الرسائل

1

الهجرة و واللاجئين / رد: مهم جدا جدا جدا..... اريد استفسر عن مشكلة محل الولادة في SIV احتاج جواب مستعجل من اهل الخبرة

« في: 09:14 21/02/2014  »

شكرا جزيلا على توضيحاتكم والله يوفق الجميع

2

الهجرة و واللاجئين / رد: مهم جدا جدا جدا..... اريد استفسر عن مشكلة محل الولادة في SIV احتاج جواب مستعجل من اهل الخبرة

« في: 22:20 20/02/2014  »

اختي الغزيزة سما......الي اعرفة انه الي مواليديهم 82 وفوك يعني 81,80..... الهم حق يطلعون جواز بس الي موالديهم 84 وجوة مالهم حق وبعد ماعرف .... ياريت اذا عندج معلومات ازيد تساعديني بيها وشكرا جزيلا....

3

الهجرة و واللاجئين / رد: مهم جدا جدا جدا..... اريد استفسر عن مشكلة محل الولادة في SIV احتاج جواب مستعجل من اهل الخبرة

« في: 21:24 20/02/2014  »

شكرا على الجواب اخواني ياريت احد ينطيني جواب مضبوط حتى اتحرك عالموضوع بسرعه وشكرا جزيلا لاهتمامكم

4

الهجرة و واللاجئين / رد: مهم جدا جدا جدا..... اريد استفسر عن مشكلة محل الولادة في SIV احتاج جواب مستعجل من اهل الخبرة

« في: 21:23 20/02/2014  »

اختي سما اني مجرد عندي بيان ولادة وشهاده ميلاد برطانية واني مواليد 84 يعني مو من حقي اطلع جواز برطاني حسب مااعرف واذا عندج معلومات عن هذا الموضوع ياريت تفيديني بيها

5

الهجرة و واللاجئين / مهم جدا جدا جدا..... اريد استفسر عن مشكلة محل الولادة في SIV احتاج جواب مستعجل من اهل الخبرة

« في: 19:30 20/02/2014  »

السلام عليكم جميع اخوانه الي بالمنتدى....... قدمت على SIV ودانتظر موافقة الكوم.(COM Approval) وحسب مفتهمت انه لازم اطلع صورة قيد نفوس واترجمها بس المشكلة انه محل ولادتي لندن ومستمسكاتي الي دزيتها لل SIV كلها محل الولادة بيها بغداد لان بزمن صدام صدر قرار انه كلمن مولود خارج العراق لازم يغير محل الولادة الى بغداد...هسه اذا طلعت صورة قيد نفوس رح تطلع محل الولادة لندن وحيصير تضارب بالمعلومات.......  وعندي ولد صديق صارت عنده نفس الحالة وتاخرت قضيتة سنتين ولحد هسه مطالع.....

السؤال:- شنو الاجراء الي لازم اتخذه هسه..... اغير كل المستمسكات ومن جديد اقدم لو الشغله طبيعية؟ وهل يحتاجون بيان ولادة بال SIV

6

الهجرة و واللاجئين / رد: سؤال عن الفحص الطبي للـ SIV و رجاءاً الاجابه من الاخوة الاعزاء

« في: 08:41 27/05/2012  »

شكرا للجميع على المرور و التفاعل مع الموضوع

7

الهجرة و واللاجئين / سؤال عن الفحص الطبي للـ SIV و رجاءاً الاجابه من الاخوة الاعزاء

« في: 23:48 22/05/2012  »

السلام عليكم
إخواني الاعزاء بالنسبة لفحص الـ SIV إتصلت بابن البيطار أحدد موعد و أسال عن التكاليف كالولي 170 دولار + 55 دولار للقاحات
و اتصلت بعيادة أور و كالولي بس 160 دولار أجرة الفحص و ماكو لقاحات عدهم.
قهل يعني الفحص الي عند أور يكفي لو لازم اخذ اللقاحات بغير مكان همين لو شنو؟ إذا أمكن توضيح و شنو الفرق بين العيادتين؟
مع فائق الشكر و التقدير..

8

الهجرة و واللاجئين / سؤال عن الكرين كارد في الـ SIV

« في: 17:57 17/05/2012  »

السلام عليكم ورحمة الله وبركاته
إخواني الاعزاء سؤالي هل صحيح ان الكرين كارد في برنامج الــ SIV
صار مثل الـIOM بالنسبة للفترة يعني سنة حتى تكدر تقدم عليه و تحصله
لأن سمعت انه أحد الاخوان سافر على الـ SIV قبل أشهر و صارت وياه
أرجو من الخبراء في المنتدى المساعدة في معرفة المعلومة بدقة و شكراً

9

الهجرة و واللاجئين / رد: أريد منكم نصيحه أخوان موعد سفري بعد بعد 5 أيام و محتار

« في: 04:52 21/03/2009  »

السلام عليكم
إخواني الأعزاء ...... مشكورين على ردودكم الكريمة و سعيكم للمساعدهو اني ممنون للتفاعل مع أسئلتي.....
و أني قبل أن أكتب الموضوع توقعت بعض الردود التي وردت, وبالنسبة للأخ vincenzo أني  قدمت للجوء بأعتباري عامل مع أحدى الجهات الأجنبية في العراق ,و ما كنت مهتم بالموضوع جدا بالبدايه  (قل لن يصيبنا إلا ما كتب الله لنا) و مازلت أعتقد انه (كل واحد وقسمته ويومه)  و لكن اللي جعلني أقدم هو موجة العنف اللي وصلت وأخذت واحد من العائلة و الحمد لله بسبب الشغل وخلتني أسكن بعيد عن أهلي, و بالمناسبة قضيتي من شهر السادس 2008 و لفترة طويلة ما إجاني أي رد من الوكالة و بعدين كلشي صار على السريع مقابلة ثانية و فحص طبي و بعدين الوكالة رجعت تبلغني بالرد النهائي انه هناك المزيد من التدقيق فأيست و ضجت و صار أشهر على هذا الحجي و فجأة يوم 12 \ 3 \ 2009 يعني قبل 10 أيام بلغوني بالتلفون أنه موعد سفري يوم 23 فجاوبتهم انه جوازي من نوع S و منتهي الصلاحية 2006 فطلبو نسخه من الجواز حتى يأجلوني لكن ورة يومين رجعو بلغوني أنه الجواز مو مشكله و موعد السفر يوم 25  و هاي  أولها و أخرها
 و بالمناسبة عرفت بالمنتدى قبل لا يتصلون بيه بفترة قصيرة و أطلعت على كثير من الامور اللي تفيد و لاحظت مواضيع تنتطرح و يكون الجواب عليها (أبحث بمواضيع سابقه) فكنت أبحث عن بعض الأجوبه بالارشيف .......


شكراً
و عذراً للأطاله

أخوكم   IM_LOST
و بدأ العد العكسي 5 --4 --3--2--1--0

10

الهجرة و واللاجئين / رد: أريد منكم نصيحه أخوان موعد سفري بعد بعد 5 أيام و محتار

« في: 16:43 20/03/2009  »

أخي عكعك مشكور لكن عن نقطه 2 حول الزواج اني خطيبتي بالعراق يسمحولي أرجع أسوي الاجراءات و بعدين ادخل لأمريكا عادي لأن اني سامع حتى إذا تاخذ كرين كارت راح تنمنع من دخول العراق.
و ما افتهمت عن نقطة (5) عن أمكانية التقديم مرة ثانية؟.
وبالنسبة للدراسة ما ممكن أجل السفر او أخليه ON HOLD


و مشكور يا طيب و جزاك الله خير الجزاء إن شاء الله

11

الهجرة و واللاجئين / رد: أريد منكم نصيحه أخوان موعد سفري بعد بعد 5 أيام و محتار

« في: 16:18 20/03/2009  »

مشكوره إختي و أرجو أن تعرفين انه أني بالعراق مو بدوله أخرى

12

الهجرة و واللاجئين / أريد منكم نصيحه أخوان موعد سفري بعد بعد 5 أيام و محتار

« في: 15:58 20/03/2009  »

السلام عليكم
إخواني الأعزاء أني جديد و هسه سجلت لأن طلعلي موعد السفر بس محتار كلش و أريد أجوبه لأسئلة هواية و قسم بيكم يجوز يكول هذا بطران بس إعذروني و أرجو منكم المساعدة بخبرتكم و سفري عن طريق اللجوء مو ال SIV  و اسئلتي كالاتي
1- أني طالب كليه مرحلة رابعة و باقيلي 5 اشهر أتخرج بس السفر صار و الكل تعرف أنه صحيح الشهادة لازم أنعادلها لاكن من تروح بشهادة أحسن من تروح وانت بدونها فالسوال اكدر اكمل هناك بس السنه الاخيرة و راح يساعدوني بدفع اجور الدراسه.

2- أني خاطب فإذا سافرت  وره فتره ردت أرجع اتزوج  واخذ زوجتي مثلا قبل أو وره ما احصل الكرين كارت يصير لو لا؟

3-إذا واحد الله لا يكولها إنسدت بوجهه كلش و راد يرجع شنو الاجراءات اللي لازم يسويها.
4-أكو مسأله أنه إذا أنته بين 18 و 25 سنه لازم تسجل بالتجنيد في حال صارت تعبئة عامه  فبرأيكم أكو هيج شي يعني واحد يروح و ورة فترة ياخذوه يذبوه بأفغانستان جندي (لو باقي بالعراق أحسن)

5-تصلت بالمنظمه حتى أعرف المكان اللي راح اروحله طلع مكان غير المكان اللي بيه ال(Sponsor) الي منطيهم معلوماته و عنوانه فدزيتلهم أيميل عن هذا الموضوع و بنفس الوقت سالتهم عن اكو أمكانية التاجيل من أجل الدراسه و بعد ما ادري أكو إحتمال هذا السؤال يأثر على السفر او يلغيه.علما أنه التكت مالتي خلصان و محجوز.

5- سؤال مهم ... إذا ما سافرت هسه ممكن بعدين أقدم من جديد على اللجوء او على الهجره

6-أخوان أكو شي همين غريب الجواز مالتي من نوع (S) و منتهي الصلاحية 2006 كلتلهم عليه كلولي دزلنا نسخه بالايميل حتى نأجلك لحد ما تطلع واحد جديد و بعدين رجعوا أتصلوا بيه و كالولي مو مشكله ما تحتاج جواز جديد.

أخواني  عذراً للإطاله لاكن الموضوع مأرقني و محتار حيرة ما بعدها حيره ارجوا الأجابة عن الأسئله مشكورين و قد تكون بعض الأسئلة مجاوبين عليها في مواضيع سابقه لكن لضيق الوقت لا يسعني البحث في كل المواضيع......

شكرا و جزاكم الله خيرأً

أخوكم
 
IM_LOST