Ankawa.com
montadayaat montadayaat montadayaat montadayaat
English| عنكاوا |المنتديات |راديو |صور | دردشة | فيديو | أغاني |العاب| اعلانات |البريد | رفع ملفات | البحث | دليل |بطاقات | تعارف | تراتيل| أرشيف|اتصلوا بنا | الرئيسية
أهلا, زائر. الرجاء الدخول أو التسجيل
03:27 24/04/2014

تسجيل الدخول باسم المستخدم، كلمة المرور و مدة الجلسة


بداية تعليمات بحث التقويم دخول تسجيل
  عرض الرسائل
صفحات: [1] 2 3
1  منتدى الهجرة واللجوء / مواضيع الحياة العامة في بلاد المهجر (امريكا) / رد: مهم / الى كل عراقي وصل أمريكا في: 19:11 16/08/2011
اخوية العزيز صاحب الموضوع تحياتي لك
اخي اوصيك بالصبر اني قبلك صبرت سنتين ياله طلعت هذول ناس نفسهم طويل مو مثلنه نريد الشي كون فيكون
يعني انته هسه ماعندك وسيله غير الصبر والانتظار وانشاء الله يفرجه عليك
2  منتدى الهجرة واللجوء / مواضيع الحياة العامة في بلاد المهجر (امريكا) / رد: طلب مساعدة رجاءاً في: 07:36 24/02/2011
اخوية حمادة اني مقدم على اجازة حمل السلاح
Concealed Handgun Licensing
وصارلي منتظر فترة ثلاثة اشهر يومية يطلبون شي وادزة واخر شي رادوا شهادة ميلاد من البلد الذي ولدة فيه
3  منتدى الهجرة واللجوء / مواضيع الحياة العامة في بلاد المهجر (امريكا) / طلب مساعدة رجاءاً في: 04:48 24/02/2011
السلام عليكم اخواني واخواتي الاعزاء
اخواني اني مقدم على هوية حمل السلاح في تكساس وكملت كل اوراقي والدورة الخاصه بها
لاكن مع الاسف هنالك شويه تعقيد رادو مع I-94 شهادة الميلاد خارج امريكا وماادري ياشهادة يقصدون هل هي شهادة الولادة العراقية اني عندي نسخة ومترجمه بس مامصدقه من وزارة الخارجية العراقية وماادري هيه هاي ادزه الهم لو غيرها اذا
غير شهادة زين منين اطلعها وشلون رحمة على والديكم ارجوا الاجابه لان شغلي متوقف على هذه الهوية

تحياتي لكم ياطيبين
4  منتدى الهجرة واللجوء / مواضيع الحياة العامة في بلاد المهجر (امريكا) / رد: الي وصلو الى امريكا عام 2010 خلي يتفضلون في: 04:33 31/01/2011
السلام عليكم اخواني واخواتي الاعزاء بالنسبة لي ولو شويه متاخر بالرد اعذروني لان متلهي

اخواني اني وصلت امريكا يوم 11/8/2010 ولاية تكساس مدينة دالاص المنظمة المسؤوله هي RST
المنطقه الي سكنوني بها هيه منطقه ماشاء الله بها جميع الاشكال الي الله خالقها يعني لملوم الاثاث الي خلينه لي اثاث عادي ومستعمل
اني اشتغلت في بداية الشهر 11 واول مااشتغلت المنظمة دزتلي رساله يابه انته اشتغلت عود ابريلنه الذمه بعد مالنه علاقه بيك ورحت الهم وشلعوا كلبي يالله طلعت منهم ايجار الشهر الواحد يعني المنظمة دافعتلي ايجار 5 اشهر فقط لاغير اني كنت على برنامج الماجك كراند وحتى المدكيت انقطع عني هسه عندي بس مدكيت بنتي
والله وكليلكم المنظمة كلشما سولي حتى الشغل اكو واحد وياهم يمكن جنسيته بورمي هوا جان ينطيني عنوانين مال شركات سكيورتي واني اروح وحدي اقدم عليهن والله سهلي وحصلت على عمل مع احدى شركات الامن وهسه جاي اداوم 40 ساعه بالاسبوع وجاي اخذ اجر 8 دولار بالساعه صحيح قليل بس احسن من الماكو وحاليا اني انتظر شغل سكيورتي مسلح لانني كملت الدورات كله وعندي اجازة حمل السلاح والعمل مسلح بس الشركه تكلي انتظر لمن يفرغ لك مكان واحنه نخليك بيه
5  منتدى الهجرة واللجوء / مواضيع الحياة العامة في بلاد المهجر (امريكا) / رد: التاكس ريترن ...موضوع قديم جديد في: 06:24 27/01/2011
اخوية العزيز blanco اني تاريخ دخولي الى امريكا 11/8/2010 يعني بعدك بكم يوم
خوية اني تقريبا راجعت حوالي 7 مكاتب مال تاكس واكو مكاتب تسال انته شنو امريكي مقيم لو شنو فيكون جوابي اني لاجئ وعندي I-94 وعادي يطلعولي تاكس باك وجماعة واياي هواي هم لاجئين يعني مو مقيمين ماادري انته ليش متحوف من الشغله زين انته مشتغل وعندك فورم W2 غصبن عليهم يطلعولك فلوس توكل على الله وشولفلك كم مكتب تره مرات السعر يختلف وبعد كم يوم هم راح اروح اشوف غير نماتب لمن اجزعهم واخذ فلوسي
طبعا اني مامشتغل هواي بس الشهر 11 وال 12 يعني مراح يطلعلي هواي بس انشاء الله على السنة الجاية راح تكون خوش خمطة
حبي شنو الي تريده اني بخدمتك واخاف اتاخر عليك تره اني دوامي يبدي من 11 صباحا وحتى 9 مساءا بتوقيت دالاص
6  منتدى الهجرة واللجوء / مواضيع بعد السفر / رد: سؤال مهم جدا و ارجو ممن عنده معلومات الاجابة : كيفيه حساب ضرائب الدخل في: 04:59 26/01/2011
جاوبتك اخي بموضوعك السابق
اني لاجئ وصارلي 6 اشهر من جيت امريكا وشتغلت بالشهر 11 وحسبولي ضريبه مال شهرين وراح استلم 1100 دولار
7  منتدى الهجرة واللجوء / مواضيع الحياة العامة في بلاد المهجر (امريكا) / رد: التاكس ريترن ...موضوع قديم جديد في: 04:57 26/01/2011
اكلك خوية انته هم اشتغلت بالسنه الماضية لو مااشتغلت
اني اشتغلت في بداية الشهر 11 والضريبة حسبتلي مال شهرين وسؤلوني انته امريكي كتلهم لا اني لاجئ
ومشت الشغله وهسه منطيني 1100 دولار بس اني بعدني جاي افتر على المكاتب اشوف منو الي يزود اكثر
8  منتدى الهجرة واللجوء / مواضيع بعد السفر / رد: سؤال مهم جدا و ارجو ممن عنده معلومات الاجابة : كيفيه حساب ضرائب الدخل في: 17:30 25/01/2011
السلام عليكم اخواني قبل يومين استلمت فورم W2 من الشركة الي اني اشتغل بيه وحاسبيلي مال شهرين 11 و 12 لانني اشتغلت في بداية الشهر 11 ومسوي تقريبا 2500 دولار
المهم اخذة الفورم والسوشلات سكيورتي لي وزوجتي وبنتي الي تبلغ 10 سنوات رحت الى اشهر مكتب تاكس في دالاص هوا جاكسون وضلوا يحسبون ويطرحون وتالي يابه انته الاسترجاع مالتك تره الف 1065 دولار كتله لايابه لعد وين الي يكولون آلاف مؤلفه المهم كتله عود بعدين ارجعلك ورحت لغير مكتب هم انطاني نفس المبلغ
على العموم رحت الى افريقي يشتغل بالابيض والاسود ويطلع تاكس شلون ماجان كتله يابه هاي سالفتي كالي انته زوجتك شنو تشتغل كتله بيبي ست بالبيت لاطفال الجوارين الي عدهم دوام يخلون اطفالهم عدنا
كال اوكي جيبلي ورقه من واحد يكتب بيه يابه اني جنت ادفع الى هاي العائله مبلغ فد 10000 لو 9000 دولار اجر بقاء اطفالي عندهم ولمدة ست اشهر ويكتب اسمه ورقم تلفونه ورقم السوشل سكيورتي ويوقع وجيب الورقه اني راح اطلعلك تقريبا من 7000 الى 8000 دولار وماادري هسه حاير هاي شغله عادية لو شغله بيه تلاعب على القانون
هوا يكول هاي قانونية لان انتم تستلمون كاش وكثير من الناس تستلم كاش وكثير من الناس تخسر على اطفالهم الاف على مو يحصلون بيبي ست زينه ومااعرف اريد رايكم بهاي الشغله هل اظرب ظربتي لو اضل على الاف طبعا الاف مايضل الف لان راح يجرجوني 300 دولار يعني يبقى صافي 750 دولار
9  منتدى الهجرة واللجوء / مواضيع الحياة العامة في بلاد المهجر (امريكا) / رد: تفاصيل عني وعن عملي في امريكا في: 17:55 22/01/2011
اخواني الاعزاء الله يوفقكم يارب على هذا التشجيع وهذه الردود الجميله ربي يسهل امركم يارب

حبي ابو عمار تحياتي لك ياغالي الله يوفقك ويشفي جهالك بحق محمد وال محمد

عمري واخوية بغداد في قلبي اني هواي اشكرك على خوفك عليه الله يستر عرضك
بس ياخويه مو شرط يخلوك بمكان كله خطوره هسه عندي جماعه جاي يداومون بنوك وجماعه جاي ينقلون فلوس بسيارات مصفحة يعني هواي مكانات زينه المكانات الي انته تقصده حضرتك اذا خلوك حرس في الليل بالاحياء السكنية الي يكثر بيه السود
هاي شويه تعبانه

شكرا جزيلا مره ثانية اخوتي النشامة
10  منتدى الهجرة واللجوء / مواضيع الحياة العامة في بلاد المهجر (امريكا) / تفاصيل عني وعن عملي في امريكا في: 16:52 21/01/2011
السلام عليكم اخواني واخواتي الكرام انا اسف على انقطاعي عنكم هذه المدة الطويلة والله هذه هي امريكا وعملها
واعتقد كل الاعضاء الي بامريكا يدرون شلون اذا واحد اشتغل بعد مايصير عنده مجال المهم تقبلوا اعتذاري اخواني الاعزاء

معظم الاعضاء يدورن اني وصلت امريكا بتاريخ 11/8/2010 اول شي سويته هوا اجازة السياقة وشراء سيارة لان هنا ماعندك سياره حتى عمل ماتحصل لان من تملي ابلكيشن مال عمل اهم شي يسئلوك عن وسيله النقل
المهم اخوان بعدين ثاني شي سويته قدمت على دوره مال سكيورتي مسلح والحمد لله حصلت على شهادة العمل كسكيورتي مسلح وغير مسلح وبالاضافة الى هذا حصلت على اجازة حمل السلاح بتكساس الي يسموهه CHL وقدمت على عمل في احدى الشركات الامنية وحصلت على عمل سكيورتي غير مسلح لان جان ماعدهم مكان مسلح يعني لازم انتظر شوكت يصير مجال حتى يخلوني مسلح صحيح الشركة تدفع قليل بس جاي ينطوني 40 ساعه بالاسبوع ومرات 50 والحمد لله ماشي الحال الشركه تدفع للغير مسلح 8 دولار بالساعه والمسلح 13 دولار بالساعه طبعا اكو شركات تدفع اكثر بس كلت خلي اكمل فد 6 اشهر ويه هاي الشركه على مود يصير عندي ورك هستري بامريكا وحاليا اني مكاني ثابت تقريبا بمكان يبع ملابس اسمه fallas يمكن الاخوان الي بامريكا يعرفون هذا الستور يعني شغلي بسيط والحمد لله والبارحه الشركة مالتي دزتلي على الميل بوكس فورم W2 مال التاكس وانشاء الله راح اقدم على التاكس هاي بالنسبة الى عملي
المنظمة الي اني اجيت عليه هيه RST طبعا الاخوان ماقصروا اول ماشتغلت دزولي رساله يابه ابرينه الذمه انته اشتغلت بعد مالنه شغله بيك طبعا الايجار دفعولي بس 5 اشهر وهاي هيه يعني هذا الشهر اني راح ادفع الايجار المهم اني الحمد لله ماحتاجيتهم ولا راح احتاجهم بعون الله
هاي تفاصيلي من يوم الي غبت عن المنتدى ولحد هاي اللحظة وهسه راح اروح للشغل دوامي يبدي من الساعه 11 الى الساعة 9 مساءا يعني 10 ساعات دوام واربع ايام بالاسبوع ومن الاسبوع الجاي راح ابدي اقدم على السكشن 8 هنا بدالاص اكو مكانات ماتاخر يجوز ثلاثة اشهر او اربعه يطلع اسمك
شكرا جزيلا لكم مره ثانية واي سؤال استفسار اني بالخدمة ومن ارجع بليل راح ارد عليه
11  منتدى الهجرة واللجوء / مواضيع الحياة العامة في بلاد المهجر (امريكا) / رد: مرتين رسوب في اختبار السياقة النظري في: 02:59 23/09/2010
حبايب الله يوفقكم على الاجوبه اني ممنون منكم جميعا
12  منتدى الهجرة واللجوء / مواضيع الحياة العامة في بلاد المهجر (امريكا) / رد: مرتين رسوب في اختبار السياقة النظري في: 21:30 22/09/2010
شنو يابه فرجه بلاش 14 واحد داخل على الموضوع وماكو رد
وين الخبراء اليوم غياب
13  منتدى الهجرة واللجوء / مواضيع الحياة العامة في بلاد المهجر (امريكا) / مرتين رسوب في اختبار السياقة النظري في: 17:38 22/09/2010
مرحبا اخواني واخواتي
البارحه واليوم رحت على مود اختبار سياقة في دالاص وكانت النتيجه رسوب والحمد لله
وغدا اخر امتحان سؤالي هوا اذا ارسب ثالث امتحان شنو التفاصيل الي بعده هل صحيح راح يدزوني الى مدرسه تعليم سياقه لمدة ثلاث اشهر لو يخلوني اعيد الامتحان من الاول ودفع الرسم من جديد الي هو 25 دولار
ارجوا ممن لديه خبره يسعفني حتى اذا بها تاخير ماامتحن الامتحان الثالث واذهب الى مدرسه تجعلك تتجاوز الامتحان النظري بسعر 200 دولار ويبقى العملي هذا الله يسهله
14  منتدى الهجرة واللجوء / مواضيع الحياة العامة في بلاد المهجر (امريكا) / رد: اسعار الحلاقة في أمريكا في: 15:35 19/09/2010
عيني هنا عدنه بدالاص بالمنطقه الي اني بيه عراقي حلاق يشتغل ويه المكسيكان
سعر حلاقته 12 دولار للبالغ والطفل 10 وبنفس المحل حلاقه رجاليه ونسائية
15  منتدى الهجرة واللجوء / مواضيع الحياة العامة في بلاد المهجر (امريكا) / رد: و امـــا بنعمه ربك فحدث في: 00:47 14/09/2010
والله عمي كلامك عين العقل
كلامك ذهب والله عاشت ايدك اخويه العزيز ابو عبد الله

اخوك ميثم جيرانك من دالاص
16  منتدى الهجرة واللجوء / مواضيع الحياة العامة في بلاد المهجر (امريكا) / رد: بالنسبة للدراسة الابتدائية والثانوية في اميركا رجاءا اخوان اللي موجودين هناك في: 14:57 10/09/2010
اخويه العزيز اني في دالاص تكساس
قبل 10 ايام عندي بنتي دامت بالمدرسه الابنتدائية
التفاصيل اول شي لازم تاخذ التلقيحات كامله وثاني شي اخذونه الى مكان يتم به تسجيل الطالب يعني مثل التربيه الي عدنه بالعراق هنا ياخذون كل المعلومات ويسون اختبار بسيط للطفل يعني يسئلونه على الالوان والارقام حتى يشوفون مستوى الطفل
بعدين ياخذون الاوراق وتروحون الى اقرب مدرسه موجوده بالمنطقه اذا المدرسه تبعد اكثر من ميل واحد راح يكون اكو باص للمدرسه واذا اقل من ميل ماكو باص اني كنت ماخذ وياي شهاده مال العراق من هاي الي مسوينه من كارتون مال بيض وتردون انتم اشلونه الشهايد بالعراق المهم كالوا هاي عربيه ممكن تترجمه وتجيبه رحت للبيت وترجمته بالحاسبة وسويتلهم نسخه لامصدقه ولاهم يحزنون وحاليا بنتي جاي تداوم يجي الباص الساعه السابعه الصبح ويرجع الساعه الثالثه الضهر وينطوهم وجبه الفطور عندما يصلون الى المدرسه ووجبه الغداء الساعه 12 والتعامل مال المعلمين او المدرسين هاي يرادله موقع كامل شرح وهم مانوفي الانسانية المجوده عدهم
17  منتدى الهجرة واللجوء / مواضيع الحياة العامة في بلاد المهجر (امريكا) / رد: اجازة الســوق واهميتها بامريكا خصوصا لولاية (بنســلفانيا ) Pennsylvania Driver's permit في: 03:45 05/09/2010
السلام عليكم اخويه العزيز ابو الاجازة الدوليه
اني عندي اجازة دوليه وعندي اجازة عمومي رحت على مود اكلهم اني راح امشي بهاي الاجازة منا لمن اطلع اجازة من دالاص تكساس كالولي اي شي جايبه وياك من العراق خليه بالبيت للذكرى اي شي غير صادر من امريكا غير معترف به لااجازة سوق ولاهم يحزنون

تحياتي لك
18  منتدى الهجرة واللجوء / مواضيع الحياة العامة في بلاد المهجر (امريكا) / رد: تجربه سنه في تكساس في: 19:42 01/09/2010
اسال الله ان يوفقك وتجد الشي الذي تصبوا اليه
19  منتدى الهجرة واللجوء / الهجرة و واللاجئين / رد: بيباي ... وتحديث لتفاصيل رحلتي الطويلة بالبر والبحر الى امريكا في: 15:42 29/08/2010
حبي فنجوز الحمد لله على السلامة وين هسه استقرين بطريبيل هههههه
20  منتدى الهجرة واللجوء / دردشة منتدى الهجرة واللاجئين / رد: وصلنة بالسلامة في: 16:20 28/08/2010
اهلا وسهلا بك والف الحمد لله على السلامة
اسال الله العلي القدير ان يفتح ابوبه بوجهك ويرزقك من حيث لاتحتسب

اخوك السيد ميثم الكفائي
21  منتدى الهجرة واللجوء / مواضيع الحياة العامة في بلاد المهجر (امريكا) / رد: منو احسن شبكة بامركا في: 16:18 28/08/2010
اني بالسبة الي اشتريت تلفونين metro pcs تلفونين واكو عدهم عرض يسمونه الفاملي بلان هسه اني دفع كل شهر 73 دولار للمبايلين وخدماته محترمه والاهم شي لايسولك عقد ولايردون منك غير شي يعني تدفع اكو خدمه ماتدفع يكصوهه عليك
22  منتدى الهجرة واللجوء / الهجرة و واللاجئين / رد: ال SIV والركومنديشن لتر و ال HR لتر؟ ممكن جواب من اصحاب الخبرة في: 16:11 28/08/2010
اخي العزيز كلام الاخ كوكو مضبوط اني ضلت معاملتي معلقة لمن حصلت رسالة HR ومطابقة الى تواريخ عملي يالله تحركت المعاملة اخي حاول الحصول عليه تره SIV بس يردون حجة على الواحد
23  منتدى الهجرة واللجوء / مواضيع الحياة العامة في بلاد المهجر (امريكا) / رد: سؤال للي بامريكا حول الملابس وغيرها في: 18:20 27/08/2010
عيني العزاوي السلام عليكم اول شي احب اكلك ماكو شي ماموجود بامريكا والاسعار اشكال
عيني اني بدالاص تكساس بالنسبة للحي الي اني بيه ممنوع انصب ستلايت يعني امد كيبل قنوات وكلهن امريكيات
يعني اكو مكانات مسموح بالستلايتات واكو لا
القدور التيفال والاستيل هم موجوده وابسعار تبدي من 10 دولارات للسيت وتنتهي 200 دولار حسب النوعيه والجودة
يعني اني قبل كم يوم اخذت سيت قدر استيل نوعيه محترمة 3 قدور مع طاوتين 30 دولار من الول مارت
بعد الجبب ماكو بس الاحجبة والشال موجود ونوعيه حلوا
اما بالنسبة للتيشيرتات والملابس الداخلية والجواريب مليون نوع وماركات محترمة ومناسبة
الشامبو والمعطرات هم موجودة
يعني لاتترس جنطك بشغلات هنا موجوده واحسن من الي تجيبة
24  منتدى الهجرة واللجوء / مواضيع الحياة العامة في بلاد المهجر (امريكا) / رد: فدوه لعينكم جاوبوني في: 15:00 22/08/2010
اختي العزيزه ريم اني قبل عشره ايام دخلت دالاص تكساس وكان مبلغ الولكم 900 دولار كتلهم ليش مو 1100 كالوا كل ولايه ولها قانون

اخي رعد انته بامريكا وتخاف على جهالك يمعود هنا اامن من العراق على الجهال اني عندي بنت 10 سنوات راح باجر تداوم بالمدرسه كامت الدنيا وكعدت على مود يخلصون اللقاحات حتى تلحك على بداية الدوام وكل شويه تدز علينه منظمة انسانية شكل ويوزعون تجهيزات المدرسه وكل اسبوع يجون ناس من الكنسية ويسون حفله للاطفال ويوزعون هدايا
وبانسبة للطفل اعتقد هذا يكون مدعوم من الحكومه حتى يصبح عمره 21 سنة

هذا الي اعرفه وياريت اهل الخبره يفيدونه بعد اكثر
25  منتدى الهجرة واللجوء / مواضيع الحياة العامة في بلاد المهجر (امريكا) / رد: اليوم ترانزيت في عمان وغدا طيران الى نيويورك والان في الشقه في: 02:52 21/08/2010
اشلونكم حبايب اني اشكركم كل الشكر والتقدير على هذه رودوكم الجميله الله يوفقكم
هسه نجي نرد على الاسئله

اخويه العزيز iraqiheart100 اني كتبت التفاصيل كله ومع ذالك شوف عمري اني حقائبي 3 الواحد منهم 25 كيلوا ومحد حاسبني
والتفتيش عادي كان خاصه انه انته وياك موظف من IOM وبالنسبة للمبيت في عمان بتنه في فندق هو تابع للمطار بس فندق توب جدا وفي نيويورك هم بتنه في فندق يعني وسط

اخويه العزيز abuhatem  اني باقي في امريكا باقي يعني وين طاير الكرين مو هسه السنة الجايه اخذه

عمري السومري تحياتي لك خويي والله كديلاك واخوه فد شباب راقين وينحطون على الجرح يطيب والله الولد ماقصروا وياي هواي ساعدوني

مشكورين اخوان وماقصرتوا الله ينور قلوبكم يارب
26  منتدى الهجرة واللجوء / مواضيع الحياة العامة في بلاد المهجر (امريكا) / رد: *** الى كل من يقول لايوجد عمل في اميركا *** في: 16:57 20/08/2010
حبي حماده ابن عين كاوا احسنت موضوع محترم وتجربه مفيده وادعوا من الله ان يوفقك ويرزقك من حيث لاتحتسب
اني وياك انه تره موجود عمل في امريكا اني صارلي اسبوع في دالاص وعرضوا عليه عمل ويه عراقيين جواريني بشركه مال سيديات والدوام من 7 الصبح لل 3 الضهر والساعه 8 دولارات بس اني بعدني مامكمل اوراقي واريد اطلع اجازة سوق
وموجود العمل بكثره والحمد لله

يعني الي يريد يشتغل موجود الشغل والي يريد يكضيه على المساعدات المساعدات تخلص ويضل يفر بذانه
27  منتدى الهجرة واللجوء / مواضيع الحياة العامة في بلاد المهجر (امريكا) / رد: اليوم ترانزيت في عمان وغدا طيران الى نيويورك والان في الشقه في: 04:58 19/08/2010
عمري لورنس انته الراقي تحياتي لك عزيزي
28  منتدى الهجرة واللجوء / مواضيع الحياة العامة في بلاد المهجر (امريكا) / رد: اليوم ترانزيت في عمان وغدا طيران الى نيويورك والان في الشقه في: 23:19 18/08/2010
اخويه العزيز كوندا اشلونك حبي انشاء الله تكون بخير يارب
عمري اني تره طلعت على IOM لان تاخرت شغلتي على SIV بس الصرحه ماكو اي فرق بالتعامل ويه البرنامجين هذا الي شفته يعني كلشي طبيعي وبالنسبة للسياره وجو دالاص شتائها بارد بس بدون ثلج والي شفته يعني عندي ابن عمي جاي يستخدم سيارات ياباني لو كوري صارله عشر سنوات هنا بدلاص
وبالنسبة للمنع والله الي اني شفته اخذو الجواز من العراقيه وكالوله انتي عليج منع وضلي بالفندق لان جوازج راح للامن
اجاها عبود وهوا احد موظفي الهجره وكال لاتخافين كلشي ينحل بالفلوس واخذ منه 100 دولار اعتقد رشوه مو غرامه
بس انته اسكت اذا طلع عليك منع راح يساعدونك موظفي الهجره لاتكل لاحد انه انته عليك منع

وانشاء الله ميطلع عليك شي
اخوك سيد ميثم الكفائي
29  منتدى الهجرة واللجوء / مواضيع الحياة العامة في بلاد المهجر (امريكا) / رد: اليوم ترانزيت في عمان وغدا طيران الى نيويورك والان في الشقه في: 13:50 18/08/2010
عمري ياسر اوخويه اني مو انصح اني ااكد على تعلم اللغه الانكليزيه حيل حيل ضروري
وبالنسبة للسيارت هنا اشكال 500 دولار الى 20000 دولار هسه شنو الي مناسب وجاي ياخذونه العراقين ياخذون الكوري والياباني الي 4 اسلندر هاي هم اقتصاديه وهم تأدي الغرض وهم اسعارهن متفاوته
30  منتدى الهجرة واللجوء / مواضيع الحياة العامة في بلاد المهجر (امريكا) / رد: اليوم ترانزيت في عمان وغدا طيران الى نيويورك وشويه تفاصيل في: 03:32 18/08/2010
السلام عليكم اخواني الاعزاء
الف شكر لكم على هذه الردود الجميله والمشجعه الف شكر مره ثانيه

بالنسبة الي البارحه اجه الكيس وركر وطلعني واخذني يعلمني اشلون استعمل الباص والمترو وشلون اوصل للمكتب لو للداون تاون وارجع للسكن مالتي طبعا شي حلوا وجديد عليه الصراحه اني قبل لاراكب مترور ولاشايف هيج نظام راقي

بعد كم يوم راح يجون ياخذون بنتي حتى تاخذ لاقاحاتها على مود التسجيل بالمدرسه بالنسبة للدوره مال تعليم الانكليزي الي تقوم بيه المنظمه دوره تعبانه بنفس المجمع ومال مبتدئين اكو دورات بالكلج مفيده والكورس الواحد بحدود 55 دولار 14يوم مقسمه درسين بالاسبوع حسب الوقت الي انته تريده
بالنسبة للعمل كلشي ماتكدر تسوي اذا مايطلع السوشل سكيورتي اهم شي ياخوان السياره يعني ماعندك سياره انته اعمى
وماتكدر تطلع منا منا لان نظام المترو والباصات شغله تعبانه ويرادلك شهر يالله تروح لغير منطقه

هاي هيه ومن تصير بعد شغله جديده وياي راح اسولفه الكم واني حاضر تحياتي لكم اخوتي الطيبين
31  منتدى الهجرة واللجوء / الهجرة و واللاجئين / رد: احتياجات المسافر التي عليه اخذها معه في: 04:32 16/08/2010
عمي نصيحه لوجه الله لاتجيبون ملابس هواي
والله خمسين نوع من تيشيرتات ومثله من برناطير ومثله من غير شي
يعني اني انصطرت صطر وكل مديل احلا والاسعار طبيعيه ورخيصه
بس الاحجبه والجبب الاسلاميه غاليه لان هاي مو بكل مكان لازم تروحله لمكان معين
32  منتدى الهجرة واللجوء / مواضيع الحياة العامة في بلاد المهجر (امريكا) / رد: اليوم ترانزيت في عمان وغدا طيران الى نيويورك والان في الشقه في: 20:54 13/08/2010
حبي لورنس العرب كاديلاك كان وياي من بغداد الى نيويورك هناك تفاركنه لان كلمن وموعد رحلته الخاصه
وبالنسبة للفلوس اني اخذت وياي 6000 دولار ثلاثه معي وثلاثه مع زوجتي وخالهن بيجبي ولا واحد كال شنو ذني ولا واحد سال وانته بالسبة اذا مادك عليك جهاز السونار محد يفتشك اني حاطهن بجيبي الوره ومن ادخل الجهاز مايدك اطلع كبل 
33  منتدى الهجرة واللجوء / مواضيع الحياة العامة في بلاد المهجر (امريكا) / رد: اليوم ترانزيت في عمان وغدا طيران الى نيويورك والان في الشقه في: 20:47 13/08/2010
ونعود من جديد اول شي خلي ارد على الاسئله وبعدين اسولفلكم شنو صار اليوم
بالنسبة للاخت مينا اختي اني خابروني من عمان وكالي انته يحقلك ثلاث حقائب كل حقيبه 20 كيلوا و20 الف دولار هم يحقلك تاخذ وياك وهاند باك لكل شخص اكثر من سنتين 5 كيلوا هذا كل الي كالوا لي

اخويه امير الطائي اني فحصت يوم 13/2/2010 وقابلت يوم 16/2 وجائني رد المحلف بالتاجيل وره تقريبا 50 يوم
كفيلي وقع الاوراق بنص الشهر السادس وخابروني تقريبا يوم 20/8 ونطوني موعد السفر ولادزولي ايميل ولاغير شي بس موعد سفر

اخويه العزيز megalove الله يحفظك من كل مكروه يارب عمري انشاء الله عن قريب نسمع سفرك يارب

اخويه وصديقي vincenzo تحيه احترام لك عمري لاتفكر بالتدخين مادام انته بالطائره ومن نزلنه لمطار نيويورك هم ماكو مكان تدخين يعني انثولت ثول تدري شوكت دخنت من طلعنه ره المطار ونريد نصعد الباص ونروح للفندق يالله دخنت راسا طبكت اثنين وريحت الجمجمه

اغاتي abuhatem والله ياخويه اني من اكعدت بالشقه طلعت الحاسبة وكلت خلي اجرب حظي والحمد لله ياشاره اكنك عليه تدخل على النت مباشرتا يعني اني هسه جاي اهكر عليهم وشلون اشاره اويلي يابه من افتح الياهوا ماسنجر انز من ينفتح لان كلش سريع

عمري فصولي الله يوفقك ياخالي ويوم الك انشاء الله تعالى يارب

هسه نحجي شنو الي صار وياي طبعا جتي الكيس وركر مالتي الصبح ورحنه للمنظمه ولكيت هناك ولد من بغداد وواحد من كركوك طبعا كلش كانوا ناس محترمين ومعاملتهم وياي جيده وقعت على طلب الفود استامب وعلى المديكيت وخلوني على برنامج يمكن الكراند الي هوا يدفعولي ايجار الشقه والكهرباء اربعة اشهر فقط واليوم نطوني كاش مني 125 دولار وبطاقه شراء من الول مارت ب 136 دولار هاي بس مره واحده وراح يدخلونه لغه بنفس المجمع الي اني ساكن بيه بالاسبوع مرتين
ووقعت على الاغراض التي وجدتها بالشقه
الولكم مني كان كل نفر 900 دولار يعني المجموع مالتنه 2700 دولار منهن اشتروا غراض ومنهم مصورف الجيب ومنهن بطاقه شراء الول مارت وكالوا بعدين نتحاسب
اني سالتهم كتلهم ليش بس 900 دولار اكو ولايات 1100 واكو ويلايات 950 جوابهم مثل كل مره كل ولايه ولها قانونها
طبعا بالمناسبة الكيس وركر مو بس واحد يعني اكو واحد على السكن اكو واحد مسؤل عن الصحه والمدرسه واكو واحد مسؤل عن البحث لك عن عمل يعني الشغل متوزع على عدة اشخاص خلصنه توقيعات ووصلني شخص عراقي يعمل معهم وكالي راح اجيك يوم الاثنين على مود ادخلك دوره اشلون تستعمل الباصات والمترو وشلون توصلل للمنظمه او للسنتر تاون
يعني باجر وعكبه ماعندي شي بهاي اليومين اشراح اسوي فنكم راح ادور على العراقين الي ساكنين وياي بالمجمع واتعرف عليهم والي مايجيك انته روح عليه
34  منتدى الهجرة واللجوء / مواضيع الحياة العامة في بلاد المهجر (امريكا) / رد: اليوم ترانزيت في عمان وغدا طيران الى نيويورك في: 12:11 13/08/2010
السلام عليكم اخواني واخواتي اعضاء منتديات عنكاوا المحترمون
الف شكر والف تحيه لكم على ردودكم الجميله اسال الله تعالى ان يحقق جميع امانيكم

اخواني اليوم اكملكم الجزء الثاني من الرحله
وصلنه بالحلقه السابقه من بتنى في عمان طبعا اكيد ثاني يوم اجى الباص وموظف الهجره وطلعنه على المطار كمل اجراءات التذاكر وعبور الابواب وهواي ساعدونه بحيث اكوا فد بنت ويانه الضاهر عليه منع من دخول عمان وسحبوا الجواز هاي السالفه من اول مادخلنه مطار الاردن بس موظفين الهجره خلصوا السالفه ب 100$
ومن خلصنه كلش ونريد ندخل الصاله الاخيره كالي موضف الهجره احنه تعبنه معاكم نريد تجمعلنه اكراميه من زمايلك الي يطلع من اديكم كتله اي اوكي وسولفت ويه الجماعه والربع هم ماقصرو وجمعنه مبلغ حتى عراقي بيه
هسه صعدنه الطياره والطياره تابعه المليكة الاردنية وكانت كلش كبيرة طرنه ولمدة 12 ساعه متواصله ونطونه وجبتين طعام الرحله كانت كلش متعبه وخاصه للاطفال والمدخنين يعني اني ظليت اشوف المضيفه جكاره والي يحجي وياي ودي ادخنه
وصلنه مطار جون كندي نيويورك طبعا اكبر من المحافظة الي كنت عايش بيها لكينه موضفين الهجره بالانتظار واكثر من واحد كالو يالله ورايه بس واحد يمكن مغربي لو تونسي يتكلم عربي والباقي كلهم لو صين لو فلبين يعني من ذولي اهل العيون السحب
اجلسونه بقاعه كبيرة خاصه للهجرة وبدوا يشتغلون باوراقنا وكملنه ورحنه على مود ياخذون البصمات والصورة وطلنه من المطار اهنا استلمنا الحقائب كلهن لان من هذا المطار راح تتفرق الامم اجانه باصل وحملنه الجنط وللفندق عدل طبعا تعبانين ومرهقين بحيث السبع بيه كدر يضل يتعشى وشنو العشه جابوا تمن وعليه خضروات كتله شني ولك هاي دليميه
صار الصبح وبدى الباص يشتغل يعني اكو سفر كان بالخمسه واكو سفر كان بالسته يعني اني سفر كان الساعه الثامنه اجوني اخذوني ويه عائله عراقية الساعه السادسه هم كملوا اجرائاتنا ووزن الحقائب وشحنهن ودلونه على رقم الباب ورحنه عدل وكبل للتفتيش الي فبل لاتصعد الطائره كول صعدنه الطائره والرحله كانت الى دالاص هي ثلاث ساعات وهبطنه في مطار دالاص الدولي
اهنا من نزلنه العائله الي وياي يردون يرحون الى هيوستن ومالكينه اي موضف هجره في المطار والجماعه ميعرفون بس يس ونو واني هم اطكطك وياهم على الواهس ضلوا حايرين خطيه كالي ابوهم يموعد لاتعوفنه كتله وسفه عليك والله اني اعوفك كتله انطيني تذاكركم ورحت سالت واحد على رقم البوابه الي راح تروح الى هيوستن ودلاني بس شني البوابه يرادله مركبه فضائيه حتى توصل يمهه واخذلك عائلتي والجماعه وراي سحل لمن وصلتهم للبوابه لكيت هندي شاب هم يريد يسافر كتله يمعود الجماعه وياك الى هيوستن تره مايحجون انكليزي كلي اكوي خلي يستريحون يمي لمن تنفتح الباب اكيد ودعتهم ورجعت ادور وين راح الكي جنطي وهم بديت اسال ياجماعه سالوا لاتستحون من السؤال ذوله ناس اوادم يطلع من مكتبه وياشرلك على المكان الي تروح عليه حتى لاتتيه المهم وصلت ولكيت الجنط وموضت الهجره مطلعتهن من المن القايش وخالتهن على صفحه طبعا هاي الموضفه هي الكيس وركر مالتي الموضفه كانت من كينيه والانكليزيه مالته هم مثلي كتله الله جابج الي نضل نطكطك اني وياج لمن الله يحله كالت وين جنت صارلك ساعه من حطت الطياره ورت اروح انادي عليك بالسماعه شرختله شنو الي صار ويايه اشو هاي راسا تاسفت وكالت هاي غلطتي المفروض كنت انتضركم يم باب الخروج من الطياره المهم كلش مؤدبه حبابه وبنت اجاويد طلعنه شنو رايك مادام بعد وكت نروح نسوي السوشيل سكيورتي قبل لانروح للبيت كتله اوكي احسن ورحنه طبعا ماتاخرنه اكثر من نصف ساعه وطلعنه للشقه كالت خلي نروح ناخذ غدة وينانه المهم اخذنه غده ورخنه للشقه الشقه صايره بمكتن مو يم سنتر المدينه بس المنطقه كلش جميله ويمه ملعب كولف ويمه اسواق بكبر الخضراء يمكن اسنه سوبر تاركت ومحطتين بانزين والكثير الكثير من المحلات الاشكال وفرع من بيتزا هوت والبركر كينك
المجمع الي اني ساكن بيه بي هواي عراقين عوائل وعزاب ودلتني واحد واحد بس ماشفت اي اواحد منهم لحد الان الشقه طبعا قديمه بس مصبوغه حديثا وغرفه واحده وصاله ومطبخ حمام لكيت جايبيلي ادوات مطبخ بسيطه وسريرين واحد كبير وواحد صغير قنفه صغيره مال نفرين ميز طعام ناقس كرسي وتعبان الثلاجه متروسه طعام المهم كتله اني هاي الشقه مااريده لان هاي زغيره اريد شقه غرفتين كالت مو مشكله راح باجر نسولف ويه المدير وكله وهذا من حقك
اني متواعد وياهه بالثمانية يعني نعد كم ساعه لان هسه الساعه يمي بالخمسه الصبح راح نكمل الاجراءات الباقه مثل الفود استامب والمدكيت ونشوف بعد شنو السالفه
ولنا لقاء اخر في الحلقات القادمه
35  منتدى الهجرة واللجوء / مواضيع الحياة العامة في بلاد المهجر (امريكا) / اليوم ترانزيت في عمان وغدا طيران الى نيويورك والان في الشقه في: 21:26 10/08/2010
السلام عليكم اخواني واخواتي الاعضاء الكرام
اليوم اكتلبلكم تفاصيل رحلتي من مطار بغداد الى مطار عمان
اول شي الفحص الروتيني قبل السفر بيوم طبعا الفحص ضغط سكر اذا اكو حمل وبعدين ينطون حبابي اثنين مال ديدان
طبعا ثاني يوم موعد اللقاء مع موضف الهجره يكون الساعه 6:45 صباحا انتظرنا وجاء الولد ونطانه تكتات السفر فقط يعني لاكيس IOM ولاغيره وكال تتوجهون الى صاله الانتظار على العموم اني صار بيه فلم هندي بنتي الصغيره جاي تسحب بالجنطه وجان تكسر السحاب ( الزنجيل) مال الحقيبه وتطشرت الملابس وضليت شايلهه على كلبي لمن وصلت للصاله وشتريت جنطه وسط 75 الف دينار المهم اخوان بالنسبة للوزن عادي جنطي كلهن 25 كيلوا محد كال شي وبقن حقائب اثنين معي صعدتهن للطياره معي اخوان نحن شخصين وطفله 10 سنوات  الوزن كل واحد له جنطه 20 كيلوا وهاند باك 5 كيلوا
المهم اخوان بعد موضف الهجره ماشفناه يعني ماكان اله دور بس نطانه التكتات فقط
صعدنه الطياره الملكيه وكانت طياره حلوا وتوب ونظيفه
بالمناسبة اخويه كاديلاك كان وياي بالرحله وتعرفت عليه بساحه الوفود وكان ويانه بس على 45 شخص هاي بس IOM غير SIV يعني نص الطياره كانت هجره
وصلنه عمان وشويه اجه موظف الهجره ونطانه كل شخص الكيس الخاص به وكمل ويانه التفاصيل الاخرى وحصلنا على تذاكر نيويورك وجه الباص وجينه للفندق الفندق شي راقي من خدمه واكل وانترنيت داخل الغرف وباجر بالسبعه ونص راح نرجع للمطار حتى نطير الى نيويورك 13 ساعه ومن نوصلت انشاء الله الى مكان وجهتنا راح اكمل التفاصيل كله
هسه عن اذنكم راح انام حتى اكعد الصبح واتوكل على الله واروح نيويورك وبعدها دالاص تكساس
36  منتدى الهجرة واللجوء / مواضيع الحياة العامة في بلاد المهجر (امريكا) / رد: ((( اميركــــــــــــــــا)))الي متردد وخايف خلي يقره.......لوجه الله عسى ولعل في: 08:08 05/08/2010
والله ياعمي رمادي كلامك عين العقل
عشات ايدك موضوع محترم وواقع حال تحياتي لك رمادي
37  منتدى الهجرة واللجوء / مواضيع الحياة العامة في بلاد المهجر (امريكا) / رد: موقع اعمال اللاجئين في: 07:59 05/08/2010
حبي غسان عاشت ايدك يا مبدع
تحياتي لك ياغالي
38  منتدى الهجرة واللجوء / الهجرة و واللاجئين / رد: الجدول الكاااااااااااااااااامل لاعضاء المنتدى في كل الولايات الامريكيه في: 07:18 03/08/2010
عيني ريم بلازحمه ممكن الاضافه وياكم اني دالاص تكساس يوم 10/8 راح اطير الى دلاص
ممكن تخلوني وياكم حتى لو وكفه
39  منتدى الهجرة واللجوء / دردشة منتدى الهجرة واللاجئين / رد: راح اسافر يوم 10 اب بعون الله الى بوسطن- ماساتشوسيس في: 10:14 29/07/2010
عمري ابو دعاء الف على الخير والبركه يارب يفتحه بوجهك وتشوف كل الخير

هاي هيه انحلت مشكلتي صار وياي اثنين انته وكديلاك انشاء الله نتشاوف بالمطار

ولاتشيل هم للتعب اني وياك اعاونك بالحقائب بالاطفال اني بخدمتك لاتهتم
40  منتدى الهجرة واللجوء / الهجرة و واللاجئين / رد: لمن سافر على IOM بغداد في: 07:50 27/07/2010
شوف حبي رمادي اني سفري قريب من مطار بغداد البارحه اتصلوا بي من IOM عمان ونطوني التعليمات
وقالوا لي بالحرف الواحد لكل سخص حقيبه واحد لاتزيد عن 23 كيلوا وهاند باك 5 كيلوات والاب توب مامحسوب
يعني اني عائله ثلاث اسخاص راح يكون ثلاث حقائب 23 كيلوا للواحده
هذا الي خابروني عليه
ارجوا ان اكون قد وضحت الصور لك اخويه العزيز
41  منتدى الهجرة واللجوء / الهجرة و واللاجئين / رد: استفسار معنى المراحل النهايه في: 07:04 27/07/2010
حبي امير البغدادي
اني من وقع كفيلي الاوراق وره فتره دزيتلهم ايميل استفسر عن القضيه قالوا لي انته بالمراحل الاخيره
وره فتره تقريبا عشرين يوم حددولي موعد سفر
فاعتقد انه المراحل النهائيه هي من يوقع كفيلك ويرجعون الاوراق الى بغداد حتي يحددون موعد سفر هذا الي صار وياي
42  منتدى الهجرة واللجوء / الهجرة و واللاجئين / رد: اكو احد وياي بالطيارة يوم 10 / 8 ؟؟؟؟ في: 06:59 27/07/2010
السلام عليكم اخواني واخواتي شكرا جزيلا على هذه الردود الطيبه والمشجعه
حبي لورنس انشاء الله بس احصل فرصه نت راح اكتب شنو الي صار وياي بالتفاصيل انشاء الله
يعني راح اكتب من طلعت من بيتنه القديم في العراق الى ان اوصل بيتنه الجديد في دالاص تكساس
43  منتدى الهجرة واللجوء / الهجرة و واللاجئين / رد: مشتاقلكـــُم يــا غــــــــوالــــــــــي في: 06:55 27/07/2010
اسال الله ان يوفقك ويسدد خطاك يارب تستاهل كل خير
44  منتدى الهجرة واللجوء / الهجرة و واللاجئين / رد: اكو احد وياي بالطيارة يوم 10 / 8 ؟؟؟؟ في: 09:27 26/07/2010
هلا حبي ماجلان اكوا واحد بس بعده متردد مايريد يروح وياي هههههههههههههههههه
راح اطرز على تيشيرتي عنكاوا حتى يعرفوني
45  منتدى الهجرة واللجوء / الهجرة و واللاجئين / رد: NEW>>>>ادخل واعرف كل عضو اين يقيم<<<<NEW في: 07:23 26/07/2010
عمي بروح ابيك ماتسجلني السيد ميثم الكفائي دالاص تكساس
46  منتدى الهجرة واللجوء / الهجرة و واللاجئين / رد: اكو احد وياي بالطيارة يوم 10 / 8 ؟؟؟؟ في: 07:21 26/07/2010
حبي كديلاك ممنون منك ياغالي
اختي المسافرة الله يسلمك ويوفقك يارب
عمري Karadi  الله يوفقك ياطيب اسال الله العلي القدير ان ييسر امورك ويسهلها يارب
اخويه yasir 2011 تسلم ياورد اني راح اعرفهم واحد واحد لان راح البس تي شيرت مكتوب عليه عنكاوا
عمري ilkorabe والله لو يصير بعيوني اخذك بس انته تدري شويه بيه طسه
حبي لورنس العرب2  اشلونك يااحد الصابرين من الشهر الثاني
عمري اني عائله ثلاثه اشخاص ومن وقع كفيلي كالوله خلال 45 يوم راح يكون هنا وقبل كم يوم اتصلوا بيه وانطوني موعد السفر
يعني كل ايميل ماكو البارحه هم اتصلوا بيه وانطوني تعليمات السفر وموعد الفحص طبعا قبل يوم من المغادره وقالوا لي قبل ثلاثه ايام من السفر سوف يتصلون بك من بغداد للتعليمات الاخيره
اختي العزيزه بنت العراق 84 تحياتي لك اني من بغداد واعتقد احنه ماعدنه دوره تثقيفيه 
اختي العزيزة TIKTAKTIKTAK اذا تحبين اني من اطير من بغداد امر على مطار الشام واصعدي ويانه ليش تصير الاجره اثنين نخليه اجره وحده هههههه الله يسهل عليك ويفتح ابوبه بوجهك يارب
حبي امير بغداد انته اتصلوا بكفيلك ووقع الاوراق لو بعد ماكو شي اني وره توقيع كفيلي بشهر خابروني ولا خابرتهم ولادزيتلهم ايميل
47  منتدى الهجرة واللجوء / مواضيع الحياة العامة في بلاد المهجر (امريكا) / رد: مبروك عليكم افتتاح قسم خاص للمواضيع الحياة العامة في امريكا في: 07:22 24/07/2010
على الخير والبركه انشاء الله التألق الدائم
48  منتدى الهجرة واللجوء / الهجرة و واللاجئين / رد: اكو احد وياي بالطيارة يوم 10 / 8 ؟؟؟؟ في: 10:11 23/07/2010
حبي hussam2010 ياظرف تقصد لااستلمت ظرف ولاشي خابروني كالوا موعد طيرانك 10/8
والبارحه هم خابرت عمان وهم اكدولي نفس الموعد بس بعد رساله مال تفاصيل الرحله مادازيلي

حبي ماجلان عبالك مااسويه لا راح منو الي اشوفه وياي بالمطار راح اسئله انته من ربعنه لو لا

اغاتي abomagid اني سبق وكتبت التواريخ وهاي لعيونك راح اكتبهن الك نره ثانيه
تقديم اوراقي الى IOM بغداد كان الشهر السابع 2008
المقابلة الاولى الشهر العاشر 2009
المقابلة الثانية الشهر الثاني 2010
رد المحلف وره 50يوم كان التاجيل
توقيع كفيلي على اوراق الكفاله الشهر السادس 2010
موعد السفر 10/8

حبي سيوفي اني رديت على رسائلك معقوله انساك وماارد عليك
اتاكد عمري وراسلني على ايميلي
49  منتدى الهجرة واللجوء / الهجرة و واللاجئين / اكو احد وياي بالطيارة يوم 10 / 8 ؟؟؟؟ في: 07:40 23/07/2010
السلام عليكم اخواني اكو احد وياي موعد سفره لو اخذ الطيارة وحدي واروح
50  منتدى الهجرة واللجوء / الهجرة و واللاجئين / رد: بعد صبري لمدة سنتين ساغادر العراق في: 06:55 22/07/2010
الف على الخير والبركه ويارب تحقيق الاماني ويفرح قلبك
51  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟ في: 07:53 21/07/2010
السلام عليكم يااخوان الشهر الثاني تحياتي لكم ياصابرين
اخواني البارحه خابروني ونطوني موعد سفر يو
10  /  8  اكو احد وياي بهذا اليوم راح يسافر حتى نسبي الامه اني وياه لو راح اروح وحدي

تحياتي لكم ياطيبين اسال الله العلي القدير ان يسهل اموركم وييسرها
52  منتدى الهجرة واللجوء / الهجرة و واللاجئين / رد: بعد انتظار سنتين جاء الفرج مع موعد السفر في: 07:34 21/07/2010
حبي abuhatem شكرا جزيلا على المعلومات الله يوفقك
اختي سرى ممنون منك تحياتي لك ياطيبه

حبي ابو حسين اشو ماكو هل الايام حتى على الفيس بوك خير خو ماكو شي الله يوفقك ويسعدك يارب

مشكور منكم اخواني على كل ردودكم الطيبه الله يوفقكم دنيا واخره
53  منتدى الهجرة واللجوء / الهجرة و واللاجئين / رد: اسال عن فترة المساعدات في ولاية تكساس رجاءا جاوبوني في: 20:42 20/07/2010
اختي لولا اذا مامستعجله على الرد ممكن تنظريني اني انشاء الله
بعد عشرين يوم راح اطلع الى دالاص تكساس اي يعني يوم 10/7
وانشاء راح اغني المنتدى بالمعلومات عن تكساس واي شي تردونه اني بخدمتكم
54  منتدى الهجرة واللجوء / الهجرة و واللاجئين / رد: بعد انتظار سنتين جاء الفرج مع موعد السفر في: 20:31 20/07/2010
اخواني واخواتي الاعزاء والله والله اخجلتموني بهذه الردود الجميله والمشجعه جزاكم الله خير الجزاء
اسال الله العلي القدير وبحق محمد وآل محمد ان يسهل اموركم وييسرها

حبايب اني قدمت على IOM بنص الشهر السابع 2008
المقابلة الاولى كانت بالشهر العاشر 2009
الفحص الطبي والمقابلة كانت نفس الشهر يعني الشهر الثاني 2010
وقع كفيلي اوراقي يوم 28/6/2010
واليوم 20/7/2010 اتصلوا بي من IOM عمان ونطوني موعد الرحله الي هي 10/8/2010
وكالوا راح ندزلك ايميل بيه تفاصيل الرحله

هذا كل الي صار بالسنتين الاي خلصتهن انتظار بانتظار

بس اخوان ممكن تساعدوني بالوزن ونوع الحقائب وياريت اكو صوره للحقيبه حتى اشتري منه
واريد اعرف اني وزوجتي وبنتي 10 سنوات كم حقيبه يحقلنه ناخذ ويانه من مطار بغداد

ارجوا المساعده بمسالة الوزن لان هاي شويه مدوختني الله يوفقكم جميعا لفعل الخير يارب
55  منتدى الهجرة واللجوء / الهجرة و واللاجئين / رد: بعد انتظار سنتين جاء الفرج مع موعد السفر في: 08:24 20/07/2010
اخواني الله يوفقكم على هذه الردود المشجعه انشاء الله تعالى يسهل على كل ذي حاجه

اخويه ماجلان يعني بتوقيت الشمال 8 وخمس دقائق ههههههههههههههه هوا وين اكو فرق ياحبي

وبالنسبة للثكل عمي وحقك اني من كالي بموعد السفر بعد مااعرف شسوي ورجليه كامن ميشيلني من الفرح

الله يوفقكم اخواني ويارب تحقيق الاماني
56  منتدى الهجرة واللجوء / الهجرة و واللاجئين / بعد انتظار سنتين جاء الفرج مع موعد السفر في: 07:43 20/07/2010
السلام عليكم اخواني واخواتي الاعزاء
اليوم الساعه الثامنه بتوقيت جنوب العراق اتصلوا بي من IOM عمان ليبلغوني بموعد سفري يوم 10 /8
طبعا اني بعت ثكل عليهم وكتلهم غير لام قبل شهر لو اكثر تبلغوني قالوا لي مافي مشكله تكدر تاجل كتلهم لالا اريد اسافر
وطبعا هم قالوا لي انته عندك كيس نمبر على برنامج SIV تحب تنتظره لو تسافر هسه كتلهم لاعمي اسافر قبل لاتغيرون رايكم

بالمناسبة اني مقدم من الشهر 7 / 2008

ومدينتي المستقبليه هي دالاص / تكساس

وشكرا وحياكم الله اخوتي 
57  منتدى الهجرة واللجوء / الهجرة و واللاجئين / رد: تلفون محلفين والاس اي في في: 20:23 16/07/2010
اخويه العزيز لو شويه شارح انته وين واصل ب SIV حتى واحد يشوف شنو الشغله
على العموم من حقك ان تقدم على البرنامجين اذا كنت مستوفي للشروط
يعني اني في برنامج IOM منتظر بس موعد سفر يعني كلشي خلصان
وبرنامج SIV هم واصل مرحله ارسال اوراقي الى نبراسكا يعني هم مرحله ماقبل المقابله

يعني حبي عادي تكدر تقدم على الاثنين والله كريم
58  منتدى الهجرة واللجوء / الهجرة و واللاجئين / رد: سؤال الى اصحاب الخبرةsiv في: 16:09 16/07/2010
اخويه المهندس
اهم شي يكول بسالة التزكيه انه كان المشرف المباشر عليك وتركك او انته تركت العمل بصورة شرعيه وانك كنت جيد السلوك والعمل وفي حالة خروجك الى الولايات المتحده الامريكيه لاتشكل خطر على امنها القومي
وآخر شي يذكر اي شي او معلومات تطلبونها ارجوا الاتصال بي على ولازم يحط ايملاته وارقام تلفوناته

59  منتدى الهجرة واللجوء / الهجرة و واللاجئين / رد: رجاءا رجاءا من لديه معرفة في تكساس دلاس يجيبني رجاءا في: 11:53 13/07/2010
السلام عليكم
والله يابه اني عندي شويه معلومات عن دالاص لانه عندي ولد عمي عايشين بها من سنة 1991 ويكولون مدينه هادئه واهم شي بيه عمل وهواي امور سولفوها عليه على العموم اني بعد فتره قليله راح اسافر انشاء الله على دالاس
وانته حبي مخير اذا ماعجبتك تدرك تغيره وتروح الى اي مكان يعجبك
هذا موقع مدينة دالاس وبيه كل شي عن دالاس تكدر تطلع عليه وانشاء الله تستفاد منه

http://www.city-data.com/city/Dallas-Texas.html
60  منتدى الهجرة واللجوء / الهجرة و واللاجئين / رد: مستمسكات مقابلة المحلفين في: 18:46 08/07/2010
عمي دفتر الخدمه العسكريه لاتنساه اذا كنت خادم عسكريه تحفظ مكاناتك الي خدمت بيه
اني اكد عليه يوشوف دفتر الخدمه وخلاني ااشر المكانات الي خدمت بيه على الخريطه
وبالمناسبة تره عدهم جميع الوحدات العسكريه العراقيه ويطابقون المكانات واسماء الوحدات هذا الي صار وياي
واحد من اسئلته كالي وين خدمت شهر الاحتياط كتله مدرسة قتال النجف كال اشرهه على الخريطه والخريطه محظرهه يمه
راح طلع اوراق وكام يقرا شكو وحدات عسكريه بالنجف كانت وشاف مكتوب مدرسة قتال النجف اشر عليه وانطاها رقم

هذا الي صار وياي
61  منتدى الهجرة واللجوء / الهجرة و واللاجئين / رد: الكفيل ومسؤولياته ؟ في: 18:39 08/07/2010
والله يااخوان اني وصيت كفيلي كتله كلهم اني كرايبه بس مالي اي شغله بيه لانني مفارغ لهيج سوالف
وصحيح دزلي الاوراق الي وقعه للكفاله مكتوب كله نو يعني ماله شغله بيه دوم بهاي الحاله المنظمة راح تتكفل بكل شي وهاي الوصيه من ولد عراقي الله يحفظه يشتغل بالمنظمة الي راح تستقبلي

بالنسبة الى ميشكن اول البارحه كاعد ويه ولد جاي زياره للعراق وهوا مجنس امريكي
عيني يكول مشكن عباره عن محافظه عراقيه يعني شنو الي مفاركه بالعراق راح تلكاه هناك لكثره العراقين بها
وكثره المشاكل بها يعني اكثر العراقين ابيناتهم مشاكل وماراح تتعلم لغه لان اغلب المكانات بها عراقين وكثره اللبنانين
62  منتدى الهجرة واللجوء / الهجرة و واللاجئين / رد: هل تستطيع اكمال معامله SIV من داخل امريكا   في: 18:31 08/07/2010
اي هذا الخبر التوب
اني قبل سنة تقريبا صار هذا الكلام وسالت محاميه امريكيه وكالت ميصير تحول من برنامج لغير برنامج داخل امريكا
وهسه حسب قول الاخ يصير هذا الشي خوش كلام
يعني اني هسه منتظر موعد سفر على IOM وبرنامج SIV منتظر عن قريب موعد مقابله انشاء الله

للمزاح ////
يمكن اني راح اسافر على IOM عن قريب ومن يجي موعد مقابلتي مال SIV راح يرجعوني للسفاره الامريكيه في بغداد اقابل وارجع الى امريكا اشلونكم اذا صارت هيج يعني اني حظي كاعد
63  منتدى الهجرة واللجوء / مواضيع الحياة العامة في بلاد المهجر (امريكا) / رد: ارجو الرد من الاخت انجي حول اجراء عمليات اطفال الانابيب بامريكا في: 07:39 03/07/2010
اخوان الاعزاء ولو الموضوع مو الي بس اني وياه نفس المشكله يعني جاي احس بلي يحسه

اخوان الف شكر لكم على هذه المشاعر التي كلها تشجيع وامل الله يفقكم بحق لاالله الا الله

عمري kunda  هذا المركز اني هم رحتله احتمالات النجاح بيه ضعيفة وياخذ مع التحاليل 3600 دولار

وماكو ضمانات

حبي أبو الفوارس  اني وياك الاردن ناجحه بيه هاي العمليه وخاصه اذا كانت عند الدكتور زيد الكيلاني الاول في الشرق الاوسط بمجال اطفال الانابيب

اني صرت خبير بهذا المجال لانني صارلي 10 سنوات انتظر الامل من رب العالمين وانشاء الله يتحقق بواسطه دعائكم ياطيبين

64  منتدى الهجرة واللجوء / مواضيع الحياة العامة في بلاد المهجر (امريكا) / رد: ارجو الرد من الاخت انجي حول اجراء عمليات اطفال الانابيب بامريكا في: 10:02 01/07/2010
حيل هذا الموضوع قبل سنة اني اسالت اختي انجي عليه وجاوبتني مشكوره
واني سالت هواي ناس ولكيت تقريبا اغلب الولايات الامريكيه موجود بيه هيجي مركز للتلقيح الخارجي واطفال الانابيب والاسعار هم متفاوته من ولايه الى ولايه

ولازلت ابحث عن منظمة انسانية او كنيسه او جامع يدعم هذا الشي وماكو والله يسهل علينه وعليك ويرقنا واياك الذريه الصالحه بحق محمد وآل محمد الطيبين الطاهرين
65  منتدى الهجرة واللجوء / الهجرة و واللاجئين / رد: وقت قياسي باستلام الفيزا من سفارة امريكا ببغداد في: 07:58 30/06/2010
178390 مبروك اخويه فنجوسي ويارب تشوف السعاده والموفقيه
ولو اني راح ابقى وحدي بالعراق اذا انته عفتني بس ميخالف الله يوفقك اخويه العزيز
66  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟ في: 07:30 29/06/2010
السلام عليكم حبايب
البارحه كفيلي وقع جميع الاوراق المطلوبه
والجماعه كالوله من الى 45 يوم الى شهرين اقصى حد راح يكون ابن عمك في امريكا
عاد صدك جذب هاي ماادري بيه انعدمت الثقه ويه IOM لان صارلي سنتين على المواعيد

على العموم الله يسهل على الجميع
وحياكم الله اخوتي
67  منتدى الهجرة واللجوء / الهجرة و واللاجئين / رد: رساله من iom بغداد في: 21:18 27/06/2010
حي الله اختي امنية على هذه الترجمه السريعه
حبي البصراوي موفق انشاء الله تعالى
68  منتدى الهجرة واللجوء / دردشة منتدى الهجرة واللاجئين / رد: نكات جديدة اهداء لاخوية ضاع الوطن في: 08:29 27/06/2010
هاي احلاهن

واحد سال صاحبه .. إذا الله دخلنا للجنة وأنطانا حور العين شنسوي بزوجاتنا ..؟؟ كاله ننطيهم لأهل النار

تسلم موفق
69  منتدى الهجرة واللجوء / دردشة منتدى الهجرة واللاجئين / رد: تحشيش الابن زيونة ام اتخابر ابنه في: 08:22 27/06/2010
حلوا ضاع الوطن حلوا
70  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟ في: 09:45 26/06/2010
صدك جذب اروح اروح وارجع وانتم بعدكم ماطالعين يمعودي خلي واحد يشوفلنه فتاح فال
اخاف مسوين علينه شي جماعه الشهر الثاني
71  منتدى الهجرة واللجوء / الهجرة و واللاجئين / رد: بعد 3 اشهر من وصولي الى امريكا وحاله تصادم باص واني كاعد بيه في: 20:39 24/06/2010
الله على الانسانيه
والله يااخوان قبل كم يوم صار حادث على الشارع العام وصارت حالة وفاة والباقي حاله خطره طبعا ماكو اسعاف ولا حكومه الناس الله يجزيه بالخير شالت الناس بالبيكبات ابو الاسعاف يكول اني ماعندي صلاحيه اطلع خارج المحافظه على العموم حتى الجثه خلوه بالممر مال المستشفى لان الكهرباء مطفيه والثلاجات متشتغل
اويلي على العراق والانسانيه البيه ويجي البطران يكلك لوين طالع اكو احسن من بلدك
عمي يابلد الوطن انباك واحنه صرنه بيه غربه وكرامتنه منهوبه

شكرا جزيلا حبي على موضوعك الذي سوف يزيد اصراري على مغادرة العراق
72  منتدى الهجرة واللجوء / الهجرة و واللاجئين / رد: سؤال في: 07:16 24/06/2010
اخويه العزيز انته نفس سالفتي
اني هم عندي وثيقة اعداديه معنونه الى وزارة الدفاع وماصارت الشغله
من ردت اترجمه واصدقها قالوا لي لازم تكون لغرض الترجمه مو غير شي
يعني القديمه تلفته وطلعت وحده جديده وترجمته وبفس اليوم رحت الى وزاره الخارجيه صدقته
هاي هيه الاجراءات لاتتعب نفسك روح طلع وحده جديده

تترجمه في مديريه التقويم والامتحانات تابعه الى وزارة التربيه
73  منتدى الهجرة واللجوء / الهجرة و واللاجئين / رد: رحلتي من بغداد الى تكساس ( الجزء الاول ) في: 08:12 22/06/2010
الحمد لله على السلامة اخويه العزيز
وانشاء الله تنفتح ابواب الرزق بوجهك اخويه العزيز اي شي تحتاجه في دالاس بس دزلي على الخاص
واني بخدمتك ولد عمي كلهم بدالاس وممكن يخدموك
واني انشاء الله عن قريب راح اكون يمك في دالاس تكساس
74  منتدى الهجرة واللجوء / الهجرة و واللاجئين / رد: اكو هيجي شي ياجماعة الخير في: 10:10 19/06/2010
السلام عليكم اخواني واخواتي
انا ممنون منكم على هذه الردود الوافيه والمريحه
شكرا جزيلا لكم مره اخرى
واتمنى من الله العلي القدير ان يريح قلوبكم وتتحقق امانيكم يارب

اخوكم سيد ميثم الكفائي
75  منتدى الهجرة واللجوء / الهجرة و واللاجئين / رد: اكو هيجي شي ياجماعة الخير في: 20:13 18/06/2010
ها اخوان شني السالفه لحد الان 16 واحد داخل على الموضوع بدون رد
شني يابه تتفرجون على الموضوع بلاش هسه عاد كلمه الله يسهل كافي
زين الاخوان الخبراء وين اليوم عطله رسميه للمنتدى واحنه ماندري

اسال الله العلي القدير ان يقضي حوائجكم وييسر اموركم انه على كل شي قدير
76  منتدى الهجرة واللجوء / الهجرة و واللاجئين / اكو هيجي شي ياجماعة الخير في: 19:38 18/06/2010
السلام عليكم حبايب
قبل يومين اتصلت بالمنظمة الي راح تستقبلني في دالاس وحولوني على شخص عراقي طيب مثل وجوهكم
وسالته عن الكيس وليش الكفيل لحد الان ماموقع مع العلم هم دزوله ورقه قبل شهر على العموم جاوبني الولد وكال خويه اوراقك كامله وباقيه على توقيع الكفيل والكفيل ماجاي نحصله الضاهر ملتهي او مغلس على الشغله الله اعلم كتله زين بهاي الحاله شلون راح تصير قضيتي كال راح ننتظر 10 ايام اذا مااجه وقع راح نكول هذا الشخص ماعنده كفيل وراح يصير حالك خال اي شخص ماعنده كفيل والمنظمة راح توقع اوراقك وترجع ملفك الى بغداد لتحديد موعد سفر الك اخوان اكو هيجي شي لو هذا اجتهاد من صاحبنا ابو المنظمة
اني اعرف اكوا تقصير من كفيلي بس يعني عادي راح المنظمة هيه الي تتكفلني وحتى سالته كتله اخاف تحولوني على غير ولايه كال لا اوراق يمنه في دالاس
77  منتدى الهجرة واللجوء / الهجرة و واللاجئين / معلومات عن المنظمة RNT Dallas في: 21:37 15/06/2010
السلام عليكم اخوان
الف رحمه على والديكم اريد معلومات عن المنظمة الي تستقبل الاجئين في دالاس
واسمه RNT Dalls
اريد اي معلومات او موقع الكتروني وشلنه زينه زوينه موزينه
اي معلومات تسعوفنا بها جزاكم الله خير الجزاء
78  منتدى الهجرة واللجوء / الهجرة و واللاجئين / رد: هل شرط الكفيل ان يوقع الاوراق ام لا لقبول المكفول في: 07:16 27/05/2010
حبي العزيز السومري انته مثل شغلتي اني قبل شهر اتصلوا بكفيلي وكالوله تعال يمنه شويه
وكالوله عندك اقارب راح يجون الى امريكا وانته كفيلهم ونحتاج ان تساعدنه
وكالوله يالله هسه اشطح واحنه راح نتصل بيك من تكمل اوراقه ولحد الان ماكو لاتوقيع وهم يحزنون
79  منتدى الهجرة واللجوء / الهجرة و واللاجئين / رد: سؤال بخصوص برنامجSIV المدة المطلوبة في العمل للشخص لكي يحق له التقديم؟؟!! ارجول التوضيح في: 10:46 24/05/2010
حبي سنة كاملة في نفس المكان مع وجود اثبات من HR انك داومت سنه بهذا المكان
غير هذا خويه تعذرنه مابيه مجال سنه الا خمسة ايام مابيه مجال
80  منتدى الهجرة واللجوء / الهجرة و واللاجئين / رد: ممكن مساعده للبحث عن عمل سكيورتي غارد في هيوستن تكساس؟ في: 07:51 24/05/2010
وردة ethan texas عاشت ايدك على المساعده
81  منتدى الهجرة واللجوء / الهجرة و واللاجئين / رد: خبر حلو من المسؤولين عن برنامج اللجوء في: 10:49 22/05/2010
يارب الله يسهل على الجميع
شكرا على نقل الخبر
82  منتدى الهجرة واللجوء / الهجرة و واللاجئين / رد: كرادي استلم موعد المقابلة واخيرا" في: 08:17 22/05/2010
الف على الخير والبركه حبي كرادي الله يسهل امورك يارب
83  منتدى الهجرة واللجوء / الهجرة و واللاجئين / رد: وصلت كالفورينيا والحمدلله في: 20:03 21/05/2010
حبي سلفر الكلفورني الف الحمد لله على سلامة الوصول ويارب الرزق الدائم
84  منتدى الهجرة واللجوء / الهجرة و واللاجئين / رد: علمتني امريكا في: 09:23 19/05/2010
والله كلام جميل حياك الله كاتب الموضوع
85  منتدى الهجرة واللجوء / الهجرة و واللاجئين / رد: مساعده عاجله في: 09:21 19/05/2010
اختي نهى ماادري تقصدين هذا
BaghdadInfoCenter@iom.int
لو غيره اذا هوا هذا يعني موجود عندك بالايميل الي اجه عليه الايزي نمبر
واذا غيره كولي حتى نشوفه
86  منتدى الهجرة واللجوء / الهجرة و واللاجئين / رد: عدم المحكومية و ال iom في: 09:14 19/05/2010
عمي مثل ماتفضلوا الاخوان والاخوات الي قبل عدم المحكوميه فقط الى الي مقدم علي SIV
واني قابلت على IOM مقابلتين محد طلب مني عدم محكوميه وصارلي سنتين بهذا المنتدى ماسمعت احد على IOM طلبوا منه عدم محكوميه
فيا عمي روح بواهسك ولتخاف
87  منتدى الهجرة واللجوء / مواضيع الحياة العامة في بلاد المهجر (امريكا) / رد: ضروري جدا جدا جدا جدا في: 07:42 18/05/2010
عمي جوزيف انته ورد الورود
تعيش حبي
88  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟ في: 07:37 18/05/2010
حبايب الف على الخير والبركه الى كل من راح يسافر انشاء الله
والله يسهل على البقيه يارب
البارحه اتصلت بكفيلي وكال اشو سولفو وياي وبعد ماكو شي
على العمو اني كتله عيني اخذ منهم رقم المنظه ايميلهم او اي وسيله اتصال على مود اني اتصل بيهم من العراق واشوف شكو ماكو
شتكولون يصير لو ميصير واحد يحك جلده بيده مو احسن
89  منتدى الهجرة واللجوء / الهجرة و واللاجئين / رد: موسوعة المصطلحات الشاملة ( القسم الاول ) في: 07:29 18/05/2010
والله انك صدك الرجل الحديدي
عاشت ايدك ياورد
90  منتدى الهجرة واللجوء / الهجرة و واللاجئين / رد: التحويل من اي او ام الى اس اي في في امريكا في: 20:39 17/05/2010
السلام عليكم اخوان
راح اعيد جوابي الي جاوبته قبل سنه
العام هم صار نفس هذا السؤال ورحت اتصلت بالمحاميه الامريكيه الي هيه هسه جاي تشتغل على معاملتي على برنامج SIV وكالت ماكو هيج شي انه واحد يحول من IOM الى SIV هذا كل برنامج على حدى

البارحه عدة نفس السؤال عليه وكتله اني شلون بيه راح اطلع على IOM واني محصل على الكوم ابروفل يصير احول من اوصل الى امريكا لو ميصير كالت لا ميصير كتله مو اكو جماعه مسوين هذا الشي كالت مستحيل اني اعمل بوزارة الهجره الامريكيه وماكو هيج تعليمات بهذا الخصوص

وبعد ماادري اشلون صاحبنه محول ماادري
ياريت اكو واحد يكول اني مسوي وهاي اثباتاتي على مود كلنه نسوي من نوصل لان اني راح اطلع على IOM ومستلم الكوم

وتحاتي لكم حبايب
91  منتدى الهجرة واللجوء / الهجرة و واللاجئين / رد: منو اللي موعد سفره يوم 31\5\2010 في: 20:19 17/05/2010
حبي سنايبر الف على الخير والبركه والله تستاهل
اسال الله العلي القدير ان يفتح ابواب الرزق بوجهك يارب
92  منتدى الهجرة واللجوء / الهجرة و واللاجئين / رد: الي عنده معلومة عن ولاية تكساس _ دالاس خلي يدخل هنا في: 08:35 16/05/2010
حيل هاي شنو عكعك ذكرتني بايام زمان من سالت عن محل القصابه وقاعات الحديد الجيم
حيل والله خلصت عمرنه IOM و SIV وصارت الايام تركض ركض
93  العلوم و التكنلوجيا / منتدى الفوتوشوب والتصميم والفلاش / رد: *** اول برنامج لمنتدى عنكاوا ومن تصميمي *** في: 20:13 14/05/2010
ابداع في ابداع تسلم اخويه العزيز تحياتي لك
94  منتدى الهجرة واللجوء / دردشة منتدى الهجرة واللاجئين / رد: وصلنا الى فيرجينيا ....... في: 09:54 13/05/2010
حي لله ابو راشد الف الحمد لله على السلامة
اسال الله العلي القدير ان يفتح ابوابه بوجهك آمين يارب العالمين
95  منتدى الهجرة واللجوء / الهجرة و واللاجئين / رد: محاميين وموسسات لمساعدة المهاجر واللاجئ ياريت عنوانهم في: 16:48 11/05/2010
اخويه العزيز انا مع كلام اختي سرى 100/100 تره اول شي يعطلون الموضوع لان هذوله اذا مو شغله مضبوطه ميدزوه بس اني اكلك اني هواي ساعدوني على ملا جميع الفورمات وبشكل صحيح ومضبوط
واكو شي لاخ لازم انته تكون مستوفي جميع الشروط حتى يقبلون يمثلونك يعني لازم مشتغل ويه الامريكان وعندك ركومنديشنات وعندك قصه تهديد وانته بخطر
ومع هذا كله مرات هم يغلسون على الشغله يعني اني عندي اصدقاء صارلهم 6 اشهر منتظرين الرد منهم

وهاك عيني هذا موقعهم الرسمي http://www.hklaw.com/
في حالة قبولهم ان يمثلوك راح يدزولك عقد لازم توقعه على مود يتعين الك محامي امريكي ولا تخاف هاي كله بلوشي
وهذا ايميلهم تكدر تدز طلب اليهم عن طريقه refugees@thelistproject.org
96  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟ في: 08:22 09/05/2010
السلام عليكم اخواني واخواتي
ياجماعه شني السالفه اشو قبل اسبوعين اتصلوا بابن عمي وحشموه وكالوله نريد منك هيج وهيجي
وبعد يومين ثلاثه راح نتصل بيك على مود توقع اوراق الكفاله
ولي هسه لااتصال ولاهم يحزنون يمكن هم راح يشدوله مغذي مثلنه
والمصيبه البارحه استلمت الكوم ابروفل
هسه شلون نبقى هيج مو خلص عمرنه انتظار بانتظار
97  منتدى الهجرة واللجوء / الهجرة و واللاجئين / رد: وأخيراً استلمت COM Approval في: 07:56 09/05/2010
عمري كرادي الله يوفقك هوا هذا الكم الصحيح والي اني جاي افكر بيه وراح بعون الله امشي عليه والله يسهل
حبي sniperpain اي والله سنه على SIV وسنتين على برنامج IOM والله حتى بلحيتي طلع الشيب من وره ابرنامجين
اختي الجليله غزاله البصره الله يرضى عليج ويحفظج
SZSZ تحياتي لكم ياطيبين وانشاء الله راح امشي بنصيحه حبي الكرادي

الله يحفظكم ويسهل اموركم يارب
98  منتدى الهجرة واللجوء / الهجرة و واللاجئين / رد: وأخيراً استلمت COM Approval في: 22:18 08/05/2010
اخويه العزيز Echo 9 اشكرك جزيل الشكر
اخويه بالنسبة للمحامية هاي منظمة او وكاله محامين عراقين وامريكان برنامجها مساعدت العراقين والافغان الذين عملوا مع الحكومه الامريكيه في بلدناهم طبعا تقدم التماس الهم وانته وحظك لو يقبلون يساعدكوك لو لا طبعا اني شهرين ياله ردو عليه واكو ناس صارلهم 6 اشهر مقدمين عليهم وليهسه ماكو شي
بالنسبة الي اني هواي ساعدوني بالتقديم والمشوره وقبل كل شي يدزولك ورقه توقع بيه على انك موكل محامي منهم وهذا كله بلاش يعني على الحكومه الامريكيه بس تره ارجع واكول كل واحد وحظه يعني اكو ناس عانوا منهم لان الصراحه يتاخرون بشغلهم بس هذا كله بمصلحتك يعني الشي الي يسونه ماراح السفاره تطالبك بيه مره ثانيه يعني اني كلش قليل الي طلبا مني قبل لا استلم الكوم لان المحاميه هيه مرتبه اوراقي وهيه الي دزته للسفاره وسيسي لي

اختي انجي الف شكر لك ياورده
99  منتدى الهجرة واللجوء / مواضيع الحياة العامة في بلاد المهجر (امريكا) / رد: كيف يتم الحصول على عمل سكيورتي غارد؟ في: 21:57 08/05/2010
اخويه العزيز رونن العراقي
هذا الموضوع قبل فترة اني وابن عمي الي حاليا امريكا كنا نتناقش بيه لانني احب ان اشتغل بودي كارد او سكيورتي لان هذا عملي الحالي في العراق وعندي شهادة خبره من شركة كاستل بتل و بلاك وتر ومن الحكومه العراقيه وصارلي اعمل بهذا المجال من سنة 2003

فكالي اول شي يطلبوه البنية الجسمانية يعني اذا كان مفتول العضلات هذا ممتاز وثاني شي كالي جيب وياك شهايد الخبرة واذا عندك صور تثبت عملك سابقا هم بعد احسن

وذا صارت موافقه عليك راح يدخلوك تدريب من جديد  هذا الي اعرفه واذا احد ااخوان عنده خبره بهذا المجال ياريت يفيدنا بعد اكثر
100  منتدى الهجرة واللجوء / الهجرة و واللاجئين / وأخيراً استلمت COM Approval في: 21:48 08/05/2010
السلام عليكم اخواني
بعد تقريبا اكثر من 10 اشهر ويه SIV وبعد معانات كثيره وطلبات اكثر منهم اليوم استلمت الكوم ابروفل
والمصيبه انه اني واصل مرحله اخيره ويه IOM وقبل فترة قليله اتصلت المنظمة في ابن عمي حتى يجهز نفسه ويوقع اوراق الكفاله

وماادري حاير شلون ياربي بالنسبة الى SIV يكولون اذا مقدم على IOM اسحب اوراقك
اتصلت بمحاميه في امريكا هيه الي ساعدتني على التقديم على SIV كالت مالك شغله بيهم ولاتسحب اوراقك ضل هيج وهذا الاسبوع راح كمل شغلنه وندز الاوراق الى نبراسكا في حاله اذا انطوك مقابله على SIV اسحب اوراقك لان SIV احسن بهواي من IOM

هسه شتكولون اخواني
101  منتدى الهجرة واللجوء / الهجرة و واللاجئين / رد: تحذير من داخل امريكا في: 10:43 05/05/2010
تسلم حبي جوزيف على هذه المعلومات القيمه

بس يعني شلون بينه احنهالعراقين يعني الهويه دوم راح تضل ويانه وشايلينه

اني من راح اوصل الى امريكا راح اصبغ شعري اصفر لو برتقالي حتى يكولون هذا امريكي اصلي
102  منتدى الهجرة واللجوء / الهجرة و واللاجئين / رد: الاخوان القدماء ( جماعة اي او ام بغداد ) ( ادخل وشارك الموضوع لتغيير الجو ) في: 14:19 30/04/2010
السلام عليكم اخواني الشباب والشابات
اني ميثم الكفائي مقدم على IOM الشهر السابع 2008 وقابلت محلفين وسويت فحص طبي يوم
13/2/2010 وقابلت محلفين يوم 16/2/2010 وتصلوا بكفيلي قبل اسبوع تقريبا بس لاوقع اوراق ولا هم يحزنون

ثاني شي اني مقدم اوراقي على برنامج SIV الشهر السادس 2009 ولحد الان مامحصل الكوم ابروفل
واوراقي بالسفارة الامريكيه في بغداد صارلهن شهرين ونايمه على معاملتي الطابوقه

هذه اخبار ماعندنا ما اخبار ماعندك
103  منتدى الهجرة واللجوء / الهجرة و واللاجئين / رد: منو اقدم واحد SIVبدون كوم يستحق شارة الكابتن؟؟ في: 14:02 30/04/2010
السلام عليكم حبايب
شكرا جزيلا على ترقيتكم اياي الله يسهل على الجميع يارب
اني راح اطلع على برنامج IOM والكوم لي هسه مامستلمه
بالمناسبة اني هم كابتن على برنامج IOM لان مقدم بشهر السابع 2008 وهسه منظر الامنية والله كريم
وارحم الراحمين
104  منتدى الهجرة واللجوء / الهجرة و واللاجئين / رد: منو اقدم واحد SIVبدون كوم يستحق شارة الكابتن؟؟ في: 06:45 28/04/2010
شكرا جزيلا kunda على وسام الكابتن انشاء الله راح نكون على كد المسؤليه
وهسه انتم الوريث الشرعي لي على الوسام شكرا مره ثانية
105  منتدى الهجرة واللجوء / الهجرة و واللاجئين / رد: منو اقدم واحد SIVبدون كوم يستحق شارة الكابتن؟؟ في: 14:33 27/04/2010
اني الكابتن بلامنازع يااخوان
اني قدمت اوراقي 26/6/2009 ولحد الان مامستلم الكوم
واوراقي بالسفارة الامريكيه بالعراق صارلهن شهرين وهم ماكو شي
106  منتدى الهجرة واللجوء / الهجرة و واللاجئين / رد: منو مخابرين كفيلة بس مموقع اوراق الكفالة ليهسة؟؟؟ في: 07:45 26/04/2010
اختي العزيز تره نصه الجماعه مثل شغلتج يعني اني قبل اسبوع خابرو كفيلي
وطلبوه منه يجي للمنظمة وكالوله عندك اقرباء راح يجون شنو الي تكدر تسويه وتساعدنه بيه
كلهم مااكدر اسوي اي شي لانني ملتزم بعمل وماعندي مكان اسكنهم بيه
بس اني اصير وياهم كفيل معنوي لاغير طبعا هاي اني موصيه يكول هيج
كالوله لا احنه بس نريد منك من يجون تهتم بيهم وتدليهم على المدينه وهاي هيه وطلع من المنظمة لاوقع ولاهم يحزنون كالةله راح ندز عليك مره ثانيه وشكرا
107  منتدى الهجرة واللجوء / الهجرة و واللاجئين / رد: we arrived USA,TX,Dallas في: 07:36 26/04/2010
حبي الف الحمد لله على السلامه
انشاء الله عن قريب راح نصير جيران
108  منتدى الهجرة واللجوء / الهجرة و واللاجئين / رد: أخيراً اتصلت المنظمة بكفيلي في دالاس تكساس في: 06:50 22/04/2010
السلام عليكم اخواني واخواتي الكرام

اي خويه ابو حسين الشبح اني ميثم الكفائي بس انته بعدتك عني امريكا ونسيت اخوك الي جنت انته الداعم لي على برنامج SIV فيا خويه لاتدوخ IOM الي جانت نايمه من الشهر السادس 2008 شاء القدر ان تتحرك اسرع من SIV تحياتي لك علاوي الشبح الورد

اخويه وحبي كسوفي الله يوفقك ويسهل جميع امورك
ممنون منك حبي الله يرضى عليك
109  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً في: 18:14 21/04/2010
السلام عليكم اخوان اكيد اغلبكم يعرف اني قابلت محلفين يوم 16/2
واجاني رد المحلف تقريبا بعد 55 يوم من المقابله والنتيجه كانت التاجيل

والشي الذي فاجئني اتصلت المنظمة في دالاس تكساس بكفيلي وكالوله عيوني بلكي تمر يمنه
على مود ابن عمك وعائلته راح تجي عن قريب وانته كفيله

هاي هيه اني نزلت موضوع بهذا الخصوص بس حبيت اكتب هنا على مود تعم الفائده
110  منتدى الهجرة واللجوء / الهجرة و واللاجئين / رد: أخيراً اتصلت المنظمة بكفيلي في دالاس تكساس في: 18:50 19/04/2010
السلام عليكم جميعا
حبي المتميز العراقي انشاء الله تعالى انته بعدي على طول
اختي العزيزة AnGie الف شكرا لك على دعمك المتواصل لي والى الاعضاء
اخي العزيز hamada2 الف شكر لك حبي
عمري ابو زيوني الله يوفقك يارب
عمري wanksta  الله يفرح قلبك يارب
اختي بنت العراق 84  الله يسهل عليج وعلى الجميع
حبي ابو مسك  انشاء الله خويه نصير جوارين بعون الله
اخويه الورد Mazen Al-Baghdadi الله يوفقك ياخويه
الف شكر انديانا  الله يسمع منك
صار حبي لورنس العرب2  هسه انشاء الله راح اكتب الموضوع وتدلل
اخويه لورنس العراق  ممنون منك حبي
الاخت مينا شكرا على الرد ويكولون رب العالمين ميخلي حمل مطروح والكلام القدسي يكول اسعى ياعبدي وانا اعينك خلي واحد يكول يالله وماراح يذل
عمري ابو ياسين تحياتي لك
الف شكرا eboo الله يوفقك

تحياتي الى جميع من رد وتفعل مع موضوعي الف شكر للجميع
111  منتدى الهجرة واللجوء / الهجرة و واللاجئين / رد: أخيراً اتصلت المنظمة بكفيلي في دالاس تكساس في: 19:57 18/04/2010
اخويه العزيز هنر ربي يوفقك يارب وانشاء الله ياربي تسهل جميع امورك وامورك كل صاحب حاجه يارب
112  منتدى الهجرة واللجوء / الهجرة و واللاجئين / رد: أخيراً اتصلت المنظمة بكفيلي في دالاس تكساس في: 19:08 18/04/2010
اخويه العزيز TIKTAKTIKTAK الله يبشرك بالجنه انشاء الله تعالى
اختي أمنية ممنون منك مره ثانيه
113  منتدى الهجرة واللجوء / الهجرة و واللاجئين / رد: أخيراً اتصلت المنظمة بكفيلي في دالاس تكساس في: 19:02 18/04/2010
شكرا جزيلا الله يوفقج اختي امرتضى اسال الله تعالى ان يمن عليكي بالستر والعافيه

تحياتي لك اخوكي السيد ميثم الكفائي
114  منتدى الهجرة واللجوء / الهجرة و واللاجئين / أخيراً اتصلت المنظمة بكفيلي في دالاس تكساس في: 18:53 18/04/2010
السلام عليكم اخوان والله IOM راح تخبلنه قبل اسبوع اجاني تاجيل من المحلف
اليوم اتصلت المنظمة في دالاس تكساس بكفيلي الي هوا ابن عمي وكالوله تعال الاثنين لو الجمعه الى مقر المنظمة على مود قضيه قريبك الي راح يجي عن قريب حتى نتفاهم

اخوان شني السالفه شنو تاجيل شنو اتصال بالكفيل زين الموافقه الامنية وين قرار المحلف وين تره والله تاهت علينه السالفه بلكي من الاخوان الخبراء التعليق على هاي الشغله بلا زحمه حتى واحد يرتاح

تحياتي لكم اجمعين
115  الاخبار و الاحداث / الاخبار الرياضية / أخيراً اتصلت المنظمة بكفيلي في دالاس تكساس في: 18:47 18/04/2010
السلام عليكم اخوان والله IOM راح تخبلنه قبل اسبوع اجاني تاجيل من المحلف
اليوم اتصلت المنظمة في دالاس تكساس بكفيلي الي هوا ابن عمي وكالوله تعال الاثنين لو الجمعه الى مقر المنظمة على مود قضيه قريبك الي راح يجي عن قريب حتى نتفاهم

اخوان شني السالفه شنو تاجيل شنو اتصال بالكفيل زين الموافقه الامنية وين قرار المحلف وين تره والله تاهت علينه السالفه بلكي من الاخوان الخبراء التعليق على هاي الشغله بلا زحمه حتى واحد يرتاح

تحياتي لكم اجمعين
116  منتدى الهجرة واللجوء / الهجرة و واللاجئين / رد: جماعة الشهر الثاني وقرار المحلفين 2010 في: 06:26 12/04/2010
الاسلام عليكم اخواني اني قابلت محلفين يوم 16/2
وجاأني الرد تأجيييييل يوم 11/4
وعندي صديق هم نفس الشي هم تاجيل يعني حاليا من محافظتي 5 الي جايهم تاجيل
117  منتدى الهجرة واللجوء / الهجرة و واللاجئين / رد: وأخيراً جاء رد المحلف الموقر في: 20:03 11/04/2010
اخواني واخواتي
المتميز العراقي
كديلاك
أ.ج.ت
 اربد
sniper1980
✿AnGie✿
اسال الله العلي العظيم ان يمن عليكم بالصحه والسرور على ردودكم المشجعه والجميله
تحياتي لكل شخص مر او رد على موضوعي الف شكر لكم
118  منتدى الهجرة واللجوء / الهجرة و واللاجئين / رد: وأخيراً جاء رد المحلف الموقر في: 12:58 11/04/2010
الله يوفقج ياخويه ياامنية
واسال الله العلي القدير ان يسهل وييسر امر كل طالب حاجه بحق اصحاب الكساء
119  منتدى الهجرة واللجوء / الهجرة و واللاجئين / رد: وأخيراً جاء رد المحلف الموقر في: 11:56 11/04/2010
اخواني الحبايب الله يوفقكم على هذه الردود الجميله والمشجعه اسال الله العلي القدير ان يسهل وييسر اموركم يارب

حبي صفاء الله يساعدك خويه سنه على المغذي يمعود لعد اشظل بالمعده اذا بس مغذي عاد هسه لو وياه فد بسكته كعكه شويه هم احسن

الله يسهل امرك ياخويه يا صفاوي
120  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفــــــــــوا رد المحلف؟ في: 11:47 11/04/2010
السلام عليكم اخواني واخواتي

اليوم اجاني رد المحلف الله يجزيه بالحير وكانت النتيجه تاجيييل ابو الاكس من هذا الي مطوخ عليه بالسوفت
يمكن جان مختث مني الاخ حفظه الله ورعاه

حبايب اني ترى مقابل يوم 16 / 2 مثل ماكال اخوي العزيز Hanar

ها تذكرت شي عندي ولد هم قابل وياي بنفس اليوم والتاريخ هسه هم اجاه الرد تاجيل

يمكن الجماعه عدهم عقده من الشهر الثاني لان كل المقابل بالشهر الثاني تاجيل يمكن بس واحد ناجح مرفوع بقرار
121  منتدى الهجرة واللجوء / الهجرة و واللاجئين / وأخيراً جاء رد المحلف الموقر في: 11:30 11/04/2010
مرحبا اخواني مثل ماتعرفون اني قابلت يوم 16/2/2010 وفحصت يوم 13/2/2010
وقبل شويه جاء رد المحلف الموقر حفظه الله

تأجيييييييييييييييييييل مع سبق الاصرار والترصد
ومثل مايكول ابو المثل التاجيل ولا الماكوا والحمد لله رب العالمين على كل حال

تحياتي لكم حبايب
[/color]
122  منتدى الهجرة واللجوء / مواضيع الحياة العامة في بلاد المهجر (امريكا) / رد: وصلت الى ولاية نبراسكا في: 10:41 11/04/2010
هلا خوية ابو عمار الف الحمد لله على السلامة ادعي من الله ان يفتح ابواب رزقه بوجهك
بشرني حصلت بيت لو لا اكتبلنه التفاصيل خلي نعرف
123  منتدى الهجرة واللجوء / الهجرة و واللاجئين / رد: عاجل عاجل موافقة امنية في: 19:42 08/04/2010
يالله على الخير والبركة وانشاء الله السفر القريب

وانشاء الله الاخوان الي ينتظرون الله يسهل امرهم آمين يارب العالمين
124  منتدى الهجرة واللجوء / الهجرة و واللاجئين / رد: الي امقابلين محلف ابشهر الثاني بغداد اجاني رد المحلف في: 20:08 07/04/2010
الله كريم اخوان الي قاسمة الله نشوفه
قبل شويه هم عندي احد اصدقائي هم اجاه تاجيل هوا هم قابل ويانه بالشهر الثاني

الله يسهل علينه وعليكم آمين يارب العالمين
125  منتدى الهجرة واللجوء / الهجرة و واللاجئين / رد: واخيراااا وصل جواب المحلف الشهر الثاني بغ في: 19:59 07/04/2010
ياجماعه هاي شنو سالفة التاجيل قبل شويه اتصل بي صديقي هم مقابل ويانه بالشهر الثاني وهم اجته النتيجه تاجيل
يمعودين هاي اخاف مغذي واحنه بعد ماعدنه صبر

يارب يالله سهل على الجميع بحق محمد وآل محمد الطيبين الطاهرين
126  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفــــــــــوا رد المحلف؟ في: 19:52 07/04/2010
يالله يالله الف على الخير والبركه وانشاء الله يوم السفر يارب
والله يسهل على اخواني المنتظرين يارب العالمين

الله يسهل على الجميع
تستاهل حبي سنايبر
127  منتدى الهجرة واللجوء / الهجرة و واللاجئين / رد: واخيرا انفكت الجبسة في: 11:29 07/04/2010
خويه جوزيف الحمد لله والشكر من انفكت الجبسه
وانشاء الله تلكي الشغله الي ترضيك وتريحك يارب العالمين
128  منتدى الهجرة واللجوء / الهجرة و واللاجئين / رد: شهادات الولادة و iom بغداد في: 23:18 05/04/2010
اختي العزيزة امنية اطمئني IOM مايطلبون شهادة الولادة
اني من قابلت كتله هاي شهاده الولاده ومترجمه كالي لامادام عندك شهادة جنسية منحتاجه ومثل مااخذته وياي رجعته وياي
بس SIV هاي ياكدون عليه لان اني طلبوه مني ومترجمه

تحياتي لك اختي الجليله
129  منتدى الهجرة واللجوء / الهجرة و واللاجئين / رد: جماعة IOM بغداد --- من فضلكم اكراما في: 22:46 05/04/2010
حبي سيوفي والله ياخويه ماكو شي ثابت عند IOM
اني قابلت مقابلة اولى يوم 26/10/2009
فحص 13/2/2010
مقابلة ثانية 16/2/2010 ومنتظر رد المحلف الله يحفظة ويرعاه
130  منتدى الهجرة واللجوء / الهجرة و واللاجئين / رد: خايفه من مقابله المحلفين في: 07:42 03/04/2010
اختي العزيزه اهلا وسهلا بك مع اخوتك في هذا المنتدى الجليل
اختي ام مشمش كولي يالله وتوكلي عليه وكوني مطمئنه
اني والله كانت مقابلتي اسهل واسرع من المقابله الاولى لاسئلني على تواريخ بس اكد على الجيش وعلى القصه وهم كانت الاسئلة روتينية
توكلي على الله وروحي والله يسهل عليج انشاء الله تعالى
131  منتدى الهجرة واللجوء / الهجرة و واللاجئين / رد: وصلنا الى امريكا والحمد لله في: 07:31 03/04/2010
الف الحمد لله على سلامتك اخوية العزيز نهاد
اسال الله العلي القدير ان يفتح ابواب رزقه بوجهك انشاء الله
132  منتدى الهجرة واللجوء / الهجرة و واللاجئين / رد: بصراحه مليت من الانتظار في: 20:44 02/04/2010
أختي الجليله قولي يالله وصدكي وعتقدي ماتضيك الى بعدها فرج
اسال الله ان يفرج همج وييسر امرج

اختي العزيزة امنية الله يوفقج ويستر عليج من كل مكروه لانك استعنتي بكلام سيد البلغاء وسيد الحكماء
أمير المؤمنين علي ابن ابي طالب عليه السلام
جعلنا الله واياكي ممن تنالهم شفاعته انشاء الله

واسال الله ان يفرج هم العراقين وييسر امور اعضاء منتديات عنكاوا آمين يارب العالمين
133  منتدى الهجرة واللجوء / الهجرة و واللاجئين / رد: اخر واحدث تقارير وقوانين الحكومة الامريكية بخصوص الاجئين والمهاجرين العراقيين March.2010 في: 19:08 01/04/2010
هاي شنو حبي كرادي شنو هل الابداع
تحياتي الك وين انته موجود
[/color]
134  منتدى الهجرة واللجوء / الهجرة و واللاجئين / رد: المقابلة الاولى مع IOM في بغداد في: 13:56 01/04/2010
اخوية العزيز هذا صحيح اذا عندك كفيل في امريكا راح تسهل هواي يعني هذا الكفيل راح يكون كفيل معنوي فقط وراح المنظمة تحصلك سكن بنفس المدينة الي هوا ساكن بيه واذا ماعندك فالمنظمة هي راح تبحثلك على ولايه تسكن بيه
اذا عندك عنوان احد ساكن في امريكا اخذه وياك حتى تنطي الهم
135  منتدى الهجرة واللجوء / الهجرة و واللاجئين / رد: اقصى مدة مسموح بها بين الموافقه والسفر في: 19:56 31/03/2010
اخوية العزيز وماجزاء الاحسان الا الاحسان
مثل ماكال اخوية المتميز العراقي الاعتيادي هوا 4 اشهر هاي اذا الله سهله
والله مرات تزحف للسنة

الله يسهل امرك اخويه العزيز
[/color]
136  منتدى الهجرة واللجوء / الهجرة و واللاجئين / رد: المقابلة الاولى مع IOM في بغداد في: 19:43 31/03/2010
حبي ابو فاطمة اهلا وسهلا بك عمي
اني هم نفس شغلتك راح اكمل سنة ويه SIV ولحد الان لا كوم ولا غير شي
وعلى برنامج IOM خوية كملت مقابلتين ومنتظر والله كريم
حبي توكل على الله وروح للمقابله ولاتهتم فد شي كلش بسيط ومثل ما تفضل اخوي كرادي
ادخل على الرابط وراح تجد كل الاجابات الي تحتاجها
[/color]
137  منتدى الهجرة واللجوء / الهجرة و واللاجئين / رد: عندي سؤال كلش محيرني يا شباب واريد الجواب بدون زحمة... في: 19:37 31/03/2010
اخويه العزيز روح سوي مثل مايكيلك كرادي
اني صارت وياي نفس الشي العشيره بالجواز شكل والجنسية شكل فترجمت الجنسية وبقية الوثائق حسب مامكتوب بالجواز بالضبط
وهاي التعليمات انطتنياهه محامية اميركيه كالت اهم وثيقة بالعراق هيه الجواز امشي على الجواز وبس
[/color]
138  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 هل من تطورات بموافقة المحلف؟ في: 19:29 31/03/2010
والله ياجماعة اني اليوم كملت 45 يوم على مقابلتي مع المحلف
اليوم  طكيتهم برسالة استفسار عن قضيتي وين وصلت وشكو ماكو ذاكريني لو ناسيني
وستلمت اوتوا ربلي والله كريم نشوف وين توصل ويه الحبايب

ادعوا من الله العلي القدير ان يسهل امورنا واموركم يارب يالله
[/color]
139  منتدى الهجرة واللجوء / الهجرة و واللاجئين / رد: اخر اخباري من اريزونا في: 19:22 31/03/2010
اختي العزيز اسال الله العلي القدير ان يحفظكي انتي واختك وان يفتح ابواب رزقة بوجهك يارب العالمين
شكرا جزيلا على القصة الحلوا
140  منتدى الهجرة واللجوء / الهجرة و واللاجئين / رد: I -360 في: 19:53 30/03/2010
شوف اخوية العزيز

اهم شي يردونه التوقيع حي يعني فرش مو سكنر ولا شغل فوتو شوب
اني دزيت I360  بشركة الفيدكس الي مكتبهم في فندق الحمراء بالجادرية وبوكته اخذو من 40 الف دينار
ونطوني كود نمبر على مود اتابع الطرد وين وصل وره 5 ايام وصل الى اميركا وستلمه السحص الي اني داز على عنوانه
141  منتدى الهجرة واللجوء / الهجرة و واللاجئين / رد: اريد تزويدي بالمعلومات عن المقابله الاولى في العراق بخصوص اللجوء في: 19:31 30/03/2010
اخي العزيز على الخير والبركة موعد المقابلة حبي
المقابلة الاولى عبارة عن سوالف يعني فقط اخذ معلومات عنك وعن اهلك واخوتك واخواتك والعسكرية والمكانات الي اشتغلت بيهن وبعدين يطلعون عائلتك وتبقى انته وحدك حتى تسولف قصة التهديد اذا موجوده
يعني شغلة كلش بسيطة وفقط سوالف

ملاحظه حاول تكتب كل الي قلته من تطلع من المقابلة على مود ماتسنى شي بالمقابلة الثانية انشاء الله
لان لازم كل الي كتله بالمقابلة الاولى يتطابق مع كلامك مع المحلفين

الله يسهل عليك انشاء الله
142  منتدى الهجرة واللجوء / مواضيع الحياة العامة في بلاد المهجر (امريكا) / رد: اللذين يرغبون في حصول على عمل في امريكا في: 12:08 28/03/2010
اخوية العزيز ابو ابو فابيان تحياتي لك
تعيش وتسلم على هذه المعلومات اللطيفة والمفيده
اسال الله تعالى ان يمن عليك بالعافية
143  منتدى الهجرة واللجوء / الهجرة و واللاجئين / رد: قانون جديد بالنسبه لرخصة القياده في امريكا في: 19:49 27/03/2010
حبي اوكي اوكي شكرا جزيلا على نقلك الخبر
يعني اذا واحد فوق هذا العمر ميحتاج لهاي الدوخه ؟؟؟؟
144  منتدى الهجرة واللجوء / الهجرة و واللاجئين / رد: تسريع مقابلات i.o.m بغداد في: 17:37 27/03/2010
والله ياخويه هوا اكو تسهيل امر بس مو مثل ماحظرتك تكول

يعني اني قابلت وانتظرت اربعه اشهر يالله اجتني المقابلة الثانيه وهسه صارلي 40 يوم منتظر نتيجة المحلف

علما اني انتظر سنة ونص يالله حصلت المقابلة الاولى

تمنياتي لك بالموفقية يارب
145  منتدى الهجرة واللجوء / الهجرة و واللاجئين / رد: نكته من IOM بغداد...دزولي على مقابلة في: 17:32 27/03/2010
هلوا فنجوز شني عيني مقدم على IOM من وراي
عمي روح للمقابلة وشوف وين توصل وياهم

صير مثلي منتظر موافقة المحلف على IOM ومنتظر COM على SIV والله كريم منو التي اول افلت بيه

اتمنالك كل الموفقية
146  منتدى الهجرة واللجوء / الهجرة و واللاجئين / رد: مُنـجــزّات الشهـر الأول في لاس فيـغــاس في: 12:37 27/03/2010
حبي راهب الحب الف الحمد لله على سلامتك وسلامة الاهل وشكرا جزيلا على المعلومات المفيدة
تمنياتي لك بالموفقية انشاء الله يارب
[/color]
147  منتدى الهجرة واللجوء / الهجرة و واللاجئين / رد: بغداد سنتر مهم في: 13:23 26/03/2010
حبي محد يكدر يكلك بالمضبوط اني قابلت مقابلة اولى بعد سنة ونص من تقديمي الى IOM والمقابلة الثانية قابلتا بعد اربعه اشهر من مقابلتي الاولى وبعدني على الشحن يعني صارلي سنتين بالانتظار

ارجوا ان اكون ماضوجتك وهم ارجع واكول هاي مسئلة حظ وارزاق والله يسهل عليك اخويه
[/color]
148  منتدى الهجرة واللجوء / مواضيع الحياة العامة في بلاد المهجر (امريكا) / رد: مواقف العراقيين في الغربة ؟؟؟؟؟ في: 13:12 26/03/2010
حبي كراميش من استعان بغير الله ذل كول يالله وانشاء الله ماتحتاج احد

بس حبي هاي نصيحة من اخوك الجبير صير انته احسن منهم وروح سلم عليهم وكلهم اذا محتاجين شي اني بالخدمه بادر انته بالكرم قبلهم

مع تحياتي لك اخوك ميثم الكفائي
[/color]
149  منتدى الهجرة واللجوء / الهجرة و واللاجئين / رد: أوباما يوقع قانون الرعاية الصحية الجديد في: 09:52 25/03/2010
حبي كريستوفر العراقي تسلم وتعيش على هذا الخبر
تحياتي لك صديقي
[/color]
150  منتدى الهجرة واللجوء / الهجرة و واللاجئين / رد: حلولي مشكلتي في: 09:28 25/03/2010
خوية نظيف الف رحمه على والديك هسه منو ضرب منو خو ماكو احد من المنتدى متعور

حبي ارجوا ان توصح سؤالك وانشاء الله راح تلكي الاجابة من الخبراء
[/color]
151  منتدى الهجرة واللجوء / دردشة منتدى الهجرة واللاجئين / رد: الحنين بكلبي الك ...... في: 09:08 25/03/2010
لك هاي شنو علاوي حبي اشلونك اخويه العزيز والله مشتاقين
ربي يوفقك بحياتك الجديدة بحق محمد وآل محمد
[/color]
152  منتدى الهجرة واللجوء / الهجرة و واللاجئين / رد: وصلنا الى مدينة شاتانوكا سالمين كل الامور بالتفصيل الممل + مواصفات البيت بالتفصيل الممل في: 12:12 24/03/2010
حبي ابو جمانه الف الحمد لله على السلامة والف مبروك على السكن الجديد ادعوا من الله العلي القدير ان يفتح ابو رزقه بوجهك
حبي بالنسبة الى بنتك ارجوا ان تعلمها اسم السنجاب لان هذا ضروري واعتقد اسمه واوي ههههههه

الف الف مبروك عليك المكان الجديد
[/color]
153  منتدى الهجرة واللجوء / دردشة منتدى الهجرة واللاجئين / رد: قبل ماتسافر لازم تعرف معاني هذة الكلمات العراقية في: 12:03 24/03/2010
هاي شنو عيني كرادي
عاشت ايدك صدك ذني نصهن كنت مااعرف معناهن وهسه وضحت الصورة

تحياتي لك موضوع جميل
154  منتدى الهجرة واللجوء / الهجرة و واللاجئين / رد: الكونجرس الأمريكى يقر قانون الرعاية الصحية**مباااااارك** في: 09:36 23/03/2010
شكرا اخوية على الخبر الرائع واسال الله تعلى ان يمن على العراقين والبشريه بالعز والكرامة يارب
155  منتدى الهجرة واللجوء / مواضيع قبل السفر / رد: الى جميع اعضاء منتدى عين كاوا....ارجوا التثبيت رجاء" في: 09:22 23/03/2010
حبي كرادي اله يجزيك ويجزي كريك بالف خير
والله عمي هذا الزلمة عنده الانسانية 100/100 مو مثل ربعنه الله يهديهم

حبي كرادي شكرا على المعلومات القيمة والله اني هاي اول مره اشوفه واسمع بيه
156  منتدى الهجرة واللجوء / الهجرة و واللاجئين / رد: وصلنا بسلام الى مشيكن في: 09:15 23/03/2010
اختي العزيزة الف الحمد لله على السلامة وادعوا من الله العلي القدير ان يفتح ابواب رزقه بوجهك يارب
157  منتدى الهجرة واللجوء / مواضيع الحياة العامة في بلاد المهجر (امريكا) / رد: وصول المتوكله للولاايات المتحده الامريكيه الاباما \ موبيل ج\1 في: 07:44 22/03/2010
الحمد لله على السلامة وربي يسهل اموركم انشاء الله
158  منتدى الهجرة واللجوء / الهجرة و واللاجئين / رد: الحمد لله وصلت لاوستن صارلي 3 ايام بعد رحله طويله في: 07:29 22/03/2010
الحمد لله على السلامة اسال الله العلي القدير ان يفتح ابوبه بوجهك
159  منتدى الهجرة واللجوء / الهجرة و واللاجئين / رد: منو سوه مقابله محلفين في شهر 2__2010 في: 19:14 21/03/2010
اختي العزيزه عاشقة تكساس
انا فحصت يوم 13/2 وكملت مقابلة محلفين يوم 16/2 ولحد الان ماكو شي منتظرين نكمل 45 يوم حتى هنوب نستلمهم رسائل
160  منتدى الهجرة واللجوء / الهجرة و واللاجئين / رد: كوم ابروفال في: 11:37 19/03/2010
اخويه العزيز اهلا وسهلا بك معنا في هذا المنتدى الجميل

اخويه العزيز اصبر ان الله مع الصابرين انا مثلك منتظر الكوم من 26/6/2009 ولحد الان ماكو شي
وقبل شهر دزولي ايميل يكولون اوراقك كاملة وهيه الان في السفارة في بغداد

اوصيك بالصبر تره اني صارلي سنتين صابر على IOM و SIV
161  منتدى الهجرة واللجوء / الهجرة و واللاجئين / رد: اكو احد استلم ال com ? في: 12:36 17/03/2010
حبي فنجوز اشلونك اخويه بشرني شسويت بالمرحله الثانية وين وصلت
162  منتدى الهجرة واللجوء / الهجرة و واللاجئين / رد: الوضع يتحسن ببطىء في أوستن في: 12:33 17/03/2010
حبي شيبو حياك الله على روحك المتفائلة وعزيمتك على العيش بكرامة من غير المساعدات والحسنات التي نستلمها من المنظمات الخيرية

حبي خلي عينك بعين الله وانته صدك ماراح تذل والعمل مو عيب شرف


ومثل ماقال سيد البلغاء امير المؤمنين علي عليه السلام

نقل الصغر من قمم الجال     احب عليه من منن الرجالِ
يقولون بالكسب عاراُ           والعار عن السوالِ


تحياتي لك اخويه العزيز
163  منتدى الهجرة واللجوء / الهجرة و واللاجئين / رد: نصيحة للقادمين الى أميركا**ضروري جداً في: 11:52 17/03/2010
حبي SIV شكرا جزيلا على النصيحة الجميله والمفيده

تحياتي لك وشكرا مرة اخرى
164  منتدى الهجرة واللجوء / الهجرة و واللاجئين / رد: اكو احد استلم ال com ? في: 19:37 16/03/2010
والله ياخوية الجيش القوي اني بالنسبة لي كملت 8 اشهر منتظر الكوم ويجوز هم راح اطكلي بعد 4 اشهر حتى اكمل سنة منتظر الكوم مع العلم اني اوراقي كاملة وسالوا المشرف مالتي عني وجاوبهم وهسه اوراقي في السفارة الامريكيه في بغداد يعني يرادلهه فد اربع اشهر بعد عادي الانتظار صفتنا والملل عدونا يعني اني انتظرت سنة ونص يالله قابلت IOM وهم راح انتظر سنه ونص واقابل SIV

مع تحياتي لك اخي العسكري وانشاء الله ماتكون مستعجل على الطلعه الى امريكا لان الشغله لمن يطلع شيب بلحيتك يالله تطلع
165  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 هل من تطورات بموافقة المحلف؟ في: 19:49 15/03/2010
والله اخوية بعدهي على حطت ايدك باجر اكمل شهر على مقابلتي الثانية ولحد الان ماكو شي منتظرين والله كريم
166  منتدى الهجرة واللجوء / الهجرة و واللاجئين / رد: شنو استنتاجاتكم حول الفحص الطبي؟ في: 13:28 09/03/2010
اخوية سامر والله اني ماعندي علم بهاي السالفة بس اني فحصت قبل ثلاثه ايام من موعد مقابلتي الثانية
وماادري ليش حددولي الفحص قبل مقابلة المحلفين وبالمناسبة يعني مو بس اني عندي صديق وياي هم نفس الشي علما انا صالي اكثر من سنة ونص من قدمت على IOM وثمانية اشهر منتظر الكوم ابروفل على برنامج SIV يعني ياخويه هاي شغلة ارزاق ومابيه شي ينحزر

ملاحظة تقديمي كان على بغداد
167  منتدى الهجرة واللجوء / الهجرة و واللاجئين / رد: اللي مقابلين مقابلة محلف بشهر ال2 هل من تطورات بموافقة المحلف؟ في: 18:22 08/03/2010
حبي سنايبر اني فحصت يوم 13/2 وقابلت محلف يوم 16/2
ولحد الان لاخبر ولاحامض حلوا ولا شربت


وصابرين والله يسهل على الكل انشاء الله
168  منتدى الهجرة واللجوء / الهجرة و واللاجئين / رد: الكوم ابروفل تتاخر جدا وماكو رد في: 19:30 05/03/2010
اصبر ان الله مع الصابرين
اني مقدم من الشهر السادس 2009 ولحد الان ماكو شي بس قبل اسبوع دزولي رسالة وكالوا عمي مستمسكاتك كاملة وحولناها للسفارة في بغداد حتى ينظروا في امرك لو ينطوم الكوم لو يخلوك سفير والله اعلم
169  منتدى الهجرة واللجوء / الهجرة و واللاجئين / رد: ارجو المساعده في: 19:25 05/03/2010
حبي العزيز اني شهرين يطلبون مني نفس الاوراق وادزهن لمن دوخوني
يمكن الجماعه مزاجيات والله اربع مرات دزيت نفس الاوراق
170  منتدى الهجرة واللجوء / الهجرة و واللاجئين / رد: اجازة السياقة الدولية في: 19:18 05/03/2010
حبي واخوية العزيز اني اسمعت ابو الجاي الي من تدخل للبناية مال الجمعية راح تصير على ايدك اليسرى الكافتريا مالته هذا تكدر تشرب يمه جاي وتكله اشلون بيه اني محتاج اجازة بس ماعندي اجازة قديمة وشوف شنو رده راح يكون واذا غلس حاول على الولد الي واكفين بالباب FBS وهم عيد نفس السؤال والله كريم

حبي 50 الف هذا مال وصل الاجازة والفترة اقصى حد واذا مشغولين ساعه تتاخر بس اذا فارغين ربع ساعه بس يلزكون الصورة ويكتوبه ويختموه وينطوكياهه

وبالنسبة للي دفعني وطلعت اجازة دوليه نفس ماانته سمعت يعني اني ابن عمي بدلاص تكساس هوا الي كالي طلع اجازة هاي شويه تفيدك وتسهل امرك

حبي الي اعرفه والله على مااقول شهيد
171  منتدى الهجرة واللجوء / الهجرة و واللاجئين / رد: اجازة السياقة الدولية في: 13:15 05/03/2010
حبي فنجوس اشلونك زين
اخويه اني قبل شهرين طلعت اجازة دوليه من الجمعية العراقية للسيارات
اول شي تكص وصل ب 50 الف دينار هذا رسم وجنسية واجازة سوق قديمة وجواز سفر حتى ينقلون اسمك نفس ماموجود بالجواز
اني ربع ساعه وخلصت الاجازة وها لازم هم وياك صورتين

بالنسبة لل ماعنده اجازة سوق قديمة اني سمعت انه انته تتعامل ويه الشباب الي واكفين بالباب بس شكد ياخذون ماادري هاي انته وشطارتك بس الوصل ثابت هوا 50 الف وشكد بعد تنطي فوكاه هاي يمهم

وبالنسبة للي يكلك هاي اجازه كلك ماادري شنو هاي اشاعات مال الطابور الخامس لان اني لكيت سواق جاي يجددون اجايزهم سالتهم هم تسوقون بيه بغير مكان كال اي هواي دول عربيه جاي نستعمل بيه هاي الاجازة
وبالنسبة الى امريكا هاي ماعندي علم بيه لان اني هم طلعته على مود امريكا
172  منتدى الهجرة واللجوء / الهجرة و واللاجئين / رد: اهوووووو....اجة الكوم ابروفال وهسه لازم صدك نفكر نروح لامريكا في: 18:21 19/02/2010
الف على الخير اخوية الزغير ويارب ويارب ماتتاخر في بحر الظلمات

هسه اني ارتاحيت من انفكت جبستك يعني هسه يعني اني راح اصير بمكانك وآخذ الرقم القياسي باانتظار الكوم

الله يسهل امرك حبي بحق محمد وآل محمد
173  منتدى الهجرة واللجوء / الهجرة و واللاجئين / رد: تفاصيلي مع الفحص ومقابلة المحلفين في: 11:26 18/02/2010
حبي  rmadi  انته تأمرني امر اسال الله العلي القدير ان يسهل امرك وامر الجميع انه على كل شي قدير
174  منتدى الهجرة واللجوء / الهجرة و واللاجئين / رد: اللي ياخذون بصماته معناه المحلف رح يوافق عليه؟ في: 06:09 18/02/2010
اخي العزيز هسه صار الموديل من تكمل مقابلة محلفين راسا ياخذوك للبصمات هاي اني سويته قبل يومين
وعشر عوائل وياي هم سوو وساهم هيج يعني بصمات وطول ووزن وتوقع على بعض الاوراق ويكلولك الله معك
احنه نتصل بيك
175  منتدى الهجرة واللجوء / الهجرة و واللاجئين / رد: تفاصيلي مع الفحص ومقابلة المحلفين في: 20:30 17/02/2010
اخوية العزيز  ابو عبد الله التكساسي  الله يحفظك ويرعاك وشكرا جزيلا على مساعدتك للاخ جوزيف عند وصوله الى هيوستن وانشاء الله راح اكون جيرانك في مدينة دالاص التكساسية

حبي ابو علاء آل رداد انشاء الله انته تبشرني وتطلع قبلي الله يوفقك عمري

اخوية العزيز rmadi اخويه اني كانت وياي عشر عوائل جاية للمقابلة والمقابلات كانت كلش سهله وسريعه
اما عن سؤالك عن القصه اني قصتي كانت في بداية 2004 مرتين والباقي كله بالتلفون يعني اني هم قصتي قديمة بس هاي ماله دخل المهم انته تهددت بسبب عملك مع الامريكان وسالني هم تهددت بالسنوات الي بعد 2004 كتله لا بس اني احس اني في خطر ومااكدر ابقى بالعراق ومشت السالفه والحمد لله لايضل بالك تره كلش عادي

اخويه العزيز ابو ساره اسال الله العلي القدير ان يوفقك ويريح بالك يارب
176  منتدى الهجرة واللجوء / الهجرة و واللاجئين / رد: قصتي من رود ايلاند لتكساس في: 11:46 17/02/2010
عمي جوزيف الحمد لله على السلامه عمي شني السالفه راح اسميك جوزيف بطوطه لان انته الظاهر رحال

بس تدري احسن شي سويته من جيت تكساس على مود تصير جواريني لان اني انشاء الله على دالاص عدل وكبل بعون الله تعالى

الله يسهل عليك حبي وشكر وتقدير الى ابو عبد الله التكساسي على نخوته ومساعدته لك
177  منتدى الهجرة واللجوء / الهجرة و واللاجئين / رد: تفاصيلي مع الفحص ومقابلة المحلفين في: 11:28 17/02/2010
اخواني الاعزاء اربد & Haider Naem & الخالدي الاصيل & ظاع الوطن

شرفتوني بمروركم الكريم على موضوعي اسال الله العلي العظيم ان يمن عليك بالايمان وتسهيل اموركم يارب العالمين

تحياتي لكم حبايب
178  منتدى الهجرة واللجوء / الهجرة و واللاجئين / تفاصيلي مع الفحص ومقابلة المحلفين في: 06:27 17/02/2010
السلام عليكم اخوان اليوم راح احجيلكم بالتفصيل اشصار وياي بالفحص والمقابلة الثانية

الفحص اني مقابلتي الثانية كانت يوم 16/2 اتصلو بي IOM لتحديد موعد فحص يوم 13/2 الساعه الثامنة والنصف طبعا اكيد رحت بالموعد لكيت اسمي موجود يم شخص عنده قائمة بيه شكو واحد عنده فحص بهذا اليوم كمل عددنه اجه سكورت دخلنه للداخل طبعا اني عائلتي ثلاث اشخاص زوجتي وبنتي 9 سنوات
الفخص بهذا اليوم كان اخذ الطول والوزن وفحص النظر وسحب دم  بنتي مامشموله بسحب الدم ولا الاشعه
انطونه موعد لفحص الاشعه الساعه 2:30 في مختبر ابن البيطار للاشعه وهذا مكانه في مدخل الحارثية فوق اسواق الحارثية بعنب كلش قريب من تدخل الحارثية طبعا لكينة موظف من IOM نفسه كان موجود الصبح في ابن البيطار هذا ياخذ الاوراق الي انطوناها بالمستشفى كملنه فحص ونطونه موعد بعد يومين هم نرجع نفحص سريري الفحص السريري يكون روتبني يعني يشوف انته مسوي عمليه من قبل عندك علامة في جسمك هل لديك وشم ومن هل السوالف حتى ربع ساعه ماتاخرنه هاي هيه وخلص ولم يسلمونه اي شي لا اشعه ولا نتائج تحاليل

مقابلة المحلفين
موعدنه كان السابعه والنصف طبعا اجينة قبل الموعد وكانت موجوده هواي عوائل منتظرة الدخول التفتيش نفس الروتين مامتغير ظلينه منتظرين الساعه 8:30 جوي صاحوا اسماء للمقابلة الاولى وبعده صاحوا اسماء مقابلة المحلفين يعني كان اكوا بنفس الوقت ناس تقابل اولى وناس تقابل ثانية وهم ظلينه ننتظر منو الي راح يقابلنه اجتي مترجمة عراقية محترمه ومرتبه صاحت باسمي وكالت تفضل وياي للمحلف اني من كالت هيج انخبطت بطني المهم رحت وياهه ولكيت المحلف رجال اسود بس مو اسود بيه لمعه لا اسود محسن راسا كالت استريحوا هاي لاسلام ولاكلام اني ويه نفس اي هاي هيه هذا منا وراح يلزمنه الباب ظل يسال زوجتي اسئلة كلش روتينيه يعني حتى على تواريخ الولادة ماسال عليه بس سال لابسه عسكريه انتي بعثيه لولا عندج مسدس اذا طلعتي الى امريكا هم تعارضين القانون الامريكي ومن هل الاسئلة مال محوي الامية وحتى ماتاخرت عشر دقائق خو بنتي ولا ولا شافه ولا تكلم وياهة اي كلمه كاللمهم يالله تفضلوا انتظرو بره
هنوب اجه الي اول سؤال الي كال لبست عسكريه ومن شوكت لشوكت وشنو صنفك اني صنفي كان سائق كال شنو نوع السيارة الي كنت تقوده بالجيش كتله ماسقت سيارة لانني كنت بالخلفيات على الاليات المتروكه على العموم انطاني خريطه العراق وكالي اشر بالاحمر على المكانات الي خدمت بيهم وحتى الاحتياط هم اشره ويسال عندك سلاح مستعمل سلام  خلص الجيش اجه للقصه شوكت تهددت ويا جهه هددتك وشسولك وشنو سويت من هددوك يعني هم اساله بسيطة وسهلة كلش يعني اني كتله تره اكو بعد تفاصيل عن عملي ويه المنظمات كال ماكو مشكله مانحتاجه كتله عمي عندي بعد تفاصيل على القصه كال لا ماكو مشكله مانحتاجه طبعا اني من كنت تكلم وياه جايب وياي صور تدعم كلامي على نوع السيارت التي كانت عندنا وحتى كان عندنه مشروع تنظيف قنوات ري وستصلاح اراضي هذا المشروع يوميه اطلع 500 عامل يشتغلون بيه وهذوله العمال كلهم يدرون هذا العمل من منظمه امريكيه وعندي صور من شاف الصور كال حيل انته كلش مشهور بمدينتك كتله نعم الي يشتغل ويه الامريكان يصير حيل مشهور بالعماله

اخوان الي شفته يعني المقابلة كانت كلش سهله وسريعه ومابيه اي سؤال لف ودوران او استفزازي يعني اني مقابلتي ماطولت نصف ساعه وطلعت هم اخذو من بصمات ووزن وطول وتوقيع اخير وضليت شويه وطلعنه يعني الساعه 12 اني اطلعت وكملت كلشي الي حسيته الجماعه عدهم سباق ويه الزمن لان كل الي طبوا يقابلون ماطولوا نصف ساعه حتى عندي صديق المحلفه كالتله اني ماعندي وقت جان طبيت وياك بالتفاصيل

اخوان ابرولي الذمة طولت عليكم والي عنده سؤال خلي رفع ايده حتى اكون بخدمته واجاوبه
179  منتدى الهجرة واللجوء / الهجرة و واللاجئين / رد: حبايه ماقبل السفر شنو فائدتها؟؟؟؟ في: 13:16 12/02/2010
عمي حبايب هاي ياحباية الي تتكلمون عليه
هاي شلون وين ينطونيها هاي اول مره اسمع هيج موضوع
زين اني عندي دود من اول ماقدمت على الهجرة في الشهر السادس 2008 ولحد الان مااعرف مصيري
زين من راح الله يسهل عليه الدود مااعتقد ضاله على شكله يجوز هسه صايرة دينصور من الحركه عندهم حب للدينصور

والله مصيبه يعني عافوا الارهاب والقتل والدنيا وحايرين بالدود
180  منتدى الهجرة واللجوء / الهجرة و واللاجئين / رد: عند الوصول ماعندي فلوس في: 13:07 12/02/2010
اخوية العزيز البصراوي الي يذكرك بالموت ماينساك بالرزق
ومثل ماكال الاخوان انشاء الله ماتحتاجهن لان كلشي راح تلكي متوفر وبنتظارك
بس حاول تصرف منهن 100 $ عراقي يفيدنك بالمطار
500$ ذني ضمهن اخاف ياسبحان الله من توصل والمنظمة تتاخر بالدفع الك او الفود استامب يتاخر ذني ظل اصرف منهن على كيفك

اسال الله العلي القدير ان يفتح ابواب رزقه بوجهك انه على كل شي قدير
181  منتدى الهجرة واللجوء / الهجرة و واللاجئين / رد: نسبة قبول 90% في: 20:22 11/02/2010
اسال الله العلي العظيم بحق لااله الا الله ان يسهل على جميع العراقين ويسهل امرهم
182  منتدى الهجرة واللجوء / الهجرة و واللاجئين / رد: هل صحيح هذا الخبر؟ في: 20:16 11/02/2010
اختي العزيزة الصابرة

قبل 6 اشهر سمعت هيج شي وانه البرنامج راح ينسد ووووو ومن هل الاشاعات مال الطابور الخامس
عندي محامية امريكية تشتغل في وزارة الهجرة الامريكيه سؤالي لها كان هل صحيح امريكا سوف تغلق برنامج اللجوء الى امريكا والله كان ردها لي انتم العراقين هواي تحبون الاشعات وتصدكون بها هذا البرنامج ماشي الى نهاية سنة 2012 وغير هذا الكلام ماكو
183  منتدى الهجرة واللجوء / الهجرة و واللاجئين / رد: شيء عجيب غريب بال IOM بغداد اصحاب الخبرة الدخول رجاءً في: 20:03 11/02/2010
اخي العزيز بيتر شنو المشكله ماكو مشكلة كلش عادي
اني مقابلتي الاسبوع القادم وعندي فحص قيل المقابلة بثلاثه ايام
واكو ناس صار فحصهم بعد المقابلة

هاي IOM وماادراك مال IOM يومية قرار شكل
184  منتدى الهجرة واللجوء / الهجرة و واللاجئين / رد: اخبار طازجه من المحلفين بغداد IOM في: 19:29 11/02/2010
حبي ابو علاء شنو هل الابداع تحياتي لك حبي

اخوان طبعا اني اشكر ابو علاء شكر خاص لان الولد اول ماوصل من بغداد رأسا اجه يمي للبيت وسولفلي على المقابلة لان كنت داخل انذار ودايخ لان مقابلتي بعد كم يوم وماقصر ابو علي طمئني والحمد لله والشكر رفع معنوياتي واني حيل ممنون منه

بالنسبة للاخ rmadi
والله خويه اني عندي اصدقاء راح يقابلون محلفين بنهاية الشهر الثاني والثالث هم عندي جماعة راح يقابلون يعني اعتقد المحلفين موجودين شهرين والله اعلم
وعندي هم معلومه على مود المعاملات التي كانت نايمة يمهم اكثر من سنة كله بعون الله راح تمشي هاي السنة

شكرا مره ثانيا حبي ابو (شلي)
185  منتدى الهجرة واللجوء / الهجرة و واللاجئين / رد: لطفا اخواني اريد مساعدتكم اذا بيهه مجال على IOM بغداد لان حيل محتاجهه في: 17:48 10/02/2010
اخويه العزيز وابن ولايتي مستقبلا انشاء الله
الاخوان كفوا ووفو

شوف اخويه اني مقابلتي يوم 16/2 اليوم الظهر خابروني وكالوا عندك فحص يوم 13/2 يعني قبل المقابلة
بثلاثه ايام ومو بس اني كل ربعي الي موعد مقابلتهم الثانية وياي هم خابروهم وانطوهم نفس موعد الفحص

بس هم مثل ماكالوا الاخوان هذا مو قياس
186  منتدى الهجرة واللجوء / الهجرة و واللاجئين / رد: يافرحة ماتمت-ممكن مساعدتكم اخواني الاعزاء في: 12:07 09/02/2010
عمري كوكا لاتدوخ وكلس سهله ومثل ماكال اخوي ابو رامي
اني هم مقدم على برنامج SIV وعندي محاميه امريكيه وكالتلي تطلع صورة قيد وميحتاج تروح تصدقه
وعندي مترجم بمحافظتي مترجم قانوني ترجملي صورة القيد وختمه بختمه ودزيته ومشت
وراح اكلك فد شي بعد اني بنتي بالجواز مواليده 5/1/2001 والجنسية وشهادة الجنسية مواليده
15/10/2001 يعني الجوازات كانت غلطانه
ومشيت كل الترجمه على الجواز يعني اني هسه عندي العربي شكل والترجمه الانكليزيه شكل ثاني
تره صدك محمد راح يركز على الكتابه العربيه التركيز يكون على الانكليزي يعني على الترجمه

اسال الله العلي القدير ان ينير دربك
187  منتدى الهجرة واللجوء / الهجرة و واللاجئين / رد: موعد سفر اخيراً يوم 28-2 منو وياي في: 11:50 09/02/2010
الف على الخير والبركة اخوية العزيز اسال الله العلي القدير ان يفتح ابوب رزقه بوجهك انته وعائلتك
188  منتدى الهجرة واللجوء / الهجرة و واللاجئين / رد: اشتياق واسف جدااا جدا في: 11:24 09/02/2010
عمي جوزيف حمد لله على السلامة وين ماوين على الخير السكن الجديد

شلونك ويه الثلج بعدك تبرد لو لبست ملابس هوايه
189  منتدى الهجرة واللجوء / الهجرة و واللاجئين / رد: أحداث مقابلتي مع المحلف الأمريكي يوم 6\2\2010 في: 18:21 07/02/2010
اخوية العزيز القناص البصاوي الف على الخير والبركة المقابلة انشاء الله عن قريب تسمع اخبار حلوة
واني بعدك بعشرة ايام واقابل المحلفين واسال الله ان يسهل لي ولكل واحد حاير

تحياتي لك اخوك السيد الكفائي
190  منتدى الهجرة واللجوء / الهجرة و واللاجئين / رد: تحدد موعد سفري ولله الحمد في: 06:52 07/02/2010
اخوية العزيز حيدر نعيم الف على الخير والبركة
اسال الله العلي القدير ان يفتح ابوبه بوجهك وانشاء الله راح تجد الحل لاطفالك انشاء الله

احوك ميثم الكفائي
191  منتدى الهجرة واللجوء / الهجرة و واللاجئين / رد: قريبا سيتم تحديد موعد سفر لي من بغداد في: 18:37 02/02/2010
اخويه العزيز كوكو انشاء الله راح الكثير وبقى القليل

تستاهل كل الخير حبي
192  منتدى الهجرة واللجوء / الهجرة و واللاجئين / رد: بعد انتظار الفيزا سنة وتسعة شهور اتصلوا بيه المنظمة سألوني في: 18:34 02/02/2010
اخوية العزيز ابو ديفد بعون الله تعالى ماايامك الا عدد وراح تستلم الفيزا
193  منتدى الهجرة واللجوء / الهجرة و واللاجئين / رد: ساعدتهم بالسفر الامريكا اخرو سفرتي في: 18:30 02/02/2010
اخويه العزيز البصراوي تحيه طيبة لك على العمل الخير الذي عملته
حبي لاتضوج وصدك ما من عمل مثقال خير يره وما من عمل مثقال ذرة شراً يره
فيا خويه صدك راح رب العالمين يوكفلك واحد بطريقك يسهل كل امورك وماجزاء الاحسان الا الاحسان عند رب الاكوان
194  منتدى الهجرة واللجوء / الهجرة و واللاجئين / رد: انا وزوجتي في: 18:22 02/02/2010
اخوية العزيز طارق توكل على الله وكول يارب بالنسبة للعيش رب العالمين الي يذكرك بالموت مااعتقد راح ينساك بالرزق

بالنسبة للحجاب حبي هاي صارت مسائلة عادية كل احنه مثلك ومثل ماتفضلوا الاخوان قبلي والحجاب والعباية والبوشية صارت بكل العالم وين ماتروح تكليه موجوده والحمد لله

هسه سولفلنه انته وين واصل وبيامرحله وعلى يابرنامج مقدم 
195  منتدى الهجرة واللجوء / الهجرة و واللاجئين / رد: واخيرا تم تحديد موعد الخلاص في: 18:15 02/02/2010
الف على الخير والبركه اخوية العزيز اسال الله ان بفتح ابوبه بوجهك يارب

اخي وسام ارجوا ان توضح لنا انته وين وتواريخ المقابلات للفائدة العامة
196  منتدى الهجرة واللجوء / الهجرة و واللاجئين / رد: اسئلة حول الفحص الطبي ( IOMبغداد) في: 11:49 01/02/2010
اخوية العزيز رجل الظل عاشت ايدك يعني هاي اول مشاركه الك ومبدع فيها

تحياتي لك وارجوا منك الاستمرار معنا للفائدة العامه
197  منتدى الهجرة واللجوء / الهجرة و واللاجئين / رد: معلومات مهمة عن أمريكا في: 11:38 01/02/2010
عاشت الايادي موضوع محترم تسلم وتعيش
198  منتدى الهجرة واللجوء / الهجرة و واللاجئين / رد: مساعده الله يخليكم دخت بيها في: 11:36 01/02/2010
اول شي الف على الخير ويم انشاء الله الى الذين ينتظرون يستلمونه

ثاني شي مثل ماكال الاخ عكعك لاتدوخ نفسك وغلس والله يسهلك انشاء الله
199  منتدى الهجرة واللجوء / الهجرة و واللاجئين / رد: iom خابروني قبل شوية في: 19:59 31/01/2010
اخي العزيز بالنسبة للعسكرية تره مهمه اذا مكتوب بدفتر الخدمه انته صنفك كيمياوي ومكتوب متسرح من مكان كيمياوي متكدر تضم هذا الشي بس اذا مامكتوب شي غلس عادي

اما عن ايران دير بالك تذكر هذا الشي تره راسا يكولون هذا بالاطلاعات الايرانية

ومثل ماكال الاخوان مادام عندك جواز جديد استعمله وتوكل على الله وانشاء الله مفتوحه بوجهك يارب
200  منتدى الهجرة واللجوء / الهجرة و واللاجئين / رد: أخيرا انا في المربع الاخير في: 19:36 31/01/2010
على الخير والبركة اسال الله العلي القدير ان يفتح ابوب الخير بوجهك

متى السفر انشاء الله ؟؟؟؟؟
صفحات: [1] 2 3





 

 

 

Online now

مدعوم بواسطة MySQL مدعوم بواسطة PHP Powered by SMF 1.1.19 | SMF © 2011, Simple Machines XHTML 1.0 صالح! CSS صالح!
تم إنشاء الصفحة في 0.113 ثانية مستخدما 19 استفسار.