الرسائل

1

الهجرة و واللاجئين / رد: اخوان رجاء استفسار عن الحوالات الخارجية..

« في: 22:33 22/06/2011  »

اخي العزيز ..
راح انطيك التفاصيل .. تروح لمصرف الوركاء والي صاير بشارع المركز كل لابو التكسي شارع المركز .. لمن توصل هناك اتكللهم اريد واير ترانسفير .. تحتاج اسم صاحب الحساب الي بره رقم الحساب والراوتنك نمبر وكود البنك وكالعادة يردون عنوان البنك .. تكدر اتحول اي مبلغ اتريده لكن لازم ترسل سبب التحويل ويا الحوالة يعني مصاريف دراسة معيشة او اي شي ثاني .. مبلغ التحويل 60 دولار فقط على اي مبلغ تحوله ... والبنك الاخر الي يستقبل اجورة حسب الدولة في امريكا مثلا يتراوح بين 35 دولار الى 40 دولار .. مدة التحويل من اسبوع الى 10 ايام بس بما ان معدنة تحويل مباشر في العراق لان الفلوس راح ترسل للمصرف الاهلي بعمان ومناك يدزوه للدولة الي تريدها فاعمل حسابك على اسبوعين وممكن اقل ...

تحياتي

أبو قمر2  أبو قمر سابقا

2

مواضيع الحياة العامة في بلاد المهجر (امريكا) / رد: للجميع مع التقدير ... موضوع يهم الكثيرين

« في: 21:42 21/06/2011  »

اخواني راح ينحذف هذا الموضوع اذا ناقشنا بيه مشكلة العضوية .. ياريت نكتب بغير مكان لان ما اريد الي كتبته ينحذف وميستفاد منه الاخرين الله يخليكم الحذف عشوائي ..
ارجوكم ..

ابو قمر

3

مواضيع الحياة العامة في بلاد المهجر (امريكا) / رد: المحلف , القبول ، قيد الدراسة ، الرفض ، الموافقة الامنية ... ماهو الكردت في امريكا وكيفية بناءه

« في: 14:40 21/06/2011  »

اخي ملاك  الاسم الثاني أبو قمر2 الي دا استخدمه حاليا الاسم القديم مدا اكدر ادخل بيه .. الي يحتاج اي استفسار او معلومة يبعثلي على الخاص ..

تحياتي
ابو قمر

4

مواضيع الحياة العامة في بلاد المهجر (امريكا) / رد: المحلف , القبول ، قيد الدراسة ، الرفض ، الموافقة الامنية ... ماهو الكردت في امريكا وكيفية بناءه

« في: 03:14 21/06/2011  »

بكل بساطة تم حذفه مثل ما حذفت عضويتي .. شكرا للادارة الكريمة هذا التقدير والعرفان .. انا راح اكون متواصل وياكم على اسمي الاخر أو ايميلي في حالة غلق هذا الاسم  ..

ابو قمر

5

الهجرة و واللاجئين / رد: اليوم المفوضية اتصلوا علية والاتصال كان كالتالي

« في: 11:25 05/02/2009  »

اختنا الغالية نونة ..
اني بسوريا من خابروني مسئلوني هيج اسئلة بس .....
هسه الجماعة ديصفون امور الاجئين واكو سرعة كبيرة بالمقابلات وبمراجعة الملفات ... واتصور هاي الاسئلة تعتبر مقابلة على التلفون على اساسها ينطوج موعد مقابلة كليلي شلون ..
يعني مثلا اذا الكل ينطوهم مواعيد مقابلات اكو منهم يجون وراح يكلولهم احنا منروح لامريكا .. او يكلولهم احنا مرتاحين هنا .. معناتها راح يخسرون وقت هواية .. ولهذا يغربلون الاجئين عن طريق التلفون وبعدها ينطون مواعيد مقابلات للي اتاكدوا منهم يردون توطين ...
بعدين عيني لتشيلين هم هما ميسئلون شعندج افلوس او شنو اقامتج .. المهم قصتج وظروفج .. وصدكيني قريبا راح يتصلون بيج على موعد ..

تحياتي
ابو قمر

6

دردشة منتدى الهجرة واللاجئين / رد: الفرق بين حياه المتزوج والاعزب في أمريكا

« في: 11:18 05/02/2009  »

يمعودين على كيفكم شنو علاكة ..
خلي اناقش الموضوع بجدية ..
مستحقات العائلة اكبر وافضل من الاعزب بكل شي السكن والتعامل ومدة المساعدات .. ماشي
ثانيا :
واني دا احجي عن نفسي هنا مثلا بسوريا اني وزوجتي وولعلم زوجتي خريجة علوم حاسبات , ثنانا دنشتغل يعني راتبي على راتبها دنعيش عيشة زينة وللعلم لو كنت وحدي مراح يدخلي هيج راتب واحتمال راتبي ميكفي اصلا ..
اذا كنت متزوج من زوجة عدها شهادة ولغة وعدكم طفل واحد , راح تكونون افضل من اي عزابي ليش ..
فرصة العمل راح تتضاعف يعني اذا انت ما اجتك الفرصة هيا ممكن تجيها الفرصة ... او ممكن اثنينكم تجيكم فرصة ومعناتها راح يكون راتب جدا جيد .. يعني الاعزب اذا اشتغل راح يجيبله فد 2000 دولار بالشهر كحد اعلى .. بس اذا اثنينا اشتغلنا راح يدخللنا 3500 او اكثر ... بعدين من يكون عندك طفل مراح يكطعوزن عنك المساعدات شكد مطولت قترة المساعدات .. مو مثل الاعزب المسكين كم شهر ويكلوله رووح دورلك جاره .
بعدين اهم شي بالموضوع من ترجع من الشغل وتلكة طبخ الحبيبة ... وتلكة بيتك نظيف وهدومك مكوية .. متكلي وين تلكاها ... واذا اتزوجت امريكيا حبيبي راح تكضي عمرك فاست فووت .. وراح تغسل وتكوي ملابسك من باب المساوات بين الرجل والمراءة ...

تحياتي
ابو قمر

7

الهجرة و واللاجئين / رد: اليوم المفوضية اتصلوا علية والاتصال كان كالتالي

« في: 11:11 05/02/2009  »

واله يا اخت نونة هاي بشارة خير ... ملفج معناتها اتحرك .. واني متاكد كم يوم وراح يخابروج على موعد مقابلة توطين ... الف الف مبرووك مقدما ...

تحياتي
ابو قمر

8

الهجرة و واللاجئين / رد: هام جدا جدا جداااااااااااا

« في: 11:05 05/02/2009  »

حبيبي على شنو تعتذر .... يمعود انتم نجماتي انت وعكعوك وتايكر وانجي وورد وشيبت بمصر وحيدور واديدوس وزاك وسلاما عراق ورمزم وبغدادي بعمان وكل الاعضاء حتى لا انسى اسمائهم كلهم نجوم واحد يفتخر بان يتفاهم ويتناقش ويتعاون ويا هيج نجووم .. الله يحفظكم يا رب ..

تحياتي
ابو قمر

9

الهجرة و واللاجئين / رد: امريكا والاجيئن في حيره من امرهم

« في: 11:02 05/02/2009  »

اختنا الغالية انجي ... والله كلامك دايما رائع .. واني شاب كلبي واني اكتب يعني حتى مليت الحجي بهالمواضيع ...
شكرا اختنا الغالية على الموضوع المهم ...
شفتي شصار بيه صرت ابو قمر 2  اجاني السرة .... هسه كمت احس باحساسك ..

تحياتي
ابو قمر

10

الهجرة و واللاجئين / رد: اخوان خابروني على الفحص الطبي

« في: 11:00 05/02/2009  »

حبيبي سالم ..
الف الف مبروووك .. الفحص الطبي بسوريا معناه موافقة 99.999 % واخذها من هالشارب اني سويت دراسات على موضوع الفحص وعلاقته بالمقابلة ..
حبيبي اني اسف البارحة .. مرديت عليك .. لين نت ماكو .. وجمالة ما اكدر اطب باسمي القديم ما ادري شصار بيه .. بس اليوم سويت هذا الاسم حتى ارد عليك يا غالي ..

الف مبرووك مرة ثانية

تحياتي
اخوك ابو قمر

11

الهجرة و واللاجئين / رد: هام جدا جدا جداااااااااااا

« في: 10:55 05/02/2009  »

عمي اني ابو قمر نفسه نازكول يمعوود .. كلمة السر ( فحص طبي ) ومثل ميكول ابو المثل صديق نازكول رجع اني ما ارجع ...
مو اني رشحوني عضو مميز  .. على اساس ينطوني نجمات .. والناس صوتتلي واني فرحت .. تاليتها شالوا نجمتين من عندي ... شوف الانتخابات شكد نزيها هههههههه .
حبي نازكول شلونك ؟؟؟

12

دردشة منتدى الهجرة واللاجئين / رد: الفرق بين حياه المتزوج والاعزب في أمريكا

« في: 10:53 05/02/2009  »

هاي شنو عالكة هنا .. دتحجون عالمتزوجين .. شبيهم عيني المتزوجين ... ما شاء الله طريقنا عدل وكبل .. حتى وكفة ماكو يعني حتى اذا يصير بنجر انت تستمر بالطريق .. تكدر توكف انت رجال و اوكف .
بس انتم على شنو فرحانين تاليتكم مثلنا .. وين ترحون براسكم براسكم ...
حمودي شنو تريد تزوج من هناك ... هلا هلا .. جيب ليل واخذ عتابه ... شنو هاي كله علمود الجنسية .. بس خاف تاخذ وحده مثل بالبرة ( الي ويا عادل امام بفلم هللو امريكا ) , او تاخذ كوندليزة رايس هسه هيا معدها شغل وعمل ...

تحياتي
ابو قمرسابقا وبسبب الظروف اصبح ابو قمر 2

13

الهجرة و واللاجئين / رد: هام جدا جدا جداااااااااااا

« في: 10:49 05/02/2009  »

شكرا لكل حبايبي الغالييين ..
هذا الموضوع مو مجرد اغانية وشعارات حتى ارفع معنوياتكم .. بالعكس هذا الموضوع بيه حقائق .. وخونا سليم قابل ... وشفتوا مقابلته ... تره اسهل منها ماكو ...

تحياتي لكل من رد على الموضوع او شارك فيه او قرأ كتاباتي ..

تحياتي
اخوكم ابو قمر

14

الهجرة و واللاجئين / رد: خبر مفرح للاجئين الجدد لامريكا ...ولكن

« في: 10:47 05/02/2009  »

تحية حب يا غالي ... شكرا عالاخبار المفرحة ... ويا رب يا رب الشفاء العاجل والموفقية بالحياة ..

اخوك
 ابو قمر

15

الهجرة و واللاجئين / رد: "الحلم صار حقيقه"...الحمد اله والشكر,

« في: 10:45 05/02/2009  »

حبيبي زاك مليون مبروووك .. عمي انت وردة وتستاهل كل خير ..
شفت شصار بيه ... انترنت بالبيت ماكو .. وجمالة اطب بأسمي ميقبل ...
والله اجيت من قاعة انترنت .. حتى اشوف شنو الاخبار ..
طبعا استغليت فرصة انتظار توزيع المواد الغذائية ... انطوني خوش رقم كدامي 336 عائلة .. فكلت بدل ما انتظر اجي افتح نت واشوف اخباركم .. منا لساعة اروح اشوف وين وصل السرة ... خطية العالم واكفة بالشمس ..
حبي والله فرحتني بهذا الخبر ... ويارب تصير عميد الكلية ...

تحياتي
اخوك ابو قمر