الرسائل

1

الهجرة و واللاجئين / رد: والله دوخه ارجو من الجميع ايدخلون ويساعدوني والله دايخ.

« في: 06:19 24/09/2009  »

الأخ عكك ممنون منك جدا على هاي المعلومات القيمه وان شاء الله تسافر والله يوفقك.
الأخت بغداد1975 اني جداً اشكرج على الميلات وارقام التليفونات لان ماكانت عندي اشكرج وان شاء الله السفر القريب.

أن شاء الله السفر القريب لكل اخوانا بالمنتدى والله يوفقكم.

2

الهجرة و واللاجئين / رد: سؤال وارجوا الرد

« في: 22:44 22/09/2009  »

أختي الجنابيه
ممكن اتكولين النا وين المقابله اجريتيها  يعني ابغداد لو سوريا او عمان او تركيا او بمصر علمود نعرف.
لان حسب خبرتي كل مكان واله خصوصيه ومعامله تختلف
أرجو التوضيح

3

الهجرة و واللاجئين / والله دوخه ارجو من الجميع ايدخلون ويساعدوني والله دايخ.

« في: 21:09 22/09/2009  »

أخواتي و أخواني الأعزاء :-

موضوعي خلي اشرحه  بالتفصيل علمود اوضح الكم الصوره علما اني مقدم على الأي او ام من بغداد
 مقابله اولى 1-4-2009
 مقابله ثانيه 7-7-2009
 فحص طبي 9-7-2009
 يوم 20-7-2009دزولي ميل من اي او ام اسمه الموضوع Case Status \ TS كاتبين بيه انته منتظر الموافقه الأمنيه ومندري اشكد وتجي وراح نبقيك على المستجدات الخاصه بالكيس مالتك.
 اتصلو بيه رقم من عمان بنيه كالت اسمها خلود يوم 24-7-2009 وسئلتني اسمك وعنوانك ابغداد واذكرلي اسماء اخوانك ذكرتهم بالتسلسل وانطيني اسم زوجتك واطفالك كتلها اني مامتزوج والكيس اني وحدي بيه بس كتلها شنو هل الأسئله كالت تأكيد معلومه.
 يوم 25-7-2009 تم الأتصال بكفيلي بكاليفورنيا وحددو موعد وياه ووقع الأوراق يوم 5-8-2009  وكالو اله اتحضر صديقك خلال شهر الى شهر ونص يوصلك.
 طبعا الى حد الأن ماكو شي اتصل بمصر ايكولون الي بعدها الأمنيه ماجايه.
سؤالي شنو ؟! بعد ما انطيتكم صورة كامله كل الي يقابلون ابغداد ايدزولهم خلال 45 يوم من المقابله الثانيه قرار المحلف بملف بي دي اف فايل على الميل والمقبولين امأشر على المربع الرابع والي هوة انته شغلتك تنتظر الأمنيه واذا تريد انكمل الك اجراءاتك سوي ريبلي للجواب, اكد الميل علمود نمشي بأجرائتك الأمنيه زين اني الى هسه ماكو هذا الميل زين شلون اتكلي الموظفه بمصر اجراءاتك الأمنيه ماواصله اذا الى هسه مادازين هذا الميل يعني شلون يمشون بالأجراءات غير ادزلهم ياله ؟ وشلون الموظفه بامريكا اتكله للكفيل اتحضر تستقبله خلال شهر الى شهر ونص ؟؟!! والله دوخه
 ارجو جواب من حضرتكم وممنون جدا.
وان شاء الله غيري هم يستفاد من الموضوع.

4

الهجرة و واللاجئين / رد: أستفسار حول الأتصال بالكفيل والأجرآت الأمنيه

« في: 22:18 19/08/2009  »

أخويه البغداي بس كلي شلون اجازيك والله طرت من الفرح من شفت الرد مالتك لان اكيد عندك خبره واسعه بهاي المواضيع بس والله ان شاء الله اجازيك بالخير وان شاء الله ظرفك ينتهي على خير امورك كلها ماشيه على كولة الحجيه ان شاء الله اشاراتك كلها خضرة ممنون اخي واشكرك من جديد

5

الهجرة و واللاجئين / رد: وطن الغربة ... ام غربة الوطن .... مجرد رأي للحائرين ....

« في: 19:21 18/08/2009  »

والله حجي حجيك حلو ومنطقي بس هذا البلد شلون يعني كلنا راح ننهزم لعد منو راح يبقى يبنيه واني هم مثلك امقدم ودا انتظر بس كلي شنسوي طبعا اني ما طالع علمود اعيش بنظام ولا مرتاح ولا امان ولا علمود الكهرباء والله هاي كلها نتحملها ماطول انته عايش تكدر اتعوض الا الكرامه ماتتتعوض والله طالع علمود الأحترام اريد احس بقيمتي مثل البشر ليش الي عنده غير جنسيه يفتر بالمطارات وبدون فيزا وليش احنا من دون كل البشر ننحجز وماكو فيزا وماكو احد يحترم جوازك بس ان شاء الله الي ماكدرنا انحققه ابلدنا انحققه بخارج بلدنا واحنا وين تالينا ومرجعنا بلدنا ماينسانا حتى لو احنا نسينا وان شاء الله ماننساه.وان شاء الله توصل قبلي لامريكا

مع حبي واحترامي لكلامك الي هزني
وحجيت الي بداخل كل عراقي شريف

مع الشكر والتقدير

6

الهجرة و واللاجئين / أستفسار حول الأتصال بالكفيل والأجرآت الأمنيه

« في: 18:57 18/08/2009  »

أخواني الأعزاء ارجو منكم الأجابه على سؤالي انا عضو جديد بالمنتدى واكملت المقابله الثانيه والفحص الطبي بعدها بكم يوم اجاني اتصال من عمان من المنظمه كالو الي ارجو ان تنطينا اسمك الكامل وهل انته متزوج ام لا واخوانك اسمائهم بالتسلسل مع العلم اني وحدي امقدم على أعادة التوطين وغير متزوج كلت الها باخر المكالمه بعد مانطيت المعلومات كامله شنو هذا الأستفسار كالت الي بس تأكيد مع العلم اجريت مقابلاتي والفحص الطبي ابغداد وبعدها بشهر تقريبا اتصلو بالكفيل مالتي الكنيسه وكالو اله لازم تحضر وقع اوراق يم بنيه وكالت اله اليوم ادز الأوراق لواشنطن وانته اتحضر تستقبله خلال شهر ونصف طبعاً اني ارتبكت لان بعد ان قريت المواضيع بالمنتدى ماشفت شي مشابه مع العلم اني لحد الأن ورقة الموافقه مال المحلف ما دازيها الي كالو الي 45 يوم وتجيك على الميل ولحد الأن ماكو طبعا صار 43 يوم واتأمل ان تجي خلال اليومين القادمه وبعدها خابرت عمان لان مليت من الأتصال برقم بغداد وماكو فائده كله مغلق اتصلت بعمان البارحه كالو الي شغلتك ابغداد بعد لاتتصل هنا حاولت اتصل بمصر طلعلتي ابنيه انطيتها الأيزي نمبر مالتي كالت الي انته بعدها الموافقه الأمنيه ماجايه مالتك وانته ليش مستعجل بعدك بالبدايه ما مطولة شغلتك حجيتلها على الكفيل والي شرحته الكم فوق برسالتي كالت لا الموافقه  الأمنيه غير والكفيل غير وورقة المحلف غير ردت بس من اخواني الي مواجه هيج حالة يشرحلي شنو اني اطول شغلتي اكو آمل او بيها مجال رفض مدا افتهم مع كل الشكر واي شي عن المقابله الأولى والثانيه ابغداد واي استفسار اني حاضر.