عرض المشاركات
1
الهجرة و واللاجئين / من يحدد موعد سفرنا
« في: 13:28 01/06/2009 »السلام عليكم اخوتي
خلي اسولفلكم هاي الشغلة ......
كفيل اختي تم الاتصال به من قبل المنضمة قبل اكثر من شهرين وكلوله ان الموافقة جايه للمنضمة ب (ايوا) من واشنطن اقصد الموافقات الامنية
وانا اتصلت به لاستفسر عن الشغلات الي راح يخبلوني بيهه جماعتنه بسوريا وبالمناسبة كفيل اختي يكون صديق زوجهه وهوه سافر من سوريا ايضا قبل سنة وثلاثة اشهر وهوه الان يعمل مع المنضمة في ايوا
وبعدين من الحجي كمت اسال هل تحديد الولا ية قبل او بعد الاجراءات الامنية .......... كال لا الاجراءات الامنية الي تخص امريكا وهية المهمه طبعا تكون قبل تحديد الولاية ...... هذا الحجي حسب ما كايله الشخص الامريكي المسؤول في المنضمة والي قابله هوه بخصوص توقيع الكفالة ((( والي كايله بالنص هل من المعقول ان يطلب من المنضمة ان تتكفل بشخص او تستلمة وبدون ان تكون اجراءاته الامنيه كاملة ومتاكدين منه ))) لان الفحص الطبي وفحص البصمات تروح من يوم القاء مع الوفد الامريكي ((المحلفين )) وبعد ما يتخذ المحلف القرار بالقبول او الرفض يرسل موافقتة مباشرتا الى واشنطن وبعدهه تبدأ الاجراءات الامنية في واشنطن وبعد اكمال كافة الاجراءات في واشنطن ترسل طلب الجوء الى احد الولايات ... ان كنت انت مختار ولايه ترسل على طلبك انت للولاية ... وان لم تحدد انت الولاية هي ترسل حسب اجراءات لا علم لل (( IOM )) بها بعد وصول ملفك الى الولاية يتم تحديد المنظمة الي تتكفلك وهاي الشغلة يم ربكم اخوتي لا احد يعرف اي منظمة راح تتكفلة ....
سالته اني مسوي الفحص الطبي بعد مقابلة المحلف بفترة .... اجابني نعم لان الفحص الطبي هو من اجراءات الحصول الى الفيزا الى الولايات المتحدة الامريكية ........
بعدين سالته لعد ليش من اسال على الكيس الخاص بي اسمع الجواب انت لم تكتمل الاجراءات الامنية وسوهه ضلمة علينه .... اجاب لان الاجراءات الامنية مراحل بالنسبة لهم اي (( IOM )) واخر اجراء هو وصول الفيزا او موافقة الدخول الى الولايات المتحدة الامريكية ....
سالته بخصوص الفيزا او موافقة الدخول الى الولايات المتحدة الامريكية وستلام (( IOM )) لها هل تتضمن تاريخ الدخول الى الولايات المتحدة الامريكية .... اجاب حسب ما كايله المسؤول بالمنضمة الفيزا فيها تاريخ وينتهي العمل بها بعد 6 اشهر من صدورها ... خلال هذه الفترة يقوم اي (( IOM )) باجراءات خاصة بهم نتنهي بحجز تذاكر السفر .....
وهذا ما يفسر برايي اعادة الفحص الطبي للاخوة المتاخرين
بمعنى ان اعادة الفحص الطبي لغرض اصدار فيزا جديدة ولا علاقة له بالامنيه .....
وسالته والي متاخر على السفر اكثر من ستة اشهر او سنة بعد اكمال اكثر الاجراءات الي اخبرتني بها ولم يحدد له موعد سفر من قبلهم .... اجاب انهم يخاطبون الجهات الامريكية لاستحصال فيزا جديدة وهذا العملية لا تاخذ وقت طويل .... وقليلة حسب ما اخبرني هو
وحسب ما كايله المسؤول بالمنضمة واكدله انهم مكملين كل الاجراءات من ناحيتهم وانهم ناطين خبر الى ((IOM)) سوريا ان المنضمة مستعدين لاستقبالهم اذا وصلو غدا …. وهاي صار الهم شهرين واكثر نايمين هنا علما اخوتي ان اختي مقابلة الوفد الامريكي (( المحلفين في منتصف شهر الواحد سنة 2009 ما اعرف بالضبط اي يوم ... واستلمت ضرف الموافقة في 6/4/2009 ......
يعني اخوان موعد السفر بيد الاخوة ((( IOM )) والتاخير والانتضار القاتل بيدهم يعني وحسب ما اعتقد اذا الواحد ضوجهم يعلسو علسه من هاي التمام ................. والله اليستر منهم اخوتي
اخوكم
المستعجل .... وماكو نتيجة ويه سوريا
