الرسائل

1

الهجرة و واللاجئين / رد: التقديم الى اللجوء من الامارات - ارجو المساعدة

« في: 19:02 20/08/2009  »

اعتذاري للاخت شجرة الدر وشكرا جزيلا على نصيحتج وتشجيعج لان فعلا تفائلت من ذكرتي العائلة الي انقبلت من الامارات .
واهلا بيك كرستوفر واشكرك على معلوماتك . الحقيقة اليوم وصلني من صديق الي هنا في الامارات رقم المنظمه الموجوده في الامارات وكان نفس الرقم الي ذكرة الاخ مهند مشكورا وكلي اتصل بيهم لان هم يعرف جماعه مقبولين من الامارات والآن هم في امريكا.

 اني رح ارتب وضعي واحاول الاتصل بيهم باقرب فرصة وابلغكم ان شاء الله فارجو من كل الاخوة الي عدهم معلومات او نصائح يكدرون ايفيدونه بيها تخص التقديم من الامارات مشاركتنا ونبقة ان شاء الله على تواصل

MAX

2

الهجرة و واللاجئين / رد: التقديم الى اللجوء من الامارات - ارجو المساعدة

« في: 12:11 19/08/2009  »

اخي العزيز شجرة الدر ممنونلك على نصيحتك بس ممكن تساعدوني على تحديد النقاط الرئيسية في القصة وعلى اي امور يجب ان اركز في القصة مع العلم انني بالفعل تعرضت الى تهديد في العراق واني لم ازر العراق منذ خمس سنوات واني اعمل في مجال صحفي حقيقة اريد تهيىة كل شى قبل الاتصال بهم.
وهل تؤثر معاملة الهجرة الى كندا التي مازالت تحت التنفيذ ولكن متاكد من الرفض لكوني لم احصل على النقاط المطلوبة
وهل يمكن تحديد بلد اللجوء لاني استطيع الاعتماد على نفسي في بعض الدول بدون مساعدة الدولة  مثل امريكا وكندا

حقيقة اسال هذه الاسالة لاني اريد ترتيب كل شي قبل تقديمي وحقيقة اغرتني روح التعاون التي حقيقة جدا مسرور بها في المنبر والله افتخر بكوني هنا وتمنياتي للكل بالتوفيق والنجاح ان شاء الله

3

الهجرة و واللاجئين / رد: التقديم الى اللجوء من الامارات - ارجو المساعدة

« في: 19:44 18/08/2009  »

رتب فد قصة زينة ودزهة مع نسخة جواز سفرك عن طريق الفاكس والايميل بعد ما تطلبهم بالتلفون

اشكرك حبي مهند بس حسب علمك اكو احد اكدر استشيرة موجود في الامارات في ما يجب ان اكتبه وان اقوله لهم لان حقيقة اجهل هذه الامور واحتاج الى استشارة

4

الهجرة و واللاجئين / رد: التقديم الى اللجوء من الامارات - ارجو المساعدة

« في: 18:52 18/08/2009  »

اشكرك مهند على ردك بس هل ممكن انه اقدم على الهجرة الى امريكا واني ما شتغلت وية الامريكان في العراق وكيف اقدم الهجرة عن طريق الفاكس؟ حسب علمي الي ما مشتغلين ويه الامريكان بس الهم الحق باللجوء وليس الهجرة

5

الهجرة و واللاجئين / رد: التقديم الى اللجوء من الامارات - ارجو المساعدة

« في: 18:04 18/08/2009  »

حقيقه جدا ممنون على الردود السريعه والمعلومات المفيدة

اخي العزيز شقلاوي.... ممكن توجهني بشكل ادق شنو هذه المنظمه الي اتصل بيها والاحسن ارسل ايميل لو اتصل الاول وهل مكتب تركيا يقبلني اذا اني لاجئ من الامارات اني ما عندي مشكله انه اترك الامارات بس على الاقل اضمن شي لان اني مشكلتي انه ويايه عائله لو وحدي جان من زمان رحت لعمان وقدمت

وعلى كل حال اشكركم مرة ثانيه

6

الهجرة و واللاجئين / التقديم الى اللجوء من الامارات - ارجو المساعدة

« في: 17:37 18/08/2009  »

السلام عليكم

اخواني ارجو المساعدة والنصح لاني بحاجه الى اللجوء الى امريكا او كندا وانا مقيم في الامارات ولا يمكنني ترك عملي والتقديم من سوريا او عمان ففي حالة ترك عملي ساخسر الاقامه ولدي عائله معي وانا قدمت على الهجرة الى كندا 2007 ولكن لم استطع الحصول على النقاط المطلوبة فاتوقع الرفض قريبا فهل هناك طريقة للتقديم من الامارات ارجو التوجيه وجزاكم الله كل خير

7

الهجرة و واللاجئين / رد: لجوء من دولة الامارات العربية المتحدة

« في: 17:21 18/08/2009  »

السلام عليكم

اخواني اني مقيم بالامارات ومحتاج اللجوء الى امريكا او كندا مع العلم اني مقدم هجرة الى كندا من 2007 بس مكدرت احصل النقاط المطلوبة فمتوقع الرفض واني فهل من الممكن ان اقدم على اللجوء من الامارات مباشرة لان ما اكدر اعوف شغلي اذا عفته اخسر الاقامه ولازم ارجع للعراق وما اكدر ارجع لاسباب امنية فارجو ان تنصحوني او توجهوني وجزاكم الله كل خير

8

الهجرة و واللاجئين / رد: التقديم الى اللجوء من الامارات - ارجو المساعدة

« في: 16:30 05/02/2009  »

اخوان عاجز عن الشكر للردود المفيدة ولي ماكنت متوقعه بهاي السرعه اني جدا ممنون وان شاء الله باجر اتصل بالمفوضية الي في ابو ظبي وبلكي يفيدونا بشي بس على العموم اني كلش فرحان لاستجابتكم لسؤالي وهذا بالنسبه الي جدا كافي وخاصه هاي اول مشاركه الي

9

الهجرة و واللاجئين / التقديم الى اللجوء من الامارات - ارجو المساعدة

« في: 17:16 03/02/2009  »

السلام عليكم

اخواني الاعزاء اني دابحث عن الوصول الى امريكا باي طريقه وسمعت عن اللجوء والهجرة بس المشكله انه كل الي دا اسمعه ودا اقراه هو فقط للمتواجدين في الاردن ومصر وتركيا فياريت اذا اكو احد يتفضل بمساعدتي بان هل اكو طريقة للتقديم الى امريكا بدون ما اترك البلد المقيم بي وهو الامارات لان اني دا اشتغل هنا وما اكدر اعوف شغلي لان عندي عائله بس ممكن اغادر لفترات محدودة فقط
 
ياريت المساعده او التوجيه واكون من الشاكرين جدا