مواضيع

1

مواضيع الحياة العامة في بلاد المهجر (امريكا) / سوال بما يخص برامج دفع الايجار بعد الفتره الاوليه مع المنظمه في امريكا

« في: 19:05 12/02/2011  »

السلام عليكم اعزائي اعضاء المنتدى الكرام
تحيه طيبه
بالحقيقه اني جدا اسف للانقطاع عليكم وذلك بسبب ظروف سفري الى امريكا
حيث وصلت لمدينه شيكاغو قبل شهر تقريبا وتعرفون مخبوصين بالمعاملات والتلاقيح الخ الخ الخ
سوالي لاصحاب الخبره والدرايه هوة

 المنظمه مالتي ملتزمتني بموضوع الايجار لمده ثلاث اشهر حسب ميدعون ومن اخبرتهم انو اذا ملقيت شغل خلال هال 3 شهورشنو الرح يصير
كالو اكو برنامج اسمه hrpr or hprp صراحه ممتاكد هذا البرنامج يساعد اللاجى بدفع ماقيمته 60 بالميه من قيمه الايجار والا40 الاخرى رح تنخصم من قيمه الكاش ايد اللي تنزل ويه الفود ستامب
واعتقد يظل لمده 7 شهور او اكثر هالبرنامج الى ان الكه شغل
فيا اخون هل هذا برنامج جيد لو لا واكو احد مار بيه وصراحه همه ماخيروني ولا اخذو رائي فيما اذا اكو برنامج اخر يعني كانما همه مقررين وماكو اوبشن اخر لان اني اعرف اكو برامج اخرى مثل الماج او المني كراند الخ الخ وهل يوثر سلبا اذا غيرت سكني لان اني ماحاب ابقه بالمكان البيه هسه واريد اغيره وهمه مديقبلون ويكلولي لازم احنه نلكالك مع العلم اني لكيت مكان ارخص من مكانهم وصاحب الايجار مستعد ياجرلي
مع العلم اني عندي طفله رضيعه يعني عائله
ارجو من يملك الدرايه بالبرنامج بالمشاركه بالتفاصيل
وشكرا اخوكم وميض

2

الهجرة و واللاجئين / اكو احد يكدر ينطيني فكره عن مدينه ...

« في: 10:22 08/12/2010  »

[احبائي اعظاء المنتدى
اكو احد يكدر ينطيني فكره مفصله عن مدينه بولايه اللينوي قريب شيكاغو اسمه contryside
وهل يوجد لاجئين في هذه المدنيه حسب علمكم ..اليكدر يساعد اتمنه ان يشاركنه بالمعلومات وجزاه الله كل خير وبميزان حسناته يعني المطلوب معلومات عامه عن الحياه والمصاريف والايجارات والمعيشه بشكل عام وكل ما يخص اللاجئ
وشكرا[/size]اخوكم وميض

3

الهجرة و واللاجئين / اخوان النصيحه جزاكم الله خيرا هل يتم السفر عن طريق ال IOM بالجواز ام بالوثيقة

« في: 15:49 23/11/2010  »

احبائي اعظاء المنتدى الكرام
ارجو منكم النصيحه
اني منتظر موعد سفر من احد دول الخليج ومخلص كل الامور وباقي على السفر فقط IOM تقديم مباشر وسفري رح يتم من نفس الدوله الاني بيهه هسة ولدي طفله عمرهه 4 شهور ولاتملك جواز بسبب امتناع القنصليه عن اصدار الجوازات للعراقيين
السوال هوة هل احتاج جواز اله يعني يسوولي مشكله بالمطار لو السفر يتم عن طريق الوثيقه I لان انى بالدوره التثقيفيه خبرونه انو منحتاج الجواز والسفر يكون عن طريق الوثيقه
ولكن القيل والقال وبعض الاشخاص اقلقونه وكالو لا لازم جواز لان رح تختم خروج بيه من الدوله الانت بيهه
علما انو اني املك للطفله بيان ولاده مترجم والمحلف اخذ نسخه من عنده بوقته اظافه الى كتاب من القنصليه مترجم يؤيد عدم اصدار جواز للطفله
واكيد رح تكلون ليش ماتظيفهه على جوازك او جواز امهه والاجابه انو جوازاتنه ثنينهه G وماعدنه اس ولايمكن اظافه اي شخص على ال جي
وشكرا
وميض

4

الهجرة و واللاجئين / مقابلات محلفين عمان شهر 11-2010

« في: 11:11 31/10/2010  »

احبائي اعظاء المنتدى الجميل وبالتخصيص جماعه عمان
الرجاء التواصل بهذا الموضوع حول مقابلات المحلفين الجاريه حاليا في عمان وكيف كانت طبعا للاخوان القابلو هل كانت سهلة ام صعبه مانوع الاسئله واين كان التركيز
متى تكون نتائج المحلفين
للعلم انو اهلي عدهم مقابله محلفين يوم 14 -11

وشكرا

5

الهجرة و واللاجئين / سوال بخصوص الملفات المتحوله من عمان الى تركيا - محتاج عناوين اي او ام اسطنبول ياحبايبي

« في: 09:29 07/06/2010  »

حبايبي اعظاء المنتدى الجميل محتاج نصيحتكم
محسوبكم ملفه تقديم مباشر على عمان وقابل محلفين وخلص المفروص بانتظار الامنيه بس بسبب اقامتي خارج عمان بدول الخليج حولو الكيس مالتي موخرا الى اي او ام اسطنبول عمود اكمل اجرائات الفحص الطبي والسفر وره الامنيه حسب كلام اي او ام عمان من الدوله الاني مقيم بيه وليس من عمان
وبعد المتابعه مع اي او ام عمان اجاني الرد هذا
Dear Mr. Wamidh,
Thank you for contacting IOM Info Center .
Please contact ICMC Istanbul for further procedures as your case is being transferred to their end.

سوالي يا احبابي شنو هيه عناوين ICMC Istanbul
وهل عدهم تلفون ايميل وشتنصحونه نتصل بالايميل لو نخابر ومن الله التسهيل
وشكرا مقدما للاججابه لان اعرفكم متقصرون
اخوكم
وميض

6

الهجرة و واللاجئين / جماعه شيكاغو بلكت تنصحونه

« في: 15:40 02/06/2010  »

الاخوان الاعزاء اللي عايشين بشيكاغو بلكت تنصحونه بمعلومات عن طبيعه المساعدات بشيكاغو والعيشه شونهه اني كفيلي هناك ودانتظر امنيه بس ماعندي فكره شون الامور هناك هل هيه عائليه لو لا امينه لو لا كل الاعرفه انو جوهه حيل بارد
بلكت تسعوفنه بالمعلومات الممكنه واكيد مرح تقصرون لان القلقني صراحه احد الاخوة سوالياهه فد مره موزينه ومو امينه ومتنجرع الخ الخ
وشكرا

7

الهجرة و واللاجئين / للمقيمين في الامارات وعندهم ملف IOM في عمان

« في: 07:46 01/06/2010  »

اخواني اعظاء المنتدى الغالي عنكوا
احب اشاركم بمعلومات تخص ملفات الاي او ام في عمان وخاصه للمقيمين في الامارات
اول شي ابدي بقصتي وياكم
اني مقدم اي او ام من عام 08 في بغداد وكنت ولازلت  مقيم بالامارات ولان الموضوع طول هوايه وظلينه فوك السنتين بطرك الاي زد نمبر نصحونه الاخوه في المنتدى بتحويل الملف الى عمان وطبعا اني تقديم مباشر وهذا ماحصل والحمد لله الامور تيسرت وره التحويل وقابلت كل المقابلات واجاتني موافقه محلفين لكن خلا فتره المقابلات زوجتي كانت حامل واجلنه السفر اكثر من مره وياهم وكذلك الفحص الطبي والحين احنه بانتظار الامنيه ومفاحصين الى ان تنجب زوجتي وراهه نسوي اظافه طفل وفحص مره وحده
وعليه اجاني الابديت من المنظمه انو جماعه الامارات رح يتم تحويلهم عن طريق اي او ام اسطنبول ومن ثم باقي الاجرائات والسفر من الامرات واكرر من الامرات وليس من عمان
واعتقد هذا خبر جيد من ناحيه قلة الزخم وسرعه الانجاز بالمعاملات
وهذا الخبر كالولي عليه جماعه الاي او ام عمان بالتلفون قبل سبوع ومحبيت ابخل بيه عليكم
اظافه الى هذا اني ردت افتح كيس جديد الى والدي ووالدتي واختي برابط ظعيف لكن الموظفه كالتلي حسب الكلام اعلاه انو مرح تكدر بعد تفتح ملف الى اهلي لان همه مقيمن بالامارات واكو حلين لو تجيبهم يستقرون الى عمان لو تنتظر التحويل مال ملفك وراهه تشوف يجوز يفتحولك ملف بالامرات
وصراحه اني موضوع ملف اهلي قلقني شويه لان كنت مخطط افتحلهم وره ماحصل موافقه المحلفين لكن هسه تعرقلت شويه لان صعبه اوديهم لعمان وحدهم واكنسل اقاماتهم واني ناقشت الموضفه وكتلهه شنو الفرق ان يجون يمكم او يبقون هنا وينتظرون المقابله الى ان يصير موعدهه ويجون عليهه خاصه انو اقل موعد يكون شهر الى شهرين من تاريخ الاخطار ومع الاسف مكان عدهه رد منطقي
لو عدكم حل اخوان الرجاء النصيحه واتمنى المعلومه اعلاه تكون مفيده للجميع
وشكرا
وميض

8

الهجرة و واللاجئين / iom بغداد اغرب حاله -رفض من قبل موضفه ال iom بعد انتظار دام سنتان

« في: 01:48 21/05/2010  »

اخواني الاعزاء اروي هذه القصه اللتي حدثت يوم امس في بغداد نقلا عن صديق لي عسى ان نرى في ردودكم الجواب الشافي
الشخص مقدم على اي او ام بغداد من عام 08 بالايميل تقديم مباشر وبعد جر وعر وايميلات وصل لموعد مقابله اولى في بغداد يوم 20 - 5  والشخض هذا مقيم في دوله الامارات العربيه ومسافر من بغداد من عام 06 ومراجع نهائيا وهوة تقديم مباشر وهاي المعلومات كلهه دازهه بالايميل مع باقي المستندات للاي او ام
المثير بالموضوع انو مقابلته الاولى يوم امس مع موظفه الاي او ام المصريه ماطولت اكثر من 10 دقايق حيث اخبرني وهوة بحاله نفسيه سيئه انو الموضفه بالنص طبت عليه وكالت اله انت عندك اقامه في الامارات وعليه كلشي ماكدر اسويلك ومرح اكدر اكمل الكيس مالتك وتكدر تغادر وسط دهشت الشخص اللذي تكبد عناء السفر مع عائلته من الامارات للعراق والشخص اخبرهه انو الاقامه هاي متمثل اي شي حيث ممكن على اي ساعه تتكنسل ويضل بلا مكان وانو هوة حياته مهدده ولكن لاحياه لمن تنادي واصرت على انو لاتستطيع عمل شي له
فسوالي هل تستطيع موظفت الاي او ام ان ترفض الكيس لهذا السبب ام ان عملهم هوة فقط التحقق وترتيب الاوراق لحين مقابله المحلفين مع العلم انو الرجل لايستطيع دخول عمان لاسباب امنيه وشخصيه واتصل بعمان كالولهه ماكو هيجي حاله وهذا تصرف فردي وليس من حق الموضفه انت ترفض او تلغي هذه الكيس
اني نصحته انو يكتب ايميل الى المنظمه بالتفصيل لما حصل معه خصوصا انو وسيله الاتصال الوحيده هيه الايميل وكذلك نصحته يقدم على الاس اي في لكن اكيد الموضوع رح ياخذ وقت اكثر
فيا اخوان اعظاء المنتدى نتمنى ان نجد بعظ الحلول لهذ الشخص في ردودكم الغاليه وشكرا

9

الهجرة و واللاجئين / سوال ططوي للاخ عكعك بخصوص مقابلات محلفين عمان

« في: 00:31 12/05/2010  »

السلام عليكم
صراحة السوال للجميع بس اني خصيت الاخ عكعك لاجوبته الدقيقة هوة والاخت انجي على اغلب اسئله الاعظاء
اني قابلت محلفين يوم 6-5 عمان والمحلفه شكره ولابسه مناظر وجانت شويه اكرسف وياي وشويه حديه يعني اول شي دخلت واحد وياهه مبين عيني عينك سي اي ايه لو اف بي اي وكالت هذا يكعد ويانه ومحددت شنو وضعه وجانت وضيفته فقط يتفرج ويسجل كل حركه اقوم بيهه مع العلم قصتي طبيعيه ومابيهه شي غريب وبالعكس اني مخادم عسكريه لان جنت منتدب على المنتخبات الوطنيه الرياظيه
وراهه كالتلي اعرف بيك تحجي انكليزي زين بس اريدك تبقي المترجم علمود اتاكد ميه بالميه انت دتفتهم السوال واثناء الحجي شويه كمت اجاوب انكليزي وعربي لا اراديا جان تكول لو عربي لو انكليزي تحجي وياه نتره شويهه فاني اعتذرت الهه لان فعلا مجنت اقصد
الاسئله مالته ركزت على اسئله اخونه عكعك ال15 سوال مال نعم ولا وعادتهه اكثر من مره وركزت كلش هواي على العسكريه وسبب المغادر ه من العراق وليش ماكدر ارجع نطتني كم تاريخ خطا وصلحته الهه والمقابله كلهه مطولت غير نص ساعه ومدخلت بتفاصيل القصه مالتي الجنت محظرهه يعني لو كلش جانت مقتنعه لو حيل ممقتنعه وتريد تشربتني ومستحيل تكدر تقره اي انطباع على وجهه وره المقابله
فيا اخوان شنو رايكم واكو واحد مار بنفس التجربه وشكرا

وميض

10

الهجرة و واللاجئين / مقابلات محلفين عمان - اخبار -نتائج -سوالف

« في: 14:21 25/04/2010  »

اخواني واخواتي الاعزاء اني حددولي مقابله محلفين عمان بتاريخ 5-6 والاعرفه من خلال متابعتي اكو هواي من اصدقائنا بالمنتدى حددولهم قبل هالموعد يعني اكو ناس ديقابلون من يوم 22
فممكن يشاركونه خبراتهم والمواقف الواجهوهه بالمقابلات وشصار وياهم والاهم هوة هل تم تحديد موعد لتسليم النتائج
وشكرا

11

الهجرة و واللاجئين / هل ممكن التحويل من برنامج الاي او ام الى الاس اي في من داخل امريكا

« في: 07:37 24/04/2010  »

السلام عليكم اخواني اعظاء منتدى عنكوا
عندي سوال بسيط والمطلوب من اصحاب الخبره الافاده رجاء
اني مقدم على برنامج الاي او ام لللاجئين عمان تقديم مباشر وعندي مقابله محلفين قريبا ان شالله وموخرا اكتشفت انو حالتي مسموح لها التقديم على برنامج الاس اي في
وماعندي ويه الا س اي في غير فقط رقم كيس نمبر  ويردون عده وثائق اخرى داحظرهه
سوالي هوة لو انقبلت على برنامج الاي او ام وسافرت عليه مثلا هل ممكن من اوصل اتابع واكمل برنامج الاس اي في واحول عليه
والاعرفه ماكو فرق بيناتهم غير فقط بمده الحصول على الكري كارت وهذا شي مهم بالنسبه الي
وشكرا

12

الهجرة و واللاجئين / اخوان ... الواحد شيلبس بالمقابله برايكم

« في: 00:35 26/11/2009  »

حبايب اعظاء المنتدى الجميل لاتظحكون من السوال لان المظهر مهم خاصه بهيجي مقابلات مصيريه
وداعيكم عنده مقابله بعمان الشهر القادم اول مقابله الي . براييكم واحد يروح قاط لو سبورت لو جنز لو شنو
مشكور لنصائحكم

13

الهجرة و واللاجئين / شغله معقده وشائكه اتوجهه بيه لاهل الخبره بال IOM

« في: 01:43 25/11/2009  »

موضوعي شائك شويه ويرادله صفنه وحبيت اشارك بيه بهالمنتدى الجميل الاعتبره رافد مينقطع من المعلومات

حبايبي اني مقيم بدوله خليجيه وعندي كيس مع اي او ام بغداد من اكثر من سنه وحولته لعمان واجاني موعد مقابله اولى شهر القادم
بالكيس مالتي اني وزوجتي فقط
لكن عندي ام واب واخت تحت ال20 سنه ايظا فيمقيمين في احد الدول الخليجيه ولظروف عائليه يطول شرحهه ماكدر اجيبهم وياي رائسا علما انو اني كفيلهم وعندي اثباتات رسميه من محكمه بهالموضوع
سوالي:
هل ممكن افتحلهم كيس ثاني وياخذ مساره الروتيني على كيفه بحيث انو اذا الله راد اسافر واستقر ثم همه يجون ومقدر انو ممكن يرحون غير ولايه ماعندي مشكله بهالموضوع
او هل ممكن انو بعد ماروح واستقر واحصل على الكرين كارت بعد سنه او اكثر ان اسحبهم لو الكيش مالتي رح تنقفل
يعني باختصار شديد ماريد اخذهم كلهم سويه ويايه فشنو الحل
وبنفس الوقت مامستعد اخليهم بهالدوله الخليجيه اكثر من سنه

فياريت من اهل الخبره ينصحونه ويوجهونه وجدا مشكور

14

الهجرة و واللاجئين / اي ولاية اختار

« في: 01:35 25/11/2009  »

اخواني الاعزاء
بعد صبر طويل مع IOMبغداد لمده اكثر من سنه قررت ان احول ملفي الى عمان علما اني مقيم باحد الدول الخليجيه
والحمد لله اتى الفرج بموعد مقابله اولى بشهر ال12 بعد ايام فقط من تحويلي للملف
ومن ظمن الامور الكالولي عليهه انو احظر لسته باسما الاهل والاصدقاء بامريكا
سوالي
اني عندي اصدقاء ب 3 ولايات وكلهم مستعدين يعطون عناوينهم
الولايات هيه
شيكاغو واريزونا فنيكس وكاليفورنيا
فشتنصحوني ياخوان لان سمعت تحديد الولايه مهم ومداعرف اختار صراحه
علما ان مجال عملي هوة في مجال IT  يعني تقنيه المعلومات وكذلك تجاره الحاسبات والسيارات بشكل متقطع

وشكرا للنصيحه مقدما

15

الهجرة و واللاجئين / كيف يمكنني ان احدد الولايه اللتي ارغب بها

« في: 01:09 22/10/2009  »

اخواني اعظاء المنتدى الجميل
سوالي بسيط
هل ممكن ان اختار الولايه اللتي ارغب بها بدلا من جعل ال iom هوة اللذي يختارها لي
وما هو المطلوب عمله في المقابله او ماهو الواجب قوله حينها
علما اني مقدم على ال IOMواخر مراسله الهم كالولي انت واكف على المقابله وهاي اول مقابله حتكون

يعني اليصرفلي انو اختار الولايه البيه مجال عمل حاسبات IT وسمعت انو ممكن يعطون فلوس بدل سكن واني ادور على سكن بدل ماهمه يسكننوني ... فهل هذا صحيح وممكن
وشكرا

16

الهجرة و واللاجئين / اخوان احول من IOM بغداد الى IOM الاردن لو لا شتنصحوني

« في: 08:57 24/09/2009  »

اخواني الاعزاء اعضاء المنتدى الغالي ارجو من اصحاب الخبره افادتي ونصحي بعد الاطلاع على قصتي ادناه
قبل سنه تقريبا يعني بشهر 9 من عام 08 قدمت عن طريق الايميل على الاي او ام بغداد علما انو اني مقيم باحد الدول الخليجيه ووره فتره قصيره اجاني رقم BGD 4xxx
وتفائلنه خيرا ولكن بعدها اسبوع يمضي وره اسبوع وشهر وره شهر وماكو شي وكلما اراسلهم يجاوبون انو الكيس مكامله ودزلنه employment verfications  مع العلم اني دازه اكثر من 3 مرات بين كل مره ومره شهرين او 3 حسب طلبهم
الى ان اكتشفت بالشهر الاخير يعني قبل شهر او اكثر من التاريخ الحالي وعن طريق مديري بالشركه الامريكيه الكنت اعمل بيهه ( وذلك لعلاقتي الطيبه المستمره بيهم وهذا شي مهم لكل شخص مقدم على الاي او ام !!)
انو الكيس مالتي مخربطين بيهه حيث انهم راسلوه قبل كم اسبوع دازيليه الورقه مال الemployment verfications مالتي ويه اوراق جنسيه وشهادته جنسيه لغير شخص طبعا عراقي ايضا
وعليه راسلهم الرجل مشكورا ووضحلهم خطئهم وخالني بال CC مالايميل  واني هم رجعت دزيتت الاوراق القديمه مرت اللخ يله عد اجاني ال IZ نمبر
وهسه دانتظر الخطوه الجايه واعتقد هيه المقابلات وماعرف شوكت بس الله المعين وماعدنه غير الصبر
علما انو IZ العطونياه كالاتي
IZ 108xxx

سوالي هوة هل تنصحوني احول الكيس مالتي الى الاردن لان سمعت كيسات الاردن متطول اكثر من 6شهور

17

الهجرة و واللاجئين / بعد اكثر من سنه مع الIOM اخير اجاني ال الاي زي نمبر

« في: 15:58 18/09/2009  »

اخواني الاعزاء اعضاء المنتدى الغالي احب ان اشاركم اخباري وتتطورات الكيس مالتي مع الاي او ام لغرض افاده الاخوه الاخرين
قبل سنه تقريبا يعني بشهر 9 من عام 08 قدمت عن طريق الايميل على الاي او ام بغداد علما انو اني مقيم باحد الدول الخليجيه ووره فتره قصيره اجاني رقم BGD 4xxx
وتفائلنه خيرا ولكن بعدها اسبوع يمضي وره اسبوع وشهر وره شهر وماكو شي وكلما اراسلهم يجاوبون انو الكيس مكامله ودزلنه employment verfications  مع العلم اني دازه اكثر من 3 مرات بين كل مره ومره شهرين او 3 حسب طلبهم
الى ان اكتشفت بالشهر الاخير يعني قبل شهر او اكثر من التاريخ الحالي وعن طريق مديري بالشركه الامريكيه الكنت اعمل بيهه ( وذلك لعلاقتي الطيبه المستمره بيهم وهذا شي مهم لكل شخص مقدم على الاي او ام !!)
انو الكيس مالتي مخربطين بيهه حيث انهم راسلوه قبل كم اسبوع دازيليه الورقه مال الemployment verfications مالتي ويه اوراق جنسيه وشهادته جنسيه لغير شخص طبعا عراقي ايضا
وعليه راسلهم الرجل مشكورا ووضحلهم خطئهم وخالني بال CC مالايميل  واني هم رجعت دزيتت الاوراق القديمه مرت اللخ يله عد اجاني ال IZ نمبر
وهسه دانتظر الخطوه الجايه واعتقد هيه المقابلات وماعرف شوكت بس الله المعين وماعدنه غير الصبر
علما انو IZ العطونياه كالاتي
IZ 108xxx


وشكرا

18

الهجرة و واللاجئين / IOM شنو السالفه ؟

« في: 13:37 28/06/2009  »

السلام علييكم اعزائي واخوتي اعظاء وزوار المنتدى
اني شغلتي كالاتي
قدمت بالايميل على الiom بشهر 9 من عام 08 واجاني كيس نمبر بشهر 2 من عام 09
واعتقدت انو الامور منتهيه وباقي على المقابلات لحين ماتافجئت بشهر 6 من نفس السنه انو اجاني ايميل يكولي وين ال  Employment verification مع العلم انو اني مقدم ورقه من الاج ار وورقه من مديري الامريكي وورقه شكر من الشركه وبالكل اكو كونتكت نمبر
ممكن احد ينصحني او ما بنفس الشغله اني مستقر بدوله الامارات
فهل هالشي ياثر انو البلد نوعا ما امن فتاخرت معاملتي المهم اني رجعت دزيت نفس الاوراق وخلييت ايميل مديري وتلفون بالبدي مال الرساله نفسسه وخليته سي سي همين
وفوكاهه قدمت على ال ISV لان الظاهر شغلت IOM حيل طويله ويرادلهه نفس
وشكرا

19

الهجرة و واللاجئين / هل استطيع تقديم اوراق الاب والام والاخت بعد حين بالنسبه للIOM

« في: 07:44 06/06/2009  »

السلام عليكم اخواني الاعزاء
عندي استفسار واتمنى القه الرد الوافي منكم
اني اوريدي عندي رقم ملف بالIOMولهسة ممقابل المقابله الاولى
واني مقيم بدوله عربيه وشبه مستقر اني واهلي يعني زوجتي وامي وابويه واختي
العملته انو قدمت بمعاملتي مال الاي او ام اني وزوجتي فقط وكلت من اروح واشوف الاوضاع هناك اقدم لاهلي يعني امي وابويه واختي
فسوالي انو اذا اروح واوصل اذا راد الله هل استطيع التقديم بسهوله للاهل لو هم نفس الشغله ومقابلات ومحلفين
يعني الافضل اقدملهم ويايه ونروح كلنه ومندري شنو الوضع هناك لو اتريث
اعرف دوختكم بس العنده خبره بهالموضوع لايبخل علينه وشكرا

20

الهجرة و واللاجئين / IOMاحتاج نصيحه

« في: 13:29 05/06/2009  »

اني شغلتي بدت كالاتي قدمت عن طريق الايميل BaghdadInfoCenter@iom.int في شهر 9 من عام 08 بعد ان رافقت جميع الوثاسق والدلائل ورساله من مديري الامريكي وجائني الرد برقم كيس BGD4xxx
في شهر 2 من عام 09 ولحد الان لايوجد اي رد بخصوص المقابله الاولى علما ان ماقرئته من خبره الاخوان ان المقابله عادتا بعد شهرين او 3 من تاريخ رقم الكيس وللمعلومات ارسلت اكثر من ايميل للIOM ولم استلم سوى رد واحد ينصحني بالصبر ويقول بالنص
Dear Sir,
Thank you for your email.
Please note that your case is still in process
 We will contact you in the future for any progress in your case
Kindly note that the process might take a lot of time
Your patience will assist us in moving faster with the application

هل من احد يستطيع النصيحه اخوان
وشكرا