في حالة تغييرلك للولاية .. اهم من هذا كله عليك دراسة الموضوع والتأكد من مصادر رسمية عن ظروف الولاية قبل اتخاذ القرار بالتغيير ايضا لاننسى عملية نقل العنوان البريدي واغلاق ملف الفود ستامب والمديكيت والمساعدات في الولاية الحالية قبل السفر .
اما اذا كنت تشعر ومتاكد بان الولاية جيدة وان عدم حصولك على عمل هو مسألة وقت هنا عليك ان تقوم بالتالي :
1-  التقديم على مساعدات الكاش اسستنس لمحدودي الدخل والتي تختلف تسميتها من ولاية الى اخرى تسمى التنف في البعض وتسمى الولفر في البعض الاخر
2-  التقديم على بيوت الدولة او ما يسمى بالهاوسنك ووضع اسمك على الجدولة , طبعا الوقت  الخاص بالقبول يختلف من مدينة الى اخرى ويبقى لديك الخيار بعد الموافقة على طلبك بالسكن او البقاء في هذه المنازل او المغادرة عندما تتحسن حالتك المادية
3-   التقديم او البحث عن مساعدات الولاية او مساعدات المنظمات الغير حكومية  كالمنظمات الانسانية والكنائس التي تقدم الدعم سواءا كان معنوي او مادي .
4-  التقديم على السكشن ايت              
 وهذا انشاء الله انزله موضوع كامل ووضع اسمك على الجدولة وايضا يبقى لك الخيار بترك الموضوع في حالة تحسن حالتك المعاشية
5-  تكثيف البحث عن العمل ومحاولة الاختلاط بالامريكان او المكسيكان او سكان المدينة لتعلم الاماكن الصحيحة للتقديم , البحث عن مكاتب التوظيف وتجديد الطلب بين فترة عمل اكثر من رزيومي لكل نوع من انواع العمل تضع فيه خبرة توافق العمل , سؤال الاقارب والاصدقاء عن الشركات او الاماكن التي تفتح باب التعيين , التقديم على جميع الستورات المحلات او المولات والسوبرماركتات الضخمة , عدم الملل واليأس لان الرزق من الله سبحانه وتعالى
طبعا هنا احب ان اوضح شيء ذكري لنقطة المساعدات قبل نقطة العمل هو ليس تفضيل لكن هذا التسلسل الاسلم لصاحب العائلة , وانا مع المساعدات كوسيلة لكني لست معها كغاية .

ماذا لو ..... ماذا لو تعرضت لحادث تصادم وانا اقود سيارتي ؟؟؟

في هذه الحالة اول عمل تقوم فيه عدم تحريك السيارة من مكان وقوفها .. التأكد من سلامة السائق في الجانب الاخر .. الاتصال ب 911 لطلب مساعدة الشرطة في اصدار الريبورت .. تبادل رقم التامين واسم الشركة ورقم الهاتف بينك وبين الشخص الاخر .. التأكد من ان الشرطي سيقوم بعمل ريبورت وتاخذ رقم الريبورت من الشرطي ... اذا كان الطرف الثاني مخطئ فممكن ان تطلب منه الاتصال بشركة التامين الخاصة به وابلاغهم انه المتسبب في الحادث لاختصار الاجاراءات , اما اذا لم يتح المجال لهذا الشيء , هنا عليك الاتصال بشركة التأمين الخاصة بالشخص المقابل وتخبرهم بالموضوع وانه المتسبب هما راح يفتحون كيس خاص بيك وراح يتصلون بالشخص للتاكد منه طبعا بمجرد ان يجاوبهم ويأكد لهم هنا انت ممكن تطلب ان يؤجرولك سيارة اذا كانت سيارتك متضررة بحيث لايمكنها السير , طبعا السيارة راح تسحب خلال دقائق بعد عمل الريبورت اذا كنت انت المخطئ فاطلب من السائق الذي راح يسحب السيارة ان ياخذها قرب بيتك او قرب المصلح الي تتعامل وياه لان اذا اخذها للكراج العام راح تدفع ايجار يومي ...
هذا كله في حالة كون التامين مالتك من نوع لايبلتي اي تأمين ضد الغير .. اما اذا كان تأمينك تامين كامل فول كفرج .. فهنا بجميع الاحوال سواء كنت مخطئ ام غير مخطئ تتصل بالشركة مالتك وتنطيهم معلومات الشخص وهما راح يتصلون بشركته ويغرموهم ويصلحون سيارتك او يدفعولك فلوسها ..
أؤكد على شغلة مهمة اي الم تحس بيه والطرف الثاني كان هو مخطئ فلا تتردد بطلب الاسعاف والذهاب المستشفى واذا كان علاجك يحتاج فترة طويلة لاتتردد بتكملة العلاج فشركة التامين سوف تتكفل بكل الفواتير وسوف بكون لك الحق بطلب تعويض وهذا التعويض يكون اعلى كلما زادت فترة العلاج وكانت الاصابة اكبر .. بشكل عام اي بوليصة تامين راح تغطي الجانب الصحي والجانب المادي الي هو السيارة ..
اذن من يصير عندك حادث لا سامح الله تتاكد من التالي : سلامة الشخص الاخر + الاتصال بالشرطة والتاكد من عمل الريبورت + اخذ معلومات التامين للطرف الاخر + الاتصال بشركة تامين الطرف الاخر اذا كان تامينك لايبلتي ضد الغير او الاتصال بشركتك اذا كان تأمينك فول كفرج
full coverage auto insurance .

ماذا لو  سئلك احد الاشخاص اسئلة تخص دينك او عقيدتك ؟؟

هنا التصرف السليم سوف يعتمد على قدرتك في الحوار .. اذا كانت لغتك الانكليزية جيدة وثقافتك الدينية جيدة بامكانك ان تجاوب بصورة سهلة وبسيطة ومختصرة توضح فيها سوء الفهم عند المقابل , لا تحاول ان تدخل في جدال او نقاش طويل لان هكذا نوع من المواضيع من المحرمات في امريكا خاصة اثناء العمل اذا وجدت تفاهم من المقابل وعقلية متفتحة ممكن التواصل بالتوضيح اذا شفت المقابل يجادل ولا يحاور او يحاور من اجل الحوار بامكانك ببساطة ان تقول انا لا احبذ ان اتكلم بامور الدين فهذا شأن بين الانسان وخالقه هذا الجواب نفسه ممكن تجاوبه اذا كنت لاتجيد اللغة بشكل محترف وغير ملم جيدا في الثقافة الدينية لكون جوابك في هذا الوضع لن يكن مقنع وسوف تضر اكثر مما تنفع ...
هذا الامر حصل معي سابقا ويحصل معي احيانا .. لكن دائما ما تكون الاسئلة من باب الفضول والمعرفة بالشيء وليس من باب الانتقاص .. وهنا بامكانك التمييز فاذا شعرت بان السؤال هو من باب الانتقاص او الاستهزاء فهنا ممكن ان تستخدم القانون المحترم لهذا البلد وتقول انا لا اتكلم بامور الدين وهذا من حقك اما اذا واجهت مضايقة او كلام بسبب دينك فبامكانك الاتصال بالشرطة بعد التاكد من وجود ويتنس
witnesشاهد بهذه الحالة الطرف الاخر سوف يتعرض الى احكام مشددة لكونه يخالف قوانين دستور البلد , رغم اني دائما ااوكد على الحوار والتعامل باحترام والتسامح باي موقف يحصل .. وانا ادخل في السنة الرابعة الان ولم اتعرض لا انا ولازوجتي المحجبة لاي تمييز من اي نوع ولا لاي كلام او تجريح ... لكن دائما ما اوسئل ودائما ما اجاوب حتى ان البعض يفاجأ من اجاباتي وتتغير الصورة تدريجيا لديه عما يسمعه عن ديناتنا او معتقداتنا طبعا الكلام يشمل المسيحي والمسلم لان هناك اختلاف كبير بين الكنيسة في الشرق والكنيسة في الغرب ..
نماذج من الاسئلة التي قد تتعرض لها :
انتم الرجال عندكم يقدر يتزوج 7 نساء او اكثر ؟؟؟؟ طبعا المعلومة التي لديه غير دقيقة وبامكانك الاجابة عليه بان يمكن للزوج ان يتزوج إمرأة اخرى والاحتفاظ بزوجته الاولى ولكن بشروط وتوضح له الشروط ..
انتم تقطعون يد الشخص الي يسرق ؟؟؟ طبعا انت ايضا ممكن ان توضح ان مو كل من يسرق تقطع يده وان اكو شروط كثيرة
انتم ترجمون المراة حتى الموت اذا فعلت علاقة غير شرعية ؟؟؟ ايضا ممكن ان تبين ان الموضوع مو بهذه الصورة وان الموضوع يحتاج الى شهود وشروط تعجيزية تجعل من هذا الحد للتخويف اكثر مما هو للتنفيذ
واسئلة اخرى كثيرة قدد تتعرض لها وقد لا تسأل .. لكنك يجب ان تكون مهيأ لاتخاذ القرار بالرفض لفتح هكذا نوع من المواضيع او للاجابة عليها اذا كنت تملك لغة وثقافة دينية عالية .. هنا انبه من يرفص الاجابة عليه ان يتاكد ان يوضح ويثقف اطفاله جيدا ليس ليدخلوا يحوارات دينية ولكن لكي يكون لديهم رصانة وحصانة في حالة تعرضهم لاي سؤال او في حالة تعرضهم لاي نوع من انواع المقارنة . طبعا ااوكد ان ممكن المسلم يسأل والمسيحي ايضا لكن ليس بالكثرة التي موجودة في مجتمعاتنا فالمجتمع هنا بشكل عام لايهتم للامور الدينية او العرقية لكن لايخلوا من كثير ممن لديهم حب التعرف او حب الحصول على المعلومة من اصحابها الاصليين .. لكن أؤكد على شيء تجنب التكلم او الحوار عن هذه المواضيع اثناء العمل او في موقع العمل فهذا سيكون مخالف للقوانين وسيعرضك لخطر فقدان عملك .

طبعا اسف للاطالة وااكد اني ذكرت امثلة للاسئلة ليس لفتح موضوع ديني فالموضوع في الاصل هو كيف تتصرف في البلد الجديد ..
تحياتي للجميع

أبو قمر

شكر خاص لاخونا العرب اهل الكرم للمراجعة الاملائية ..

وهذا مستند اخر  لاخونا حمادة ولجميع الاعضاء ... هذا المستند لعائلة مكونة من طفل واحد وبيه تفاصيل الاسترجاع ومن مكتب ال HR BLOCK  الشهير المتخصص باستخراج الضريبة ...
والي راح تبين الاشياء الثلاثة الي تسترجعها
كردت الطفل والي هي 1000 دولار
ايرن انكم كردت والي دخله دون ارقام محددة 2705 دولار
وضريبة التاكس الي دفعها 323 دولار

اذن مثل ما كتبت سابقا مبلغ الريترن يعتمد على 4 اشياء مهمة :
الاولى حالة ملف الارجاع اذا كان عندك اطفال او صاحب عائلة هاوس هولد راح تكون مؤهل ان تاخذ شي اسمه EITC الايرن انكم تاكس اذا كان دخلك قليل او قريب من ارقام محددة طبعا حسب عدد افراد الاسرة والاطفال الي ترعاهم الى 3 اطفال واكثر ... وهذا المبلغ قد يصل الى 4500
الثانية  الطفل كل طفل اله 1000 دولار جايلد كردت EIC الى حد 3 اطفال
الثالثة استرجاع ما دفعته من ضريبة فدرال اذا كان دخلك قليل وكنت كواليفي لاخذ ال EITC
الرابعة المصاريف الاكسبنس وهي قد تكون للدراسة او مصاريف اخرة يجب ان تتجاوز مبلغ معين حتى يرجع ما مقداره 10 -20 بالمية من القيمة الكلية ..



ومكتوب ايضا تحت مجموع المبلغ واجور المكتب وبتاريخ شهر الثاني 2012 ... انا لست هاوي في هذا المجال فكل معلومة اكتبها دقيقة ومن القانون والمصدر الرئيسي ..
تحياتي للجميع ويارب الكل يستفاد

أبو قمر

ان الاطفال لايتم حسابهم على مقدار ماعملت اذا كان الشخص عمل سنه كامله ياخذ على الطفل الواحد 1570 دولار الحساب يكون على مقدار ماعملته وكم دفعت يرجعلكمن التاكس الاطفال مالهم علاقه  وهذه عن تجربه وليس سماع هذا من احد انا صار سنين اخذ هذا الشي وكل اليمعي نفس الشي تشتغل سنه كامله الطفل الواحد ياخذ 1570 دولار قبل كانت للطفل 2170 دولار في وقت بوش تم استقطاع 400 الي ضافهه بوش خلال ولايته الي حكم بيها رجعت الى المبلغ اعلا

بعد اذن الاخ ابو قمر حبيت اعقب على شيء معين في ماكتب اعلاه


اليوم كنت في مكتب عمل التاكس وسئلت صاحب المكتب على مبلغ لكل طفل

هنالك تاكس قيمته لكل طفل مبلغ 1000 دولار وايضا هنالك مبلغ 1700 تقريبا


ايا مجموع كل طفل 2700 دولار تقريبا


للتنويه والاطلاع


تحياتي

صديقي حمادة المحترم ...
الي تفضلت بيه 1700 دولار هذه ما تسمة لو انكم كردت مالها علاقة بالاطفال .. وهاي تعتمد على الدخل صديقي العزيز .. اذا على كلام المكتب ان الطفل عليه 2700 معناتها الي عنده 3 اطفال ياخذ فقط للاطفال حوالي 8000 دولار وهذا مبلغ مو منطقي نهائيا ..
صديقي الطفل ياخذ مبلغ يوصل لل 1000 فقط لا غير ... هناك ايضا شيء اسمه لو اكردت انكم يعني لرب الاسرة في حالة كون راتبه اقل من ستوى معين وهذا المبلغ قد يوصل الى 4500 دولار للعائلة ... هذا الكلام ممكن بالتفصيل ممكن تسئل اي شخص عنده معلومات باسترجاع الضريبة راح يجاوبك نفس الكلام ...
وممكن حضرتك تنظر لل 1040 مال السنة الي فاتت راح تلكه ان اكو شي اسمه لو انكم كردت وهو مبلغ جيد يضاف على الرفاوند مالتك مو يتقسم على الاطفال مثل ما تفضلت ...
تحياتي الك يا طيب ويارب يبارك بحضرتك وانشاء الله راح انزللكم ورقمة 1040 واوضح بالتفصيل الفلوس منين دتنحسب ..

أبو قمر

اخي العزيز اعتذر منك مره ثانيه وثاثله والف مره وهاي اخر كتابه الي ان شاء الله الي قصدته التربيه موسهله بامريكا مو قصدت انته تسفط حجي وتبرز عضلاتك
واسف جدا جدا منك واذا تعرف شون ينحذف العضو من المنتدى بلكي تحذفني
والله يباركلك ويرزقك
انا كذاب وانته الصادق  في كل شي حتى الاعضاء لايزعلون وربي يوفقكم لما فيه خير الناس والسلام وعليكم

صديقي العزيز الموضوع مو موضوع من الكذاب ومنو الصادق الموضوع فتح للحوار وانا كتبت رائيي وانت اتكلمت عن رائيي بتعليقك الي حذفته واقتباسه موجود وكلت حضرتك :

اخواني المساله مو عنتريات ولا ابراز عضلات كل واحد يكول اذا سوت هيج بنتي اضرب نفسي رايشدي
الجملة دتكول بيها حضرتك ان الي يكول اضرب نفسي راشدي يبرز عضلات ويسوي عنتريات وهذا كلامك مو متبلي عليك واذا تقرا الموضوع ويقراه الاعضاء راح يلكون ان جملة اضرب نفسي راشدي اني الوحيد الي ذاكرها بردي على اخونا الغالي ابو ايمن اذن انا المقصود بكلامك ..

ورجعت كتبت التالي :

اخي الغالي ابو قمر فدوه اروحلك بس لاتزعل مني اريد اوضح شغله رحمه الله والديك
اولا - رضا الله من رضا الوالدين والابوين لازم يطاعون وغصبا علينه لان هاي رب العزة كايلهه مو اني سواء قبلت ام لم تقبل ولازم نطيعهم بكل شي الا الكفر  (ولاتقل لهما افا ولاتنهرهما وقل ربي ارحمهما كما ربياني صغيرا ) لازم نطيعهم مثل الملك وعبده لااوفقك الراي اخي الغالي والي يربي اطفاله بهاي التربيه مو غبي الرسول (ص) يقول  والله لولا السجود لغير الله لامرت امتي ان تسجد للوالدين يااخواني الله يكفيكم الشر ويستر على عوائلكم بجاه كل من له جاه  والله الموفق وارجع واكول هيه مو عنتريات ومليء سطور الحجي بالفعل والله يوفقكم ويستر على عوائلكم
واتهمتني بتصوري للرسول الكريم بالغباء وكتبت واكدت مرة اخرة ان كتاباتي عنتريات وملء سطور , رغم ان كل الي يقرا كلامي راح يجده نفسك رائيك بان التربية  تحتاج ان تكون تربية احترام وتفاهم بين الابناء والاباء ...
اذا انت متصور بعد كل الي كتبته انك مغلطت بحقي وانك انت المظلوم فاني اتقدملك بالاعتذار لاني ضوجتك كوني دافعت عن نفسي .. لك مني كل الاحترام والتقدير لك ولهذا المكان المحترم الذي يجب قبل ان نكتب فيه حرف علينه وزنه والتفكير به احتراما واجلال للشخوص المحترمة التي ترتاد هذا المجمع الطيب تحياتي لحضرتك وللجميع .
أبو قمر

ابو قمر الوردة

بارك الله بيك يا اصيل

انته قمر المنتدى ! انته تكول للقمر كوم و أني اكعد بمكانك .

تحياتي لشخصكم الكريم

ابو الحسن
مينيسوتا / روشستر

ابو الحسن المحترم انت الورد والاخلاق والاحترام ... لك مني كل التقدير والاحترام على كلماتك الطيبة يا طيب ..

أبو قمر

عاشت ايدك على المواضيع الحلوة يا قمر المنتدى و ربي يبارك بيك

تحياتي
اختك سارة

شكرا اختي المحترمة سارة الله يبارك بحضرتك يارب .. دائما سباقة بالردود ..

تحياتي
أبو قمر

اخي العزبز انا اسف جدا جدا والله اعتذر لان كتبت تعليق الي اني مجربه وانته الصح وانا الغلط  والله مردت اطلعك غلطان ولا انته الي قصدتك بس حبيت اضيف الي اعرفه واسف ان شاء الله بعد ماكتب اي شي حتى لاتكول تتقصدني او تنتقدني وان شاء الله بعد ماكتب شي بس انا كتلك الي صار وياي والسلام وعليكم ورحمة الله وبركاته

أبو ياسين الوردة فدوة الك الموضوع وصاحب الموضوع ... انا لم اقصد حضرتك شخصيا بالكلام فالكلام الي ذكرته انت سمعته من الكثيرين ومتاكد ان الاخوان سيسمعوه كثيرا ولذلك كتبت الموضوع على العام كي تتوضح الصورة للجميع ..
تحياتي الك وتبقى اخ غالي وعزيز ...

أبو قمر

استاذي الغالي انته الي جاي تسمع هاي المصادر ماتهمني انا كلتلك جاي استلم مال اربعه والله والله والله العظيم ونفس المبالغ الي ذكرتهه الك انته روح اسال واتكد مو انه لان اني دا استلم انته تعتمد على تقارير مادري مين  وانا مسؤل عن كلامي وبس استلم الصك راح اصوره وادزه على العام واراويك الحسابات بالضبط اخي الغالي انته اتاكد مو اني واني كتبت تجربتي وليس طعنا بك الله شاهد على ماقول انته جاي تقدم خدمه للناس والله يجازيك عليهه ويارب التوفيق للجميع
والعفو ماشفت كل الموضوع انته جاي تقصد الجايلد كردت هذا للي مايشتغلون بس ياخذون على الاطفال كل طفل الف صح ميه بالميه اني احجي على التاكس ريتورن وان شاء الله انزلهه على العام اخلي الناس تشوفهه
اخوي الغالي اني ماحجي بجهل مثل ماوصفتني والله يستر عليك ويوفقك يارب

لا صديقي ابدا انت انسان محترم واكنلك كل احترام عمري ما وصفتك بجاهل ولا اكدر اوصفك الك مني كل احترام وتقدير واعتذر اذا فهمت كلامي غلط .. وارجووك تتقبل اعتذاري هاي مو اخلاقي ابداااا انت انسان محترم وكل الاخوة الي بالمنتدى وانا اعتبر نفسي اجهل الجميع  ...
الي كتبته مو تقارير الي كتبته هو القانون الي تحسب على اساسه التاكس ريترن الفدرالي من موقع ال IRS الرسمي الي ترسل عليه فايل ال 1040 الي على اساسه تنحسب مقدار ما يرجعلك وهذه ال IRS هي الي ادزلك المبلغ مالتك ..
صديقي ماكو واحد ميشتغل وياخذ انكم ريترن الا اذا كان يشتغل سيلف امبولايي يعني يشتغل لحسابه لان من الاسم انكم تاكس رترن استرجاع ضريبة الدخل اذا ماكو دخل ماكو استرجاع.. انا لا اكذب حضرتك ابدا انت صادق لكن التفاصيل قد تكون وصلتلك بصورة خاطئة او انك قد تتكلم عن استرجاع ضريبة الدخل للولاية اذا كنت في ولاية فيها ضريبة خاصة للدخل ..
صديقي انا اقوم بعمل التاكس رتيرن لاصدقاء ولعائلتي وقرائت كل متعلقات الموضوع من الموقع الرسمي واتصلت فيهم بشكل مباشر لمعرفة المعلومات التي لم افهمها بصورة دقيقة لم اسمع من احد كل ما اذكره من قانون الاي ار اس ..
ممكن حضرتك او اي شخص في امريكا يذهب لاي شركة تاكس رترن ويسئلهم وراح يتاكد بان الطفل الرابع لن يضيف اي شيء يعني 3 هو الحد الاقصى وال3 اطفال راح تكون نفس الاربعة او العشرة بالقيمة وهذا قانون اثبتتلك اياه من دائرة الاي ار اس نفسها وممكن تتصل هاتفيا وتتاكد بنفسك .
تحياتي وتقبل اعتذاري مرة اخرى ..

أبو قمر

السلام وعليكم ورحمة الله وبركاته

كل كلامكم ذهب صدكوني من مره رديت بموضوع كلهه لامتني ياخوان الي ماعنده اولاد وبنات بالغين بامريكا لايكعد يبيع مثاليات ويعلم الناس شون تربي جهالهه الي عنده ولد ضغير سنه او سنتين ويشتغل هوه ومرته بعده ماحاس بالضيم دخلي يكبرون جهاله واتحداه خلي يحجي نفس الحجي احبائي واساتذتي عوائل محافظه تستحي تباوعلهم من الاخلاق والنبل يطلع واحد او وحده من العائله شطح لا على البال ولا على الخاطر تخرب الاول والتالي من كلنه انه الام لازم ماتشتغل حتى تكدر تعايش جهالهه وتشوفهم طلعنه متخلفين واحنه من العصور المنقرضه ومن نكتب ونكول يابه الي ماعنده عائله كبيره بس هوه ومرته لايحكم على الناس اذا كالت اريد ارجع للعراق اخواني المساله مو عنتريات ولا ابراز عضلات كل واحد يكول اذا سوت هيج بنتي اضرب نفسي رايشدي واحد يكول والله الشغله مو سهله ويعرفهه بس الي عايشهه مسؤلييه كبيره جدا جدا ومو بهاي السهوله تنحجي احنه اولادنا كبار ولله الفضل ساتر علينه بس والله العضيم مشلوع كلب كلبنه الله وكيلكم محمد كفيلكم اثنين بالهاي سكول وحده بنيه مدل سكول بس اني وياهه مدرس بنفس المدرسه والصغير المنتري سكول  الكبار عدهم سياره يرحون ويجون للمدرسه ومع هذا بين فتره وفتره اسويلي زياره الهم لان اني معتبرهم اصدقائي واروح وياهم نلعب كرة قدم واروح احضر مبارياتهم وتدريباتهم وارجع ميت من التعب لاتستهانون بالشغله تره مو هينه وصعبه جدا جدا والله الستار وهاي المره اذا هيه وزوجهه يمكن يشتغلون يرجعون هلكانيين مايكدرون يحكون راسهم يجون ياكلون وينامون شلون راح يتربون جهالهم والله اعلم يمكن المره ماتشتغل مانكدر نحكم على هاي العائله اله نعرف الاسباب
اخي الغالي ابو قمر فدوه اروحلك بس لاتزعل مني اريد اوضح شغله رحمه الله والديك
اولا - رضا الله من رضا الوالدين والابوين لازم يطاعون وغصبا علينه لان هاي رب العزة كايلهه مو اني سواء قبلت ام لم تقبل ولازم نطيعهم بكل شي الا الكفر  (ولاتقل لهما افا ولاتنهرهما وقل ربي ارحمهما كما ربياني صغيرا ) لازم نطيعهم مثل الملك وعبده لااوفقك الراي اخي الغالي والي يربي اطفاله بهاي التربيه مو غبي الرسول (ص) يقول  والله لولا السجود لغير الله لامرت امتي ان تسجد للوالدين يااخواني الله يكفيكم الشر ويستر على عوائلكم بجاه كل من له جاه  والله الموفق وارجع واكول هيه مو عنتريات ومليء سطور الحجي بالفعل والله يوفقكم ويستر على عوائلكم

ابو ياسين الغالي الظاهر دخولك للمنتدى خاص فقط لانتقاد ابو قمر ما ادري ليش ضايج مني بس مع هذا تبقى اخ عزيز ...
صديقي الرسول عليه الصلاة والسلام حشاه من الغباء ابدا لا اني ولا اي انسان ممكن يكول هذا الشي ..  انت هنا تتكلم عن موضوع اخر انت تتكلم عن واجبات الابن اتجاه الاب وانا الي كتبته واجبات الاباء اتجاه الابناء واكو فرق صديقي .. اطاعة الوالدين واجب على الابن  وتعتمد على تربيتك اله والاخلاق الي زرعتها بيه وتعليمك اله قيمة الوالدين .. لكن اكيد مراح تقتله اذا ما طاعك لان هذا مو بالشرع ولا بالقانون ..
الي ذكرته نفس الي ذكرته اني والي اكدت عليه بان تكون العلاقة علاقة محبة وصداقة واحترام بين الابناء والابوين وهو نفس الي ذكرته بس الظاهر حضرتك دتعلق فقط للانتقاد لا اكثر ولا اقل ... وعلى فكرة اني كلت اني المفروض مو اضرب الطفل راشدي اضرب نفسي الراشدي لاني فشلت بتربيته واتصور هذا المفروض الي يصير لانك اذا فشلت بتربية اطفالك فانت خسرت كلشي  وهذا ما يحس بيه كل ام و اب مو تسفيط حجي ولا ابراز عضلات مثل ما تفضلت ...
صديقي اني اعتذر جدا كون كتاباتي ومقالاتي لا تروق لحضرتك وتعتبرها تسفيط حجي وابراز عضلات و اعدك باني ساحاول ان احسن من اسلوب الكتابة ليت ولعل اصل لدرجة رضاءكم فانت انسان محترم ولك مني كل الاحترام والتقدير انت وجميع الاعضاء الكرام
تحياتي صديقي ومنتظر انتقاداتك  القادمة..

أبو قمر

صباح الخيرات ..
طبعا اليوم راح اكمل الاجوبة على بعض الافكار والمعلومات الخاطئة الي تصل لبعض اخوتنا في بلاد المهجر , للاسف الكثير من العراقيين يعتمدون على اسلوب السمع وليس على اسلوب البحث والتاكد من المصدر .. ولهذا دائما ما نسمع اخبار لم ينزل الله بها من سلطان ولهذا اطلب من الجميع التاكد من اي معلومة تصل اليهم من المصدر الرئيسي وعدم الاعتماد على السمع ..
البارحة صديقي العزيز المحترم ابو ياسين كتب تعليق وسؤال عن موضوع التاكس ريترن وللاهمية ولكون الكثير من العراقيين هنا يعتقدون نفس الاعتقاد فضلت كتابة الموضوع على العام للفائدة العامة ..
تعليق صديقنا المحترم ابو ياسين بموضوع التاكس ريترن :
السلام وعليكم ورحمة الله وبركاته
اخي العزيز ابو قمر عندي فد مداخله اذا ماتصير زحمه عليكم
ردت بس اعرف شنو اكثر من ثلاثه مايصير الي عنده اربع اطفال مايصير يضيفهم انا عندي اربعه واستلم عليهم كلهم وعندي صديق عنده خمسه اطفال ويستلم عليهم
والمداخله الثاني
ان الاطفال لايتم حسابهم على مقدار ماعملت اذا كان الشخص عمل سنه كامله ياخذ على الطفل الواحد 1570 دولار الحساب يكون على مقدار ماعملته وكم دفعت يرجعلكمن التاكس الاطفال مالهم علاقه  وهذه عن تجربه وليس سماع هذا من احد انا صار سنين اخذ هذا الشي وكل اليمعي نفس الشي تشتغل سنه كامله الطفل الواحد ياخذ 1570 دولار قبل كانت للطفل 2170 دولار في وقت بوش تم استقطاع 400 الي ضافهه بوش خلال ولايته الي حكم بيها رجعت الى المبلغ اعلاه
واسف اذا ازعجتكم والسلام وعليكم
هنا الجواب :
صديقي العزيز  ذكرت ان لكل طفل  1570 وسابقا بزمن بوش كان 2170 وللاسف هذا الكلام غير صحيح وغير دقيق وهذا كلام عامة العراقيين والحقيقة ان ما يسمى بال EIC  الكردت الخاص بالاطفال هو لا يتجاوز ال 1000 دولار  للطفل الواحد.. وبالدليل القاطع ومن موقع دائرة ال IRS  وهذا ما مكتوب
The Child Tax Credit is an important tax credit that may be worth as much as $1,000 per qualifying child depending upon your income. Here are 10 important facts from the IRS about this credit and how it may benefit your family.
1.   Amount - With the Child Tax Credit, you may be able to reduce your federal income tax by up to $1,000 for each qualifying child under the age of 17.
2.   Qualification - A qualifying child for this credit is someone who meets the qualifying criteria of six tests: age, relationship, support, dependent, citizenship, and residence.
3.   Age Test - To qualify, a child must have been under age 17 – age 16 or younger – at the end of 2010.
4.   Relationship Test - To claim a child for purposes of the Child Tax Credit, they must either be your son, daughter, stepchild, foster child, brother, sister, stepbrother, stepsister or a descendant of any of these individuals, which includes your grandchild, niece or nephew. An adopted child is always treated as your own child. An adopted child includes a child lawfully placed with you for legal adoption.
5.   Support Test - In order to claim a child for this credit, the child must not have provided more than half of their own support.
6.   Dependent Test - You must claim the child as a dependent on your federal tax return.
7.   Citizenship Test - To meet the citizenship test, the child must be a U.S. citizen, U.S. national, or U.S. resident alien.
8.   Residence Test - The child must have lived with you for more than half of 2010. There are some exceptions to the residence test, which can be found in IRS Publication 972, Child Tax Credit.
9.   Limitations - The credit is limited if your modified adjusted gross income is above a certain amount. The amount at which this phase-out begins varies depending on your filing status. For married taxpayers filing a joint return, the phase-out begins at $110,000. For married taxpayers filing a separate return, it begins at $55,000. For all other taxpayers, the phase-out begins at $75,000. In addition, the Child Tax Credit is generally limited by the amount of the income tax you owe as well as any alternative minimum tax you owe.
10.   Additional Child Tax Credit - If the amount of your Child Tax Credit is greater than the amount of income tax you owe, you may be able to claim the Additional Child Tax Credit.
وهذا الرابط من الموقع الرسمي 
http://www.irs.gov/newsroom/article/0,,id=106182,00.html

نجي لموضوع ال 3 اطفال الي انت ايضا اعترضت عليه دون دليل ... EIC اعلى مبلغ فيه يعطى لعدد الاطفال 3 او اكثر اي ان اي طفل بعد الطفل الثالث مراح تكون هناك قيمة تضاف ولهذا تلاحظ بعض الافارقة والعرب يئجرون اطفالهم الي بعد الطفل الثالث للعزاب  وياخذون عليهم فلوس وطبعا هذا شيء غير قانوني وخطر جدا وممكن تدخل للموقع الرئيسي IRS وتبحث عن شرح موضوع ال EIC وهو الكردت الخاص بالاطفال وهذا الرابط
http://www.irs.gov/pub/irs-pdf/p596.pdf
تروح للصفحة رقم 7 راح تقرا باول الصفحة ان اكثر مبلغ تحصله هو لثلاث اطفال واكثر .. يعني بعد الطفل الثالث مراح تزيد القيمة .. ولهذا راح تلكه بالتفصيل شكد مقدار الكردت الي راح تحصله لطفل واحد وايضا لطفلين ومن ثم لثلاث اطفال او اكثر ... اي طفل بعد الثالث مراح يضيف اي قيمة ولهذا ذكرت ان المبلغ راح يعتمد على عدد الاطفال لحد 3 اطفال
Your Adjusted Gross Income (AGI) Must Be Less
Than:
• $43,998 ($49,078 for married filing jointly) if you have three or more qualifying children,
• $40,964 ($46,044 for married filing jointly) if you have two qualifying children,
• $36,052 ($41,132 for married filing jointly) if you have one qualifying child, or
• $13,660 ($18,740 for married filing jointly) if you do not have a qualifying child.

اتمنى ان تكون هذه المعلومات مفيدة للجميع  والموضوع مفتوح للاسئلة من قبل الجميع .. تحياتي للجميع ولاخونا الغالي ابو ياسين ...

ابو قمر

السلام وعليكم ورحمة الله وبركاته
اخي العزيز ابو قمر عندي فد مداخله اذا ماتصير زحمه عليكم
ردت بس اعرف شنو اكثر من ثلاثه مايصير الي عنده اربع اطفال مايصير يضيفهم انا عندي اربعه واستلم عليهم كلهم وعندي صديق عنده خمسه اطفال ويستلم عليهم
والمداخله الثاني
ان الاطفال لايتم حسابهم على مقدار ماعملت اذا كان الشخص عمل سنه كامله ياخذ على الطفل الواحد 1570 دولار الحساب يكون على مقدار ماعملته وكم دفعت يرجعلكمن التاكس الاطفال مالهم علاقه  وهذه عن تجربه وليس سماع هذا من احد انا صار سنين اخذ هذا الشي وكل اليمعي نفس الشي تشتغل سنه كامله الطفل الواحد ياخذ 1570 دولار قبل كانت للطفل 2170 دولار في وقت بوش تم استقطاع 400 الي ضافهه بوش خلال ولايته الي حكم بيها رجعت الى المبلغ اعلاه
واسف اذا ازعجتكم والسلام وعليكم

صديقي ابو ياسين المحترم ..
دا الاحظ ان اغلب دخولك لمواضيعي هو فقط للبحث عن الثغرات والانتقاد ولحد الان لا اعلم ما السر في هذا الاسلوب من حضرتك ..  لكن مع هذا من حقك الاعتراض كما من حق الجميع اذا وجدت معلومة غير دقيقة .. لكن للاسف  ما اتصور راح تجد هذا الشيء بيوم من الايام لاني لا اكتب شيء الا ويكون موثق من المصدر وهنا ساوضح ما تفضلت به ..
حضرتك ذكرت ان لكل طفل  1570 وسابقا بزمن بوش كان 2170 وللاسف هذا الكلام غير صحيح وغير دقيق وهذا كلام عامة العراقيين والحقيقة ان ما يسمى بال EIC  الخاص بالاطفال هو لا يتجاوز ال 1000 دولار .. وبالدليل القاطع ومن موقع دائرة ال IRS  وهذا ما مكتوب
The Child Tax Credit is an important tax credit that may be worth as much as $1,000 per qualifying child depending upon your income. Here are 10 important facts from the IRS about this credit and how it may benefit your family.
1.   Amount - With the Child Tax Credit, you may be able to reduce your federal income tax by up to $1,000 for each qualifying child under the age of 17.
2.   Qualification - A qualifying child for this credit is someone who meets the qualifying criteria of six tests: age, relationship, support, dependent, citizenship, and residence.
3.   Age Test - To qualify, a child must have been under age 17 – age 16 or younger – at the end of 2010.
4.   Relationship Test - To claim a child for purposes of the Child Tax Credit, they must either be your son, daughter, stepchild, foster child, brother, sister, stepbrother, stepsister or a descendant of any of these individuals, which includes your grandchild, niece or nephew. An adopted child is always treated as your own child. An adopted child includes a child lawfully placed with you for legal adoption.
5.   Support Test - In order to claim a child for this credit, the child must not have provided more than half of their own support.
6.   Dependent Test - You must claim the child as a dependent on your federal tax return.
7.   Citizenship Test - To meet the citizenship test, the child must be a U.S. citizen, U.S. national, or U.S. resident alien.
8.   Residence Test - The child must have lived with you for more than half of 2010. There are some exceptions to the residence test, which can be found in IRS Publication 972, Child Tax Credit.
9.   Limitations - The credit is limited if your modified adjusted gross income is above a certain amount. The amount at which this phase-out begins varies depending on your filing status. For married taxpayers filing a joint return, the phase-out begins at $110,000. For married taxpayers filing a separate return, it begins at $55,000. For all other taxpayers, the phase-out begins at $75,000. In addition, the Child Tax Credit is generally limited by the amount of the income tax you owe as well as any alternative minimum tax you owe.
10.   Additional Child Tax Credit - If the amount of your Child Tax Credit is greater than the amount of income tax you owe, you may be able to claim the Additional Child Tax Credit.
وهذا الرابط من الموقع الرسمي  حتى تتاكد جيدا وتنطيه للي كلك هذه المعلومات الخاطئة
http://www.irs.gov/newsroom/article/0,,id=106182,00.html

نجي لموضوع ال 3 اطفال الي انت ايضا اعترضت عليه دون دليل ... صديقي العزيز  لو حضرتك اتعب نفسك شوية وتدخل للموقع الرئيسي IRS وتبحث عن شرح موضوع ال EIC وهو الكردت الخاص بالاطفال وهذا الرابط
http://www.irs.gov/pub/irs-pdf/p596.pdf
تروح للصفحة رقم 7 راح تقرا باول الصفحة ان اكثر مبلغ تحصله هو لثلاث اطفال واكثر .. يعني بعد الطفل الثالث مراح تزيد القيمة .. ولهذا راح تلكه بالتفصيل شكد مقدار الكردت الي راح تحصله لطفل واحد وايضا لطفلين ومن ثم لثلاث اطفال او اكثر ... اي طفل بعد الثالث مراح يضيف اي قيمة ولهذا ذكرت ان المبلغ راح يعتمد على عدد الاطفال لحد 3 اطفال
Your Adjusted Gross Income (AGI) Must Be Less
Than:
• $43,998 ($49,078 for married filing jointly) if you have three or more qualifying children,
• $40,964 ($46,044 for married filing jointly) if you have two qualifying children,
• $36,052 ($41,132 for married filing jointly) if you have one qualifying child, or
• $13,660 ($18,740 for married filing jointly) if you do not have a qualifying child.

اتمنى ان تكون اتوضحت الصورة ولتسمع حجي من احد من غير ما تتاكد من المصدر . واتمنى مرة ثانية اذا تحاول تنتقد او تعترض بشيء ياريت يكون باثبات , تحياتي الك يا طيب واني حاضر لاسئلتك وكل كلمة اكتبها الك راح تكون بالدليل من الموقع الرسمي .. التاكس ريترن انا اقوم بيه بنفسي وقاري كل قوانينه فاذا تحتاج اي معلومة انا حاضر واكيد راح تكون دقيقة ..

تحياتي
أبو قمر

1 - لرب الاسرة وثلاث اطفال  لمن عمل بشكل متقطع ثلاثة اشهر او اكثر في شركتين او اكثر هل مبلغ التكس الذي يستلمه يساوي الى حد ما مع من عمل كل السنة كاملة دون إنقطاع؟
 صديقي المحترم الموضوع لا يتعلق بالمدى ولكن يتعلق بمقدار الدخل ومقدار مادفع من تاكس للفدرال .. يعني ممكن شخص عمل 6 اشهر ياخذ استرجاع تاكس افضل من الي عمل 9 اشهر ... الموضوع يقاس بمقدار مجمل الدخل السنوي والتاكس المدفوع وعدد افراد العائلة الي تعيلهم وحالة ملف الاسترجاع .. كثير ناس اشتغلت شهرين واسترجعت مبلغ جيد من التاكس ريترن ..

2 -عند عمل  في مكاتب التاكس هل من الطبيعي ان يضعوا (الراوتنك نمبر والاكاونت نمبر  اي رقم الحساب) الخاص بهم فينزل المبلغ في حسابهم ثم يقوموا بتحويله  الى حسابنا بعد اقتطاع نسبة العمولة لخدماتهم مثلا (200$).

نعم صديقي .. المكاتب تعمل بطريقتين للدفع بوست بي او بري بي يعني دفع مسبق اذا عندك تدفعلهم او دفع لاحق من يجي التاكس يستقطعون المبلغ ... في حالة الدفع المسبق ممكن ان يرسل المبلغ دايرك ديبوست مباشرة من حساب الاي ار اس الى حسابك مباشرة لانك دفعت الاتعاب او هناك بعض المكاتب مثل الاج ار بلوك تعطيك كولدن فيزة كارت بيها المبلغ  وانت لك الخيار .. في الحالة الثانية راح يتحول الملغ الى حساب خاص بالبنك يقوم بفرز العمولة واصدار شيك بالمبلغ باسمك وهنا راح تكون هناك مبلغ اضافي بسيط كعوملة للبنك ...

هل المبلغ المقتطع كعمولة (PROCESS ) فيه نسبة تذهب للحكومة الفيدرالية وحكومة الولاية ام لا
 اكيد صديقي بس انت مالك علاقة بيه يعني مو بالشكل الي تتصوره هذا المكتب ياخذ العمولة من الزبائن وبنهاية السنة يحاسب ضريبيا على ارباحه بالمجمل كلشي في امريكا يجب ان يكون تاكس ابل ....

تحياتي يا طيب ويارب تكون استفاديت من الاجابة ..

أبو قمر

طبعا راح اجاوب على اسئلة لاخونا المحترم العرب اهل الكرم والي ايضا بخصوص التاكس وكانت اسئلته كالتالي :

السلام عليكم
الحمدلله رب العالمين، والصلاة والسلام على أشرف المرسلين سيدنا محمد وعلى آله وصحبه أجمعين، أما بعد

لدي اسئلة مهمة  إجابتها تنفع الجميع قد يواجهها ايا منكم عند عمل (التاكس رتيرن) وهي :

1 - لرب الاسرة وثلاث اطفال  لمن عمل بشكل متقطع ثلاثة اشهر او اكثر في شركتين او اكثر هل مبلغ التكس الذي يستلمه يساوي الى حد ما مع من عمل كل السنة كاملة دون إنقطاع؟

2 -عند عمل  في مكاتب التاكس هل من الطبيعي ان يضعوا (الراوتنك نمبر والاكاونت نمبر  اي رقم الحساب) الخاص بهم فينزل المبلغ في حسابهم ثم يقوموا بتحويله  الى حسابنا بعد اقتطاع نسبة العمولة لخدماتهم مثلا (200$).

3 -هل المبلغ المقتطع كعمولة (PROCESS ) فيه نسبة تذهب للحكومة الفيدرالية وحكومة الولاية ام لا

وجزاكم الله خير واعطاكم خير مما تتمنون لانفسكم ورزقكم من حيث لاتحتسبون آآآمين
اخوكم

تحياتي لجميع الردود ... مراح اذكر اسماء حتى لا انسى احد كلماتكم الطيبة ومشاهركم الجميلة تاج ووسام افتخر فيه ... شكرا للجميع

أبو قمر

اخي اوب قمر على كيفك ويانة عمي مو هل الدرجة
يعني يكفر الي يحجي على امريكا





اخي  اولا ما جبت علمود اتحالو تقلل من كلامي
اني كلت جان عندي 50 ورقة وخصلن من ورة صديق الغربة الي ربت هاي امريكا الي تمدح بيها
واني ثانيا مو على ماجنك    اني على التانف    
وميحتاج احلفلك بان اني ماعندي افلوس    لان شرحت لخوية ابو سارة
ورحمة الله وليدك اخير ويجي يوم وتكثر العالم الي تحجي على سلبيتا امريكا
الي انت صرت الاتجاه المعاكس      االجزيرة  
يعني انت كلها كاعد بدلاس تحكم على امريكا كلها     هذا ميجور مع تقديري لمواضيعك

لان امريكا مو زغيرة  

واني مااحتاج ورحمة الله ولديك
والخير اريد من رب العالمين انشاء الله  

ممنون منك اخوية

عمي وصديقي العزيز اني دا احاول افكر وياك انت داخل هنا تطلب نصيحة لو تحجي على امريكا وكبل ... بعدين اني مدخل بجيبي شي اتسافر او تبقى موفق بالخيارين ..
واني مدا اكول امريكا جنه وممكن تقرا الي كتبته .. وبعدين ماكو برنامج اسمه تنف للاجء التنف هذا بعد برامج الكاش اسستنس للاجء الي هيا الماج كراند والار سي اي ..
وبصراحة مدا اعرف ليش اخوية صفاء معصب وليش انت معصب .. واني جدا اسف اذا ضوجتكم ... اني دا احاول اوضحلك امور انت مكنت تعرفها ودا احاول اساعدك ودا احاول من خلال حوارنه ان نساعد الجميع بالافكار الموضوع مو موضوع امريكا زينة او مو زينه ...
على العموم اني اسف وراح احذف جميع ردودي ويارب الموفقية الك وين ماكنت ..

ابو قمر

ابو ايمن المياحي
وذا شفت ابنك ديبوس بنيه شنو موقفك


وشنو الفرق بين البنيه والولد  مو بشريعتنا عليهم نفس الحساب

وديع مفتي واشنطن دي سي

عندي تعقيبين على كلامك

اولا منو جاب طاري البوس انته وين رحت اصلا محد جاب طاري بوس !!!!!!!

ثانيا ما اضربة راشديات لا اخذة دك بوكسات ودفرات للبيت واعلكة بالبنكة اذا شفتة فديوم يتحارش بوحدة او يبوسهة وهوة اصلا ميسويهة لان تربيته صحيحة والحمد لله ..

عيني ابو ايمن الورد على كيفك عالولد .. اني متأكد ابنك ميسويها مو لانه يخاف من البوكسيات او البنكة بس لانه يحترمك وعمره مراح يخذلك لان تربيته اساسها صحيح مبني على الاحترام والثقة مو الضرب والكتل لان الاحترام والثقة تمسي ويا الدم ويبقى بالجسم  لكن الالم الناتج من الضرب زائل ومراح يبقي غير كراهية وعدم ثقة واحترام  وابنك راح يصير مؤدب بوجودك وبغيابك ينسى شي اسمه اخلاق..
تحياتي
أبو قمر

اولا هذه مو تربية .. ولا اسلوب للتربية ..
يعني الي يضرب بنته كدام العالم وبموقف الباصات ودك راشديات شتتوقعون اطاعة البنت اله ؟؟؟ معناتها من هي صغيرة ماشي وياها بهذا الاسلوب الغبي للتربية .. ماكو شي يجي بالقوة وابنك من هو صغير لازم تربيه تربية حقيقية مبنيه على الثقة والمحبة مو مبنيا على ملك وعبد لازم يطيع الملك ...
هو الام لمن تربط بنتها بالسرير وتوصل لمرحلة انها لازم تروح للمستشفى حتى تتعالج هذه معناتها دتربي بنتها وين كانت الام قبل لتصير الحادثة وين علاقة المحبة والصراحة الي بين الام والبنت لو الحياة كلها ضرب وكتل ...
اني مو دا ابرر للبنت ابدا لكن البنت هي تربية اهلها صحيح هي بمجتمع يختلف عن عاداتنا بس لازم نكون اذكياء ونعالج هذا الشي مو بالضرب بالاقناع لان الطفل لمن بالمدرسة الكل يحبه ويصفكلة وبالبيت يشبع قنادر وضرب راح يكره امه وابوه ودينه وكلشي يوصله باصله .. وبينه وبين نفسه راح يبدي يقارن بين تعامل المدرسة وتعامل البيت ..
مع هذا صاحب المقالة طبعا مو اقصد صاحب الموضوع ... ماكان منصف بنقل الحقيقة واخذ الموضوع من جانب معين .. اولا البنيه جوا ال 19 سنة قانونا في امريكا هي تحت حكم ابوها وامها والشرطي ميكدر يمنعهم بالعكس الشرطي دائما ميوكف ويا الام والاب وهذا صار ويا شخص صديق الي لمن الشرطي كل لبنته انت بعدك صغيرة وابو من حقك يصيح عليج ويضربك بس ما يقتلك ..
فالحبس صار بسبب مقاومنة السلطات هذا اولا ... ثاني شي سؤالي لكل الي قرئوا الموضوع هل هذا اسلوب التربية الصحيح ؟؟؟
ياريت كلمن تعاطف ويا الام والاب والي هما المذنبين باسلوب تربيتهم الفاشل يجاوبني ؟؟

على فكرة اعرف عشرات العوائل العربية الملتزمة اخلاقيا ودينيا اولادهم لايقلون التزام عنهم وصارلهم عشرات السنين هنا وقسم من الاولاد انولد هنا ذولا شنو مو عايشين بامريكا لو شنو ؟؟؟

تحياتي
أبو قمر

اخوية العزيز فد سوال

الله عليك اذا شفت بنتك بهذا الموقف رح تضربهة راشدي لو تكلهة عفية بابا ؟؟

ها لتاخذ السوال بغير قصد اخوية العزيز ...

لا صديقي العزيز مراح اضربها راشدي راح اضرب نفسي راشدي لاني فشلت في تربيتها هاي اذا كانت علاقتها بهذا الشاب علاقة سيئة ..

تحياتي
أبو قمر

للاسف اغلب الابهات والامهات يعتقدون بانهم خلقوا طفلهم ونسوا اكو فرق كبير بين الخلق والانجاب ..
مهمتك كأب ليست مهمتك كرب يجب عليه عبادتك واطاعتك ... مهمتك ويا اطفالك مهمت الرسول او النبي تحاول ان تقدم كل ما تستطيع من معلومات ومن نصائح ومن تنوير لهذا الطفل حتى تصنع منه انسان محترم ملتزم باخلاقه ودينه .. ولازم تبقى مؤمن باهم شي بانك لا تهدي من احببتك لكن الله يهدي من يشاء ..
انت تزرع البذرة وتسقيها محبة واحترام وتربية واخلاق وخلي عينك بعين رب العالمين اكيد رب العالمين راح يباركلك بهذه البذرة ويجعلها ثمرة جميلة تفتخر بيها بين الناس ..
المشكلة باسلوب التربية السلبي الي تمارسه الكثير من العوائل ... اني كنت بالعراق وانتم بالعراق 90 بالمية من البنات بهذا العمر حاجين ويا شباب ونفس الشي الشباب  الي بعلم اهله واليمن جوه الجوه .. هاي غريزة من الله لازم نعرف شلون نقومها لانك مهما عملت مراح تلغيها المشكلة مو هنا اليحجي خلي يحجي واليحب خلي يحب لكن الاهم هل انت زرعت في داخل ابنك او بنتك المخافة من الله ام المخافة منك ؟؟؟
الاب رسول صاحب رسالة ليس اله يجب ان يطاع بكل الامور ... ابهاتنا وامهاتنا الدنيا اختلفت الاجيال اختلفت ابنك يحتاج منك لايضاحات يحتاج منك لاقناع مو لضرب او كبت لان الضرب والكبت عمره مجاب نتيجة ويا شعوب كيف راح يجيب نتيجة ويا افراد ..

تحياتي
أبو قمر

اولا هذه مو تربية .. ولا اسلوب للتربية ..
يعني الي يضرب بنته كدام العالم وبموقف الباصات ودك راشديات شتتوقعون اطاعة البنت اله ؟؟؟ معناتها من هي صغيرة ماشي وياها بهذا الاسلوب الغبي للتربية .. ماكو شي يجي بالقوة وابنك من هو صغير لازم تربيه تربية حقيقية مبنيه على الثقة والمحبة مو مبنيا على ملك وعبد لازم يطيع الملك ...
هو الام لمن تربط بنتها بالسرير وتوصل لمرحلة انها لازم تروح للمستشفى حتى تتعالج هذه معناتها دتربي بنتها وين كانت الام قبل لتصير الحادثة وين علاقة المحبة والصراحة الي بين الام والبنت لو الحياة كلها ضرب وكتل ...
اني مو دا ابرر للبنت ابدا لكن البنت هي تربية اهلها صحيح هي بمجتمع يختلف عن عاداتنا بس لازم نكون اذكياء ونعالج هذا الشي مو بالضرب بالاقناع لان الطفل لمن بالمدرسة الكل يحبه ويصفكلة وبالبيت يشبع قنادر وضرب راح يكره امه وابوه ودينه وكلشي يوصله باصله .. وبينه وبين نفسه راح يبدي يقارن بين تعامل المدرسة وتعامل البيت ..
مع هذا صاحب المقالة طبعا مو اقصد صاحب الموضوع ... ماكان منصف بنقل الحقيقة واخذ الموضوع من جانب معين .. اولا البنيه جوا ال 19 سنة قانونا في امريكا هي تحت حكم ابوها وامها والشرطي ميكدر يمنعهم بالعكس الشرطي دائما ميوكف ويا الام والاب وهذا صار ويا شخص صديق الي لمن الشرطي كل لبنته انت بعدك صغيرة وابو من حقك يصيح عليج ويضربك بس ما يقتلك ..
فالحبس صار بسبب مقاومنة السلطات هذا اولا ... ثاني شي سؤالي لكل الي قرئوا الموضوع هل هذا اسلوب التربية الصحيح ؟؟؟
ياريت كلمن تعاطف ويا الام والاب والي هما المذنبين باسلوب تربيتهم الفاشل يجاوبني ؟؟

على فكرة اعرف عشرات العوائل العربية الملتزمة اخلاقيا ودينيا اولادهم لايقلون التزام عنهم وصارلهم عشرات السنين هنا وقسم من الاولاد انولد هنا ذولا شنو مو عايشين بامريكا لو شنو ؟؟؟

تحياتي
أبو قمر

شكرا جزيلا ياطيب على المعلومات القيمة والله دتخجلنة ومدنعرف اشلون نوصفك

اخوك ابو ميثم

ابو ميثم الورد احنا اخوة وماكو بين الاخوة خجل كلنا هنا نكتب ونساعد بعضنا وقبل اربع سنوات كنت استفاد كثيرا من اشخاص يكتبون المعلومة القيمة .. كلنا اصحاب رسالة بالحياة واساس حياتك هو مقدار ماتقدمه للبشرية .. كل ما كتبته هو معلومات مفيدة اكيد لكن ايصالها للغير واجب ... تحياتي صديقي المحترم ودائما مشرفني بردودك وكلماتك الطيبة ...

ابو قمر

durar  شكرا اخي العزيز لمرورك الكريم ودعواتك الطيبة يارب الموفقية دائما ..

star_2000  اختي العزيزة شكرا لكلماتك الطيبة ومرورك الكريم ويارب دائما تعم الفائدة .. ويارب الموفقية لحضرتك وتحقيق الاماني ..

ريحـــانه  والله يا اختي العزيزة الطلب هذا هاي المرة الرابعة اطلبه مو بس اني الكثير من الاعضاء .. اني ما اريد ارشفة المواضيع حسب الاشخاص لان هذا الشي مراح يكون مفيد بقدر متكون المواضيع مئرشفة وفق الموضوع نفسه ومحتروياته .. يعني الي اجاه موعد سفر يدخل الى فولدر السفر مثلا والي يحتوي على مجموعة فولدرات منها الاغراض الي تحتاجها الاوزان المسموحة المبالغ المسموح حملها وغيرها كل فولدر من هذه الفولدرات بيها مواضيع وتجارب ابو قمر المدرس سلاما للعراق احمد , علي , محمد كل الاعضاء الي كتبوا بهذا الخصوص بهاي الحالة اي شي تبحث عنه راح تجده في دقائق وراح تجد اكثر من تجربة امامك , على فكرة هذا الاسلوب راح يعزز من قوة المنتدى ويزيد من اعضائه وزواره ... شكرا اختي العزيزة لكلماتك ومشاركتك الطيبة ويارب الموفقية الك دائما وابدا ..

ام الهنا  المبدعة لازلت اترقب ان اسمع اخبار حلوة منك وانشاء الله عن قريب توصلين لبر الامان .. الانسان الطيب دائما يستاهل كل خير ... تحياتي .

تقوى الله  اختنا العزيزة المحترمة يارب تكونين بخير انت وعائلتك الكريمة .. اشكرك جدا على مرورك عطرتي الموضوع بكلماتك الطيبة يارب الموفقية الك وتحقيق كل الاماني ..

الفانوس السحري  شكرا صديقي العزيز اتشرفت بردك الطيب يا طيب وانشاء الله دائما المعلومة والطيبة تكون عنوان هذا المكان الطيب الي يجمعنا ..

تحياتي
ابو قمر

طبعا الاخوان ذكروا الايميل واني داخل كي اباركلك .. الف مبرووك لاستلامك الفيزة ويارب تكون اول خطوة في طريق النجاح والاستقرار ...

تحياتي
أبو قمر

شكرا اختي ام الهنا للرفع دائما سباقة بعمل الخير .. وشكرا لكل الردود الطيبة مراح اذكر اسمائهم لكن كل اسمائهم عزيزة على قلبي ودعواتي دائما الهم بالموفقية ويارب يارب يحقق الجميع كل احلامهم ويستقرون ويوصلون لبر الامان ...

تحياتي للجميع
أبو قمر

صباح الخيرات ...
السبب الرئيسي لكتابتي الموضوع هو الاعتذار للجميع عن عدم مشاركتي لفترة طويلة وبالذات للاعضاء الي كتبوا على الخاص سواء على المنتدى او الايميل والي قسم منهم صارله اكثر من اسبوع ممجاوبه رغم اني دا احاول يوميا ان اجيب على عدد معين لكن العدد اصبح كبير ودا احاول ارد حسب الاقدمية والاهمية فاتمنى من الجميع ان يتقبل اعتذاري لكن هذه الايام بالفعل الوقت جدا ضيق والمشاغل كثيرة والي في امريكا يعلم ويشعر بما اقول والي بعد موصللنا بالسلامة راح يتذكر كلامي لمن يوصل ..
قبل كلشي راح اكللكم شي وهو واقع من غير تجميل عمليات السفر زادت بشكل كبير منذ منتصف الشهر الاول كثير عوائل سافرت وكثير من الاعضاء وصلوا بالسلامة نباركلهم ويارب يحققون كل امانيهم منهم من كتب على العام ومنهم من اخبرني على الخاص ولم يذكر الموضوع على العام لظروف خاصة جدا .. لحد الان العدد من المنتدى 5 اعضاء خلال اخر20 يوم اضافة الى 3 اعضاء استلموا الفيز وعلنوا الموضوع الف مبروك للجميع وانشاء الله هذه بشائر خير ويارب الجميع يسافر ويوصل لبر الامان باقرب وقت ..
حبيت اليوم ان انقل ردي لموضوع احد اصدقائنا الاعزاء ونقل اسئلته المهمة الي دائما ما اسئل عنها هنا في امريكا ويسئل عنها من هو في العراق وسبحان الله الاسئلة مطابقة الى حد كبير لاسئلة صديقنا العزيز والي دائما ما كنا نجاوب عنها انا واصدقائي في المنتدى لكن عدم وجود فهرسة في المنتدى تجعل كل ما نكتبه ينغمر وسط الارشيف وكنت اتمنى ان يوضع حل لهذا الموضوع لكن كل ما نحجي بالموضوع ... نحجي ونسولف ونطلب وماكو رد او مبادرة يعني مثل المجلس العسكري بمصر اني احكم بهذا الاسلوب القديم هذا الي عندي تردون اتسولفون تظاهرون اتظاهروا بس لا تتصورون راح اغير من الاسلوب ... المنتدى هنا نفس الشي مشفت اي تطورات حقيقية بالتنظيم والفهرسة من 5 سنين ويسئل في ذلك المدير العام مو الاشراف الاشراف مبيدهم شي هذا الي استنتجته ..وهذا الي خله الكثير من الاعضاء يفقدون الرغبة في الكتابة لان مهما كتبت من كلمات ومعلومات قيمة يستفاد منه عامة الجمهور ليوم او يومين ومن ثم يختفي بالارشيف ...
ياريت واتمنى واطلب ان تقوم الادراة بدراسة فكرة ارشفة المواضيع مو وفق كتابها ولكن وفق محتوياتها مثل المكتبات الي دنشوفها ونروح نقرا بيها والامور مو صعب واكو كثير من الاعضاء ممكن ان يساعدون بموضوع الارشفة ومن خلال هذا الشي راح تقدم خدمة عظيمة للقارء وراح تقلل من مواضيع الحكولي او ساعدوني او عندي سؤال لان ارشيفنا بيه اغلب ما يبحث عنه المهاجر .. رغم اني متاكد محد راح يسمع كلماتي كالعادة لكن احب ان اذكر في كل مرة بلكي تحصل المعجزة ويسمعنا المدير العام ..

نجي هسه للاسئلة المهمة الي سئلها صديقنا العزيز وراح اجوب على الاسئلة الي وضعها باختصار :

1.هل الشخص الذي بدون عمل يحق اله التقديم
العمل في امريكا نوعين امبولاير وسيلف امبولاير .. يعني انت اما تكون موظف او تكون موظف نفسك يعني صاحب عمل خاص بيك هذا بشكل عام ... فانت اذا موظف راح يكون وياك الدبلي تو وتقدم على اساسها , اما اذا كانت صاحب بزنز ايضا راح تقدم على اساس اوراق خاصة بالبزنس مالتك وايضا هناك اعمال مراح يطلب منك اوراق .... اما اذا لم تكن لا موظف ولا صاحب عمل خاص فيجب عليك التقديم ايضا اذا كان عندك موارد مالية تجيك يعني عندك اسهم بالبورصة عندك بيت مئجره الى اخره من هذه الامور ...
هنا اريد اوضح مفهوم التاكس رتيرن مو دائما رتيرن يعني اعادة التاكس مو دائما تجيك فلوس ممكن انت تدفع فلوس يعني هي عملية  ميزانية للدخل السنوي مالتك ومقدار مادفعته من ضريبة وفق مصاريفك وعدد افراد اسرتك الي ترعاهم .

2.هل الاطفال مشمولين بالتاكس ريتيرن
طبعا الاطفال هما الاساس والي راح يساعدك باسترجاع مبلغ جيد من الضريبة .. طبعا الاطفال الى حد 3 اكثر من ثلاثة لايمكن ادراجهم .. وجود طفل واحد راح يجعل منك هاوس هولد يعني رب اسرة ومن تقدم فايلك على انك رب اسرة راح يكون الك الحق بالحصول على لو انكم كريدت بالعربي دعم مادي لمحدود الدخل وهذا يمكن يوصل لل 4500 دولار حسب مقدار ما يدخلك ومقارنته بحد معين من قبل الحكومة الفدرالية وايضا وفق عدد الافراد فكلما كنت قريب من هذا الرقم كلما كان لو انكم كردت مالتك اعلى .. اذن الاطفال ضروريين جدا ..

3.شكد المبلغ تقريبا لكل شخص وللاطفال.
هذا السؤال يبعث مفهوم خاطء , لايوجد شيء اسمه شكد شخص اله شكد والطفل اله شكد لكن هناك عملية حسابية ببرنامج خاص موجود في مكاتب استرجاع التاكس وحتى على الانترنت وعلى فكرة كل المكاتب قانونا اطلع نفس الرقم لان المكتب يقوم بعملية ادخال فقط لبرنامج والبرنامج ينطيك الرقم وفق عدد افراد الاسرة وحالة الملف هل هو هاوس هولد او سنكل ووفق الدخل السنوي للشخص , لكن بعض المكاتب يضيفون اضافات اخرى تخص موضوع الاكسبينس راح تساعد في رفع المبلغ مالتك , لكن منهم من يضيف اضافات قانونيا ومنهم من يضيف بشكل غير قانوني ويعتمد على الحظ في وقوع ملفك ضمن الاودت التجييك او عدم وقوعه .. لكن دائما ما نقرب الارقام يعني دائما نكول الطفل راح ينطيك حوالي 900 الى 1000 وممكن اقل حسب الدخل مالتك وهكذا ..

4. في اي وقت من السنه يقدم وشوكت يستلم.
عادة ما تستقبل دائرة الاي ار اس الملفات بين 17او 19 شهر الواحد الى 20 بشهر الرابع .. لكن هذا ما يعني ان بعد هذا التاريخ يعزلون هناك استقبال لملفات بشكل خاص حتى بعد 20 اربعة ..

5. معنى التاكس ريتيرن انه الحكومه توزع فلوس لكل الشعب؟؟؟ في وقت معين من السنه؟؟؟ لعد ليش تاخذ منهم ضرايب؟؟؟؟؟؟؟؟؟؟؟؟؟!!!!!!!

ابدا هذا مو المفهوم للاسف بعض العراقيين الي في امريكا يتخيل هذا الشي .. الي ديصير ان الحكومة تاخذ ضريبة دخل منك وفق استمارة انت معبيها اسمها W4 والي من خلالها الدولة تقدر مصاريفك لان بيها حالتك الزوجية وعدد الي تعينهم بطريقة رياضية جميله وعلى هذا الاساس راح يحددون مقدار الضريبة الي راح تدفعها بكل شيك تستلمه .
بنهاية السنة الدولة اطبق نظام التكافل الاجتماعي شلون .. راح تقوم بعملية حساب دخلك السنوي من عمل واحد او عملين وعدد افراد الاسرة الي انت ترعاهم ومصاريفك الرئيسية اذا كان عملك بيه مصاريف تدفعها من جيبك او اذا كنت تدرس وما الى ذلك من امور ومقدار مادفعته من ضريبة .. فاذا كان دخلك بعد خصم المصاريف تحت رقم معين الدولة راح ترجعلك التاكس الي دفعتها طبعا الفيدرال تاكس وراح تنطيك منحة اسمها الو انكم كردت حسب عدد افراد اسرتك ودخلك .. يعني مثلا اذا انت صاحب عائلة مكونة من زوجة وطفلين ودخلك تحت العشرين الف راح يطلعلك مبلغ بحدود 5500 مثلا .. اما اذا كان الك دخل فالنفرض 60 الف دولار سنويا راح تدفع انت للدولة حدود 2500 خاصة اذا كانت الw4 الي عبيتها غير مطابقة لواقع حالك عند تقديم الملف ..
اذن الدولة تاخذ الضرايب كل السنة من الجميع لانها لاتعلم مقدار ما سيكون دخلك السنوي ونهاية السنة راح تشوف دخلك السنوي قليل ترجعلك ضريبتك وتبوس راسك وتنطيك منحة مالية .. اما اذا كان دخلك عالية راح تكلك ينراد تدفعلنا مبلغ عن ما حققته , طبعا الي يتذكر السنة الي فاتت رئيس الجمهورية اويامة دفع 490 الف دولار بالتاكس رتيرن مالته دخله كان حدود ال2 مليون طبعا مو راتبه كرئيس لا لتفهمون غلط راتبه الشهري كرئيس اقل من 30 الف دولار لكن اله املاكه العقارية والكتب الي الفها واني نزلت ملف الاقرار الضريبي مالته سابقا حاله حال اي فرد في امريكا ..
 تحياتي للجميع ..

أبو قمر

صديقي المحترم .. انا تطرقت للموضوع سابقا وايضا عدد من الاعضاء لكن عدم وجود فهرسة في المنتدى تجعل كل ما نكتبه ينغمر وسط الارشيف وكنت اتمنى ان يوضع حل لهذا الموضوع لكن كل ما نحجي بالموضوع ... نحجي ونسولف ونطلب وماكو رد او مبادرة يعني مثل المجلس العسكري بمصر اني احكم بهذا الاسلوب القديم هذا الي عندي تردون اتسولفون تظاهرون اتظاهروا بس لا تتصورون راح اغير من الاسلوب ... المنتدى هنا نفس الشي مشفت اي تطورات حقيقية بالتنظيم والفهرسة من 5 سنين ويسئل في ذلك المدير العام مو الاشراف الاشراف مبيدهم شي هذا الي استنتجته ..وهذا الي خله الكثير من الاعضاء يفقدون الرغبة في الكتابة لان مهما كتبت من كلمات ومعلومات قيمة يستفاد منه عامة الجمهور ليوم او يومين ومن ثم يختفي بالارشيف ...
ياريت واتمنى واطلب ان تقوم الادراة بدراسة فكرة ارشفة المواضيع مو وفق كتابها ولكن وفق محتوياتها مثل المكتبات الي دنشوفها ونروح نقرا بيها والامور مو صعب واكو كثير من الاعضاء ممكن ان يساعدون بموضوع الارشفة ومن خلال هذا الشي راح تقدم خدمة عظيمة للقارء وراح تقلل من مواضيع الحكولي او ساعدوني او عندي سؤال لان ارشيفنا بيه اغلب ما يبحث عنه المهاجر .. رغم اني متاكد محد راح يسمع كلماتي كالعادة لكن احب ان اذكر في كل مرة بلكي تحصل المعجزة ويسمعنا المدير العام ..

نجي هسه لموضوعك سيدي العزيز , مشكورة اختنا ام الهنا نقلت الشرح وطبعا هي دائما سباقة بعمل الخير مو غريب عليها لكن حتى نجعل من الموضوع مفيد راح اجاوبك على الاسئلة الي وضعتها باختصار :

1.هل الشخص الذي بدون عمل يحق اله التقديم
العمل في امريكا نوعين امبولاير وسيلف امبولاير .. يعني انت اما تكون موظف او تكون موظف نفسك يعني صاحب عمل خاص بيك هذا بشكل عام ... فانت اذا موظف راح يكون وياك الدبلي تو وتقدم على اساسها , اما اذا كانت صاحب بزنز ايضا راح تقدم على اساس اوراق خاصة بالبزنس مالتك وايضا هناك اعمال مراح يطلب منك اوراق .... اما اذا لم تكن لا موظف ولا صاحب عمل خاص فيجب عليك التقديم ايضا اذا كان عندك موارد مالية تجيك يعني عندك اسهم بالبورصة عندك بيت مئجره الى اخره من هذه الامور ...
هنا اريد اوضح مفهوم التاكس رتيرن مو دائما رتيرن يعني اعادة التاكس مو دائما تجيك فلوس ممكن انت تدفع فلوس يعني هي عملية  ميزانية للدخل السنوي مالتك ومقدار مادفعته من ضريبة وفق مصاريفك وعدد افراد اسرتك الي ترعاهم .

2.هل الاطفال مشمولين بالتاكس ريتيرن
طبعا الاطفال هما الاساس والي راح يساعدك باسترجاع مبلغ جيد من الضريبة .. طبعا الاطفال الى حد 3 اكثر من ثلاثة لايمكن ادراجهم .. وجود طفل واحد راح يجعل منك هاوس هولد يعني رب اسرة ومن تقدم فايلك على انك رب اسرة راح يكون الك الحق بالحصول على لو انكم كريدت بالعربي دعم مادي لمحدود الدخل وهذا يمكن يوصل لل 4500 دولار حسب مقدار ما يدخلك ومقارنته بحد معين من قبل الحكومة الفدرالية وايضا وفق عدد الافراد فكلما كنت قريب من هذا الرقم كلما كان لو انكم كردت مالتك اعلى .. اذن الاطفال ضروريين جدا ..

3.شكد المبلغ تقريبا لكل شخص وللاطفال.
هذا السؤال يبعث مفهوم خاطء , لايوجد شيء اسمه شكد شخص اله شكد والطفل اله شكد لكن هناك عملية حسابية ببرنامج خاص موجود في مكاتب استرجاع التاكس وحتى على الانترنت وعلى فكرة كل المكاتب قانونا اطلع نفس الرقم لان المكتب يقوم بعملية ادخال فقط لبرنامج والبرنامج ينطيك الرقم وفق عدد افراد الاسرة وحالة الملف هل هو هاوس هولد او سنكل ووفق الدخل السنوي للشخص , لكن بعض المكاتب يضيفون اضافات اخرى تخص موضوع الاكسبينس راح تساعد في رفع المبلغ مالتك , لكن منهم من يضيف اضافات قانونيا ومنهم من يضيف بشكل غير قانوني ويعتمد على الحظ في وقوع ملفك ضمن الاودت التجييك او عدم وقوعه .. لكن دائما ما نقرب الارقام يعني دائما نكول الطفل راح ينطيك حوالي 900 الى 1000 وممكن اقل حسب الدخل مالتك وهكذا ..

4. في اي وقت من السنه يقدم وشوكت يستلم.
عادة ما تستقبل دائرة الاي ار اس الملفات بين 17او 19 شهر الواحد الى 20 بشهر الرابع .. لكن هذا ما يعني ان بعد هذا التاريخ يعزلون هناك استقبال لملفات بشكل خاص حتى بعد 20 اربعة ..

5. معنى التاكس ريتيرن انه الحكومه توزع فلوس لكل الشعب؟؟؟ في وقت معين من السنه؟؟؟ لعد ليش تاخذ منهم ضرايب؟؟؟؟؟؟؟؟؟؟؟؟؟!!!!!!!

ابدا هذا مو المفهوم للاسف بعض العراقيين الي في امريكا يتخيل هذا الشي .. الي ديصير ان الحكومة تاخذ ضريبة دخل منك وفق استمارة انت معبيها اسمها W4 والي من خلالها الدولة تقدر مصاريفك لان بيها حالتك الزوجية وعدد الي تعينهم بطريقة رياضية جميله وعلى هذا الاساس راح يحددون مقدار الضريبة الي راح تدفعها بكل شيك تستلمه .
بنهاية السنة الدولة اطبق نظام التكافل الاجتماعي شلون .. راح تقوم بعملية حساب دخلك السنوي من عمل واحد او عملين وعدد افراد الاسرة الي انت ترعاهم ومصاريفك الرئيسية اذا كان عملك بيه مصاريف تدفعها من جيبك او اذا كنت تدرس وما الى ذلك من امور ومقدار مادفعته من ضريبة .. فاذا كان دخلك بعد خصم المصاريف تحت رقم معين الدولة راح ترجعلك التاكس الي دفعتها طبعا الفيدرال تاكس وراح تنطيك منحة اسمها الو انكم كردت حسب عدد افراد اسرتك ودخلك .. يعني مثلا اذا انت صاحب عائلة مكونة من زوجة وطفلين ودخلك تحت العشرين الف راح يطلعلك مبلغ بحدود 5500 مثلا .. اما اذا كان الك دخل فالنفرض 60 الف دولار سنويا راح تدفع انت للدولة حدود 2500 خاصة اذا كانت الw4 الي عبيتها غير مطابقة لواقع حالك عند تقديم الملف ..
اذن الدولة تاخذ الضرايب كل السنة من الجميع لانها لاتعلم مقدار ما سيكون دخلك السنوي ونهاية السنة راح تشوف دخلك السنوي قليل ترجعلك ضريبتك وتبوس راسك وتنطيك منحة مالية .. اما اذا كان دخلك عالية راح تكلك ينراد تدفعلنا مبلغ عن ما حققته , طبعا الي يتذكر السنة الي فاتت رئيس الجمهورية اويامة دفع 490 الف دولار بالتاكس رتيرن مالته دخله كان حدود ال2 مليون طبعا مو راتبه كرئيس لا لتفهمون غلط راتبه الشهري كرئيس اقل من 30 الف دولار لكن اله املاكه العقارية والكتب الي الفها واني نزلت ملف الاقرار الضريبي مالته سابقا حاله حال اي فرد في امريكا ..
اتمنى ان تكون الصورة واضحة تحياتي للجميع ..

ابو قمر

اختي العزيزة .... الي افتمته من كلامك السابق غير شي .. بس هسه صارت واضحة الصورة ...
منو بعين كاوى كال هذا الكلام ؟؟؟؟ وعلى اي اساس ؟؟؟
فيزة الزيارة ماتأثر نهائيا على ملف الهجرة ممكن العكس ملف الهجرة يأثر على فيزة السياحة ..
اختي انت تقدمين على فيزة زيارة وحدك مثل ما اتفضلتي ومثل ماذكرت لوالدتك العزيزة ... والدتك او اخوك يدزلك ورقة دعوة زيارة ويكتب ان امك مريضةوتريد اتشوفك واذا يكدر يدز تقارير طبيه يكون افضل ...
انت ترحين للمقابلة وتكليلهم والدتك مريضة وانت رايحة اتزوريها وزوجك واطفالك باقين وتكليلهم راح اروح اسبوعين مو اكثر لان ماكو احد يرعى جهالي تراويهم التقارير الطبية وورقة الدعوة وانشاء الله تحصلين الفيزة ...
الفيزة ما تأثر نهائيا على ملف اللجوء بالعكس ممكن تكون ايجابية بالذات اذا دخلتي الاراضي الامريكية ورجعتي بدون مشاكل راح يساعد كثير بموافقتك الامنية ..
اتوكلي على الله وقدمي وانشاء الله القبول .. ولازلت اسئلك منو الي كال انها تأثر ياريت يكتبلنا استنادا على اي شي ... الف صحة وعافية لوالدتنا الغالية واني اسف افتهمت كلامك غلط كنت متخيل ان انت بسوريا او الاردن وتردين ترجعين للعراق هذا الي افتمته من كلامك واعتذر علفى سوء الفهم ..

تحياتي
أبو قمر

اختي العزيزة اولا اتقدم باعتذاري للتاخر بالرد بس والله الايام الي فاتت وهذه الايام جدا مشغول فدخولي للانترنت جدا محدود فاتمنى ان تتقبلين اعتذاري انت وجميع الاخوان الي كتبولي على الخاص او على الايميل ..
اختي لا يمكن لاي شخص ان يجزم لك اي مدينة الافضل لان كل شخص اله افكاره الخاصة واله ايجابيات وسلبيات بنضرة تختلف عن غيره لكن راح اذكرلك صفات عامة وانت الي تختارين الافضل ..
افضل المدن في تكساس من ناحية العمل وحسب الترتيب :
هيوستن
دالاس فورت وورث
سان انتونيو
استن
امريلو
بكل القياسات هيوست تجي رقم واحد من ناحية فرص العمل مدينة كبيرة جدا سلبياتها رطوبة كونها قريبة جدا من البحر ..مدينة مزدحمة جدا بيها انواع مختلفة من الاجناس بالنسبة للسود او البيض فموقياس السود موجودين في كل مكان في تكساس الموضوع يعتمد على مستوى المنطقة الي تسكنين بيها يعني اذا منطقتك راقية فراح تكون امينة وحتى السود الموجودين بيها ناس محترمين لا يختلفون شيء عن البيض .. الموضوع موضوع اين منطقة سوف تسكنين يعني شمال هيوستن مو مثل جنوبها ولا مثل غربها وهكذا .
دالاس فورت وورث فرص العمل جيدة فيها لكنها تعتبر اهدء كمدن من هيوستن بالذات شمال فورت وورث وايضا الموضوع يختلف من منطقة الى اخرى , الجو نفس جو بغداد مع وجود رطوبة في بعض الايام او الاشهر لكن افضل بكثير من هيوستن .
اوستن العاصمة لكنها اصغر بكثير من هيوستن او دالاس فرص فيها وفي سان انتونيو اقل نسبيا من هيوستن او دالاسفورت وورثلكن جوها جميل والرطوبة اقل بكثير من هيوستن وايضا مناطق تختلف من منطقة الى اخرى .
طبعا المساعدات نفسها بكل المدن لكن بيوت الدولة في دالاس فورت وورث التقديم والقبول فيها اسرع بكثير مما هي في هيوستن ..
هذا بالمختصر صفات هذه المدن واني حاضر اذا عندك اي اسئلة اضافية ..

تحياتي
أبو قمر

مساء الخير اختي العزيزة .. اولا انا اسف للتاخر بالرد بس والله الايام الي فاتت وهذه الايام جدا مشغول فاتمنى ان تتقبلين اعتذاري ..
اختي الف لابأس على الوالد ويارب الشفاء العاجل واجر وعافية انشاء الله ..
اختي بصراحة العودة للعراق اكيد امر سلبي في ملفك .. لكن حدثت سابقا للبعض الي رجع للعراق لظرف طارىء ولفترة قصيرة ومعه الاثباتات الي تثبت سبب رجوعه فاتفهمت الاي او ام الموضوع لكن مو ضمان ..
ولهذا انا لا انصح بالعودة لكن اذا كنت مضطرة جدا والموضوع حياة او موت فحاولي ان تذهبيت لفترة قصيرة وتجلبيت تقارير الصحية للوالد والي راح تفيدك بالتبرير لسبب رجوعك ...
فيزة السياحة مالها علاقة بالموضوع هذه موضوع اخر مختلف كليا ...
يارب الشفاء العاجل للوالد وانشاء السلامة لحضرتك واهلك الطيبين ..

تحياتي
أبو قمر

صديقي العزيز ابو قمر
اشكرك جدا لأن نورتني بمعلومات مهمة بصراحة ما كانت في بالي ..بلا زحمة عليك ممكن تفهمني شنو يعني شورت سيل ؟و اذا البيت داخل بالforeclousre شنو الفائدة اذا واحد يشتريه ..يعني البيت الي ماخذه البنك من صاحبة و معروض بسعر بسيط هل اذا ادفع هذا السعر البسيط راح يكون الي ام لازم ادفع شغلات اخرى او اكمل القرض الي عليه؟

شكرا مقدما لأجاباتك المفيدة..تحياتي
سنوبي

صديقي المحترم .. الشورت سيل هو المرحلة الي تسبق اجراءات الفوركلوشر .. يعني صاحب البيت مديكدر يدفع ويريد يطلع من القرض ومعنده غير اخر شهر فيحاول يبيع البيت بسعر اقل ما يمكن اقلها يسدد مبلغ البنك حتى ليتعرض للباد كردت واحيانا يكمل من جيبة للبنك حتى ليصير عليه فولكلوشر ولهذا الشورت سيل السعر بيه يكون جدا جيد لكن البيت ينباع بسرعة فلازم تقدم عرضك بسرعة ومتتردد ..
الفولكلوشر هو البيت يحجز عليه البنك ويصير ملكه .. هنا ممكن يبيعوه بسعر جيد وممكن ميبيعوه يبقوه والشراء من البنك جدا صعب ودائما البنك مينزل كثير عن قيمة البيت وبالذات ان الحكومة دتنطيهم تسهيلات بعدم دفع الضريبة العقارية السنوية للبيوت الي فولكلوشر ولهذا البنك مخسران شي ينتظر احسن العروض .. وطبعا تعتمد من بنك الى اخر .. لكن غالبا ما يكون الفوركلوشر ارخص من سعر السوك بس مو هواي يعني مو اكثر من 10000 دولار دائما البتك يمشي على الابريزر وطبعا حسب حالة البيت ..
افضل سعر ممكن تحصلة اذا كان البيت لايزال تحت اسم صاحبة وصاحبه متوازي يريد يبيع قبل ليصير عليه فوركلوشر  او البيت الي يبقى بالسوك لفترة طويلة ومحد يكلبه بس لازم تكون حذر ويا هذا النوع لان اكيد اكو مشكلة معينة بالبيت ...
اتمنى اجابتي وضحت الامور واني حاضر لاي سؤال صديقي العزيز ... بالمناسبة  معلومة الك وللجميع شراء البيت ماكو عليه ضريبة مبيعات نهائيا يعني الضريبة عند الشراء 0  مو مثل السيارة كون البيت اوردي يندفعله ضريبة عقارية ..

تحياتي
أبو قمر

ريتا سعد  اختنا العزيزة دائما ردودك جميلة وطيبة وانشاء الله دعواتك توصل اني حاليا الخطوة المهمة لهاي السنة هو الماستر .. شكرا لدعواتك الطيبة اختي العزيزة ...

so soft  شكرا صديقي المحترم لمرورك الكريم ولكلماتك الطيبة ...


KUKICACAW  انشاء الله موفق وتفرج عليك ونسمع خبر سفرك باقرب وقت يارب .. شكرا يا طيب لكل كلمة طيبة كتبتها يارب يبارك بيك ..

تحياتي
أبو قمر

[اخونا ابو قمر الورد ...مشكور على معلوماتك القيمة وذات الفائدة العامة ونتمنى ان تتواصل كل يوم معنا ...لانه موضوعك قيمومن الفائدة انه نطلع على الافكار والمشاريع ونناقش سلبياتها وايجابياتها ونسمع اراء الاخرين ونأخذ بالذي يوالمنا وفق الامكانيات ..تحياتي ...]

اخونا ابو قمر الورد ...

مشكور على معلوماتك القيمة وذات الفائدة العامة

ونتمنى ان تتواصل كل يوم معنا ...لانه موضوعك  قيم

ومن الفائدة  انه نطلع على الافكار والمشاريع ونناقش سلبياتها وايجابياتها ونسمع اراء الاخرين

ونأخذ بالذي يوالمنا وفق الامكانيات ..


تحياتي ...

صديقي اكيد طبعا متواصلين والموضوع بدت تنطرح بيه افكار جميلة يارب يستفاد منه الجميع .. بس التواصل اليومي شوية صعبة هنا في امريكا فاعذروني مقدما انا احاول ان ادخل عندما يكون الي وقت فراغ وبصراحة دا اسرق هذا الوقت سرقة .. بس اكيد اتمنى ان الموضوع يستمر والمشاركات تستمر حتى تعم الفائدة ...
اشكرك صديقي العزيز

أبو قمر

صديقي ابو قمر الوردة
شلونك ان شاء الله مرتاح ..طبعا دائما تتحفنه بمواضيعك الراقية الي تعكس عقليتك الفذة
سولفلي على مشروع البيوت لأن خاش بدماغي و يمنه بكنساس ستي اكو بيوت حتى بخمس الاف دولار بس تعبانة و المنطقة كلهه سود اكو بيوت بتلاثين و اربعين و خمسين الف بمناطق زينة نسبيا اما البيوت بمناطق كلش زينة فتبدي ب 75 الف فشتنصحني خصوصا بالنسبة للبيوت الرخيصة يعني تدري اذا تأجر البيت راح الناس اليسكنون بيه قد يأذوه للبيت فشنو نوع الانشورنز الي يضمنلك حقوقك من التلف المتعمد او الصيانة للمجاري و التدفئة و التبريد ..ولو ثقلت عليك بس اذا بيت ما بيه تدفئة و تبريد شكد تقريبا يكلف تأسيس التدفئة و التبريد بالبيت؟

اشكرك يا وردة و اتمنى تستمر بالتفاعل بهذا الموضوع الحلو

سنوبي

صديقي العزيز سنوبي .. اولا شكرا لمشاركتك الي اكيد راح تغني الموضوع ,
موضوع البيت كمشروع واختياره موضوع مطول واني راح اوضح بعض الافكار الي اتصورها ضرورية للتفكير بهكذا نوع من المشاريع ..
طبعا حتى تكون ناجح في حياتك يجب ان يكون عندك بدائل لاي مصاعب تواجها , شلون يعني انا لمن اسافر من منطقة الى اخرى دائما ما اختار  طريق اسافر بيه واحضر طريقين بديلين في حالة واجهتني صعوبة في الطريق الاول الذي اخترته حتى اضمن وصولي للنقطة الي ناوي الوصول الها ..
نفس الشي الموضوع بالمشاريع دائما حتى يكون مشروعك حيوي يجب ان يجتوي على خيارات اكبر او اوبشنات اكبر وهنا راح احدد موضوع البيت ..
انا ممكن اشتري بيت باوبشن واحد وممكن اشتري بيت باربع اوبشنات شلون ...
انا ممكن اشتري بيت يحتاج الى صيانة في منطقة جيدة قريب على الشارع العام او قريب قريب على جامعة المدينة .. شنو الي ممكن اسوي بهذا البيت .
اولا ممكن ان اصلح المشاكل الي يحتويها البيت واصبغه وارتبه وارجع ابيعه بسعر اخر بما اني اخذته بسعر مناسب جدا وتحت سعر السوك وبما ان اني ماخذه بمنطقة جيدة بالمبيع مراح يطول والناس راح ترغبه لكونه في منطقة جيدة
ثانيا : بامكاني ان ااجر البيت فارغ وبسعر ايجار ممتاز كون المنطقة جيدة طبعا بعد ما اقوم بترتيب البيت وصيانته
ثالثا : امكانية تحويل البيت الى  بناء تجاري لكونه على شارع عام .. يعني ممكن تقلب البيت الى حضانة بعد متعدل بيه وفق متطلبات الحضانه
رابعا : بما ان البيت قريب من الجامعة فبأمكانك تاثيث البيت اثاث بسيط وتاجيره على شكل غرف للطلاب بسعر ممتاز وممكن ايضا ان تدفع فاتورة الانترنت والكهرباء للمنزل وتاجره كسكن مدفوع الفواتير للطلبة طبعا ايجار الغرفة راح يكون ممتاز فبالمحصلة ايجار البيت راح يكون ضعف ايجاره لمن يكون فارغ
اذا اني عندي هنا 4 مشاريع لبيت واحد ممكن ان اختار واحد منهم او اغيرهم بحسب الظروف ..  طبعا اكيد افضل من ان اشتري بيت في منطقة تعبانة حتى لو كان رخيص بمفهومنا لكن مراح يكون عندك غير مشروع واحد فقط هو التاجير واما اذا حبيت تبيع البيت فعملية البيع راح تكون جدا صعبة .. لاتنسى ان سكان المناطق التعبانة احتمالية عدم امكانيتهم على دفع الاجار في بعض الاشهر قائمة فراح تدخل بمشاكل مالها اخر ولاتنسى ان الشهر الي ميتئجر بيه البيت راح يكون محسوب الضريبة العقارية ..
نجي للسعر  وارجع وااكد ان نمسح الافكار القديمة من دماغنا بمجرد وصولنا الى امريكا وخصوصا الافكار الاقتصادية والتجارية لان انت هنا في مجتمع مختلف كليا اقتصاديا وتجاريا عن مجتمعنا العربي ..
البيت لايقاس انه رخيص بسعره  لا .. البيت يقاس انه رخيص مقارنة بالسعر العام للمنطقة الموجود بيها البيت يعني مثلا .. انت تشتري بيت ب20 الف دولار طبعا كلنا نكووول رخيص لكن السعر العام بالمنطقة شكد فاذا كان سعر المنطقة يتراوح ما بين 18-22 الف احنا مسوينا شي البيت مو رخيص ..
لكن لمن انا اشتري بيت وصار عليه مثلا ب 75 الف دولار وسعر المنطقة  يتراوح ما بين 100-120 الف معناتها انا ماخذ بيت رخيص ومسوي ديل حلو ..
بالنسبة للصيانة طبعا اكيد حتى تاخذ بيت بفرق كبير عن السوك لازم يكون البيت يحتاجله صيانه .. لكن الصيانة مو رخيصة في امريكا .. لتحط نفسك بخانة اليك ببيوت يحتاجلها شبكة تبريد او تدفئة لان الموضوع جدا مكلف نفس الشي البيوت الي تحتاجها كونستركشن كبير راح تطلع عليك البطانة اغلى من الوجه ..
حاول ان تاخذ البيت الي تكون صيانته بسيطة يعني ينرادله صبغ ينرادله تبديل ارضية كاربت او كاشي او خشب كونستركشن بسيط يعني فاونديشن بروبليم  ميتجاوز ال 3 انجات وهكذا .. طبعا انت قبل الشراء عندك فرص لتنزيل السعر ..
ولهذا مفاوضات الشراء اهم شي بالموضوع .. يعني اذا البيت معروض ب 60 الف مثلا والبيت كان اله فترة كبيرة بالسوق او البيت صاحبه اندفدول يعني ملك صاحبه او البيت رايح على شورت سيل ممكن اتقدم عرض ب 40 الف وحط ابالك ان اكيد الي راح يبيع مراح يوافق بهذا العرض لكنه راح ينزل عن عرضه شوية حتى يوصلك فاحتمال يكلك لا 55 الف انت هنا عندك فرصة للشوت مرة ثانية يعني مو تكله اي هاهيا وافقت ممكن اتكله لا انطيك 47000 وراح ادفع التايتل في او امور اخرى .. طبعا اذا وافق مو معناتها انتهى النقاش .. توقع العقد وياه وتطلب فترة اسبوعين حتى تسوي انسبكشن للبيت يعني تجري فحص للبيت اذا عجبك تاخذه واذا ماعجبك ممكن تطلع من الديل ..
بعد متاخذ تقرير الانسبكشن ممكن تضغط على البائع مرة ثانية وتكله اني مكنت متوقع يريد كل هالصيانة اني مضطر ان الغي العقد لان البيت يحتاجلها 5000 دولار اضافية للتصليح .. هنا صاحب البيت ممكن ان ينزلك المبلغ لكن راح ينزل 3000 مثلا او يكلك اني اصلح الك وهذا نادر جدا او يكلك لا اني ما اكدر انزل اي شي وهذا ايضا يعتمد على البائع اذا كان يريد يبيع بسرعة ويخلص وبكل الاحوال انت مخسران شي ممكن تاخذه بالسعر الي اتفقت عليه وممكن ايضا ان ينزل من السعر وتاخذه بسعر اقل ..
اتمنى تكون وصلت الفكرة صديقي العزيز واي اسئلة اخرى اني حاضر ..

تحياتي
أبو قمر
 

بارك الله بيك اخوية ابو قمر .. احنة العايشين بامريكا نشوف هاي المشاريع بيها هواية عراقيل ... الكردت صعب .. ومشروع الدي كير بالاخص ينرادلة شروط هواية منها ام الحضانة لازم تكون لغتها زينة .. تلتزم بالوجبات الغذائية المقدمة من الولاية مو اي اكل تقدمة للاطفال .. اي طفل يوكع لو يصير بجسمة اي كدمة لازم تكتب بي تقرير لان هنا بس يريدون عليك لزمة حتى يدخلوك بمدخل الغرامات المالية والمقاضاة ... هذا الشئ اني شفتة لان عندي طفلة وجنت اوديها للدي كير واعرف شنو الامور الي مرت بيها صاحبة الدي كير ...
وشكرا على افكارك البنائة الي تزود بيها الناس

اكيد اختي الموضوع مو سهل ابدا .. ينرادله دقة وحذر بالتعامل انا ذكرت انت راح تتعامل ويا اغلى شي في امريكا وهو الطفل .. يمكن اني ما اتفق ويا حضرتك انهم يدورون حجة حتى يغرمون ماليا .. لا ابدا بس هما بلد قانون مبيه استثناءات تخالف القانون تدفع الغرامة متخالف القانون محد يندك بحايطك ..
لكني متفق معك كليا ان الموضوع مو سهل ولازم تكون ملم بكل الامور الي تتعلق بالمشروع واتكون محترف بالتعامل ويا الاطفال وادارة المشروع ..
شكرا اختي العزيزة لمشاركتك القيمة يوارب يسهل امرك ويبارك بحضرتك ...

ابو قمر

goldarrow  شكرا لمروركم الكريم وكلماتكم الطيبة ...

حامل المسك  شكرا لمشاعرك الطيبة يا وردة .. تحياتي لكل كلمة كتبتها ودعواتي الك بالموفية يارب ...

سأحقق ذاتي شكرا صديقي المحرتم لكل كلمة كتبتها ويارب يسهل امرك ويبارك بحضرتك ..

ضياء العسل  صديقي العزيز الموضوع موضوعك يمتى ما تشرف متاخر من وكت متفرق المهم مساركاتك ويانه .. ماكو اخبار جديدة ؟؟؟  يارب يسهل امرك ونسمع اخبار حلوه منك باقرب وقت يا رب ..


تحياتي

أبو قمر

موضوع كلش رائع اخ ابو قمر
انا عندي افكار لمشاريع يمكن تنجح وتكلفتها قليله مثل
معمل طرشي
معمل راشي
معمل دبس ولو اتصور التمر غالي هناك
 هذه المشاريع لا تكلف خصوصا الطرشي عباره عن خضره وماء وملح وخل بنسب معينه ووضعها في اواني

بلاستيكيه مكبوسه ومفرغه من الهواء مثل تعبئه الزيتون التركي
مشروع اخر ولو يعتبر مكلف وهو مكوى ملابس لوندري
واهم شي بصاحب المشروع ان يكون لديه روح المثابره والاستثمار يعني مايخاف واحد قلبه قوي وعنده مبلغ معين

يستطيع ان يجازف به والتوفيق من رب العالمين
تحياتي

اكيد افكار جميله وحلوة ... معمل الطرشي جيد وايضا يعتمد على المدينة الي انت بيها وعن السوق الي راح توزعله .. فاذا كانت المدينة زراعية واسعار الخضار جيدة بيها ليش لا بس لازم تلكالك سوك وماركة تجارية اذا تريد اتوسع الموضوع .. اما اذا تريد اتسوي هذا الامر لمحل مواد غذائية خاص بيك ايضا تمام ماكو اي اشكال ..
الدبس والراشي شويا واكفه لان المواد الاولية جدا غالية والي يستوردوه من الوطن العربي اكيد ارخص ..
اللوندري فكرة جميله جدا وتشتغل بصورة خيالية في المدن الكبرى اما المدن البسيطة والمدن الصناعية راح يكون الاقبال اقل طبعا .. موضوع اللوندري لازم يكون قريب من المدن الي تكون الوظائف الادارية بيها اكبر واتكون مدن مزدحمة وطبعا اذا قريب من الداون تاون راح اليكون الشغل بديع جدا ..
حلوة الافكار صديقي العزيز .. وماشاء الله الافكار دزيد بهذا الموضوع ..

تحياتي
أبو قمر

والله اخوية جنة بولاية ميري لاند وردنة نفتح كوفي شوب صغير طبعاُ وعلى كولتك لازم محل ابمكان على الشارع وقريب من مدرسة او كلية فسئلنة على الايجارات بالكولج بارك اصغر محل ايجارو 8000 $ بالشهر زين احنة شراح انحصل حتى دندفع 8000$ بالشهر المهم كنسلنة الموضوع وهسة على المساعدات العاوية ونكت بالفلوس ومانلحك ولاشغل ولاعمل والحمد لله وين مانقدم على شغل ماننقبل هههههههههههه مدري اضحك مدري ابجي.

اختي العزيزة نور  (ام ابراهيم )  احسن شي فتحي بسطة والحاجة ب250 قصدي  بدولار بيعي بيها ابر خيطان مطاطات قراصات ومن تجي البلدية (اشلع ) احسن شي ,,, تحية لابو قمر ,,, زين الي ماعندا فلوس  شيفتح



لوليا

اختي لوليه ... المعنده فلوس لازم يشتغل بمرتب اسبوعي او شهري ويجمعله كم فلس من الراتب او من التاكس السنوي , اكو كثير مشاريع ميحتاجلها راس مال كبير مثلا :
1- اكو موقع اسمه كريك ليست معروف جدا في امريكا وكثير من الاخوان الي في امريكا يعرفوه .. هذا الموقع الناس تعرض بيه الاشياء الزايدة ويردون يبيعوها او يعرضون بيه عن قيامهم بعمل شي اسمه كراج سيل معناه ان بيت او مجموعة من البيوت يشتركون ويعرضون غراض زايدة عدهم للبيع تلفزيون غساله كراسي خلاط كتب تحفيات وغيرها من الاشياء الي ممكن تشتريها بسعر جدا جدا قليل .. بعض اخوانا المكسيكان شيسوون يراقبون الموقع وايضا الاعلانات الي بالشوارع وكل سبت واحد يلمون الغراض من الكراج سيل باسعار جدا رخيصة ويرجعون يبيعوها بالبزار او يعرضوها عالموقع مرة ثانيا باسعار اخرى .. فيحققون ارباح جيدة ومحترمة من غير ميكون اكو تاكس بالموضوع ..
نفس الشي اني اعرف صديق يراقب الموقع يوميا ومن تنزل سيارة نظيفة وبسعر حلو يتصل ويروح يشوفها ويضغط على صاحبها وياخذها بسعر ممتاز يرجع ينظفها وياخذلها صور حلوة ويضيفله الف على السعر ويرجع يعرضها وخلال ايام تنباع وهكذا ..

ايضا اني اعرف شخص بالصيف يجي للشركة مالتنا بوقت البريك او الغدا ويجيب موطا وياه والموطا على دولارين ونص طبعا مغلفة وهو يمكن مشتريها على دولار طبعا هو مرتب ثلاجته بالسيارة مالته .. طبعا مو كل الشركات توافق على هذا الشي تعتمد على الشركة هل هي متعاقدة ويا اصحاب كافتريا ام لا ..

طيعا هاي مجرد افكار واكو افكار غيرها كثيرة جدا للي يريد يشتغل ...

تحياتي
أبو قمر

تجربتك ليست تعميم لعد ليشه اخذتي تجربه ابو قمر و قبل ما تسافرين و تهللين و تزمرين لاامريكا و لتجربه ابو قمر
تذكرين كلامك قبل السفر لو نسيتي سبحان الله اختلف 180 درجه كلامك قبل السفر و الان

اخي العزيز انت تتصور هذا الوقت شماته .. هل هذه هي اخلاقك ؟؟؟ المرأة جاية تسولوفلكم لان تحسكم عائلتها ودتنتظر معلومات تساعدة او كلمات ترفع من معنوياتها , اسلوب التشمت هذا مو اسلوب انسان لان الانسان لازم تكون عنده انسانية واخلاق والا ميكون انسان  .. لا ابو قمر ولا اي انسان ممكن تقاس على تجاربه لكن ابو قمر وغيره ينقلون معلومات عن المجتمع لكن مو بيدهم الرزق لان الرزق عند الله وحده بالعراق وبدول الجوار وبامريكا وبكل مكان الله هو وحده الرزاق ..
اختنا واخونا ابو شمس جايين من العراق و اول مرة يجربون الغربة ولهذا جناحاتحم صغيرة على الغربة وديذكرون تجربتهم الكم حتى ترفعون من عزيمتهم او تقدمولهم معلومات تفيدهم او نصيحة .. يا اخي الكلمة الطيبة صدقة .. تدري الي خالنا نطلع من العراق قبل الموت هو هذا الاسلوب الرخيصلا بالتعامل مع الانسان من يوكع واحد تشمت بيه وتكثر سجاجينه وكانا اعداء مو اخوة ابلد واحد تربطنا لغة ودين وتاريخ .. شوف الامريكان من كل بلد واحد ماكو شي يربطهم بس انسانيتهم واحترامهم البعضهم جعلتهم اقوى شعوب العالم ..

ياريت والكلام الكل ولكل اخوتي الاعضاء حطوا نفسكم بمكان هذه العائلة او اعتبروها اختكم او بنتكم وانصحوها وقدمولها المعلومة على هذا الاساس اقلها تضمنون الاجر والقيمة العلية الي راح تحسون بيهم لمن يكون ضميركم مرتاح لانه ديساعد انسان ديمر بظرف صعب ..

سؤالي الك هسه : انت ليش ضايج من ابو قمر خلينا نكون واضحين انت مسوي حساب خاص حتى تدخل وتحجي على ابو قمر بيه طيب ليش متدخل بحسابك الاصلي .. طيب اني مضوجك بكلمة حاجي عليك اني ما اتذكر بحياتي اني مزعل انسان او مقلل من شانه .. طيب ضايج مني لان دا اكتب بالمنتدى باوع تره هي مثل الماي على كلبي اقلها اكضي الوقت ويا زوجتي ويا بنتي والي يعرفني شخصيا يعرف شون الوقت مو ملكي .. مدا افتهم وجهة نظرك كلي انت من شنو ضايج كلما اكتبلي كلمة او موضوع راكض وراي وتنتقد رغم الي كاتبه مبيه شي يمكن انتقاده وياريت تنتقد وبس فيا ريت اتفهمني انت شرايد وشنو الي مضوجك مني حتى اني افتهم والاعضاء يفتهمون ايضا وياريت تدخل باسمك الحقيقي احنا عائلة مو اعداء ماكو داعي للخوف
تحياتي
أبو قمر

اختي ام شبس صباح الخيرات اولا ...
موضوع العمل بالنسبة الكم حاليا موضوع رزق من رب العالمين , يعني قدمنا بكل مكان مثل متعرفين لابو شمس وانت ايضا قدمتي .. لكن رب العالمين سبحان الله ما اذن لحد الان .. اختي كثير رعراقيين من المنتدى وصلوا تكساس واشتغلوا وهسه ديدورون شغل ثاني .. الموضوع موضوع قسمة وعلى لحظة تلكيهم اتصلوا بيكم وبدا يعمل ابو شمس ..
اني مقدر كل التعب النفسي الي انت بيه بس انت تنتظرين فرصة عمل فقط وراح ترتاحين ويرتاحون اطفالك .. انشاء الله من يستلم ابو شمس الدبليو تو مالته خلي يتصل بيه وانشاء الله انقدمله على التاكس وهم تجيكم فد 4 - 5 الاف دولار تمشيكم كم شهر .. وبما ان دالاس قفلت يمكم .. خلي ابو شمس يتفرغ يوم الاربعاء ويجيني ونطلع انقدمله هنا بفورت وورث بلكي يارب رزقكم هنا .. واذا شفتوا نفسكم تعبتوا وصارت صعبة عليكم اخونا حمادة بمنيسوتا مراح يقصر وياكم هناك انتم عدكم اطفال فالمساعدات مضمونة وراح تغطي ايجاركم .. كثير طرق كدامك لا تخلين حالتك النفسية تاثر على تفكيرك .. انتم الي محتاجينة بس فرصة عمل وهاي مو مستحيلة انتوا هسه دخلتوا بالشهر الخامس يعني صارلكم 4 اشهر ددورون على شغل يعني مو فترة طويلة وصدكيني الشغل يجي على لحظات وانشاء الله فورت وورث الفرصة تكون بيها افضل يا رب .. تحياتي الك ولاخوي العزيز ابو شمس ..

أبو قمر

goldarrow  صديقي العزيز شكرا لمرورك الكريم ...

ابو هاشم الوردة .. موضوع الكاز ستيشن من المشاريع الحيوية في امريكا ... لكن يحتاجلها رأس مال بحجم الكاز ستيشن نفسها يعني ممكن تشتري كاز ستيشن بمنطقى متوسطة مو منطقة تجارية بيها اربع مضخات وطبعا انت عندك البناية مالتها الي ممكن تبيع بيها جكاير وسناك وشغلات خاصة بالسيارات واكل وعصير وكلشي تريد لان الكاز ستيشن هنا مو بس بيها بنزين لا ايضا المحل مالتها مثل الاسواق عدنا وللعلم الاسواق مال الكاز ستيشن تشتغل افضل من الكاز نفسه الي تبيعه .. ممكن هذه المواصفات البسيطة في تكساس تتحصل بمبلغ 300 الف اكثر او اقل بشوية ..
اما اذا تتكلم عن كاز ستيشن كبير 12 مضخة ووفوك وبمنطقة تجارية فيبدي من 750 الف وانت صاعد .. طبعا هذا الحجي على تكساس .. ايضا راح تحتاج ان تتعامل ويا شركة توردلك الكاز البنزين مثل شيل او شيفرون وغيرها كثير فراح توردلك الكاز لكن بدون متاخذ الماركة اذا حبيت تاخذ الماركة مالتهم لازم تدفع مبلغ سنوي حتى تعلك اسمهم على الكاز ستيشن مالتك وطبعا هما الهم شروط خاصة ..
ارباح الكاز ستيشن تعتمد على المنطقة والمكان لكن دائما ما تكون جيدة وممكن قيبل لتشتري الكاز ستيشن تاخذ الكشف الضريبي مال السنة الي فاتت وراح يبنلك ارباحها واذا كانت تشتغل او  لا ..

تحياتي
أبو قمر

[اي طبعا تأثر انا اعرف صديق قديم يمكن صار له بامريكا اكثر من 21 سنة وبعده ما متجنس ليهسه وهو من جماعة رفحاء ... وبعده بطرك الكرين كارد مدري شضارب هذا الاخ ؟؟؟!!! كلما اسأله عمي انته طلع الشيب براسك وراح تصير من مؤسسي امريكا وليهسه ماكو جنسية ليش يكول انه هو ميريدها بيها سلبيات اكثر من الايجابيات ومينطيني توضيح اكثر ... وهسه هو وياي للصدفة عالمسنجر وظل يضحك من كلت له بسالفة البرميل اللي انزرف صدك شنو سلبيات الجنسية وليش اكثر جماعة ال 91 اقصد جماعة رفحاء ميريدوها ؟؟؟ اكو بيها شي مو زين جنسيتهم ؟ افيدونا]

اي طبعا تأثر
انا اعرف صديق قديم يمكن صار له بامريكا اكثر من 21 سنة وبعده ما متجنس ليهسه وهو من جماعة رفحاء ... وبعده بطرك الكرين كارد مدري شضارب هذا الاخ ؟؟؟!!! كلما اسأله عمي انته طلع الشيب براسك وراح تصير من مؤسسي امريكا وليهسه ماكو جنسية ليش يكول انه هو ميريدها بيها سلبيات اكثر من الايجابيات ومينطيني توضيح اكثر ... وهسه هو وياي للصدفة عالمسنجر وظل يضحك من كلت له بسالفة البرميل اللي انزرف 
صدك شنو سلبيات الجنسية وليش اكثر جماعة ال 91 اقصد جماعة رفحاء ميريدوها ؟؟؟ اكو بيها شي مو زين جنسيتهم ؟ افيدونا

[/color] [/size]

نفس النموذج موجود يمي هنا بتكساس ... ماكو اي سلبيات للجنسية يعدين شنو الفرق بين الكرين كارت والجنسية غير حق الانتخاب وبعض الوظائف الحكومية ...
صديقي اغلب الجماعة عدهم ملفات قضائية واغلبهم عليهم احكام بروبيشن يعني الحكم مينمسح الى يخلص فترة 3 سنوات مثلا من دون مشاكل ... وهكذا فاغلبهم عدهم مشاكل قضائية او مرفوع عليهم دعوات بالمحاكم هذا ميكدر يقدم على جنسية لان الجنسية معناتها لازم تكون ابيض امنيا ..
وهذا هو السبب الحقيقي صدكني بس تعرف احنا كعراقيين كبريائنا ميخلينا نحجي الحقائق ... تحياتي واني سامع عن اربع حالات هم من رفحة لا جنسية وكاعدين ببيوت الدولة ويا نسوانهم كبوي فريند .. لان كثير منهم طلك نسوانهم بالمحكمة حتى نسوانهم تطلعلهم بيوت الدولة وهو يروح يعيش وياهم .. والفود ستامب ماشي ويشتغلون بالكاش ... وكلما يجي طاري امريكا يسبون بيها ... هذا بشكل عام ... لكن مع هذا اكو هواية ناس ناجحين اجوي من ç& الان عدهم بزنزهم الخاص واطفالهم بالجامعات ..

تحياتي ابو خالد الوردة ... وتقبل عزائي لما صابك من برميل النفط المزروف وجعلها الله اخر الاحزان ..

ابو قمر

اخي اني حجي كان على اشاره المرور وخاصا ابو الكامره لانه اذا تضربها يجيك تكت للبيت وبيه صورتك وغرامه مالايقل عن 300دولار
انت تريد حجي الجرائد والمجلات لو تريد حجي مال الي عايشيين بامريكا اخي اشاره المشاه اذا تضربها ويشوفك شرطي غرامه 250دولار هاي يمنا بكاليفورنيا اما تاثير ضرب الاشاره المرور  على الجنسيه فصديقي قبل شهرين استلم كرين كارت وهو عندا نوعان من التكت الاول ضارب اشاره مرور والاخر ستوب ساين والكرين كارت مالته ماتأخر ولا يوم فما اعرف اذا يضرب اشاره المشاه الا تاثير على الجنسيه ام لا

هو هذا الي اريد اوصله يعني يتصور و يجيه تكت و بيه صورته

لا سيدنا المارد مشرفنا ديقصد سايق السيارة الي يضرب الاشارة مو المشاة ...
المشاة لازم يشوفه شرطي ينطي الغرامة باليد ..
ماكو شي اسمه ياخذله صورة وتجي للبيت .. السيارة اذا تضرب اشارة حمرا ياخذ صورة وفديو الها من رقم السيارة راح يعرفون اسم وعنوان صاحبها ولهذا يجيك التكت للبيت ...

تحياتي
أبو قمر

ماردنا شلونك ... متكلي منينلك ذولا الاصدقاء ؟؟؟؟
بس الحمد لله هالمرة مصفنت ...

صديقي ماكو هيج كلام ... لمن تروح اتقدم على الجنسية راح يطلب ملفك الجنائي في كل الولايات .. للتاكد انه انت مو عليك حكم او قضية لاتزال في المحاكم .. يعني انت الباك راوند مالتك نظيف ...
نجي لضرب الاشارة ..ضرب الاشارة عليه غرامة انت تدفعها ابوك الله يرحمه .. اذا مدفعتها راح تتحول الى كولكشن كومبني حتى تاخذ منك فلوس الغرامة واذا مدفعت هاي الكولكشن كومبني راح تروح للمحكمة وراح تنرفع عليك قضية هنا بهالمكان بالضبط راح اتئثر على جنسيتك .. اذا كان هناك قضية في المحكمة عليك ...

تعليق على كلام مشرفنا العزيز .. كلامه صحيح التكت الي تاخذه وتلقطلك اياها الكاميرا يروح للستي للمدينة فيعامل معاملة فاتورة المي اذا متدفعها يذهب الى الكردت ربورت مالتك والكولكشن كومبني تتصل بيك حتى تصفي وياك واذا موصلت لنتيجة ممكن تروح للمحكمة ..
اما التكت الي تاخذه من الشرطي والي يسموه موفينك فايولايشن هذا يروح للريبورت مال السياقة مالتك ويكص نقط الى في حالة ان تسوي بروبيشن او تسوي درايفر ديفينس كورس .. هذه معلومة اضافية ..

مخلص الكلام كل لصاحبك ليظرب الاشارة لين عيب هو ديعكس صورة مجتمعه والمكان الي جاي منه .. وهذا النموذج من البشر هو الي شوه صورتنا كدام العالم طبعا مو اقصد صديقك لكن اقصد كل الي ميلتزم بالنظام ..
تحياتي وال3000 مالتك ضمهن زين اشغلك اياهن من توصل مو ادزهن لجوسي ديربالك الازمة الاقتصادية باوربا واصلة للقمة ..

ابو قمر

والله اخوية جنة بولاية ميري لاند وردنة نفتح كوفي شوب صغير طبعاُ وعلى كولتك لازم محل ابمكان على الشارع وقريب من مدرسة او كلية فسئلنة على الايجارات بالكولج بارك اصغر محل ايجارو 8000 $ بالشهر زين احنة شراح انحصل حتى دندفع 8000$ بالشهر المهم كنسلنة الموضوع وهسة على المساعدات العاوية ونكت بالفلوس ومانلحك ولاشغل ولاعمل والحمد لله وين مانقدم على شغل ماننقبل هههههههههههه مدري اضحك مدري ابجي.

اختي المدينة تلعب دور يعني ميرلاند من اغلى الولايات  في امريكا , فطبيعي يكون الاجار غالي بالذات اذا بمنطقة تجارية بس بالمقابل الرجل عليه قوية ... ممكن تبحثين عن مكانات اخرى بنفس الولاية بس بعيدة عن مركز المدينة ..
طبعا كلشي يعتمد على المدينة والله يساعدكم العيشة بميرلاند صعبة ..

تحياتي
أبو قمر

عاشت الأيادي أخويه العزيز أبو قمر ، ربي يحفظك وينور دربك ...

أريد أسألك عن مشروع ( فرن صمون عراقي ) شنو رأيك بي ؟ وشراح أيكلفني من أموال ؟ لاسيما وأني حتى عجن ما أعرف اعجن ، يعني ينرادلي خلفه فران عراقي ، هذا وين ألكاه ؟

طبعا اني فكرت بالموضوع لان كلش مشتاق أكل صمون عراقي   ، و بولايتي ماكو أبد أبد صمون ، فكلت شكو بيه اذا أفتحلي فرن !!! طبعا هي مجرد فكره ودا أدرس بيه صار فتره ، أريد أعرف شنو سلبياته وأيجابياته .

ملاحظه : أني سمعت على أساس في ولاية مشكن ديترويت يصنعون فرن الصمون يدويا بالألمنيوم ، وعلى أساس هي فكره بديله عن فرن الطابوق ألي يمكن يحتاجله خلفه عراقي يعرف شلون يبني الفرن .

أتمنى أتنورني بمعلوماتك القيمه ، واذا كان واحد من الأخوان عنده معلومه عن هذا المشروع  .

صديقي العزيز .. بالنسبة للصمون العراقي فاني كل شهرين تقريبا اسوق لدالاس حتى اشتري صمون واجيب عجينة فلافل يعني لفة الفلافل تكلفني سعر نفر قوزي بس اكيد بين فترة وفترة تشتاق لاكلات حبيتها واتعودت عليها ...

فرن صمون عراقي راح يعتمد على المدينة كم هو عدد الجالية العراقية في المدينة اذا انت تشوف ان العدد كبير وجيد ... فنعم ممكن اتوردر فرن صمون او تنور خبز من مشكن يشحنولك اياه ويجيك خلال ايام ...
اني اعرف عائلة عراقية جابوا تنور من مشكن وحاليا ديخبزون بالبيت ويبيعون خبز للمعارف وللمحلات العربية .. المشروع ممكن يكون ناجح بس يعتمد على طابع المدينة ..
بالنسبة للتكاليف يعتمد على المحل الي راح اتأجره وطبعا اكيد العمال .. اما سؤالك عن عمال خبرة فانت وحضك ممكن يجي لاجء عنده خبرة بالموضوع اتشغله وهو ترزقه والله يرزقك .. بس تنتبه لشغله ان للاسف كثير من العراقيين الي يبحثون عن عمل احيانا ينطون معلومات غلط حتى يحصلون على عمل فدائما يكلك انت ادور على عامل شنو تكله عامل صمون يكلك يكلك عمي اني اسطة واذا تكله فيتر يكلك اني جنت اكبر فيتر بالشيخ عمر .. يعني الناس تريد تشتغل فاتاكد من الخبرة قبل لا تتورط ..

تحياتي
أبو قمر

مساء الخيرات ..
الكل يعرف ان المنتدى فيه ارشف ضخم يحتوي على اغلب ما يفكر فيه الاجىء , وهذا ما يجعل اختياري للمواضيع صعب جدا لاني دائما ما ابحث عن مالم يذكر سابقا على حد علمي على اقل تقدير ..
الكثير الكثير يسئل : مالذي استطيع ان افعله في امريكا كمشروع او كتجارة ؟؟؟ وانا اتذكر ان هناك موضوع تكلم عن التجارة لكن للاسف عندما قرأت المشاركات وجدت بان الجميع يفكر باسلوب خاطء كيف ؟
عندما تحاول ان تعمل بزنز في بلد معين عليك التفكير بنفس اسلوب وقوانين البلد الاجتماعية والاقتصادية , فلايمكن ان تفكر بالمشاريع الناجحة بالشرق وتحاول ان تنفذها في الغرب قد تنجح بعضها ولكن الاغلب سوف يفشل ... ولهذا دائما نسمع الاجابة على  شنو المشاريع الي ممكن تفتحها في امريكا ؟؟ دائما تكون تفتح مطعم او محل بقالية عربي او بنجرجي هذا هو كل المشاريع الي يفكر فيها العرب رغم ان هناك مشاريع اقل تكلفة واكثر ارباح لكن لا احد يفكر فيها ..
هنا راح اذكر 3 مشاريع غير المطعم وغير البنجرجي او محل البقالة على ان نكتب في المستقبل افكار اخرى , اختاريت مشاريع متحتاج روؤس اموال كبيرة , طبعا التفكير بالمشاريع هو حل للي يواجه صعوبة في العمل في امريكا ,
1-   مشروع حضانة اطفال دي كير , يمكن الي لا يعرفه الكثيرين بان مشروع الدي كير يعتبر من المشاريع المضمونة النجاح والقليلة التكاليف والمضمونة المستقبل لكن




ها تتطلب ايضا حرص ودقة لكونك تتعامل مع القيمة رقم واحد في المجتمع الامريكي وهو الطفل , مالذي تحتاجه لفتح دي كير ؟؟

منزل في موقع تجاري او موقع سكني تجاري  يكون مجهز بتجهيزات الحضانه امور بسيطة جدا , تحتاج الى مدير للحضانة يجب ان يكون حامل مواصفات معينه منها شهادة علمية مع كردت كلية لا يقل عن 6 نقاط في مجال رعاية الطفل مع خبرة لمدة سنة في مجال الحضانة , طبعا هاي المواصفات ممكن تحصل عليها وممكن ايضا تعيين مدير غيرك لمدة سنة او سنتين يحمل هذه المواصفات الى ان تستطيع ان تحمل هذه المواصفات بنفسك , ايضا تحتاج الى موافقة من دائرة معينة اسمها DFPS طبعا هما راح يكشفون على الموقع ويحددولك المواصفات وراح يقومون بزيارات دورية للتاكد من التزامك بالقوانين الرسوم جدا جدا بسيطة , راح تحتاج ايضا الى موظفة او موظفتين حسب حجم الدي كير , ممكن تحتاج الى سيارة نقل اذا كنت حابب ان تنقل اطفال بعد المدارس وتفتح افتر سكول بروكرام ..
تقريبا هذه الاشياء الضرورية الي تحتاجها بالمشروع , نجي للمهم شراح يكون دخل الدي كير , الي في امريكا يعرف ان اجور اليوم الواحد للطفل الواحد لاتقل عن 25 دولار يعني اذا كان عندك 20 طفل كحد ادني راج يكون الدخل اليومي 500 دولار اي شهريا راح يكون الوارد 10000 دولار بعد خصم المصاريف ورواتب الموظفين في اغلب الاحوال راح يزيد وارد مابين 3000 الى 4000 دولار .. 
اذن المشروع نظيف لكنه يحتاج الى شخص عنده واهس بموضوع رعاية الاطفال ويكون دقيق وحذر بالتعامل لان اي غلطة او خلل بالرعاية راح يشمعولك الدي كير مالتك ..
2-   المشروع الثاني يمكن راح يكون غريب عليكم وبعض الاخوان راح يتفاجء بيه , المشروع هو استثمار اموالك في مجال العقار ؟؟؟ طبعا الكل راح يضحك وراح يكول هو اصلا العقار مدمر حاليا في امريكا وهو سبب الازمة الاقتصادية , لكن جوابي راح يكون هذا الوقت هو افضل وقت للاستثمار وكالتالي :
اولا عليك ان تفهم ماهو الفرق بين العقار في الوطن العربي والعقار في امريكا ؟؟؟ المعروف ان العقار في الوطن العربي هو شي واحد فقط وهو القيمة يعني عندك بيت فانت تملك شي واحد هو قيمته , بينما هنا في امريكا عندما تملك عقار راح تملك شيئين الشيء الاول هو قيمته والشي الثاني هو الكردت شلون يعني .. يعني لمن تملك بيت قيمته فالنفرض 80 الف دولار انت تملك قيمة البيت وايضا تمكلك شي اخر هو سند البيت الي ممكن ينطيك قرض بقيمة البيت من دون متبيع البيت , طيب شراح استفاد ؟؟؟ .. هنا راح اشرحلكم بطريقة بسيطة شنو الي راح تستفاده ..
حاليا اسعار العقارات نازلة جدا يعني في ولاية تكساس في مدينة دالاس او فورت وورث ممكن ان تشتري منزل 3 غرف وحديقة ومنزل محترم في منطقة محترمة بمبلغ 75 الف دولار وممكن تلكه ارخص اذا كنت تبحث عن بيت يحتاج صيانه .. هذا البيت ممكن تاجره بسهوله وسرعة كبيرة لان سوق الاجار في امريكا حاليا جدا فعال لان اغلب الناس لاتملك القدرة على الشراء اغلبهم عدهم باد كردت وخسروا بيوتهم فكلهم يدورون ايجار ممكن اتأجر البيت بمبلغ لايقل عن 1000 دولار طبعا حسب المنطقة وحسب اسعار ولاية تكساس غير ولايات الاسعار تختلف , كثير راح يكلك انت جمدت 75000 دولار بمقابل الف شهريا وهذا لاشيء بمفهوم التجارة .. لكن الحقيقة انك مجمدتها لانك ممكن تشتري بيت اخر بضمان البيت الاول وممكن ايضا تشتري بيت ثالث بضمان البيت الثاني وهكذا الامر يكون مثل تسفيط احجار الدومينو .. بالمقابل راح يكون عندك وارد من الايجار تدفع بيه اقساط القروض والي حاليا النسبة مالت الفائدة جدا قليلة وراح يزيد عندك مبلغ جيد شهريا وبنفس الوقت المنازل موجودة وقيمتها موجودة اذا مراح تزيد بعد ان يتعافى الاقتصاد .

3-   مشروع جدا بسيط وميحتاج تكاليف كبيرة , محل يوكريت وكوفي وعصائر قريب من هاي سكول , اليوكريت هنا في امريكا عدهم ادمان عليه بالذات الشباب من اعمار الهاي سكول , هناك محل اعرفه موقعه قريب من مدرسة اعدادية وقريب ايضا من الشارع كلما تروحله تلكه المحل مزدحم حتى بفترة العطلة .. هو مسوي كراسي مرتبة وحاط واي فاي انترنت شغل جدا نظيف وحلو بعد سؤالي عن الموضوع عرفت ان ميحتاج موافقات كبيرة وميحتاج ايضا عمال كثيرين وان الماك الواحد يكلف مبلغ 40 سنت وينباع بمبلغ دولارين ونص او اكثر ..
هنا ذكرتلكم ثلاث افكار لثلاث مشاريع بسيطة وحلال مبيها شي يتنافى ويا الدين , لان اني اعرف كثير ناس رافض ان يفتح مشروع كاز ستيشن مثلا لكونه راح يضطر يبيع مشروب او بيرة حتى يربح , يعني كل انسان ومفهومه وكل انسانه اله ديانته ومحرماته ولهذا حبيت ان ابعد عن اي مشروع يرفض لهذه الاسباب ..
طبعا كثيرين راح يكلك احنا بيا حال خلي انسافر بالاول , لكن الحقيقة اني وصلني كثير من الاسئلة لاناس بعدهم موصلوا ورابطين سفرهم بما راح توفرلهم امريكا من مستقبل .. ولهذا حبيت ان اضيف هذه الافكار والموضوع مفتوح لافكار اخرى وللتعليقات والمشاركات ..

تحياتي

أبو قمر

شكرا جزيلا للاخ ابو قمر لكن لدي تعقيب على موضوع المصاريف daycare فان 20 طفل يتطلب حوالي 3 مدرسين اضافه الى المديره والى المنظفه والى مسؤولة المطبخ والى قوائم التليفون و الكهرباء والتدفئه اضافه الى خط خاص للتليفون مربوط بواسطة سستم خاص مع جهاز انذار ضد الحريق و هو بدوره مربوط مباشرتا بمركز الاطفائيه  وكذلك شراء الطعام  اضافه الى ايجار البيت او شرائه عن طريق البنك وتسديد اقساطه الشهريه فاعتقد ان المصاريف تتجاوز ال 4000 دولار بكثير مع فائق شكري و تقديري

ديقي العزيز ... الظاهر صار سوء فهم انا لم اقل 4000 اجور ... لا انا قلت ان ارباحك قد تكون ما بين 3000 الى 4000 اي بمعنى ان مصاريفك الشهرية قد تكون 7000 دولار او اقل بقليل ..
موضوع جهاز الانذار التركيب يكون مجانا والبعض يقدملك الجهاز مجانا ايضا الاشتارك حيكون اقل من 60 دولار بالشهر واكو شركات تنطيك 25 دولار بالشهر هاي هنا بتكساس بغير ولايات ما ادري ...
الاكل الي قدم هو الكونفلكس والمعكرونة والسناك .. يعني اذا تحبه بالشهر كله مراح تصرف اكثر من 600 دولار للاكل ..
نجي للموظفات في تكساس وبقانون الدي كير لكل 10 اطفل عمره بين 3 سنوات الى 4 سنوات مدرس واحد يعني تحتاجلك مدرسين ومديرة وممكن تحتاج موظفة اخرى مو اله تكون محترفة تشتغل بارت تايم حتى تساعد وطبعا المديرة ممكن ان تكون زوجتك المديرة وممكن ان تساعد ايضا في الرعاية يعني مو مديرة تكعد بغرفها ومعليها ..بس اكيد اذا كانت غير مؤهلة راح تحتاج اتعين مديرة .. طيبعا ايضا راح يكون عندك فواتير كهرباء وايضا ماء الكهرباء مراح تكون ضخمة لان انت راح تستخدم الكهرباء بالنهار ..

طبعا هذا الكلام في تكساس .. وهذا الكلام عن ميني دي كير .. بالنسبة للاجار طبعا اني افضل ان تشتري متئجر او ممكن تشتري بقرض لثلاثين سنة ...

تحياتي
أبو قمر

السلام عليكم ورحمة الله وبركاته

كلمة شكر واعزاز وتقدير

يستحقها كل شخص قام بمجهود رائع

ومثمر في منتدانا الغالي

ولكن موضوعي اليوم لشخص

اعطى من جهده الشي الكثير

واعطى لنفسه الشي القليل

شخص لو اشكره من الان لغدا

لن اوفيه حقه

مجهوده رائع واخلاقه رفيعه

واسلوبه عذب

ورقيق الاحساس

وطيب القلب

وفي بمعنى الكلمه

صادق لابعد الحدود

راقي في ذوقه

مبدع في طرحه

هو شخص غالي علي

وبالتاكيد غالي عليكم

فــ اخواني اتمنى ان لاتبخلوا عليه

بكلمه واحده وهي شكراً

لما اعطى وابدع وتفنن وصال وجال باسلوبه الرقيق

انه اخوي الغالي (العمدة ابو قمر )

فعلا تستحق اكثر من كلمه

واكثر من قبله على جبينك

كلمة شكر اصوغها اليك

عساها ان تكون وافيه لما اوفيت

فيا ليت كلمات الشكر كثيره لاكتبها

لكن هي الكلمه الوحيده التي ليس لها معنى اخر

فــ شكرا ياابوقمر الوردة 

مني ومن كل شخص بالمنتدى

والله يوفقك ويخليك  معطاء دوما

ويسعدك الله في حياتك في بلاد الغربة

ويجعل افراحك دائمه

صديقي المحترم .. اكيد مراح الكه كلمات تعبر عن امتناني ومشاعري ولردي لكلماتك الطيبة المحترمة .. ماكول غير يارب يسهل امرك ويحفظلك اهلك يا طيب ..

موضوع محل الاحذية اني فاهم قصدك وعلى فكرة انا سئلت عن الموضوع قبل سنة بعد مشفت نجاح اصحاب المحل الي ذكرتهم سابقا ..
الموضوع راح يعتمد على شيئين طبيعة المدينة الي انت عايش بيها والمصدر مالتك .... شلون انا مثلا عايش في تكساس بشكل عام تكساس مدينة صناعية اغلب الاعمال المتوفره فيها اعمال بدنية وليست ادارية .. ولهذا الاقبال كبير جدا على الاحذية الرياضية لان اغلب الناس بالعمل تلبس احذية رياضية وطبعا الاستهلاك يكون عالي الشغل هنا _ ساعات باليوم ووكفة فالجميع يبحص عن الاحذية الرياضية المريحة .. طبعا اكو وظائف ادارية تحتاج احذية جلدية بس بولايتنا بالذات خارج الداون تاون تكون قليلة مقارنة بالطلب على الاحذية الرياضية طبعا مو بس للعمل ايضا للخروج لكن هذه الطبقة من المجتمع غالبا ما تبحث عن ماركة فتلكاهم اغلبهم يذهبون الى محالات او مولات ضخمة يعني كولس او جي سي بني .. عموما الموضوع راح يعتمد على طبيعة المدينة تكساس بشكل عام يسود عليها الكاجوال القليل يلبس اليوني فورم ..
ولايات اخرى بالشمال الاعمال الادارية تكون اوسع مثل نيو يورك حتى مراكز المدن في كاليفورنيا راح يكون طلب على الاحذية الدلدية كبير ... اذن المدينة راح تلعب دور باختيارك .. والمصدر ايضا  منين راح اتجيب وبشكد حتى تكدر اتنافس .. وبكل الاحوال محل الاحذية راح يشمل كلشي الاحذية الرياضية والاحذية الجلدية نسائية او ردالية وايضا الجنط .. يعني انت ممكن تحط كلشي بمحلك بس انت راح تنافس بالاسعر لان مراح يكون عندك اسم قوي بالبداية ... الضريبة راح تحسب حسب الارباح وتختلف من ولاية الى اخرى وطبعا الي راح تبيعة كاش مراح يدخل بالضريبة ولهذا تشوف العرب اغلبهم يكلك جيبلي كاش ..
اتمنى ان تكون اجابتي ساعدتك واني حاضر لاي سؤال ..

أبو قمر

asmar22  صديقي العزيز شكرا لمرورك يا طيب ولكلماتك الطيبة يارب يبارك بيك ...

dying to leave  صديقي المحترم في كثير في هذا المكان الطيب يقدمون اكثر من الي يقدمه ابو قمر , المهم ان نشترك جميعا بالافكار والعطاء حتى تعم الفائدة للجميع .. شكرا يا طيب على كلماتك الطيبة ويارب يسهل امرك يا رب ...

ابن الحله صديقي العزيز الطيب ... شكرا لكلماتك الطيبة صديقي ويارب نسمع اخبار طيبة عن فيزتك بالقريب العاجل تحياتي لحضرتك ولعائلتك الكريمة ..

saeedsaeed  شكرا يا طيب على كلماتك الطيبة والرائعة ويارب يقدرني على ان استمر وان نتشارك جميعا بالمحبة والمساعدة هو هذا الاصل في الحياة قبل كل شيء .. تحياتي يا طيب ويارب يبارك بيك وتسلملي كلماتك الطيبة ..

PlatinuM  صديقي المحترم مشتاقين شكرا لمرورك صديقي ويارب يبارك بيك وبعائلتك الكريمة ..

تحياتي
أبو قمر

الاخ العزيز ابو قمر ... شكرا لمشاركتك الرائعه والمفيده جدا جدا وحقيقة اني جنت دايخ بهذا الموضوع بس الحمد لله  وجدت كنز  نستفاد من عنده وهو (ابو قمر ) ...

عندي استفسار على موضوعين :

1- ما هي تكلفة فتح ورشة صيانة سيارات يعني بالعراقي (فيتر) بس طبعا مواصفات جيده جدا وخبرة هندسيه بصيانة السيارات ؟؟؟ وماهي نسبة نجاح هذا المشروع ؟؟؟ وكم يحتاج من المال ؟؟

2- هل العمل بمجال الزراعه ناجح؟؟ وماهي الولايات التي ينشط فيها الانتاج الزراعي ؟؟؟ برايك كم من المال يحتاج؟؟

شكرا مقدما على الرد ووفقكم الله لخدمة ابناء بلدكم.... شكرا

صديقي العزيز من رخصة الاخوان راح اضرب السرة لانك سئلت مرتين ..
موضوع الزراعة مالي اي معلومات , موضوع الفيتر هنا في امريكا اكو شي اسمه تاير شوب يعني بنجرجي لكن بنفس الوقت يسوي ميزانية ويبدل دهن ويصلح سيارات , واكو ايضا اختصاص في مجال التصليح يعني ممكن تفتح محل تصليح كير , او محل اوتو ريبير تصليح سيارات بشكل عام او ممكن تفتح سمكري او اشياء اخرى .. الي ماشي ودا اشوف كثير عرب يفتحون هو التاير شوب الي هو بنجرجي يبدل دهن يسوي ميزانية ويصلح سيارات ...
شكد يكلف راح يعتمد على الولاية والمنطقة وحجم المحل .. ممكن تشتري جاهز ب 150000 وممكن يوصل الى 750000 حسب المكان وحسب الحجم وال الاة الي بيه ... ارباحه تعتمد على المنطقة والخدمة الي اتقدمها واسلوبك مع الزياين بس نادرا ما تلكه خساره بيه بالذات اذا مكان عندك شريك واسلوبك ويا الكوستمر محترم .. اني اعرف اصدقاء كراد من شمال العراق اخذزا محل قبل سنة بسعر مناسب جدا بس كان المحل ميشتغل تمام لان بس غيروا الادارة وقدموا خدمات حلوة فصار عدهم زباين ماشاء الله .ز طبعا هنا السيارة وسيارتها وتصليها جدا مهم بالذات بتكساس لان معدنه شبكة نقل قوية فلهذا كل الناس تحتاج سيارتها حتى تروح للشغل وممكن تكول كل فرد عنده سيارة او سيارتين ..
اني برائيي الموضوع ناجح في ولايتنا لكن عليك التاكد من المنطقة الفيتر الي وياك لازم يكون يفتهم الخدمة الي تقدمها للزبون تكون منافسة ..
طبعا كتاير شوب راح تجيك شركات مشهورة تقدملك عروض بتجهيز محلك بالاويل مثلا او الفلاتر وطبعا كلها اقصاط ميحتاج كاش , المحل ايضا غالبا ما يحتوي على جهاز الانسبكشن .. والي ميعرف ان امريكا ولاية تكساس تطلب فحص السيارة سنوية طبعا انت تاخذ على الفحص 35 دولار وتحطله استيكر التجديد طبعا حتى تقوم بهذا العمل لازم يكون عندك هوية خاصة كانسبكشن ...
التفاصيل كثيرة بس مثل ما ذكرتلك كلشي يعتمد على الموقع والخدمة الي تقدمها وطبعا ادارتك هي رقم واحد قبل كلشي ..

تحياتي
أبو قمر

السلام عليكم

تحياتي الك ابو قمر . ممكن اخي العزيز تفيدنا بموضوع حول الصيرفة الاسلامية. تاكد انه الكثير يفكرون بالموضوع خاصة بالاقتراض والمعاملات المصرفية.

شكرا

صديقي العزيز .. اذا تقصد موضوع الصيرفة فبصراحة سوك الصيرفة جدا محدود لكون الناس كلها تتعامل بعملة واحده وميحتاج الصيرفة الى جزء بسيط .. هنا الي ماشي في امريكا موضوع القروض الصغيرة ايضا موضوع المني اوردر او كاش للجيك , اكو كثير شركات تقوم بهاي العملية .. واذا حبيت ان تفتح شركة بهذا المجال فلازم يكون عندئك ائتمان قوين حتى تاخذ الموافقة .. وبنفس الوقت اذا تفكر بموضوع القروض الاسلامية لازم تتجه للمدي الي بيها نسبة مسلمين عالية فراح تكون محدد بمدن معينة ...
مثل موضحتلك القروض هنا ماشية بصورة رهيبة اكو شركات تنطيك قروض يضمان تايتل السيارة مالتك او بضمان كردت عالي الك طبعا ياخذون نسبة ارباح .. يعني في امريكا نظام القروض عكسي المعروف بالوطن العربي كثير من الناس تودي فلوس للبنوك الاسلامية حتى اتشغلها هنا في امريكا الكاش جدا قليل عامة الشعب عايش شهر بشهرة .. معناتها معندك غير انك تنطي قروض وبالمقابل لازم تفرض فائدة وهنا راح تطلع من ايطار قرض اسلامي ..
هو الموضوع جميل لكن لازمله دراسة كبيرة لان الطبيعة المعيشية والفكرية للمجتمع هنا تختلف عن مجتمعاتنا .. اما اذا تحب تشتغل على المسلمين فقط في مشروعك فهنا لازم تختار مثل مذكرتلك مدن بيها نسبة مسلمين عالية , رغم اني دائما ما اشجع اي مشروع يساقطب اقلية لان الزبون مالك راح يكون محدد ..

تحياتي
ابو قمر

والله عمي كل الزين اسعار البيوت بتكساس , اني هنا يمي البيوت من 400 الف وانت صاعد  , اروح اشيل لتكساس احسلي 

رفيق ابو عروبة الوردة .. كل الهلا بيك بتكساس ورفاق تكساس الكاو بوي كلهم يرحبون بيك حتى اتصير مسئول تنظيمات كاليفورنيا تكساس للحزب ..
صديقي الاسعار تختلف من مدينة لمدينة يعني كالفورنيا مثل مكلت 400 الف هذا ارخص شي .. واذار ردت بيت قريبن من الشاطئ بفد 5 بلوكس هذا متلكاه باقل من مليونين .. هنا بتكساس بالمناطق الجيدة البيت يتحصل ما بين 60000 الى 200000 حسب النظافة واذا كان يحتاج لصيانة او لا .. طبعا كثير راح يكولون طيب الي عنده بيت بكالفورنيا يبيعة ويشتري مجمع سكني بتكساس , طبعا الامريكي اول شي يفكر بيه الايف ستايل يعني الي متربي عالعيشة بكالفورنيا مستحيل يكدر يعيش بتكساس , اضافة الى ان الايجارات بتكساس رخيصة مقارنة بكالفورنيا يعني البيت الي بكالفورينا ايجاره حك ايجار بيتين بتكساس طبعا اني دا احجي البيوت الي مطرفه بكاليفورنيا ..
أبو عروبة عيني هذا موقع بيع اسعار بيوت قريب من منطقتنا اتفرج وطبعا ممكن اتغير الزب كود وتشوف الاسعار باي مكان تريده .. تحياتي يا وردة ..
http://www.trulia.com/TX/Fort_Worth/76137/#for_sale/76137_zip/price;a_sort

ابو قمر

الفانوس السحري  شكرا صديقي العزيز لمرورك الكريم .. يارب يسهل امرك ويبارك بحضرتك ..

مهاجر ابدي  صديقي العزيز شكرا لمرورك ومشاركتك الطيبة .. انا اتفق معك وهذا ما اكددت عليه عليك ان تكون ملم بكل شيء عن المشروع قبل البدء في العمل .. انا اذكر هذه المشاريع البسيطة لكل من مر على تواجده فترة في امريكا وايضا للي ناوي يجي لامريكا فمن الممكن ان يبدا من وصوله بجمع المعلومات عن ما يفكر فيه وان لايقدم على خطوة قبل التاكد مما يملك من معلومات وخبرة في المجتمع .. ايضا كتالتب للموضوع هو توضيح لكل من يفكر بالشفر بان الطرق في امريكا كثيرة ومتنوعة وبامكان الجميع الابجاع فيما يجدون فيه امكانياتهم ... شكرا مرة اخرى لمرورك صديقي العزيز ..

كاتلوني الى الابد  صديقي المحترم انشاء الله ميكون حلم ويكون حقيقة وتتحقق باقرب وقت .. كلها مسئلة وقت والانتظار يكون ذكريات وتوصل لبر الامان .. شكرا يا طيب لكلماتك الطيبة .. ومبروك لبرشلونه رغم ان اني مشجع انكليزي بعيد شوية عن الدوري الاسباني .. تحياتي وشكرا لمرورك صديقي العزيز ..

خطار عدنا الفرح  شكرا اختي العزيزة وانشاء الله الفرح يكون من اهل الدار ومتواجد دائما وياكم شكرا لمرورك الكريم اختي العزيزة ..

lyoo  الوردة يارب تكون بخير يا طيب .. ليظل بالك اني دا احاول اتصل بيه وانشاء الله خير الحياة في امريكا مشاغل .. المهم انت كمل اجراءاتك وانشاء الله كلشي يمشي تمام .. تحياتي يا وردة وشكرا لمرورك الطيب ..

تحياتي
أبو قمر

اولاَ أحييك اخي ابو قمر.. وانا دائما متابع لردودك عندما كنت زائر.. وكل معلوماتك دائما مفيدة ...

بخصوص امتلاك منزل في امريكا..

فمثلا المنزل في تكساس المتوسط 75 ألف دولار ؟

ولكن كم الضرائب عليه شهريا ؟

وهل بأمكان حامل الجرين كارد تملك منزل؟

صديقي العزيز امير ..
راح اجاولك على اسئلتك بالتفصيل ... اي شخص مقيم في امريكا اقامة شرعية من حقه شراء اي نوع من انواع العقار .. البيروقراطية الموجودة بالوطن العربي قليلة جدا في امريكا .. هنا الاقتصاد والسوق مفتوح ..
الضرايب في تكساس ان شرحتها سابقا بالتفصيل ممكن اذا ترجع للارشيف راح تلكه معلومات اوسع ... تكساس الضرائب العقارية فيها مرتفعة مقارنة بغيرها من الولايات لسبب ذكرته سابقا ان هذه الولاية لا تستقطع اي ضريبة دخل من المواطن الساكن على اراضيها ولهذا تكون الضريبة العقارية مرتفعة قليلة حتى تلبي احتياجات الولاية ...
البيت الي سعره مقدر من قبل الابريزر 75000 راح يعتمد على المدينة والمقاطة الي تسكنها داخل الولاية لكن ممكن تكون ان ضريبته السنوية راح تكون حوالي 2400 دولار كمعدل هناك مدن ارخص وهناك اغلى بقليل ..
الضريبة تستحصل بشكل سنوي يمكن يتم دفعها في الاشهر من 10 الى 1 بالسنة التالية وممكن يقسط المبلغ على دفعتين دفعة تدفع بالشهر العاشر ودفعة اخرى تدفع قبل الشهر السابع من السنة القادمة ..
انشاء الله تكون الصورة واضحة يمك ... طبعا مو كل تكساس بيها هاي الاسعار اكو مدن غاليا نسبيا .. لكن الرينج للاسعار في منطقة شمال فورت وورث تبدأ من 60 الف وتوصل الى 200 الف للبيوت 3 غرف او اربع غرف ..حسب نظافة البيت ..

تحياتي
أبو قمر

وانا عندي سؤال  ... اذا نريد نفتح محل لتصليح الملابس ..هل لازم يكون عندنا شهاده .. لو تكفي الخبره

وهل المشروع او الفكره ناجحه

وشنو هيجي مشروع يحتاج

اختي العزيزة بصراحة هي فكرة حلوة لكن لحد الان لم ارى هكذا مشروع في امريكا .. قد تكون المدينة او المكان او اليفل السكاني الي تعيشه المدينة هو الحكم بهكذا مشاريع ..
كلشي راح يتوقف على المدينة الي راح تروحيلها .. بشكل عام الطبعة المتوسطة والعليه من الامريكان مراح تفكر بعملية تصليح الملابس كثيرا يفضلون الشراء والي يصير بيه مشكله يتبرعون بيه للكنائس .. لكن اكو طبقات اخرى ممكن تفكر في هذا الامر .. لكن المشكلة هكذا نوع من المشاريع راح تكون الاجور فيه قليلة جدا فراح تعتمدين على عدد الزبائن وعلى رخص ايجار المحل .. يعني تصليح الملابس مراح يتجاوز الخمسة دولار للقطعة , بهذه الحالة حتى تغطي الاجار والكهرباء للمحل مالتك لازم اقل شي يتوفرلك باليوم ما لايقل عن 20 قطعة .. ولهذا الموضوع راح يعتمد على المدينة برائيي الخاص واكيد اذا احد الاخوان عنده رائي اخر او معلومات اخرى ياريت يساعدنا بيها ..

تحياتي
أبو قمر

malak.ali   اختي العزيزة انشاء الله تكوني بخير انت وعائلتك الكريمة .. شكرا لكلماتك الطيبة ودائما سباقة بالمشاركة والمشاعر الطيبة ...

mr.sad   صديقي المحرتم شكرا لكل ماكتبته من كلمات .. صديقي راح تلكه ارض خصبة هنا لدراسة المشاريع لان المشاريع مختلفة ومتنوعة واكيد راح تلكه الشي الي انت تبحث عنه بس ويا شوية وقت وشوية خبرة وصبر وتفكير سليم .. تحياتي يا محترم وشكرا لمرورك الكريم ..

الريم 2000   اختنا المبدعة دائما كلماتك جميلة ومشاركاتك بالمنتدى قيمة ومفيدة .. ادامك الله لمساعدت اخوانك ويارب يسهل امرك اينما تكوني .. شكرا لمرورك وتحية احترام ..

شنايزر   صديقي الراقي .. دائما منور بمشاركاتك وكلماتك يارب ميحرمنا منك ونسمع اخبار حلوة منك عن قريب يا رب .. تقبل تحياتي ...

Banjamen   صديقي المحترم شكرا لدواتك يا وردة ولكماتك الطيبة .. يارب يوفقك ويسهل امرك دائما سباق بكلماتك الطيبة ... تقبل تحياتي ...

khawla  اختي العزيزة شكرا لمرورك .. اكيد راح يكون هناك المزيد بمشاركات الاخوة بهذه العائلة الجميلة مشاركة الافكار والتجارب يعتبر غني في زمن المعلومة فيه اغني من المال .. تقبلي تحياتي ..


تحياتي
أبو قمر

عزيزي ابو قمر الورد

شكراً على سردك بعض المواضيع زمنها البزنز, او تعرف مثل ما اني اعرف انه البزنز في الغرب مو سهل.....
اني شخصياً جان عندي بزنز او بالرغم من انه عائلتي من البزنز في العراق او جميع انحاء العالم, هم اشتغل بالبزنز بالوقت الحاضر او انطي استشارات للناس اللي يردون يسون مشاريع تجارية في اوربا او في العراق.....
على سبيل المثال الحضانة: تعرف في الغرب لازم الشخص اللي يفتحها لاكثر من 10 اطفال لازم اول شي او يكون متمكن نفسه من جمع الخبر لهذي المصلحة, اي مثل ما اتفضلت ان يكون متعلم او انسوي دورات بهذا الاختصاص, او حتى اذا كان يريد ان يعتني بـ 3 اطفال في بيته لازم يكون متدرب او عنده الامكانية الشخصية والمادية او اعني المكان للاطفال مو بس يخليهم في غرفة او 4 ساعات اكل او شرب او نوم الى ان يجون اهلهم او يأخذوهم...
اكو اشياء اذا الطفل انجرح لازم يعرف اشلون يعالجه او اذا اتمرض لازم يحاول ان يخبر اهله او اذا اهله اتعطلو من يجون يأخذو لازم يقوم بالاسعافات الاوليةوغير ذلك...
او طبعاُ مثل مااتفضلت انه مشكلة الضرائيب لازم واحد هم يهتم بيها مو يعني شنو مايحصل ينزل ابجيبه, مثل العراق.....
نقطة اخرى بالنسبة للعقارة ترى مو سهلة اني شخصياً جان عندي عقار او بالرغم من جنت اصلح اغلب الاشياء ابنفسي لانه تعرف انه العنال المختصين كلش اجورهم باهضة, لكن بعض الاحيان كان كارثة من التعب.....
او بالنسبة الى تأجير العقار ترى مو سهلة لانه لازم العقار اتكمله او اتأجره او اي شي يصير بيه لازم  اتقوم بتصليحه بسرعة.....
اكو بالاحرى اشياء اهوايا انه الشخص يحاول بالبداية ان يبتعد عن البزنز او يلكيلا شغل او يتعلم طريقة شغلهم او يفتح مصلحة نفسها اللي اشتغل بيها, مثل اذا اشتغل عند حلاق او بعد جم سنة يحصل على شهادة او يكدر يفتح محل ابنفسه لانه ابشغله راح يكسب زبائن...
او صالون حلاقة مايكلف اهوايا او من اشتغل يكدر يكون عنده كردت او يأخذ الاغراض بالتقسيط.....
او مثل الاخ السائل عنده محل احذية او اكيد احذية غالية او مو صينية يكدر ان يفتح محل للاحذية الفاخرة ويا تصليح الاحذية لانه الحرفة بالغرب تقريباً مفقودة....
او مثل ما اقترحت حضرتك للمارد لولو ان يشتري سيارة او يشغلها لنقل البضائع مثلاً, لأنه احماميل بالغرب مفقودين او اكو اهويا ناس اكبار مايكدرون يشيلون اغراضهم او يكدر يسويلهم ديلفري لمسواكهم......
على كل حال اني من رأي انه الشخص الجديد خلي اول مرة يطبع على البلد او بعدين يفكر بشغلة البزنز, لانه اعرف اهويا ناس جانو بالعراق رجال اعمال او اجوي الى الغرب او فتحو مصالح او خسرو بيها او بقو مديونين لمدة طويلة...
المعذرة على المداخلة واعتذر اذا اغلطة بقرة من الفقراة...
وتقبل تحياتي

جوسي البغدادي

صديقي المبدع جوسي ... طبعا اشكر مشاركتك الي اكيد ضافت للموضوع الكثير الكثير ..
طبعا راح احب ان اعلق وانوه عن اشياء معينة قد يكون فيها اختلاف بين الغرب الاوربي والغرب الامريكي ..
طبعا اكيد هناك تشابه كبير بين المجتمع الاوربي والمجتمع الامريكي وايضا هناك تشابه دستوري لان دستور امريكا هو خلاصة لافضل مافي دستورات اوربا .. لكن هناك اختلافات كبيرة بالقوانين وايضا بالانظمة والاهم من كلشي اسلوب الحياة ...
طبعا انا أوويد كلامك بأنني لا انصحك اي شخص بان يفتح مشروع عميواي او اول ميوصل بدون ميكون ملم بكل نقطة بسيطة تخص المشروع وواسلوب تفكير المجتمع وكيف يسير هذا المجتمع ..
مصلا موضوع ايجار البيت والي ذكرته من صعوبات اتفق معك فيها100 بالمئة لكن هنا في امريكا اساطيع ان تشتري ورنتي سنوي لبيتك اوللبيت الي اتاجره بمبلغ 350 دولار بالسنة هذا الورنتي راح يضمنلك كل الاجهزة الكهربائية من طباخ غسالة مواعين وغسالات الهدوم والمجففه والثلاجة والتبريد والمجاري والكثير الكثير من الامور بحيث اي عطل يحصل الشركة تقوم بتصليحة او استبداله خلال اقل من 24ساعة وانت تدفع 50 دولار فقط تو نسبة لا تتجاوز 20 بالمية من سعر الاجهزة او المواد والليبر مجانا .. بهاي الحالة انت ضامن ان اي يعطل راح يصلح ويستبدل بقطع جديدة وانت متدفع غير مبلغ بسيط جدا .. ايضا هناك اشورنز البيت الي راح يضمنلك البيت كستركجر من الحرائق العواصف الفيضانات اي شي يصير للبيت يصلحولك اياه او ينطوك فلوس البيت كاملة بمجرد ان تدفع ديتكتبل مبلغ لا يجاوز 750 دولار ... اذن اكو طرق كثيرة ممكن اتساعدك اذا فكرت بالمشروع بصورة عملية ..
الضرائيب اكيد الشخص لازم يكون متفهم شنو الضريبة وليش لازم يدفعها وشكد ضرايب راح يدفع والضرايب عمرها متحسب من خسارة او من رأس المال الضرايب تقطع من الربح ... فلازم الشخص يلم بموضوع الضريبة على الاقل بالنسبة للمشروع الي يقوم بيه ..
المشاريع البسيطة او الحرفية اكيد جيدة جدا لكن ليس الجميع لديهم حرف .. حرفة الحلاق هنا في تكساس واردها حاله حال وارد العامل في معمل لسبب بسيط ان عدد كبير من الاسيويين والمكسيكان محترفين الموضوع وفاتحين محلات والزيان عدهم ب 12 دولار يعني المنافسة راح تكون جدا قوية عدا ان الحلاقة في تكساس اصبحة مهنة من لا مهنة له ... طبعا ماكو شي اسمه حلاق رجالي او حلاقة نسائية لازم الحلاق يجيد العمل مع الجنسين والا راج يكون حصوله على وظيفة جدا صعب .. وانت تعرف حلاقينا يشتغلون على جنس واحد فقط .. اذن راح يحتاج الى معهد وكلية وشهادة مهنة وهذه غالبا ما تكون بمعاهد اهليه والمبالغ اتكون غير طبيعية صحيح ممكن تاخذ فايننشيل ايد عليها بس المبلغ مقارنة بالمهنة راح يكون جدا كبير ... لكن اكيد الي محترف بهذا المجال ممكن ان يطور نفسه ويفكر بهذا المشروع جديا وانشاء الله يكدر يسوي من مشروعه مشروع ناجح ..
تحياتي صديقي المحترم ..

ابو قمر

الامعط     شركا صديقي المحترم لكلماتك الطيبة يارب يبارك بيك ويسهل امرك ..

ورد الشام    اختي العزيزة المحترمة يارب تكوني بخير .. شكرا لمشاعرك الطيبة وكلماتك الجميلة يارب يسهل امرك دائما وابدا ...

s350thebest  شكرا يا طيب لكلماتك الطيبة ومرورك دائما سياق بالمشاركة والتعليقات ...

nancy86   شكرا لدعواتك اختي العزيزة ويارب يسهل امرك ويبارك بحضرتك وعائلتك الكريمة ..

تحياتي
أبو قمر

صباح الخيرات .. طبعا ما شاء الله التعليقات والمشاركات ادل على ان هناك الكثير من العقول الي تفكر بالنجاح يارب يبارك بالجميع ..
اولا اسف للتاخر بالرد على مواضيعي لان امريكا الوقت فيها ليس ملك لك ... واعتذر لكل من كتب لي رد ولمم استطع الاجابة عليه لعدم دخولي وكلي احترام وتقديم لكل كلمة كتبت من كل شخص ..
ايضا اعتذر لكل من كتب على الخاص اة على الايميل للتاخر بالرد بسبب الانشغال وبسبب كثرة الرسائل وانشاء الله راح احاول ارد على الجميع باقرب فرصة
وايضا اعتذر بشكل خاص لاخونا كلش حباب لانني لااسف لاكثر من موضوع كتبته لا يسعفني الوقت بالوصول الى التعليق على مشاركاته له مني كل الاحترام والتقدير ..


راح احاول اليوم بما املكه من وقت ان نتناقش ونجيب على الاسئلة بما املكه من معلومات يارب الجميع يستفاد انشاء الله ..

تحياتي
أبو قمر

السلام عليكم ابو قمر كفيت ووفيت اشكرك على هذا الموضوع الرائع او بالاحرى على هاي المعلمومات القيمه اللي دتساعد بيها اخوتك

سؤالي بالختصار تنصح بولايه فرجينيا لو لا بالنسبه لعائله مكونه من 3 اشخاص

والشطر الثاني من السؤال بخصوص ولايه نيويورك وتحديدا مدينه بوفالو  هل هي ملائمه للعائله يعني هي مدينه صغيره او قريه او مدينه كبيره اللي سامعه اني انه البرد قارس جدا بيها لكن عندي صديق عايش هناك يكول وقعوهم على 5 سنوات حسب ماهو يكول تتضمن الضمان الصحي والفود ستامب والكاش




شكرا لسعه صدرك

صديقي العزيز فرجينيا ولاية جميله ورائعة لكنها بنفس الوقت تعتبر من الولايات الغالية من ناحية السكن فرص العمل حسب الي اعرفه متوسطة .. بالنسبة للمساعدات الخاصة بالولاية معندي علم عنها بس الي اعرفه ان اختنا اسراء ساكنه بفرجينيا حاول تراسلها على الخاص واكيد راح تنطيك معلومات افضل مني .. بصراحة ما اكدر اكلك تناسبك او متناسبك لكن الي اعرفه ان الولاية غالية نسبيا ...
بالنسبة لنيويورك بوفالو .. ماكو شي في امريكا اسمه قرية امريكا عبارة عن مدن متنوعة بالحجم تربطها الطرق السريعة ... بصراحة نيو يورك باردة اكيد شتاءها بارد صيفها جيد لكن ممكن تكول 8 اشهر الجو يكون بيها بارد .. طبعا الاجارات غالية والحياة سريعة وفرص العمل ايضا متوسطة لكن الجميل بيها انها قريبة عن مجموعة ولايات وقريبة من العاصمة ايضا ..
بصراحة مساعدات الولاية ما اعرفها بس الي اعرفه بشكل عام ولايات الشمال افضل من ناحية المساعدات من ولايات الجنوب واتمنى اذا كان احد الاخوان بنيورك ان يساعدنا بمعلوماته ..
تحياتي صديقي وهذا كل الي اعرفه عن الولايتين الي سئلت عنهم ...

أبو قمر

اخي العزيز ابو قمر 
موضوعك جدا رائع وانته تقدمه باسلوب روائي جميل  اضافه الى ذلك انته تنطي للاجئ فسحه امل حيث من السهل والممكن ان ينجح في تطوير حياته للافضل واليوم خصيت بموضوعك عن المشاريع الصغيره فهي حتما موضع جديد ولم يطرح من قبل من الذين   سبقوك  بهاذا المجال  يوم بعد يوم تثبت انك انسان يحب الخير للجميع  وبوجود مثل هاذا النوع من الاشخاص في مجتمع لا يفرق بين الابيض والاسود فهو مجتمع ناجح بلالشك  وبانك انسان تمثل قمه النجاح لحياتك واسرتك
مشكور لطرحك الموضوع  وتمنياتي لك بمستقبل مشرق وحياة ناجحه باذن الله
اخوك كوبرا

صديقي العزيز لمحترم كوبرا كل التحية والاحترام لحضرتكم .. شكرا لكل كلمة طيبة كتبتها .. دائما صاحب كلمات محترمة تنم عن صاحبها .. كلنا هنا عائلة نتحاول ونتشارك الافكار ليستفاد منها الجميع .. شكرا لمرورك صديقي العزيز ..

أبو قمر

الله ينطيك العافيه اخي الكريم ...... موضوع مفيد ومميز ....

وفقكم الله لكل خير

صديقي العزيز شكرا لمرورك الكريم ودعواتك الطيبة يارب يبارك بيك وباهلك الكرام ..

تحياتي
أبو قمر

[الف رحمه على روح امك و ابوك هسه لكيت مكان 3000$ مالتي اشغلهن و الاخ جوسي البغدادي يكولي حولهن لي عن طريق وسيترن يونين اني اشغلهن لك شفتوا اخوان 3000$خير و بركه يسون مشرون]

الف رحمه على روح امك و ابوك هسه لكيت مكان 3000$ مالتي اشغلهن
و الاخ جوسي البغدادي يكولي حولهن لي عن طريق وسيترن يونين اني اشغلهن لك

شفتوا اخوان 3000$خير و بركه يسون مشرون

شكرا ابو قمر

صديقي المارد لو تحط صفر يم المبلغ مالتك ممكن ترهم .. بس المبلغ الي ذكرته بدون صفر ميسوي شي  مبلغك هذا هنا راتب مال شهرين لعامل متوسط الاجر ... بس ممكن تشتريلك بيه سيارة اول متوصل اتساعدك في البحث عن عمل .. تحياتي ماردنا الطيب

أبو قمر

عاشت ايدك اخي ابو قمر على هذه المعلومات بس عندي استفسار يخص احدى الصديقات
هل صحيح يتم حجب المديكيد بعد ان يشتغل احد الزوجين علما بانه العائله ليس لها اطفال فقط زوج وزوجه وصار الهم 4 اشهر في تكساس
تحياتي والف شكر

صديقي العزيز .. راح اتكلملك على تكساس المدكيت يعطى اذا كان دخل الاسرة المكونة من 3 افراد اقل من 750 بالشهر .. وانت قيس على هذا الشي .. فطبيعي لمن يشتغل احد الزوجين بمبلغ يتجاوز المبلغ المحدد راح يتوقف المدكيا عليهم .. لكن مو معناتها نهاية العالم .. هناك مستشفيات تقوم بعمل تامين صحي مجاني للي دخلهم محدود برسوم بسيطة , اذا كانوا في فورت وورث او دالاس خلي يسئلون عن مستشفى JPS  ممكن ان يقدمون على هذا التامين ويصير عدهم تامين سنوي لكن العلاج يكون ضمن هذه المستشفيات فقط ...

تحياتي واتمنى وصلت الفكرة ..

ابو قمر

اول شي يفكر بي الواحد قانون الضرايب لازم يفتهما يفتهم اله او عليه لان مو العراق هوسه تطي جم فلس يخفضون الك ضرايب اخاف تشتغل اخر سنه ماليه تسوي حساباتك تطلع ممغطيه الضرايب 

اكيد صديقي موضوع الضرايب جدا مهم , لكن للاسف احنا فاهمين الضرايب بصورة خاطئة الضرايب في البزنز في امريكا تحسب حسب الارباح ولهذا مستحيل ان تكون ضريبتك اكبر من ارباحك ,
بالنسبة لموضوع الدي كير الضريبة تعامل كضريبة دخل يعني لمن تشتغل ويا شركة يستقطعون من شيكك ضريبة دخل , الدي كير نفس الشي وكثير من البزنز البسيط يعامل نفس المعاملة ..
مثلا انت لمن تشتغل بشركة ويكون دخلك السنوي الكروس انكم مالتك 15000 دولار .. راح تكون الشركة مستقطعة منك الضريبة بحدود 2500 دولار طبعا حسب افراد الاسرة وكم واحد تعيل وهذا الموضوع شرحته سابقا , نفس الشي لمن تاجر بيت مثلا اتاجره 1000 بالشهر راح اتقدمله كشف ضريبي ب 12000 دولار مطروح منها ضريبة عقارية 2000 دولار مطروح منها 750 دولار انشورنز مطروح من عدها مصاريفك على البيت يعني راح تسوي كشف ضريبي لمبلغ 8000 دولار يعني ضريبته مراح تجاوز 700 دولار سنويا اذا كنت عائلة وهذه ايضا راح تستقطع من ارجاع التاكس مالتك فبالمحصلة الضريبة جدا معقوله ..
الي اريد اوصله ان الضريبة على البزنز المتوسط هي نفس ضريبة الدخل لا اكثر ولا اقل لانها تعامل كدخل اضافي ..

تحياتي
أبو قمر

مشكور ابو قمر
بمناسبة الحديث عن العقار    اريد استفسر منك عن مدى جدوى شراء ارض وبناء بيت ثم بيعه

صديقي هكذا نوع من المشاريع صعب جدا لسبب معين .. بان البناء هنا يدار من قبل شركات كبيرة ولها امكانيات كبيرة ودائما ما يبنى على شكل مجمعات سكنيه حتى يغطي التكلفة .. البناء ومواد البناء هنا جدا غالي .. يعني اذا فكرت ببناء بيت فالسعر سوف يكون عليك ضعف شرائك لبيت جاهز او احتمال اكثر من هذا ..
الفكرة الاحلى والاجمل الي كنت ناوي اطرحها بالموضوع القادم هو عملية فليب للبيت , يعني تشتري بيت ينرادله صيانه بسعر جوا السوك وتصلحه وتبيعه بسعر جديد راح يكون الك ربح جدا جيد بالذات اذا تتعامل بالبيوت الرخيصة يعني الي جوا 100000 دولار هاي البيوت متاثرت بالازمة الاقتصادية لانها رخيصة والموركاج مالتها جدا قليل ..

تحياتي يا وردة

أبو قمر

السلام عليكم , وسلامي الخاص للأخ العزيز أيو قمر , وأكلك يسلمنه هل الرأس ياورة , بس أحنه هم نطمع بعد شوية من أفكارك .
أخوك the dreamer

صديقي الغالي شكرا لمرورك وانشاء الله نستمر بالافكار بوجود الاعضاء .. واتمنى من كل من عنده افكار خلي يشاركنا ..

تحياتي ابو قمر

شاكرين جهودك ابو قمر الورد.

سوال اذا عندك فكره عنه     ( هل يجوز للعراقي و من المسموح له و من السهل  ان واحد يسوي NGO ؟ او موسسة معينه كان تكون اجتماعيه او جمعيه معينه؟ )

تحياتي

دولار عزيز اكدر اكلك ان في امريكا مادمت مقيم اقامة قانونية فانت من حقك ان تقوم باي مشروع مهما كان اذا كنت تملك الامكانية المادية والمعلومات والخبرة .. كثير عراقيين فتحوا منظمات معينة ما اعرف طبيعة الارباح بس هما يكولون انها منظمات خيرية ..
الي اعرفه ان الموضوع مو صعب بس اكيد اكو ركوايرمنت , كلشي في امريكا هنا اله ركوايرمنت وماكو شي ممنوع عليك مادمت تعمل في مجال القانون ..

تحياتي
أبو قمر

والله ياابو قمر عقليتك كلش حلوة وتجارية وعاشت ايدك حبيب على هذه الافكار بالنسبة الي  حطيت بالي بفكرة حضانة الاطفال
الله يسر ونوصل وانشاء الله يصير خير
ممكن اسألك سؤال اني اعمل الان في تجارة الاحذية والحقائب النسائية يعني عندي معرض مرتب ببغداد ممكن افتح مثلة في امريكا ياريت تسألي على الموضوع لاني لدي خبرة طويلة بهذه المهنة
اشكرك ربي يحفظك ويوفقك واتمنى من جميع اخوتنا في امريكا ان يساهمو في مثل هذه الافكار الرائعه

صديقي العزيز شكرا لمرورك اولا ولكلماتك الطيبة ..
موضوع الحضانة موضوع مناسب للجميع حتى ان ممكن تفتح حضانة بالبيت مثل بيبي ستر لعدد اطفال 3 اطفال متحتاج سرتفكيت .. اما اذا اكثر راح تحتاج سرتفكيت وبسيط جدا بس ارجع وااكد ان الموضوع ينرادله عناية ودقة ..

موضوع الاحذية راح يعتمد على الولاية والطابع السكاني .. انا شفت مشروعين في فورت وورث لملاك مكسيكان يستوردون احذية رياضية من الصين تدخل عن طريق المكسيك .. اتصور ان سعر الحذاء الرجالي 10 دولار ونفس الشي بالنسبة للنسائي .ز طبعا هي مو ماركات لكن سعرها منافس جدا لان الي عايش في امريكا يعرف ان ارخص حذاء رياضي ميحصله باقي من 20 او 25 دولار ..
شغلهم جدا ناجح وفتحوا 3 افرع اخرى والناس كتل عليهم بسبب الاسعار ..
طبعا كلنا نعرف ان الحذاء هذا تستورده من الصين بمبلغ لا يتجاوز 3 دولارات للقطعة طبعا اذا اتضيف عليه نقل وكمرك وضرايب يبقى سعره جيد وممكن تنافس بيه بالاسواق .. لكن يبقى الموقع والطابع السكاني للمنطقة واكيد الخبرة في مجال الاستيراد ..
عموما انت توصل بالسلامة ومن الممكن ان تبحث عن التفاصيل ويارب يسهل امرك ويعجل سفرك ..

تحياتي
أبو قمر

THNX, SILVER MOON

You more than welcome friend

Abo Kamer

الله ينور عليك اخي ابو قمر ،، حقيقة مسألة المشروع هي الشغل الشاغل لاغلبنا كونها تغنينا ولو بعد حين من الارتباط بالعمل لدى الغير ، ومثل ما ذكرت حضرتك تحتاج الى أفق واسع وادراك الى ما تجنيه على المدى البعيد اولها الثقة بالنفس على تخطي الصعب .
لذلك أرى ان نشغل انفسنا بتعلم اللغة والتفكير بأي مشروع مهما يكن  بسيط لحين الوصول بإذن الله تعالى .
وبصراحة اعجز عن شكرك لما تقدمه لنـا من منفعة ... ونطمع في المزيد .
وفقك الله لما يحب ويرضى .. وبارك لك في عائلتك ورزقك يا طيــب .

ام الهنا

اختي العزيزة ... دائما من اول الردود شكرا لكلماتك ولا شكر على واجب احنا هنا عائلة لازم نتشارك بافكارنا هنا نفيد بعضنا البعض .. لمن يشترك 100 رأس بالتفكير غير ان يفكر راس واحد فقط .. اكيد راح نطلع بنتائج تفيد الجميع ..
تحياتي وشكرا لكلماتك الطيبة ..

أبو قمر

شكرا اخي على الموضوع ممكن اعرف اذا اني عائلتي مكونه من اربع اشخاص اني وزوجتي وطفلين 3 و خمس سنوات ورايح لمدينه ورسستر بولايه ماساجوسستس فشراح ينطوني بالضبط وشكد طول المساعده و سامع اكو مساعده للطفل اسمها ويكي وشكرا على الموضوع القيم

صديقي العزيز ..اولا شكرا لمرورك الكريم ..
بصراحة من الصعب على اي انسان ان يكون ملم بجميع مساعدات الولايات الامريكية ..ولهذا معلوماتي قليلة جدا عن الولاية الي تسئل عنها في خصوص مساعدات الولاية .. لكن مثل ما ذكرت انت الك كل المساعدات الخاصة بالاجء والمساعدات الفدرالية الي ذكرتها .. مشاعدات الولاية الي صديق في المنتدى ايضا عائلة ساكن في هذه الولاية اجى قبل 8 شهور تقريبا واتصل بيه من فتره هو انسان طيب ومحترم ممكن تتصل بيه راح ينطيك معلومات ادق وتفاصيل اكثر ..
اسم العضو  في المنتدى  اريد اطلع  هو ساكن ولاية ماسشوتس اسمه سلوان ... واذا تحب راسلني عالخاص انطيك ايميله وانشاء الله ميقصر وياك ..

بالنسبة للويك هو برنامج مساعدات غذائية للاطفال ماله علاقة بالفود ستامب ايضا كل الاطفال دون الخمس سنوات يمكن التسجيل الهم اذا كان دخل الاسرة قليل طبعا يشمل حليب وبيض وخبر ومواد غذائية متنوعة حسب عمر الطفل .. اكيد الك الحق بالتقديم اليه اينما تكون في اي ولاية كانت ..


تحياتي
أبو قمر

مساء الخيرات ..
الكل يعرف ان المنتدى فيه ارشف ضخم يحتوي على اغلب ما يفكر فيه الاجىء , وهذا ما يجعل اختياري للمواضيع صعب جدا لاني دائما ما ابحث عن مالم يذكر سابقا على حد علمي على اقل تقدير ..
الكثير الكثير يسئل : مالذي استطيع ان افعله في امريكا كمشروع او كتجارة ؟؟؟ وانا اتذكر ان هناك موضوع تكلم عن التجارة لكن للاسف عندما قرأت المشاركات وجدت بان الجميع يفكر باسلوب خاطء كيف ؟
عندما تحاول ان تعمل بزنز في بلد معين عليك التفكير بنفس اسلوب وقوانين البلد الاجتماعية والاقتصادية , فلايمكن ان تفكر بالمشاريع الناجحة بالشرق وتحاول ان تنفذها في الغرب قد تنجح بعضها ولكن الاغلب سوف يفشل ... ولهذا دائما نسمع الاجابة على  شنو المشاريع الي ممكن تفتحها في امريكا ؟؟ دائما تكون تفتح مطعم او محل بقالية عربي او بنجرجي هذا هو كل المشاريع الي يفكر فيها العرب رغم ان هناك مشاريع اقل تكلفة واكثر ارباح لكن لا احد يفكر فيها ..
هنا راح اذكر 3 مشاريع غير المطعم وغير البنجرجي او محل البقالة على ان نكتب في المستقبل افكار اخرى , اختاريت مشاريع متحتاج روؤس اموال كبيرة , طبعا التفكير بالمشاريع هو حل للي يواجه صعوبة في العمل في امريكا ,
1-   مشروع حضانة اطفال دي كير , يمكن الي لا يعرفه الكثيرين بان مشروع الدي كير يعتبر من المشاريع المضمونة النجاح والقليلة التكاليف والمضمونة المستقبل لكنها تتطلب ايضا حرص ودقة لكونك تتعامل مع القيمة رقم واحد في المجتمع الامريكي وهو الطفل , مالذي تحتاجه لفتح دي كير ؟؟
منزل في موقع تجاري او موقع سكني تجاري  يكون مجهز بتجهيزات الحضانه امور بسيطة جدا , تحتاج الى مدير للحضانة يجب ان يكون حامل مواصفات معينه منها شهادة علمية مع كردت كلية لا يقل عن 6 نقاط في مجال رعاية الطفل مع خبرة لمدة سنة في مجال الحضانة , طبعا هاي المواصفات ممكن تحصل عليها وممكن ايضا تعيين مدير غيرك لمدة سنة او سنتين يحمل هذه المواصفات الى ان تستطيع ان تحمل هذه المواصفات بنفسك , ايضا تحتاج الى موافقة من دائرة معينة اسمها DFPS طبعا هما راح يكشفون على الموقع ويحددولك المواصفات وراح يقومون بزيارات دورية للتاكد من التزامك بالقوانين الرسوم جدا جدا بسيطة , راح تحتاج ايضا الى موظفة او موظفتين حسب حجم الدي كير , ممكن تحتاج الى سيارة نقل اذا كنت حابب ان تنقل اطفال بعد المدارس وتفتح افتر سكول بروكرام ..
تقريبا هذه الاشياء الضرورية الي تحتاجها بالمشروع , نجي للمهم شراح يكون دخل الدي كير , الي في امريكا يعرف ان اجور اليوم الواحد للطفل الواحد لاتقل عن 25 دولار يعني اذا كان عندك 20 طفل كحد ادني راج يكون الدخل اليومي 500 دولار اي شهريا راح يكون الوارد 10000 دولار بعد خصم المصاريف ورواتب الموظفين في اغلب الاحوال راح يزيد وارد مابين 3000 الى 4000 دولار .. 
اذن المشروع نظيف لكنه يحتاج الى شخص عنده واهس بموضوع رعاية الاطفال ويكون دقيق وحذر بالتعامل لان اي غلطة او خلل بالرعاية راح يشمعولك الدي كير مالتك ..
2-   المشروع الثاني يمكن راح يكون غريب عليكم وبعض الاخوان راح يتفاجء بيه , المشروع هو استثمار اموالك في مجال العقار ؟؟؟ طبعا الكل راح يضحك وراح يكول هو اصلا العقار مدمر حاليا في امريكا وهو سبب الازمة الاقتصادية , لكن جوابي راح يكون هذا الوقت هو افضل وقت للاستثمار وكالتالي :
اولا عليك ان تفهم ماهو الفرق بين العقار في الوطن العربي والعقار في امريكا ؟؟؟ المعروف ان العقار في الوطن العربي هو شي واحد فقط وهو القيمة يعني عندك بيت فانت تملك شي واحد هو قيمته , بينما هنا في امريكا عندما تملك عقار راح تملك شيئين الشيء الاول هو قيمته والشي الثاني هو الكردت شلون يعني .. يعني لمن تملك بيت قيمته فالنفرض 80 الف دولار انت تملك قيمة البيت وايضا تمكلك شي اخر هو سند البيت الي ممكن ينطيك قرض بقيمة البيت من دون متبيع البيت , طيب شراح استفاد ؟؟؟ .. هنا راح اشرحلكم بطريقة بسيطة شنو الي راح تستفاده ..
حاليا اسعار العقارات نازلة جدا يعني في ولاية تكساس في مدينة دالاس او فورت وورث ممكن ان تشتري منزل 3 غرف وحديقة ومنزل محترم في منطقة محترمة بمبلغ 75 الف دولار وممكن تلكه ارخص اذا كنت تبحث عن بيت يحتاج صيانه .. هذا البيت ممكن تاجره بسهوله وسرعة كبيرة لان سوق الاجار في امريكا حاليا جدا فعال لان اغلب الناس لاتملك القدرة على الشراء اغلبهم عدهم باد كردت وخسروا بيوتهم فكلهم يدورون ايجار ممكن اتأجر البيت بمبلغ لايقل عن 1000 دولار طبعا حسب المنطقة وحسب اسعار ولاية تكساس غير ولايات الاسعار تختلف , كثير راح يكلك انت جمدت 75000 دولار بمقابل الف شهريا وهذا لاشيء بمفهوم التجارة .. لكن الحقيقة انك مجمدتها لانك ممكن تشتري بيت اخر بضمان البيت الاول وممكن ايضا تشتري بيت ثالث بضمان البيت الثاني وهكذا الامر يكون مثل تسفيط احجار الدومينو .. بالمقابل راح يكون عندك وارد من الايجار تدفع بيه اقساط القروض والي حاليا النسبة مالت الفائدة جدا قليلة وراح يزيد عندك مبلغ جيد شهريا وبنفس الوقت المنازل موجودة وقيمتها موجودة اذا مراح تزيد بعد ان يتعافى الاقتصاد .

3-   مشروع جدا بسيط وميحتاج تكاليف كبيرة , محل يوكريت وكوفي وعصائر قريب من هاي سكول , اليوكريت هنا في امريكا عدهم ادمان عليه بالذات الشباب من اعمار الهاي سكول , هناك محل اعرفه موقعه قريب من مدرسة اعدادية وقريب ايضا من الشارع كلما تروحله تلكه المحل مزدحم حتى بفترة العطلة .. هو مسوي كراسي مرتبة وحاط واي فاي انترنت شغل جدا نظيف وحلو بعد سؤالي عن الموضوع عرفت ان ميحتاج موافقات كبيرة وميحتاج ايضا عمال كثيرين وان الماك الواحد يكلف مبلغ 40 سنت وينباع بمبلغ دولارين ونص او اكثر ..
هنا ذكرتلكم ثلاث افكار لثلاث مشاريع بسيطة وحلال مبيها شي يتنافى ويا الدين , لان اني اعرف كثير ناس رافض ان يفتح مشروع كاز ستيشن مثلا لكونه راح يضطر يبيع مشروب او بيرة حتى يربح , يعني كل انسان ومفهومه وكل انسانه اله ديانته ومحرماته ولهذا حبيت ان ابعد عن اي مشروع يرفض لهذه الاسباب ..
طبعا كثيرين راح يكلك احنا بيا حال خلي انسافر بالاول , لكن الحقيقة اني وصلني كثير من الاسئلة لاناس بعدهم موصلوا ورابطين سفرهم بما راح توفرلهم امريكا من مستقبل .. ولهذا حبيت ان اضيف هذه الافكار والموضوع مفتوح لافكار اخرى وللتعليقات والمشاركات ..

تحياتي
أبو قمر

اعزائي الكرام
اشويا صبر او لاتستعجلون على بث هذي الاخبار....
اكيد سوريا وضعها غير ثابت او امريكا والدول الغربية اتريد اتزيح حكومة الاسد, لكن تعرف انه ماكو مقابل لهذي الحكومة لانه المعارضة منشقة فيما بينها, او اكبر دليل مثل ما دنشوفه في مصر او تونس او ليبيا, الى حد الان ماكو استقارر بالرغم من تغير الانظمة مالتها.....
او لاتنسون انه في سوريا جالية عراقية كبيرة او ماتكدر في يوم او ضحاها ان تغادر البلاد او اتروح الى دول الجوار لانه بدول الجوار ماكو امان الها ولا بالعراق اكو امان اللهم.....
لذا اشويا اتحلو بالصبر او سمو باسم ربكم او يهدئ الامور او اتمر هذي الغيمة بسلامة, لأنه امريكا ما تكدر اتجازف او تدخل في مشاكل اكبر في الشرق الاوسط......
لاتنسون انه مو  بس روسيا والصين تسند سوريا وانما ايران او حسب الله في لبنان هما الحارس الامين لسوريا او حكامها الحاليين, لذا اشويا ابتعدو عن الموضوع او انتظرو الله شنو راح يقسم لهذا البلد اللي يحوي على اكثر من مليون عراقي تقريباً......
الله يكون بعون ابناء شعبنا العراقي في سوريا او الله يسهل عليهم لاجل ان يطلعون من هذا المأزق, او العراقيين وين ما ينهزمون المصايب تلحكهم.........
الله يساعدكمخ او يباركم بيكم
تحياتي
جوسي البغدادي
باحث اجتماعي المانيا

صديقي العزيز .. اني اتفق وياك ان من الصعب خروج اكثر من مليون عراقي ولهذا اني ذكرت الي قادر على السفر خلي لا يتأخر ..
ما اتصور ان راح يصير اي حل سلمي لان لو كان اكو حل كان صار منزمان الازمة صارلها 10 اشهر ... كلامك عن امريكا غير قادرة على المشاركة اني وياك بيه امريكا متريد ادوخ نفسها لكن لتنسى ان الناتو موجود ولتنسى ان المانيا وانت اعلم بالمانيا قدمت مشروع قرار لمجلس الامن لتنحي نظام الاسد وكل دول اوربا ضمنيا وياها ..
روسيا كلنا نعرفها شنو هي مجرد مصالح الها ممكن ببساطه تعقد صفقة وتسحب نفسها والدليل البارحة مسئول روسي رفيع يكول ان روسيا مراح تكدر اتقدم اكثر لنظام الاسد وهذا تغير واضح جدا بسياستها .. الصين مالها علاقة في بداية الازمة عارضت بس بعدها صمتت وسحبت نفسها .. حزب الله الي بيه مكفيه حاليا ومشروغه وعدوه هو اسرائيل صحيح النظام السوري كان داعمه بس حزب الله معنده امكانيات دولة ...
اذن بالمحصلة النظام السوري حاليا معزول دوليا بعد مكان معزول عربيا .. الي واكف وياه روسيا وروسيا بدت كعادتها تغير سياستها , الي ديصير بسوريا مو فد شي بسيط والحلول الجزئية مراح اتحله .. يعني مسئلة بسيطة وربك يفرجها هذا الكلام بعد مياكل عند الشعوب العربية ..
حاليا مشروع الجامعة العربية والمشروع الالماني راح يحطون النظام السوري بموقف محرج جدا ليش ؟؟
لان المشروع يتضمن نقل سلمي للسلطة من الرئيس للنائب وتشكيل حكومة وحدة وطبية وبعدها انتخابات برلمانية ورئاسية , يعني ماظل حجة للنظام اذا هو مضبوط ومتاكد ان الشعب يحبه خلي يوافق عالمبادرة طبعا الانتخابات راح تكون باشراف مراقبيين دوليين يعني راح يكون صعب عليه التزوير ... وبما ان النظام يعرف نفسه زين فهو رافض للمبادرة جملة وتفصيلا ..
وكالعادة راح يبدي يلعب على موضوع الممانعة والامة العربية واعداء الامة ومن هالعبارات الي بعد متتقبلها الاجيال الجديدة ..
اي حل سلمي للوضع او نقل سلطة سلمي بسوريا مراح يحصل لان الشعب كسر حاجز الخوف والموضوع صار بيه دم والموضوع طول يعني ماتم الطمطمة عليه ...
ولهذا صديقي انا اعترض على ماذكرته من نقاط قوة قد تدعم نظام الاسد , الصين روسيا حزب الله وايران , والي ميعرف خلي يعرف ايران عمرها مكانت قوة ولا راح اتصير قوة مجرد هنبلة على الفارغ وعلى فكرة كل العالم متحلف بايران يعني اذا ادخلت راح تكون نهايتها وايران مراح تفرق شي عن روسيا كلام فارغ فقط لا اكثر ولا اقل .. ايران وروسيا خلي يحلون مشاكلهم الداخلية اولا ويخلون شعوبهم يحبون حكوماتهم اولا ويخلون العالم يحترمهم قبل ان يفكرون باي تدخل .. صدكني نظام الاسد اصبح وحيدا وروسيا عن قريب راح تغير موقفها ..

تحياتي
أبو قمر

اتمنى من كل العراقيين الي بسوريا والي عدهم امكانية السفر ومغادرة سوريا ان يغادرون لتركيا او للاردن رغم ان الحياة بالاردن صعبة والدخول للاردن صعب .. لكن الموضوع بسوريا مو موضوع يوم ويومين , كلنا نعرف الحكومة الروسية الي معفنه دزت بارجة لحماية سوريا وعلى الاساس هالايام يدزون غواصة رغم ان اني متاكد انهم مراح يدافعون عن سوريا ومجرد كلام فاضي كعادة الروس الي محد طيح حظ العرب غيرهم , لكن هذا يعني بان التدخل العسكري راح يكون بيه مفاوضات طويلة ولغاية ما تقتنع روسيا ومن هالسوالف الي راح تاخذ وقت طويل جدا وايضا مراوغات النظام السوري راح تاخذلها وقت اخر , فالافضل للي يكدر الخروج الامن من سوريا ان يقوم بيه الان قبل ان تسيء الظروف , الي اتصوره ان النظام السوري نهايته اصبحت موضوع وقت لكن الي متاكد منه ان النظام مراح ينتهي بسهولة وبدون تضحيات ... دعائي لكل انسان عايش بسوريا بان يحفظه الله ويدفع عنه كل مكروه هو القادر على كلشي ..

تحياتي
أبو قمر

السلام عليكم اخواني اذا واحد راح لامريكا وعنده مشاكل صحية يعني  يحتاج الى اجراء فحوصات وعمليات على العين .. هاي شلون يعني هم يتكفلون بيها لو ما الهم علاقة زين اذا هم يتكفلون بيها ورا شكد من الوصول ممكن الواحد يتحرك ويبدي بالفحوصات .. ارجوكم توضوحولي الموضوع

اختي العزيزة بعد وصولك لامريكا بحدود الشهر سوف تستلمين المدكيت التأمين الصحي الي راح يغطي كل المشاكل المرضية للطفل ويغطي كل المشاكل المرضية ماعدا الاسنان في بعض الولايات للكبير ..
يعني بعد وصولك بشهر راح تكدرين تبدين باجراءات الفحوصات .. طبعا التامين مراح يغطي شغلات الكوسمتك يعني العمليات التجميلية مثل الليزك مثلا ... لكن اي مشاكل اخرى بالعين راح يغطيها كاملا حتى لو احتاجت الى تدخل جراحي وانت مراح تدفعين ولا درهم .. عادة ما يستمر المدكيت فترة 8 اشهر في حالة عدم حصولك على عمل او دخلك قليل وممكن ان يجدد ايضا , ولهذا كل العراقيين يجييكون نفسهم ويفحصون نفسهم خلال فترة ال8 اشهر الاولى كون العلاج مجاني ..
انشاء الله بعد استلامك المدكيت من حقك ان تراجعين وتبدين بالعلاج ويارب صحة وعافية وسلامة وصول الك ولعائلتك الكريمة ..

تحياتي
أبو قمر

اخوان الخبر اكيد سيء لاخوانا الي بسوريا .. بس الخبر طبيعي جدا .. دول مجلس التعاون الخليجي والسعوديه سحبت المراقبين مالتها وما بقى غير السوداني رئيس اللجنة .... وجامعة الدول العربية طالبت الاسد بنقل صلاحياته للنائب مالته يعني طالبته بالتنحي .. واليوم المعلم وزير الخارجية السوري يكلك خلي العرب يروحون للمريخ مو لمجلس الامن ..
يعني سوريا خلاص وضعت على جدول التدخل العسكري وهذا الشي اقترحه وزير خارجية دولة قطر بان تدخل قوات عربية .. بس العرب مراح يدخلون كالعادة كلواحد يسحب نفسه ...
الوضع في سوريا حاليا غير ملائم لوجود اي دبلوماسي لاي دولة غربية .. امريكا سحبت موضفيها مو تخلت عن العراقيين لان سوريا عن قريب راح يتم فيها تدخل عسكري كل المؤشرات تشير لهذا الشي معناتها كل سفارات الدول راح تسحب موظفيها وهاي حالة طبيعية ومتوقعه .وكلنا نعرف ان كراسي القادة العرب مو تيفال ولهذا من الكعدة الطويلة يلزكون و الكل يعرف ان بشار وحزب البعث مراح يعوفون البلد بسهوله حتى لو يحركون البلد كله .. فالموضوع مو خاص بالعراقيين واكيد اذا وصلوا الحل واستقرت الامور راح يرجع الموضفين وترجع الاجراءات لطبيعتها ..
اتصور قبل لانهول الموضوع خلي ندعي لاخوانا السوريين والعراقيين الي بسوريا والي ديعانوه وندعي من الله ان يحرسهم ويفرجها عليهم ويستر عليهم ويخرجهم من الازمة سالمين يارب ...

تحياتي
أبو قمر

اخي ابو قمر عاشت ايدك

ممكن تفيدنا بنوع المساعدات المقدمة في كاليفرونيا سان فرانسسكو لرجل وزوجته ؟

اخي العزيز غسان ... اولا شكرا لمرورك ...
سان فرانسسكو او خلي نكول ولاية كاليفورنيا .. طبعا بدون اي منازع هي من اجمل الولايات في امريكا من ناحية الطبية والجو وكلشي , ولهذا راح تلكاها غالية جدا مقارنة بباقي الولايات .. بشنو غالية ؟؟؟
طبعا الاكل والمخضر مراح يختلف كثيرا عن باقي الولايات بالعكس هناك بعض انواع الخضر والفواكه تزرع في كاليفورنيا فتكون ارخص من باقي الولايات ... ممكن نحدد الغلاء بالمرتبة الاولى بالسكن .. يعني اقل ايجار لشقة غرفة واحدة يبدا ب 700 دولار وانت صاعد حسب المنطقة بينما في تكساس مثلا الشقة الغرفة تبدا من 370 دولار وانت صاعد حسب المنطقة .. اذن السكن غالي فواتيرك راح تكون جبدة لان الجو جميل طول ايام السنة , البنزين راح يكون اغلى ب 50 سنت للكالون عن ولايات الجنوب لكنه مقارب لاسعار باقي الولايات ..
نجي لسؤالك عن المساعدات .. طبعا اكيد الك الي ذكرته من ولكم مني وبرامج الدعم المالي للاجئين بعدها , راح يبقى عندك الفود ستامب والمفروض بامكانك التقديم على الولفر وهو دعم مالي شهري للدخلهم محدود لكن المعروف بأن الولفر يدفع للعائلة , مفهوم العائلة في امريكا مو الشخصين المتزوجين ذولا يسمون هنا كبل مو فاميلي , العائلة هنا هي الابوين والطفل الي بعده مبالغ سن الرشد .. الي اعرفه اذا كنت صاحب عائلة راح يدفعلك مبلغ شهريا اذا كان دخلك اقل من حد معين مجدد بحسب عدد افراد عائلتك يعني ممكن تكول ينطوك عالنفر مبلغ 220 دولار اقل او اكثر شويه ...
طبعا اذا حبيت معلومات اكبر واوسع فاني انصحك ان تراسل اخونا غسان الاشقر / المدرس/ هو ساكن في كاليفورنا وطبعا هو موسوعة للمعلومات راح يفيدك اكيد اكثر مني .. لكني ذكرتلك الي اعرفه .. ويارب تتوفق ويسهل امرك وتوصل بالسلامة ..

تحياتي
أبو قمر

بارك الله بيك     خير الناس من نفع الناس   الله  يجعلهه في ميزان حسناتك  ويوفقك على كد نيتك الطيبه لااهلك وناسك   تحياتي واحترامي

بارك الله بيك     خير الناس من نفع الناس   الله  يجعلهه في ميزان حسناتك  ويوفقك على كد نيتك الطيبه لااهلك وناسك   تحياتي واحترامي

ام تنسيم شكرا لدعواتك الطيبة دائما سباقة بالمشاركة والدعوات المحترمة والطيبة .. الله يبارك بحضرتك اختي العزيزة وبعائلتك الكريمة شكرا لكل كلمة كتبتها ...

تحياتي
أبو قمر

  شكرا الك اخي العزيز ابو قمر على تزويدنا بهذه المعلومات ولاعطائنا الصوره الصحيحة
والواقعية بالنسبة للحياة في امريكا الله يجازيك كل خير ويكثر من امثالك ياابن الاصول

شكرا لدعواتك الطيبة اختنا الغالية دارين .. يارب يسهل امرك ويبارك بحضرتك وعائلتك الكريمة ..

تحياتي
أبو قمر

تسلم يا ابو قمر وسلمت اناملك على هذا الموضوع

الاكثر من رائع ومفيييييييييد جدا جدا لان الكثير محتاجيها ويطرحون تساؤلات عنها

كفيت ووفيت بارك الله بيك .... وبالتوفييق انشاء الله

صديقي شنايزر المحترم .. دائما سباق بالردود والكلمات المحترمة .. بعدني دا انتظر اخبار حلوة من عندك .. صجيج انت ابداية المشوار بس انشاء الله يتسهل مشوارك وتحقق كل احلامك لكونك انسان طيب ومحترم .. دائما اتشرف بمرورك وكلماتك الطيبة ..
تحياتي
أبو قمر

عاشت الأيادي و تسلم و تعيش
كلامك اخي العزيز مضبوط ضبط العكال و خصوصا عن المساعدات بمينيسوتا

يحفظكم الباري عز و جل


أخوكم
زياد / ابو الحسن
مينيسوتا - روشستر

أبو الحسن الوردة مشتاقين يا طيب , شلونكم عالبرد الله يساعدكم .. طبعا احنا بتكساس هالسنة ماكو شتا .. اشكر كلماتك الطيبة يا وردة وتأكيدك ودائما سباق بالمعلومات ودائما ما اطلع على مواضيعك الي تزيد من معلوماتي في هذا البلد المحترم ... تحيالتي يا غالي الك ولعائلتك الكريمة ..

أبو قمر

تسلملي ورده ابو قمر على الايجاز المفصل والمعلومات الممتازة وبارك الله بيك اخونا الله ينورك

[/color][/b][/size]

شكرا اختي العزيزة المهندسة .. كلماتك ومشاعرك دائما طيبة .. يارب نسمع خبر سفرك بالقريب العاجل ...

تحياتي
أبو قمر

الف مبرووك صديقي لوصولك بالسلامة صحيح متاخرة بس هاي مشاغل امريكا ... الف مبروك ويارب تحققون جميع امانيكم .. ولتتردد ان تتصل بيه باي وقت اذا احتاجيت اي مساعدة ..

اخوك ابو قمر

عاشت ايديك اخي العزيز ابو قمر وربى يحفضلك وتشوفها باعلى المراتب وحاصلة عل اعلى الشهادات ولله يوففك وان شالله وين مادير بوجهك تكون مضوية كدامك وتسلم ياوردبس حبيت اعرف لاس فيكاس بولادية نيفادا هي من ولايات الجنوب

اختي العزيزة شكرا لدعواتك الجميلة والطيبة والي ادل على طيبتك واخلاقك العالية ... اختي لاس فيكاس معندي معلومات قوية بيها من ناحية مساعدات الولاية ممكن تكون بيها وممكن لا .. اتصور صديقنا صفاء الكرخي قريب منها وعنده معلومات .. واني انشاء الله اسئلك اصدقائنا بولاية نيفادا بلكي يفيدونا ...
تحياتي اختي العزيزة وشكرا مرة ثانية لمشاركتك ..

تحياتي
أبو قمر

صديقي الغالي ابو قمر الورده مشتاقين المواضيعك القيمه يوم عن يوم اتبدع

يارب يكون في ميزان حسناتك ابصراحة انتظر مواضيعك على نار من معلومات مهمه

ومفيده اقله واحد يكون عنده معلومات اتنورنه من نواصل اذا رب العالمين كاتبلنه نوصل

الله ينور دربك مثل مدتنورنه بارك الله فيك صديقي الغالي


اخوكم عماربغدادي

صديقي عمار الوردة انشاء الله توصل وتحقق كل امنياتك انت انشان محترم وتستاهل كل خير .. شكرا لمرورك صديقي وكلماتك الطيبة ويارب نسمع خبر سفرك بالقريب العاجل ...

تحياتي
أبو قمر