الرسائل

1

الهجرة و واللاجئين / رد: The End of SIV program

« في: 20:48 08/12/2013  »

نفس الحالة شهر 2 2011 3 فحص طبي و 3 عدم محكومية وماكو شي

2

الهجرة و واللاجئين / رد: siv siv siv

« في: 13:08 02/12/2013  »

ماكو تمديد بعد اتصور وانضحك علينا

3

الهجرة و واللاجئين / رد: منو باقي SIV ينتظر فيزه

« في: 16:56 17/11/2013  »

خوية الحياة فرص .. اكو واحد دزوا على جوازه علمود الفيزا؟ هالايام اليقابل مباشرة يرجعوله الجواز

هي من تصير الفيزا جاهزة يكولون دزو الجوازات

4

الهجرة و واللاجئين / رد: منو باقي SIV ينتظر فيزه

« في: 16:13 17/11/2013  »

وياكم مقابلة 27-2-2011 اعادة قسم شهر 6 2013 اعادة فحص طبي 3 مرات عدم محكومية 3 مرات اخر تحديث 29-10 ورجعولي الجوازات يوم 7-10

5

الهجرة و واللاجئين / رد: اخر ايميل من السفارة بدون تحديث وما يعرفون وين واصلين

« في: 15:36 15/11/2013  »

اني هم البارحة دزولي نفس هذا الايميل وهم ماصار تحديث على الكيس

6

الهجرة و واللاجئين / رد: SIV شنو الموضوع اشو ابد ماكو موضوع مو تمدد البرنامج اشو رجعنة اتعس SIV

« في: 19:39 12/11/2013  »

يا الله عبالي بس اني باقي .... ياريت يكون تحليل الاخوان صحيح مال اصدار الفيز متوقف من ورة الاي او ام بس مو المشكلة مابقة شي وشهر 12 كلة عطل تتوقعون تصير فد حملة جبيرة مثل ماصار بشهر الثامن والتاسع قبل لينتهي البرنامج ؟؟؟؟؟

7

الهجرة و واللاجئين / SIV شنو الموضوع اشو ابد ماكو موضوع مو تمدد البرنامج اشو رجعنة اتعس SIV

« في: 09:07 12/11/2013  »

السلام عليكم يابة مو تمدد البرنامج وعلى اساس 2000 كيس راح يمشوهم قبل نهاية السنة ؟ اشو بالعكس رجعنة اتعس يابة احد سامع شي الفترة الي راحت جانت فيز تطلع بس تقريبا من بداية شهر 11 لو فيزة لو 2 طلعت وماكو بعد ماعتقد بعد ورا هذا التمديد اكو تمديد جديد لان لو اكو جان من الاول كالو تمديد سنة مو 3 اشهر . يمعودين والله متت مقابل 27-2-2011 عايد فحص 3 مرات عدم محكومية 3 مرات واني عائلة اني و زوجتي وطفلة و مخادم عسكرية يابة اذا احد سامع شي اذا القدماء موجودين خلي نشوف شكد احنة بقينة ومصيرنا شنو  

8

الهجرة و واللاجئين / رد: SIV والتالي ؟ هسة مو تمدد البرنامج وينهم ؟

« في: 14:41 08/10/2013  »

اني هم يا اخوية والله 3 فحوصات طبية والله اعلم شراح يلعبون بينة بعد

9

الهجرة و واللاجئين / رد: SIV والتالي ؟ هسة مو تمدد البرنامج وينهم ؟

« في: 13:35 08/10/2013  »

تدز ايميل ميجاوبوك تدز انكوايري هم ميجاوبوك لخاطر الله شنو الموضوع هسة حتى الوكت ديطير والله اني كلت التمديد مراح يقدم ولا يأخر بس يزيدنا تعاسة وانتظار 

10

الهجرة و واللاجئين / SIV والتالي ؟ هسة مو تمدد البرنامج وينهم ؟

« في: 11:58 08/10/2013  »

يابة هم طلعت فيز ؟ اشو البرنامج تمدد هو كل الي تمدد 3 اشهر وها طار نص شهر اي ونهم اشو ماكو شي الي يعرف اكو فيز طلعت ورا قرار التمديد خلي يكول يمعودين مو والله خبلونة

11

الهجرة و واللاجئين / S I V السفارة رجعت الجوازات ( بدون فيز )

« في: 13:40 02/10/2013  »

السلام عليكم السفارة دزتلي ايميل هسة يكولون رجعنالك الجوازات  

12

الهجرة و واللاجئين / رد: بعض الاسئلة لخبراء ال SIVيرجى ممن لديه معلومات ان يترك الجواب المناسب

« في: 09:26 01/10/2013  »

الف الف الف مبروك اخوية ترسها للا او ام حتى يبدولك بالبنفت وتكدر تكوللهم اريد اسافر بهيجي تاريخ بس لازم تنتبه على تاريخ نفاذ الفيزا ....... وقت نفاذ الفيزا او صلاحيتها يكون مكتوب بيها بالفيزا .......... المساعدات تختلف من ولاية لولاية ......... هذا الي اعرفة ممكن تكولي شوكت صدرت فيزتك يعني التاريخ وشوكت اخر تحديث قبل صدور الفيزا ؟

13

الهجرة و واللاجئين / S I V بعد 4 ايام وينسد المهجوم والفيز ماطالعة

« في: 08:21 26/09/2013  »

بعد 4 ايام وينسد المهجوم وماعرف شراح اسوي اشتغلت من 2009 لحد 2013 شهر 8 ولحد هسة ماكو فيز اخر سكرين مسوي بشهر السادس 2013 وعبرتة والله راح اتخبل 27-2-2011 مقابلتي عدت الفحص الطبي مرتين وسويت اعادة قسم وكلشي سويت الظاهر الجماعة راح يدزولنة الجوازات ويكولولنة SORRY روحوا لل IOM وتعالو ضيعوا 4 او 5 او 6 سنوات من حياتكم من جديد والتمديد حتى اذا سووا فمراح يزيد غير بس تعاسة وانتظار فارغ حسبي الله ونعم الوكيل

14

الهجرة و واللاجئين / رد: ال SIV وتعاملهم مع السنكل كايس

« في: 07:22 26/09/2013  »

اخوية الله يخليك انت صدك تحجي اني عائلة 3 نفرات مقابلتي 27 - 2 - 2011 واعرف هواي عوائل بعدهم واقدم مني ماكو الها علاقة لاسنكل ولا عائلة

15

اجتماعيات (ترحيب، تهاني و تعازي منتدى الهجرة) / رد: و اخير و ليس اخرا صدرتلي الفيزا ...... الحمد لله و الشكر

« في: 21:16 24/09/2013  »

اخوية من جديد احب اكولك الف مبروك بس بدون زحمة شلون جان تسلسل التحديثات بالموقع مالت السفارة ياريت تذكرلنا حتى تصير عدنا فكرة

16

اجتماعيات (ترحيب، تهاني و تعازي منتدى الهجرة) / رد: و اخير و ليس اخرا صدرتلي الفيزا ...... الحمد لله و الشكر

« في: 16:54 24/09/2013  »

الف الف الف الف مبروك لك عيني فرحتلك لان انت من القدماء الحمد لله صعدت الامال شوية

17

الهجرة و واللاجئين / رد: @@@ Issued الف الحمدلله @@@ مهم للاخوه (yaziyazi / hmhmtf / Hector / احمد السنفور / الحياة ف

« في: 14:59 19/09/2013  »

رحم الله والديك اخوية على هاي النصيحة وعلى حجايتك دزيتلهم مثل ماكلت والله كريم يارب يارب يارب

18

الهجرة و واللاجئين / رد: واخيرا Issued واريد تبريكات وهلاهل بصوت عالي

« في: 18:11 18/09/2013  »

الف الف الف مبروك اخوية ويارب يوم تكمل الفيزا لبقية العائلة .... بس سؤال بدون زحمة عليك هم جانت تصير تحديثات على الكيسات الي طلعت الها الفيزا يعني خلال هاي الايام الراحت كم ابديت صار ومن جديد الف الف الف مبروك

19

الهجرة و واللاجئين / رد: S I V والسفارة التي متدري كلشي

« في: 12:37 18/09/2013  »

حبيبي شغلة عادية هم يكولولك اذا جوازك عندك دزنيا بارب وقت حتى يصدرولك الفيزا اني صار هيج ويايه مسالة جدا طبيعية بس مجرد ما ترسل الهم رسالت وتفهمهم انو جواز يمهم شي  ميقلق

اخوية العزيز اول شي دا اعرف شديكولون بالايميل وثاني شي لا موعادي لان هاي سفارة وتمثل دولة عظمى وقسم الاس اي في واحد واحنة كلنة شايفي بين واحد وواحد اقل من متر وميعرفون انه الجوازات يمهم لو لا ؟؟؟ وهم مديكولون دزلنة الجواز حتى نصدر الفيزا هذا الايميل جواب على انكوايري اني دازة يوم 28- 9 واني مخلص الفحوصات الطبية ومكمل كلشي والسالفة يم الله ويمهم اني مقابل شهر الثاني 2011 يعني سنتين ونص الظاهر همة كلشي ميعرفون والسالفة منتهية بس حسبي الله ونعم الوكيل

20

الهجرة و واللاجئين / رد: خربطة الاس اي في

« في: 11:47 18/09/2013  »

اخوية لعد قابل يصير واحد يعيد الفحص الطبي 3 مرات ويصير مشتغل وياهم من 2009 لحد هاي السنة ومسوي سكرين قبل شهرين ولحد هسة ماكو فيزا واني مقابل 2011 شهر الثاني ! ! ! يا اخوية والله ماعرف شكول مصدوم بشكل من وراهم اني

21

الهجرة و واللاجئين / رد: خربطة الاس اي في

« في: 11:07 18/09/2013  »

حسبي الله ونعم الوكيل اخوية اقرة الموضوع مالتي لعد .... انت ارجع دزلهم وكوللهم انه انت مسوي فحص ودازة الكم بهيجي تاريخ والنة الله

22

الهجرة و واللاجئين / S I V والسفارة التي متدري كلشي

« في: 11:05 18/09/2013  »

اني مقابل بالثاني 2011 وجوازاتي يمهم من يوم المقابلة لحد هسة يعني ابد ماسحبتها من عدهم البارحة دزولي ايميل على انكوايري اني دازة الهم يوم 28-8 شوفو جوابهم الرائع وطبعا ماصار ابديت بالموقع يعني هذا ايميل مال واحد ديجاوب وكلشي ميعرف

SV BGIV

Dear Sir or Madam,

    If you currently have a pending Special Immigrant Visa case with our office, and you are in possession of your passport, we kindly request you return your passport to us immediately at the following address:

U.S. Embassy
Attention:  Immigrant Visa Unit
International Zone
Baghdad, Iraq

    You can now follow the status of your case online; for more information, please visit: http://iraq.usembassy.gov/status.html.  If the result of your status check shows “Administrative Processing”, that means that we are currently working on your case; we will contact you as soon as the administrative processing of your application is complete.

    If you are aware that your medical exam has expired more than 18 months ago, you should obtain a new medical exam at this time.  For information on how to renew your medical exam, please review the instructions listed on: http://travel.state.gov/pdf/supplements/BGH-SUP-MULT-0005-1305.pdf.

    As announced at the inception of the program, the Iraqi Special Immigrant Visa (SIV) program is scheduled to end on September 30, 2013. The Department of State has been working with its interagency partners and interested members of Congress to extend our authority beyond September 30 to allow for the issuance of SIVs after that date. However, under current legislation, our authority to issue SIVs to eligible individuals who have been employed by or on behalf of the U.S. government in Iraq ends on September 30, 2013.

    We recognize that many who have been employed or worked on behalf of the U.S. government in Iraq, and their families, face real threats as a result of their U.S. government affiliation. We take these threats, and the concerns of those who work with us, very seriously and we are committed to providing them with the benefits for which they are legally eligible.

    The U.S. Refugee Admissions Program (USRAP) for U.S. affiliated Iraqis remains in place and will continue to be available after September 30, 2013 regardless of whether the Iraqi SIV program ends at that time. The Embassy encourages SIV applicants to seek out information about the USRAP as the eligibility criteria are very similar to those of the SIV. For more information on the USRAP for U.S. affiliated Iraqis, please visit http://iraq.usembassy.gov/refugeesidpaffairs.html.


Sincerely,

Immigrant Visa Unit
U.S. Embassy Baghdad

/nb

يعني ميعرفون جوازي يمهم لو لا واقروا المقطع مال الا او ام يكولون يعني بين قوسين غسلوا ايديكم

23

الهجرة و واللاجئين / رد: اللجوء باوربا وخصوصاً فلندا

« في: 14:35 16/09/2013  »

بس اني ماعرف الفيزا الشنكن ما مأمن بيها لان ماكو احد يضمنها بدون بصمة واذا صارت وبصموك بالمطار او طلعت الفيزا مامضبوطة وبدون اوليات تنسى اللجوء بأوربا ... اني اشوف التهريب المضبوط ولو كلفتة شوية عالية اني اشوفة اضبط وخصوصا اذا جماعة مضبوطين واحجيلكم شغلة كرايبي ببلجيكا صارلة 4 سنوات هم طلع تهريب وهسة الولد كاعد وعندة اقامة مفتوحة ومرتاح وبالعافية علية الولد وصل لبلجيكا ب 4000 دولار فقط ! ! ! ! وقبل اسبوعين دا احجي ويا يكول اكو ولد من وحدة من المحافظات وصلو لفنلندا عن طريقين مختلفين وبنفس الاسبوع يكول واحد وصل ب 9000 وواحد وصل ب 18000 يعني ضعف السعر وثنينهم تهريب وخلي افهمكم قصة التهريب مو مثل ما احنى نتصورة يحطوك بشاحنة ويختلوك بحاوية ومدري شلون اني هيجي جنت فاهمهة بس طلعت ابد ابد ابد موهالشكل طلعت اوراق مزورة بس شي مضبوط وتسافر بطيارة وتنزل بمطار والجماعة الي يتبنون هالموضوع حتى يدزوك على شباك معين بالمطار يعني منسقين وية موظفين المطار وولهذا كلتلكم تختلف الاسعار لان كل جماعة طريقتها يعني اكو السهل المريح واكو الي بي صعوبة وهذا الحجي مو من عندي من كرايبي الي ببلجيكا والي هو طلع تهريب 

24

الهجرة و واللاجئين / رد: اللجوء باوربا وخصوصاً فلندا

« في: 14:16 16/09/2013  »

اني فيزا شنكن بدون بصمة كلي 17 والشركة بالمنصور .... والتهريب المضبوط بدو من 15 لل 20 على حسب الضمان الشغل المرتب

25

الهجرة و واللاجئين / رد: اللجوء باوربا وخصوصاً فلندا

« في: 11:23 16/09/2013  »

السلام عليكم اخوية اني هم صارت عندي معلومات على الفيزا الشنكن الي بدون بصمة بس ماعرف شوية متخوف منها بس اريد استسر منك على شكد رادو من عندك عليها ومن وين ببغداد ؟ ومن اي سفارة ؟ وطبعا اكو موضوع اللجوء مال كندا هم صارت عندي معلومات علية

26

الهجرة و واللاجئين / رد: S I V قـــــــــــديــــــــــــــــــــم

« في: 16:09 12/09/2013  »

مو اشكال ياريت تطلع هسة بس الفيزا مالتي على الاقل اجلب بفد شغلة ميروح التعب والشغل ببلاش

27

الهجرة و واللاجئين / رد: S I V قـــــــــــديــــــــــــــــــــم

« في: 15:56 12/09/2013  »

اخوية العزيز احمد ربك وشكرة الف مرة انت على الاقل طلعت فيزتك لان انت تدري كالو اذا المتقدم الرئيسي طلعت فيزتة وعائلتة ماطلعت حتى لو ورا 30-9 نبقة نشتغل بالكيس مال عائلتة فعلى الاقل انت جلبت وياهم بشغلة

28

الهجرة و واللاجئين / S I V قـــــــــــديــــــــــــــــــــم

« في: 15:22 12/09/2013  »

السلام عليكم اني اس اي في مقابل يوم 27-2-2011 عائلة 3 نفرات الجماعة لعبوا بية طوبة بسنة 2012 بشهر الثالث كالو سووا فحص جديد واحنا دنخلص اجرائات الكيس مالتك رحنة ودفعنة فلوس وسوينا الفحص واستلمو ويوم يومين شهر شهرين ماكو كالو انت بعدك مراجعة ادارية ... سنة 2013 شهر السادس كالو تعالو سوو اعادة قسم بدون تجديد عدم المحكومية والفحص بس اعادة قسم رحنة وتعرفون البهذلة شلونها المهم سوينة اعادة قسم وراها اجانة ايميل اذا انتو مالتكم العدم المحكومية والفحص الطبي منتهية سووها بس الايميل عام مو خاص ... برمضان فطرت اني وزوجتي ورحنة سوينة العدم محكومية وراها يكم يوم واني بعدني مامستلمها كالو منريد بعد عدم محكومية ... بوري عدل مارحت واستلمتها لحد هاللحظة ... دزو الايميل العام الي يكولون احنة نحثك اذا تعرف الفحص مالتك خلصان سوي ... فلوس الفحص مثل متعرفون هواية واني منجوي من عدهم ... كلت اروح اسوي فحص طبي وحدي بدون العائلة على الاقل اذا بوري ففلوسة شوية 300 دولار بس ... رحت وسويت الفحص ودزيتلهميا يوم 2-9 استلمو الفحص مالتي وبدون ما ابلغهم انه سويت فحص دزولي ايميل كالو استلمنة الفحص مالتك وعنوان الايميل جان MEDICAL EXAM FOR YOU WIFE AND DAOUGTER REQUIRED وكلة مكتوب كابتل لتر ...اكو اكثر من هيجي شي رحت وسويت الفحص للعائلة وهم تعرفون البهذلة شلونها دزيت الهم الفحص الطبي والصور واستلموهن يوم 8-9 ولحد هسة لا ابديت جديد ولا كالو استلمنة الفحص ولا اي خبر من عدهم والبرنامج راح ينسد البارحة دزولي ايميل على انكوايري دازة يوم 17-8 جاوبوني هسة يكولولي اذا فحص بنتك ومرتك منتهي صارلة اكثر من 18 شهر سوي من جديد ! ! ! ! ومصار ابديت يعني بقة على يوم 8-9 .... عليكم الله هاي صايرة ....... ياريت اذا احد منكم عندة فد رأي فد حجاية اكيدة يكولها ترا انلعب بية طوبة والله العظيم

29

الهجرة و واللاجئين / رد: جماعة الي اتاجل سفرهم بعد اعطاء موعد سفر

« في: 07:13 04/02/2013  »

السلام عليكم اهلي نفس الحالة اجلوهم قبل يوم من السفر التقديم بغداد الملف IZ113XXX السفر كانو المفروض 16-12-2012 ولحد هسة كلشي ماكو والحالة بالموقع السفر انتظار والتشييك الامني انتظار بعد ماكان مكتمل ومن اجلوهم كاللولهم نقص اوراق من عدنة مو من يمكم

30

الهجرة و واللاجئين / رد: من تأجيل موعد السفر الى الامنية انتظار وموعد السفر انتظار !

« في: 16:59 07/01/2013  »

UP

31

الهجرة و واللاجئين / رد: من تأجيل موعد السفر الى الامنية انتظار وموعد السفر انتظار !

« في: 18:30 15/12/2012  »

والله حالتنا صعبة حيل مدمرين الله لايخلي احد يمر بهالموقف يعني انت اتصور ماعندك شي وبعت كلشي شتسوي والله دمار

32

الهجرة و واللاجئين / رد: من تأجيل موعد السفر الى الامنية انتظار وموعد السفر انتظار !

« في: 16:39 15/12/2012  »

والله ياعيوني اني هم بابن البيطار خابروني واجلوا موعدسفري من يوم 1-8-2012 ولحد الان الامنية انتظار والسبب مثل ماخبرتني الموظفة الاردنية اعادو تجييك لبعض امور الامنية وماتاخذوقت ولهسا اكثر من 4 اشهر والوضع على حالة الله يسهل الكم والنا وللكل لاتضوجون بس ان شاء الله اموركم تختلف عني

اخوية بدون زحمة شكالولك اشو احنا كالو نقص اوراق يعني شنو

33

الهجرة و واللاجئين / رد: من تأجيل موعد السفر الى الامنية انتظار وموعد السفر انتظار !

« في: 16:00 15/12/2012  »

عن قريب اخوية عن قريب فرجت لا يظل بالك

اخوية العزيز من حلكلك لباب السما والله حال الضيم حالنا وظلمة دليلها الله لان كلشي مدنعرف وليش هيجي صار وشراح يصير اخوان الله يفتحها بوجهكم الي عندة معلومة على هالموضوع او على فد اجراء نكدر نسوي خلي يكول

34

الهجرة و واللاجئين / رد: من تأجيل موعد السفر الى الامنية انتظار وموعد السفر انتظار !

« في: 15:32 15/12/2012  »

اخوان الله يخليكم شنو يعني الامنية انتظار والسفر انتظار

35

الهجرة و واللاجئين / من تأجيل موعد السفر الى الامنية انتظار وموعد السفر انتظار !

« في: 15:23 15/12/2012  »

السلام عليكم اخوان اذا قريتوا موضوعي السابق فمثل متعرفون حددولنة موعد السفر من يوم 27-11 وكالونة موعد سفركم 16-12 وحباية ماقبل السفر 14-12 وخلونة نبيع الاكو والماكو لان الموضوع النة جان منتهي لان كرايبي بالمنظمة بأمريكا دائما نحاجيها كالت اجرنا البيت بأمريكا وحتى ساعة وصولكم لامريكا الخمسة العصر . اشو بنفس يوم الفحص الطبي وبالعيادة خابرو من عمان كالو تأجل لان اكو نقص بالاوراق اليوم بالموقع مالتهم الامنية انتظار والسفر هم انتظار شنو القصة فهموني الله يخليكم اني باجر راح اخابرهم على نفس الارقام مال عمان الي حددو بي موعد السفر والتلفون الي أجلوا موعد السفر وياريت احد يوضحلنة شديصير والله العظيم تعبنا وتبهذلنا (ربي مسني ضر وانت ارحم الراحمين)



هاي الصورة مال الموقع وطبعا كلها جان مكتمل وبس السفر بالانتظار

36

الهجرة و واللاجئين / رد: ملاحظة مهمه حول ال IOM بدهاء خفي يتعاملون بيه ويه اصحاب الكيسات

« في: 13:31 14/12/2012  »

UP

37

الهجرة و واللاجئين / رد: تـأجيل موعد سفر IOM بغداد اليوم

« في: 13:25 14/12/2012  »

up

38

الهجرة و واللاجئين / رد: تـأجيل موعد سفر IOM بغداد اليوم

« في: 07:22 14/12/2012  »

أخوان ياريت الي يعرف على اجراء نسوي أي شي رقم تلفون ايميل لان اني دزيتلهم ايميل البارحة وخابرتهم ومحد يجاوب ياريت الي عندة شي يساعدنة لايبخل علينا والله لايعرض احد منكم لهالموقف يارب والله لان موقف تعيس بشكل

39

الهجرة و واللاجئين / رد: تـأجيل موعد سفر IOM بغداد اليوم

« في: 19:03 13/12/2012  »

اشكر ردودكم اخواني والله يفرجها ان شاء الله والله تعبنا ولا عبالك بشر احنا النفسية صفر الغراض انباعن شنسوي منعرف

40

الهجرة و واللاجئين / تـأجيل موعد سفر IOM بغداد اليوم

« في: 15:58 13/12/2012  »

السلم عليكم ما احب انقل الاخبار التعيسة بس اهلي اي او ام مكملين كلشي وكيسهم 113 واليوم المفروض عدهم فحص طبي (الحباية) لان المفروض سفرهم يوم 16 الاحد . هم وبالعيادة مالت ابن البيطار اجالهم تلفون من عمان كللهم تأجل موعد سفركم لان اكو نقص بالاوراق من امريكا ما اعرف شنو سألو شوكت لعد كاللهم من نعرف نبلغكم . وشوفو التناقض عندي كرايبي بأمريكا وهي تشتغل بالمنظمة وعلى علم بكلشي وحاجزين الشقة بأمريكا المنظمة والمساعدات مخصصيها وحتى تعرف ساعة الوصول بالضبط  لامريكا خابرناها وهي تفاجأت بالخبر . وما احجيلكم الحالة الي هسة احنا بيها والله لايعرض احد لهذا الموقف

41

الهجرة و واللاجئين / رد: SIV 2011 حصريا منو بقه ومنو راح !!

« في: 11:36 29/11/2012  »

شهر الثاني 2011 هنااااااااااااااااااااا

42

الهجرة و واللاجئين / رد: جماعة SIV 2010 بعدهم لو بس ضليت اني وحدي رجاءا كل من هو من 2010 خلي يدخل

« في: 18:51 28/11/2012  »

27-2-2011 وبعدني هناااااااااااااااااااا

43

الهجرة و واللاجئين / رد: SIV سنة 2011 ارجوا الدخول

« في: 09:36 17/11/2012  »

السلام عليكم حبيبي واخوية العزيز ( عالشحن) والله فرحت الك من كل قلبي وانطيتني شوية امل بعد ما اليأس صار فوووول عندي الله يوفقك وتستاهل وان شاء الله يوم الي تطلع الفيز مال زوجتك وكلكم تجتمعون من جديد ياااااا رب

44

الهجرة و واللاجئين / رد: SIV سنة 2011 ارجوا الدخول

« في: 13:04 16/11/2012  »

يعني هسة شنو مرفوضين احنا لو شنو خلي نفتهم ياريت احد يكدر يجيب خبر اكيد ويكولة النا لان ما اعتقد مراجعة ادارية هلكد ولا اعتقد مرفوضين لان اذا مرفوضين ما اعتقد الامريكان يخافون جان رأسا كالوا هاكم جوازاتكم و روحوا

45

الهجرة و واللاجئين / رد: SIV سنة 2011 ارجوا الدخول

« في: 12:41 15/11/2012  »

يابة صلوا على محمد محد ديكول مرفوضين دنكول الي عندة خبر مؤكد يكولة نريد نعرف شنو مصيرنة مرفوضين لو شنو .. لان راح يصير سنتين على المقابلة

46

الهجرة و واللاجئين / رد: SIV سنة 2011 ارجوا الدخول

« في: 18:05 14/11/2012  »

السلام عليكم اخوية الفرج 2 طبعا دا اقرة الحجي مالتك ودا احس دا اقرا ديوان المتنبي ههههههههههههههههههههههه عاشت ايدك والله كريم والي عندة اخبار مضبوطة خلي يكولنا

47

الهجرة و واللاجئين / SIV سنة 2011 ارجوا الدخول

« في: 10:02 14/11/2012  »

السلام عليكم اخوان ... اريد افتهم شنو الموضوع اني مقابل بشهر الثاني 2011 وعدت الفحص الطبي قبل القمة العربية الي صارت ببغداد ولحد هسة كلشي ماكو اعرف انه اني مو وحدي واكو هواية نفس الحالة بس الي عندة معلومات اضافية ومتأكد منها خلي يحجي ورجاءا لحد يكول قريبا وخبر مضبوط من امريكا ومن هالحجي كلي الي نريد نعرفة شنو الي ديصير بفايلاتنا لان مستحيل مراجعة ادارية وتجييك امني يطول هلكد يعني اكو مشاكل فايلاتنا ضايعة محروكة شنو الموضوع بس اريد افتهم

48

الهجرة و واللاجئين / رد: استفسار بخصوص ايميل واصل من السفاره siv

« في: 18:13 31/08/2012  »

السلام عليكم والله يا اخوية ماريد تاخذ الحجي مالتي بغير قصد بس اني وهواية جماعة وياية عدنا الفحص قبل القمة العربية ولحد هسة ماكو شي ومنهم الاخ عالشحن والاخ smart4iraq وهواية غيرهم واكو ماطولو اكثر من شهر والعلم عند الله ليش

49

الهجرة و واللاجئين / رد: جماعه IZ-113*** وين حل الدهر بيكم

« في: 13:17 29/08/2012  »

اسف اخوان عى التأخير بالرد مقدم لاهلي شهر 12 2009 وكلشي كملو حتى الامنية كاملة بالموقع والمفروض يخابروهم على اعادة فحص لان مكتوب بالموقع in proccess وننتظر والله كريم

50

الهجرة و واللاجئين / رد: جماعه IZ-113*** وين حل الدهر بيكم

« في: 14:24 27/08/2012  »

اهلي مقدمين اي او ام IZ113 خلصوا كلشي وحتى الامنية بالموقع مكتمل صارلها 3 اشهر والمفروض يعيدون الفحص الطبي ولحد هسة ماكو شي لا احد خابرهم ولا شي

51

الهجرة و واللاجئين / رد: من بقه من الكيسات القديمه siv 2010-2011

« في: 14:18 02/08/2012  »

اني مقابل 27-2-2011 وسويت اعادة فحص بشهر الثالث هاي السنة ولحد هسة ماكو اي شي ورجاءا اهل الاي او ام واهل التوطين شعدكم تكتبون هنا اقرو عنوان الموضوع زين

52

الهجرة و واللاجئين / رد: SIV 2011 من بقه

« في: 13:34 01/07/2012  »

اني مقابل 27 - 2 -2011 وسويت اعادة فحص قبل القمة ودزيت ورا القمة واستلمو يوم 5-4 ولحد هسة كل ما ادز يكولولي مراجعة ادارية والكئابة فوووول

53

الهجرة و واللاجئين / رد: مقابلين اس اي في 2011 شهر الثاني

« في: 23:20 23/06/2012  »

لا حبيبي بعدني بالعراق العظيم 

54

الهجرة و واللاجئين / رد: مقابلين اس اي في 2011 شهر الثاني

« في: 09:30 23/06/2012  »

هههههههههههههههههههههههههههههههههههههه اني هم يوم 27-2 وهذا اني الي رايح للسعودية بس مكلتلها سياحة كلتلها سويت الحج ههههههههههههههه بس ماعرف شلون انت سمعتها سياحة بشرفك شلون واحد يروح سياحة للسعودية هههههههههههههه يلة عادي 

55

الهجرة و واللاجئين / رد: مقابلين اس اي في 2011 شهر الثاني

« في: 12:23 22/06/2012  »

نفس الحالة سنة وخمس اشهر وحبيبي VANDAMME لاعبالك احنا احسن منك صح عدنا الفحص بس بعدنا مكانك راوح ولاخطوة مشينا وكل ما ندز ميجاوبون واذا جاوبوك يكولولك مراجعة ادارية والله لازم نتلاحك روحنا ونسوي شي لان والله كلشي تأخرنا على الاقل خلي نحصل جواب صدك كافي مغذيات وهالشهر وشهر الجاي ياريت احد من الاخوة او الخوات عندة مقترح لان وضعنا موطبيعي 

56

الهجرة و واللاجئين / رد: اس اي في وينكم اشو سكته

« في: 11:52 17/06/2012  »

سنة وخمسة اشهر والله ابد ابد مجنت متصور هيجي راح تصير لا اله الا الله والله تعبنا والله لازم نسوي فد حل ميصير هيجي شنو نسونة ليش جماعتنا طلعو واحنا بعدنا شبينة شمسوين هسة بس اريد احجي ويا فد واحد مسؤول حتى اعرف شديصير

57

الهجرة و واللاجئين / رد: SIV منو عاد الفحص وما استلم فيزا

« في: 10:10 06/06/2012  »

كلنا تفائلنا وناس باعت غراضها وباعت سياراتها مو بس انت وهاي بعدنا مكانك راوح و الفحص الطبي الجديد مستلمي من يوم 4-4 ولحد هسة مراجعة ادارية

58

الهجرة و واللاجئين / رد: خمس بديت بشهر الخامس بعد اعاده الفحص الطبي وماكو خبر

« في: 12:50 02/06/2012  »

والله يا اختي اني ثاني يوم عدت الفحص قريت انتي كاتبة بالمنتدى صارلج شهر مدري شكد من سويتي اعادة الفحص وبعدج ما مستلمة وهسة صارلي شهرين ونص اني من عدت الفحص الطبي وانتي تكولين صارلج خمس اشهر ف بشارة خير ان شاء الله ! ! ! !  والمشكلة لحد هسة مافتهمت انتي (لم شمل) لو (اس اي في) لو (اي او ام) اشو تكولين انتي (لم شمل) بس مثل (الاس اي في) اجرائاتنا بس يعتبرونة (اي او ام) والله دخت

59

الهجرة و واللاجئين / رد: اتصال من السفاره

« في: 18:03 01/06/2012  »

همة يومية سالفة جديدة بس حبيبي بدون زحمة عليك انت سنكل لو عائلة وشوكت عدت الفحص الطبي . وين الله وتصير هالمرة والله اتأخرنا هواية كلش يارب سهلها للجميع ياااااااا رب

60

الهجرة و واللاجئين / رد: أسبوع ...هل انتظر أكثر؟؟؟

« في: 14:02 01/06/2012  »

اني لو من عندك اطبع الفيزا واروح اول شي تهيء الامور هناك وخصوصا اذا عندك عائلة وتشوف الوضع شنو حتى مناك تكول لزوجتك شتشوف ضروري تجيبة وياها شنو ما الة داعي تاخذة والله اشوف هذا احسن حل اتوكل على الله وان شاء الله تطلع فيزة زوجتك وراك بفترة قصيرة

61

الهجرة و واللاجئين / رد: SIV منو عاد الفحص وما استلم فيزا

« في: 13:52 01/06/2012  »

يمعودين اس اي في ترا والله صارت بلا ملح يعني شلون عدنة الفحص راح يصير شهرين وكلشي ماكو ادري ليش كالو لعد عيدو الفحص الطبي على شنو اذا لحد هسة من ندزلهم يكولون مراجعة ادارية ؟؟؟ والله العظيم ميصير هالحجي شنو ديضحكون علينا وهسة بس لو اكو طريقة غير الايميل حتى الواحد يفتهم شديصير

هههههههه وليش ضايج حبيبي اني اول واحد عدت الفحص الطبي ماعتقد اكو قبلي بالمنتدى يمكن صار خمسة اشهر لو ستة ماحسبه بالظبط من عدت الفحص والعدم وماكو شي

والله كريم

الف رحمة على والديك على هاي البشارة الحلوة مال خمس اشهر اخاف جان الواحد متأمل شوية هسة حتى الامل طار 

62

الهجرة و واللاجئين / رد: SIV منو عاد الفحص وما استلم فيزا

« في: 19:29 31/05/2012  »

حبيبي ابو حوراء والله صارت مو طبيعية الشغلة

63

الهجرة و واللاجئين / SIV منو عاد الفحص وما استلم فيزا

« في: 18:58 31/05/2012  »

يمعودين اس اي في ترا والله صارت بلا ملح يعني شلون عدنة الفحص راح يصير شهرين وكلشي ماكو ادري ليش كالو لعد عيدو الفحص الطبي على شنو اذا لحد هسة من ندزلهم يكولون مراجعة ادارية ؟؟؟ والله العظيم ميصير هالحجي شنو ديضحكون علينا وهسة بس لو اكو طريقة غير الايميل حتى الواحد يفتهم شديصير

64

الهجرة و واللاجئين / رد: اخر اخبار الاس اي في

« في: 12:08 16/05/2012  »

ابو سارة يعني قصدك الي ديقابلون هسة ديكولولهم اسبوعين وتطلع الفيزا ؟

65

الهجرة و واللاجئين / رد: جماعة الشهر الرابع 2011 بقه احد مستلم فيزة ؟؟؟؟

« في: 22:47 07/05/2012  »

اخوك 27-2-2011 وسويت اعادة فحص ولحد هسة كلشي ماكو (اني عائلة)

66

الهجرة و واللاجئين / رد: الرد الجديد عن الاس اي في

« في: 12:17 04/05/2012  »

ان شاء الله خير هسة على الاقل كام يجاوبون من واحد يدزلهم شي   والشغلة الثانية الي انتبهت الها انه مكاتبين مراجعة ادارية اضافية لان كاتبيلك Your case remains in administrative processing يعني اتصور الاجرائات الطبيعية لاصدار الفيزا .. لان قبل تتذكرون جان يكتبون additional administrative processing والله اعلم بعد

67

الهجرة و واللاجئين / رد: كل من سوة اعادة فحص طبي SIV قبل القمة ولحد الان ما استلم فيزا

« في: 17:46 02/05/2012  »

وعليكم السلام .. لا والله اخوية العزيز بالعكس الموضوع سالفة السنكل والعائلة هي الاصل لان والله العظيم ولد سنكل سوو فحص طبي وياية بنفس اليوم واستلمو وبفترة كلش قصيرة وولد مثل ماحجيتلكم ورا مادزيت الفحص الطبي بهواية دزولهم ايميل اعادة الفحص الطبي وهم استلموا واحنا المجموعة بعدنا (واكثر من كيس عائلة دا احجي اني واكثر من كيس سنكل يعني مو حالة فردية) المهم اني لا دا احط عيني على السنكل ولا ابد بالعكس الف مبروك لكل واحد استلم فيزا وان شاء الله يتوفقون بكل امورهم بس اني دا اتناقش ودا احجي على الي اني دا اشوفة وهواية غيري ديفكرون نفس التفكير ..

68

الهجرة و واللاجئين / رد: كل من سوة اعادة فحص طبي SIV قبل القمة ولحد الان ما استلم فيزا

« في: 10:59 02/05/2012  »

شكرا على التعليقات وطبعا اليوم 6 انكوايري وخلي نشوف

69

الهجرة و واللاجئين / كل من سوة اعادة فحص طبي SIV قبل القمة ولحد الان ما استلم فيزا

« في: 21:28 01/05/2012  »

السلام عليكم اخوان الموضوع مبين من عنوانة لحد الان لا فيزا ولا اي جواب طبعا اني دزيت الفحص 1\4 والمفروض استلمو حسب التراك نمبر يوم 5\4 ولحد الان كلشي ماكو دزيتلهم يمكن 5 انكوايري وحتى مديجاوبون شنو القصة واكو 2 من جماعتي وهم عوائل نفس الحالة واعرف ولد اصدقائي 7 سنكل وسوو اعادة فحص طبي ورا القمة واستلمو الفيز واحنا بعدنا شنو القصة هم مراجعة ادارية هاية لو شنو جانو يكولون تجييك امني ومن امريكا هسة مو المفروض الحجي كلة بالسفارة لان حسب جماعة اصدقائي رايحين للسفارة ومنطين الفحص الطبي بيديهم يعني مو عن طريق الدي اج ال كايليلهم الموافقة الامنية جاية والباقي بس نختم الفيز ولحد هسة هم ماكو شي وطبعا اني هم من جماعة سؤال انت سني لو شيعي بس مااعتقد هالشي يفرق لان اكو ولد صاحبي عائلة هم 3 نفرات هم سوة اعادة فحص قبل القمة بس ماسألوا انت سني لو شيعي وبعدة حالة من حالي (طبعا اني عائلة 3 نفرات) ف الموضوع واتأكدت منة 100% السنكل دمشوهم اسرع بهواية من العوائل وعندي دليل 7 اصدقاء سنكل كلهم استلمو فيز و لو سافروا لو دينتظرون موعد سفر بس العوائل ابد ماكو شي حتى لو جانو عايدين الفحص زين السفارة اذا تدزلهم ميجاوبوك واني اشوف هالشي والله عيب لان سفارة اعظم واقوة دولة بالعالم والسفارة تمثل البلد مالتها تدزلهم استفسار وميجاوبوك شديسوي القسم القنصلي لعد على شنو فاتحي اذا حتى جواب على استفسار ميجاوبك وطبعا ال 5 انكوايري الي دزيتهن بس دا اسألهم (( استلمتوا الفحص الطبي الي انتو طلبتو من عندي بهالتاريخ واني دزيتلكميا من خلال الدي اج ال وبهالتراك نمبر بهيج يوم بس جاوبوني استلمتو لو لا)) وابد ولا كأن اكو بشر ديحجي وياهم حسبي الله ونعم الوكيل شنو موبشر احنا شنو هالمعاملة ورجاءا لحد يكولي هواية ايميلات تجيهم ومن هالحجي هي سفارة وعدها قسم خاص لهالمواضيع يعني لو كل يوم يجابون فد خمسين ايميل هم كل واحد يدز ايميل او ايميلين يحصل جواب .. اسف طولت عليكم بس من حركة قلبي . 

70

الهجرة و واللاجئين / رد: <<<< مهم جداً >>>>> SIV وIOM دقيقتين من وقتكم على موقع البيت الابيض

« في: 17:45 14/01/2012  »

تم التصويت يارب فاتحة خير علينا

71

الهجرة و واللاجئين / رد: siv وحركتهم السريعة

« في: 21:40 03/10/2011  »

السلام عليكم حبيبي ال ATTN اختصار مالت Attention يعني انتباه يعني شغلة مستعجلة انتبه اله لان اني مرة اتصلت بال NVC وكلولي دز النة واكتب مستعجلة ATTN بالحرف الواحد

72

الهجرة و واللاجئين / رد: تحيه الى صديقي راش والف مبروك

« في: 01:20 02/09/2011  »

    مبروك وشايف كل خير وانشالله للجميع
   والغريبة انة كل الي ديطلعلهم سفر من جماعة شهر 2/2011
   وتاركين الملفات القديمة ..بالتخمييييير
 ربي فرجها على الجميــــــــــــــــع

من حلكك لباب السما اشو اني مقابل بالثاني وهاي ويني مكانك راوح وعبرت ال 6 اشهر الي كالو انتطرها

73

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 21:50 20/07/2011  »

اول ايميل ايميلي ناشري ههههههه .... شكلنة على الفيس بوك مو كلنة عوفوها بس اوف يالعناد

74

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 11:51 19/07/2011  »

طماطة اجاني نفس الايميل الي اجاك من Trudy Rubin

75

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 01:55 19/07/2011  »

يا الله يارب لاتضيع تعب احد يا رب .... اني اليوم 4 وسائل اعلام دزيتلهم والبارحة 6  ... ايهم حبي عاشت ايدك على العناوين

76

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 15:26 18/07/2011  »

يعني اهم شي اسوي لايك وبعدين نتفاهم على الموضوع الاهم ؟؟؟

77

الهجرة و واللاجئين / رد: شهر السابع اتعس شهر

« في: 15:01 18/07/2011  »

صحيح اتعس شهر

78

الهجرة و واللاجئين / رد: مقترح قمة بالروعة// وهو احسن طريقة تلفت الأنظار علينة/ حتى احسن من الفيسبوك.

« في: 14:56 18/07/2011  »

اسف ومشاركتي بهالموضوع مسحتها

79

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 14:11 18/07/2011  »

اتفق العرب على ان لا يتفقو

اوووووووف ابد والله منتفق

80

الهجرة و واللاجئين / رد: Good News about SIV!

« في: 13:07 18/07/2011  »

مشكور بس شنو الكود نيوز بيها ؟؟ اشو سودة مصخمة

81

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 12:49 18/07/2011  »

يا اخوان مو دنكول عوفوا الفيس بوك يعني ابد منكدر نتفق لتضيعون الوقت اشتغلوا وسائل اعلام .. اني دزيت لحد هسة ل 6 وسائل اعلام .. اخوية Cougar1234567 تعرف ليش صفحتك محد بيها او عددها قليل لان الكل يتعاجز يسوي اكاونت جديد عوفو الفيس بوك .. يمعودين اي ليش الفيس بوك يصير وسيط بينما رأسا الرسائل مالتنة لوسائل الاعلام .. طبعا راح نضيع الوقت والله بهالتفاهات

82

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 23:57 17/07/2011  »

عندي اقتراح

الي لغته قويه خلي يكتب كليشه هنا مال رساله قويه حتى الي لغته مو قويه ينسخها ويدزها لكل مكان

حبيبي مع احترامي اللك مو دنكول خلي يصير تنوع الي لغتة ضعيفة خلي يكتب هنا ويكول شنو رايكم حتى اذا بيها اخطاء تتصلح بس لازم يصير تنوع

83

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 23:45 17/07/2011  »

اعرف اختلاف القصص بهيج حاله مراح تصير متابعه حقيقية للموضوع ومنو يضمن انو الكل راح يبعث ويسعى اقتراحي انو خمسه اعضاء مميزين يقومون بالمهمه وينقلون حاله الوضع الي احنه بيه

حبيبي مع احترامي واحنا شبينا ؟ ليش نكعد ونريد غيرنا يشتغل خلي الكل يكتب وخلي يصير اختلاف بالقصص وبالتعبير عن المعاناة ... اسعى ياعبدي واعينك

84

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 23:28 17/07/2011  »

اخواني الاعزاء....
تضامنا معكم اني هسة راح ابعث ايميل بالموضوع هذا الى اكبر صحيفة بالولاية مالتي وهي:
http://www.abqjournal.com/main/
وايضا عندي صديق امريكي يشتغل باكبر قناة تلفزيونية بالولاية مالتي راح ابعثلة ايميل بنفس الموضوع والقناة هي:
http://www.koat.com/index.html
وهاي ايضا من القنوات التلفزيونية القوية كلش يالولاية مالتي راح اراسلهم:
http://www.kob.com/index.shtml
وهاي همين راح ابعثلهم ايميل:
http://www.krqe.com/
اضافة الى انه يوم غد راح ابعثلهم كلهم رسالة بالبريد مطبوعة بنفس الاتجاه...
وراح اشتغل على غير صحف ومجلات همين خلال الايام القادمة بعون الله...
قلبي معكم اخواني في العراق وان شاء الله ما اقصر نهائيا وايدي بايدكم واتمنى من كل اخوتنة اللي بامريكا انه يساعدونة بهذا الاتجاه ايضا...



ابو سارة
نيومكسيكو

الف رحمة على والديك ياطيب

85

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرص&#

« في: 23:16 17/07/2011  »

حبيبي الرجل الصابر حجيك صحيح بس انت تدري بالفيس بوك لازم تسويلك اكاونت جديد ومن هالحجي هي موصعبة بس قسم يتعاجزون خلي نبلش ايميلات ووراها نكوم نزيد ... والمنظمات مثل ماكال الاخ freedom4ever هم زينة بس صدكني مو مثل وسائل الاعلام والله بس هذا الطريق الي نكدر نوصل بي صوتنا وخصوصا بهالوقت يعني قبل الانسحاب والله والله نجيب نتيجة . اتوكلوا على الله وبلشوا

86

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 23:11 17/07/2011  »

عاشت الايادي طماطة ... ورجاءا الي يكول مابيها فايدة لكتب اي رد خلونا متفائلين الله عليكم

87

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 23:10 17/07/2011  »

عيني اني بعدني اشتغل ويا الجماعة اكو ولد وياية كات تو يكول الاعلام يكدر يساعدكم يعني الجرايد الرنانة مثل الواشنطن بوست ومكالت لان يكول هاي الحكومة الامريكية تحسبلها حساب فهي موصعبة خلي نبلش بهاي الحملة ونشوف واني راويتكم مثال على الرد الي اجاني بس شنو هسة لحد يدز لا للبيت الابيض ولا غير شي يعني بس وسائل اعلام و ان شاء الله نجيب نتيجة

88

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرصة العمر أستغلوها

« في: 23:00 17/07/2011  »

لا لا عوفو الفيس بوك والتويتر هسة بلشوا على وسائل الاعلام وبعدين على الفيس بوك وتويتر

89

الهجرة و واللاجئين / رد: ياجماعة SIV,IOM لحكوا حالكم قبل الانسحاب وفرص&#

« في: 22:52 17/07/2011  »

والله حجيك صح وقبل لا تكتب هالموضوع اني مبلش ماكو منظمة او جريدة مادزيتلها ايميل قسم جاوبو ويريدون معلومات علينة كمترجمين ويسألون شلون الوضع بالعراق هسة ويكولون احنا وياكم ونحاول نضغط على الحكومة ... الي ارجوا كل الاخوان تبدي تكتب وتدز لوسائل الاعلام الامريكية الي الها صدى بامريكا وهذا نموذج من وحدة من الوسائل الي جاوبتني ..

Dear XXXXXX,

I am very sorry to hear of the struggles you and your family are facing. It makes me very sad, and also angry, that the government of my country is not treating you properly. There is no excuse for that. I hope you know that there are many Americans who want to do what is right. We are working to push our government in the right direction, and we know that lives are at stake. The group that I work with is very dedicated to helping Iraqis get to safety. I wish there was more we could do to change things. For now, we must work with the tools we have.

We can do more to help if we have more information about your case. When exactly did you file your application, and what is your current status? If you can scan and email copies of your documents, it would be helpful. I understand that may be hard to do. I would like to ask you some more specific questions. What is the best way to communicate? I can email you, or I can call you on the phone. Please tell me what is best for you.

Thank you so much for your patience and strength, and for your honorable service. I hope we can help.

Best wishes,

90

الهجرة و واللاجئين / رد: سوال لاهل الخبره SIV هاي اول مره اسمع بيها...ممكن ارأئكم او معلوماتكم

« في: 22:48 17/07/2011  »

اي حبيبي البرنامج القديم بفلوس

91

الهجرة و واللاجئين / رد: اذا انت مقدم SIV ادخل

« في: 00:56 17/07/2011  »

تم التصويت

92

الهجرة و واللاجئين / رد: ايميل من السفارة الامريكية

« في: 02:00 16/07/2011  »

اذا انت اي او ام السفارة ما الها علاقة

93

الهجرة و واللاجئين / رد: جماعة الsiv بالسفارة يشتغلون حتى يوم الجمعة

« في: 16:10 15/07/2011  »

اني البارحة دزيتلهم واليوم تفاجأت انه جاوبو ونفس الكليشة مالتك وهم نفس الرمز GS

94

الهجرة و واللاجئين / رد: دينا من محافضة بلجك

« في: 16:10 15/07/2011  »

اخي صاحب الموضوع لاتهتم لكلام الاعضاء وحجيهم كلهم مغرضين ...تبقى انت خايس وعلى عنادهم

يا معود استر علينا اخاف ريحتة تطلع ونتسمم

ههههه دمرتو للولد

95

الهجرة و واللاجئين / رد: دينا من محافضة بلجك

« في: 11:58 15/07/2011  »

زين شنو دينا من محافظة بلجك ؟ يعني هسة دينا لو خايس لو يوسف ؟

96

الهجرة و واللاجئين / رد: لا حول ولا قوة الا بالله

« في: 09:48 15/07/2011  »

صحيح هواية دينقلون اخبار مو مضبوطة ودتخلي الاعضاء او الضيوف ميدخلون للمنتدى اني اعرف ولد دا احجي ويا على المنتدى كال يمعود ما ادخل لهالمنتدى لو مدري شيصير لان يسووها ظلمة ... وطبعا الولد دينتظر فيزا

97

الهجرة و واللاجئين / رد: اخوان اني مخلص كلشي ومنتظر وهسة دزولي رقم جديد dhs شنو هاذ?

« في: 09:42 15/07/2011  »

حبيبي حاول تكتب شنو الي اجاك بالتكست بالضبط .... زين انت بهذا التكست مكتوب رقم الكيس مالتك يعني ال BGH ... زين انت من شاركت بهذا الموقع انطيت معلومات على الكيس مالتك .... اكلكم خاف هذولة الجماعة ديراقبون التلفون !

هههههه  يجوز والله   بعد من نتخابر لا تكول الفيز متأخرة 

من وهيج  خلي نكول الله   بلكت تتأخر شويه    واحنا   نعذرهم  واذا يريدون لل 2014  يلله  هم ميخالف


 

ههههههههه واني الممنون وانعل ابوني لابو

98

الهجرة و واللاجئين / رد: اخوان اني مخلص كلشي ومنتظر وهسة دزولي رقم جديد dhs شنو هاذ?

« في: 01:24 15/07/2011  »

حبيبي حاول تكتب شنو الي اجاك بالتكست بالضبط .... زين انت بهذا التكست مكتوب رقم الكيس مالتك يعني ال BGH ... زين انت من شاركت بهذا الموقع انطيت معلومات على الكيس مالتك .... اكلكم خاف هذولة الجماعة ديراقبون التلفون !

99

الهجرة و واللاجئين / رد: ### لحكو لحكو صار تسلط إعلامي ع صامدي SIV ###

« في: 00:35 15/07/2011  »

الاخت رين ومن طبعا متفائلة و تسوي واهس واحد يدخل للمنتدى .... اشكرج على التشجيع وبارك الله بيج .. اخوان الكلمة الطيبة صدقة .... هانت خلص الهواية وبقة الشوية ان شاء الله 

100

دردشة منتدى الهجرة واللاجئين / رد: عاجل . ...... استراحة الظهيرة

« في: 14:27 14/07/2011  »

يعني انت تعقلها امريكان يطلبون لجوء للعراق ؟؟؟

101

الهجرة و واللاجئين / رد: بعدانتظار 5 اشهر لفيزا SIV

« في: 09:04 12/07/2011  »

بس كولي الله يخليك ياموضوع انت كتبته مجان عبارة عن رفض او ماشابه ترا باوع الي دتسوي موحلو لتكولي دا انقل الواقع او من هاي الاشياء لان الظاهر الواقع مالتك عبارة عن رفض وتخويف الاعضاء والمنتدى كمت ما ادخلة من وراك ومن الي يسوون الي دتسوي يعني هي حلوة من كعدت الصبح لكيت رامي البابلي دازلي مسج ويكولي مدا انام من ورا موضوع ايهم .. حرام عليك الي دتسوي والوقع مالتك خلي الك وشوف اذا مو بس انت راح تنرفض الناس كلها تكول يا الله ومتفائلة وبس انت متشائم

102

الهجرة و واللاجئين / رد: الي مقابلين SIV

« في: 13:26 16/06/2011  »

اخوان شنو مسألة تجييك الايميل ورقم الهاتف
هذا الش مدا افتهمه نهائيا
هل صحيح ياخذون الايميل والرقم بمقابلة الاس اي في ويطلبون من شوكت صارلنا نستخدمه ويجيكوه؟
هل اكو هيجي اجراء؟

اي عيني ياخذون الارقام بس اني مكالولي صارلك شكد تستعملة بس كالو اكتب ايميلك وايميل زوجتك وتلفونك وتلفون زوجتك شيسوون بيها بعد ما اعرف

103

الهجرة و واللاجئين / رد: siv_ope@iom.int أخوان شنو هذا الايميل ؟؟ أرجو التوضيح

« في: 18:20 14/06/2011  »

اخوية العزيز اسف على تأخري بالرد اول شي عادي اذا اجتي بالسبام لان اذا انت متابع موضوع تأخر الفيزا ما اعرف منو من الاخوة الي اجتهم الفيزا اتصور ايميل من السفارة و اجة على السبام !!!! ف انت تخيل وعلى العموم اذا تريد تتأكد دزلهم ايميل كوللهم هذا تلفوني واتصلو بية لان مدا افتهم شلون املي الاوراق يعني حجة بس حتى تتأكد وشوف ورا كم يوم هسة يتصل بيك رقم من الاردن يكولولك احنة ال اي او ام ويفهموك كلشي وهذا الحجي ان شاء الل مضبوط 100% وعن تجربة

104

الهجرة و واللاجئين / رد: siv_ope@iom.int أخوان شنو هذا الايميل ؟؟ أرجو التوضيح

« في: 00:06 14/06/2011  »

حبيبي هذا الايميل مالت جماعة البنفت ليضل بالك هو هذا ايميلهم واني مستلم من نفس العنوان والايميل رسمي لان شوف النهاية مالتة  @ iom.int وعلى سالفة ليش عمان لان انت مثل متعرف المركز الي يتحكم بال اي او ام وحتى مالت بغداد مقرهم بعمان والدليل من يتصلون بواحد بالتلفون علمود مقابلة الرقم مالتهم المفتاح مالتة اردن

105

الهجرة و واللاجئين / رد: هاي اول مرة اصير بية علمود الفيزة بالـــSIV

« في: 18:16 11/06/2011  »

وعليكم السلام
حبيبي عادي اسمك يمهم كتبو اسمك وطلع الكيس نمبر مالتك وشوكت قابلت وكل التفاصيل ليضل بالك حبيبي انت قابلت بشهر الخامس يعني بعدك هسة يالة شهر ونص ف ياعيني شوية اصبر اني قابلت بالثاني وبعدني كل شي ماكو و اكو ولد قابلو بالواحد وبشهر 12 وماكو بعدهم اصبر والله كريم اعرف الانتظار مو حلو بس هاهية انت واحد من مجموعة والكل دتنتظر

106

الهجرة و واللاجئين / رد: ولادة طفل قبل المقابلة SIV

« في: 20:03 13/12/2010  »

الف شكر اخوية العزيز بس اني راح اخذ الطفل وياية وهالي اكدر علية من اوراق الي كملتهن واكللهم النقص بال DH:L وهاي حسي ماكال احد الاخوان الي بالمنتدى واذا احد عندة عرف بالجوازات او الجنسية فحيالله وشكد ميريدون ادفع بس خلي يسرعولي بالاجراءات مال الجنسية والجواز

107

الهجرة و واللاجئين / رد: ولادة طفل قبل المقابلة SIV

« في: 19:18 13/12/2010  »

مشكور اخوية العزيز مو احنا شوية هنا الجماعة تدري بيهم شكد يفيكون يعني اذا اريد اطلع جواز للطفل لازم جنسية وشهادة جنسية وراها يالة الجواز وانت احسب هاي شكد تاكل وكت يم دوائر الدولة واني موعد مقابلتي قريب والله حاير كلش

108

الهجرة و واللاجئين / ولادة طفل قبل المقابلة SIV

« في: 17:00 13/12/2010  »

السلام عليكم
شلونكم اخوان ان شاء الله بخير , اني عندي مقابلة بنهاية الشهر الثاني 2011 وزوجتي حامل وراح بخير وسلامة ان شاء الله تولد ببداية الشهر الثاني يعني قبل المقابلة زين بهالحالة شسوي ؟ شنو الي يريدو من عندي ؟ اخذ الطفل وياية للمقابلة ؟ وبالنسبة للجواز لازم للطفل وحدة لو شنو ؟ لان اذا جواز للطفل يريدون يعني لازم اطلع بيان ولادة وجنسية وشهادة جنسية وجواز وطبعا انتو تدرون بدوائر الدولة الله يسلمهم شكد يتأخرون بأجراءاتهم زين شنو نصيحتكم اخوان الله يخليكم ويفرحكم ان شاء الله بأحلى الاخبار ياااااارب

109

الهجرة و واللاجئين / رد: شنو استمارة ال 260 ؟؟

« في: 14:42 01/11/2010  »

الله يخليكم ساعدونى بسالفة  DS260

110

الهجرة و واللاجئين / رد: شباب عليكم الله ساعدوني

« في: 14:13 12/03/2010  »

اني جنت طالب وهسة مترجم يعني اكتب طالب ومترجم ؟ زين مو يكويون منريد الوضيفة الحالية هاي شلون ؟

111

الهجرة و واللاجئين / رد: شباب عليكم الله ساعدوني

« في: 12:10 12/03/2010  »

اخوان الله يخليكم اشو محد جاوبني

112

الهجرة و واللاجئين / رد: شباب عليكم الله ساعدوني

« في: 09:55 11/03/2010  »

اي اخوية كتبت التواريخ بالضبط مال الوحدتين واني بس ويا 2 مشتغل وهمة يكولون لتكتب الحالي شأسوي لعد ؟؟

113

الهجرة و واللاجئين / شباب عليكم الله ساعدوني

« في: 01:14 11/03/2010  »

السلام عليكم

شباب السؤال رقم 12 بال DS 157 مالت اذكر اخر شغلتين مشتغلها اني مشتغل بس مترجم صارلي سنة وحدة وبدون انقطاع دزيتلهم اول مسؤول اشتغلت ويا لمدة 6 اشهر ودزبت اخر واحد الي هسة دا اشتغل ويا والي كملت السنة وبعدني ويا يعني بس ويا هذولة الاثنين اني مشتغل ف اجاني هيجي جواب

While reviewing the form DS-157 submitted, we note that the applicant has either not completed or provided incomplete information to the following question #12. 
 
Question 12: List all information pertaining to your previous two employers (you must include beginning and ending dates)

واني ماليها وبدون اي مشكلة شنو اسوي عليكم الله ساعدوني والله حاير

114

الهجرة و واللاجئين / رد: مكالمة ضرورية

« في: 15:30 21/02/2010  »

حلوة بس مكانها مو هنا اتصور ولتزعل علينا

115

الهجرة و واللاجئين / رد: السلام عليكم باركولي عرست هههههههههههه

« في: 15:16 21/02/2010  »

حبي الجواز مال الزوجه مو مهم بس لازم على الاقل الداتا بيس مالتها لان الجيف اوف مشن راح يجي بيه كل اسماء المرافقين وياك بالسفر

حلب ابو عبد الله شنو قصدك بالداتا بيس ليش لازم اسوي بايو كرافك الها هم ؟ لالخطوة الاولى اني اعرف بس اسمها ينكتب بال ds157

116

الهجرة و واللاجئين / السلام عليكم باركولي عرست هههههههههههه

« في: 14:51 21/02/2010  »

السلام عليكم شباب شلونكم باركولي عرست سوم ال الكم ان شاء الله . ياولد سؤال بال DS157 لحد هسة جواز الزوجة ماطالع سؤالي هو اسم الزوجة نفس مامكتوب بالجواز لازم ينكتب يعني مثل اسم صاحب الكيس؟ والشغلة الثانية على ما اعرف انه مو الا ادز جنسية الزوجة ويا ال الخطوة الاولى اذا واحد عندة ملاحظة او سامع او يعرف شي ليبخل علينا وادري متقصرون 

117

الهجرة و واللاجئين / رد: الى جميع خبراء IOM واليفتهمون بيه سؤال محير

« في: 19:03 18/02/2010  »

نفس المغذي مالتي قدمت بشهر ال12 2009 وحصلت ال IZ ورا كم يوم ولحد هسة ماكو شي ورقمي ( IZ-113XXX)

118

الهجرة و واللاجئين / رد: بفضل الله --- اتممت مقابلتي الاولى اليوم مع IOM بغداد

« في: 18:56 18/02/2010  »

(بس انت من يجيك ايميل يكولون بيه انه تم التحقق من اوراقك الوظيفية بساعتها كول ان شاء مبقة شي)

اخوية قصدك الي يكولن بي اوراقك كاملة وبالبروسس مو ؟

119

الهجرة و واللاجئين / رد: اهوووووو....اجة الكوم ابروفال وهسه لازم صدك نفكر نروح لامريكا

« في: 18:51 18/02/2010  »

مبروك حب شايف الف خير

120

الهجرة و واللاجئين / رد: جمعية اصحاب IZ الي لي هسه بلا مقابله

« في: 18:45 18/02/2010  »

السلام عليكم اخوك وياك هم بالسرة استلمت ال IZ بتأريخ December 21, 2009 ولحد هسة ماكو شي

121

الهجرة و واللاجئين / رد: سؤال على SIV محتاج جوابكم اخوتي بسرعة

« في: 16:11 26/12/2009  »

الله ويدهم ادري بيهم ميقصرون

122

الهجرة و واللاجئين / سؤال على SIV محتاج جوابكم اخوتي بسرعة

« في: 15:41 26/12/2009  »

السلام عليكم اخوتي شلونكم عيني

اعزائي على التقديم مالت ال SIV اذا الواحد متزوج شنو الاوراق الي يدزها بأول خطوة الة ولزوجتة ؟ الولد وياية يعرفون الواحد من وحدة يطلع بس المتزوج شلون يعني شنو اوراق الزوجة الي يدزها ؟ انتظر جوابكم اعزائي وادري بيكم متقصرون

123

الهجرة و واللاجئين / رد: IZ NUMBER سؤال على

« في: 15:23 25/12/2009  »

الف الف الف شكر الك اخوية العزيز

124

الهجرة و واللاجئين / رد: سؤال الله يرضى عليكم جاوبوني

« في: 13:35 25/12/2009  »

السلام عليكم اخوية العزيز عيوني اخوية كول يا الله سهلة ان شاء الله مدام انطوك كيس نمبر يعني بيها امل ان شاء الله

125

الهجرة و واللاجئين / IZ NUMBER سؤال على

« في: 13:29 25/12/2009  »

السلام عليكم

شلونكم اخوان بدون زحمة اني حصلت ال IZ NUMBER من خلال ال IOM  طبعا اني من بغداد حبيت اعرف شنو فائدة هذا الرقم  , شنو الفرق بينة وبين ال BGD نمبر لان اشو خبطت عندي ههههههههه مشكورين مقدما

126

الهجرة و واللاجئين / الرسائل الي حجت على موقع عين كاوا

« في: 16:08 21/12/2009  »

السلام عليكم شلونكم اخواني الاعزاء . اول شي مستغرب  من الايميلات الي اجتني الي ديحجون بيها على احلى موقع والي المشاركين بي كلهم على الراس . المهم اتمنى هالحجي الي قرينا ميأثر على روح اعضائنا . اخواني الاعزاء احب اسألكم شنو الخطوة الثانية بعد استلام ال IZ NUMBER لجماعة ال IOM اتمنى تجاوبوني ومشكور مقدما اعزائي.

127

الهجرة و واللاجئين / رد: اسئلة وارجوا منكم الجواب عليها

« في: 19:16 20/11/2009  »

مشكور اخوية العزيز ابو اندرو الله يخليك النة يارب

128

الهجرة و واللاجئين / رد: اسئلة وارجوا منكم الجواب عليها

« في: 19:08 20/11/2009  »

اي اخوية لامي وابوية على ال IOM اني وزوجتي راح نقدم على ال SIV بس اهلي على ال IOM . اي اني اعرف شنو الاسئلة الي بالبيو بس يعني ما اسويها ملف وورد واسويها اتاجمنت ؟ واذا اسويها بنفس الصفحة مالت الايميل شلون ؟  يعني اسوي مثلا مالت الاب فوك وفاصل وجواها مالت امي ؟

129

الهجرة و واللاجئين / رد: اسئلة وارجوا منكم الجواب عليها

« في: 18:56 20/11/2009  »

اخوية العزيز ابو اندرو الف رحمة على والديك والله ما اعرف شلون اشكرك . زين سؤال اخوية العزيز همة 2 امي وابوية شلون اكتبها بالايميل ؟ يعني بنفس الصفحة اكتب مالت ثنينهم ؟ اني جان عبالي اسوي اتاجمنت وكلشي بي موجود انت شنو رأيك . واشكرك من جديد اخوية العزيز الله يحفظك ويحميك انت وعائلتك

130

الهجرة و واللاجئين / رد: اسئلة وارجوا منكم الجواب عليها

« في: 18:06 20/11/2009  »

يعني الا PDF  اشو جماعة هواية كالو لا مو الا

131

الهجرة و واللاجئين / اسئلة وارجوا منكم الجواب عليها

« في: 17:16 20/11/2009  »

السلام عليكم شلونكم اخوان
اكلكم عيني دا اريد اقدم لاهلي على ال IOM ال biographical information هاي امليها ورقة ايد واسويلها سكان وادزها ؟ لو اسويها دوكيونت بالوورد ؟ وسؤال ثاني هم مدوخني الشغلات الي اسويلها سكان مثل الجنسية وشهادة الجنسية والجواز هذني لازم صيغة الملف PDF لو يصير غيرسكان عادي ؟
مشكورين مقدما ادري بيكم متقصرون

132

الهجرة و واللاجئين / الام والاب

« في: 01:15 19/11/2009  »

السلام عليكم
شلونكم اخوان . اكلكم عيني اعرف هذا الموضوع انفتح هواية بس ليش بالواقع قصدي المترجمين الي وياية يكولون غير حجي قضية الام والاب يصير تاخذهم وياك على ال SIV يعني مو الا اسوي اوراقهم على ال IOM وهذا الموضوع اكو عندي اقربائي بامريكا اتصلو بناس هم طالعين هنا وكالولهم عادي يصير تقدم لامك وابوك ويا ارواقك على ال SIV قريت هواية بالمنتدى على هالموضوع بس اريد واحد متأكد لان مدا اعرف المن اصدك واعذروني اخواني مو قصدي حجيكم مامضبوط بس الشغلة ومابيها اريد بس الشي المضبوط ( علما انه اوراق ال SIV الي اريد اقدمها اني وزجتي وامي وابوية وبس ولحد هسة ما مقدمها ) ومشكورين مقدما

133

الهجرة و واللاجئين / رجـــــــــــــــــاءا اخــــوان اقـــــروا هالــمـــوضــــوع

« في: 12:31 22/09/2009  »

السلام عليكم شلونكم اخواني الاعزاء اكو شي لاحظته هنا بالمنتدى . انه من احد يسأل على شي الاعضاء موالكل بس قسم منهم ديجاوبون بطريقة كلش موحلوة . (اقرا زين) (انتو تريدون على الحاضر) . (تعبو روحكم) . من هالحجي هذا يعني اني لو لاكي الجواب على الشي الي دا اسأل علية ليش اسوي موضوع جديد واطلب بي المساعدة والله والله والله قبل كل موضوع اقرا واحاول احصل على الاجابة الي اريدها قبل لا اسوي موضوع جديد . اخوان رجاءا رجاءا رجاءا الي يريد يحجي بهالطريقة لايدخل ولا يقرا اي موضوع مساعدة احد رايدها . كلنة دايخين و والواحد يريد قشاية يجلب بيها ومحد يتحمل يجي احد ويقدملة هالنصائح الي ما الها داعي . يا اخي اذا تعرف شي كولة ولتسويها منية . متريد تجاوب اسكت بس بطل هالحجي الي موحلو . المنتدى فدشي رائع والناس الي بي والله ماكو الطف واحسن اخلاق منهم خلونا نبقى على هالمستوى الرائع . ومشكورين الاخوان الي ديقدمون مساعدة لاخوانهم الباقين والله متتصورون شكد افرح من اسأل شي واحد يجاوبني علية والله احس هم وينزاح من على قلبي . اسف طولت عليكم اخواني واعذروني بس هالشي حبيت اذكرة .

134

الهجرة و واللاجئين / رد: والله راح اتخبل رحمة لوالديكم ساعدوني

« في: 23:12 21/09/2009  »

اخوية رحم الله والديك والله دورت بس مدا الكي . زين من اقدم لاهلي ورا ما اخذ الكيس نمبر ؟ رأسا زين شلون التفاصيل اكو عندك مكان اكدر اقرا التفاصيل أو اذا انت تكدر تساعدني بلازحمة عليك 

135

الهجرة و واللاجئين / والله راح اتخبل رحمة لوالديكم ساعدوني

« في: 22:55 21/09/2009  »

السلام عليكم ,
كل عام وانتم بالف الف خير ان شاء الله الصحة وسلامة الاهل . اخوان عندي سؤال دوخني وخبلني والله
ان شاء الله دا اقدم على ال SIV بس اكو موضوع مخبلني , اني اريد اخذ اهلي امي وابوية وزوجتي بس لان اخوان ماعندي . ف سؤالي يصير كلهم يصيرون وياية بنفس الكيس ؟ يعني من اقدم كلهم اقدم اوراقهم وياية ؟
والله يا اخوان تعبت اسأل ومحد يعرف يجاوبني وكل واحد يحجي شكل . ف الي ارجو من الاخوان الي عدهم خبرة ومتأكدين ارجو ميقصرون وياية و متأكد مراح يقصرون .