3
السلام عليكم
اني وصلت الى تكساس -فورت ورث قبل 8 اشهر وبس استلمت ال فود استامب راسا اتحاسبت وياية منظمتي والي هية الورلد رليف وجابولي كشف حساب بكلشي ووصولات لان ميكدرون يتلاعبون باي شي لان هاي اموال مساعدات مصروفة من الولاية والمبلغ هوة جان 1100دولار استلمت منهة 765دولار لان الباقي هوة جابولي بي اكل وفراش ومستلزمات طبخ وبطانية وبعض المستلزمات مال الحمام وكرسي وميز وحتى السيارة الي جابتني من المطار حسبوهة فلوس علية 45 دولار لانه يحسبوهة سيت اب المهم يعني همة ما اكلو علية فلس بل عكس
واني دورت هواية وتحققت من هل موضوع بولاية تكساس احجي حصرا لان ما اعرف بغير ولاية شنو القانون
هنا بتكساس المبلغ هوة 1100 ورادو ينطوني بل بداية هم 900 على اساس اني سنكل وممتزوج كلتلة للكيس وركر مالتي لا القانون الجديد من الولاية 1100 وفعلا صرفولي 1100 دولار ترة اكو بعض بيهم يعقدوهة بس من يشوفك مصر وتعرف بحقك وبل قانون راسا يتراجع
وبل نسبة للورلد رليف اذا اشتغلت خلال فترة 3 اشهر من وصلولك للولايات المتحدة يصرفولك مبلغ تشجيعي 150 دولار هاي من المنظمة مو من الولاية وبل نسبة للي منظمتة الكاثلوك جيرتي يستلم 450 دولار مثل مستلم صاحبي جك وشوفني ياة بعيني شفتة
هاي شغلة والشغلة الثانية اذا اشتغلة فول تايم ودخلك زاد الشهري عن 1489دولار يكطعون عنك الفود ستامب والمساعدات للفترة المقبلة مال الاربع اشهر الثانية والي هية 187دولار
لان البرنامج بتكساس هوة كل تالي وباي منظمة طبعا سواء كانت الورلد رليف او الكاثلوك جيرتي
1- اول اربع اشهر من وصولك ينطوك بل شهر 450 دولار
2-فود ستامب 200 دولار معبة كل شهر يعبولك ياة اوتامتيكي فاذا اول شهر مثلا مستعملتة كلة استعملت 100 وظلت مية الشهر الثاني اتصير 300 بل كارت
3-ميدي كيد ظمان صحي لمدة 8 اشهر قابل للتجديد
4-الفود ستامب بعد الاربع اشهر ايسولك بي مراجعة للتجديدي وعلى الاكثر يخفضوة اذا اشتغلت فول تايم يعني ميضل 200 دولار وفي بعض الاحيان يلغى
5-برنامج المساعدات الثاني ويستمر ايضا لمدة اربع اشهر على 187دولار هذا على اساس انهة دخلك الشهري ميتجاوز ال 1489دولار بس دير بالك لان همة من ياخذون معدل اخر اربع صكوك مال راتبك يضربوة بفاكتر الي هوة 2.7 يزيدوة للمعدل فانتة ابد لا تشتغل اضافي اشتغل فول تايم اوكي يعني اربعين ساعة بل اسبوع واعتبر الاضافي مالتك هوة دخلك من المنظمة الي هوة 187 دولار ووراهة من يخلص البرنامج يالله اتجه لل اضافي
ارجو ان اكون وضحت كلشي
والسلام
عرض المشاركات
