عرض المشاركات
1
مواضيع الحياة العامة في بلاد المهجر (امريكا) / عبيس وماربا...قصة حب.. وترجم يبو داوود
« في: 00:37 06/03/2009 »
احلى السلام والدعوات الصالحات عليكم وليداتي
البارحه حوالي خمس ساعات حتى كتبت سالفة قصة حب عبيس واريد اكول شي
ابامريكا اللي ايطلع غازات من بطنه سواء كانت مسموعه او لا لا اقول انهه عاده مستحبه ولكن عاديه متثير الضحك ولا الخجل مثلنه..يعني كل بلد واطباعه ..ومن هذا الباب جبت بعض المفردات اللي هيه ضروريه للسالفه ونشرت الموضوع وكعدت الصبح لكيته محذوف
طبعا الاخوان المشرفين عدهم راييهم بالتاكيد بس احب اكول احنه من نحجي على مجتمع ما اذا ذكرنه بعض المفردات طبعا دون ان تخدش الحياء العام يعني لازم انمشيهه
عموما عدت من جديد كتابه الموضوع وشلت من عنده الغازات كلهه
سالفتنه اليوم تكمله لسالفة عبيس وارجوكم وليداتي اني ما اكتب للضحك وبس رغم انو انسعد اذا ابتسم واحد بيكم بس ارجوكم وليداتي فكروا بالين السطور واتمنى للي ما قاري سالفة عبيس في امريكا ان يقراهه كبل لا يقره هاي السالفة
وما رحت زرت عبيس للمستشفى لأن افتهمت من ابو حسين عبيس وره دكته السودة ويه ام الما قل ودل رجع ضايج ولأنه عزوبي يسكن ويه جماعته الكوبيين ويمكن وياهم واحد صومالي وذولي من شافوه ضايج كلوله راح تنسه اذا شربت جكارة ويانه والظاهر عبيس جان مقهور حيل على المادل وقل وشرب ويه الجماعة حشيشة اكثر من اللازم بعدين هو طبعا حلفلي بالعباس انو ما يدري .. كلبي ما انطاني اضل انتظر هوايه.. وره فترة كلت اروح اشوفه بالمستشفى واشويه انصحه .. يعني اداء واجب .. يا اخوان رحت للمستشفى ودخل غرفته لكيت وحده بيضه مسويه شعرهه مثل القنفذ كاعده يمه .. اني كلت السلام عليكم اشو هايه كامت وكلتلي وأليكم آلسلام .. عبيس كام نشط وحضني وكلي ها ابو داوود اخيرا رضيت عليّه .. كتله ولك يا رضيت يا عبيس فوك مصيبة العمارة اللي لابسه عضلات وام الما قل ودل فوكهه حشيشة .. كلّي عمّّّّّّّّّّّي ابو داوود اني عبالي رضيت عليه لان سمعت اخباري الجديدة .. كتله أي سمعت دخلوك للمستشفى لأن .. قاطعني عبيس برازيلي وهو يغمز بعينه بس مشاعل عالي وناصي .. للامانة غمزته طبيعية مثلنا..وايأشّر بعيونه لهاي ام شعر القنفذ .. وكلّي عمي ليش ما دريت اني خطبت .. كتله بفرح لا والله وليدي ما دريت .. الزواج نصف الدين على الاقل ايخليك راكز بالشغل واتشوف ام القل ودل لابس اكثر هدوم بالعالم .. بس هايه اللي ردت تزوجهه من يا عمام وليدي .. ضحك وعبيس وكلي وهو يشير لأم شعر القنفذ هاي خطيبتي ماريا الكوبية .. اخوان ماريا كامت جان اتكلي .. هله ابو داوود .. انا ام خايب .. طبعا اني ما سيطرت على روحي صدك ضحكت شنو ماريا الكوبية شنو ام خايب .. جان اتكلي ام خايب بلغة امريكية حلوة انا اعمل منظفة في المستشفى وحين جاءوا بعبوسي اصبحت قصة حب بيننا وانا الآن .. فتحت جنطتهه وطلعت قاموس انكليزي عربي .. انا الآن اتعلم اللغة العربية من اجل حبيبي أبوسي .. كلتلهه شنو سالفت ام خايب .. ابتسمت وكالت بعربية كوّه افتهمهه الا يقولون لزوجة لم يخرج من بطنها اطفال عندكم ام خايب .. كلتلهه شنو هذا موجود بالقاموس وافتهمتيه .. كالت بامريكية جدية عبوسي اخبرني .. كلتلهه بنيتي عبيس طكه ونص بالانكليزي متكولين شلون افتهمج .. كالت هو ايضا عنده قاموس .. باركتلهم وانطيت المقسوم جوه مخدة عبيس طبعا الكوبية فكت عينهه وصارت هيه السيارة البرازيلي اتباوع اشكد خليت جوه مخدة عبيس .. اتمنيتلهم الخير ورجعت للشركة ورجع عبيس ايداوم عدنه وشويه شويه بطّل ما قل ودل وهم حتى الحشيشة حسب ميكول رغم اني اشك انه بطلهه بس ولا مره طلع ويايه بمهمة للشركة .. ووحده من العصريات اني كاعد ادرس داوود طبعا النذل داوود يعرف الدرس مالتهه بس مجرد حتى يشلع كلبي يكول مدا افتهم واني عصبي وياه ودك التلفون سمعت صوت عبيس .. عمي ابو داوود اريد اجي يمك ممكن ... كتله وليدي ما تحتاج اتخابر البيت بيتك .. ضحك داوود النذل ضحكة جبيرة وكال اليوم عدنه خوش نصبه .. كتله احترم حيوان هذا خطار ابوك .. رفع كذلته اللي مثل ذيل الصخل وكال باب هوه المثل عبيس خطّار .. هذا مجرد نصبه انطينياه اتلث ساعات افتر بيه بالولاية وراح اجيبلك وارد ولا احسن مهرج او قرد يفتر ويّايه .. طبعا صدك اعرف بامريكا ميصير تتضرب الجهال ومن هذا الخرطي .. مديت ايدي على نعالي وما شفت الا كذلت داوود بالهوه من شدة الركض .. كعدت يا وليداتي وانتظر جيّت الشفية عبيس .. اجه عبيس مرتب وحليو بس امبين حيل حيل تعبان كلّي عمي ابو داوود اني بطلت من هاي الكوبية ماريا .. كتله انه اخو حمده ها وليدي جنكلت وين ويامن مكسيكيه لو.. بس لا على ام القل ودل ووراهه تجينه العمارة ام العظلات .. كلي اني قررت اتزوج من لحمي ودمي .. كتله يا ستار تتزوج منو .. كلي اريد اتزوج عراقية من لحمي ودمي امأصلة بس ما اريد اطعن ماريا بضهرهه.. واني انكليزيتي مو هاكد .. بلكي انته تجي اليوم لعصر لهذا العنوان اللي هو بيت ماريا حتى اشرحلهه بشكل حضاري كل واحد ايروح بطريقة والزواج قسمة ونصيب.. كتله وليدي انته فكرت بهذا القرار قبل ما تاخذه .. كلي عمي ابو داوود هي اصلا علاقتنه منتهية من زمان بس آني لان ابن اصول كلت اخلي ماريا بالصورة .. كتله بارك الله بيك وليدي شوكت تريدوني يمكم .. كلي بعد ساعتين .. كتله واني حاضر وليدي . رحت وبسرعة اخذتلي دوش ولبست ملابسي وكعدت بالصالة انتظر لحين ما يجي الموعد .. وفجأة اندك التلفون كلت منو طلعلي صوت مرية كلتلي عمي ابو داوود بسرعة انته يجي .. كلتلهه منو كالت اني ام خايب .. كلتلهه بنيتي الموعد بعدله ساعتين .. كالت أي موعد كلتلهه غير اكو اتفاق ويه عبيس ان اجي اني واترجمله بعض الشغلات .. جان اتكلي نو نو نو .. الآن الآن ابو داوود .. كلت ويه روحي هاي روحهه مفرفحة من فراك عبيس كلت خلي اروح واشوف شنو السالفة ...
طبعا ما ردت ادخل بغياب عبيس بس كلت بلكت اصير محظر خير
ام خايب ..العفو ام غايب ما افتهمت منهه بس البجي..واتصيح ..كلت ويه روحي افلت احسن اخاف عدهه اخ مثل جيفارا لو كاسترو واشوف روحي مو كدام عمارة عضلات لا .يمكن دبابات وكلاشنكوفات عدهه ادين ..وهيه تبجي اقتربت من الباب للهزيمه اشو فجاة انفتح الباب ودخل عبيس برازيلي
طبعا ماريا من شافتهه بطلت بجي وصارت هادئه...يا سبحان الله
عبيس دخل مو يتطوطح يمكن كل تجار مخدرات كولومبيا كاعد ايسون تجارب عليه..عبيس كعد وحط رجل على رجل وصاح..يلّه ابو داوود ترجم بامانه وابسرعه..كتله ولك عبيس هاي اشبيك لا سلام ولا كلام احترم شيباتي ..صاح ما اريد احجي أي شي كلله اني كود بباي..كتله تقصد بباي هذا ابو الكارتون ..كلي لا..اقصد اريد اتركهه مثل النعال
طبعا ماريا تعرف اهواي كلمات عربي من القاموس من سمعت كلمة انعال ..كالت هو يلبس نعال لا اجلبه أنا
كلت زين عدّت لحجايه على خير ...كلتله ام خايب العفو ماريا شنو المشكله ورجعت ماريا تبجي بحرقه واتصيح..انه غبي احمق رائحته نتنه وكثيرا ما اطلب منه الصلاة حتى يكون نضيفا ..
وجان ايصيح عبيس برازيلي بغضب : عيّارة مكّارة ام الصنان اني صدك وكفت عندي شغلة اشلون اترجم عيّاره مكّاره و ام الصنان ( اخوان ناقل الشتيمة ليس بالشاتم حلوة هاي شاتم مو ) اشو هاي اتصركعت وصاحت ..انا ام خايب فمن هذه ام الصنان.. ضلّيت ابلعم وما اعرف شلون اترجملهه هاي ..كلتلهه هذا بخور في الشرق كريه الرائحة النذل عبيس برازيلي صاح من يمّه : ترجم بأمانة .. ترجم بأمانة أبو داوود كمت ابلعم اشو على وجه ماريا لا بين الغضب ولا استغراب غير طبيعي وكالت عندكم كريه الرائحة تسموه الصنان .. كلتلهه نعم كالت .. لماذا تصنعونه ومن يشتريه .. شوفوا بنت الكلب عافت كلشي وما فكرت بس بالاقتصاد كلتلهه هناك بعض الناس تحب الرائحة غير الطيبة كالت فكرة مدهشة .. أبو داوود اريد عود صنان .. عبيس النذل صاح من يمه على شنو اتجيبلهه بخورصنان اشو الليل كلّه يمهه ماكو غير ريحة صنان مركز .. كتله كافي عيب احجي شي بيه خير تره بعد ابطل وما اترجم لأن طكت روحي منك .. وعيب مو كلشي اكدر اترجم لهاي المسكينة .. صاح عبيس خلي اطّير هاي الشلنفص.. شو اخوان ماريا من سمعت كلمة خلي اتطير كالت بعده يحبني ويريدني ان اطير برومانسية مثل الشلنفص .. وكفت عن الحجي فجأة وكلتلي ما هو الشلنفص أبو داوود يا اخوان افتر راسي تعال واحد اشلون ايترجم شلنفص ضليت صافن مثل الاثول.. عبيس النذل كال ترجم عيني ترجم ..وماريا بين على وجهه الانزعاج واقتربت مني وكالت لماذا لا تترجم يا أبو داوود هل الشلنفص شتيمة مثل اخرس هزّيت ايدي وكلتلهه لا يا بنتي الشلنفص شلون عدكم يعني يا بنتي هناك تغيير فيزياوي يحصل على المرأة فتتحول نفسيتها من الناحية الايجابية الى السلبية ( كمت امسلت بالترجمة واتحدى أي واحد ايترجملي شلنفص ) صرخت ماريا يعني انا مشاعري سلبية.. عبيس كام ووكف واطوطح وشعل لايته بغضب وكال هيّه هاي السلوكية هم عدهه مشاعر ارتجفت لارا وصرخت ماذا تعني سلوكية ما ادري ليش
اتذكرت منتظر الزيدي وهو يصيح على بوش انته كلب كلتلهه يقصد انك كلب وغمّضت بعيني وكلت راح تطفر وتهفني بنعال لو قندره مثل منتظر اشوف هاي الملعونة اجت باستني وكلتلي شكرا اونكل .. واندارت وابتسمت لعبيس برازيلي وكالتله هل من المعقول انك لا زلت تعتقد انني مثل الكلبة وفية ورائعة عبيس حبيبي
وسالفتنه الجايه اكمل الترجمه مال قصة الحب هاي .. وعذروني وليداتي لان كلت جم كلمه مو حلوه بس اني للامانه شلت اهواي كلمات
اضحكوا وكلهه اتصير اسوالف
البارحه حوالي خمس ساعات حتى كتبت سالفة قصة حب عبيس واريد اكول شي
ابامريكا اللي ايطلع غازات من بطنه سواء كانت مسموعه او لا لا اقول انهه عاده مستحبه ولكن عاديه متثير الضحك ولا الخجل مثلنه..يعني كل بلد واطباعه ..ومن هذا الباب جبت بعض المفردات اللي هيه ضروريه للسالفه ونشرت الموضوع وكعدت الصبح لكيته محذوف
طبعا الاخوان المشرفين عدهم راييهم بالتاكيد بس احب اكول احنه من نحجي على مجتمع ما اذا ذكرنه بعض المفردات طبعا دون ان تخدش الحياء العام يعني لازم انمشيهه
عموما عدت من جديد كتابه الموضوع وشلت من عنده الغازات كلهه
سالفتنه اليوم تكمله لسالفة عبيس وارجوكم وليداتي اني ما اكتب للضحك وبس رغم انو انسعد اذا ابتسم واحد بيكم بس ارجوكم وليداتي فكروا بالين السطور واتمنى للي ما قاري سالفة عبيس في امريكا ان يقراهه كبل لا يقره هاي السالفة
وما رحت زرت عبيس للمستشفى لأن افتهمت من ابو حسين عبيس وره دكته السودة ويه ام الما قل ودل رجع ضايج ولأنه عزوبي يسكن ويه جماعته الكوبيين ويمكن وياهم واحد صومالي وذولي من شافوه ضايج كلوله راح تنسه اذا شربت جكارة ويانه والظاهر عبيس جان مقهور حيل على المادل وقل وشرب ويه الجماعة حشيشة اكثر من اللازم بعدين هو طبعا حلفلي بالعباس انو ما يدري .. كلبي ما انطاني اضل انتظر هوايه.. وره فترة كلت اروح اشوفه بالمستشفى واشويه انصحه .. يعني اداء واجب .. يا اخوان رحت للمستشفى ودخل غرفته لكيت وحده بيضه مسويه شعرهه مثل القنفذ كاعده يمه .. اني كلت السلام عليكم اشو هايه كامت وكلتلي وأليكم آلسلام .. عبيس كام نشط وحضني وكلي ها ابو داوود اخيرا رضيت عليّه .. كتله ولك يا رضيت يا عبيس فوك مصيبة العمارة اللي لابسه عضلات وام الما قل ودل فوكهه حشيشة .. كلّي عمّّّّّّّّّّّي ابو داوود اني عبالي رضيت عليه لان سمعت اخباري الجديدة .. كتله أي سمعت دخلوك للمستشفى لأن .. قاطعني عبيس برازيلي وهو يغمز بعينه بس مشاعل عالي وناصي .. للامانة غمزته طبيعية مثلنا..وايأشّر بعيونه لهاي ام شعر القنفذ .. وكلّي عمي ليش ما دريت اني خطبت .. كتله بفرح لا والله وليدي ما دريت .. الزواج نصف الدين على الاقل ايخليك راكز بالشغل واتشوف ام القل ودل لابس اكثر هدوم بالعالم .. بس هايه اللي ردت تزوجهه من يا عمام وليدي .. ضحك وعبيس وكلي وهو يشير لأم شعر القنفذ هاي خطيبتي ماريا الكوبية .. اخوان ماريا كامت جان اتكلي .. هله ابو داوود .. انا ام خايب .. طبعا اني ما سيطرت على روحي صدك ضحكت شنو ماريا الكوبية شنو ام خايب .. جان اتكلي ام خايب بلغة امريكية حلوة انا اعمل منظفة في المستشفى وحين جاءوا بعبوسي اصبحت قصة حب بيننا وانا الآن .. فتحت جنطتهه وطلعت قاموس انكليزي عربي .. انا الآن اتعلم اللغة العربية من اجل حبيبي أبوسي .. كلتلهه شنو سالفت ام خايب .. ابتسمت وكالت بعربية كوّه افتهمهه الا يقولون لزوجة لم يخرج من بطنها اطفال عندكم ام خايب .. كلتلهه شنو هذا موجود بالقاموس وافتهمتيه .. كالت بامريكية جدية عبوسي اخبرني .. كلتلهه بنيتي عبيس طكه ونص بالانكليزي متكولين شلون افتهمج .. كالت هو ايضا عنده قاموس .. باركتلهم وانطيت المقسوم جوه مخدة عبيس طبعا الكوبية فكت عينهه وصارت هيه السيارة البرازيلي اتباوع اشكد خليت جوه مخدة عبيس .. اتمنيتلهم الخير ورجعت للشركة ورجع عبيس ايداوم عدنه وشويه شويه بطّل ما قل ودل وهم حتى الحشيشة حسب ميكول رغم اني اشك انه بطلهه بس ولا مره طلع ويايه بمهمة للشركة .. ووحده من العصريات اني كاعد ادرس داوود طبعا النذل داوود يعرف الدرس مالتهه بس مجرد حتى يشلع كلبي يكول مدا افتهم واني عصبي وياه ودك التلفون سمعت صوت عبيس .. عمي ابو داوود اريد اجي يمك ممكن ... كتله وليدي ما تحتاج اتخابر البيت بيتك .. ضحك داوود النذل ضحكة جبيرة وكال اليوم عدنه خوش نصبه .. كتله احترم حيوان هذا خطار ابوك .. رفع كذلته اللي مثل ذيل الصخل وكال باب هوه المثل عبيس خطّار .. هذا مجرد نصبه انطينياه اتلث ساعات افتر بيه بالولاية وراح اجيبلك وارد ولا احسن مهرج او قرد يفتر ويّايه .. طبعا صدك اعرف بامريكا ميصير تتضرب الجهال ومن هذا الخرطي .. مديت ايدي على نعالي وما شفت الا كذلت داوود بالهوه من شدة الركض .. كعدت يا وليداتي وانتظر جيّت الشفية عبيس .. اجه عبيس مرتب وحليو بس امبين حيل حيل تعبان كلّي عمي ابو داوود اني بطلت من هاي الكوبية ماريا .. كتله انه اخو حمده ها وليدي جنكلت وين ويامن مكسيكيه لو.. بس لا على ام القل ودل ووراهه تجينه العمارة ام العظلات .. كلي اني قررت اتزوج من لحمي ودمي .. كتله يا ستار تتزوج منو .. كلي اريد اتزوج عراقية من لحمي ودمي امأصلة بس ما اريد اطعن ماريا بضهرهه.. واني انكليزيتي مو هاكد .. بلكي انته تجي اليوم لعصر لهذا العنوان اللي هو بيت ماريا حتى اشرحلهه بشكل حضاري كل واحد ايروح بطريقة والزواج قسمة ونصيب.. كتله وليدي انته فكرت بهذا القرار قبل ما تاخذه .. كلي عمي ابو داوود هي اصلا علاقتنه منتهية من زمان بس آني لان ابن اصول كلت اخلي ماريا بالصورة .. كتله بارك الله بيك وليدي شوكت تريدوني يمكم .. كلي بعد ساعتين .. كتله واني حاضر وليدي . رحت وبسرعة اخذتلي دوش ولبست ملابسي وكعدت بالصالة انتظر لحين ما يجي الموعد .. وفجأة اندك التلفون كلت منو طلعلي صوت مرية كلتلي عمي ابو داوود بسرعة انته يجي .. كلتلهه منو كالت اني ام خايب .. كلتلهه بنيتي الموعد بعدله ساعتين .. كالت أي موعد كلتلهه غير اكو اتفاق ويه عبيس ان اجي اني واترجمله بعض الشغلات .. جان اتكلي نو نو نو .. الآن الآن ابو داوود .. كلت ويه روحي هاي روحهه مفرفحة من فراك عبيس كلت خلي اروح واشوف شنو السالفة ...
طبعا ما ردت ادخل بغياب عبيس بس كلت بلكت اصير محظر خير
ام خايب ..العفو ام غايب ما افتهمت منهه بس البجي..واتصيح ..كلت ويه روحي افلت احسن اخاف عدهه اخ مثل جيفارا لو كاسترو واشوف روحي مو كدام عمارة عضلات لا .يمكن دبابات وكلاشنكوفات عدهه ادين ..وهيه تبجي اقتربت من الباب للهزيمه اشو فجاة انفتح الباب ودخل عبيس برازيلي
طبعا ماريا من شافتهه بطلت بجي وصارت هادئه...يا سبحان الله
عبيس دخل مو يتطوطح يمكن كل تجار مخدرات كولومبيا كاعد ايسون تجارب عليه..عبيس كعد وحط رجل على رجل وصاح..يلّه ابو داوود ترجم بامانه وابسرعه..كتله ولك عبيس هاي اشبيك لا سلام ولا كلام احترم شيباتي ..صاح ما اريد احجي أي شي كلله اني كود بباي..كتله تقصد بباي هذا ابو الكارتون ..كلي لا..اقصد اريد اتركهه مثل النعال
طبعا ماريا تعرف اهواي كلمات عربي من القاموس من سمعت كلمة انعال ..كالت هو يلبس نعال لا اجلبه أنا
كلت زين عدّت لحجايه على خير ...كلتله ام خايب العفو ماريا شنو المشكله ورجعت ماريا تبجي بحرقه واتصيح..انه غبي احمق رائحته نتنه وكثيرا ما اطلب منه الصلاة حتى يكون نضيفا ..
وجان ايصيح عبيس برازيلي بغضب : عيّارة مكّارة ام الصنان اني صدك وكفت عندي شغلة اشلون اترجم عيّاره مكّاره و ام الصنان ( اخوان ناقل الشتيمة ليس بالشاتم حلوة هاي شاتم مو ) اشو هاي اتصركعت وصاحت ..انا ام خايب فمن هذه ام الصنان.. ضلّيت ابلعم وما اعرف شلون اترجملهه هاي ..كلتلهه هذا بخور في الشرق كريه الرائحة النذل عبيس برازيلي صاح من يمّه : ترجم بأمانة .. ترجم بأمانة أبو داوود كمت ابلعم اشو على وجه ماريا لا بين الغضب ولا استغراب غير طبيعي وكالت عندكم كريه الرائحة تسموه الصنان .. كلتلهه نعم كالت .. لماذا تصنعونه ومن يشتريه .. شوفوا بنت الكلب عافت كلشي وما فكرت بس بالاقتصاد كلتلهه هناك بعض الناس تحب الرائحة غير الطيبة كالت فكرة مدهشة .. أبو داوود اريد عود صنان .. عبيس النذل صاح من يمه على شنو اتجيبلهه بخورصنان اشو الليل كلّه يمهه ماكو غير ريحة صنان مركز .. كتله كافي عيب احجي شي بيه خير تره بعد ابطل وما اترجم لأن طكت روحي منك .. وعيب مو كلشي اكدر اترجم لهاي المسكينة .. صاح عبيس خلي اطّير هاي الشلنفص.. شو اخوان ماريا من سمعت كلمة خلي اتطير كالت بعده يحبني ويريدني ان اطير برومانسية مثل الشلنفص .. وكفت عن الحجي فجأة وكلتلي ما هو الشلنفص أبو داوود يا اخوان افتر راسي تعال واحد اشلون ايترجم شلنفص ضليت صافن مثل الاثول.. عبيس النذل كال ترجم عيني ترجم ..وماريا بين على وجهه الانزعاج واقتربت مني وكالت لماذا لا تترجم يا أبو داوود هل الشلنفص شتيمة مثل اخرس هزّيت ايدي وكلتلهه لا يا بنتي الشلنفص شلون عدكم يعني يا بنتي هناك تغيير فيزياوي يحصل على المرأة فتتحول نفسيتها من الناحية الايجابية الى السلبية ( كمت امسلت بالترجمة واتحدى أي واحد ايترجملي شلنفص ) صرخت ماريا يعني انا مشاعري سلبية.. عبيس كام ووكف واطوطح وشعل لايته بغضب وكال هيّه هاي السلوكية هم عدهه مشاعر ارتجفت لارا وصرخت ماذا تعني سلوكية ما ادري ليش
اتذكرت منتظر الزيدي وهو يصيح على بوش انته كلب كلتلهه يقصد انك كلب وغمّضت بعيني وكلت راح تطفر وتهفني بنعال لو قندره مثل منتظر اشوف هاي الملعونة اجت باستني وكلتلي شكرا اونكل .. واندارت وابتسمت لعبيس برازيلي وكالتله هل من المعقول انك لا زلت تعتقد انني مثل الكلبة وفية ورائعة عبيس حبيبي
وسالفتنه الجايه اكمل الترجمه مال قصة الحب هاي .. وعذروني وليداتي لان كلت جم كلمه مو حلوه بس اني للامانه شلت اهواي كلمات
اضحكوا وكلهه اتصير اسوالف
