الرسائل

1

الهجرة و واللاجئين / رد: أمريكا والحياة الرائعه

« في: 17:09 14/06/2009  »

اخوان
اني وصلت اميركا صارلي 5 تيام
استقبلتني الكنيسة هيه السبونسر مالي او ما عائلتي
طبعا الكنيسة ساعدتني هواي
استقبلوني بالمطار استقبال بهيج
انطوني كار سيت مجانا للاطفالي(اباميركا ممنوع اتكعد طفل ابسيارة اصغر من 5 سنوات الا بكارسيت على حجمة)
انطوني تلفزيون 36 بوصة
فديو كاسيت
جهاز كرام
عربانتين لدفع الطفل واحدة لابنتي سنة و نص و اخرة اكبر لابني 3 سنوات
مايكرويف
مكنسة كهربائية
جاري اعطاني بش انتر نت بدون مقابل و قال لي هذه شي بسيط على ما عملته حكومتنا ببلدكو فأرجو قبوله مني مع اعتذاري
 طبعا هاي الامور كلها خارج الاساسيات من ضمن منحة المنضمة الي تشما اغراض المطبخ و الاسرة و الطعام المتروس بالثلاجة و الكاونترات مال مطبخ (حتى هيل او بهارات خالين)
او كل مقابلاتنة اليومية يجينة شخص متطوع من الكنيسة بسيارتة ياخذنة انكمل الاجرائات او يرجعنة مثل مقابلة السوشل سكيورتي او المدكل تيست
اول بارحة الشخص الي اخذنا المقابلة السوشل سيكيورتي هو قاضية امريكية عمرهه تقريبا 50 سنة و هي عضو فعال بالكنيسة (السبونسر مالي)


الغرض من هذه المقدمة ان اميركا حلوة و نظيفة و امنة و الجو نقي لاكنها صعبة على اللاجء الجديد لانه يحتاج الى مساعدة
يحتاج الى من يرسم لة الطريق ليسير فيه
خلال الايام الخمسة الماضية قابلت عوائل عراقية
و عندما علموا ما فعلت الكنيسة لي و لعائلتي
حسيت انهم (تقريبا ضاجو)
كالوا انهم محد استقبلهم او اعتنة بيهم مثل ما حصل معي
فهيه ايضا مثل ما نكول حضوض


بورتلاندي
(الوحيد الغريب سابقا)

2

الهجرة و واللاجئين / رد: abosteven in Seattle

« في: 21:33 13/06/2009  »

ابو ستيفن
شلونك
شلون الجهال انشاللة بخير
واللة جانت رحلة متعبة اليوم ياللة اني فكني التشنج
بس اذا تكدر سوي مثلي اطلع اركض راسا ايروح التشنج
خوش
ابو علي

3

الهجرة و واللاجئين / رد: مقابله الثانيه IOM بغداد

« في: 14:47 11/06/2009  »

عيني ابو هداوي اني هم مقابلتي جانت وكتهه كلش قصيرة هذه معناتة قضيتك قوية او اعتقد سولفتلك عليهه اني ابوكتهه

المهم ما بقة شي
انشالله

4

الهجرة و واللاجئين / رد: الحمد لله وصلت بورتلاند و غيرت اسمي(الوحيد الغريب)

« في: 10:07 10/06/2009  »

رح اجاوبك بسرعة
لان والله العظيم ليهسه تعبان او رح اروح انام و رة الرد
اولا اني ما اهتم بالنجمات المهم المشاركة او ماعندي وكت ارتب وية الادارة لان كلششششششش مخبوص
انتة تستلم الورقة الي ادخلك المطار من الشخص الي خابرك بس مو يم عباس شوية لي كدام يم سيارات النقل الي ادخل المطار
رحت ساعة ستة و نص او الولد اجة بالسبعة او ربع
رح ينطيك ورقة ادخلك طبعا مع اضهار الجوازات
تتقتش او تدخل جوة الولد جوة رح ينطيك التكتات او خط الرحلةاو شتريد اسألة يجاوبك(داخل صالة المطار )
اني اخذت وياية كامرة او محد حاسبني عليهه بس اني اكلك ماطكيت بيهه صور لات خفت لا احد من امن المطار ايسويلي اشكال او تعرف الامنيات
نصيحتي الك لا تكثر غراض او هدوم خاصة اذا عندك اطفال
لان رح تتعب من شيلتهم او شيل الجنط
او انتة رح تلكة كلشي جاهز انشالله بالسكن مالك حتى هدوم الاطفالي او احذية جديدة حاطيلي بالسكن

يالله اني رح اروح انام
او شكرا على التعش تالاق هههههههههه

5

الهجرة و واللاجئين / الحمد لله وصلت بورتلاند و غيرت اسمي(الوحيد الغريب)

« في: 08:54 10/06/2009  »

الحمد لله
وصلت بورتلاند اريكون
مدينة رائعة الجمال
الخضار في كل مكان
استقبلتنا الكنيسة بالمطار استقبال بهيج
7 نساء 6 امريكيات و واحدة عراقية
و كانوا فرحين بنا و كاتهم يستقبلون افراد من عائلتهم
المهم وصلت للشقة و نحن مرهقون جدا
اعذروني اخواني
ما رح اكدر اطول لان الرحلة متعبة جدا
19 ساعة طيران من بغداد الى بورتلاند
مرورا بعمان و شيكاكو
خاصا انا لدي طفلين
ابني 3سنوات
و بنتي سنة و نصف

انشاللة استطيع كتابة تفاصيل اكثر بالمستقبل

بورتلاندي