2
السلام عليكم شباب
اخي العزيز من تجربتي الشخصية
اني من حصلت فيزة الهجرة الخاصة كنسلت مالت الاي او ام بعد ما كانت واصلتني رسالة الديفيرل منهم. بس من خابروني اني عبالى لح اسافر على رنامج الهجرة الخاصة لانه اني هم امقدم على قرض سفر .من وصلت المطار اتفاجئت بالرجل ينطيني علاكة الاي او ام و اني اصلا عندي ضرف الي اس في اللي انطونيا بالسفارة. ما اريد اطولهة عليك, من وصلت مطار ميامي الاخوة مال الاي او ام ايريد ايدخلوني امريكا كلاجيء. بعد الكلام الطويل معاهم وكلشي ما يفتهمون الله وكيلك , كلت اني ليش ما احجي وية ظابط الهجرة ابنفسي. صاحولى الظابط وحجيتلة قصتي و نصحني ان ادخل كمهاجر وليس كلاجىء لانه من ادخل ابصفتي لاجىء من الصعوبة او المستحيل ان اغير صفتي الى غير شي. هاي من تجرتي الخاصة يا اخي العزيز. ما اعرف هل ان الضابط كان يحجي ابكيفة لو لا؟ القرار ايعود الك و اتمنى التوفيق للجميع ان شاء الله.
عرض المشاركات
