الرسائل

1

الهجرة و واللاجئين / رد: أتمنى أن لاتكون حقيقه... وقبل السفر يوم الاثنين 15 /03

« في: 00:58 10/03/2010  »

أعزائــي
           شـكرا جزيلا لجميع أصحاب الردود وللإيضاحات التي قدموها أي هسه ياله  ابتسمت      ... أن شاء الله من باجر راح نحضر باقي الجنط ... وأن شاء يا ربي تحقيق الأماني للجميع ورحمه الله والديكم ... أن شاء الله من  راح نوصل بالسلامة  وأنتم أيضا وبأسرع وقت ... راح أكتب لكم عن التفاصيل وأكون حاضر لأي مساعدة

وســلامتكم

نائـل 

2

الهجرة و واللاجئين / رد: أتمنى أن لاتكون حقيقه... وقبل السفر يوم الاثنين 15 /03

« في: 02:41 09/03/2010  »

أعزائي
ممنون لأصحاب الردود لردودهم السريع وطامعا أكثر بآرائهم وبآراء جميع أعضاء المنتدى... خابرت أخي قبل قليل حول تفاصيل اتصالاته مع المنظمة والمعلومات التي حصلها... فقال أنه حقك ( كعائلة ) هو 820 $ هذا للسكن و(( 400 $ فود ستامب ( 6 ) نفرات)) وأن التفاصيل اللي حصل عليها في البداية كانت مشوشة لأنه كان مشغول بعمله .... على العموم هذه هي كل الفقرات ومبالغها... فما كان جوابي لأخي ...أن مبلغ الفود ستامب جدا قليل لعائلة مع ( 4 ) أطفال بحسبة عرب (70 $) للفرد...  فكان جواب  أخي... أن تدبرها عن طريق منظمات أخرى أو كنائس .. أو تعمل مباشرا... لا توجد أي فقرات أخرى ممكن أن تساعدك بي المنظمة لأنه ما من الممكن أن تتعارك معهم نقطة رأس السطر.
ياجماعة ما أعرف هل أني شخص متطلب أو خائف من التجربة وهو اللي ماأعتقده لان أخوكم تقريبا 4 سنين مترجم بعدة شركات مختلفة والحمد لله أصبح لديه خبرة بطرق التعامل بس أحجي لكم الصدق أن الموضوع  شكل صدمة لنا وللخطط اللي خليناها أني وزوجتي ...(وهي راحت نامت هسه من الصدمة على شلون ندبرها) ...منوا يشتغل يدرس ونتناوب بالأدوار من يبقى يم ألاطفال ومرتبيين حالنا على هذا الترتيب ... ووفق  المعلومات المتحصلة من العوائل التي وصلت أمريكا ...اللي تعرفنا عليها في سوريا ولو أنهم ليسوا في ميشغان.... ومن خلال المنتدى جازى الله أعضائه اللذين أخذوا من وقتهم لانارة الطريق لمن بعدهم حول المعونات وتفاصيلها ...أن تكون فترة معقولة تمكنني بترتيب حياة العائلة والاوراق ومن ثم أيجاد عمل والتحضير للدراسة ونخلي شهادة بالجيب مثل ما كال الوالد ويمكن أن تتفقون معي حول الشهادة.
وكان ببالنا أكو فروقات  بين ولاية وأخرى يعني الواحد مراح يحصل على حار وطيب ومكسب بس مو هيج الحجي.
طولت السالفة عليكم ...أدعوا الجميع للإبداء وطرح معلوماتهم حول الموضوع ... ونقاشي معكم...هل أذا قبلوا بنقل الملف لغير ولاية أنتظر في ميشيغان حتى تأتي الموافقه لو شلون  والمصاريف أشكد و شلون ممكن أن نقللها لأنه وقت السفر قريب ولتعميم الفائدة للجميع ..ممكن أني شويه نكناكي حول معرفة كل شي بس أعذروني أن الاحساس بمسوؤلية عائلة يسبب الشيب ويضخم التوتر النفسي والفكري ... للعزاب  لا تفتهموا بالغلط  أنه نادم على الزواج... بسبب طبعا بأنها مرحلة مو سهلة وخصوصا للي عنده عائلة... بس أحب أن أخطط لكل شي ومن الله التسهيل.

وسلامتكم
نائـل

3

الهجرة و واللاجئين / أتمنى أن لاتكون حقيقه... وقبل السفر يوم الاثنين 15 /03

« في: 01:48 08/03/2010  »

أعزائي
أرجو مساعدتكم أو أي مقترح ممكن وبالسرعة الممكنة...ملخص الموضوع أنه نحن عائلة و من 4 أطفال ماشاء الله خير وبركة... كنا في سوريا لمدة( 2 ) سنتيين ولم يحالفنا الحظ مع  الـ يو أن...ألا بمقابله وحيده فريده بكفر سوسه...وبعد اليأس رجعت  الى بغداد وعن طريق الـ أي أو أم بغداد أكملنا الاجراءات المطلوبة وتم تحديد السفر الى ميشغان ... لانسنغ ...في يوم 15/3/2010 أي مابقى شي وأن شاء الله للجميع بالموفقية و بتحقيق الاماني .
الموضوع أتصلت المنظمة بأخي اللي موجود هناك واللي عنده  ألاس أي في   قبل يومين وأبلغوه أن تم تخصيص 820 $  فقط     (( توتل )) للعائلة أيجار700 $ مع ما تبقي 120 $ فود ستامب للكل( 6) نفرات يعني... وأرادوا أن يقنعوه أن يوقع على 200 $... أخي يدفعها لاكمال...المبلغ ليكون ملزم بدفعها أمامهم  وبالنتيجة يعني من جيبي...  لكي يصبح 1020 $ لاغير... أعتقد للكهرباء وماء... ما أعرف !!! ... على العموم قال يعني وبناءا على قول المنظمة  من أطلع رجلك من الطيارة لازم تشتغل عدل وكبل ....
فكان جوابي هو أكو شي بليه لايسنس...يعني مثل واحد يذب زرك من الجسر الحديدي ...
مع ذلك طلبت  أن لا يوقع على أي شي ويعطيني الفرصه للسؤال وأن أطلب أيضاحات من بغداد أي أو أم لتغيير الولاية ... أو أتصل بألاصدقاء وأنتم خير الصديق ....ولا أخفيكم سرا أني أنصدمت من هاي الحاله............وأفترض ((  أحلم )) مقدما, أن سوشيل وركر مافهمه على كل شي ....
والصدمة الثانية هو أذا صحت هذا الحجي... كيف راح أرجع ... اللي أكدر أن أرجعه من الغراض اللي بعتها... والاشترينها منو مشكله ...
بنتي الصغيرة كالت يعني مراح أنروح لامريكا... يعني أكدر أن اطلع بطانيتي الجديد وأتغطى بيها !!!! كتلها : طبعا تكدريين هيه ألج... مو لامريكا
وأرجو أن لا أكون طولتها عليكم...
سؤالي هو ومن خلال كرمكم تفضلكم بوقتكم 
شنو موضوع المساعدات ب 2010  لميشيغان...وهل  أنخفضت الى هاي الدرجة يعني !! اللي عنده معلومات مفصله ومؤكدة.
وشلون أن اغير الى ولايه أخرى ومن بغداد وقبل من أطلع ولوهو أعتقد غير وارد حسب ملاحظة في أيميلهم اذا ماكو سبيل للتغيير فما كو حل غير ان أبقى  بغداد الى أن يحلها ربكم ...؟!... عندي أصدقاء في نيوورك...ألباني  من كلتلهم بالقضيه ... كالوا تعال يمنا يمعود...  أفضل بكثير وخصوصا للاطفال... ميشغان تعبانه كلش
وأذا أي أفكار منيرة ممكنه للاستفاده منها... لان الموضوع أعتقد بي فد خطأ أو هي مجرد أمنية ...
 فكلي ألكم وبين أيديكم

وســلامتكم   
 نائـل  من بغداد... صرت هل الأيام[/size]

4

الهجرة و واللاجئين / الدوران في دورائر

« في: 23:41 19/05/2009  »

السلام عليكم يا أخواني
أرجو مساعتي في حل هذه المشكله...وأريد ابدء الراي اذا امكن ...أنني في سوريا منذ ال 2007 وبدون اي استجابه من قبل ال UN ...المهم قدمت ل baghdad info وقبل شهر اتصلوا iom amman واعطوني IZ# وطلبوا نسخ من جواز ال G وهي موجوده ماعدا لابنتي الصغرى عندها S لانها من مواليد دمشق... لعمل فيزا دخول الى عمان لاجراء المقابلات اللازمة...رحمه والديهم

لهذا طلبت منهم ان يكون مكان أجراء المقابلات في بغداد لعدم تمكني من اصدار ال G الا من بغداد...يعني راح أرجع ويه بنتي لبغداد فلا يوجد  سبب يدعونني للذهاب لعمان وان يكون المقابلات في بغداد ... وهذا ما أخبرت بي جماعت عمان فقالوا ماكو مانع عندهم يمهم يم بغداد بس لازم يجاوبوك ((بغداد)) حتى تتحرك ولانها اسرع وافضل ...وبيني وبينكم ...جزعت من من الصرف وبدون عمل كل هاي الفترة !!!!!
وهو ماسيتكرر في عمان من الانتظار القاتل وانخفاض بالميزانية العمومية التي هي اصلا اكلتها الارضة.

 المهم لحد الان ماكو جواب من iom baghdad على رغم وابل القصف الايميلي عليهم ... واني حاير شلون اتصرف وان لاتكون بخطوة غير محسوبه
فأرجو من الجميع أي  فكرة أو راي ان يسعفنا او حتى سامع بهيج حالة ... وأنتم بريأيكم بلسم الجراح كل هذه الفترة ومنتداكم الرائع.

ولكم جزيل الشكر والامتنان

نائل

5

دردشة منتدى الهجرة واللاجئين / الدوران في دوائر

« في: 02:10 14/05/2009  »

السلام عليكم يا أخواني
أرجو مساعتي في حل هذه المشكله...وأريد ابدء الراي اذا امكن ...أنني في سوريا منذ ال 2007 وبدون اي استجابه من قبل ال UN ...المهم قدمت ل baghdad info وقبل شهر اتصلوا iom amman واعطوني IZ# وطلبوا نسخ من جواز ال G وهي موجوده ماعدا لابنتي الصغرى عندها S لانها من مواليد دمشق... لعمل فيزا دخول الى عمان لاجراء المقابلات اللازمة...رحمه والديهم

لهذا طلبت منهم ان يكون مكان أجراء المقابلات في بغداد لعدم تمكني من اصدار ال G الا من بغداد...يعني راح أرجع ويه بنتي لبغداد فلا يوجد  سبب يدعونني للذهاب لعمان وان يكون المقابلات في بغداد ... وهذا ما أخبرت بي جماعت عمان فقالوا ماكو مانع عندهم يمهم يم بغداد بس لازم يجاوبوك ((بغداد)) حتى تتحرك ولانها اسرع وافضل ...وبيني وبينكم ...جزعت من من الصرف وبدون عمل كل هاي الفترة !!!!!
وهو ماسيتكرر في عمان من الانتظار القاتل وانخفاض بالميزانية العمومية التي هي اصلا اكلتها الارضة.

 المهم لحد الان ماكو جواب من iom baghdad على رغم وابل القصف الايميلي عليهم ... واني حاير شلون اتصرف وان لاتكون بخطوة غير محسوبه
فأرجو من الجميع أي  فكرة أو راي ان يسعفنا او حتى سامع بهيج حالة ... وأنتم بريأيكم بلسم الجراح كل هذه الفترة ومنتداكم الرائع.

ولكم جزيل الشكر والامتنان

نائل
 

6

الهجرة و واللاجئين / رد: الفرق بين اللجؤ IOM والهجره الخاصهSIV

« في: 17:56 03/03/2009  »

مرحبه شباب أخونكم ..يسأل عن رقم المقابلات ال IOM لوين وصلت في بغداد ..أفيدونا اذا احد عنده علم بالموضوع ولو تقريبا...ولكم جزيل الشكر .