الرسائل

1

الهجرة و واللاجئين / رد: ممكن اعرف شنو البطاقة الزرقاء ؟ مع اني مخلص مقابلات وباقي بس الموافقة .. السويد

« في: 19:30 06/07/2009  »

أخوتي عبسي والنجرس اشكركم ياطيبين ... زين آني بعد ثلاثة ايام استلم التمديد ثلاثة اشهر من الخارجية الأردنية
شتنصحوني اروح استلم التمديد لو لا اعتمد على اليو ان وخلص

2

الهجرة و واللاجئين / رد: ممكن اعرف شنو البطاقة الزرقاء ؟ مع اني مخلص مقابلات وباقي بس الموافقة .. السويد

« في: 19:00 06/07/2009  »

أخي عبسي ممكن توضيح اكثر ؟
أخي john85 شكراً الك مبين صايره هوسه يم الأخ مجيد حتى قبل فتره راسلته بخصوص موضوع وماردت عليّ الضاهر مشغول
أخي ابو داليا العزيز يعني افهم من كلامك البطاقة تخص الحماية لا اكثر ومالها شغل بالسفر وعادي الواحد يسافر بدون هاي البطاقة حتى لو ماعنده اقامة بالاردن آني اقامتي صار شهرين تقريبا من خلصت ومامددتها لا آني ولا المرافق مالتي للعلم آني عندي اصابة ومصارلي اربعة اشهر من دخلت عمان
شكراً لردكم الكريم وانتظر باقي الأخوه يفيدوني

3

الهجرة و واللاجئين / رد: ممكن اعرف شنو البطاقة الزرقاء ؟ مع اني مخلص مقابلات وباقي بس الموافقة .. السويد

« في: 18:32 06/07/2009  »

هلا بيك ياطيب .. الله يبارك بيك ويعزك

4

الهجرة و واللاجئين / ممكن اعرف شنو البطاقة الزرقاء ؟ مع اني مخلص مقابلات وباقي بس الموافقة .. السويد

« في: 18:12 06/07/2009  »

السلام عليكم ورحمة الله وبركاته
اتصلوا عليّ المفوضية السامية كالولي تعال بعد يومين علمود تملي البطاقة الزرقاء ممكن اعرف شنو هايه البطاقة
مع العلم آني مخلص مقابلات وآخر مقابلة كانت مع الوفد السويدي قبل شهرين تقريبا وكالولي انتظر الموافقة
وشكراً للجميع

5

الهجرة و واللاجئين / رد: ممكن تفيدوني بمعلومات قدمت على الـ UN من عمان (حالتي خاصة)

« في: 04:13 14/05/2009  »

أخي ✿AnGie✿ ويوفقك يارب ويعافيك ويسلمك
أخي ابن بغداد تسلم والنعم منك أخي اتصلوا بس يمكن منتبهت على ردودي
تسلمون على الدعاء

6

الهجرة و واللاجئين / رد: ممكن تفيدوني بمعلومات قدمت على الـ UN من عمان (حالتي خاصة)

« في: 01:57 14/05/2009  »

اخواني خواتي
Sasy
good sniper
 vincenzo
عكعك التطوى
الله يسلمكم ويوفقكم

7

الهجرة و واللاجئين / رد: ممكن تفيدوني بمعلومات قدمت على الـ UN من عمان (حالتي خاصة)

« في: 16:45 13/05/2009  »

السلام عليكم ورحمة الله وبركاته
بااارك الله بيكم وبدعائكم ياطيبين اسأل الله تعالى لكم التوفيق
ابشركم اليوم اتصلوا بيّ قسم التوطين وكالولي عندك يوم ال.... مقابلة مع الوفد السويدي وكالولي هاي آخر مقابلة الك جيب وياك كل مستمسكاتك انت والمرافق مالتك ..... ادعولي اخواني خواتي الله يوفقكم
طبعاً آني متعجب لأن قبل فتره اتصلوا ورفضت السويد واكدت عليهم وردت امريكا وهسه فاجئوني ان شاء الله بيها خير
بالنسبة للأخ الي يسأل اخاف ما بيّ اكتب لا الحمد لله اكدر اكتب آني صحيح شلل رباعي بس مو كامل يعني ايدي الحمد لله زينه
شكراً الكم جميعا واي شي جديد يصير ويايه راح ابلغكم بي إن شاء الله .... والي عنده نصيحة ياريت يكتبها الي

8

الهجرة و واللاجئين / رد: خبر مزعج سمعته اليوم

« في: 15:47 07/05/2009  »

الله لايوفق الي كان سبب بصدور هذا القرار واكيد معروفين متحصنين بمنطقة الخضراء ويحجولي بالأمان
هو وينه الأمان الي يحجون بي وهذا الاسبوع راح بي ضحايا مئات العراقيين
http://www.google.ae/search?hl=ar&q=%D9%85%D9%82%D8%AA%D9%84+%D8%A7%D9%84%D8%B9%D8%B1%D8%A7%D9%82&meta=&aq=f&oq=

9

الهجرة و واللاجئين / رد: ممكن تفيدوني بمعلومات قدمت على الـ UN من عمان (حالتي خاصة)

« في: 22:41 10/03/2009  »

وعليكم السلام
اهلاً اخي القرش الله يسلمك ويسمع منك بس ماعرف يصير اراجعهم واسأل لو ابقى انتظر تلفون من عدهم
شكراً لردك ودمت بخير

10

الهجرة و واللاجئين / رد: ممكن تفيدوني بمعلومات قدمت على الـ UN من عمان (حالتي خاصة)

« في: 22:37 10/03/2009  »

اهلاً بيك اخويه Wingo ، الله يسلمك ويحفظك
اللهم آمين والحمد لله على كل حال اخويه العزيز
بلكت مثل مكلت صايره تمشي المعاملات تمشي بسرعة
وإن شاء الله احاول ادخل دورات تقوية لغة انكليزية لأن كلش ضعيف بالانكليزي
يعني بالدراسة وصلت للاول متوسط وتركت الدراسة وعليك لحساب ؟
تسلم ماقصرت وردك هذا كلش رفع من معنوياتي لأن كلش خايف لاتبطي الشغلة
وكعدتي هنا بعمان شويه بيها زحمة .....
دمت بود

11

الهجرة و واللاجئين / ممكن تفيدوني بمعلومات قدمت على الـ UN من عمان (حالتي خاصة)

« في: 19:11 10/03/2009  »

السلام عليكم ورحمة الله وبركاته
أخوكم بلال من العراق عندي اصابة تقريباً شلل رباعي ضربوني الأمريكان
سافرت لعمان بتأريخ 2/3/2009 وراجعت الـ UN بتأريخ 5/3/2009 نطوني موعد يوم10/3/2009
رحت اليوم آني والمرافق مالتي للمقر مال المفوضية ونطونه استماير فارغه ومليناها آني والمرافق مالتي
وبعدها ب15 دقيقة دخلنه للمقابلة اسئلة واجوبه وبعد ماخلصت نطوني شهادة وحولوني على غرفة الرعاية الإجتماعية
ونفس الحالة اسئلة واجوبة وهم اخذوا عنوان سكني ومعلومات كاملة عني وكالولي احنه نتصل بيك

صراحتا يا اخوه آني هسه خايف لا الشغلة تطول مال الهجرة شتنصحوني عدكم شي تفيدوني بي ؟
هل معاملتي تطول مثل البقية ستة اشهر تقريبا لو آني لأن معاق شغلتي يمشوها بسرعة ؟
انتظر ردودكم الطيبة
اخوكم بلال العاني