الرسائل

1

الهجرة و واللاجئين / رد: دمرني الاس اي في... الرجاء المساعدة اخوان

« في: 15:15 14/04/2009  »

اخوية العزيز بالبداية اسال الله يسهل امرك وامر الكل .
بالنسبة لموضوعك اريد اسالك على شي واحد ممكن تذكرلنة شنو الاعمال السابقة الي انتة عددتهة للقنصل . لان القنصل ناطيك 221 فورم يعني رفض موقت و اني برايي هوة صار عندة شك بشغلة من هاي الشغلتين : اول شي وحدة من الاعمال السابقة اثارت انتباهة والشي الثاني والاهم هوة بصماتك انتة مكتلنة اخذو بصماتك بس هوة اكيد سواهة فاكو احتمال ان تكون بصماتك ولسوء الحض مشابهة لبصمات مثبتة يمهم وهذا شي وارد وصايرة بغير مكانات مو بالسفارة الاميركان عدهم داتة بيس كبيرة و خصوصا للبصمات وبذلك ممكن انو همة يجيكون بصمتك وياخذون وقتهم وبعدين يصيحوك وينطوك الفيزة وفوكاهة بوسة ..... ولو الفيزة وحدهة كفاية وعمي منريد بوستهم ..... اخوك FOOL

2

الهجرة و واللاجئين / رد: ماناخذ ومالاناخذ في حقيبه السفر

« في: 15:01 14/04/2009  »

شباب اني يمكن مشاركاتي كلش قليلة وياكم بس دائما اتابع ومعجب بهذا البيت العراقي الناجح , بالنسبة لموضوع الاكل بالطيارة ترة اختنة العزيزة انجي كلامهة جدا صحيح لان اي اكل ميدخل للطائرة الا اذا كانو جماعة المطار متساهلين . اما من ناحية القانون فمنظمة الصحة الدولية WHO منعت دخول الاكل للطيارات من سنة 2004 ولعدة اسباب من ضمنها استخدام الطعام لتهريب اسبورات لجراثيم خطيرة متضهر الا بعد ترطيب الطعام و تحليلة . يعني اذا انتو بفد بلد شديد التدقيق فمو ممكن تصعد اكل للطيارة اما من تنزل فتعذرني نهائيا متكدر تدخل اكل لاميركا وهذا حسب كلام صديقي الي زار اميركا قبل اسبوع وكان طريقة من مطار شارل ديكول بفرنسا الى اميركا وكان ماخذ وياه حلويات شرقية من مدينة برست الفرنسية ومن محل معروف عالميا وايضا مقبلو شرطة المطار يدخلون الحلويات لاميركا . شكرا اختي العزيزة انجي على كلشي نصحتينة بي وعلى كل المساعدات الي قدمتيهة والي لازلتي تقدميهة . تقبلو مرورري اخوكم FOOL بس لتترجموهة لان هية مختصر من هواية كلمات و ما اقصد بيهة الكلمة الاصلية

3

الهجرة و واللاجئين / رد: اهم شي تسويه بعد وصولك لاميركا

« في: 14:04 27/03/2009  »

شكرا اخي لوفلي بوي على الموضوع :

بس اريد اسالك احنة اول منوصل نكدر نفتح حساب بالبنك لو لازم ننتضر السوشيل سكيورتي نمبر ؟


      اشكرك جدا

4

الهجرة و واللاجئين / رد: بعد حصولي على الفيزة SIV هل استطيع السفر عن طريق الاردن؟

« في: 11:55 13/03/2009  »

اخوية علاوي اول شي الف مبروك على الفيزة ويرب توصل بالسلامة .

زبالنسبة لموضوع السفر مالتك اني اشوف انو انتة متدوخ نفسك بتفاصيل ممكن تسببلك متاعب يعني اتبع الطريق الي كل اصدقائنة اتبعوة وجاب نتيجة و وصلو مرتاحين  والي هوة : روح لفندق فلسطين لمكتب الحجوزات وهمة راح يطلعولك مواعيد الرحلات بالكومبيوتر ويحجزولك ترانزيت يعني انتة من العراق يكون عندك كل البطاقات الي راح تحتاجهة الى ان تدخل امريكا بهيج حالة من تمر بالاردن تمر ترانزيت محد يكدر يحجي وياك وللعلم اكثر طلعات امريكا دتكون كمايلي بغداد - مسقط - نيويورك - ولايتك او  بغداد - لبنان - نيويورك - ولايتك واذا تريد اني اعرف شركة مال سفر سافر بيهة صاحبي بس كلي ادزلك الرقم مالتهم كلش مضبوطين واتمنالك الموفقية .
                                             اخوك FOOL بس لترجموهة لان هاي مختصر اهواية كلمات وما اقصد بيهة الكلمة الحقيقية

5

الهجرة و واللاجئين / رد: ارجوكم انا حبيبتي في امريكا وانا احمل الجنسية الالمانية كيف اهاجر الى اريزونا

« في: 20:14 11/03/2009  »

اخوية العزيز  vincenzo  هسة دعوف الولد بلكن يروح لحبيبتة ويرتاح , مكافي احنة دننتضر الادمنستريتف بروسس وكلبنة خلصان هوة ماعندة ادمنستريتف بروسس يعني كلبة بعدة بحيلة فمن حقة يحب - اخوية اريان معليك بيهم ضل حب وخطيتك بهل الركبة . وداعتك كلهة فد عشرطعش شهر تخلص الادمنستريتف بروسس واجي اركص بعرسك . ولو شكلهة بعرس ابنك ههههههههههههه

6

الهجرة و واللاجئين / رد: ارجوكم انا حبيبتي في امريكا وانا احمل الجنسية الالمانية كيف اهاجر الى اريزونا

« في: 20:25 10/03/2009  »

اخي العزيز اريان :

اني متفاجئ جدا من سوالك لان الحقيقة الي يحمل اي جنسية اوربية يكدر يدخل للسفارة الامريكية بالمانيا وياخذ فيزة باقلايات المتحدة وينطوه الفيزة و هوة واكف اقل من ساعة صدكني بس يدكون اسمة بالحاسبة ويجيكون انو مو ممنوع من دخول للولايات المتحدة وللعلم انتة ينطوك فيزة زيارة 3 اشهر وبعدين من توصل اميركا تراجع الهجرة والجنسية وينطوك الاوراق الازمة تترسهة حتى يسووك لاجئ والف عافية حبي واتمنالك الموفقية يا وردة .... احنة خلينة ننتضر الادمنستريتف بروسس بلكن تخلص شكلهة احنة نخلص وهية متخلص .

  تقبل مروري اخوك     FOOL