الرسائل

1

الهجرة و واللاجئين / رد: lموضوع معاد ولكن لا جواب شافي لحد الان-الحمل والسفر

« في: 19:24 26/09/2009  »

مرحبا ياخ bigj
راح احجيللك عن احد اقاربي كانت مرته حامل في الشهر الخامس واجه عن طريق iom من عمان الى كاليفورنيا قبل شهر تقريبا واول موصلت اهنا حصلت على المدكيت ورها بدت بمراجعة الاطبيب

واهنا العنايه بالحوامل من قبل الدكاتره شي مو طبيعي كلش يهتمون والمره الحامل هي تكدر تختار احسن طبيب او طبيبه يعني مو هيه لاجئه عدها اختيارات قليله بلعكس المدكيت ايخطي كلشي بهذا الموظوع من تحاليل وادويه وطبعا الولاده وباحسن المستشفيات واني داحجي عن تجربه

2

الهجرة و واللاجئين / رد: سوأل عن الرواتب في امريكا

« في: 01:50 24/09/2009  »

 عاشت ايدج اينجي دائما متقصرين كلشي الي كلتي صحيح بالنسبه الى مشكن 
واني بالمناسبه قريبه عليج وكاعده اب ايتين وفاندايك مو الشقق البيضه الي بيها هوايه عراقين الشقق المقابيلها الحمره اني كاعده اهناك

3

الهجرة و واللاجئين / رد: نداء الى كل من وصل ( اميركا ) من ابو انس

« في: 23:04 19/09/2009  »

شكرا ابو انس على الموظوع لان صدك اكو هوايه ناس محتاجين ايعرفون اخبارنا
اني وحده من الاعضاء الي استفاديت هوايه من هذا الموقع ومن ناسه الطيبين على كلا راح احاول افيدكم شويه
طبعا اني جنت لاجئه في يونان وقدمنا مناك اني وزوجي بعد ان رفظتنا اليونان ولان زوجي جان مشتغل ويه الامريكان قدمنا عن طريق الايميل وصارت المعجزه وطلعنا وحسب حجي السفاره جنا اول اثنين نطلع لجوء من اليونان الى امريكا ورسمي والحمدلله والشكر اني اعتبرها معجزه
وصلنا امريكا قبل 4 اشهر ولاية مشكن وشفنا الفرق الي مجنا نحلم بي بين امريكا والشعب الامركي ومعاملته للاجئين وبين اليونان الي عشنا اتعس ايامنا بيها
راح احجي عن المساعدات الي هسه احنا استلمناها صار 4 اشهر
اول ماجينا استلمنا الولكم  جيك والي جان 850 دولار هاي مال نفرين ولمره واحده فقط  ورها سجلنا بلوفر واستلمنا المدكيت والفود ستامب 370 هم للنفرين وتكفي وتزيد والكاش الي هو 403 دولار كل شهر 
وهاي المساعدات تنزل كل شهر ولمده 8 تشهر قابله للتجديد في حالة عدم وجود العمل
وخلي اكون صريحه وياكم هاي المساعدات متكفي لان احنا نفرين وماعدنا اطفال فزوجي الحمدلله والشكر كدر ايشوف شغل واشتغل ومنقطعت المساعدات لان ميشتغل فول تايم  علما بان اجرنا شقه اجارها 525 غرف وصاله واول شهر ابلاش والمي والهيت عليهم يعني السعر كلش اوكي ومنطقه راقيه

وكرايبنه الي شافوله الشغل والمنظمه عرظت عليه مرتين شغل وهو فظل هذا الشغل يعني بين قوسين اذا عندك لغه المنظمه اتشوفللك شغل بسرعه وهسه الحمدلله كلشي ماشي اوكي وامريكا بالنسبه النا حلوه للي ايشوف شغل واذا اشتغلت اهنا تكدر اتسوي كلشي واطور نفسك ومعيشتك مو مثل العراق شغل بلا تقدم

اما بالنسبه الي هسه حاليا داروح مدرسه تعليم لغه ومجانيه وهاي طبعا بطلب من المنظمه لان اني ماريد اشتغل اريد اتعلم لغه فهما يمهم لو شغل لو دراسه حتى المساعدات تستمر ميحبون الواحد بس يستلم مساعدات وميطور نفسه واي سؤال اني بالخدمه

4

الهجرة و واللاجئين / طلب المساعده من العراقين في الاردن

« في: 20:49 19/09/2009  »

هاي اشلونكم انشاء الله الكل ابخير
عندي طلب اريد عنوان ال iom و  un  في الاردن لان اهلي صار كم يوم من وصلوا للاردن وميعرفون العناوين وايريدون ايقدمون باسرع وقت
وطلي ثاني اريد اعرف طبيعه المقابلات في الاردن اعرف ماكو شي ثابت بس تقريبا شلونها بهل الفتره يعني المده بين المقابلات وغيرها من المعلومات بالاخص فيما يخص التقديم المباشر

علما باني في امريكا ديترويت تحديدا واي سؤال اني بالخدمه من خلال معلوماتي الصغيره لان اني صارلي 4 اشهر فقط في امريكا 

شكرا مقدما على الاجابه

5

الهجرة و واللاجئين / رد: مهم لكل من لديه المحلفين

« في: 17:10 22/02/2009  »

لا شكر على واجب المهم ان تستفادون منها
على فكره انا اخت وليس اخ 

6

الهجرة و واللاجئين / مهم لكل من لديه المحلفين

« في: 16:00 22/02/2009  »

شلونكم يااحلى عراقين واحلى منتدى
لاحضت في الفتره الاخيره انو اكو هوايه اعضاء عدهم مقابلة المحلفين وقبل فتره قصيره دورت من الصفحه الاولى في المنتدى وكدرت اجمع كل شي يخص مقابلة المحلفين
واني عن نفسي استفاديت منها وحبيت اساعد بشي بسيط وانزل هذه اللنكات بلكت تستفادون منها


http://www.ankawa.com/forum/index.php/topic,241204.0.html

http://www.ankawa.com/forum/index.php/topic,240072.0.html

http://www.ankawa.com/forum/index.php/topic,243944.0.html

http://www.ankawa.com/forum/index.php/topic,242327.0.html

http://www.ankawa.com/forum/index.php/topic,238199.0.html

http://www.ankawa.com/forum/index.php/topic,241261.0.html

http://www.ankawa.com/forum/index.php/topic,242163.0.html

http://www.ankawa.com/forum/index.php/topic,242139.0.html

http://www.ankawa.com/forum/index.php/topic,230347.0.html

http://www.ankawa.com/forum/index.php/topic,232183.0.html

http://www.ankawa.com/forum/index.php/topic,235369.0.html

http://www.ankawa.com/forum/index.php?topic=260973.0

http://www.ankawa.com/forum/index.php/topic,225180.0.html


اتمنى الموفقيه للجميع وانشاء الله مقابلات سهله

7

الهجرة و واللاجئين / رد: سؤال عندي رفض في السويد هل تقبلني النرويج

« في: 13:01 14/01/2009  »

اخويه الي اعرف الي عنده بصمه في اي دوله اوربيه وانرفض يعني معناتها انرفض من كل الاتحاد الاوربي واي دوله اوربيه ايروح تطلع بصمته واحنا بصمنا في يونان ومنكدر انروح ولا دوله اوربيه


اخويه باسل اهلي في يونان ايريدون ايروحون لبنان ايقدمون بس بدون ميرجعون للعراق ايصير هذا الشي لو لازم اول شي ايروحون للعراق؟ وهما عدهم جوازات جي يعني ممحتاجين جواز جديد   

8

الهجرة و واللاجئين / رد: اليوم استلمت نتيجة المحلفين ....

« في: 12:41 04/01/2009  »

الف مبروك ابو قمر تستاهل واليوم اني فتت مخصوص حتى اشوف النتيجه مالتك ويارب يوم السفر القريب وسلام خاص القمر

9

الهجرة و واللاجئين / رد: منظمة دولية:اليونان تسيء الي طالبي اللجوء العراقيين

« في: 20:21 13/12/2008  »

  الاخ  rmmazm
اكيد ولا دوله من الي ذكرتهم تعامل العراقين زين بس علقل تكدر اتقدم مناك , بس اني اكللك عن وظعي اهنا دفعنا كومه فلوس للقجخ وفوكها لكفونه الشرطه اليونانيه وبصمنه ابيونان يعني بعد منكدر انقدم على اي دوله اوربيه لان احنا علساس لاجئين بدوله اوربيه ومن تجي اتريد اتقدم على اي دوله كبرى ايكوللولك انت شكو عليك انت بدوله اوربيه يعني خسرنا كومه فلوس ومحصلنا ابسط شي وهي ان ايكون عدنا ورقه عدم تعرض يعني اني هسه وضعي مو قانوني , لا اكدر اروح اي دوله اوربيه وحلي الوحيد هو ان نرجع لاي دوله عربيه ومناك انقدم وهاي مجازفه بس اكو خطوه ماشين بيها واذا مصارت نرجع ونبدي من اول الطريق , وحبيت الجمله مال بعض العراقين 

10

الهجرة و واللاجئين / رد: منظمة دولية:اليونان تسيء الي طالبي اللجوء العراقيين

« في: 19:25 13/12/2008  »

مرحبا اخ بسار
اني وياك بمساله حجز العراقين من قبل العراقين انفسهم وهذا الاتفاق الماشي من اجل استلام فلوس القجخ بس مساله المخدرات مسامعه بيها , واما عن قولي ان اليونان تاخذ مخصاصات من قبل المنظمات من اجل العراقين فهذا الحجي مو من يمي هذا الحجي كلتلي عليه محاميه يونانيه من رحنا قدمنا طلب استاناف وهي محاميه في un gcr والي موقعها بامونيا هي الي كالتلنه هذا الحجي حرفيا وكانت كلش متعاونه ويه العراقين الي رجعين من السويد بطلب من اليونان ولمن رجعوهم لليونان الحكومه اليونانيه انطتلهم طرد شوف كلش خوش اوادم
والله ايكون بعون العراقين

11

الهجرة و واللاجئين / رد: منظمة دولية:اليونان تسيء الي طالبي اللجوء العراقيين

« في: 12:53 13/12/2008  »

مرحبا بكم جميعا
اذا اكو دوله قاسيه ويه الاجئين فهيه يونان وخاصه العراقين وعدها ساسيه مال لاترحم ولا تخلي رحمه الله تنزل, واني حاليا لاجئه بيونان وجان يوم اسود يوم الي فكرنا نبقى بيونان ولو هو مجان اختيارنا
والاخ بسار ارجو ان لاتتهم العراقين الي بيونان باشياء هي مموجوده لان اني صارلي فتره اهنا ومشفت شي من الي ددكوله فماكو داعي تتهم العراقين لان هما اصلا اذا كلشي ميسون الشرطه اليونانيه تخليهم بلسجن لاي سبب جان لعد اذا هما مثل مددكول اصلا متبقيهم نهائيا . وهي يونان تكدر ترفض بعدم قبول طلبات اللجؤ للعراقين بس هي شدسوي تقبلها وتاخذ المخصصات من الامم المتحده وبنفس لوقت متنطي ابسط الحقوق للاجئين مجرد تنطي اقامه تتجدد كل 6 اشهر واحنا حتى هاي الاقامه انسحبت منا وره التجديد الاول , واذا طلعت من اليونان بهاي الاقامه بعد ميحقللك تدخل مره ثانيه يعني هي عباره عن سجن ومنحلم بلجنسيه ممكن انحصل اقامه وره 10 سنوات
فلناس الي ددتروح امريكا وامريكا معاجبته اتمنى انو ايشكرون ربهم لان هما عدهم هيجي فرصه 
اسفه طولتها عليكم بس هاي كلها من حبي اليونان