الرسائل

1

الهجرة و واللاجئين / رد: استفسار لخبراء الــ SIV

« في: 22:25 17/03/2009  »

حبي واخويه طبعا مابيدنا شي غير انكلك ربي يسهل امرك بس حبيت اكلك اني قبلك ب4 ايام اوراقي بلغضب لان اني اسميها الغضب لان مصيرك مجوهل وحالتك في غضب فسميتها الغضب نصيحتي لك ان تتصل بيهم وتدز لهم ايميلات واريد اسئلك خلال هاي ال5اسهر مادزولك طلب معلومات اضافيه شي وانته لتخابرهم لو بس منتضر نصيحتي ان تخابرهم بس مو كلسع يعني بلسبوع مره او مرتيين فقط وما اكدر اكلك بس اطبــــــــــــــك بلسره وربي يسهل امرنا وامركم باسرع وقت بس اكلك ماضل شي ان شاء الله

لعد انت مواعيدك قريبه علية
اني دزولي ايميل يوم 14- 10- 2008 كلولي اوراقك كلها كملت وبقت عالاجراءات الادارية
وراها جروها سكته من هاي المضبوطة الى يوم 22- 2- 2009 طلبو اسماء اخواني ومواليدهم ودزولي استمارة مال اعادة التوطين
علما انو اني دازهه قبل

ولحد الان سكته يا ام حسن

الله يفرج عن الجميع

2

الهجرة و واللاجئين / رد: استفسار لخبراء الــ SIV

« في: 22:00 17/03/2009  »

اخويه اخذ راحتك واطبك بالسره وجيب طن حظ حتى يحددولك موعد مقابله لان اني صار مكمل من شبااااااااااااااط 2008 ولهسه لا حامض حلو ولا جكليت ولا حتى بيبسي مال مريدي

هههههه

اخويه انتظر ولا تقلق كلنا بالهوى سوا التاخير كللللللش عادي

لعد انت امر من حالي
الله يساعدك والله شلون ليهسه مطاكه مرارتك
عمي تعال اني اعزمك على ببسي خطية والله انقهرت عليك

3

الهجرة و واللاجئين / رد: رد: استفسار لخبراء الــ SIV

« في: 21:53 17/03/2009  »

الاخ العزيز
ترحب خطوط ال NVC  البحرية بكم على متن رحلتها المرقمة (الكيس نمبر مالتك) المتوجهه من علاوي الحلة الى (الولاية اللي انته مختارهه بأمريكا) وتتمنى لكم رحلة ممتعه وشيقه اثناء عبور بحر الظلمات.

حبي ماكو شي غلط انته مسوية ولا اكو شي تكدر تسويه غير بس الاستمرار بالمتابعه عن طريق التلفون والايميل (بس بدون ملحه) واكو هواية مثلك..سويلك جرخله سريعه بالمنتدى راح تلكى اطنان من المعلومات.

اما ليش اني سميت هاي المرحلة ببحر الظلمات فالسبب ببساطة هوه انه معاملتك راح تختفي عن شاشات الرادار اثناء دخولهه بهاي المرحلة..ما عندك الامكانية على التأثير عليهه بأي طريقه من الطرق..وما تعرف وين وصلت داخل هاي المرحلة..ولا تعرف شوكت راح تخلصهه...لأنه هيه....فـــــــــــــــــــــــــــــــــــــــي بــــــــــــــــــــــــــــــــــــــــــحر الظلمـــــــــــــــــــــــــــــــــــــــــــــــــات.
تمنياتي ان تخلص بأسرع وقت ممكن وبالتوفيق.

اخوية شاكرلك مرورك وتعليقك
والله هي المشكلة لان يخلوها سكته يعني واحد يبقى حاير ويحس محد يتابع معاملته

الله يسهل عالجميع ان شاء الله

4

الهجرة و واللاجئين / رد: استفسار لخبراء الــ SIV

« في: 21:03 17/03/2009  »

الله يساعدك صديقي ....اولا انته صديقي فيليب اللي اني كتله عالمنتدى لو لا؟؟؟
وثانيا حتى تتعرف على هاي المرحله اللي انته بيهه اكثر اذا سويت بحث بارشيف الموقع على مصطلحات معتمده من قبل الاعضاء المخضرمين لوصفهه وهي
الغضب
بحر الظلمات
المراجعه الامنيه
NVC
وانشاء الله تلكه طن وكوشر معلومات وتجارب وبعدين انضمنه بموضوع شبح بغداد
SIV times
اللي شبه مثبت ودائما تلكاه بالصفحه الاولى
اخوك سوادي ابو صلبوخ ابو النفط هع هع هع هع هع

عمي خالي
ابو سوادي
اي هو اني فيليب مال ايام زمان
بعد خالي خالك اني شمعرفني اذا الجماعة كله يحجون بالكودات بحر الظلمات وهاي السوالف عبالك دا اقره بسورة الواقعة

رح اخذلي فرة بالمنتدى بس يمكن اذا اقره مشاكل الناس اكوم ادك والطم هسه
يله بيك حيل تكابلني ؟

5

الهجرة و واللاجئين / رد: استفسار لخبراء الــ SIV

« في: 20:55 17/03/2009  »

أخي الكريم ..

أهلا و سهلا بيك بمنتداك  منتدى الهجره

أخي الكريم ...ممكن تحدد انت بيا مرحله بالضبط حته نكدر نساعدك و نجاوبك بشكل دقيق..؟؟

شكرا

البصير

شكرا اخي العزيز عالترحيب

موضح بموضوعي معاملتي بالمراجعة الادارية

شكرا الك

6

الهجرة و واللاجئين / رد: استفسار لخبراء الــ SIV

« في: 20:50 17/03/2009  »

اخوية العزيز
انت اذا جديد بالمنتدى فأبشرك اكو ناس عبرت السنة واني طولت 5 اشهر واكو ناس اقل الشهر واجزم انه الموضوع يعتمد على الحظ لا اكثر ولا اقل
وتستطيع ان تراجع الرشيف وراح تلكة هواية مواضيع تتكلم على هذا الموضوع

لا اذا الموضوع عالحظ اني حظي مزفت

ننتظر والله كريم

شكرا عالرد اخوية

7

الهجرة و واللاجئين / استفسار لخبراء الــ SIV

« في: 18:00 17/03/2009  »

مرحبا اخوان وخوات
اول شي اني عضو جديد هنا حبيت اسلم عليكم وان شاء الله تتقبلوني بينكم

اني مقدم عالاس آي في 5000 من نهاية شهر السابع 2008
ومن تاريخ 14- 10- 2008 لحد الان اني بهاي المرحلة

Your case has been documentarily completed and is currently under review
for administrative processing. Unfortunately, we do not have a timeframe
for this procedure.  As soon as an interview appointment is scheduled
for you, you will be notified, via email.

يعني صار اكثر من 5 اشهر بهاي الخطوة
اكو واحد بيكم تعطل اكثر مني بهاي الخطوة لولا؟
شنو الغلط بمعاملتي علما اني لا خادم عسكري ولا طالع خارج العراق ولا متزوج
واكو ناس قدمو ورايه بشهرين وطلعلهم موعد مقابلة
شنو تنصحوني اسوي؟؟؟