اخي العزيز فالكون اشكرك على هذا الموضوع لدي سؤال :
انا قدمت المعاملة لي ولزوجتي في يوم 3 ابريل وزوجتي حامل ب بالشهر الخامس وهي في بغداد وانا في الامارات وسوف تحدد مقابلتي في السفارة في ابوظبي ليست لدي مشكلة في اصطحاب زوجتي معي لكن موعد المقابلة ربما يرتبط مع موعد ولادتها،وبعد ذلك سوف ياتي طفل انشالله فهل يجب تغير معاملة او تتصعب الامور .فممكن ان تنصحني بماذا افعل هل يجب علي تذكير الان في سي بذالك لكي يستعجلون المعاملةوتحديد موعد لمقابلة باسرع وقت.
وشرا جزيلا وتحياتي بالموفقيه
أخوتي الاعزاء لكثره الاسئله المتعلقه بموضوع المقابله ولطلب العديد من الاصدقاء اعاده تفعيل المشاركه ارجو من اداره المنتدى ثبيت الموضوع وانا جاهز للرد على كل الاسئله التي تخص هذا الموضوع.
أخوتي الاعزاء انا اسف لان تاخرت بالرد بس مثل ما تعرفون انا جنت كلش مشغول بشغله المقابله والفحص الطبي المهم واليوم ان شاء الله اشرح كلشئ الكم بس بالبدايه احب اشكر اخوي العزيز نور2 والاخ العزيز علي حسين الي هم جانو وياي اول باول .
أخوتي الاعزاء مثل ما يعرفون اغلب اعضاء المنتدى انا من المقدمين على برنامج الهجره الخاصه الخاص بالمتعاقدين مع القوات او الشركات الامريكيه وانا كنت اشتغل مهندس بشركه امريكيه هذا البرنامج يشمل 5000 شخص سنويا بدائا من 2008
انا قدمت على البرنامج من الشهر السابع 2008 وكان رقم الكيس نمبر مالتي 5 واجتني الابروفل مال القنصل بشهر الثامن وبعدين دزيتها يوم 18-9-2008 الى امريكا طبعا دزيتها بال دي اج ال وهو احسن واظمن طريقه توصل معاملتك بيها الى دائره الهجره بامريكا وتكدر تابعها عن طريق الانتر نت حيث ابو شركه الدي اج ال رقم من دكه بالموقع مالتهم يكلك رسالتك وين وصلت .
المهم يوم 8-10-2008 استلمت رساله من مركز الفيزا القومي يكلي معاملتك وافق عليها مكب الهجره الامريكي وهس لازم تكمل اوراقك المطلوبه منك حتى نحدد الك موعد مقابله وفعلا كملت اوراقي يمهم يوم 28-10-2008 وظليت انتظر الى يوم 2-1-2009 اجتني رساله من مكتب الفيزا القومي يكلي ان موعد مقابلتك تحدد في يوم 21-1-2009 الساعه تسعه الصبح المهم في سفاره بغداد ولازم تكمل الفحص الطبي قبل لا تجي .
الفحص الطبي
هم برساله الموعد انطوني عنوانين تخص المستشفيات المعترف بنتائج فحصها وهما كا التالي
1- مستشفى ابن البيطار في الصالحيه ياخذ على النفر 210$ ( وهو هذا الي انا اخترته بس ابدا ما انصح بيه)
2- عياده الشفاء والي هي بالمنطقه الخضراء ياخذون مع السكورت والنقل 150$ ( احسن اختيار لان الفحص يطلع بيومه واصلا ينطيك الفحص بيدك )
طبعا بكلا المكانين الفحص فد شئ تافه ولا تحطوله اي اهميه .
المقابله في السفاره الامريكيه
طبعا مركز الفيزا القومي انطاني اميل كل اذا تريد تروح للخضراء وما عندك شخص يدخلك دز الهم رساله تطلب بيها سكورت بس لازم قبل اسبوع على الاقل.
انا دزيت الرساله قبل اسبوعين من المقابله وهم ردو علي وكالو تعال للمنقطه الخضراء في يوم المقابله بس قبل الساعه 8:30 حتى ندخلك ولازم تجي من مدخل الجسر المعلق بالكراده .
بيوم المقابله انا وصلت الساعه 6:30 للخضراء وظليت انتظر السكورت الى الساعه 9 يله اجانا الاسكورت واخذنا الى السفاره الامريكيه علمود المقابله وبعد شكم نوع من انواع التفتيش دخلوني الى قاعه المقابله
طبعا قاعه المقابله هي عباره عن قاعه صغيره حوالي 9 ب4 متر وبيها عشر شبابيك الشباك الاول مخصص لجماعه الرسوم والي هم يستلمون رسوم الفيزا طبعا برنامجنا ما مشمول بهذا الشئ لان احنا كلشئ فريه
الشباك السابع وهو المهم بالنسبه النا لان هو مخصص لجماعه الهجره الخاصه طبعا اول ما تدخل تسلم جوازك لهذا الشباك وهو راح يكلك اكعد وانا اصيحك وطبعا كل الي عدهم مقابله كاعدين بنفس الغرفه وتعرفت بهواي اصدقاء هناك المهم بدو يصحونا واحد واحد بس بالمقابله احنا كلنا نسمع شنو يكولون وشنو يسئلون وهم المقابله هي كلش سهله بس يراجع وياك الفحص الطبي والي انت كاتبه و وين اشتغلت وشنو كانت مهماتك بشغلك وشنو خططك اذا انطاك الفيزا ورحت الى امريكا المهم انا ظليت اسمع الاسئله واجمع معلومات منا ومنا يعني عرفت شلون اجاوب على اسئلتهم.
المهم الصبح جان موجود شخص يطلع الروح لان كل شوي يعيد السؤال ويدقق ومرات يحاول يغلطك والاهم بهاي الحاله تلتزم بالي انت ذاكره الهم وهو طبعا الحقيقه لان كلشئ يعرفون عنك.
الساعه 12 بدلو شفت وجابو واحد جديد وهنا هذا الجديد بدء بيه كلت بس الله يستر صالحلي انا و زوجتي واول شئ كاله لا تخاف انا راح انطيك الفيزا بس اريد ادردش وياك شوي واعرف شكم شئ منك
كتله اوكي انا جاهز.
كال اول شئ خل ناخذ بصماتك انت وزوجتك وفعلا تم أخذ البصمات لنا بعدها سئلني
انت جنت تشتغل بيا شركه وشنو طبيعه شغلك هناك طبعا انا جاوبته
كلي هس تشتغل وين هم جاوبته
كلي انت خريج كليه واذا الجواب نعم شنو اختصاصك وهم جاوبته
رجع كلي انت من جنت تشتغل ويا الشركه هم فد يوم ترجمت شئ الهم كتله لا.
سئلني انت مسافر برى قبل كتله اي كال عدد الدول الي سافرت الها و السبب وشكم يوم بقيت هناك وهم جاوبته
كلي اذا انا انطيتك الفيزا اليوم شنو راح تسوي كلته طبعا انا راح احاول احصل شغل بارت تايم كلي ليش كتله حتى اكدر ادرس و اعادل شهادتي كلي خطه كلش حلوه .
بعدين سئل زوجتي كالها هذا زوجك طبعا هي ولا طكه بالانكليزي انا جاوبته نيابه عنها .
كلي انت من شوكت مقدم على البرنامج كتله من شهر السابع كال طيب ومن شوكت انت متزوج كتله على التاريخ كال طيب انت تزوجتها قبل لو بعد التقديم كتله لا طبعا قبل لا اسمع حتى بهل البرنامج كال انا خصلت مقابله وياك وانت تكدر تروح وتجي باجر تاخذ جوازك وجواز زوجتك بيه الفيزا طبعا انا شكرته وانطاني وصل وكل باجر من تجي بس تعال لوحدك وجيب الوصل وهم يدخلوك من الباب مال الخضراء.
وثاني يوم فعلا رحت بالموعد وطبعا بس الله ستر لان طلع هذا الي قابلني موظف جديد وما يعرف الاجرائات حيث لازم ينطيني اميل ادرس ادز عليه رساله بالوقت الي انا اريد اروح بيه حتى ينتظرني سوكورت والوصل ما يأكل بس بداخل السفاره
المهم ربك ستر لان المترجم الي باب الخضراء ( ان شاء الله يوفقه دنيا واخره) تعاطف وياي وراح دور الي شخص سكورت حتي لا يضيع موعدي مال استلام الجواز.
المهم دخلت واستلمت جوازي وبيه الفيزا ومعاه انطوني اوراق بظرف واحد الي والثاني لمرتي وكلولي لا تفتح هاي الاورقا باي شكل من الاشكال لان لازم شخص امريكي بالمطار يفتحها وهو المسؤل من دائره الهجره والجنسيه.
بس احب انبهكم الى ملاحظات البرنامج الجديد فتره الفيزه مالته 3 اشهر ومن سئلت الموظفه ليش كالته لان انتهم راح تسافرون اسرع وانت هس كدامك عشر ايام للسفر لان احنا مبلغين المنظمه تكمل اجرائات سفرك بسرعه بس انت لازم دز الهم نسخه من الفيزا
.
وهذا كلي الي صار واي سؤال انا حاظر.
اخوكم فالكون1982.
.
عرض المشاركات
