الرسائل

1

الهجرة و واللاجئين / رد: اعادة التوطين؟

« في: 17:29 18/04/2009  »

شكرا على الردود والله يوفقكم.. اني قابلت وكالولي عالاغلب امريكا!! وطولت المقابله ساعتين ويه محاميه اردنيه كالت هي اللي راح تعرض قضيتي وكالت انه راح يتصلون بيه مره ثانيه من شهر الى 3 اشهر وشلعت كلبي اسئله وركزت على موضوع الرجعه للعراق!!! بس جانت متعاونه شويه الحمدلله والله كريم والله الانتظار مزعج بس شنسوي... انشالله الكل موفقين وتتسهل اموركم يارب

2

الهجرة و واللاجئين / رد: اعادة التوطين؟

« في: 11:39 13/04/2009  »

اختي العزيزة مبروك التوطين
بالنسبة للبلد تم توطينج على امريكا تمنياتي بالتوفيق ان شاءالله

عفواً حظرتج في اي بلد وهل عائلة او لوحدج

تحياتي

ahmmed2 مشكوووور بس شمدريك على امريكا؟ شلون عرفت؟ الله يسمع منك.. اني حاليا بالأردن وحدي مو عائله

ابو جيهان مشكووووور بس يعني بعد المقابلات وشلعان الكلب اكو احتمال رفض لو لا؟

3

الهجرة و واللاجئين / رد: اعادة التوطين؟

« في: 11:06 13/04/2009  »

مبروك انشاءالله يحددولج البلد باجر ويوم السفر انشاءالله

الله يسمع منك ابو الحظ ويبشرك بالخير انشالله.. بس اني مقابله مقابله وحده بس!!!! يعني شلون باجر يحددولي موعد سفر؟؟؟ بس همه كالولي جيبي جوازج واربع صور!!

4

الهجرة و واللاجئين / اعادة التوطين؟

« في: 10:28 13/04/2009  »

مرحبه شباب وبنات اشلونكم؟ انشالله الكل بخير... اليوم خابروني اليو ان وكالولي مبروك طلعلج اعادة توطين وباجر تعالي لليو ان وجيبي وياج جوازج و4 صور.. علما انه اني مقابله مقابله وحده وهي المقابله الاولى قبل شهرين ونص... ممكن اللي يعرف يكلي شنو اعادة التوطين؟ وشراح يسوولي باجر؟ يعني شنو مقابله ثانيه لو شنو؟ وادعووووووولي

5

الهجرة و واللاجئين / رد: سؤال محيرني

« في: 13:44 07/03/2009  »

ماكوا اي علاقة واكوا اكثر من طريق لتقديم اللجوء اتمنى ايكون الكلام نفسه في كل مقابلة لان عند تغيير المعلومات راح ايسوي ارتباك
تحياتي

شكرا storm2000 انشالله الكل موفقين وماكو اي ارتباك

6

الهجرة و واللاجئين / رد: سؤال محيرني

« في: 17:13 05/03/2009  »

لا اختي ما الها علاقه ...قدمي 100 فيزا + رفضها ... لايؤثر ابدا

اتكولي على الله ولاتخافين لان هذا من تجربه اصدقاء عندي

تحياتي والموفقية للجميع

شكرا NAZGOL متدري شكد جنت محتاجه اعرف الهه علاقه لو لا... ومتدري شكد فرحانه اني عوضه بهالمنتدى الحلو واللي محلي الناس اللي بي.. الله يوفقك ويسهل امورك وامور الجميع يارب

7

الهجرة و واللاجئين / رد: سؤال محيرني

« في: 21:03 04/03/2009  »

اختي العزيزة

الاعتماد على رب العالمين ....اختي حسب علمي الفيزة الها ظوابط وشروط خاصة ,,,اما المفوضية السامية لشؤون اللاجئين فهي تختص فقط بطلبات اللجؤ الى دوله اخرى بسبب الظرف الذي يمر به بلدك ...يعني باختصار الحجي لايوجد ربط ولا اي مساعده من قبل المفوضية بالتقديم على الفيزا الى اميركا

تحياتي

المقصود بسؤالي يعني اذا اقدم على فيزه بالسفاره مباشره و يرفضوني اليو ان عدهم مشكله بهذا الموضوع؟ لو ما الهم دخل؟

8

الهجرة و واللاجئين / رد: صحيح اللي سمعته لو لا؟

« في: 20:05 04/03/2009  »

ممنون على الموضوع بس اخوان عندي سؤال ، احنه مجموعه من العوائل عدد 6 في سوريا اتصلو بنا بتاريخ 21 - 1 -2009 من السفاره الاستراليه في عمان وقالوا لنا انه لدينا مقابله خلال اسبوعين ولم يحددوا اليوم ولم يتصل بنا احد لحد الان منذ شهر تقريبا فهل المشكله من عندنا ام ان هناك اسباب للتاخير وهذا الامر طبيعي بسبب الحرائق في استراليا ، ارجوا مساعدتنا والرد لطفا على هذا البريد الالكتروني faezzeaf@yahoo.com  او عبر هذا المنتدى مع كل الامتنان

اخ faezzeaf اذا همه مخابروك مره ثانيه ومحددولك موعد معناها مو منك الغلط حسب ما اتوقع بس انشالله هنا راح يجاوبوك وينصحوك شتسوي وانشالله خير


اخت lenatelecom الله يبشرج بالخير انشالله ويسمع منج يارب ويسهلج امورج

9

الهجرة و واللاجئين / سؤال محيرني

« في: 18:59 04/03/2009  »

مرحبه انشالله الكل بخير.... عندي سؤال محيرني واريد اعرف اجابته اللي مقدم على اليو ان يحقله عادي يقدم على فيزه بالسفاره الأمريكيه؟ يعني اذا مثلا قدم وارفض لاسامح الله اليو ان الهم دخل بهذا الموضوع لو معليهم؟ لو همه هم يرفضوا عالواهس؟ يعني هاي شغله وهاي شغله لو ثنينهم مرتبطين سوه؟ ياريت لو تجاوبوني جواب اكيد لأن اني معتمده عليكم والله يسهل امور الجميع انشالله

10

الهجرة و واللاجئين / رد: صحيح اللي سمعته لو لا؟

« في: 14:10 04/03/2009  »

اخوان اني اتصلت بال الاي او ام  وطلع واحد كلي اتفضل كلتله اخويه اني اريد استفسر عن الفيزا  كلي احنا متصلين فيك كلتله لاء كلي خلص احنا ابنتصل فيك  وبعدين قبل ميسد التلفون ابوجهي كلي انطيني رقم الملف مالتك انطيته الرقم كلي هسه ماعندي برنامج  وسد التلفون وبعد نص ساعة اتصل عليه على الموبايل  كلي حظرتك فلان كلتله اتفضل كلي انت قبل اشويه اتصلت بالمنظمة كلتله اي وبعدين شرحتله التاخير ابمعاملتي من شهر الرابع 2008 امكمل الفحوصات وماخذ الموافقة  كلي اوكي انت ملف مابي شي وكفيلك اموقع على الاوراق بس علينا زخم اشويه انشاء الله ابهل الفترة نتصل فيك مشان الدورة التثقيفية وما اعرف صدك لو هم تخدير اعصاب وانشاء الله يكون صحيح اني اكول انو هم الي بالمنظمة امخربطين مو صوج من امريكا والله يوفق الجميع

انت عالاقل جاوبوك اني شكد اخابر محد يعبرني!!! انشالله خير واللي سمعته انه همه فعلا ديمشون هوايه ناس هسه وبالذات المتأخرين وصارلهم كومه دينتظرون انشالله خير والله يوفقك وتصير شغلتك بأسرع وقت ممكن

11

الهجرة و واللاجئين / رد: سؤااااال

« في: 22:33 03/03/2009  »

مشكورين raak و zozololo وانشالله الله يسهلهه عليه وعليكم وعالجمييييييييع يارب

12

الهجرة و واللاجئين / رد: سؤااااال

« في: 17:43 03/03/2009  »

شكرا raak اني بالاردن

13

الهجرة و واللاجئين / سؤااااال

« في: 17:23 03/03/2009  »

شلونكم اليوم؟ انشالله الكل بخير... اريد اسأل ليش اليو ان ميجاوبون عالتلفون ابد؟ والاي او ام تلفونهم داااائما مشغول لو محد يجاوب؟ اكو احد يعرف ايميل اليو ان؟ شكرااااا

14

الهجرة و واللاجئين / رد: صحيح اللي سمعته لو لا؟

« في: 01:53 03/03/2009  »

زين اختي هذا السمعتيه شكد نسبة الموثوقيه من المصدر مالته وشكد احتمال ان يكون مجرد تمني من ناس ارواحهه طالعه من الانتظار؟؟؟؟

زين وهذا الحجي الحلو يشمل بس اللجوء لو الهجره الخاصه (اس اي في ) هم؟؟؟؟

والله اني عندي شعور انه كلامج مضبوط مجرد شعور والل دا اشوفه بالمنتدى وبلكي توضحين اكثر

اول شي انشالله يكون الحجي صحيح طبعا كل شي بأرادة الله واكيد كل هذا الانتظار والصبر والتعب مراح يروح عالفاضي صح الانتظار صعب ومقلق واعصابنه تلفانه بس منكدر نكول غير الله مينسه احد وانشالله يفرجهه عالجميع

الحجي اللي سمعته اولا سمعته من ناس مقدمين عاليو ان وثاني شي من ناس عدهم اتصال مباشر باليو ان اني ما اعرفهم مباشرة بس بنيه اعرفهه تعرفهم وصار الحجي كدامي عالتلفون وطمنوهه وكلولهه هالسنه انشالله احسن من اللي قبلهه بالنسبه لكل معاملات الهجره وانشالله صحيح الحجي لأن اني حالتي مثل حالتكم وحاسه بيكم واعرف الموضوع شكد صعب بالنسبه للجميع والانتظار والصبر وعدم الاستقرار كلهه امور صعبه وانشالله بأذن الله تصير سوالف وتمشي امورنه ويجي يوم تصير كلهه سوالف انشالله

ومادام احنه دنصبر وننتظر وندعي ونسعي لازم يجي يوم والله يفرجهه ولتنسون الدعاء والله كريم

15

الهجرة و واللاجئين / رد: صحيح اللي سمعته لو لا؟

« في: 20:17 02/03/2009  »

انشالله ياب اني ممتأكده من الخبر بس هاي صار كم مره دا اسمع نفس الحجي انشالله يطلع صح والله يسهلهه علينه وعليكم وعالجميع ونستقر ونرتاااااح يارب

16

الهجرة و واللاجئين / صحيح اللي سمعته لو لا؟

« في: 15:25 02/03/2009  »

مرحبه شباب وبنات شلونكم اليوم؟ انشالله الكل بخير.... اليوم سمعت من ناس انه معاملات اللاجئين واليو ان راح يسهلوهه ويسرعوهه بهاي السنه 2009 بالذات للسنكل اللي وحدهم اكو هيج حجي؟ صدك لو لا؟ انشالله الحجي صحيح والله يسمع الكل الاخبار الحلوه عن قريب انشالله........ دعوااااااااااااااتكم

17

الهجرة و واللاجئين / رد: محتاجه نصيحه

« في: 12:29 02/03/2009  »

والله دزيتلهم ايميل البارحه والى هسه ماكو اي رد ودا ادك عليهم لو محد يشيله لو مشغول!!!! عالعموم اذا سمعت اي رد منهم ابلغكم.... ادعولي

18

الهجرة و واللاجئين / رد: محتاجه نصيحه

« في: 02:44 02/03/2009  »

مشكوووووور nazgol راح ادزلهم ايميل ويه ورقة اليو ان واشوف شيجاوبون انشالله خير مشكوووورين وشكرا عالايميل مجان عندي تسلم

19

الهجرة و واللاجئين / رد: عندي سؤالين الرجاء المساعده

« في: 02:41 02/03/2009  »

مشكووووووورين والله يسمع الجميع الاخبار الحلوه ويوفقكم يااااارب محتاجه الدعااااء ادعولي والله يفرجهه عالجميع يارب وشكرا لتعاونكم

20

الهجرة و واللاجئين / رد: محتاجه نصيحه

« في: 20:29 01/03/2009  »

مشكورين عالردود اني المقابله اللي قابلتهه باليو ان جانت مقابله عاديه واول مقابله ولا ماعندي اقارب درجه اولى بأمريكا ولا مشتغله ويه الامريكان وهاي الشروط اني اعرفهه بس اللي مستغربتله انه اللي قابلتني كالت روحي قدمي عالاي او ام حتى تضمنين حقوقج!!! وحتى انطتني عنوانهم بالأردن!! زين معقوله هي متعرف بهاي الشروط؟ اكيد تعرف واني حجيتلهه قصتي وتعرف اني ممتوفره عندي هاي الشروط زين ليش كلتلي روحي قدمي هناك؟

21

الهجرة و واللاجئين / رد: عندي سؤالين الرجاء المساعده

« في: 20:20 01/03/2009  »

مشكورين عالأجوبه الله يوفقكم يارب فعلا التفكير بالموضوع متعب بس الانتظار هم متعب انشالله الله يسهلهه عليه وعليكم وانشالله كل امورنه تمشي بسرعه يارب والحمد لله اطمنت شويه من عرفت انه دائما ياخذون رؤوس الاقلام لأن هذا الموضوع جان قالقني بشكل مو طبيعي واني سويت اللي عليه والله يسهل مشكورين مره ثانيه 

22

الهجرة و واللاجئين / محتاجه نصيحه

« في: 16:09 01/03/2009  »

اني قابلت اول مقابله باليو ان يوم 2-2-2009 واللي قابلتني كالتلي بالحرف الواحد اروح اقدم عالIOM حتى اضمن حقوقي!!! اني اللي اعرفه انه الIOM للمشتغلين ويه امريكان ولفيزة المترجمين وبما انه اللي قابلتني كالتلي اروح اقدم هناك يعني اكدر اروح اقدم لولا؟ مسموحلي؟ بشنو تنصحوني؟

وشكرا للجميع والله يسهل اموركم يارب

23

الهجرة و واللاجئين / عندي سؤالين الرجاء المساعده

« في: 16:03 01/03/2009  »

مرحبه شباب وبنات اني جديده بالموقع بس كلش عجبني تعاونكم مع بعض وانشالله الله يسهل امور الجميع

اني قابلت اول مقابلة يو ان بالأردن يوم 2-2-2009 يعني قبل شهر بالضبط وعندي سؤالين وياريت اتساعدوني

اول سؤال شكد تقريبا موضوع اليو ان كله ياخذ وقت؟ خاصة بالنسبه للي وحده لا عائله ولا شي مثل حالتي يعني؟ وشوكت محتمل يخابروني علمود مقابله ثانيه؟

السؤال الثاني البنيه اللي قابلتني حجيتلهه قصتي بالتفصيل بس اللي كتبته هي عدهه عالكومبيوتر مختصر كلش يعني من قرتليا كتلهه انه هذا مختصر كلش بس معدلته هي ركزت على شغلات بسيطه وعافت المهمات عادي هاي الحاله تصير؟ من يوم المقابله لليوم اني ضايجه من هالسالفه   

وشكرا للجمييييييييع والله يوفقكم