1
الهجرة و واللاجئين / رد: ***<<(جمعية ما بعد استلام الظرف 20/3 الاردن)>>***
« في: 09:26 18/09/2010 »
شكرا الكم على المعلومات
واتمنى الموفقة الجميع وسفر القريب
واتمنى الموفقة الجميع وسفر القريب
 |
|
|
|
|
|
يود موقع "عنكاوا كوم" اعلام زواره الاعزاء بقيامه تحسين خدمة تحميل الملفات في الموقع، حيث يمكنكم الان تحميل الصور والملفات الاخرى بسرعة فائقة جدا. كما سيتمكن الزوار بعد رفع الصور نسخ رابط الصورة ووضعها في مساهمته في المنتديات مباشرة.
رابط الخدمة الجديدة ...
http://uploads.ankawa.com/
عرض المشاركات
هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .
عاشت ايدج ياساسي البطلة
واني داكتب للاخت وداشوف الاراء اجيتي ببالي بس مكنتي موجوده والحمد لله اليوم فتحت الموضوع ولكيت جوابج الاكثر من روعة ومقارب لروعة ردود الاخ المتالق باسل الجميلة والعملية
والملخص لكل ما طرح للحالات المشابهة لحالة الاخت هو ان تحسبهه حساب عرب مثل ما يكولون وتحسب عدد افراد عائلتهه وتكاليف السفر وفترة الانتضار التي قد تدوم الى سنة او اكثر لانهم راح يقدمون على الامم المتحدة وعلى ميطلعلهم توطين هاي سالفة طويلة وان تقارن كل ذلك بين لبنان الغالية جدا وبين تركيا مثلا الارخص مضافا لها المبلغ المطالبين به في تركيا اذا كانت مشكلتهم مع السلطات التركية يمكن ان تحل بالفلوس
ودمتم للنظال
اختي العزيزه
اني ساكنه بالبنان صار اكثر من ٣ سنوات ومثل مكلج الاخ باسل تكدرين تجين من مطار اربيل بحجز يكون التكت للسعر الجديد ٥٩٠$ تو وي ثاني شي وياج شايله ٢٠٠٠$ دولار بعتبارج رايحه سائحه ثالث شي حجز فندقي نصيحتي الج
١- الحجز يكون مو اقل من ١٧ يوم علمود تحصلين فيزه شهر لان بالمطار اكو فيزه شهر واكو سبوعين يعتمد على الحجز الفندقي وممكن ممكن اني وشطارتج من تاخذين الطابع تشتري بالمطار ورى تحقيق الضابط بسبب قدومج ويجيكون ويا الفندق ويجيكون الفلوس البيدج والتكت يكلج روحي اخذي طابع من تروحين للشباك كليله اريد ابو الشهر اخاف يسألج شكد باقيه كليله مو اقل من ٢٠ يوم اذا اسأل. سعر الفندق مو اقل من ٨٥$ فما فوق الي يكلج اكو ارخص يعني ........ قذر جدا وخاصه هسه دخله موسم يعني الاسعار الضعف.
٢- انتي تكدرين تقدمين من لبنان وحسب الكيس مالتج يعني القصه تسوه لو لاء اين قدمت بشهر السادس سوولس مقابله اولى بالسابع الصانيه بالثامن التوطين بالثاني حولوني على ICNC بشهر الثالث وهسه عندي مقالبه السفاره بالخامس واكو غيري ويايه قدموا بعدهم واكو كملوا حسب الكيس،
٣- الحياة بالبنان جدددددددا غاليه بشكل متتصوري يعني تركيا واني رايحه التركيا هوايه ارخص كفندق واكل وشرب وطرق مواصلات. اصور اذا تقدمين من تركيا يكون افضلا الج وانتي على راحتج وهناك ممكن تحجين انكليزي هوايه اكو يحجون بالمحلات بكل مكان اني هاي تجربتي الخاصه الي صارت بشهر الثاني.
اذا يسألوج ليش متبقين بأربيل ممكن شرحين ابسط شي كولي الحياة صعبه لازم كفيل اذا مو كرديه انتي ماكو شغل وطلعي ميت عذر.
اختي العزيزه اي شي تحتاجي اني موجوده وبيتي مفتوح الج بأي وقت وممكن تراسليني على الخاص وشتريدين اني موجوده وبالخدمه قبل متسوين اي شي حاولي تكليلي مو تدخل بس كنصيحه ممكن اني استقبلج من مطار لبنان او ادبرلج حجز وبيتي مفتوح الج اذا حبيتي.
اختكم
ساسي
من رخصة اخوية vincenzo.....اختي ابد لا اتفكرين ابمصر لان هسة من بعد قرار الامم المتحده راح اشوية الامور تتغير ما عدا للناس اللي امسجله مسبقا...
دبري امورك على لبنان او سوريا او الاردن ... للعلم مركز الاي او ام الرسمي صار هسة بالاردن ويعتبر هوة السنترل ..
والله الموفق.. دعائي الك وللاهل وانشاء الله تتعدون هاي المحنه يارب ..
اخوكي
علاوي
والله اختي ما اعرف شاكولج
لان انتي اثقف انسان بحيثيات مشكلتج
وارجع واعتذر منج على اسالتي الكثيرة
بس عبالي اني او احد اخواني او اخواتي الاعضاء يكون عندة فد حل بالهدف
ولو اللي انطرح لحد الان جيد جدا بس انتي دتجاوبين على كلشي انه ميفيدكم
زين ما فكرتي بمصر
يم بيت ابو انس وشيبو واحلى بابلية وعكعك واعضاء كلش هواية
ويمكن اصرف من لبنان ويجوز فيزتهم اسهللكم من الاردن
زين سوريا اللي هيه جدا سهل دخولها للعراقيين
اهلا وسهلا بيج عزيزتي
تكدرين تقدمين على اليو ان من اي دوله لبنان سوريا اردن تركيا
بس خلي ابالج نقطه حتى لو احتمالها 1 % تضر وهي رجوعج الى اربيل يعني دخول العراق جائز يسالوج اذا داخله لاربيل تكدرين تسكنين هناك لان منطقه امنه
المهم بالنسبه لبنان لكل شخص 2000 $ وحجز فندق وبالمطار او الحدود الفيزا والباقي مااكدر افيدج كم يوم تبقين معامله اليو ان شكد تطول بلبنان
ان شاء الله الاخوان الي بلبنان ميقصرون
تحياتي
اهلا وسهلا بيج اختي العزيزه
بالنسبه لموضوع التقديم ليش لازم من لبنان
تكدرين تحصلين فيزا لتركيا من السفارة وتجين بالباص اقرب وارخص وبدون اي مبلغ يعني مو مثل المطار
وتقدمين على اليو ان واعتقد لبنان وتركيا نفس الشي بالتقديم بس تركيا شويه اسعر بس اكو غرامات قبل السفر الى امريكا
واي سؤال عن تركيا اني حاظر
صديقي vincenzo
اليونان عباره عن معبر الى اوروبا ومن يلزمون العراقي يبصموا ويكلوله بيتك بيتك يعني ماكو لجوء باليونان اضاهر معلومات ضعيفة عن اللجوء باوروبا
اهلا وسهلا بيج اختنا
ممكن اعرف شنو طبيعة وجودج باليونان
لان بصراحه اول مره اسمع واحد عايش بدولة اوربية ومثلا مهدد او مشتغل وية امريكان
بلكي تشرحيلنا تفاصيل شوية اكثر حتى نكدر نفيدج اكثر
الاخ باسل افترض انج داخلة لليونان بطريقة غير شرعية وما قبلوج لجوء مثل ما صار وياه بالسويد
بس انتي ما اكدتي هذا الشي
ولا حتى كلتيلنا على شنو دتقدمين لان انتي اصلا باوربا
يعني عندج اقارب درجة اولى وتريدين تحولين لجوء وياهم مثل لم الشمل
لو جنتي بالعراق قبل اليونان وتعرضتي للاضطهاد ومن هذا الباب
لو مشتغلة بالعراق اكثر من سنة مع الامريكان وعندج خوش تزكيات وتريدين تقدمين SIV
لو شنو ؟؟؟
لان اني مثلا عندي اصدقاء مقدمين SIV من السويد ومن كوريا ومن ماليزيا لان همه هناك هم لاجئين
ارجو ان متكون اسالتي ثقيلة عليج
وارحب بيج مره اخرى وتقبلي مروري
اعذروني لتدخلي ولو اني مو ابلبنان بس عندي اقاربي كانت تشتغل مع الامريكان وراحت الى لبنان كون سمعت انو التقديم والمعاملات اسرع ... شغله الفيزة تتحصل بالمطار بمجرد ميشوفون عندك 20 ورقه مثل ما كال اخوية باسل ...
لكن الشيء اللي راح تتفاجئون بيه بان ميمددون الاقامه واجراءات الاي او ام والسفارات كلش صايرة بطيئه هناك وهسة اقاربنه كولش ابورطه لان مددت بفلوس وهم ترى عدهم فساد حيل قوي يعني ياخذون فلوس بالدولار جوة العباية...
على كلن اتمنالك الموفقية اختي باربي ويارب تتوفقين .. بس لو اتحاولين من الونان احسن ... عجيب ليش هوة الواحد يرجع لو يروح ليفوك يعني ما كو امل ان اتصعدين الى اوربا ومناك اتشوفيلك جارة ...
امنياتي بالحظ الموفق
علاوي
اختى العزيزة بالنسبة الى فيزا لبنان لا تحتاجين الى الحصول عليها من اربيل وممكن ان تاخذيها فى مطار لبنان اول ما توصلين على شرط ان يكون معك حجز فندق ومبلغ 2000دولار يعطوكى فيزا لمده شهر وقابلة للتجديد شهرين اخرى وسعر التذكرة 600دولار روحة رجعه اجبارى بالنسبة الى طبيعة المقابلات فى لبنان انا رجعت من السويد بعد رفضى هناك فى 2008وقدمت على الامم المتحدة واخبرتهم برفضى فى السويد وقبلونى بشكل طبيعى ولحد الان وصلت الى التوطين واختاروا لى امريكا وانتضر دورى وللتاكيد عندى اصدقاء رجعوا من هولندا قبل فترة قصيرة وقدموا كذلك وانقبلوا اول يوم تقدمين تعتبر المقابلة الاولى والتى تكون بسيطة ومختصرة معلومات عامة تواريخ ميلاد والقصة مختصرة وتاخذين ورقة الامم المتحدة والتى لا تعتبر بمثابة اقامة وفى نفس اليوم يحددون لكى موعد المقابلة الثانية والتى غالبا ما تكون بعد شهلرين فى هذه المقابلة تكون بالتفاصيل اكثر ولمدة ساعتين وبعدها تنتضرين منهم اما اتصال او رسالة على الايميل للمقابلة الثالثة والاهم والتى هى مقابلة التوطين وانى حاضر لاى خدمة وشكرا
