الرسائل

1

الهجرة و واللاجئين / رد: اريد استيراد ستوكات ملابس والعاب من امريكا وكندا

« في: 17:03 05/07/2010  »

اهلا بالاخ العزيز
انا اسكن في الولايات المتحدة الامريكية واعمل بمجال الملابس والالعاب والاجهزة الكهربائية والاثاث المستعمل
طبعا لا يوجد شيء هنا مستعمل تشتريه من المصنع فقط المتضرر اي عيوب بالانتاج وهذه تكون بكميات كبيرة جدا وبالوزن
اما المستعمل يكون بمحلات المستعمل وباسعار قليلة جدا وهناك جديد ولماركات عالمية تكون جديدة غير مستعملة ولكنها خارج موديل السنة فتعامل اشبه بالمستعمل الاسعار رخيصة جدا ولكن الشحن مكلف اي ان سعر الشحن اكثر من سعر البضاعة واذا تحتاج فكرة عن اسعار البضائع ارجو ان تحدد البضاعة وانا سابلغك بسعرها وسعر شحنها
وتكرم عينك

2

الهجرة و واللاجئين / رد: وين اسكن في رالي, نورث كارولينا

« في: 13:26 20/06/2010  »

اختي العزيزة
رالي مدينة جميلة جدا وهي العاصمة طبعا لنورث كارولاينا وبيها عرب هواية ومحلات عربية ونسبة الشغل جيدة اما الاسعار فالشقة ام الغرفة 525 وفوق والشقة ام الغرفتين 625 وفوق وام الثلاثة 750 وفوق وهذا بالمجمعات الراقية والنظيفة طبعا وممكن ارشح لك اسم مجمع صديقي ساكن بيه ومرتاح جدا اسم المجمع
sumter square واسعار الشقق للبارحة هي 572 للغرفة الواحدة و672 للغرفتين بس جدا كبيرة وحمام كبير وخزانات واسعة وبيه مسبحين وجيم وساحات تنس والعاب اطفال وطرق خاصة للمشي ومكانات للجلوس بي الاشجار فد شي يعني مرتب وامن مية بالمية وحاليا عدهم عرض تخفيض 300 دولار اول شهر والتامين مالتهم 125 دولار فقط وتلفونهم 9198513343 وعنوانهم على النت www.sumtersquareapartments.com  و  اي سؤال اني جاهزة وبالتوفيق ان شاء الله

3

الهجرة و واللاجئين / رد: اريد انتقل الى نورث كارولاينا واريد معلومات من اهل الخير

« في: 03:29 12/11/2009  »

الى صاحب او صاحبةالسؤال
اني ساكن بنورث كارولاينا بمدينة دورهام
الجو طيب جدا هسة خريف يعني الاوراق دا تتساقط واكو مطر بس مو كلش قوي والشتاء على الابواب ان شاء الله الجو طيب جدا
بالسبة للدراسة اللغة مجانية سواء بمدرسة اللغات الخاصة بالمنظمة او اكو كلية مجتمع بيها تخصصات مختلفة بفلوس ما عدا اللغة ببلاش وممكن تدرس بيها كل شي تحبة من كومبيوتر او تربية اطفال او خياطة او حلاقة او سياقة سيارات او شغلات للصحة وكومة اختصاصات وكل تخصص ما يتجاوز 300 دولار مع الشهادة مالتة والايجارات بالنسبة للغرفة 5 ورقات وللغرفتين من ستة الى سبع ورقات والشغل قليل بس ممكن تلكي مو ماكو نهائيا والمدينة مقسمة احيار للبيض واحياء للسود والمكسيكان بكل الاحياء موجودين حتى بماعون المركة يطلعون الك وما اعرف اذا اكو شي ثاني اسال وتتدلل

4

الهجرة و واللاجئين / رد: للي عندة فكرة عن الحياة في نورث كارولاينا ونشاط المنظمات فيها

« في: 05:19 10/11/2009  »

الاخ العزيز
اني اعيش حاليا بنورث كارولاينا وياية حوالي سبع عوئل عراقية
حدد لي بالضبط شنو تريد واني انطيك التفاصيل وحدة وحدة وياريت تسويها بنقاط حتى اجاوبك بنقاط
وما راح اجاملك بشي راح ابلغك بالواقع وان شاء الله تاخذ فكرة مفصلةعن اي شي تريدة ..... وتتدلل

5

الهجرة و واللاجئين / رد: هل صحيح تاشيرات الدخول للقاهرة بالنبسبة اللعراقيين قد فتحت

« في: 07:32 11/09/2009  »

اخي العزيز

اني اخوية اجانة لمصر قبل اسبوعين وكلفت التاشيرة 1600 دولار واخذت اربعة ايام حتى طلعت وعادي طبعا كلها تطلع من مجمع التحرير لان موافقة الداخلية يتم ارسالها للمجمع فتاخذها مناك واتوقع هذي اسرع واضمن طريقة
علما ان كل عائلتي مقيمين هناك واخوية هم كان مقيم بس خلصت اقامتة بسبب امتحانات الجامعة ببغداد وما فادت كل محاولات وتوسطات لم الشمل والعلاج وكل الملاعيب هذي
طبعا هذي تجربتي الشخصة انقلها الكم

6

الهجرة و واللاجئين / رد: اخواني احبائي اصدقائي استفسار عن المواد الممنوع دخولها الى امريكا

« في: 07:10 30/08/2009  »

الاخ العزيز

كل شي مسموح تاخذة وياك لامريكا ولكن فقط في الجنط الكبيرة مالسفر يعين ما مسموح تدخل اي شي
بالهاند باك لان يرموه امامك بس اي شي تخليه بالجنط الكبيرة يدخل عادي جدا واذا شافوا بالجهاز شي معين بجنطك وشكوا بيه راح يفتحون الجنط ويفتشوها ويخلولك ورقة بداخلها انه فتشنا الجنطة هذي بس للمعلومات كل شي موجود القهوة اللبنانية والزعتر وكل السوالف بالمحلات العربية حتى المعلبات وكل اللي تشوفة بعمان او مصر او بغداد او سورية راح تلكاه بما فيها الخبز والصمون والطرشي وكل شي

7

الهجرة و واللاجئين / رد: الوجه الاخر!!

« في: 07:52 21/08/2009  »

كلام جميل جدا وبارك الله فيك واذا ممكن اعرف ايميلك حتى اراسلك بخصوص شوية استفسارات

مع الشكر الجزيل لجهودك

8

الهجرة و واللاجئين / رد: مواقيت الصلاه واتجاه القبله في امريكا

« في: 13:43 14/08/2009  »

الاخ العزيز

بالنسبة للاذان احنا نستخدم برنامج مجاني اسمه بلال موجود على النت يحدد الك المواقيت وياذن بكل وقت للصلاة وبي تلاوة للقران وكل شي وهو مجاني
اما بالنسبة للصلاة فعدنة سجادة بيها بوصلة وهي مفيدة جدا ممكن تلكيها بالسوق يعني شي متوفر ان شاء الله ولا تتخوف من سؤالك عن القبلة لان المساجد موجودة بكثرة ومن تروح وتشوف كمية المصلين راح تروح منك الخوفة انت تخيل هنا برالي يقيمون صلاة الجمعة ثلاث مرات من كثرة المصلين فاخذوا فتوى انه يقيمون الصلاة والخطبة ثلاث مرات متتالية تبدي من الحادية عشر الصبح وتنعاد ثلاث مرات حتى الك يتمكن من الحضور فلا تتخوف واسال على راحتك وراح تلكي محلات اسلامية كووووومة ومطاعم اسلامية واكل حلال واحنا الى حد الان ناكل دجاج ولحم حلال ومعلبات اردنية لو مصرية لو سعودية وفرقها بسيط مو هواية وحتى الخبز والصمون اللبناني والمناقيش ومن توصل باذن الله راح تتاكد من كلامي وما راح تشيل هم للامور هذي
مع الشكر

9

الهجرة و واللاجئين / رد: سؤال بخصوص محولة الفولتية

« في: 12:25 05/08/2009  »

الاخوة الاعزاء

بالنسبة للمحولات اكو كومة محولات للفولتية من 220 الى 110 بس  تحتاجون تضبطون الواتية ايضا مو بس الفولتية  وماكو محولة تشتغل وية السشوار لان السشوار يكون الواتية مالتة عالية دائما فوق الالف وماكو هيجي محولة لاني دورت هواية لذلك من وصلت الى امريكا اشتريت سشوار وهو متوفر باي سوبر ماركت كبير شوية يعني بكل مدينة راح تلكون سعرة عشرين دولار وامريكي الصنع واكو انواع فخمة جدا توصل الى خمسة وثلاثين دولار فالمحولة ممكن تفيدكم باجهزة صغيرة مثل الحلاقة او براون اما اللابتوب والموبايلات فمحولاتها تشتغل اصلا فقط تحتاجون تحويلة راس البلك الى امريكي وهو متوفر بالاسواق وبالنسبة لعمان موجود بالسيفوي وكوزمو وكذلك عند اصحاب محلات الكهربائيات اللي بالكاردنز قبل دوار الواحة وصدكوني كنت اتمنى لو ما خبصت نفسي بالغراض اللي جبتها وياية لان اللي شفتة هنا يدوخ واسعار ما نتصورها

10

الهجرة و واللاجئين / رد: اسئلة تخص الفحوصات فقط ؟؟

« في: 12:39 27/07/2009  »

بالنسبة للفحوصات اللي بالاردن هي فحص نظر وفحص ضغط وتحاليل واشعة للصدر وفقط اثناء الاشعة يطلبون تنزع القميص وتبقة بالفانيلة والبنطلون علمود يخافون من الازرار والسحابات بالملابس فقط لانها تاثر على الاشعة والحوامل طبعا ممنوعين من الاشعة ويسالوك عندك مشاكل صحية وانت حسب ما تحب تجاوب

11

الهجرة و واللاجئين / رد: جماعة استلام موافقة المحلف 28/3/09 هل من جديد !!

« في: 00:19 22/07/2009  »

احنا استلمنا موافقة المحلف يوم 28\3 وسوينة الفحص الطبي بداية الشهر الرابع وهسة اخذنا دورة ثلاثة ايام بدت من يوم 17\7 وحددوا موعد سفرنا يوم 29\7 وطبعا بالدورة بلغونة كلنا بموعد السفر باستثناء عائلة وحدة فقط وكلنا نفس الموعد وكلنا كنا مستلمين النتيجة يوم 28\3 وقالوا النا الموافقات كلش هواية جاية بالطريق بحيث اول يوم الدورة ماكو مواعيد سفر ثاني يوم بدت الموافقات توصل وثالث يوم كلنا كانت موافقاتنا جاهزة وطبعا رحنا البارحة سلمنا جوازاتنا لليو ان بدير غبار لان همة خابرونة وطلبوها من عدنة وقالوا حتى نسوي الكم تجميد للغرامات حتى لا يسوون النا ابعاد ولا ندفع الغرامات اطمنوا بدت الموافقات توصل بس الكميات ترة كبيرة يعني الدورة كنا صفين مو صف واحد وما دا يلحكون فاطمنوا وخلوا وجوهكم متجهة لله سبحانه وتعالى وايديكم مرفوعة بالدعاء والله ما يرد احد .