الرسائل

1

الهجرة و واللاجئين / رد: كروب القابلوا و منتظري الفيزا - SIV

« في: 04:03 31/08/2011  »

كل عام وجميع الاخوان بكل خير وان شاء الله كل واحد ينول مرادة وان شاء الله يوم كل المنتضرين الفيزا يحصلون عليها وان شاء الله العيد الكبير يكون الجميع بأمريكا .
اخوان حبيت اضيف على الجدول مالتكم معاملتي
المقابلة 23/11/2010 من مصر
حالة الفيزا : قيد الانتضار
تحياتي للجميع .

2

الهجرة و واللاجئين / رد: (((((( كروب //// SIV فقط ///// بحلته الجديده ))))))

« في: 01:51 13/07/2011  »

شكراً لجميع الاخوان الي ردو على اتفساري وارجو التوفيق للجميع ويارب تسهل كل اموركم ويفرج عن همومكم

3

الهجرة و واللاجئين / رد: (((((( كروب //// SIV فقط ///// بحلته الجديده ))))))

« في: 13:08 10/07/2011  »

مع احترامي الك .. اكو مثل مصري يكول الناس خيبتهم السبت و الاحد و انت خيبتك ما وردت على حد .. شنو هالحظ العراقي العاثر

والله يا اخي ما ادري حظي وين نايم . الفكر صاعد على البعير وعضة الجلب

4

الهجرة و واللاجئين / رد: (((((( كروب //// SIV فقط ///// بحلته الجديده ))))))

« في: 12:46 10/07/2011  »

اولا تحياتي الى جميع الاخوة والاخوات في الكروب الرائع
بالمناسبة اني مشاركاتي قليلة جداً لكن انا من المتابعين الجيدين لأن بصراحة ما احب اكتب هواية .
المهم اخواني اني قدمت على SIV من سنة 2009
اجاني الكوم 1/9/2010
قابلت بالسفارة الامريكية بالقاهرة 23/11/2010
صارت الثورة المصرية  25/12/12010
يعني بعد شهر واحد من المقابلة وتوقف العمل بالسفارة من شهر 12/2010 لغاية شهر 4/2011
رجعو يشتغلون عادي من شهر 4/2011 واني لغاية الان انتضر الفيزة مالتي واني لما ادخل على الموقع مال السفارة واحط رقم الكيس مالتي يطلعلي جواب يكول ( في حال عدم وجود اي ضرف طارئ نأمل في اصدار الفيزة الخاصة بك خلال اسبوعين ) وهذا الكلام من شهر 5/2011 ولغاية الان . والمشكلة اني عاصي بمصر وما اعرف شأسوي لأن اذا طلعت من مصر بعد ما احصل على فيزة دخول لمصر لأن اني ما عندي اقامة بمصر أصلاً . واني حاير اذا اكو احد ممكن ينطيني فد فكرة تساعدني اكون شاكر جدا . واذا ماكو فأيضاً رحمة الله والديكم جميعاً

اخوكم عاصي في مصر    

5

الهجرة و واللاجئين / رد: قراري بالغاء الهجرة رسالتي للسفارة

« في: 01:43 30/06/2009  »

والله يا اخي اني هم تعبت من هاي المعمعة . واكول حرامات احنة اشتغلنة وية الامريكان وعبالنة الدنية راح تصير بخير . بس صار العكس . واني اريد ادز رسالة الى البيت الابيض وأسألهم هل احنة العراقيين من ابتدع الكلمة المشهورة (((( أ . ر . ه . ا . ب  )))) لو الامريكان . لأن احنة من جانو  يحتاجون مساعدة من اي توع جنة ما نتأخر وهسة من صارت الشغلة يمنة . كالت الموافقات وحجت المعلومات . حشة القارئ من (!!!!!!) بهاي الشغلة . اعذروني بس اني روحي طكت لأن صارلي 9 اشهر انتضر المكموعة الله يكمعهم . والله  يصبر الجميع ..........

6

الهجرة و واللاجئين / رد: الموافقات شهر ال11

« في: 15:38 05/06/2009  »

السلام عليكم اخوان اليوم اول مشاركة ألي بالمنتدى مع العلم اني من اكثر الناس المتابعين في المنتدى . بس ما احب اشارك اقرة وافلت ., بس اليوم بعد ما قريت موضوع الاخ ( ألي صايرة عليه الردور تكول شريط مال بي كي سي ) . اولا احب اشكر صاحب الموضوع على الروح الرياضية . ثانيا احب اوضح الى جميع الاخوة ألي متأخرة المعاملات مالاتهم بسبب (!!!!!!!!!!!!!!) انه احنة العراقيين اسمائنا اكثرهة متشابهة يعني ( احمد . محمد . حسن . حسين . الى اخره ) وهناك الكثير من الاسماء عليها علامات حمراء . لهذا من اكو واحد اسمة مثلا محمد احمد حسن . اكو هواية اسماء مثل هذا الاسم متشابهة ويكمن علية علامة استفهام . يعني راح كل واحد يحمل هذا الاسم يدخل دائرة الشك الى ان يسوون علية ( double checking background ) هذا من جانب . ومن جانب آخر كثرة معاملات العراقيين . وتماهل جاماعة ال
(IOM )كل هذه العوامل تؤئر على وقت وصول ( الموقرة ) . واخيرا اتمنى التوفيق للجميع . اخوكم اني هماتين بعدني انتظر المخفية .

7

الهجرة و واللاجئين / رد: مترجمون عراقيون يتذمرون من تاخير سفرهم الى الولايات المتحدة

« في: 01:53 31/05/2009  »

والله اخي كل الكلام هذا صحيح واني احد الذين يعانون من هاي المشكلة . حيث اني اجريت مقابلة المحلفين في شهر 3 بمصر وطلعت موافقة المحلفين وراهة بأسبوع ولحد الان انتضر المحروسة الوافقة الامنية . مع العلم انه اختي وزوجهة موجودين في الولايات المتحدة وسوولي توصيو من منظمة الهجرة اهناك واني رفقتهة وية المعاملة مالتي وايضا عندي تزكية من جنرالات اثنين وهمة على مستوى رفيع من الاهمية في الجيش الامريكي ولكن !!!!!!!!!!!!! لحد الآن انتضر والعشا خباز . واتمنى الموفقية لكل الي معاملاهم قيد الانتظار . تحياتي اخي على هذا الموضوع ...